% Text title : pUrvapIThikA and phalashrutiH of guhyanAmauchChiShTagaNeshasahasranAmastotra % File name : guhyauchChiShTagaNeshapUrvapIThikAphalashrutiH.itx % Category : ganesha, sahasranAma % Location : doc\_ganesha % Transliterated by : Krishna Vallapareddy krishna321 at hotmail.com % Proofread by : Krishna Vallapareddy % Description/comments : From uDDAmareshvaratantra. See corresponding sahasranAmastotram. % Latest update : May 31, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Guhya Uchchishta Ganesha SahasranAmastotra pUrvapIThikA phalashruti ..}## \itxtitle{.. guhyauchChiShTagaNeshaguhyasahasranAmastotrasya pUrvapIThikA phalashruti cha ..}##\endtitles ## \section{pUrvapIThikA} sanaka uvAcha \- deva deva mahAdeva vidyAnAtha gurUttama | upAsanAni bhinnAni buddhibhedakR^itAni tu || 1|| kalau hi dhairyavaikalyAt sAdhaka bhramayanti hi | kenopAyena laghunA laghukAlakR^itena cha || 2|| sadhakAH siddhijAlAni prApnuyurhi kalau yuge | tamahaM j~nAtumichChAmi bhavanmukharasAkulaH || 3|| yadi me yogyatAstIti manyate bhavatA tadA | AchakShva karuNAsindho kautukaM me prapUrayan || 4|| dakShinAmUrtiruvAcha \- vatsa vatsa kimmeva hi brUyate tu tvayAdhunA | tava chedyogyatA nAsti kasyAnyasyeha yogyatA || 5|| tvAdR^isho yadi loke.asmin shiShyo labhyeta karhichit | tadaiva tasmai shiShyAya guruH sarvaM prakAshayet || 6|| bhavAn hi triShu lokeShu brahmavidyAprachAraNe | shrIvidyAyAstathA chChandovidyAyAshcha prachAraNe || 7|| niyatyA hi niyukto.asi tantravidyAprachAraNe | ataH sarvaM prakAshyaM te yogya evA.asi vatsaka || 8|| yadyadviShayavij~nAnaM pratIchChA tava jAyate | tattad visrabdhameva tvaM mAM pR^ichChasva nirAkulaH || 9|| kalau hi kShiprasid.h{}dhyarthaM samaschyeka upAyarAT | uchChiShTagaNanAthasya rAdhanaM kShiprasiddhikR^it || 10|| uchChiShTasya gaNeshasya pUjanaM bahudhA shrutam | tanmantrA api bahavaH shrUyante tantravedibhiH || 11|| hastishabdaM samuchchArya pishAchIti tato vadet | likhepadaM samuchchArya vahnijAyAntamuddharet || 12|| navAkSharo.ayamAkhyAta uchChiShTasya gaNeshituH | R^iShiH ka~NkolanAmAsya virAT Chanda udAhR^itam || 13|| uchChiShTagaNapo devaH sarvasampatpradAyakaH | dvAbhyAM hR^idayamAkhyAtAM tribhiH shira udAhR^itam || 14|| dvAbhyAM shikhA samAkhyAtA varma dvAbhyAM samIritam | samastenA.astramAkhyAtaM pa~nchA~NgavidhirIritaH || 15|| utrA~NgakalpanAyAM hi netratrayaM na vidyate | varNalakShaM japitvA tu mantrametaM tu sAdhayet || 16|| Adau ShaTkoNamAlikhya tato vasudaladvayam | chaturasratrivIthIbhiH sArdhaM yantraM samuddharet || 17|| pUjayitvA yantrarAjaM vidhinemaM subhaktitaH | sarvasiddhisamR^iddhashrIH sAdhako bhuvi jAyate || 18|| mUlamantrAdhipaM devaM madhye bindhau prapUjayet | ShaTkoNeShu ShaDa~NgAni pUjayetsthiramAnasaH || 19|| ShaDa~NgAni manorasya dhyAtavyAshchA~NgadevatAH | tuShArasphaTikashyAmanIlakR^iShNAruNArchiShaH || 20|| varadAbhayadhAriNyaH pradhAnatanavaH striyaH | pa~nchA~Ngakamanuryatra tatra pa~nchAramAlikhet || 21|| pujApi tatra kartavyA pa~nchA~Ngaireva mantrakaiH | AdhyAShTadalamUleShu shaktIraShTau kramAdyajet || 22|| vidyAkhyA vishvadhAtrI cha bhogadA vighnanAshinI | nidhipradA cha pApaghnI tathA puNyA shashiprabhA || 23|| daleShu cha yajettadvadaNimAdyA hi devatAH | aNimA mahimA chaiva laghimA garimA tathA || 24|| IshitvaM cha vashitvaM cha prAkAmyaM prAptireva cha | dvitIyAShTadalAbjasya daleShu kramasho.aShTasu || 25|| vakratuNDAdikA devAH sampUjyA gaNapeshvarAH | vakratuNDaika daShTrau cha mahodaragajAnanau || 26|| lambodarAkhya vikatau vighnarATdhUmravarNakau | bahiraShTadalAbjasya dalAgreShvapi cha kramAt || 27|| vighnA pUjanIyA hi brahmyAdyAstvaShTamAtaraH | brAhmI maheshvarIM chaiva kaumArIM vaiShNavIM tathA || 28|| vArAhIM cha tathendrANIM chAmuNDAM tadanantaram | mahAlakShIM cha kramashaH pUrvAdiShu hi pUjayet || 29|| chaturasrasyAdyavIthyAM dvitIyAyAM tathApi cha | tritIyAyAmapi tathA lokapAlAShTakasya tu || 30|| vAhanAni tathAstrANi daivatAni prapUjayet | indro vahniH pitR^ipatirnairR^ito varuNo marut || 31|| soma IshAnaH patayaH pUrvAdInAM dishAM kramAt | vajrashaktI danDakhaDgau pashAyudhaM tato dhvajaH || 32|| sha~NkhastathA trishUlashcha shastrANyeShAM yathAkramam | airAvato.ajamahiShau narashcha makarastathA || 33|| rururashvashcha vR^iShabho vahanAni yathAkramam | pa~nchAvaraNakaM yantramuchChiShTasya gaNeshituH || 34|| pUjayitvA vidhAnena sarvasiddhIshvaro bhavet | pa~nchAvaraNapUjeyamuchChiShTasya gaNeshituH || 35|| navAnAmapi mantrANAM sAdhAraNatayA smR^itam | tattanmantrasya sAdhyasya binduchakre prapUjanam || 36|| sAdhyasya devarUpasya dhyAne tvasti visheShakaH | anyakta sAdhAraNatA pa.achAvaraNa pUjane || 37|| mantramanyaM shR^iNotvadyA sAvadhAnena hi chetasA | krIM krIM padam samuchchArya hrIM hrIM cha padamuchcharet || 38|| hu~NkAraM samyaguchchArya ghe ghe shabda mathochcharet | ShaTkAraM svAhayA yuktaM praNavAdyo.ayamI ritaH || 39|| ekAdashAkSharaH samya~N mUlamantro gaNeshituH | R^iShyAdikaM purA proktaM dhyAnapUjAdikaM tathA || 40|| anyaM mantraM gaNeshasyochChiShTasyAsya bravImi te | ekadaMShTraM chaturthyantaM vaded hastimukhaM tataH || 41|| lambodarapadaM ~NentaM uchChiShTeti padaM tataH | Atmane.a~NkushabIjaM cha glU~NkAraM bhuvaneshvarIm || 42|| huM ghe ghe padamuchchArya svAhAkAraM samuchcharet | saptaviMshatibhirvarNaiH mantraH prokto gaNeshituH || 43|| R^iShyAdidhyAnapUjAntaM yathApUrvaM samAcharet | mantrAntaraM saMshR^iNuShvochChiShTapUrvagaNeshituH || 44|| o~NkAramuchcharedAdau namo bhagavate padam | ekadamShTrAya sambhAShya hastyante mukhashabdataH || 45|| lambodarapadaM ~NentaM uchChiShTeti padaM tataH | mahAtmane padaM proktA vadedamkushabIjakam || 46|| glU~NkAraM mAyayA yuktaM huM ghe ghe cha samuchcharet | svAhAnto manurAkyAtaH samyak ShaTtriMshadakSharaH || 47|| R^iShyAdikaM purA proktaM ShaDbIjaira~NgakalpanA | dhyAnapUjAdikaM sarvaM mantrI pUrvavadAcharet || 48|| balimantraM gaNeshasya shRRutvA buddhau hi dhAryatAm | OM gaM haM klauM samuchchArya glauM uchChiShTagaNepadam || 49|| tataH shAya mahAyakShAyAyaM baliriti smR^itaH | anena manunA mAMsaM phalaM vApi baliM haret || 50|| etatpUrvoktamantreShu yathA dhyeyo gaNadhipaH | R^iNotvavahitamanA dhyAnashlokaM tathAdhunA || 51|| ramyodbhinnAruNataramaNivrAtasaMshobhikAnti sambibhrANaM karakisalayaiH pAshAmapyamkushAhvam | sAbhItIShTaM trinayanayutaM raktamAlyAMshukADhyaM uchChiShTAkhyaM gaNapatimamuM saMsmaretpadmasaMstham || 52|| asmin balimantre tu dhyAne syAtki~nchidantaram | chaturbhujaM trinetraM cha raktavarNaM karAmbujaiH || 53|| pashA~Nkushau modakAnAM pAtraM dantaM cha bibhratam | kamalAsana AsInamunmattaM gaNanAyakam || 54|| dhyAyedatra balermantra uchChiShTasya gaNeshituH | manumanyaM gaNeshasyochChiShTAkhyasya mahoprabhoH || 55|| tava bravImi vAtsalyAchChruNotviha kumAraka | praNavo bhuvaneshI cha smR^itibindusamanvitA || 56|| tato navAkSharashchaiva samprokto dvAdashAkSharaH | AditrayadvirAvR^ityA hR^idayAdiShaDa~Ngakam || 57|| dhyAnapUjAvidhAne tu navArNakavadAcharet | shR^iNu mantrAntaraM vatsochChiShTAkhyasya gaNeshituH || 58|| tAraM hR^iduchChiShTapadaM gaNeshAya navAkSharaH | ekonaviMshatyarNo.ayaM munyAdyAH pUrvavatsmR^itAH || 59|| tryagadvitridvidvibhishcha mantrArNaiH syAtShaDa~Ngakam | etAvatsu hi mantreShu brahmachAritayA sthitaH || 60|| dhyAtavyaH sAdhakairdeva uchChiShTAkhyo gaNeshitA | itaH parataraM mantradvitayaM tasya vidyate || 61|| saptAdhikatriMshadarNo dvAtriMshadakSharo.api cha | anayorhi dvayormanvoruchChiShTAkhyagaNeshitA || 62|| vivastrapatnyAM surate pravR^ittatvena chintyate | shuNDAhastena jAyAyA lAlayaMshcha kuchadvayam || 63|| mahAtripurasundaryA yadAyudhachatuShTayam | tadeva dhArayandevo dhyAtavyo.atra gaNAdhipaH || 64|| praNavaM hR^idbhagavate ekadamShTrAya vai vadet | tato hastimukhaM ~NentaM tathA lambodaraM tataH || 65|| vadeduchChiShTashabdAnte mahAtmAnaM cha ~Nentagam | pashama~NkushamAye cha vighnavIjaM cha ghedvayam || 66|| vahnijAyAvadhiM saptatriMshadarNo manurmataH | giripa~NktisharAdryabdhiyugArNaira~NgakalpanA || 67|| tAro hastimukhaM ~NentaM lambodarapadaM tataH | tathochChiShTamahAtmAnaM pashA~NkushatrapAstataH || 68|| kAmatrapAvarma gheghe uchChiShTAyAgnivallabhA | dvAtriMshadakSharo mantro gaNeshasya mahAtmanaH || 69|| raseShusaptAShTayuganetrArNaira~NgakalpanA | saptatriMshadarNamantradvAtriMshadarNayordvayoH || 70|| gaNakaHsyAdR^iShishChando gayatrI devatA tataH | uchChiShTapadapUrvashcha gaNanAthaH samIritaH || 71|| dvAtriMshadarNako mantraH sarvatantreShu gopitaH | japtvA yaM mantrarAjaM tu sarvasiddhIshvaro bhavet || 72|| guhyanAmasahasrAkhyastavapAThe.api yogyatA | asyaiva mantrarAjasya rAdhanena hi jAyate || 73|| aShTAviMshativarNAtmamanurATsAdhakairapi | guhyanAmasahasre.asmin sampraveShTuM hi shakyate || 74|| yata eSha manushreShThaH sarvamantraprasAdhakaH | aShTAviMshativarNAtmA sarvamantrapraveshakaH || 75|| sa~NguptanAmasAhasrasyAdAveSha prashasyate | sarveShAmapi mantrANAmAdAveSha hi sAdhyate || 76|| ekavarNaM samArabhya yo yo mantra udIritaH | tattasminhi nirbhIkA manunAnena yogyatA || 77|| ekavarNaM samArabhya yo yo mantra samIritaH | tattasminhi gaNeshAna etatstotreNa pUjyate || 78|| vatsAdhunAtiguptaM hi guhyanAmasahasrakam | vakShyAmi bhavate.adyaiva shR^iNu tatparamAnasaH || 79|| yaM shrutvA sarvalokeShu nAnyajj~nAtavyamasti te | yaM shrutvA sarvalokeShu nAnyachChrotavyamasti te || 80|| yaM labdhA nAparaM lAbhaM manyase tvaM tato.adhikam | dvAtriMshadarNake mantre yaddR^iShyAdi samIgtim || 81|| tadevAtrAnusandheyaM nAmasAhasrake.api cha | yasmin yasmiMstu rUpe hi gaNeshAna upAsyate || 82|| tattatprasAdalAbhArthaM stutireShA prayujyate | uDDAmareshatantre.asmin paTale kShiprasAdhane || 83|| sa~NguptanAmasahasrapUrvabhAgaH samApyate || 84|| \section{phalashrutiH |} idaM tu nAmasahasramuchChiShTagaNapasya tu | sarvanAmahasreShu kShiprasiddhividhAyakam || 1|| guptAnAmapi sa~NguptaM sarvashaktisamarpakam | mAsenaikaina sarvAsAM siddhInAM hi vidhAyakam || 2|| anena sadR^ishaM stotramanyadbhavi na vidyate | vinA tripurasundaryA guptanAmasahasrakam || 3|| yadyatphalaM samuddiShTam guptanAmasahasrake | tattat sarvamatikShipraM sid.h{}dhyatyatra na saMshayaH || 4|| sharIradvayasambaddhasarvarogavinAshanam | anAdyavidyAvidhvaMsi brahmavidyAprakAshakam || 5|| sharIre vartamAne.api vikalevaramuktibhAk | sAdhako jAyate.anena guhyanAmajapena tu || 6|| sachchidAnandarUpena vartamAno hi sAdhakaH | nAmarUpasya sAkalyamuchChiShTatvena pashyati || 7|| siddhasya dhIravaryasya karaNatrayacheShTitam | upAsanarUpameva samvibhAti na saMshayaH || 8|| jIvanneva hi muktaH sa uchChiShTasya gaNeshituH | vidadhAnaH saparyAM tu sarvadaiva hi dR^ishyate || 9|| tAvatpUjAM sadhakoddha uchChiShTasya mahAprabhoH | kriyAkalApajaTilAM japahomAdinirbharAm || 10|| pa~nchAvaraNachakrIyAM kuryAt saMsthiramAnasaH | yAvatsarvaM nijaM karma saMshAntakartR^itAdikam || 11|| marIchikAjalaprAyamuchChiShTapadamApnupAt | nAmarUpasya sAkalyamuchChiShTapadamApnuyAt || 12|| nAmarUpAtmikA niShTA yeShAM teShAmiyaM stutiH | kalau hi pApabahule sarvapApapraNAshikA || 13|| idaM hi stotragranthAnAM sarveShAM nAyakAyate | vaidikaistAntrikairvApi japayaj~nAdibhistadA || 14|| yadyatpuNyaM kR^ichChrasAdhyamashvamedhAdibhistathA | tattatsarvamatikShipraM laghUpAyena sAdhyate || 15|| ashvamedhasya koTInAM yatpuNyaM shrutisammatam | tadatra guhyasAhasrapaThanena hi sid.h{}dhyati || 16|| sa~NguptanAmasAhasrapaThanAdyA hi sAdhyate | sA shaktirashvamedhasyAShTakoTyApi na sidhyati || 17|| idaM nAma sahasraM tu sarvavidyAprakAshakam | aShTAvadhAnavidyAyAM shatAvadhAnake.api cha || 18|| sAhasrikAvadhAne.api sarvavidyAsvaya~Ngrahe | etAdR^ishaM stotramanyan nopakAri na saMshayaH || 19|| prativAdimukhastambhe gaNeshasya mahAprabhoH | uchChiShTasya stotrametadvismApakaphalapradam || 20|| manuShyatArUShitAddhi pramAdAdikala~NkitAt | guroH sampAdyate vidyA yA sA vidyAdhidevatA || 21|| svaya~NgrahAshleShamArgamanurundhe hi sAdhake | anubhavaikagamyaM tu guhyanAmaprasAdanam || 22|| idaM nAmasahasram tu sarvasampatpradAyakam | dhanadhAnyasutAdyaShTalakShmIvR^indapravardhakam || 23|| sarvavandhyAtvadoShaghraM satsantAnapradAyakam | sarvajvarArtishamanaM dIrghAyuShyapradAyakam || 24|| dharmamarthaM kAmamokShau iTitIdaM pradAsyati | niShkAmo vA sakAmo vA sarva etatprasAdhayet || 25|| dvatriMshadvarNakaM mantraM sahasrAvR^ittikaM japet | guhyanAmasahasrAkhyametad bhaktyA tataH paThet || 26|| evaM tu sadhakashreShTho varShamAtraM prayatnataH | nishIthinyAM muktakeshaH prajapetsthiramAnasaH || 27|| aShTasiddhimavApnoti khecharImelako bhavet | samasteShvapi lokeShu tasyAsAdhyaM na vidyate || 28|| dvAtriMshadvarNakaM mantraM mAtR^ikApariveShTitam | mAsamekaM pratidinamaShTottarashataM japet || 29|| tatastu nAmAsahasraM pratyahaM bhaktitaH paThet | siddhisanghAH samAyAnti sadyaH sAdhakatallajam || 30|| pustake likhitaM mantraM dR^iShTvA japati yo naraH | sa sAdhakAdhamabhraShTo yoginIshApabhAgbhavet || 31|| AchAryoddhAtsiddhamantrAnmanuM labdhvA vidhAnataH | sAdhakoddhaH sadya eva siddhamantro bhaviShyati || 32|| mantrArAdhanakAle.api sAhasrapaThe.api cha | patnIyonyAM nyastali~Ngo dhyAtavyo.atra gaNAdhipaH || 33|| shuNDAhastena jAyAyA saMlAlitorujadvayaH | tAraThadvayagambIjairbIjashaktI cha kIlakam || 34|| tAmbUlacharvaNAyuktaH patnyAli~NgatadehakaH | muktakesho vivastrashcha kuryAdhArAdhanaM param || 35|| jananAshauchayukto vA maraNAshauchayuk tathA | japaM kurvanhi dhIro.ayaM sadyaH siddhiM prashyati || 36|| rajasvalAyAH kanyAyAH samIpe japatatparaH | yoginInAM chatuHShaShTikoTiM dAsIkaroti hi || 37|| pitR^ibhUmau nishIthinyAM pratyahaM dhairyasamyutaH | mAtR^ikApuTitaM mantramaShTottarashataM japet || 38|| sAdhakatallajasyAsya yAvanmAsaM samApyate | nishchitaM mantrasiddhiH syAdityuktaM tantravedibhiH || 39|| guruM santoShayed bhaktyA bhUShaNAchChAdanAdibhiH | guroH santoShamAtreNa mantrasiddhirbhaved dhrumam || 40|| gurumUlamidaM sarvamityAhustantravedinaH | guruM vila~Nghya mantre.asmin nAdhikAraH sureShvapi || 41|| etasya mantrarAjasya prayogaH kriyate yadi | gurornuj~nAM vinA tasya nAshaH sadyaH prajAyate || 42|| shive ruShTe gurustrAtA gurau ruShTe na kashchana | yasya deve cha mantre cha gurau cha triShu nishchalA || 43|| na vyavachChidyate bhaktiH tasya siddhiradUrataH | gurostu pAhukAmantraM smR^itvA shirasi pa~Nkaje || 44|| mahatIM pAdukAmevAthavA svashirasi smaran | sarvamantreShu saMsiddhimanAyAsena gachChati || 45|| gurupAdusmR^itiM hitvA saMsisAdhayiShoraNum | koTyAvR^ittijapenApi tasya mantro na sid.h{}dhyati || 46|| yasya kasyApi mantrasyAlandhyoyaM hi vidhiH smR^itaH | uchChiShTasya gaNeshasya jAgartyeSha visheShataH || 47|| mahatI pAdukaiShA hi sarvavidyaughavigrahA | AdinAthasya tadvidyA shabdarUpaM vapurmatA || 48|| tenAsyAH smaraNAtsadyaH sarvamantro hi sid.h{}dhyati | brAhme muhUrta utthAya sAdhakaH sthiramAnasaH || 49|| pratyahaM dakShiNAmUrtermahatIM pAdukAM sudhIH | aShTAviMshativAraM tu smR^itvA ya~Nka~ncha sAdhayet || 50|| sadyapi brAhmaNashreShTaH kuladravyaparAyaNaH | tadAnena vidhAnena kartavyaM vIrasAdhanam || 51|| madyaM mAMsaM cha matsyaM cha mudrAM maithunameva cha | iti mapa~nchakaM dachvA rAdhayechcha gaNAdhipam || 52|| eteshAM nityatA j~neyA hyachChiShTasya prapUjane | pratinidhyarpaNAM tvatra na hi devaprasAdakam || 53|| tathApIha kalau kechid grahNIyurlashunAdikam | sampradAyAnuroghenAnutiShThatu hi sAdhakaH || 54|| lakShamAnaM japenmantraM dashAMshaM juhuyAdghR^itaiH | tarpaNAni dashAMshena kuryAnmArjanabhojane || 55|| kalau hi sarvamantrANAM chaturguNajapo bhavet | evaM saMsiddhamantrastu prayogAnAcharettataH || 56|| dhanaM dhAnyaM sutAn pautrAn saubhAgyamatulaM yashaH | prApnoti sAdhakashreShTho gaNeshasya prasAdataH || 57|| lalitAnAmasAhasramuchChiShTagaNapasya cha | stotradvayaM sAdhakAnAM sarvavA~nChAprapUraNam || 58|| dvayorapyanayormadhye nAntaraM ki~nchidasti hi | stotrayoranayoryastu bhedakR^it pApakR^iddhi saH || 59|| uchChiShTagaNanAthasya mantreShveShu na shodhanam | siddhArichakrachintA na prAptAshchetsiddhidA guroH || 60|| manavo.amI sadA gopyA na prakAshyA etastataH | dvAtriMshadarNake mantre vishiShTo.ayaM vidhiH smR^itaH || 61|| ayameva vidhirgrAhyo devIShoDashavarNake | rAjyaM deyaM shiro deyaM na pradeyamidaM dvayam || 62|| mahatpadasamAyuktapAdukA bhuvi durlabhA | idaM dvayAtsusa~NguptA na deyA yasya kasya tu || 63|| praNavAdistritArIyug bAlAbIjakashobhitA | vANIbhUbIjasaMyuktA haMsatrayasamanvitA || 64|| khecharIbIjasambhinnA navanAthasushobhinI | prasAdashrIsamAyuktA navanAthavilomakA || 65|| parAprasAdabIjADhyA mahAgaNeshamantrakA | bAlAShaDakSharIyuktA yogabAlAvijR^imbhitA || 66|| annapUrNAsamAyuktA vAjivAhAvilAsinI | saubhAgyapUrvavidyAyu~NmahAShoDashikAnvitA || 67|| uchChiShTapUrvachANDAlIsamAyuktasuvigrahA | trayodashArNavAgdevIsamullasitamUrtikA || 68|| nakulImatR^isaMyuktA mahAmata~NginIyutA | laghubArtAlikAyuktA svapnavArtAlikAnvitA || 69|| tiraskariNikAyuktA mahAvArtAlikAyutA | parAbIjasamAyuktA lopamudrAvijR^imbhitA || 70|| trayodashAkSharIhAdij~naptividyAsamanvitA | dvijapa~NktyarNasaMyuktochChiShTagaNapasaMyutA || 71|| mahAvAkyamahAmAtR^ichatuShTayavilAsinI | chaturviMshativarNAtmadakShiNAmUrtishobhinI || 72|| punarhaMsatrayArUDhA rasAvANIsamApitA | shrIvidyAnandanAtheti tata Atmaka uchcharet || 73|| shrIcharyAnandanAtheti tatashcha shrImahApadam | padukAM tu samuchchArya pUjayAmi padaM tataH || 74|| nAma iti samuchchArya mahatIM padukAM smaret | mahatI padukeyaM tu sarvatantreShu gopitAm || 75|| prAtaH sAyaM cha sa~nchintyA mahAsiddhipradAyinI | pAdukAyAH paro mantroH trailokyepi na vidyate || 76|| mahatIM pAdukAM smR^itvochChiShTAkhyasya gaNeshituH | mantrarAjasya saMsid.h{}dhyai prayateteha sAdhakaH || 77|| uchChiShTasya gaNeshasya saMrAdhanAvalambane | sadhakairdhairyavattvena vartitavyaM pratyatnataH || 78|| tAdR^ishyAM dhairyasampattau asAdhyaM nahi vidyate | pramANaM merutantrIyaM vismR^itavyamidaM na tu || 79|| ramAdiShoDashIdIkShA sampUrNAkhyA guruttamAt | labdhA yena hi tasyaivochChiShTopAstau hi yogyatA || 80|| ShoDashIsAdhakAdanya uchChiShTAkhyaM gaNeshvaram | shAstramenamanAdR^itya sisAdhayiShurudyataH || 81|| kulasya pashuputrANAmAtmanashcha dhanasya cha | nAshameva prapashyanhi gachChechcha rauravAdikam || 82|| deshikApasadAnmantra uchChiShTasya gaNeshituH | guhyamANo hi chApalyAd hanti shiShyaM guruM tathA || 83|| niyamolla~NghinaM shiShyaM yoginInAM krudhA dahet | ayuktasya hi shiShyasyopadeShTAraM dahettathA || 84|| uchChiShTasAdhanAtpUrvamaShTAviMshativarNakam | mahAgaNAdhinAthasya mantrarAjamanuttamam || 85|| sAdhayetsAdhako dhR^ityA hyanyathA.anarthamAcharet | anantaraM hi bAlAyA mantraM saMsAdhya sAdhakaH || 86|| saubhAgyapUrvavidyAyAM siddhiM gachCheddhi yatnataH | dvitIyamabhiShekaM cha tato labdhvA guruttamAt || 87|| pUrNAbhiShekanAmAnaM saMsAdhayechcha ShoDashIm | tArAdiShoDashIbhedAH santi yadyapi vatsaka || 88|| shrIbIjena samArabdhA ShoDashIha tu guhyate | tripurAM ShoDashIM nAma sAdhayitvA hyupAsakaH || 89|| uchChiShTAkhyaM gaNeshAnaM tato dhR^ityA hi sAdhayet | dvAtriMshadarNake mantre.atha saptAdhikavarNake || 90|| sadhakasyeha saMsiddhiranAyAsena dR^ishyate | ata imaM stotrarAjaM sa~NgopAya prayatnataH || 91|| aShTottaraM sahasraM tu stotrasyAsya hi sevanam | chaturdashakasaMyuktachaturyuktachatushshatI || 92|| sAhasrI manurAjasya sa~njaptirapi sAdhakam | sarvaj~natvAdisid.h{}dhyaughaM siddhishchANimAdikAH | sa~Ngamayeddhi tatraiva jagaddhismayakAriNIH || 93|| dakShiNAbhimukheshasya sakAshAddhi kumArakaH | stotrasyaitasya saMshrutyA sadyo.ajAyata nirvR^itaH || 94|| uDDAmareshatantre.asmin paTale kShiprasAdhane | guhyanAmakasAhasre phalabhAgaH samApyate || 95|| uDDAmareshatantre.asmin paTale kShiprasAdhane | guhyanAmasahasrAkhyastriMsho.adhyAyaH samApyate || 96|| iti guhyauchChiShTagaNeshaguhyasahasranAmastotrasya pUrvapIThikAsahita phalashrutiH samAptA | || iti sarvaM shivam || ## Encoded and proofread by krishna vallapareddy krishna321 at hotmail.com \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}