% Text title            : Shri Gajananasharanagati Stava
% File name             : gajAnanasharaNAgatistavaH.itx
% Category              : ganesha, stava
% Location              : doc\_ganesha
% Author                : Harihara Sharma
% Proofread by          : Narendran Madathil
% Description/comments  : From Vighneshvara-stuti-manjari 4
% Latest update         : October 10, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Gajananasharanagati Stava ..}##
\itxtitle{.. shrIgajAnanasharaNAgatistavaH ..}##\endtitles ##
shrIhariharasharmakR^itaH
OM vinAyakaM nAyakamekamasya dhAtAramAdi jagato.apyanAdim |
sadAshivasyApi shivaM dadhAnaM gajAnanaM taM sharaNaM prapadye || 1||
satyAdvayAnanda\-ghanasvarUpaM vedAntavAkyairadhigamyamAnam |
vANIsha gaurIsha ramesha pUjyaM gajAnanaM taM sharaNaM prapadye || 2||
yadbrahma jij~nAsitamAgamaj~naiH anekajanmArjita puNyapu~njaiH |
vivekavairAgyashamAdiyuktaiH gajAnanaM taM sharaNaM prapadye || 3||
yato babhUvedamachintyarUpaM mAyAmayaM rajjubhuja~Ngakalpam |
yatra sthitaM chApyayameti vishvaM gajAnanaM taM sharaNaM prapadye || 4||
akShAdijanyairanavApyarUpaM mAnaishcha sarvAntarasaMsthitesham |
shAstraikayoniM bhavasindhupotaM gajAnanaM taM sharaNaM prapadye || 5||
vedAntavAkyAnyakhilAni deve chinmAtrarUpe.anugatAni samyak |
anyAshrayAbhAvatayA cha yasmin gajAnanaM taM sharaNaM prapadye || 6||
yaM brahmasUtrairakhilaishcha vedaiH tathAgamaissarvapurANavAkyaiH |
jAnantyagastyAdi mahAmunIndrAH gajAnanaM taM sharaNaM prapadye || 7||
yaM jyeShTharAjaM gaNanAthanAthaM brahmAdibhirbrahmatayAnubhUtam |
kaviM kavInAmupamAnahInaM gajAnanaM taM sharaNaM prapadye || 8||
umApurArAtitanUjabhUtaM ShaDAnanajyeShThamachintyashaktim |
ShaDUrmiShaDbhAvaShaDItishUnyaM gajAnanaM taM sharaNaM prapadye || 9||
gajAsurAtyarditadevasa~NghAn trAtuM trilokA~ncha dayApayodhiH |
dadhAra mAyA gajarAjarUpaM gajAnanaM taM sharaNaM prapadye || 10||
dhAtrAdayo vishvasR^ijo yameva samarchayitvA saphalA bhaveyuH |
kR^ityeShu no ched viphalAshcha mUDhAH gajAnanaM taM sharaNaM prapadye || 11||
govindamukhyAstripuraM na jetuM shaktA maheshaM sharaNaM prapannAH |
haro.apyahaMstaM yadanugraheNa gajAnanaM taM sharaNaM prapadye || 12||
trilokamAtA tripurAripatnI mahAgaNeshaM vidhivatprapUjya |
bhaNDAsuraM daityapatiM jaghAna gajAnanaM taM sharaNaM prapadye || 13||
vakrANi vighnAni nihanti sevAparasya tuNDena hi vakratuNDaH |
vadanti vighneshvaramAgamaj~nAH gajAnanaM taM sharaNaM prapadye || 14||
pAsheShuchakrotpalabIjapUragadArujAvrIhi viShANa padmaiH |
savallabhaM ratnaghaTena yuktaM gajAnanaM taM sharaNaM prapadye || 15||
janmAntarAneka kR^itAni yanme pApAnyathAsmin karaNaistribhishcha |
teShAM prashAntyai bhavabandhamuktyai gajAnanaM taM sharaNaM prapadye || 16||
tvameva mAtA janako gurushcha bhrAtA sakhA bandhujano mahesha |
dAsastavAhaM bhavadaMshaka~ncha tvameva chAhaM paramArtha dR^iShTyA || 17||
tvAmekadantaM pravadanti vedAH anekadaM dInajanAnuraktam |
yAche bhavantaM varamekameva sadA ratiM tvachcharaNAravinde || 18||
dhanaM kaLatraM vasudhAdhipatyaM kalAnidhitvaM kamanIyagAtram |
yAche na chAhaM bhagavanmamaiva svAbhAvikasvAtmasukhaM prayachCha || 19||
purANavedAgamasUtravAkyaiH anAptamAnasya mahA mahimnaH |
madvAgvishud.hdhyai stavanaM kR^itaM yat tadkShAmaye tvAM jagadekanAtha || 20||
stavaM gajAnanasyedaM kR^itaM harihareNa yat |
tuShyatAM tena sarvAtmA sachchidrUpo vinAyakaH || 21||
(brahmasUtra\-chatuHsUtrImanusarati)

iti shrIhariharasharmakR^itaH shrIgajAnanasharaNAgatistavaH sampUrNaH |
##
Proofread by Narendran Madathil 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}