% Text title            : Ganesha Stuti by Naradamuni
% File name             : gaNeshastutiHnAradamuninA.itx
% Category              : ganesha
% Location              : doc\_ganesha
% Transliterated by     : Ajit Krishnan
% Proofread by          : Ajit Krishnan, PSA Easwaran
% Description/comments  : Mudgalapurana, Khanda 2, Adhyaya 3
% Latest update         : April 23, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganesha Stuti by Naradamuni ..}##
\itxtitle{.. gaNeshastutiH nAradamuninA proktA ..}##\endtitles ## 
nArada uvAcha \-
namAmi gaNanAthaM taM sarvavighnavinAshinam |
vedAntAgocharaM tajj~nairgamyaM brahmaiva saMsthitam || 40||
manovANIvihInaM no manovANImayaM na cha |
brahmeshAnaM kathaM staumi siddhibuddhipatiM param || 41||
tvaddarshanena heramba! kR^itakR^ityo.ahama~njasA |
ityuktvA pUjayAmAsa bhaktibhAvasamanvitaH || 42||
namo namo gaNeshAya vighnarAjAya te namaH |
bhaktAnAM vighnahantre chAbhaktAnAM vighnakAriNe || 44||
ameyamAyayA chaiva saMyuktAya namo namaH |
yogarUpAya vai tubhyaM yogibhyo mohadAya te || 45||
vinAyakAya sarvesha! namashchintAmaNe namaH |
anantamahimAdhAra namaste chandramaulaye || 46||
ekadantAya devAya mAyibhyo mohadAya te |
namo namaH pareshAya parAtparatamAya te || 47||
nirguNAya namastubhyaM guNAkArAya sAkShiNe |
mahA.a.akhuvAhanAyaiva mUShakadhvajadhAriNe || 48||
anAdaye namastubhyaM jyeShTharAjAya DhuNDhaye |
harte kartre sadA pAtre nAnAbhedamayAya cha || 49||
tvaddarshanasudhApAnAddhataM me bhrAntijaM mahat |
maraNaM bhinnabhAvAkhyaM gaNesho.ahaM kR^itastvayA || 50||
na bhinnaM paripashyAmi tvadR^ite gaNanAyaka ! |
shAntidaM yogamAsAdya prasAdAtte na saMshayaH || 51||
bhaktiM dehi gaNAdhIsha! parAM tvatpAdapadmayoH |
kuru mAM gANapatyaM tvaM premayuktaM cha te padi || 52||
ityuktA virarAmAtha taM punargaNapo.avadat |
madIyA bhaktiratyantaM bhaviShyati sadA.achalA || 53||
na yogAchchalanaM kvApi bhaviShyati mahAmune ! |
sadA yogIndrapUjyastvaM sarvamAnyo bhaviShyasi || 54||
tvayA kR^itamidaM stotraM shAntiyogapradaM bhavet |
paThate shR^iNvate chaiva bhuktimuktipradAyakam || 55||
ityuktA tasya hR^idaye yayau lIno gajAnanaH |
sadA hR^idi gaNeshAnaM pashyati sma muniH svayam || 56||
ityAkhyAnaM nAradIyaM kathitaM te prajApate! |
shR^iNuyAdyaH paThedvA yaH so.api sadgatimApnuyAt || 57||

iti nAradamuninA proktA gaNeshastutiH samAptA | 2\.3

##
Encoded by Ajit Krishnan
Proofread by Ajit Krishnan, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}