% Text title            : Ganesha Stuti by Mudgala
% File name             : gaNeshastutiHmudgalakRRitA.itx
% Category              : ganesha
% Location              : doc\_ganesha
% Transliterated by     : NA
% Proofread by          : NA
% Description/comments  : Mudgalapurana, Khanda 1, Adhyaya 21
% Latest update         : April 23, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganesha Stuti by Mudgala ..}##
\itxtitle{.. gaNeshastutiH mudgalakR^itA ..}##\endtitles ##
shrIgaNeshAya namaH |
shaunaka uvAcha |
kathaM stutiH kR^itA tena gaNeshasya mahAtmanaH |
tAM me vada mahAbhAga sarvaj~no.asi mato budhaiH || 1||
sUta uvAcha |
bhavate kathayiShyAmi bhAvayuktena chetasA |
stutiM kR^itAM gaNeshasya mudgalena cha tAM mune || 2||
mudgala uvAcha |
kiM staumi tvAM gaNAdhyakSha vedaiH stotuM na shakyate |
brahmAdibhishcha yogIndrairyathAmati cha vachmi bhoH || 3||
tvaddarshanaprabhAveNa shakto.asmi na cha saMshayaH |
tvadanugrahataH sarve stotuM shaktA bhavanti vai || 4||
namaste gaNeshAya sarvAdibhUmne pareShAM pareshAya vedAtigAya |
paraM mAyine mAyinAM mohadAtre hyagaNyAya gaNyAya te vai namaste || 5||
purANAdishAstraiH sadA saMstutAya shivAyaiH surendrairnamaste stutAya |
anAdyantamadhyAdibhedairvihInAya nAnAmayAyAstu sarveshvarAya || 6||
namo lakShavedAShTayoniprachAratadAkArarUpAya yogena yogin |
namo hyannabhUtAya sarvAkarAya kalAnantarUpAya puShTipradAya || 7||
namo bhUmirUpAya nAnAprabhedadharAyAtha dhArAya nityAya te.astu |
jalAdhisvarUpAya tR^iptipradAya tadAkArahInAya sArAya dhAmne || 8||
namastejasAM dyotarUpAya DhuNDhe prakAshAya bhoktre cha sarvasthitAya |
namo vAyurUpAya te chAlakAya prachArasvarUpAya bhinnAya tasmAt || 9||
namaH svasvarUpAya dIptAya pUrNaprakAshAya bhUtAdikabrahmadAtre |
namaH sthUlabhogasvarUpAya jAgranmayAya prabho rAjasAyAtha te.astu || 10||
namaH svamamAyAmayAyApi sUkShmasvarUpAya sarvAntare saMsthitAya |
namaH kAraNAyobhayabrahmadAya samAyApi sauShuptabhoginnamaste || 11||
namashchetanAdhArarUpAya te.astu prayatnapradAya tribhogapradAya |
guNeshAya chaitanyadhArAya te.astu namo nAdarUpAya kAlAya chAtman || 12||
namo bindurUpAya vakrAnanAya namo dehamAyAvihArAya tubhyam |
namashchitsvarUpAya so.aha.npradAya nirAkAradehisvarUpAya te.astu || 13||
sadA hyekadantAya janmAtigAya parAyAtha shUnyAya daityAntakAya |
madAdeshcha shatro mahAgbudhvajAya namo.anAdisiddhAya mAyAdharAya || 14||
namo j~nAnarUpAya nAnAvihArapradAyAtha pUrNAya sarvatragAya |
namo mAyimAyAdibhedAkarAya sadA bodharUpAya te vai mahAtman || 15||
namaH sA~NkhyarUpAya vai dehinAM vai parAya svasambhogahInAya deva |
sadA kevalabrahmabhUtAya te.astu namo j~nAnahInAya medhAmayAya || 16||
namaH svasvarUpAya chAnandadAya samAdhisvarUpAya maunAtmakAya |
svasaMvedyayogena labhyAya te.astu vinAtmaprabodhAya sarvAdhipAya || 17||
namaH pa~nchapa~nchAdimAyAkarAya chaturdhA chaturdhA vibhinnAya dharmin |
asadrUpakAyA.atha shaktyAtmakAya namo.abhedabhedAdinAnAtmakAya || 18||
namaH satsvarUpAya sUryAtmakAya sadAtmaprabodhAya mAyAdharAya |
akhaNDAmR^itAyAdvitIyAya te.astu sadA kAlakAlAya mokShapradAya || 19||
namo viShNurUpAya chAnandadAya samAya svamAyobhayasraShTra eva |
anantAya bhedAdihInAya bhR^imne sadA bhedarUpAya sarvAtmakAya || 20||
namaH shambhurUpAya netipradAya sadA mohahInAya cha tryambakAya |
tridhA mAyayA bhAsituryasvarUpaparabrahmarUpAya te dhUmravarNa || 21||
chaturNAmabhedAya saMyogakArin svasaMvedyabhAvena vighnAdhipAya |
svabhaktamya pakShe sadA sa.nsthitAya gaNAdhIsha hantre mahAdaityakAnAm || 22||
namaH karmarUpAya karmAdikartre janAnAM svakarmAdinA bhogadAtre |
namo j~nAnarUpAya niHsa~NgadAya sadA karmahInAya te kevalAya || 23||
namaste samAnapradAyobhayAya samAyA.atha yogena chAnandadAya |
namaH sAhajabrahmabhUyapradAya tridhAmne trihInAya santoShadAya || 24||
chaturdhA sthitInAM sadA pAlakAya nijAtmasvarUpAya saMyogakAgni |
apArAya nAnA chaturNAM samUheShvadhIshAya heramba tubhyaM namaste || 25||
ayogAya mAyAvihInAya tubhyaM namaste nirAnandarUpAya nityam |
nivR^ittisvarUpAya bhinnAya te.astu namo yogarUpAsamAdhisthitAya || 26||
namo yogashAntisvarUpAya shAntipradAtre gaNeshAya yogAya tubhyam |
sadA brahmaNAM brahmadAtre.akhilesha gaNAnAM pate jyeShTharAjAya te.astu || 27||
namo brahmaNe sR^iShTikartre sadA vai rajodhAriNe vedashAstrAdikartre |
sadA sR^iShTihInAya sAmyAya dhAmne namo mAyine madhyavR^ittisthitAya || 28||
namaH satvarUpAya viShNuprabhedAjjagatpAlakAyAtha mAyAdharAya |
namaH sattvahInAya sarvAtigAya kavInAM pate vighnahantre namaste || 29||
namastAmasAyA.atha saMhArakartre trinetrapradIpAya shakterdharAya |
sadA kAlarUpAya kailAsadAya tamohInarUpAya lambodarAya || 30||
namaH karmaNAM mUlabIjAya te.astu namo bhAnurUpAya tejomayAya |
trikAlAdibodhAya sUryAya bhUmne prakAshaivihInAya heramba te.astu || 31||
namaH shaktirUpAya mohapradAya kriyAdhArabhUtAya nAnAbhramAya |
anantasvarUpAdhilIlAdharAya namaH shaktihInAya siddhIsha tubhyam || 32||
namashchandrarUpAya puShTipradAya kalAbhistrilokasthabhUtAdikebhyaH |
sudhAdhArakAyA.atha nakShatrakAdiprakAshAya te hyannahInAya DhuNDhe || 33||
namaH kAmarUpAya kAmAraye te namaste gajAkAratuNDAya tubhyam |
harIndrAdidevaiH sadA saMstutAya shukAdyairmahadbhishcha vandyAya te.astu || 34||
anityAya nityAya devesha deva sakAmAya niShkAmabhAvapradAya |
sadA sarvapUjyAya sarvAdhipAya jaleshendrasheShAdibhiH saMstutAya || 35||
namaH kAshyapAyA.atha vai kApilAya vareNyasya putrAya pArAsharAya |
namaH shambhuputrAya pArshvAtmajAya namo bhaktibhoktre gaNAdhIsha te.astu || 36||
namo mAdhavastrIsutAyA.atha tubhyaM namaH sarvamAtre namaH sarvapitre |
namaH sarvaputrAya sarvAtmakAya namaH sarvasarvAya nAnAmayAya || 37||
namaH pAshadhArin namo dantadhArin sR^iNiM bibhR^ite vai sadAnandadAyin |
namaH putrapautrAdi rAjyapradAtre namo bhuktimuktipradAyA.atha tubhyam || 38||
namo.anantashakte guNAnAmadhIsha mayUresha yogesha mAyesha tubhyam |
namo.avyaktasuvyaktarUpAya dantin gajAkArasAkAramohAya te.astu || 39||
namo hyekarUpAya nAnAprabhedAdaye vighnapAlAya shuNDAdharAya |
anAthAya nAthAya devAdikAnAM nivAsAya sarvAtmanAM te namo vai || 40||
namastva.npadAkAradehAya tubhyaM namastatpadAkAratuNDAya te.astu |
tayorekabhAvA.asirUpaprayuktasharIrAya sAkShAt sudhAmne namaste || 41||
namo vAmabhAgena siddhisvarUpAdhR^itAmohamAyAjanAnAM janitrI |
sadA buddhirUpA dhR^itA dakShiNA~Nge na puMstrIsvarUpA.asirUpAya te.astu || 42||
namo bhrAmarI tva.npadAdhArashaktiH sadA tatpadA kAmadAtrI hyabhedA |
tayorekabhAve svasaMvedyanAmni pure mastake vAsakAriMshcha tAsAm || 43||
akhaNDAmR^itaM yatra toyaM sutAmraM samudre sthitaM chekShusa.nj~ne namaste |
nirAdhArarUpe cha pAnena tasya na puMstrIpradAyA.atra khelaMshcha te.astu || 44||
janAnAM sadA tryakSharaM shR^iNvatAM cha gaNesheti chAnandadAyinnamaste |
sakR^ijjalpatAM janmamR^ityU na teShAmapArapradhAmne cha DhuNDhIshvarAya || 45||
tavopAsakA brahmabhUtA na chitraM janebhyashcha saMsparshanairbrahmadA vai |
surendrAdipUjyA gaNeshasvarUpA bhavayurnamaste namaste gaNesha || 46||
sUta uvAcha |
iti stutvA gaNeshAnaM mudgalo maunadhArakaH |
pAdau dhR^itvA gaNeshasya patito daNDavat kShitau || 47||
samutthApya svabhaktaM taM sasvaje paramAdarAt |
gajAnanaH prasannAtmA tamuvAcha mahAmunim || 48||
gaNesha uvAcha |
tvayA stotraM kR^itaM yachcha madIyaM mama sannidhau |
stotrottamaM pravikhyAtaM bhaviShyati na saMshayaH || 49||
stotrottamena mAM stauti tasmai muktiM sabhuktikAm |
dadAmi dR^iDhabhaktiM cha madIyAM nAtra saMshayaH || 50||
na sa~NkaTaM na rogaM cha prApnoti sa narottamaH |
putrapautrAdikaM sarvaM dhanaM dhAnyaM dadAmi vai || 51||
mAraNochchATanAdIni nashyanti paThanena cha |
ekaviMshativAraM cha tathA nAvaddinAvadhi || 52||
kArAgR^ihAdijAH pIDA nashyanti paThanena cha |
manasepsitamApnoti naro me paramapriyaH || 53||
tvaM tu matto varAn brUhi dAsye.ahaM bhaktiyantritaH |
tvatsamo nAsti bhAvaj~no vashe te.ahaM sadA sthitaH || 54||

iti shrImudgalakR^itA gaNeshastutiH samAptA | 1\.21

##
 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}