% Text title            : Shri Ganeshapujavidhi
% File name             : gaNeshapUjAvidhi.itx
% Category              : ganesha, gaNeshapurANa, pUjA
% Location              : doc\_ganesha
% Proofread by          : Preeti Bhandare
% Description/comments  : shrIgaNeshapurANaM upAsanA (pUrva)khaNDaH | adhyAya 69 | 1.69 15-62||
% Latest update         : May 3, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ganeshapujavidhi ..}##
\itxtitle{.. shrIgaNeshapUjAvidhi ..}##\endtitles ##
brahmovAcha |
shR^iNu rAjan ! pravakShyAmi sarvasiddhipradaM vratam || 6||
yasyAnuShThAnamAtreNa chintitaM prApnuyAnnaraH |
oShadhIbhiH shuklatilairdivA snAyAt prasannadhIH || 7||
sa~NkalpaM kArayet samyag dhyAtvA devaM gajAnanam |
gaNesha pUjayed bhaktyA mantrairAgamasambhavaiH || 8||
kR^iShNapakShe chaturthyA~ncha nishi chandrodaye.api cha |
nR^ipa uvAcha |
kathaM sampUjayed brahman ! devadevaM gajAnanam || 9||
vistareNa mama brUhi praNayAt paripR^ichChate |
brahmovAcha |
nityakarma samApyA.atha nishAyAmudaye vidhoH || 10||
shuchau deshe gomayena lipte maNDapikAnvite |
tatra pIThaM gaNeshasya pUjayet ku~NkumAkShataiH || 11||
sthApayet kalashaM tatra pa~ncharatnasamanvitam |
tasyopari nyasetpAtraM sauvarNakalashAnvitam || 12||
tadabhAve tu raupyaM vA tAmraM vaiNavameva cha |
tasyopari nyased vastraM kShaumaM vA shaktisaMyutaH || 13||
tasyopari likhedyantramAgamoktavidhAnataH |
tatra mUrtiM gaNeshasya sauvarNI lakShaNAnvitAm || 14||
dhyAnam \-
ekadantaM mahAkAyaM taptakA~nchanasannibham |
lambodaraM vishAlAkShaM jvalatpAvakalochanam || 15||
AkhupR^iShThasamArUDha~nchAmarairvIjitaM gaNaiH |
sheShayaj~nopavIta~ncha chintayet taM gajAnanam || 16||
AvAhanam \-
AgachCha devadevesha ! sa~NkaTAnmAM nivAraya |
yAvad vrataM samApyeta tAvat tvaM sannidhau bhava || 17|| 
(puruShasUkte
athavA
OM sahasrashIrShA puruShaH sahasrAxaH sahasrapAt |
sa bhUmiM vishvato vR^itvA atyatiShThad.hdashA~Ngulam ||)
Asanam \-
gaNAdhIsha ! namaste.astu sarvasiddhipradAyaka !|
AsanaM gR^ihyatAM deva sa~NkaTAnmAM nivAraya || 18|| 
(athavA
puruSha evedaguM sarvaM yad.hbhUtaM yachCha bhavyam |
utAmR^itatvasyeshAnaH yadannenAtirohati ||)
pAdyam \-
umAputra ! namaste.astu namaste modakapriya ! |
pAdyaM gR^ihANa devesha sa~NkaTaM me nivAraya || 19|| 
(athavA
etAvAnasya mahimA ato jyAyAga.nshcha pUruShaH |
pAdo.asya vishvA bhUtAni tripAdasyAmR^itaM divi ||)
arghyam \-
lambodara ! namaste.astu ratnayuktaM phalAnvitam |
arghyaM gR^ihANa devesha ! sa~NkaTaM me nivAraya || 20|| 
(athavA
tripAdUrdhva udaitpuruShaH pAdo.asyehAbhavAtpunaH |
tato vishva~NvyakrAmat sAshanAnashane abhi ||)
AchamanIyam \-
ga~NgAdi sarvatIrthebhyaH AhR^itaM toyamuttamam |
gR^ihANA.a.achamanIyArthaM sa~NkaTaM me nivAraya || 21|| 
(athavA
tasmAdvirADajAyata virAjo adhi pUruShaH |
sa jAto atyarichyata pashchAd.hbhUmi matho puraH ||)
pa~nchAmR^itam \-
payo dadhi ghR^ita~nchaiva sharkarAmadhusaMyutam |
pa~nchAmR^itaM gR^ihANedaM sa~NkaTaM me nivAraya || 22|| 
(athavA
payaH pR^ithivyAM paya oShadhIShu payo divyantarikShe payo dhAH |
payasvatIH pradishaH santu mahyam ||)
snAnam \-
narmadA chandrabhAgA cha ga~NgAsa~NgamajairjalaiH |
snApito.asi mayA bhaktyA sa~NkaTaM me nivAraya || 23|| 
(athavA
yatpuruSheNa haviShA devA yaj~namatanvata |
vasanto asyAsIdAjyaM grIShma idhmashsharaddhaviH ||)
vastrayugmam \-
ibhavaktra ! namastubhyaM gR^ihANa parameshvara ! |
vastrayugmaM gaNAdhyakSha ! sa~NkaTaM me nivAraya || 24|| 
(athavA
taM yaj~naM barhiShi prauxan puruShaM jAtamagrataH |
tena devA ayajanta sAdhyA R^iShayashcha ye ||)
yaj~nopavItam \-
vinAyaka ! namastubhyaM namaH parashudhAriNe ! |
upavIta gR^ihANedaM sa~NkaTAM me nivAraya || 25|| 
(athavA
tasmAdyaj~nAtsarvahutaH sambhR^itaM pR^iShadAjyam |
pashUgu.NstAga.nshchakre vAyavyAn  AraNyAn grAmyAshchaye ||)
chandanam \-
Ishaputra ! namastubhyaM namo mUShakavAhana ! |
chandanaM gR^ihyatAM deva sa~NkaTaM me nivAraya || 26|| 
(athavA
tasmAdyaj~nAtsarvahutaH R^ichaH sAmAni jaj~nire |
ChandA.Ngasi jaj~nire tasmAt yajustasmAdajAyata ||)
akShatAH \-
ghR^itaku~NkumasaMyuktAstandulAH sumanoharAH |
akShatAste namastubhyaM sa~NkaTaM me nivAraya || 27|| 
(athavA
akShannamImadanta hyava priyA adhUShata |
astoShata svabhAnavo viprA naviShThayA matI yojAnvindra te harI ||)
puShpam \-
champakaM mallikA dUrvAH puShpajAtiranekashaH |
gR^ihANa tvaM gaNAdhyakSha ! sa~NkaTaM me nivAraya || 28|| 
(athavA
tasmAdashvA ajAyanta ye ke chobhayAdataH |
gAvo ha jaj~nire tasmAt tasmAjjAtA ajAvayaH ||)
dhUpam \-
lambodara ! mahAkAya ! dhUmraketo ! suvAsitam |
dhUpaM gR^ihANa devesha ! sa~NkaTaM me nivAraya || 29|| 
(athavA
yatpuruShaM vyadadhuH katidhA vyakalpayan |
mukhaM kimasya kau bAhU kAvUru pAdAvuchyete ||)
dIpam \-
vighnAndhakArasaMhArakAraka ! tridashAdhipa ! |
dIpaM gR^ihANa devesha ! sa~NkaTaM me nivAraya || 30|| 
(athavA
brAhmaNosya mukhamAsIt bAhU rAjanyaH kR^itaH |
Uru tadasya yadvaishyaH pad.hbhyAM shUdro ajAyata ||)
naivedyam \-
modakApUpalaDDUkapAyasaM sharkarAnvitam |
pakvAnnaM saghR^itaM deva ! naivedyaM pratigR^ihyatAm || 31|| 
(athavA
cha.ndramA manaso jAtaH chaxoH sUryo ajAyata |
mukhAdindrashchAgnishcha prANAdvAyurajAyata ||)
phalam \-
nArikela phalaM drAkShAM rasAlaM dADimaM shubham |
phalaM gR^ihANa devesha ! sa~NkaTaM me nivAraya || 32|| 
(athavA
nAbhyA AsIdantarixaM shIrShNo dyauH samavartata |
padabhyAM bhUmirdishaH shrotrAt tathA lokA.nga akalpayan ||)
tAmbUlam \-
kramukailA lava~NgAdi nAgavallIdalAni cha |
tAmbUlaM gR^ihyatAM deva ! sa~NkaTaM me vinAshaya || 33|| 
(athavA
pUgiphalaM satAmbUlaM nAgavalli dalairyutam |
tAmbUlaM gR^ihyatAM deva yela lava~Nga sa.nyuktam ||)
dakShiNA \-
sarvaprItikaraM deva ! hiraNyaM sarvasiddhidam |
dakShiNArthaM gR^ihANedaM sa~NkaTaM me vinAshaya || 34|| 
(athavA
saptAsyAsan paridhayastriH sapta samidhaH kR^itAH |
devA yadyaj~naM tanvAnA abadhnan puruShaM pashum ||
vA
hiraNya garbha garbhastha hemabIja vibhAvasoH |
ana.nta puNya phaladA athaH shA.ntiM prayashcha me ||)
ekaviMshatidUrvA~NkurumarpaN |
tato dUrvA~NkurAn gR^ihya viMshatyeka~ncha bhaktitaH |
ebhirnAmapaderdevamarchayet susamAhitaH || 35||
dUrvApaNamantrA \-
gaNAdhipataye namaH | 1| umAputrAya namaH | 2| aghanAshanAya namaH | 3|
ekadantAya namaH | 4| ibhavaktrAya namaH | 5| mUShakavAhanAya namaH | 6|
vinAyakAya namaH | 7| IshaputrAya namaH | 8| sarvasiddhipradAya namaH | 9|
lambodarAya namaH | 10| vakratuNDAya namaH | 11| modakapriyAya namaH | 12|
vighnavidhvaMsakartre namaH | 13| vishvavandyAya namaH | 14|
amareshAya namaH | 15| gajakarNAya namaH | 16|
nAgayaj~nopavItine namaH | 17| bhAlachandrAya namaH | 18|
parashudhAriNe namaH | 19| vighnAdhipAya namaH | 20| vidyApradAya namaH | 21|
nIrAjanam \-
karpUrAnalasaMyuktaM sheShAghaughavinAshanam |
nIrAjanaM gR^ihANesha ! sa~NkaTAnmAM vimochaya || 36|| 
(athavA
OM A rAtri pArthiva.N rajaH pituraprAyi dhAmabhiH |
divaH sadA.Nsi bRRihatI vi tiShThasa A tveShaM vartate tamaH |)
puShpA~njali \-
champakAshokabakulapArijAtabhavaiH shubhaiH |
puShpA~njaliM gR^ihANemAM sa~NkaTAnmAM vimochaya || 37|| 
(athavA
yaj~nena yaj~namayajanta devAH tAni dharmANi prathamAnyAsan |
te ha nAkaM mahimAnaH sachante yatra pUrve sAdhyAH santi devAH ||)
stutiH \-
tvameva vishvaM sR^ijasIbhavaktra ! tvameva vishvaM paripAsi deva ! |
tvameva vishvaM harase.akhilesha ! tvameva vishvAtmaka ! AvibhAsi || 38||
namaskArA \-
namAmi devaM gaNanAthamIshaM vighneshvaraM vighnavinAshadakSham |
bhaktArtihaM bhaktivimokShadakShaM, vidyApradaM vedanidhAnamAdyam || 39||
pradakShiNA \-
evaM stuvIta vidhivata praNameta punaH punaH |
pradakShiNAM prakurvIta yathA shaktyaikaviMshatim || 40||
prArthanA \-
ye tvAmasampUjya gaNesha ! nUnaM vA~nChanti mUDhA vihitArthasiddhim |
ta eva naShTA niyataM hi loke j~nAto mayA te sakalaH prabhAvaH || 41||
vAyanaM \-
AchAryastvaM dvijAdhyakSha ! sarvasiddhipradAyaka ! |
vAyanaM gR^ihyatAM brahman ! sa~NkaTAnmAM nivAraya || 42||
visheShArghyaM \-
phalapuShpAkShatairyuktaM jalaM te dakShiNAnvitam |
visheShArghyaM mayA dattaM sa~NkaTAnmAM nivAraya || 43||
|| iti ShoDashopachArArchanam ||
gaNeshamantrArchanam \-
OM namo heramba madamodita mama sa~NkaTaM nivAraya svAhA |
indrAdi lokapAlA.Nshcha samantAt pUjayet sudhIH || 44||
pakvamudgatilairyuktAn modakAn ghR^itapAchitAn |
bhakShyAnyanyAni tAmbUlaM yathAshakti prakalpayet || 45||
tato dUrvA~NkurAngR^ihya viMshatyeka~ncha bhaktitaH |
ebhirnAmapadairdevamarchayet susamAhitaH || 46||
gaNAdhipa ! namastubhyamumAputrAbhayaprada ! |
ekadantebhavaktreti tathA mUShakavAhana ! || 47||
vinAyakeshaputreti sarvasiddhipradAyaka ! |
lambodara ! namastubhyaM vakratuNDAghanAshana ! || 48||
vighnavidhvaMsakarteti vishvavandyAmareshvara ! |
gajavakra ! namastubhyaM nAgayaj~nopavItine ! || 49||
bhAlachandra ! namastubhyaM namaH parashudhAriNe |
vighnAdhipa ! namastubhyaM sarvavidyApradAyaka || 50||
evaM sampUjayeddevaM dUrvAbhishcha pR^ithak pR^ithak |
yaduddishya kR^itaM samyag yathAshakti prapUjanam || 51||
tena tuShTo bhavAshu tvaM hR^itsthAnkAmAnprapUraya |
vighnAnnAshaya me sarvAn duShTAMshcha samupasthitAn || 52||
tvatprasAdena sarvANi kAryANIha karomyaham |
shatrUNAM buddhinAsha~ncha mitrANAmudayaM kuru || 53||
iti vij~nApya deveshaM praNipatya punaH punaH |
tato homaM prakurvIta shatamaShTottaraM vratI || 54||
modakairvAyanaM kAryaM vratasampUrtihetave |
laDDUkairvaTakAdyairvA trisaptaphalasaMyutam || 55||
raktavastreNa sa~nchChAdya svAchAryAya nivedayet |
gaNAdhipa ! namastubhyaM sarvasa~Nkalpasiddhida ! || 56||
vAyanasya pradAnena sa~NkaTAnmAM nivAraya |
tithyarghyaM \-
kathAM shrutvA tataH puNyAM dadyAdarghyaM samAhitaH || 57||
tithInAmuttame ! devi ! gaNeshapriyavallabhe ! |
sa~NkaTaM hara me devi gR^ihANArghyaM namo.astu te || 58||
devArghyaM \-
lambodara ! namastubhyaM satataM modakapriya ! |
sa~NkaTaM hara me deva gR^ihANArghyaM namo.astu te || 59||
chandrArghyaM \-
chandrAya saptavAraM tu mantreNAnena pArthiva ! |
kShArodArNavasambhUta ! atrigotrasamudbhava ! |
gR^ihANArghyaM mayA dattaM rohiNyA sahitaH shashin || 60||
tataH kShamApayeddevaM tato viprAMshcha bhojayet |
svayaM bhu~njIta tachCheShaM brAhmaNabhyo yadarpitam || 61||
saptagrAsAn maunayukto yathAshaktyA yathAsukham |
itthaM kuryAttu mAseShu chaturShvapi vidhAnataH || 62||

iti shrIgaNeshapUjAvidhi sampUrNA ||

\- || shrIgaNeshapurANaM upAsanA (pUrva)khaNDa | adhyAya 69 | 1\.69 6\-62||
##
-  .. shrIgaNeshapurANaM upAsanA (pUrva)khaNDa . adhyAya 69 . 1.69 6-62..
Note: The pUjA verses are enhanced with verses from different sources.

Proofread by Preeti Bhandare

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}