% Text title            : Mahaganapati Kavacham
% File name             : gaNeshashatakam.itx
% Category              : ganesha, kavacha
% Location              : doc\_ganesha
% Proofread by          : Sreenivasa Rao Bhagavatula
% Description-comments  : From stotrArNavaH 01-10
% Latest update         : August 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ganesha Ashtottarashatam or shatakam ..}##
\itxtitle{.. shrIgaNeshAShTottarashataM athavA shrIgaNeshashatakam ..}##\endtitles ##
\section{shrIma~NgalAshaMsanapaddhatiH}
kalyANaM kalayantu me gaNapateH pAdAravindodgatAH
puNyAH pAMsukaNAH surendramakuTIkoTIrakoTItaTe |
(1)kAshmIranti kaThorapApapaTalIkAntArasamploShaNe
(2)dAvIyanti cha ye.antarAyashikharivrAte (3)pavIyanti cha || 1||
vighnavrAtavanAnalo gaNapatirvighnakShapAbhAskaro
vighnaprAvR^iD(4)upendrabodhasamayo vighnaprapAtAshaniH |
vighnakShoNiruhaprachaNDapavano vighnagrahochchATano
vighnavyAdhimahauShadhirvijayate vighnasmare(5)shAnadR^ik || 2||
vighnAdrivrajapakShatakShaNapaviM vighnAbdhikAlAnalaM
vighnA(6)chChachChadavArShikAmbudatatiM vighnAsurAbjekShaNam |
vighnAbhedyatamaHprabhAtasamayaM vighnAlimustAkiTiM
vighnAhivrajavainateyamanishaM vighnAdhipaM saMshraye || 3||
vighnAnalatoyavR^iShTiranagho vighnebhakaNThIravo
vighnendrArisudarshanAyitapado vighne(7)tvarIchandramAH |
(8)vighnermAlyamR^itAktavarti ra(9)naghA vighnekShudantAvalo
vighnendindira(10)champako bhavatu me vighneshvaraH shreyase || 4||
vande kalpakavighnarAjamanishaM taM dehinAmAshrayaM
yaM devAH sharaNaM sametya sakalaM vindeyurAshaMsitam |
mandeho.api yadAshrayAnmadhujharIsandeshasandAyinIM
sandehena vinA labheta sarasAM mandetarAM sAhitIm || 5||
pAraM saMsR^itisAgarasya jagadAdhAraM cha sachchitsukhA\-
kArI nirmalayogivR^indahR^idayAgAraM vikArojjhitam |
dhIraM vA~nChitapUrapUraNamahodAraM sadA sajjano\-
ttAraM vArija vishvarAdivinutaM herambamIDe vibhum || 6||
vandArutridasheshvaraprabhR^itibhirvR^indArakaira~nchitaM
mandAraprasukhAmaradrusumanovR^indAvabhAsvatkaraiH |
mandAnAM matidaM gaNeshamariShaTkaM dArayantaM satAM
(11)kandAtmeti jagattaroradhigataM vindAmahe sAmpratam || 7||
bhindAnaM vishayaM mahopaniShadAM ChindA nindAdasandehato.a\-
haM dArA vasu nandanA iti chirAt sandhAnitaM dAruNam |
ChindAnaM bhavapAshamAshritajanAnandAtisandhAyinaM
vindAmo gaNanAthamadvayachidAnandAtitundAyitam || 8||
chitte sarvamidaM vidhAtumanusandhatte vidhatte.atha yat
dhatte yatra jagachchirAdapi tirodhatte.apavR^itte yuge |
satteyaM jagataH svato na hi yadAyatteti joghuShyate
tattejaH satataM vibhAtu hR^idi me mattebhavaktrAbhidham || 9||
nAkAdhIshasureshakeshavashivAdyAkArabhedAshrayA\-
chChokAmbhonidhimagnabhaktajanatAnaukAyamAnaH svayam |
rAkAyAmavatIshakoTighaTanAnIkAshanejaprabhaH
kokArAtikalAdharo.avatu surAnIkAdhirAjAgrajaH || 10||
 || iti shrIma~NgalAshaMsanapaddhatiH |
##Footnote##
 (1\. kAshmIrapuShpamiva lasanti
 2\. vanahutAshana ivAcharanti 3\. vajrAyante
 4\. upendrabodhasamayaH\-sharat varShAnta bhavA
 5\. IshAnahak\-IshatR^itIyanelaM
 6\. achChachChado\-\-\-haMsaH 7\. itvarI\-svairiNI
 8\. vinerammadashAradAptidivaso, vine liviropaNAmR^itasichiH |
 Ime\-vraNam | 9\. malA 10\. indindiraH bhramaraH)
 11\. vindAmo vividhaprapashchalavalIkandAyitaM santatam |)

\section{shrIvinayaprapa~nchanapaddhatiH}
kalyANAdrimudakShipat svabalasAphalyAya yA puShkarAt
kulyAtulyatayApibajjaladhimAvalyA surANAM nutA |
tulyAnyA na yataH shritArthikR^itavAtsalyA kachiddevatA
kalyA varNayituM kathaM vayamimAM shalyApahAM devatAm || 11||
mochAgarvaharA navAmapi sudhAM nIchAmathAtanvatI
vAchA phANitasharkarekShurasamAdhvIchAturI ninnatI |
jAchAmatyakhilaM na yasya charitaM prAchAmanIchApi chet
kA chAtyalpamatermamAsya gadituM dhIchApalaM kevalam || 12||
nAyAnAmadhipo.api yasya gadituM bhogAvaliM nAshakat
bhogAnAlikhituM karairdinamaNiH khegAdhipo vIkShitum |
ko gAheta paro gaNeshacharitAkhyAgAdhapAthonidhiM
vAgAshAtra mamoditA yadi tadA sAgA bhaveyaM na kim || 13||
maryAdAgrathito vinaiva jaladhistaryA na santIryate
charyA tvasya na tAdR^ishI kalitamaukharyashcha AdayaH |
paryAptA na gaNeshiturni~Ngabhavaisvayo.api dhuryAH surAH
paryAyAdgadituM kathaM nu viShayIkuryAmahantAmaham || 14||
mAnAtItagaNeshama~NgalaguNAkhyAnAvadhAnAhata\-
j~nAnAbhAsavicheShTitaM kimapi durmAnAbhimAnAhitam |
menApatyatanUjapAdakamaladhyAnAbhidhAM niShkR^itiM
bhUnAkipravarA vidhAya tanutAnenAshu hInAgasam || 15||
skandAgrejanuSho.abhinanditumime kundAvanAtaM yasho
vindAnAH sanakAdayo.apyamR^itaniShyandAyitaimbhiraiH |
mandAkShapratiruddhasundaravachaHspandA na shekuH kathAM
mandAtmAna ime kathaM gaNapate vindAmahe sAmpratam || 16||
mitrANyatra vichitrabandhunivahAH putrAH kalatrANi vA
yatrAyAsyati tatra ko.api na punaH sattrAsamAyAsyati |
dvitrA ye gaditA guNA gaNapateratrAmunA bhaktito
jitrAste syuramutra tasya tu dhurItyatrAbhiyuktA vayam || 17||
(1)vyAsAdyA api yasya nAlamabhavan dAsA guNAnAmupa\-
nyAsAyAna ratA vayaM bata parIhAsAya bhAsAmahe |
prAsAya spR^ihayAlunA svadhiShaNAyAsAt samAsAditaM
trAsApetamidaM mahAgaNapate dhIsAhasaM kShamyatAm || 18||
padyAnyadyatanAni yadyapi na sAvadhAni vidyAvatAM
hR^idyAni syurathApi chetasi satAM dadyAnmudaM matkR^itiH |
yadyAyAtyudadhiM kadambustitinadyA sahAvAptavai\-
shadyA syAt tridivaukasAM pariShadA dadyAdatashchAmR^itam || 19||
eShA yadyapi matkR^itirna viduShAM toShAya doShAdhikA
joShAvasthitito varA hi phaNitirbhAShAvisheShAnvitA |
yoShANAM patibhaktireva hi parA bhUShAnyadoShApahA
moShAyApyaguNasya me gaNapatereShA manIShA pade || 20||
 || iti shrIvinayaprapa~nchanapaddhatiH |
##Footnote##
 (1. manishAbhyAsAdanAyAsato ye sAhityasamudrapAragadhiyo vyAsAdayo manvate |  ? ?
   kiyat kiyadupanyAsAnmahAsAhasaM
   ko.asAvasmi gaNAdhinAthacharite matyA tu tasyAkShamaH |)

\section{shrImanoniyamanapaddhatiH}
mAta~NgAnanamArtarakShaNachaNaM mAta~NgakanyAsutam |
mAta~NgAhitanandanaM ghanatamomAta~NgakaNThIravam |
mAta~NgAntavibhUtidAnanipuNaM mAta~NgavidvisthitaM
mA taM gAH parihatya mAmakamanomAta~Nga mA chApalAt || 21||
adhyAsInamadhIkShusAgarasabhAmadhyAnyasiMhAsanam |
sid.hdhyA pAdavibhUShitA~NkatalayA bud.hdhyA cha saMsevitam |
viShyAchAraparAyaNAnavirataM svAdhyAnaniShThAn janAn
R^id.hdhyA yojayitAramAshu sharaNaM kR^idhyAkhuvAhaM manaH || 22||
vedyaM vedashirashshataistrijagatAmAdyaM tapobhiH samA\-
yAsaM saMsR^itighorarogasumahAvaidyaM surAdyashchitam |
AdyantApagataM munIndrahR^idayAsvAdyaM samAlambatAM
mAdyantI viShayairmatirdinakarAbhedyaM vibhettaM tamaH || 23||
vimbotsekaharAdharAtmadayitAbimbokabaddhaspR^ihaM
kamborapyatishubhradantamakhilAlambodayaM yaM manAk |
sambodhyaiva naraH samastasukhabhAk sambobhavIti kShaNAt
taM bodhaikasudhAnidhiM bhaja mano lambodaraM sAdaram || 24||
gandharvAdhipati gorapachitAvandhatvasambhAvanA\-
gandhaprApitabhImanakrajanuShAptaM dharmamapyAcharan |
rundhan yatpadamasya sa~NgativashAt svaM dhanyatAmAnayan
bandhachChedamavApa tatpadayugaM sandhatsva chetaH sadA || 25||
ambe dve charaNe shrayAshu dhiShaNe stamberamasyAkhilA\-
lambe nAnyaditIva puShkarashikhAlambena saMsUchite |
bimbe svAdutare navoShNamahaso bimdena tulye charan
lambet kiM bata kAkalokakalitAlambe shukaH pallavam || 26||
nAlIkAsanavAsavAdidiviShanmaulIDyakalpadrupu\-
ShpAlIgarbhadalAntarAlavigaladdhUlImadhUlIbhR^itam |
kelIlolavishAlakarNayugalItAlIdhutAlIvrajai\-
rvAlIDhaM karaTodgatairbhaja mano kAlIsutA~N ghridvayam || 27|| ##shloka same as 48##

kArAmandirasanditAH kila sunAsIrAdimAH khecharAH
vIrAgresarasindhudaityahataye sArAdhikaM yaM purA |
ArAdhyApurabhIpsitaM vividhasvasaMsArabandhachChidaM
mArArAtitanUbhavaM shraya mate dhIraM mayUkhAdhipam || 28||
koTIranti mahAhayo maNitulAkoTIbhavantItare
shATIyantyapare tvachA ? dhR^itajaTAjUTIguNantyalpakAH |
pATIrAnti riporasR^i~nji vibudhAshchaTIbhavanti svataH
kITIyantyasurAH sa yasya gaNarADATIkatAM chetasi || 29||
vAraM vAramaharnishaM bhuvi nR^iNAmAra~njanaM yatnataH\-
kAraM kAramalambhi kiM nu sachamatkAraM phalaM janmanaH |
sAraM yatsakalAgamopaniShadAM dUraM durIhAvatAM
svairaM saMshraya mUrdhni darshitagajAkAraM manIShe mahaH || 30||
 || iti shrImanoniyamanapaddhatiH |
\section{shrInirvedapaddhatiH}
mA gA mAnasa karma kApathamurobhAgAvagADhastanA\-
bhogAmartyavadhUvichitratarasambhogAkhyasaukhyapradam |
yogAyAbhiratAH pare khalu mahAbhAgA vayaM nehashAH
drAgAshAparipUrakaM gaNapatiM nAgAnanaM saMshraya || 31||
mAteyaM mahilApi te.atijaDasa~NghAte.atra bhUtendriyaiH
pUte mA mamateti hanta bahudhAdhIte.apyavItekShaNaH | (bahudhAgIte)
nIte niShphalatAM vayasyasi parAbhUteH padaM drAgbhave
shIte nIta ivAvR^itirgirisutApote kadA syAnmatiH || 32||
dhyeyaM yogibhirantarabjakuhare j~neyaM trayImastakai\-
rgeyaM siddhasurAsurairapagatApAyaM vidheyaM satAm |
sAyaM sAgarasampatadravisamachChAyaM vimAyaM sadA\-
dhyAyaM dhyAyamumAsutaM gatamalaprAyaM kadA syAnmanaH || 33||
nityAnityavichAraleshavikalaH satyApachityAnvitaH
kR^ityAkutyaparigrahe tu manaso vR^ittyA pravR^ittaH svayam |
natyA kevalayA gaNesha na manaHsthityA cha bhR^ityAyito
mR^ityAvantikage kayA punarahaM matyA tareyaM bhavam || 34||
kShoNAvarthaparAyaNAnavanipAn hUNAdimAnAshrayan
R^iNAbhAShaNabhUShaNaivata parikShINAyurapyantataH |
reNAvapyamutaH phale nasulajhe hINAshayo.adyApyani\-
drANAvAshritarakShaNe na charaNau gANAdhipAvAshraye || 35||
buddhvA tattvamanekadeshikagirAmadhvAnusArAchchirA\-
divAnInabhito viviktaviShaye bavAsanaM mArutam |
ruddhvA hR^itkamalottharashminichayena dhvAntaraj~nAnaM
viddhvA tatra gaNeshvarAnubhavaja madhvApibeyaM kadA || 36||
dInaM sarvaguNaiH kadApyakalitadhyAnaM shivAnandana\-
vInaM mAnamadAdibhiH prachuritAj~nAnaM dadhAnaM sadA |
enaM kevalamAtmano vidadhataM (venaM samAnaM) venopamAnaM guNaiH
svAnandaM gamayet kathaM gaNapatirdUnaM bhavAbdheHparam || 37||
durvArasmayadurbharAsuravarAkharvAyitaujoshujA\-
garaskinditasArvalaukikavipannirvApaNe dhUrvaham |
arvAchInavachovichAravibhavAnnirvAchyatejobharaM
sharvANItanayaM bhaje.ahamanishaM sarvApaduchChittaye || 38||
yallAlekhitamabjajena yadatikShullAtmakaM me dhanaM
tallAbhaH sa kiyAnataH karaTavanmallAkR^itiH sAmpratam |
ballAlAbhidhayA vasan balipure phullaM chiraprollasa\-
ddhallAtAtmakalevaro.ativipulAmullAsayAshu shriyam || 39||
sphArAkAradharAdharAdharajagadbhArAdvinirgatvarai\-
stArAntargatamauktikairiva nakhairArAdupAra~njitau
dhIrAvAshritarakShaNe.abjayugalAkArAvarAtiShvati\-
krUrAvatyaruNau gaNeshacharaNAvArAdhayAmo hadi || 40||
 || iti shrInirvedapaddhatiH |
\section{atha shrIvairAgyapaddhatiH |}
yo mAnena madena mugdhahR^idayo hemAdinA vA naro (vA mAnavo)
nAmApyasya kadApi na smara sakR^it kShemAya he mAnasa |
sImApetaguNAkaraM gaNapatiM somArdhachUDAmaNiM
kAmAtItaphalapradAnanipuNaM bhUmAnamevAshraya || 41||
vittAt prAktanajanmapuNyashakalAyattAdapi kShullakA\-
nmattA ye manujA na tAn vayamamI vR^ittAvapekShAmahe |
tattAdR^ikkaruNAkaTAkShamahimAyattohamichChAtigAM
vittAdhIshasakhAtmajo mama sadA dattAmabhittAM shriyam || 42|| (dattAmakhaNDAM)

kAlaM daityakulasya devapariShatpAlaM dayAluM phaNi\-
prAlambAchchalalambi ma~njulamaNImAlaM salIlaM nije |
lolaM gaNDatale nudantamasakR^illolambajAlaM jaga\-
nmUlaM dUranivAritAshritajanAbhIlaM gaNeshaM numaH || 43||
kAryAkAryavichAraNAM vijahatA nAryAdiShu bhrAmyatA
nAryAchArakR^itA sthitena vibudhAchAryAdR^ite durmate | (vibudhAchAryAhite)
dhairyAd dushcharitaM mayAnvahamaho.akAryAtmane druhyatA
sUryApatyajabhIH kathaM gaNapatestAryA kathAmantarA || 44||
dhIhAnyAsakR^idArjitaM mahadaghaM mohAnmuhuH shIlitaM
dehAtmabhramataH punarbahuvidhadrohAdapArIkR^itam |
svAhAnAthavadupratApajanakaM hA hA kathaM taM sahe
dehAti narakodbhavaM gaNapaterIhA padAbje na chet || 45||
anyAyopagatAlpavittamahitammanyAnavanyAM mR^igA
vanyA mitramarIchikAmiva mahodanyAH sadopAsate |
dhanyA eva vayaM bhavema yadi nastanyAdumAnandano
vinyAsaM nayanA~nchalasya na tato manyAmahe.anyAM shriyam || 46||
kAdAchitkasukhAvahAlpaviShayAsvAdAya godAraNA\- (godAraNAni \- halAni)
nyAdAyAtra rataH phalairvirahitaH kaidArike karmaNi |
pAdAvAshrayate.atha chedgaNapate rdAsyataH svakAmami\-
tyAdAveva kutaH shrayenna matimAn khedAnapAsyetarAn || 47||
nAlIkAsanavAsavAdidiviShanmaulIDyakalpadrupu\-  ##shloka same as 27##
ShpAlIgarbhadalAntarAlavigala ddhUlImadhUlIbhR^itam |
kelIlolavishAlakarNayugalItAlIdhutAlIvrajai\-
rvAlIDhaM karaTodgatairbhaja mano kAlIsutA~N ghridvayam || 48||
pa~nchAnAM viyadAshugAgnyudabhuvAM sa~nchAriNAM sa~nchaye (sa~nchAriNInAM chaye)
chi~nchAtulyakalevare.atra hR^idaya tvaM chApalaM mA kR^ithAH |
mu~nchAhantAM cha mamatAM  jaDAtmani  ki~nchAdvayaM chinmayaM
svaM chAmuM cha gaNAdhinAthamapR^ithak kintvAtmanA chintaya || 49||
bhUtastomamayaM sharIramayi mA chetaH sthiraM chintaya
khyAtastasya layo yathA hi badarImUtasya bandhAtyaye |
bhrAtarna smara nashvaraM dishati yaH prItaH padaM shAshvataM
jAtaprItirupAshrayAshu girijApotasya pAdAmbujam || 50||
 || iti shrIvairAgyapaddhatiH |
\section{shrIsvarUpapaddhatiH}
savyA~NkasthitayA svayA dayitayA nirvyAjakAruNyayA
bhavyAmbhoruhavaktrayA sarasayA savyAjamAli~NgitaH |
navyAshokadalAtima~njulatanuchChavyA bhavavyAdhihA\-
hAshAdhipavanditaH sapadi mAmavyAdumAnandanaH || 51||
nArImatale dadhAnamakhilAdhArIbhavantI dhR^itiM
sUrIndraiH sanakAdibhirnutaguNaM hArIbhavadbhoginam |
sphArIbhUtakarA~nchalena danujaM gaurIgR^ihaM chAru si\-
ndUrIkR^itya vicharchitAkhilatanuM nArIgaNeshaM bhaje || 52||
shuNDAdaNDagR^ihItadantamusalochaNDAbhighAtodgatai\-
shchaNDAMshupatitaiH surAlayamaNIShaNDArjitairyaH kaNaiH |
piNDAlatakamAkalayya shashinaH khaNDAmR^itenAtmana\-
shchaNDAtaM ramaNImaNerakR^ita vetaNDAnanaH pAtu naH || 53|| (pAtu saH)

vAmaM bhUmitale nidhAya bhuvanakShemaM dishantaM sadA
shrImantaM paramunnamayya charaNaM kAmaM naTantaM mudA |
somaM shekharitAchChakaitakadalakShAmaM dadhAnaM bahu\-
vyAmaM pannagabhoganirmalatarakShaumaM vasAnaM bhaje || 54|| (gaNeshaM bhaje)

elAgandhimadAmbuchumbimadhuliNmAlApanododyataM
sthUlAtmIyakapolamaNDalachalattAlAnukArishrutim |
helAkShiptagirIndrajAstanataTIchelA~nchalaM chAru shu\-
NDAlApItapayodharaM gaNapatiM bAlAkR^itiM bhAvaye || 55||
phAlAkShasya shirasyamayataTinIvelAsa lIlAvashAt
kUlAghAtavihAralolashirasA kAlAriNA vAritaH | (vilAsalolashirasA)
AlApAnaparisphuTAkSharapadAna khelAvashAdugiran
lAlAmauktikamaNDito.avatu gaNeT bAlAbjamauliH shishuH || 56||
AjAnojvalapadmarAganikarairojAyamAnaM javAt
bIjApUradhiyA sumerumaharadyo jAtamAtraH purA |
mA jAnAhi phalaM tyajAmumiti tatyAjAdrirAjAtmajA\-
pUjApUrvavachobharairavatu mAM rAjArdhamaulirvibhuH || 57||
(1)chaNDIshAtmabhavo girAmathitamatsyaNDImadashchaNDapA
ShaNDIyaprakarApaho.amR^itadhunIDiNDIrapANDuprabhaH |
bhiNDIpAlamukhAyudhairarishiraHkhaNDIkR^itau paNDito
duNDI rAjati vAraNAsipuri vetaNDIyatuNDaH prabhuH || 58||
mAtA yasya nagAdhirAjatanayA khyAtA pitA sha~Nkaro
bhrAtAsheShasurAdhirAjapR^itanAnetA hatArikhajaH |
gItA yasya kathA nijenduvadanAnAtAnapetaiH surai\-
rnItA geyapadaM sadA bhavatu santrAtA sametApadaH || 59||
kShAmAtyujjvalaphAlamUlakalitashyAmAbhiko bhAskara\-
stomAha~NkR^itimochakAmitamahasthemAbhirAmAkR^itiH |
vAmA~NkasthitavallabhAkhyadayitAnAmA~NkanAmA vibhu\-
rmAmAnandayatu svabhaktanihitapremA sa somAtmajaH || 60||
 || iti shrIsvarUpapaddhatiH |
##Footnote##
1\. chaNDIshaprathamAtmajaM madhuramatsthaNDIya khaNDIbhava
jhuNDIti prathitAkhyayAvapaTalIpaNDIkR^itA dakShiNam |
bhiNDIpAlamukhAyudhairnihatapAShaNDIyaShaNDa
staNDItyAdimunIDitaM kalitavetaNDIyavaktraM bhaje ||

\section{shrIguNAnuvarNanapaddhatiH}
pAkArAtimukhAmareDyacharitaM nAkArivargachChidaM
stokAtmIyajanAbhipUjanavidhisvIkAratuShTAshayam |
tokAkAramR^iSheH surendralalanAlokAbhigItAmita\-
shlokAmeyaguNaM bhajema sadayAlokAvitArthivrajam || 61||
dorbhiH svairdashabhirdhR^itAyudha vibho gIrbhirmunIndraiH
kR^itA\-
shIbhiH sannuta dInarakShaNamahAdhUrbhirbR^ihatkandhara |
naubhinlA jaladhau yathaivamatagatebhiH parItA dayA\-
pUrbhirdR^iShTibhireva deva viShayAbhindhi sindhudviShan || 62||
damyAmindriyasantatiM sapadi saMyamyAntarabjaM samu\-
namyAsmin sanakAdiyogipariShadgamyAbhigamyA satAm |
kR^isyAdyajabhavAntasarvajanimannamyAstu me shreyase
shamyA pUjayatAmabhIShTavaradA ramyA parA devatA || 63||
satyaM brahma sanAtanaM shrutishiraHstutyaM munIndrahR^idA
nityaM dhyeyamadhInuvAridhisabhaM nR^ityaM vitanvat sadA |
chityaMshe sadR^ishe.api yat kila parAgityaMshabhedAspadaM
pratya~nchaM vidadhAtu mAM prakR^itivaikR^ityaMshamuktaM chirAt || 64||
tAto.abdheruditaM viShaM nanu piban khyAtoruhAlAhalaM
gIto.abhUdakhilairitIva sa yato jAto.ayamevAdhunA |
(?) vAtochchAlitavIchichumbitanabhAH sphIto viShANAM nidhiH
pIto yena tamAshraye mama sadA nAto.anyadaivaM kvachit || 65||
kAnInena sahArachayya samayaM maunIshvareNAkSharAm |
dhAnIkR^itya radaM nijaM kaTamadodAnIrayana dyosadA |
(2) sthAnIbhUtagirestaTe.alikhata yo mAnI mahAbhArataM
yAnImaM sharaNaM shritArthijanasantAnIbhavantaM vibhum || 66||
anyAshakyavinigrahI samitimUrdhanyAvimau dAnavau
hanyAdevanarAntakAviti surairmunyAdibhirnAthitaH |
nanyAyAbhimukhau jaghAna gadayAshanyA yathendro girIn
tanyAdeSha mahotkaTaH shubhamihAnanyAshrayasyAshu me || 67||
kR^intAttIkShNatareNa sarvajagadatyantArtidAna dAnavAn
dantAgreNa mR^igAdhibhUriva nakhairdantAvalAn saMharan |
santApaM jagatAM jahAra janatAyantA niyantA dhiyAM
bhintAmeSha gajAnanaH sapadi me chintAM durantAmimAm || 68||
chITI yasya purandarAdidiviShatkoTIbhirabhyarchyate
kheTIbhicharitaM surAvanirUhAM vATIShu jegIyate |
dhATI yasya raNeShu daityanivahotpATI gaNeshaH sa me
ghoTIbhAvitamUShiko.adhapaTalochchATI bhavatva~njasA || 69||
pUShA yanmahamA jito.anudivasaM kAShAyamAlambate
doShAnAyaka eSha yasya mamasaratoShAya bhUShAyate |
AShADhAntaramAshritaM nanu bhiyA meShAdhirUDhaM mahaH (meShAdhirUDhaM mahaH \-  vahniH)
sheShANAM gaNanAyakAnukaraNe keShAM pareShAM mahaH || 70||
 || iti shrIguNAnuvarNanapaddhatiH samAptA |
\section{shrIchAritrapaddhatiH}
kantAvAhitasAyake munivadhUrantAhihantA mune\-
gantAsIti girA sahasrabhagatAM chintAkulo.abhyetya yam |
kShantAraM svajanAgasAM gurugirA hantAramapyahasAM
santApaM vijahI bhaje gaNapatiM chintAmaNiM nAma tam || 71||
bandhUkastabakAruNaM raNamahIgaM dhUlidhUmrAnanA\-
bhaM dhUmrAkShavimardana sharagaNaiH sindhUttamA~NgachChidam |
andhUkR^itya nipIya puShkarataTe sindhUn kShipantaM shritA\-
ghaM dhUnvantamasheShamAshraya gaNeshaM dhUmaketuM manaH || 72||
mAse bhAdrapade jayottaratithAvAsevakebhyo nijA\-
vAse kalpitadivyamodakabharapAsena pUrNodaraH |
nyAse praskhalitaH padoH kR^itaparIhAse vidhau yaH sadA
hrAsenAmumayojayanmama riputrAse sa sannAtu || 73||
vArIshodarasambhR^itAni sahasA vArINi yaH puShkare\-
NorIkR^itya nabhasthale kaNatayogArIchakAra kShaNAt |
sphArIbhUtamadAn durAsadamukhAnyo.arIriShadAnavAn
bhIrIDhArahitAnasAvudayatAM pArIndravAho hR^idi || 74||
ApAtAlavisAritoyabharitaM pApAshayaM yaH purA\-
kUpAkArakUpArastha mahAsuraM kalitasantApAtirekaM nR^iNAm |
kopAdantarudaM chirAya gamayana vyApAdayAmAsa yaH
so.apAyAnavadhUya pAtu satataM nIpAlayAnandanaH || 75||
rudrANIbhujamaNDalAhitashirA nidrAmasheShAvano\-
nidrAmAshritanaijabhogajanitAM mudrApayan yaH purA |
ChidrAnveShaNatatparaM divi javAdvidrANamadhyAhanat
sadAshmaM cha mayAsuraM vitanutAdbhadrANyamudrANi naH || 76||
ChAyAkAramupAgataM kuhanayA kAyAnuvR^ittaM maho\-
chChAyAdadritaTAta svamunmukhamapAdhAyAtha dehaM patan |
AyAsena vinAvadhId giritaTe mAyAvinaM dAnavaM
pAyAdeSha gaNAdhipo.ativiShamaprAyAdapAyAt sa mAm || 77||
kShoNIkoNagatA yadasrakaNikAH prANIbhavantyo dhanu\-
bANItUNadharI yathaiva sa iti shreNIbhavanti sma tam |
shANIghR^iShTasharakShatadviShadasR^igveNI nipIyAshuga
droNIbhirvyajayadripUnavatu sharvANIsuto nashchiram || 78||
viprashreShThavareNyagItanigamAnuprashnasambhAvita\-
svapratyuktisudhAvyamAnasasarovaprakriyollAsinam |
apratyakShaparAtmabhAvavishayAdyapratyayodbhAvanA\-
dyaprakShiptivihAriNaM gaNapatiM kShipraprasAdaM bhaje || 79||
rakShArthaM sudhiyAM durIhapariShachChikShArthamapyetya ya\-
sthyakShApatyatanuM dadAha danujAna kakShAnivoSharbudhaH |
yakShAdhIshajaleshvarAntakasurAdhyakShAn rarakShArditAn
R^ikShAdhIshakalAdharaH sa bhagavAn rakShAparokSho.astu me || 80||
 || iti shrIchAritrapaddhatiH |
\section{shrInatipaddhatiH}
tAlAkarakArA~nchalapravilasachChUlAgrabhinna dviSha\-
sphAlAya kShaNachUkShitAkhilamahIchelAya lIlAvashAt |
kUlAghAtavishIrNamUlavichaladvelAchalAya svayaM
vyAlAmayavapurdharAya girijAbAlAya tubhyaM namaH || 81||
vINAtApasagIyamAnabhuvanatrANApadAnAya sa\-
chChreNAvarpitakAmanAviShayakalyANAya bhUyo natim |
eNA~NkArbhakamaulaye vitanumaH shoNAravindojjvale
pANAvAhitamodakAya sumanobANAriDimbhAya te || 82||
hAhAdyairupavINitAdbhutaguNavyUhAya vaihAyasai\-
vyohAraini~NgamAntagairvibudhasandohAbhinandyAtmane |
bAhApa~NktishikhodgalanmadaparIvAhAnumishrashravo\-
jAhAmandamarandasaurabhalasaddehAya bhUyo namaH (?) || 83||
ruShTA yA jagadeva bhasma kurute tuShTA tu siddhIrdadA\-
tyaShTAvaShyatha yatpadAbjayugalaujuShTo viraktyA yadA |
hR^iShTAsmai vitaratyananyasulabhAmiShTAM gatiM shAshvatIM
kaShTApAyakR^ite bhaje shrutishikhoduShTAM parAM devatAm || 84||
dharmAdharmavivechane.apyachaturo durmArgagAmI sadA
karmApekShaphalapradAnanusaran sharmApnuyAM kiM kadA |
narmAlokanamAtrato.astaduritaM nirmAya sarvArthadaM
dharmArto.abhramiva vrajAmi sharaNaM bharmAdrichApAtmajam || 85|| (bharma \- hema)
vindhyAdrismayahAriNA ghaTabhuvA vandhyAvalepAdhinA\-
yaM dhyAtvAdhigatA kalA na yadi ko rundhyAdato.anyaH pumAn |
sandhyAkArimahAgiri jalanidhi bandhyAdgaNesheshaM
taM dhyAyema bhavAbdhimadya bhagavan sandhyAshu nAgAnana || 86||
shrutvA daityagaNAvR^itaM tribhuvanaM matvA parAvadhyatAM
gatvA kAshyapasUnutAM yugabalAddhatvA ripUna~njasA |
hR^itvA bhUmibharaM surAn sthirapadAn kR^itvA prathAmAgama\-
ttattvAtItamamuM gaNeshamasakR^innatvA bhaveyaM kR^itI || 87||
pUrvAdreH shikharoditasya ruchirashrIrvAsarAdhIshitu\-
gauriNyamale vibhAti tu yathA dUrvAgrabhAgasthite |
gIrvANeshakhageshamauktikamaNishrIrvAbjarAgadyutiH
shApitya tavAkR^itiH sphuratu dhIkArvAhitA me.anishaM (?) || 88||
tuchChAtyalpasukhAvaheShu viShayevichChAnurodhAddhaman
kachChApetabhavAtravAntaranishaprachChAditAtmA chirAt |
ichChAtItaphalapradaM gaNapatiM gachChAmi devaM gatiM
chichChAyAmatidishya sandishatu me tachChAshvataM vaibhavam || 89||
svaM trAtuM na bhavAmbudhau nipatitaM tantrAdinA pAraye
gantrA bhAvyamato.antakasya cha mayA santrAsanasyAntike |
yantrArUDhabhivAvashaM bhamati yanmantrAjagattaM vinA
kantrAtAramupaimi ko du bhavabhItaM trAtumIShTe cha mAm || 90||
sArAsAravichAradUramanasaM ghorArtisandAyisaM\-
sArAhikShatijAtamohamagada~NkArAntarAnAshritam |
tArAnAthakalAdharAya na chirAdArAchCharaNyArthinaM
sphArApArakR^ipAmR^itArNavarase.adarAnimagna kR^ithAH || 91||
 || iti shrInatipaddhatiH |
\section{shrIsamprArthanApaddhatiH}
kAshApasthitatUlajAlachapalAn leshAn sukhAnAM bhajan
AshAveshavashAdgaNesha vivashaH keshAnajalaM vahan |
IshApatya chirAttvadIyacharaNAbhyAshAvatIgo.asmyahaM
pAshAnAshu vimuchya meM disha gatiM yA shAsitA shAshvatI || 12||
nirmAyAvanimaNDale janimadAH karmAdhikAraM tato
dharmAdudgatimapyadhogatimathAdharmAddadannyAyataH |
durmAyAvashametya dArasutabhUbhaudilubdhaM kR^itaH
sharmAbhAsarataM kR^ithAH kalitanItimarmAdhikArAchchyutam || 93||
vedhA mAmakakarmasa~NkramavashAdAdhAjaniM yAM tu tAM
tredhA putrakalatravittamamatAbAdhAdadabhrIkR^itAm |
medhAsa~njananena bha~njaya javAdedhAMsi vahniryathA
sve dhAmanyabhirakhayAdya viShayeShvAdhAvitaM me manaH || 94||
buddhipreraNatakShaNena phaladAt siddhipravarSha janA
tvaddhi prApurabodhasantamasajA taddhi jAtaddhI kShayAda~njasA |
yaddhitvA sharaNaM na me.asti bhuvane taddhi tvadaddhidvayaM
viddhi prAptamimaM janaM gaNapate siddhiprado me bhava || 95||
tApaM bhautikamukhyametya bahuvikShepaM bhajanmAnasaM
kopaM durdhaninAM madoddhatamadhikShepaM sadA marShayan |
bho pa~njAsyasuta tvameva gatirityApaM bhavantaM paraM
rUpaM darshaya me.adhunA tvamakhilavyApannarakShAkShamam || 96||
dvedhA karmaNi chintite mayi kR^ipAsAdhAraNI chenmaho\-
tsedhApArabhavAmbudhessapadi mAM bAdhAkarAduddhara |
krodhAveshavasho.atha chenmachi tadA medhAshilAsanditaM
bodhAgAdhamahArNave jhaTiti mAmAdhAya tuShTo bhava || 97||
IhAmAtratapobharAnavirataM gehAtisampIDitA\-
nUhAshehavichAraNAsvakushalAnAhAramAtrArthinaH |
mAhAmAnyadayAshA yadi tu naH snehAdudIkShestadA
kA hAnirbhavato gaNesha bhavitA nehAyamasmAnava || 98||
atyantArtiparamparopahitasaMsR^ityambudhau chittavai\-
matyaM prApya vivechanairaviditauchityaM nimagnaM chirAt |
nityaM mohashatApaviddhamavashaM gatyantarAnAshritaM
bhR^ityaM mAM gaNanAyakoddhara tadaunnatyaM cha satyaM kuru || 99||
aktaM mohamahA~njanena viShayAsaktaM pravR^ittaM divA\-
naktaM vittamutAdibhirdR^iDhapariShvaktaM cha mAM mAyayA |
saktaM puNyakaNena pApapaTalIyuktaM niShiktaM male
bhaktaM pAdanakhaprabhAsalilanirgiktaM gaNesha kriyAH || 100||
jyAvallIva sarIsarIti dhamanI yAvattanau chArmaNI
sA vadhIva vinishvasatyavikalaimeM vashyabhAvaM gataH |
tAvanmatkaraNairakuNThagatibhiH ve vartmani sthIyatAM
jIvatyAgabhaye.apyapaidu na matirbhAvatkapAdAmbujAt || 101||
 || iti shrIsamprArthanApaddhatiH |

\section{shrImanastR^iptiH}
prastAtmAnamapAraduHkhanichayairdhvastAkhilAti tu mAM
kastAvadrachayiShyatIti na hi me prastAvanA kApi yat |
yastAkShabhavAbdhimAnajanatAhastAvalambaprado
(1)bastArUDhabhavAgrajo.atra bhavati nyastA samastApi dhUH || 102||
 1. bastArUDho meShavAhano.agniH |
kaMsArAtichaturmukhendushakalottaMsAdayo.apIshvarA
ye sAmAnyajanaiH sahAtmaduritadhvaMsAshayopAsate |
taM sAkShAtkalayiShyase kimiti chet saMsAriNAmapraNI\-
staM sAdhAraNamAgamA jagurataH saMsAdhayAmIpsitam || 103||
mohAkhyAmbunidhI vichitraviShayagrAhAkule nirbharo\-
tsAhAdalpatarAtinashvarasukhAledAtpranaShTAyuShaH |
UhAtItapurANasatkR^itaparINAhAdidAnImamI
nIhArAchalakanyakAtadubhuvaM gAhAmahe chetasA || 104||
bAlena kShaNabhagure.api viShaye lolena yadyapyasa\-
ChIlenAghamupArjitaM taduditAmIle samAseduShi |
kAle pAdayuge mano vyarachayaM dAlendumauleryadi
prAleyAni raviryathaiva vidahejjvAleva tUlaM shucheH || 105||
sutrAmapramukhaishcha yatpadayugaM satrAshanaiH sevyate
pitrA putra iva prapa~ncha iha chAmutrApi yenekShyate |
chitrAkAramidaM vibhAti sakalaM yatrAhita bhittivat
sa trAyIta gaNeshvarastrijagadAdhitrANadakShaH svayam || 106||
nidrAlasyavashAnnishAdivasayobhadrAya hInodyamaH
kShudAnityasukhAshayA dhuri dadhanmudrAM daridrAhitAm |
svadrAShiShThasukhAvahaM shritajanAghadrAvaNaM hA chirA\-
drAkShaM gaNanAthamadritanayArudrAtmajAtaM vibhum || 107||
hUtirdevagaNasya sAdhuShu makhe bhUnirbhavatvasya te\-
vItinashyatu ShaDidhA bhuvi yathA sphItirbhavet sampadAm |
jAtiH sve charite yutAstu na cha durnI tirnR^ipANAM na cha
j~nAtAtu te gaNesha kR^ipayA bhItiH kachinmA sma bhUt || 108||
phalashrutiH aShTaprAsayutaM vishiShya paThatAmiShTapradaM dehinAM
kaShTakleshavinAshanaM bahuvidhAniShTatrajachChedanam |
naShTasvArthisamarpaNaM sarasavispaShTaprameyaM gaNe\-
shAShTashasyashlokashataM chiraM vijayatAM tuShTaH sa cha syAdvibhuH || 109||
kavinAma prAtaH padyashataM paThedyadi pumAn jAtaspR^ihaH pratyahaM
khyAtaH putrakalatramitravibhavopetashchiraM modate |
chetasyeSha yadIhate padamado yAtashcha nAtaH pate
gItaH siddhagaNairgaNAdhipapadaM nItaH sukhaM vindate || 110||
shambhAvAhitachetaso munimaNeH kumbhAdudItAkR^iteH
kumbhAduhatayA kaverasutathA sambhAvitashreyasi |
kumbhAdhIrapure vasan madhuravAggumbhAtimAnyaH sudhI
jambhArAtirachIkarachChatamidaM shrIyaj~navedeshvaraH || 111||
shrImatkumbhapure satA gaNapaterdhAma svayaM dhyAyatA
prema khyApayatAM kR^itaM sukadinA dhImadhurasvAminA |
kShemasthemakaraM gaNeshashatakaM nAma prasiddhi bhaja\-
tvAmanvantaramANavaM cha tadidaM kAmapradaM dehinAm || 112||
Adau ma~NgalashaMsanaM vinayavAggumbho manonigraho
nirdedo viratiH svarUpaguNachAritraM natiH prArthanA |
chaitastuShTiphalAbhidhAnakavinAmAnIti bhinnakrama
ramyaM padyashataM dashAdhikamidaM bhUyAd budhAnAM mude || 113||

|| iti shrIvishvAmitrakulakalashapArAvArarAkAsudhAkarashrImadratnakheTa\-
shrInivAsa makhivarasantAnapallavena shrIbAlachandrAryatanUjena
yaj~navedeshvareNa kR^itaM gaNeshAShTottarashataM (gaNeshashatakaM) sampUrNam ||
##

Proofread by Sreenivasa Rao Bhagavatula


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}