% Text title            : Shri Mahaganapati Panchavarana Stotram
% File name             : mahAgaNapatipanchAvaraNastotraM.itx
% Category              : ganesha, stotra
% Location              : doc\_ganesha
% Proofread by          : Aruna Narayanan
% Description/comments  : From shrInaTarAjastavamanjarI
% Latest update         : July 10, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mahaganapati Panchavarana Stotram ..}##
\itxtitle{.. shrI mahAgaNapati pa~nchAvaraNastotram ..}##\endtitles ##
adhastAnmAnuShAkAraM purastAtku~njarAkR^iti |
nirastAsheShaduritaM purastAdastu vastu naH ||
anAdyAyAkhilAdyAya mAyine gatamAyine |
arUpAya svarUpAya shivAya gurave namaH ||
shrIshivaH \-
sR^iShTisthitivinAshAnAM vishvasyAsyaikakAraNam |
mahAgaNapatiM vande pa~nchAvaraNasaMyutam || 1||
krIDAsaktagaNAdhIsha karashIkarapUritam |
aikShavAmbhonidhiM vande tara~Ngakulasa~Nkulam || 2||
tasya madhye dvIpavaryaM naumi ratnashilAtalam |
sevAgatAmarAdhIsha daityasiddhasamAkulam || 3||
pArijAtakasantAna mandAraharichandanAn |
sakalpavR^ikShAn tatrasthAn saMshriteShTavarapradAn || 4||
palAshapallavaphala prasUnartuvaravrajaiH |
yugapatsevyamAnasya mahataH kalpashAkhinaH || 5||
teShAM jvalanmarakata pravAlakamaNivrajAt |
adhastAtkaumudIbAlAtapAbhyAM sa~NkulasthalIm || 6||
ratnavedIM yajetpUrNakumbhadIpopashobhitAm |
lasadvitAnasaMyuktAM chatuHstambhavirAjitAm || 7||
muktApravAlashobhADhyAM nAnAratnaishcha shobhitAm |
tatra dharmAdisiMhAsya chatuShpAdasamanvitam || 8||
pUjayAmi vibhoH pIThamadharmAdyupashobhitam |
tanmadhye lipisaMyuktaM dalAShTakamanoharam || 9||
ShaTkoNachakramadhyasthaM trikoNA~NkitakarNikam |
vR^ittabhUvalayopetaM vilasatkesarAnvitam || 10||
sarvashaktyAkhyakamalaM pUjayAmyAsanAtmakam |
tIvrA cha jvAlinI nandA bhogadA kAmarUpiNI || 11||
ugrA tejovatI satyA navamI vighnanAshinI |
ki~njalkakarNikAsInA yAstAH shoNA~NgavAsasaH || 12||
vande varAbhayakarAH pIThashaktIrgaNeshituH |
trikoNakarNikAyAM tu sukhAsInaM surArchitam || 13||
japAkusumasa~NkAshaM dIptira~njitadi~Nmukham |
gajAnanaM jagadvandyaM tundilaM chandrashekharam || 14||
ekadantaM triNayanaM nAgayaj~nopavItinam |
raktamAlyAmbaradharaM raktagandhAnulepanam || 15||
phaNAmaNilasadbhoga bhogibhUShaNabhUShitam |
vAmanA~NghrikarAmbhojaM dashadordaNDamaNDitam || 16||
ramAviShNvAdimithuna hetyala~NkR^itavigraham |
dakShavAmakarAgreShu bIjApUraM gadAM dhanuH || 17||
aikShavaM trishikhaM chakraM kamalaM pAshamutpalam |
kalamAgraM svaradanaM puShkare kalashaM shubham || 18||
dadhAnaM kalashasthAni nAnAratnAni sarvadA |
vitarantaM svabhaktebhyo.abhitaHsaMsR^itidhArayA || 19||
gaNDasthalagaladdAna gandhalubdhAnmuhurmuhuH |
nivArayantaM madhupAn karNatAlanaghaTTanaiH || 20||
mahAgaNapatiM vande varadaM shaktisaMyutam |
vAmA~Nke gaNanAthasya sukhAsInAM shuchismitAm || 21||
kareNa patimAli~Ngya dakShiNenetareNa tu |
bibhratIM phullakamalaM kR^ipAvistR^itavIkShaNAm || 22||
divyamAlyAmbarAlepAM divyAbharaNabhUShitAm |
sAdhakAbhIShTasarvArtha siddhidAnaikatatparAm || 23||
gaurA~NgIM gaNanAthasya shaktiM bhaktyA.abhivAdaye |
agre bilvatarormUle divyasiMhAsanasthitau || 24||
vidyunnIlAmbudanibhau dvichaturbAhushAlinau |
padmadvayagadAkhaDgasha~NkhachakrAyudhAnvitau || 25||
shvetapItAmbaradharau divyAlepanabhUShitau |
ramArameshau saMstaumi gaNeshAbhimukhasthitau || 26||
gaNeshadakShiNe bhAge vaTavR^ikShasthale sthitau |
tryakShau siMhAsanAsInau surAsuraniShevitau || 27||
hATakasphaTikaprakhyau pR^ithagbAhuchatuShTayau |
pAshA~NkushavarAbhIti dvayashUlaparashvadhau || 28||
divyamAlAmbarAlepa bhUShaNAvindushekharau |
gaNeshAbhimukhAsInau naumyumAvR^iShabhadhvajau || 29||
gaNeshottarabhAgasthau bodhivR^ikShasthale sthitau |
divyasiMhAsanArUDhau hemavidrumasannibhau || 30||
divyamAlyAmbarAlepabhUShaNau dvidvibAhukau |
utpaladvayapuNDrekShu chApapuShpasharAyudhau || 31||
gaNeshAbhimukhAsInau prastaumi ratimanmathau |
gaNeshavAma bhAgasthau priya~NgudrumamUlagau || 32||
nIlotpaladyutinibhau divyasiMhAsanAshritau |
shukavrIhyagrachakrodyadgadAbhItivarAnvitau || 33||
shvetapItAmbarau divyamAlyAlepanabhUShitau |
gaNeshAbhimukhAsInau dvichaturbAhushAlinau || 34||
AdhArabhUtau bhUtAnAM bhUvarAhau samAshraye |
ShaTkoNasthAnagAmoda pramodonmukhadurmukhAn || 35||
avighnaM vighnakartAraM gaNeshAbhimukhasthitAn |
shoNA~NgAn shubhramAlyAMshcha triNetrAn bhogibhUShaNAn || 36||
pAshA~NkushavarAbhIti hastAnardhendushekharAn |
R^id.hdhyAdishaktisahitAn gajavaktrAn samAshraye || 37||
R^iddhissamR^idvishcha tathA kAntishcha madanAvatI |
madadravA drAviNI cha ShaDAmodAdishaktayaH || 38||
yAstAshchAmIkaranibhAH samphullAmbujadhAriNIH |
divyAbharaNamAlyAnulepanAMshukabhUShaNAH || 39||
AtmeshA~NkasthitAH saumyAH siddhidAH sharaNaM bhaje |
gaNeshobhayapArshvasthau muktAmANikyasannibhau || 40||
sadA dhanAni varShantau svashaktibhyAM samanvitau |
vasudhArAvasumatIbhyAM shraye sha~NkhAkhyapadmakau || 41||
vahnIsharakSho vAyvagra pR^iShTheShva~NgAni ShaDvibhoH |
hR^idAdIni prasannAni nAnAvarNAkR^itIni cha || 42||
gaNeshAbhimukhasthAni natimudrANi saMshraye |
divyAMshukAlepamAlyAH pR^ithagvarNAnanAkR^itIH || 43||
      svahetivAhanopetAH staumi brAhmyAdimAtR^ikAH |
prAgAdidikpatIn svasvahetivAhanasaMyutAn |
      nAnAvarNAkR^itIn saumyAnindrAdIn sharaNaM bhaje || 44||
chatushchatvAriMshatparigaNitapadyairvirachitaM
      gaNeshastotraM yaH paThati niyatAtmA sa labhate |
dhanaM dhAnyaM putrAn jananR^ipavashitvaM pashuchayaM
      chirAyussadvidyAM vipulatarakIrtiM shivapadam || 45||
chatushchatvAriMshatparigaNitametatpratidinaM
      japedaShTadravyairgaNapatisamArAdhanaparaH |
chatushchatvAriMshaddivasamiti japtvA sa labhate
      sakR^ichChrAniShTArthAnapi japadineShveva sulabhAn || 46||
nArikelakadalIphalalAjAnmodakAnpR^ithukasaktutilekShUn |
sannivedya paritarpya gaNeshaM kIrtayetstavamimaM pumarthadam || 47||
yadakSharapadabhraShTaM mAtrAhInaM tu yadbhavet |
tatsarvaM vallabhAyukto gaNeshaH kShantumarhati || 48||

iti shrImahAshaivatantrAntargataM mahAgaNapatipa~nchAvaraNastotraM sampUrNam |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}