% Text title            : Ganesha Vedapadastutilahari
% File name             : gaNeshavedapAdastutilaharI.itx
% Category              : ganesha, stuti, laharI
% Location              : doc\_ganesha
% Author                : Khandaraja
% Proofread by          : Narendran Madathil
% Description/comments  : From Vighneshvara-stuti-manjari 4
% Latest update         : October 10, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganesha Vedapadastutilahari ..}##
\itxtitle{.. gaNeshavedapAdastutilaharI ..}##\endtitles ##
khaNDarAjakR^itA
siddherbuddheradhipatiM nitarAM bhaktyA nityaM bhajati yo manujaH |
he vighnAdhIsha suranAtha mudA tasya trAtA bhavasi tasya sakhA || 1||
AtmasvarUpAnubhavaM sukhaM yaddurlabhaM bhuvi |
devadevaH shivasutastaM no dantI prachodayAt || 2||
aho guNesha dR^ishyate pradIyate.atha labhyate |
tato gR^ihANa naH stutimuta pravardhaya matim || 3||
hastivaktralIlayeshasUno vishvasarjanAdikasya kartaH |
tatkShamasva yadvadAmi yasmAt brahmaNaspate tvamasya yantA || 4||
daridratvaM khalu bAdhAM karoti tavArchA naH shubhadA rochate na |
aho dantyAsya tatastvadIyaM tadasmAsu draviNaM dhehi chitram || 5||
he gaNAdhIsha devatAbhivandya kiM nu vAchyaM janaiH sa mAnya ittham |
tanmudA svIkaroShi dInabandho yasta AtithyamAnuShe jujoShat || 6||
aho gaNAdhIsha te mahattvaM kathaM pravAchyaM nR^ipasya sUnum |
surAdimAnyaM hi bhUmidevaM R^iShiM chakAra svapAmahobhiH || 7||
aho nAgendrAsya kadAsmadIyaM gR^ihaM tyaktvA tvatsudayArdradR^iShTyA |
payaH sindhau chArutaraM suratnaiH sahasradvAraM jagamA gR^ihaM te || 8||
smR^itimAtreNa vighnAnAM nAshakaM kAmapUrakam |
tyaktvA shivasutaM viprA mAchidanyadvishaMsata || 9||
na rochate.asmabhyamanyadaho gaNapate kuru |
asmAMstathA te.anudinamanustomaM mudImahi || 10||
shrIH kalyANaiH svarNairmaNibhiH sunirmitaiH pAdatrANAdyaiH suyutaiH sulakShaNaiH |
tairherambAgachCha javaiH supAhi naH ashvAso ye te vR^iShaNo raghudruvaH || 11||
bAdhante nitarAM mleChA brAhmaNAn brahmaNaspate |
tAvakA ye bhaTAH shreShThAstebhirnastUryamAgahi || 12||
yairyatnaiH purA jagat guptaM te.adhunA kva te |
satyA cheddayAbdhitA tebhirno.avitA bhava || 13||
saMsArasindhau patito.asmi nakrAH putrAdayo mAM vitudanti yasmAt |
aho gaNAdhIsha dayodadhiM tvAM kadAmR^iLIkaM sumanA abhikhyam || 14||
yasya bhrUbha~NgataH sargasthityantA vilasanti hi |
aho gaNapate taM tvAM ka IshAnaM na yAchiShat || 15||
he nAgendrAsyeshvaraputra nAtha yadratnaiH svarNairjanitaM tvichChAtaH |
kShIrAbdhau te shobhanamasti mahyaM yandhiShmAvipraH stuvate varUtham || 16||
yanmayA manasA vAchA kAyena duritaM kR^itam |
tasmAnmochaya mAM deva tvaM hi vettha yathAtatham || 17||
asmAnyo dveShTi satataM yaM cha dviShmo vayaM sadA |
aho gaNapate tUrNaM mA tasyochCheShi ki~nchana || 18||
madIyaShaDripUnkuto na haMsyaho gajAnana |
purA~Nkushena vidviShAM shiro bibheda vR^iShNinA || 19||
na te gajendrAsyaitadvichitraM svatantratA yA IshvaratatvAchcha |
khalo.api nIcho.apyenonidhiryaH kR^iNoShi taM martyeShu prashastam || 20||
aho gaNesha bhUmipAH stuvatsu kA~nchanapradAH |
na lubdhatA shubhesha te rayiM gR^iNatsu dhAraya || 21||
mAtAmahamahAshailaM pitAmahavivarjitam |
kaNThopari gajaM vande jagatkAraNamachyutam || 22||
yasya mAtAmahI menA yasya nAsti pitAmahI |
taM bhAlachandraM vande.ahaM prakR^iteH puruShAtparam || 23||
he heramba tava harShaH prakAmaM bhakShye modakasamAkhye mR^idau hi |
nityAnanda surapAlo bhavAnvai kiM me havyamahR^iNAnA juSheta || 24||
vedashAstrANyadhItya putrAdi utpAdyeShTvA makhairgaNAdhIsha |
j~nAnaM sampAdya sadgurormuktAH ghnanto vR^itrANi sUribhiH syAma || 25||
aho dayodadhe supUrNakAma sadA pramodapUrNa he gaNesha |
subhaktitoyadarpitaM subhadramaryabhojanaM bibharShi || 26||
vadantyAtmeti hi vedAntA yAM pradhAnaM puruSha itthaM sA~NkhyAH |
babhAShe hIshvaramenaM yogaH UrujyotirvividurdIdhyAnAH || 27||
madIyAnkAmAn gaNesha pradAtuM kasyAsti shaktiH |
svahastenaiva pradadyAt mahAhastI dakShiNena || 28||
bAlyAdau svapnAdike.asmAbhiryatkR^itaM vAchA tanvA tejasA chApi duShkR^itaM
pApAnAM shatro dayAbdhe gajAnana mAnastasmAdenaso devarIriShaH || 29||
aho gaNAdhIsha surAsureshvaraM sid.hdhyA cha buddhyobhayatashcha sevitam |
sachchitsukhaM tvAM satataM bhajAmahe kaviM kavInAmupamashravastamam || 30||
vidhiviShNU maheshaH itare sarvakArye |
ibhavaktraM namanti nakirevA yathA tvam || 31||
aho heramba jagatsasarja arakShadyo hyatha sa~njahAra |
ahaM tvAmeva pUjayAmi tamu jyeShThaM namasA havirbhiH || 32||
aho gaNesha dUrvAdi bhaktyA yatte samarpitam |
nityatR^ipto.api devesha juShasva prasu mAmava || 33||
na sAmyaM te bhaviShyati jagatyAM aye jihve namo.astu te yadi tvam |
gajAsyaM siddhibuddhinAyakaM vai sushevaM brahmaNaspatiM gR^iNIShe || 34||
tathA kuruShva siddhibuddhinAtha gajAnanAya shambhubAlakAya |
sadA svabhaktapAlakAya tubhyaM yathA bhave mILajuShe anAgAH || 35||
bho heramba prItiyuto  gR^ihANa dUrvAM modakaM sushamInsulAjAn |
dInebhyaH sudInadayAyutastvaM asmabhyaM cha saubhagamA yajasva || 36||
saMsArasindhutaraNe na svalpamapi no bhayam |
gaNesha te mahAnaukAM bhUri nAma manAmahe || 37||
aho dantyAsya shrutirna samarthA na vaktuM devagaNAshcha samarthAH |
samarthyaikA shivashaktirumA te pra te mAtA mahimAnamuvAcha || 38||
aho heramba tvadIyA vayaM hi sutairmitraiH sambhajAma |
tvadIyAM pUjAM mudA sarvadaiva suratnAso devavItiM gamema || 39||
he heramba vayaM sarvadaiva tvatpUjAM kalayAmaH stutiM cha |
tasmAttvaM karuNAbdhe gaNesha svAvesho anamIvo bhavA naH || 40||
mattAn janAn parisantyajya deva bho siddhibuddhipate dInapAla |
duHkhAdibhiH satataM pIDitA yattvemahe pratitanno juShasva || 41||
he devadeva madIyaM sutAdikaM dhenvAdikaM pashujAtaM dayAnidhe |
aj~naM tvadIyasamarchAparA~NmukhaM shaM no bhava dvipade shaM chatuShpade || 42||
shivaputraM tvAM bhaktyA deva kalayAmo nityaM heramba |
dhaninaH sA~Nkhyaj~nAnADhyAshcha ajarAsaste sakhye syAma || 43||
khalAn pramattAMstava bhaktihInAn hitAhitaj~nAnavihInachittAn |
aho gaNAdhIsha dayAsamudra piteva putrAnprati no juShasva || 44||
aho gaNAdhIsha pUjAM tvadIyAM sadA kariShyAmi bhaktyA tatastvam |
samAgachCha shIghramAruhya chAkhuM iShaM rayiM paprathadvAjamasme || 45||
chintAmaNiM bhAlachandraM mahodaraM putrasyeshvaraM bhaktapAlakam |
bhaktyA suchittena taM bhajAmyahaM prAtarbhagaM pUShaNaM brahmaNaspatim || 46||
he girijAsuta pUjAM stotraM dhyAnamapIha kR^itvA te deva |
dAnadayAvrata yAgAdyante tena vayaM bhagavantaH syAma || 47||
kuto vilambaM kuruShe yadi tvaM dInavatsalaH |
AgachCha siddhibuddhibhyAM yadi stomaM mama shravat || 48||
he herambAhaM tava bAlako.asmi madvANyo yAH santi hi bAlavANyaH |
AnandADhyaM shambhusutaM sadA tAH vardhantu tvA suShTutayo giro me || 49||
kAvyoktadoShasahitaM vinindyaM stotraM tvidaM gaNapate mayoktam |
he devadeva karuNAsamudra sUktasya bodhi tanayaM cha jinva || 50||
anena prIyatAM devo bhagavAn girijAsutaH |
gajAnano.ayaM pUrveShAmasmAkaM kuladaivatam || 51||
khaNDarAjena rachitA gaNeshalaharI shubhA |
gaNeshatuShTidA nityaM vasatAt hR^idaye satAm || 52||
sampUjya tridashavaraM gajAnanaM yo vighneshastutilaharIM sadA paThedvai |
kShIrAbdhau karimukhapAdapadme AkalpaM sa hi nivasedgajAnanaH || 53||
nAmnA guNaishchApi shivaiva mAtA tAtaH shevastryambakayajvanAmA |
mallAridevaH kuladaivataM me shrIkaushikasyAsti kule cha janma || 54||

iti khaNDarAjakR^itA gaNeshavedapAdastutilaharI sampUrNA |
##
Proofread by Narendran Madathil 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}