% Text title            : Ganesha Ashtottarashatanama Stotram 2
% File name             : gaNeshAShTottarashatanAmastotram2.itx
% Category              : ganesha, aShTottarashatanAma, shivarahasya
% Location              : doc\_ganesha
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 12 | 50-82||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganesha Ashtottarashatanama Stotram ..}##
\itxtitle{.. gaNeshAShTottarashatanAmastotram ..}##\endtitles ##
\- shivapArvatIsaMvAde \-
shrIshiva uvAcha \-
kAshyAM tu bahavo vighnAH kAshIvAsaviyojakAH |
tachChAntyarthaM duNDhirAjaH pUjanIyaH prayatnataH || 50||
aShTottarashataM divyairgaNeshasyaiva nAmabhiH |
kartavyamatiyatnena navadUrvA~NkurArpaNam || 51||
hiraNmayatanuM shuddhaM sarvArtiharamavyayam |
varadaM gaNapaM dhyAtvA pUjA kAryA prayatnataH || 52||
R^iShirvighnesha ityAdinAmnAM sarveshvaraH shivaH |
devatA vighnarAjo.atra Chando.anuShTup shubhapradam || 53||
sarvapratyUhashamanaM phalaM shaktiH sudhAtmikA |
kIlakaM gaNanAthasya pUjA kAryeti kAmadA || 54||
atha nAmAvaliH |
OM vighnesho vishvavarado vishvachakShurjagatpatiH | (vishvavadano)
hiraNyarUpaH sarvAtmA j~nAnarUpo jaganmayaH || 55||
sarvaj~naH sarvagaH shAnto gajAsyo vigatajvaraH |
vishvamUrtirameyAtmA vishvAdhAraH sanAtanaH || 56||
sAmagAnapriyo mantrI sattvAdhAraH surAdhipaH |
samastasAkShI nirdvandvo nirlipto.amoghavikramaH || 57||
niyato nirmalaH puNyakAmadaH kAntidaH kaviH || 58||
kAmarUpI kAmaveSho kamalAkShaH kalAdharaH |
sumukhaH sarvadaH shuddho mUShikAdhipavAhanaH || 59|| (sumukhaH sarvadaH)

dIrghatuNDaghanuH shrImAnananto mohavarjitaH |
vakratuNDaH shUrpakarNo paramaM pAvaneshvaraH || 60|| (pavanaH pAvano varaH)

yogIsho yogavandyA~NghrirumAjanurayApahaH |
ekadanto mahAgrIvaH sharaNyaH siddhasevitaH || 61||
siddhidaH karuNAsindhuH bhagavAn bhavyavigrahaH |
vikaTaH kapilo DhuNDhirugro bhImodaraH shubhaH || 62|| (bhImodaraH)

gaNAdhyakSho gaNArAdhyo gaNesho gaNanAyakaH |
jyotiHsvarUpo bhUtAtmA dhUmaketuranAkulaH || 63||
kumAragururAnando herambo vedasaMstutaH |
nAgopavItI durdharSho bAladUrvA~NkurapriyaH || 64||
bhAlachandro vishvadhAmA shivaputro vinAyakaH |
lIlAvalambitavapuH pUrNaH paramasundaraH || 65||
vighnAndhakAramArtANDo vighnAraNyadavAnalaH |
sindhUravadano nityo prabhuH prathamapUjitaH || 66|| (viShNuH pramathapUjitaH)

sharaNyadivyapAdAbjo bhaktamandArabhUruhaH |
ratnasihmAsanAsIno maNikuNDalamaNDitaH || 67||
bhaktakalyANado.ameyaH kalyANaguNasaMshrayaH |
etAni divyanAmAni gaNeshasya mahAtmanaH || 68||
paThanIyAni yatnena sarvathA sarvadehibhiH | (sarvadA)
nAmnAmekaikameteShAM sarvasiddhipradAyakam || 69||
atha upadeshaH
sarvavighnesha nAmnAM tu phalaM vaktuM na shakyate |
ekaikameva tannAma divyaM japtvA munIshvarAH || 70||
pratyUhamAtrarahitAstiShThanti shivapUjakAH |
dUrvAyugmAni sa~NgR^ihya nUtanAnyatiyatnataH || 71||
pUjanIyo gaNAdhyakSho nAmnAmekaikasa~NkhyayA |
nabhasyashuklapakShasya chaturthyAM vidhipUrvakam || 72||
vakratuNDeshakuNDe tu snAnaM kR^itvA prayatnataH |
vakratuNDeshamArAdhya sarvAbhIShTapradAyakam || 73||
dhyAyedaghaharaM shuddhakA~nchanAbhamanAmayam |
tataH pUjAM yathAshAstraM kR^itvA dUrvA~NkurairnavaH || 74||
pUjA kAryA visheSheNa nAmochchAraNapUrvakam |
tatashcha modakaidivyaiH sugandhighR^itapAchitaiH || 75||
naivedyaM kalpayeddivyaMH gaNeshAya shubhAvaham |
anyaishcha paramAnnAdyairbhakShyairbhojyairmanoharaiH || 76||
toShaNIyaH prayatnena vakratuNDavinAyakaH |
pradakShiNanamaskArairdivyaistannAmasa~NkhyayA || 77||
kartavyA niyataM shuddhairmaunavrataparAyaNaH |
tataH santarpya vidhichChaivAnbrAhmaNasambhAvAn || 78|| (brAhmaNasattamAn)

punarabhyarchya vighneshamimaM mantramudIrayet || 79||
atha mantraH
vakratuNDa surArAdhya sUryakoTisamaprabha |
nirvighnenaiva satataM kAshIvAsaM prayachCha me || 80||
iti samprArthya vidhivatpUjAM kR^itvA punarmudA |
namaskR^itvA prasAdyainaM gachCheDDhuNDhivinAyakam || 81||
DhuNDhirAjArchanaM samyakkartavyaM vidhipUrvakam |
tatraivArchAvisheSheNa pUjAM kR^itvA tataH param || 82||

|| iti shivarahasyAntargate gaNeshAShTottarashatanAmastotraM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 12 | 50\-82||
##
- .. shrIshivarahasyam . ugrAkhyaH saptamAMshaH . adhyAyaH 12 . 50-82..

Notes:
Śiva ##shiva## tells Pārvatī ##pArvatI## that to have obstacle-free access to Kaśī ##kAshI##, one must worship Dhuṇḍhirāja ##DhuNDhirAja## in the prescribed manner especially on Śukla Caturthī ##shukla chaturthI##; and enlists Aṣṭottaraśatanāmāni ##aShTottarashatanAmAni## of Gaṇeśa of ##gaNesha## for the purpose.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}