% Text title            : Ganesha Apamarjana Stotram
% File name             : gaNeshApAmArjanastotram.itx
% Category              : ganesha, apAmArjana, stotra
% Location              : doc\_ganesha
% Proofread by          : Narendran Madathil
% Description/comments  : From Vighneshvara-stuti-manjari 4, brahmANDapurANe
% Latest update         : October 1, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganesha Apamarjana Stotram ..}##
\itxtitle{.. gaNeshApAmArjanastotram ..}##\endtitles ##
OM asya shrImahAgaNapatyapAmArjanastotramAlAmantrasya brahmA R^iShiH |
shrImahAgaNapatirdevatA | nAnAvidhAni ChandAMsi | mama sakaladoSharogashAntaye
divyabhaumAntarikShatrividhotpAtashAntaye sarvAbhIShTaphalaprAptyarthe jape viniyogaH |
OM gaNeshAya guNeshAya nirguNAya guNAtmane |
pUrNAya parameshAya vighnarAjAya sammude || 1||
arUpabahurUpAya vyApine paramAtmane |
akalmaShAya shuddhAya dhyAtuH pApaharAya cha || 2||
vinAyakAya dhAmne cha mayUreshAya sarvashaH |
chintAmaNigaNeshAya gajadantadharAya cha || 3||
namaskR^itya pravakShyAmi yathA sidhyatu me vachaH |
chaturthItithijAtAya sarvasa~NkaTahAriNe || 4||
namaskR^itya pravakShyAmi yena sidhyatu me vachaH |
Akhudhvaja mayUresha devadeva jagatpate || 5||
siddhibuddhipradAtre cha sakalaM me harAshubham |
gaNanAtha gaNAdhIsha gajAnana gaNeshvara || 6||
DhuNDhirAja gadApANe dantAyudhadhara prabho |
mR^ityubandhArtibhayadaM durdiShTasya cha yatphalam || 7||
parApadhyAnasahitaM prayuktaM chAbhichArikam |
garasparshamahArogaM prayogaM cha yathAkR^itam || 8||
ekAhikaM dvayAhikaM cha tryAhikaM cha mahAjvaram |
chAturthikaM pAkShikaM vA sannipAtajvaraM tathA || 9||
doShamAmayasambhUtamapasmArabhagandaram |
shirorogaM netrarogaM karNarogamathAkhilam || 10||
vAlmIkaM pInasaM hikkAM sandhishUlaM kShayaM tathA |
kAsaM shvAsaM tathA dadruM lUtAvisphoTakaM tathA || 11||
mehaplIhayakShmagulmavya~NgapiplurujaM punaH |
dashadordaNDabhR^iddevo mahAgaNapatiH kShaNAt || 12||
haratu praNataH prANatrANakArI shivAtmajaH |
uktAnuktAshcha ye rogA ye cha janmAntarArjitAH || 13||
te sarve vilayaM yAntu herambasya bhayArditAH |
DAkinyaH pishitAshinyaH bhUtavaitAlikAstathA || 14||
sarve vilayaM yAntu DhuNDhirAjabhayAturAH |
sthAvaraM ja~NgamaM chaiva kR^itrimaM chApi yadviSham || 15||
dantodbhavaM nakhodbhUtamAkAshaprabhavaM tathA |
pishAchaprabhavaM yachcha viShamatyantaduHkhaham || 16||
shamayitvAshu bhagavAn paramAtmA gajAnanaH |
hrIM krauM OM namaH | sarvavighnAdhipataye sarvArthasiddhidAya sarvaduHkhaprashamanAya
ehyehi bhagavan sarvaduShTarogAn khAdaya khAdaya stambhaya stambhaya stambhaya hrIM
gAM namaH svAhA |
krauM hrIM duNDhimayUresha nAmochchAraNabheShajAt |
kShIyantAM sakalA rogAH satyaM satyaM na saMshayaH || 17||
grahA bAlagrahAshchaiva pishAchA yakSharAkShasAH |
nashyanti smaraNAdeva mahAgaNapateH prabhoH || 18||
atisArajvarAH ghorAH kUShmANDajR^imbhakAdayaH |
te sarve prashamaM yAnti vighnarAjena tarjitAH || 19||
siMhavyAghravarAhoShTrakharamArjAramUShakAH |
chaurAshcha rAjachArAshcha shatravo duShTachetasaH || 20||
te sarve vilayaM yAntu dharShitA dhUmaketunA |
prAchyAM dishi pratIchyAM cha dakShiNottarayostathA || 21||
vidikShu dikShu sarvAsu herambaH pAtu mAM sadA |
uktAnuktasthale chAvyAt sadA devo mahotkaTaH || 22||
smaraNena gaNeshasya kShayamenAMsi yAnti yat |
tena satyena sakalaM duShTamasya prashAmyatu || 23||
yathA vighneshvaro devaH purANeShu pragIyate |
satyena tena sakalaM yanmayoktaM tathAstu tat || 24||
shamIpatrairgaNeshasya sadA santoShasAdhakaiH |
samArjitaM mayA gAtramarogaM bhavatu kShaNAt || 25||
madotkaTo gaNAdhyakSho dhUmaketurdvipAnanaH |
shAntAH samastarogAste grahAH sarvaviShANi cha || 26||
bhUtAni pralayaM yAnti saMsmR^ite vighnasUdane |
etatsamastarogeShu bhUtagrahabhayeShu cha || 27||
apAmArjanakaM stotramidamastyabhimantritam || 28||
iyaM shamI vighnagaNeshvarapriyA gaNeshvaro.ahaM svayameva chAgataH |
asminnare duShTamasheShamasti svastho bhavatyeSha gaNeshavAkyataH || 29||
shAntirastu shivaM chAstu duShTamasya prashAmyatu |
yadasti duritaM ki~nchittatkShiptaM lavaNAmbhasi || 30||
svAsthyamasya sadaivAstu siddhibuddhIshakIrtanAt |
yatra chaivAgataM pApaM tatraiva pratigachChatu || 31||
etadrogAdipIDAsu jantunA hitamichChatA |
gANeshvareNa kartavyamapAmArjanakaM param || 32||
anena sarvaduHkhAni prashamaM yAntyasaMshayaH |
sarvabhUtahitArthAya kuryAttasmAtsadaiva hi || 33||
gaNeshapriyakR^itstotraM yaH paThetprayataH sadA |
tasya rogA na bAdhante satyametadbravImyaham || 34||
sakR^itpaThanamAtreNa bhAlachandraprabhAvataH |
ashvamedhasahasrasya phalaM prApnoti nishchitam || 35||
apAmArjanakaM stotraM gaNeshaprItivardhanam |
sakR^iduchcharitaM yena tasya muktiH kare sthirA || 36||
sumukhastavarAjo.ayaM mukhe yasya virAjate |
sumukhIbhUya sadyo.asau nijalokaM sa gachChati || 37||
iyaM sa~njIvanI vidyA devAnAmapi durlabhA |
abhiShikto yayA jantuH mR^ityugrasto.api jIvati || 38||
prasannena gaNeshena mahyamuktastavo hyasau |
lokopari dayAM kR^itvA mayA tubhyaM prakAshyate || 39||

iti brahmANDapurANe gaNeshApAmArjanastotraM sampUrNam |
##
Proofread by Narendran Madathil 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}