% Text title            : gaNapatistotram 4
% File name             : gaNapatistotram4.itx
% Category              : ganesha
% Location              : doc\_ganesha
% Transliterated by     : Yash Khasbage
% Proofread by          : Yash Khasbage
% Latest update         : June 17, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganapati Stotram 4 ..}##
\itxtitle{.. gaNapatistotram 4 ..}##\endtitles ##
jetuM yastripuraM hareNa hariNA vyAjAdvaliM badhnatA
     straShTuM vAribhavodbhavena bhuvanaM sheSheNa dhartuM dharam |
pArvatyA mahiShAsurapramathane siddhAdhipaiH siddhaye
     dhyAtaH pa~nchashareNa vishvajitaye pAyAt sa nAgAnanaH || 1||
vighnadhvAntanivAraNaikataraNirvighnATavIhavyavAD
     vighnavyAlakulAbhimAnagaruDo vighnebhapa~nchAnanaH |
vighnottu~NgagiriprabhedanapavirvighnAmbudhervADavo
     vighnAghaudhaghanaprachaNDapavano vighneshvaraH pAtu naH || 2||
kharvaM sthUlatanuM gajendravadanaM lambodaraM sundaraM
     prasyandanmadagandhalubdhamadhupavyAlolagaNDasthalam |
dantAghAtavidAritArirudhiraiH sindUrashobhAkara
     vande shailasutAsutaM gaNapatiM siddhipradaM kAmadam || 3||
gajAnanAya mahase pratyUhatimirachChide |
apArakaruNApUratara~NgitadR^ishe namaH || 4||
agajAnanapadmArkaM gajAnanamaharnisham |
anekadantaM bhaktAnAmekadantamupAsmahe || 5||
shvetA~NgaM shvetavastraM sitakusumagaNaiH pUjitaM shvetagandhaiH
     kShIrAbdhau ratnadIpaiH suranaratilakaM ratnasiMhAsanastham |
dorbhiH pAshA~NkushAbjAbhayavaramanasaM chandramauliM trinetraM
     dhyAyechChAntyarthamIshaM gaNapatimamalaM shrIsametaM prasannam || 6||
AvAhaye taM gaNarAjadevaM raktotpalAbhAsamasheShavandyam |
vighnAntakaM vighnaharaM gaNeshaM bhajAmi raudraM sahitaM cha sid.hdhyA || 7||
yaM brahma vedAntavido vadanti paraM pradhAnaM puruShaM tathA.anye |
vishvodgateH kAraNamIshvaraM vA tasmai namo vijavinAshanAya || 8||
vighnesha vIryANi vichitrakANi vandIjanairmAgadhakaiH smR^itAni |
shrutvA samuttiShTha gajAnana tvaM brAhme jaganma~NgalakaM kuruShva || 9||
gaNesha heramba gajAnaneti mahodara svAnubhavaprakAshin |
variShTha siddhipriya buddhinAtha vadanta evaM tyajata prabhItIH || 10||
anekavighnAntaka vakratuNDa svasa.nj~navAsiMshcha chaturbhujeti |
kavIsha devAntakanAshakArin vadanta evaM tyajata prabhItIH || 11||
anantachidrUpamayaM gaNeshaM hyabhedabhedAdivihInamAdyam |
hR^idi prakAshasya dharaM svadhIsthaM tamekadantaM sharaNaM vrajAmaH || 12||
vishvAdibhUtaM hR^idi yoginAM vai pratyakSharUpeNa vibhAntamekam |
sadA nirAlambasamAdhigamyaM tamekadantaM sharaNaM vrajAmaH || 13||
yadIyavIryeNa samarthabhUtA mAyA tayA saMrachitaM cha vishvam |
nAgAtmakaM hyAtmatayA pratItaM tamekadantaM sharaNaM vrajAmaH || 14||
sarvAntare saMsthitamekamUDhaM yadAj~nayA sarvamidaM vibhAti |
anantarUpaM hR^idi bodhakaM vai tamekadantaM sharaNaM vrajAmaH || 15||
yaM yogino yogabalena sAdhyaM kurvanti taM kaH stavanena nauti |
ataH praNAmena susiddhido.astu tamekadantaM sharaNaM vrajAmaH || 16||
devendramaulimandAramakarandakaNAruNAH |
vighnAn harantu herambacharaNAmbujareNavaH || 17||
ekadantaM mahAkAyaM lambodaragajAnanam |
vighnanAshakaraM devaM herambaM praNamAmyaham || 18||
yadakSharaM padaM bhraShTaM mAtrAhInaM cha yadbhavet |
tatsarvaM kShamyatAM deva prasIda parameshvara || 19||

iti shrIgaNapatistotraM sampUrNam |

##
Encoded and proofread by Yash Khasbage

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}