% Text title            : Gajanana Stuti Naradamunikrita
% File name             : gajAnanastutiHnAradamunikRRitA.itx
% Category              : ganesha, mudgalapurANa, stuti
% Location              : doc\_ganesha
% Proofread by          : Yash Khasbage, Preeti Bhandare
% Description/comments  : mudgalapurANaM chaturthaH khaNDaH | adhyAyaH 40 | 4.40. 31-48||
% Latest update         : June 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gajanana Stuti Naradamunikrita ..}##
\itxtitle{.. nAradamunikR^itA gajAnanastutiH ..}##\endtitles ##
|| shrIgaNeshAya namaH ||
devarShaya UchuH |
gajAnana namastubhyaM sarveShAM bIjarUpiNe |
nirbIjAya gaNeshAya vighnAnAM pataye namaH || 31||
anantAyaikadantAya herambAya namo namaH |
chaturbhujAya sarvesha sarvapUjyAya te namaH || 32||
sarvasiddhipradAtre cha surAsuramayAya te |
siddhibuddhiprachAlAya siddhibuddhipate namaH || 33||
aguNAya guNeshAya guNarUpAya gauNine |
mAyAmayAya mAyAyAshchAlakAya parAtmane || 34||
sarvAdaye mahodAra parAkramaparAya te |
svAnandavAsine te.astu namaH svAnandadAyine || 35||
yogAkArAya yogAnAM svAmine shAntidAyine |
brahmaNaspataye te.astu brahmaNAM brahmaNe namaH || 36||
anAdhArAya sarveShAmAdhArAya namo namaH |
AdimadhyAntahInAyAdimadhyAntAya te namaH || 37||
parashva~NkushahastAya trinetrAya mahodara |
namo mUShakavAhAya mUShakadhvajine namaH || 38||
namo namaste sakalAya dhAmne sadA sukhAnandakarAya pAtre |
jagat susraShTre sakalasya hantre guNairvihInAya gaNAdhipAya || 39||
videharUpAya parAya bhoktre bodhena hInAya susA~NkhyakAya |
sadA svabuddhau parasaMsthitAya gajAtmarUpAya namo namaste || 40||
bodhahInaM cha yadbrahma tadeva gajavAchakam |
gajachihnena yogIndrAH pashyanti tvAM gajAnanam || 41||
yathA mukhasya chihnena j~nAyante mAnavAdayaH |
tathA videhachihnena j~nAyase tvaM tu yogibhiH || 42||
videhaM gajarUpaM yattena te mukhamuchyate |
gaNeshasya prAptikaraM gajAnana namostu te || 43||
kiM stavAma gaNAdhIsha yatra vedAdikAstathA |
yoginaH shAntimApannAstaM vayaM sharaNaM gatAH || 44||
stutvA vighneshvaraM te tu praNemustaM punaH punaH |
tAnuvAcha gaNAdhIsho harShayan sarvabhAvavit || 45||
(phalashrutiH)
gajAnana uvAcha |
stotraM bhavatkR^itaM devA IshvarA munayashcha me |
sarvasiddhipradaM pUrNaM bhaviShyati nirantaram || 46||
yadyadichChati tattadvai dAsyAmi bhaktiyantritaH |
paThanAchChravaNAdasya santuShTo.ahaM visheShataH || 47||
varado.ahaM vR^iNuta vo dAsyAmi varamIpsitam |
tapasA bhaktibhAvena stotreNa tuShTimAgataH || 48||

iti nAradamunikR^itA gajAnanastutiH sampUrNA ||

\- || mudgalapurANaM chaturthaH khaNDaH | adhyAyaH 40 | 4\.40. 31\-48|| 
##
- .. mudgalapurANaM chaturthaH khaNDaH . adhyAyaH 40 . 4.40. 31-48.. 

Proofread by Yash Khasbage, Preeti Bhandare 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}