% Text title            : Shri Ganeshagitam
% File name             : gaNeshagItam.itx
% Category              : ganesha, gItam
% Location              : doc\_ganesha
% Author                : Subrahmanyayogi
% Proofread by          : Narendran Madathil
% Description/comments  : From Vighneshvara-stuti-manjari 4
% Latest update         : October 1, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ganeshagitam ..}##
\itxtitle{.. shrIgaNeshagItam ..}##\endtitles ##
(subrahmaNyayogikR^itam)
kva prAsUta kadA tvAM gaurI na prAmANyaM tava janane |
viprAH prAhurajaM gaNarAjaM yaH prAchAmapi pUrvatamaH || 1||
nAsi gaNapate sha~NkarAtmajo bhAsi tadvadevAkhilAtmakaH |
IshatA tavAnIshatA nR^iNAM keshaveritA sAshayoktibhiH || 2||
gajamukha tAvakamantra mahimnA sR^ijati jagadvidhiranukalpam |
bhajati haristvAM tadavanakR^itye yajati haro.api virAmavidhau || 3||
sukhayati shatamakhamukhasuranikarAnakhilakratu vighnaghno.ayam |
nikhilajagajjIvanadaH sa khalu yataH parjanyAtmA || 4||
prArambhe kAryANAM herambaM yo dhyAyet |
pAraM yAtyeva kR^iterArAdApnoti sukham || 5||
gaurIsunoH pAdAmbhoje lInA chetovR^ittirme |
ghore saMsAraraNye vAsaH kailAse vAstu || 6||
guhaguru padayugamanishamabhayadam |
vahasi manasi yadi shamayasi duritam || 7||
jaya jaya sha~NkaravarasUno bhayahara bhajatAM gaNarAja |
naya mama chetastava charaNaM niyamaya dharme.antaH karaNam || 8||
chalasi chitta kinnu viShamaviShayakAnane
kalaya vR^ittimamR^ita dAtR^ikarivarAnane |
tulaya khedamodayugalamidamashAshvataM
vilaya bhayamala~Nghyameva janmani smR^itam || 9||
somashekharasUnave sindUrasodarabhAnave
yAminIpatimaulaye yamihR^idayavirachitakelaye |
mUShakAdhipagAmine mukhyAtmane.antaryAmine
ma~NgalaM vighnadviShe mattebhavaktrajyotiShe || 10||
avadhIritadADimasuma saubhagamavatu gaNeshajyotirmAmavatu gaNeshajyotiH |
hastachatuShTaya dhR^itavaradAbhayapustakabIjApUraM dhR^itapustakabIjApUram || 11||
rajatAchala vaprakrIDotsukagajarAjAsyamudAraM bhaja shrIgajarAjAsyamudAram |
phaNiparikR^ita kaTivalayAbharaNaM kR^iNu re
janahR^idi kAraNaM tava kR^iNu re janahR^idi kAraNam || 12||
yaH prage gajarAjamanudinamaprameyamanusmaret |
sa prayAti pavitratA~Ngo vipraga~NgAdyadhikatAm || 13||
subrahmaNyamanIShivirachitA tvabrahmaNyamapAkurute |
gaNapatigItA gAnasamuchitA samyakpaThatAM siddhAntaH || 14||

iti subrahmaNyayogikR^itaM shrIgaNeshagItaM sampUrNam |
##
Proofread by Narendran Madathil 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}