% Text title            : Shri Ganesha Stuti Yamakrita
% File name             : gaNeshastutiHyamakRRitA.itx
% Category              : ganesha, mudgalapurANa, stuti, ekAdasha
% Location              : doc\_ganesha
% Proofread by          : Yash Khasbage, Preeti Bhandare
% Description/comments  : mudgalapurANaM dvitIyaH khaNDaH | adhyAyaH 59 | 2.59. 22-45||
% Latest update         : June 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ganesha Stuti Yamakrita ..}##
\itxtitle{.. yamakR^itA shrIgaNeshastutiH ..}##\endtitles ##
|| shrIgaNeshAya namaH ||
yama uvAcha |
namo gaNapate tubhyaM nAnAmAyAvilAsine |
mAyAdhArakaveSheNa sthitAya tu namo namaH || 22||
mAyAmohavihInAya sAkShiNe jagadAdaye |
brahmAdaye brahmavide brahmaNe vai namo namaH || 23||
anantAya namastubhyaM herambAya cha DhuNDhaye |
vighneshAya trinetrAya lambodara namo.astu te || 24||
gajAnanAya devAya devAnAM pataye namaH |
devAnAM garvahantre cha rakShasAM mardine namaH || 25||
bhaktipriyAya bhaktebhyo nAnAsaukhyapradAya te |
anantAnanadhArAyAnantahastAya te namaH || 26||
anantashirase tubhyaM brahmabhUtAya vedhase |
shivAya shivavandyAya shivadAya namo namaH || 27||
akhaNDavibhavAyaiva mUShakadhvajine namaH |
mUShakashreShThavAhasthAyaikadantAya te namaH || 28||
AdimadhyAntarUpAya sarvAkArAya te namaH |
pAshA~NkushadharAyaiva sarvabhoktre namo namaH || 29||
tvAM stotuM kaH samarthaH syAdyogAkArasvarUpiNam |
ato.ahaM praNamAmIha tena tuShTo bhava prabho || 30||
dhanyo.ahaM sarvabhAvaishcha yena dR^iShTo gaNeshvaraH |
adhunA rakSha mAM bhaktaM sharaNAgatavatsala || 31||
evaM stuvantamatyantamuvAcha gaNanAyakaH |
yamaM paramabhaktaM cha sUryaputraM yashasvinam || 32||
(phalashrutiH)
gaNesha uvAcha |
varaM vR^iNu mahAbhAga yama tvaM manasIpsitam |
dAsyAmi te mahAbhaktyA toShito.ahaM na saMshayaH || 33||
tatastaM bhAnujastatrovAcha dehi gajAnana |
bhaktiM tvadIyapAde vai sudR^iDhAM me mahodara || 34||
anyaM varaM cha me dehi mAtR^ishApaharaM param |
yadyadichChAmi devesha tattat sidhyatu vighnapa || 35||
evaM tasya vachaH shrutvA tatheti gaNapo.abravIt |
madIyA te mahAbhaktirbhaviShyati na saMshayaH || 36||
mAtR^ishApasya yogena ki~nchid duHkhamavApsyasi |
kledyapAdAchcha mAMsaM te kITAH sa~NgR^ihya satvaram || 37||
patiShyanti pR^ithivyAM te tvaM supAdo bhaviShyasi |
yadyadichChasi tattatte sulabhaM prabhaviShyati || 38||
dakShiNasyAM dishi prAj~na dikpAlastvaM bhaviShyasi |
dharmarAja iti khyAto nAmnA sarvatra pUjitaH || 39||
svadharmapAlakeShu tvaM shreShTho dharmakaro mataH |
jIvAnAM karmayogena phaladashcha bhaviShyasi || 40||
tvadIyA.a.aj~nA trilokeShu vartatAM dharmabhAvataH |
tvayA stotramidaM puNyaM kR^itaM tachcha susiddhidam || 41||
paThate shR^iNvate pUrNaM bhaviShyati na saMshayaH |
yamasya yAtanAM ghorAM stotreNa prastuto yama || 42||
harAmi nAtra sandehoM.ate svAnandaM dadAmyaham |
tvayA yatra kR^itaM snAnaM nityaM madbhaktibhAvinA || 43||
gaNeshatIrthasa.nj~naM tadbhaviShyati na saMshayaH |
atraiva snAnamAtreNa sarvapApakShayo bhavet || 44||
subuddhipradametachcha tatkShaNAt prabhaviShyati |
evamuktvAntardadhe.asau yamastatra sthito.abhavat || 45||

iti yamakR^itA shrIgaNeshastutiH sampUrNA ||
ekAdashastotraM
\- || mudgalapurANaM dvitIyaH khaNDaH | adhyAyaH 59 | 2\.59. 22\-45|| 
##
- .. mudgalapurANaM dvitIyaH khaNDaH . adhyAyaH 59 . 2.59. 22-45.. 

Proofread by Yash Khasbage, Preeti Bhandare 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}