% Text title            : Ganesha Uttarashatakam 06-32
% File name             : gaNeshottarashatakam.itx
% Category              : ganesha, shataka
% Location              : doc\_ganesha
% Author                : nIlakaNThashAstri
% Proofread by          : Gopalakrishnan
% Description/comments  : See accompanying gaNeshapUrvashatakam, From stotrArNavaH 06-32
% Latest update         : September 10, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIgaNeshottarashatakam ..}##
\itxtitle{.. shrIgaNeshottarashatakam ..}##\endtitles ##
evaM sR^iShTayavanAdIn brahmANDAnAmanekakoTInAm |
kurvan krIDAvashato vinAyakatvaM virAjase muditaH || 1||
bhautikaparamANUnAM puja~njairjAtaM yathA narasharIram |
brahmANDAtmavirAjo vapurhi jAtaM tathaiva bahugolaiH || 2||
chandrAdyA upagolAsteShu hi vishvambharAdayo golAH |
sUryAdimahAgolAH sumaNidvIpAdayaH paramagolAH || 3||
sarvAvayavasupUrNo mAturgarbha yathA shishurbhavati |
evaM bahuvidhagolaiH pUrNAvayavaM virATUsvarUpaM tat || 4||
tasya virAjo dehe kaTayUrdhve chaikaviMshatisvargAH |
ShoDhA vibhAgavantasteShAM madhye hya tva yaM paramagolaH || 5||
dvIpashchintAmaNiriti mUlAdhAro virATsharIrasya |
brahmANDamadhyadeshe tiShThatvachalaH sadA nirAlambaH || 6||
paramAtmakalpiteShu svapatheShu golA yathA bhramantyanye |
na kadApi tathA bhrAmyati chintAmaNirityayaM paramagolaH || 7||
tattadbrahmANDAtmakavirATsamUho mahAvirADbrahma |
tasya hi savAvayavA nikhilaibrahmANDakoTibhiH pUrNaH || 8||
akhilANDakoTisamudayajagadAtmAbhUnmahAvirATpuruShaH |
brahmANDakoTimadhye mUlaprakR^itisvarUpako dvIpaH || 9||
nAmnA chintAmaNiriti mUlAdhAre mahAvirAD rUpe |
sahasiddhibuddhirasmin saguNamahAvAkyagaNapatirbhavasi || 10||
mUlAvidyApratigatadevaratvaM hi plutapraNavarUpI |
virishchiharihararavibhisteShAM shaktyAtmajAdibhirvinutaH || 11||
ekArNapattanAbhidhamUlasthAnaM vibhAti tanmadhye |
tatrApi kalpavR^ikShodyAnagato~NkAramaNTapo bhAti || 12||
siMhAsane hi chintAmaNimayasopAnasaMyute tasmin |
ekAkSharagaNapatimahamanishaM dhyAyAmi siddhibuddhiyutam || 13||
tatra mayUreshAdimamUrtivisheShAn samantato.abhigatAn |
tachChaktimUrtisahitAn sahaparivArAn samAshraye satatam || 14||
tatra prathamAvaraNe yuvarADavyaktagaNapatiM vande |
gaNakaM haMsagaNapatiM bhaje.ahamanyAMstadIyaparivArAn || 15||
adbhutarachanAvatyastatra chatuShShaShTividhayaH santi |
tattatsvathalAdhikArAnurUpagaNapAshcha koTishaH santi || 16||
nAtratyavaibhavAdIn sheSho.apIShTe yathAvadAkhyAtum |
atyalpabuddhivibhavaH prabhurbhaveyaM kathaM nu varNayitum || 17||
ekApattanasya tu dakShiNapArshve puraM varaM bhavati |
nAmnA ShaDarNapattanamAj~nAsthAnaM sthalaM hi kR^ityAnAM kAryANAm || 18||
atra hi ShaDarNarUpI nijashaktibhyAM chakAsti vighneshaH |
taM tvAM namAmi santataM prAyaH prAguditavaibhavAdiyutam || 19||
nichitachaturdashabhuvanaM saptamahAdvIpavasumatImadhyama |
lokAlokavalayitaM brahmANDamidaM tathAnyadapi sarvam || 20||
gagane khadyota iva hyaNDaH pradyotate.ayamekaikaH |
aNvaNumAtrAvayavaH pariNatajagadAkR^iteH kila mahAprakR^ite || 21||
nikhilabrahmANDoparibhAge svAnandabhavanalokarate |
anvarthanAmadheyo mudgalakapilAdiyogibhajanIyaH || 22||
sa dvAdashAntadesho mahAvirAjo.akhilANDarUpasya |
aikShavasAgaramadhye pradIpyate koTiyojanaM vitataH || 23||
koTidivAkaradIptiryatra cha puruShArthasamparisamAptiH |
yatra na punarAvR^ittiryashcha mahAvAkyagaNapatervasatiH || 24||
tatra hi mUlasthAnaM shatayojanavistR^itAyatottu~Ngam |
o~NkAravalayarUpAmR^itasAgaramadhyagaM vibhAti tava || 25||
tatra sahasrastambhe chintAmaNimaNTape vichitratame |
ekAkSharapIThe tava tejomayavigrahaM hR^idA kalaye || 26||
bhavadIyasatyabhAge smitavadanAM brahmabhAvadAM dayitAm |
dhyAyAmi siddhidevIM pItAmbaradhAriNIM cha jagadambAm || 27||
kalhArakusumamAlAM kastUrItilakavijvalatphAlAm |
karuNApUrNakaTAkShAM kanakasavarNA sadR^ikShAM ~ncha mokShalakShmIM tAm || 28||
shashishekharAM trinayanAM suvarNasarasIruhe sukhAsInAm |
bhAsurasarvavibhUShaNavR^indAM sarvA~NgasundarIM vande || 29||
dhyAyAmi buddhidevIM brahmaj~nAnapradayinIM dayitAm |
bhavadIyadakShabhAge ghanasAratuShArasannibhasharIrAm || 30||
mandasmitamukhapadmAM mandAramukhaprasUnakR^itamAlAm |
vandArumadhuja bhajana lolAM vR^indArakamukhyamR^igyapadamUlAm || 31||
kastUrikAvisheShakavilasitaniTilAM gaNeshakR^italIlAm |
sitatAmarasAsInAM trilochanAM chandrashekharAM ruchirAm || 32||
bhavato bhavanaM paritaH prathamAvaraNe vichitraratnAni |
krIDAgAnAdIni sthAnAni manoharANi subahUni || 33||
tattatsthAnAnuguNaM gR^ihItakamanIyavigrahavisheShaH |
siddhathA buddhayA cha yuto viharasi muditastadarhaparivAraH || 34||
kandarpakoTiparibhUsaundaryajharItara~NgitAkArAH |
krIDAgAnAdigatA ma~NgalamUrtIshcha manmahe manasi || 35||
bhavataH kaTAkShavIkShAM pratIkShamANAshcha ki~NkarapravarAH |
Aj~nAkaraNapravaNA abhyarNe santi koTikoTigaNAH || 36||
bhavato hi vAmapUrve ki~nchinyUne mahendramaNipIThe |
AsInaM yuvarAja siddhisutA.avyaktagaNapatiM vande || 37||
dUrvAdalavachchyAmalakomalamUrtiM nishAkarApIDam |
kandarpasundarA~NgaM kaustubhachintAmaNiprabhAdIpram || 38||
nijalokavAsisarvAbhIpsitavij~nApanAdivAnAm |
vij~nApayati visheShAn sa kila mahAvAkyagaNapateH savidhebhavate || 39||
bhavadIyasannidhAne tasmAdanyo na ko.api gaNavargaH |
gantuM sthAtuM vApi prabhavati kimuta prabhAShaNAdividhau || 40||
api chAvyaktaniveditanijabhaktajanAnukUlakR^ityAni |
AkarNanamAtrAdapi sadyaH kartuM kR^itAdaro hi bhavAn || 41||
bhavato hi yAmyapUrve sphATikapIThe guruM sukhAsInam |
atisundaraM yuvAnaM buddheH sUnuM vi su lekhanIpANim || 42||
chUDAshashiprakAshaM shuddhasphaTikaprabhApratIkAsham |
gaNakaM gaNakAdhIshaM haMsagaNeshaM namAmyamAtye namAmi sachive sham || 43||
lokaM deshaM grAma brahmANDasthitaparAtmabhaktAnAm |
pUrvAcharitAn gaNako dharmAdIMshcha svapustake likhati || 44||
gaNakavilekhanamAtrAt sakalAnnijabhaktapu~NgavAkalitAn |
praNidApayasyanalpAn kAmakalApAn surAdiduravApAn || 45||
brahma mahattattvagataM gaNakaM prAhuH samastayogIndrAH |
yo nibabandha granthAn gaNapativiShayAn mahetihAsAdIn || 46||
dhyAyanti haMsarUpaM paramaguruM yaM sahasradalapadme |
AsInaM gaNakeshaM hR^idaye kila yogipu~NgavAH satatam || 47||
nikhilabrahmANDasthitabhakta janAnAM hitAhitaM vaktum |
varadAdikoTigaNapA vikaTasyAnte vahanti sachivatvam || 48||
akhilANDakoTinivasadbhaktAnAnandabhavanamAnetum |
AdhikArapadaniyuktA AmodamukhA bhavanti kodigaNAH || 49||
tvadbhaktimAtrasulabhAnIdR^ishatatratyasarvaparivArAn |
manasA numo naunya navarataM dvArIbhUtAn bhavatsamIpAptau || 50||
trinayanachandrApIDA brahmAnandAmbudhau bhR^ishaM magnAH |
Anandabhavanabhuvane gaNapatisArUpyabhAgino.anantAH || 51||
bahukalpakoTikAlaM bhavataH sadupAsanAt pramodante |
shuNDAdaNDavirAjattuNDAvigalanmadAmbuyutagaNDAH || 52||
sAlokyamuktibhAjo.asa~NkhyeyAshchAkhilANDabhaktajanAH |
evaM sAmIpyapadaprAptyA sukhabhUmabhAgino.anantAH || 53||
svargAdivAsinAmapi duShTAsurabAdhashApabAdhAdiH |
prArabdhakarmabhogaH kadAchidapi mAtR^igarbhavAsAdiH || 54||
AnandabhavanavAsI naitAdR^igupadravaM kadAchidapi |
anubhavati kiM tvakhaNDaM brahmAnandaM na duHkhasambhinnam || 55||
sa~NkalpamAtrasulabhAnAhAravihArakAmabhogAdIn |
parihR^itya nityatR^iptA nityAnandAtmanA mahAtmAnaH || 56||
j~nAnayogAdiniShThA jIvanmuktA gatA hi ye tatra |
brahmavichAraparAste prApuranantA videhakaivalyam || 57||
keshAdhikArayuktA yogijanA ye tu pUrvakalpeShu |
brahmAchyutAdayaste vidyante tatra koTishaH paritaH || 58||
avatAramUrtayaste santi samantAt sahasrashastatra |
tava tatra tatraiva mUrtimanto hyAmnAyAntAH stuvanti mahimAnaM tava rUpam || 59||
sarvAvaraNasametAstattatvachChaktisiddhibuddhadhaMshAH |
tattadavasarA kAla nuguNAH santi sahassraM hi mUrtayastatra || 60||
ityAnavamAvaraNaM vichitrarUpA vibhUtivibhavAdyAH |
kavivA~Nmanaso.aviShayAH santi svAnandabhavanaloke te || 61||
etebhyashcha nijebhyo lokAnugrAhimUrtibhedebhyaH |
jIvanmuktAdibhyo.atratyamahadbhayo namo.astu sarvebhyaH || 62||
dUre bhavataH purato siMhAsanasya mUle mUShakarAjo virAjate sutarAm |
dasyurivAntaryAmI bhu~Nkte bhogAMshcha sarvajantUnAm || 63||
avyaktagaNapatistava sevArthaM prApa mUShakAkAram |
bhavadIyavAhaneShvapi kurute sarveShvanupraveshamayam || 64||
yadyapi haMso vilikhati chaNDo vA nanabhairavo dAtAH |
bhavadAlaye gaNapate satataM sevAphalaM hi bhaktebhyaH || 65||
pUrvaM tava sevArthaM praveshakAle.asya mUShakasya tathA syAnte |
na labheta chedanuj~nAM sevA phalamapi sudurlabhaM tasya || 66||
sevAnabhij~namapi mAmanIshamanyAdR^ishopachAravidhau |
chaNDAdayo.anugR^ihNantvete bhavadIyabhavanaparivArAH || 67||
tava bhaktakoTimahimA vaktumashakyo.atra mudgalaH pravaraH |
yachChiShyAH kapilAdyAH santi chatuShShaShTikoTimitrasiddhAH || 68||
tvannAmamAtrajApA samUlakAShaM kaShanti kaluShANi |
viShaharaNasiddhamantro japamAtrAdiva viShaM nirava sheSham || 69||
ku~NkumakarpUrAgarumR^igamadagorochanadiyatagandhama |
yadbhaktA dadhate tadvastu gajAsyaM sadAstu mama chitte || 70||
shvetArkamUlamUrti jIvadgajadantamUrtimapi bhavataH |
shoNashilAmapi manasA pravAlaratnAdimUrtimapi mahaye || 71||
dUrvArchanamantrajapA vrataM chaturthyA yadIyachihnAni |
sindUradhAraNAdyapi sa gaNAdhyakShaH sadAstu mama sharaNam || 72||
dUrvArahitasaparyA viphalA bhavataH kR^itApi heramba |
nijashaktidattabIjadvayarUDhA yat shatA~NkurA devI || 73||
duHsvapnanAshinI sA svArchakapApApanodanaikachaturA parA |
bhaktajanavighnahantrI dUrvAyAM te tato mahAprItiH || 74||
yadyapi dUrvAnnamayI durgAshaptA tR^iNAtmanA jAtA |
ArAdhya siddhibuddhI shvetaharidbhedato dvidhAbhUt sA || 75||
durgArchane tu nindyA shlAdhyatamamevArchane.anyadevAnAm |
bhavato.atishlAdhyatamA yugmata ekaikaviMshatibhyAM vA || 76||
tulasI nIlA devI vaiShNavamAyA gaNeshashaptA sA |
bhavato.ata eva nindyA arhA grahadevatAnyadevAnAm || 77||
shvetArkakusumanikarairmandArasumaistathA shamIpatraiH |
bhaktairarchitamAtrAdyathAtitR^iptistathA na te kvApi || 78||
shvetArkamUlamaNibhirmandArashamImayaishcha maNinichayaiH |
prathitAM kilAkShamAlAM dhArayitAraH prasAdapAtraM te || 79||
vijayapravAlanagaro bhaumamayUreshanAsikAdInAm |
kShetrANAM yAtrAyAmashaktamapi mAM punAtu vigneshaH || 80||
na mama j~nAne niShThA yoge vA mantrakarmanAmAdau |
tvatpAdAshrayaNAnmAmuddhara saMsAratashcha siddhipate || 81||
nirvANadIkShayAhaM na saMskR^ito nApi yogadIkShAdyaiH |
sAmAnyadIkShayApi cha punIhi buddhIsha bhAvanAleshAt || 82||
mAmakR^itasukR^itasa~nchayamanupAsitamukhyadevatAmUrtim |
kevalabhaktibalAnmAM kR^itArthayethAH stvaM kR^ipApayorAshe || 83||
ichChAmAtrAdaNumapi meruM kuruShe.analaM cha salilamiva |
marumapi jaladhiM bhavato madaghanirAse gaNesha ko bhAraH || 84||
Akasmikayasi kAmAna duravApAnapi vichitrayasyarthAn |
sarvamaki~nchitkaramapyapekShase kinnvanugrahArhaM mAm || 85||
yo deshakAlavastubhiraparichChinno.api hR^idguhAvartI |
prerayati sarvajantUnanavarataM taM gaNeshamarhAmi || 86||
kAlasvabhAvaniyatiprabhR^itimamanyanta ye jagadbIjaM (ye jagadbIjamud giranti) |
avidantastava tattvaM saMsR^itichakre bhramanti muhyantaH || 87||
saMsR^itidharmAsa~NgI tatsAkShI tvaM tadAnurUpyeNa |
uchchAvachaphaladAtustava cha na vaiShamyaM nApi nairgR^iNyam || 88||
yamupAse.asmi~njanmani devaM yAvachCharIrahAnamaham |
pretya pratipatsye.ahaM tameva bhAvaM cha tatkratunyAyAt || 89||
prAgutpattestvamidaM jagachcha sarvaM sthiteravasthAyAma |
pralayAvasthAyAM tvaM dhyAyeyaM kaM kathaM tvadanyamaham || 10||
kAmatara~NgAbhihataM gabhIrasaMsArasAgare magnam |
viShayagrahagR^ihItaM bhavAbdhipotastvameva tAraya mAm || 91||
bahu sukha duHkhamoharUpaprapa~nchajAlADkuraprarohArham |
mUlAvidyAbIjaM dagdhuM nAnyadvinA bhavajj~nAnam || 92||
mAyAvilAsitametat prapa~nchajAlaM na vastutaH ki~njit |
na hi rajjushuktikAdivyatirekeNAsti sarparajatAdiH || 93||
tajj~nAnaM me sulabhaM yaj~natapodAnasAdhanAbhAvAt |
tvadbhaktimAtrasAdhanamatidInaM mAmanugR^ihANa vibho || 94||
gandharvanagarakalpaM sarvaM svApnapravR^ittisadR^isha~ncha |
mAyAmAtraM manye tvadvyatiriktaM tvadekatAno.aham || 95||
agrAhyo.anirdeshyo.achinyo.atakyor.aprameyamahimA tvaM
vikShiptachittavR^ittiH prabhaveyamahaM kathaM mama d.hdhyAne || 96||
bhUtabhavadbhavyeShu tvadvyatiriktaH kadApi nAse.ahaM   nAsIya
tvadbhAvApattisnu bhramApagamanAt sadA tvadAtmAham || 97||
shaR^i~NgagrAhikayedR^isha Atmetyuktau shrutistvanIshAnA |
chakitA pratipAdayati hyadhyAropApavAdarItyA tvAm || 98||
tvAmevAhaM jAne tvadanyabhAvabhramApagamanAya |
tvadbhAvabhAvito.ahaM nyaM na bhogyavarga~ncha kAmaye kamapi || 99||
lambodara heramba dvaimAtura dantivadana vinesha |
avyAjadayAsindho bhaktaparAdhIna dInajanabandho || 100||
bhavatAnugrAhyo.ahaM saMsR^itibandhAdahaM pramuchyeya |
nAlpena lobhanIyaH viShayAnandaM na chAbhinandeyam || 101||
na svargasvAnandaM kAryasvAnandamapyahaM nehe |
AnandabhavanamIyAM tadvindeyaM videhakaivalyam || 102||
yadyapi shuddhAdvaitI bAhyasupUjanAdinApi shaivo.aham |
paramAtmabhAvitagaNapatibhAvaH kadApi mApaitu || 103||
shrutyAdiShu prasiddhA guNagaNa gaNapati vibhavA yathAvadAkhyAtAH |
kavisamayasahajasiddhA vAchoyuktiH pratAyate na mayA || 104||
yadyapi gaNapatiguNagaNavarNanameva pradhAnataH prakR^itam |
matavimatanAntarIyakanirUpaNashchAnuSha~Ngato grathitam || 105||
ata eva pUrvameva pratishrutashlokashatakato.apyadhikA |
vineshabhinnaviShayapratipAdanatatparAH kR^itAH shlokAH || 106||
iti nIlakaNThashAstrI vidvadratnopanAmavAn vibudhaH |
sha~NkarabhagavatpadasthApitaShaTdarshanI susAraj~naH || 107||
gAmiShu bhavatsu saptadashAdhikapa~nchasahasreShu kali yugAbdeShu |
akarodgaNeshashatakaM tadguNaleshaiH svavAgvishudhyartham || 108||
taM kShAmyantu mahAnto yadi pramAdaprayuktadoShaH syAt |
jIyAdiyaM kR^itirme suchiraM bhUyAnmude cha siddhipateH || 109||
saMsAradashAyAmapi mokShadashAyAM tathaikarUpatvam |
Atmana ukto.ata eva shAnta brahmapravAdibhiH sA~NkhayaiH || 110||
mImAMsakAstu kathayantyAtmAhampratyayena vedya iti |
anye tvanyaM sarvaM na vastutaH kintvapakkasopAnam || 111||
vigatadvaitAbhAso vedyAntaraviShayavR^ittihIno.aham |
tvadUpachittavR^ittiH kinna bhaveyaM sadA tvadAkAraH || 112||
niratishayAndAtmabhavatsvarUpe mahApayorAshau |
viShayAnando nArhati bindashatatamAMshamAtramapi bhavituma || 113||

|| iti shrIvidvadratnopanAmakena vaiyAkaraNashiromaNinA vaidikaShaDdarshanIsAravedinA
nIlakaNThashAstriNA virachitaM gaNeshottarashatakaM samAptam |
##
Proofread by Gopalakrisnan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}