% Text title            : Sarvekrita Shri Ganesha Stuti 2
% File name             : gaNeshastutiHsarvekRRitA2.itx
% Category              : ganesha, gaNeshapurANa, stuti
% Location              : doc\_ganesha
% Proofread by          : Preeti Bhandare
% Description/comments  : shrIgaNeshapurANaM krIDA (uttara)khaNDaH | adhyAyaH 78 | 2.78 23-36||
% Latest update         : April 20, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sarvekrita Shri Ganesha Stuti ..}##
\itxtitle{.. sarvekR^itA shrIgaNeshastutiH ..}##\endtitles ##
sarve UchuH |
dInanAtha ! dayAsindho ! yogihR^itpadmasaMsthita ! |
anAdimadhyarahitasvarUpAya namo namaH || 23||
jagadbhAsa ! chidAbhAsa ! j~nAnagamya ! namo namaH |
munimAnasaviShTAya namo daityavighAtine || 24||
trilokesha ! guNAtIta ! guNakShobha ! namo namaH |
trailokyapAlana ! vibho ! vishvavyApin ! namo namaH || 25||
mAyAtItAya bhaktAnAM kAmapUrAya te namaH |
somasUryAgninetrAya namo vishvambharAya te || 26||
ameyashaktaye tubhyaM namaste chandramaulaye |
chandragaurAya shuddhAya shuddhaj~nAnakR^ite namaH || 27||
phalashrutiH \-
ka uvAcha |
evaM stuvatsu deveShu tejorAshirabhUt puraH |
sarve hatadR^isho devA vismitA abhava.NstadA || 28||
tatastatkR^ipayA devaH saumyatejA ajAyata |
tataste dadR^ishurdaivaM siMhArUDhaM vinAyakam || 29||
dashAyudhadharaM tAvadbhujaM divyakirITinam |
nAnAbhUShAbhirAmaM chamuktAdAmavibhUShitam || 30||
divyagandhAnulepADhyaM vyAlabaddhodaraM vibhum |
kShudraghaNTAkvaNatpAdaM kastUrItilakojjvalam || 31||
evaM dR^iShTvA surA devaM namaskR^ityochire tadA ||
yashchintito gurorvAkyAt sa evAyaM vinAyakaH || 32||
sa eva dR^iShTaH sAkShAt tu vA~Nmano.agocharo vibhuH |
janma dhanyaM dR^ishirdhanyA tapo dAnaM chanaH surAH || 33||
tata Uche surAn devastR^ipto.ahaM bhavatAM stavaiH ||
pUjayA chaiva bhaktyA cha sa~NkaShTIvratato.api cha || 34||
sa~NkaShTaharametachcha stotraM khyAtaM bhaviShyati |
yaH paThet prayato nityaM sa me mAnyo bhavet surAH || 35||
tasya darshanataH sarve nashyeyuryakSharAkShasAH |
bhogAn bhunakti vividhAnante mokShapadaM labhet || 36||

iti sarvekR^itA shrIgaNeshastutiH sampUrNA ||

\- || shrIgaNeshapurANaM krIDA (uttara)khaNDaH | adhyAyaH 78 | 2\.78 23\-36||
##
-  .. shrIgaNeshapurANaM krIDA (uttara)khaNDaH . adhyAyaH 78 . 2.78 23-36..

Proofread by Preeti Bhandare

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}