% Text title            : Shri Ganesha Stuti Lakshminarayanakrita
% File name             : gaNeshastutiHlakShmInArAyaNakRRitA.itx
% Category              : ganesha, stuti
% Location              : doc\_ganesha
% Author                : Lakshminarayana
% Proofread by          : Narendran Madathil
% Description/comments  : From Vighneshvara-stuti-manjari 4
% Latest update         : October 10, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ganesha Stuti Lakshminarayanakrita ..}##
\itxtitle{.. shrIgaNeshastutiH lakShmInArAyaNakR^itA ..}##\endtitles ##
guNagrAmArchito  netA kriyate svo janairiti |
guNeshatvena shaMsantaM guNAbdhiM taM muhurnamaH || 1||
yaH svalpamapya~nchati sadguNodayaM mUrdhnochitaM tasya samarhaNaM satAm |
ityAlapanbAlakalAdharaM dadhatsyAdbhUtaye bhAlakalAdharo mama || 2||
netradvandvaM sAdhune jIvanAya nAlaM, tasmAjj~nAnanetraM dhriyeta |
ityakShNA saMsUchayanbhAlagena nAgAsyo naH pAtu dhIvArirAshiH || 3||
netA vishAla muditAsya udArachetAH
syAtsarvadaiva sumukhaH svajane pravR^ittaH |
ityudgiran pramuditAsyatayA.antarAya
dhvAntApahA.astu sharaNaM mama ko.api bhAsvAn || 4||
hasitavibhUShitavadano jano.astu sakalo.api modasampattyai |
iti radadarshitahR^idayaH sa ekadanto.astu me sharaNam || 5||
lokArAdhanakarma diggajamahAmUrdhaiva kartuM prabhuH
ghrAtuM sarvagabhIramAnasamalaM syAddIrghaghoNaH pumAn |
bha~NgyA.a.asyasya tathA dadhAtu matimAn nIcheShu chopekShaNaM
ityAkhyAn karivakravakrimaruchA.avyAnno gaNesho nijAn || 6||
netA samasya shR^iNuyAdapi kaShTavArtAM
rakShan sadA sahR^idayo vipulashravastvam |
ityudgiran sa sharaNaM gajakarNakatva
svIkAravaryavidhinAstu gajAnano naH || 8||
lokaH samo.api hR^idi vipriyamanyadattaM
tUShNIM dadhat prakaTayet svamahAshayatvam |
ityAdishannudadhishobhyudarAdareNa
lambodaraH sa bhagavAnavalambanaM syAt || 8||
rAgamayaM svAvaraNaM rakShyaM sarvaiH svakIyahitakAyaiH |
iti raktAmbaradhR^ityA.a.akhyAn gaNapo naH kR^ipAnidhiH pAyAt || 9||
svakamiha dhavalIkarotu sarvaH sukR^ita bharairavadAtakAnti vittaiH |
iti sitavadanatviShAM prasAraiH dvipavadano.avatu vedayannijAnnaH || 10||
ArUDho jananAyakasya padavIM lokasya sarvApadAM
nAshAyAvirataM hitAya cha bhavet sakto manIShI janaH |
ityAkhyAnabhayaM varaM cha karayorlAntyA satormudrayA
dInAnugrahakAtaraH sa bhagavAn vighneshvaraH pAtu naH || 11||
netA niyantrayitumeva sadA.akhilAnAM
baddhAdaro bhavatu setubhidAM khalAnAm |
ityantarAyasamudAyaharo bhavennaH
saMsUchayan sa mudito.a~NkushadhAraNena || 12||
premAhvaM prathitaguNaM pratatya pAshaM
modantAM vashamakhilaM same nayantaH |
ityAkhyAn karagata pAsharashminA.asau
vighnesho jayatu samastakAmapUraH || 13||
jana iha sakalaH prasAdakaH syAt sa janatayA.a.adriyate, viShAdako na |
iti pishunayatIva modakAnAM grahavidhinA bata ko.api naH sharaNyaH || 14||
yA nAryaH svIyabhartR^In satatamanuratAH sevayA toShayanti
pAtivratyaprasAdAdiha hi dadhati tA R^iddhitAM siddhitAM cha |
dAreShu sveShu raktaH susukhamanubhavan syAchcha nA hR^iShTapuShTaH
ityanyonyasnihA naH pipuratu gaNapastat priye chodgirantaH || 15||
kadAchinno tuchCheShvapi parivR^iDhA yAyuraruchiM
paraM svIkuryustAn nijajanatayA snehasahitam |
iti vyAkhyAnAkhuM vahanamurarIkR^itya vihR^itaiH
gaNAnAmIshaH svAnavatu satataM vighnavisarAt ||
mAtari tathopamAtari sUnutvenaiva vartatAM sakalaH |
iti gaNapo.avatu shaMsan ga~NgAgauryoH sutattvasAmyena |
netA syAdiha yaH pumAn sa matimAn lokasya kalyANakR^it
khedachChedashubhAbhivardhana vidhervighnAn vinighnan sadA |
varteteti sa lokanAyakanayaM vighnaughavidhvaMsanaiH
shaMsannaH suShamAvibhUShitatanuH pAyAdgaNAdhIshvaraH ||

iti lakShmInArAyaNakR^itA shrIgaNeshastutiH sampUrNA |
##
Proofread by Narendran Madathil 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}