% Text title            : Shri Mahaganapati Sahasranama Stotram Sabhashyam
% File name             : mahAgaNapatisahasranAmastotraMsabhAShyam.itx
% Category              : ganesha, sahasranAma, stotra, vyAkhyA
% Location              : doc\_ganesha
% Author                : bhAskararAyadIkShita
% Proofread by          : Narendran Madathil
% Description/comments  : From Vighneshvara-stuti-manjari 2. See corresponding stotram
% Latest update         : August 16, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mahaganapati Sahasranama Stotram Sabhashyam ..}##
\itxtitle{.. shrI mahAgaNapati sahasranAmastotraM sabhAShyam ..}##\endtitles ##
shrIvighneshvarAya namaH |
shrI bhAskararAyadIkShita praNIta khadyota bhAShyasa~Ngrahayutam |
gurureva gatirgurumeva bhaje, gurUNaiva sahAsmi, namo gurave |
namo guroH paramaM, shishurasmi guroH matirasti gurau mama, pAhi guro ||
gaNesha vaH pAyAt praNamata gaNeshaM jagadidaM
gaNeshena trAtaM nama iha gaNeshAya mahate |
gaNeshAnnAstyanyattrijagati gaNeshasya mahimA
gaNeshe machchittaM nivasatu gaNesha tvamava mAm ||
iha khalu sarvavedAntasaMvedyaM akhaNDaM sat chid AnandaM nirastatrividhabhedaM avA~NmanasagocharaM svaprakAshaM muktopasR^ipyaM paraM brahma | tannirvikalpena tadviShayakasavilAsAj~nAnanivR^ittyA kaNThachAmIkaranyAyena tadAtmatAvAptirUpo mokSha ityavivAdam | sa cha nirvikalpaH shuddhachittAnAmeva na malinAshayAnAm | chittashuddhau tu shrautasmArtakarmANi tattadvarNAshramochitAni vede karmakANDasamadhigamyAni bahira~NgopAyAH | tasyaiva brahmaNaH saguNa\-nirguNabhedena dvividhasya upAsanAni vede rahasyataropaniShatkANDasamadhigamyAni antara~NgopAyAH | bahira~NgAnuShThAna\-shIlAnAmeva tvantara~NgAnuShThAne.adhikAraH | saguNaM tu rUpamupAsakAnugrahArthaM kalpitameva ityupAsakaruchivaichitryeNa nAnAvidham | teShu \ldq{}AdityamambikAM viShNuM gaNanAthaM maheshvaram\rdq{} iti smR^ityuktarUpANi tattadavAntaramUrtibhedAshcha tattajjanmAyAtasaMskArAnuguNye nopAsyAnIti sarve.api IshvarA eva | ata eva purANAnyapi tattadupAsakAnujighR^ikShayA pravR^ittAni tasya tasyaiva sarvottamatvam, anyeShAM tato.apakarShaM cha, nahinindAnyAyena pratipAdayanti | kalpabhedena ekasmAdanyeShAmutpattiH sambhavatItyAdikamAkareShu spaShTam | tatra gaNapativiShaye herammbopaniShadgaNeshopaniShadAdyAH shrutayaH, aidamparyeNa gANapatantrANi, gaNeshopapurANaM, purANAntareShvapi tatra tatra sarvottamatva\-nirUpaNabhAgAshcha, iti shatashaH pramANAni tattadvidAM spaShTAni ||
tadupAsanaM chaikAkSharaShaDakSharAShTAviMshatyakSharAdi \- bahuvidhagaNapatimantrajapAdirUpaM bahuvidham | svatantratayA sahasranAmastavapATho.api | sahasranAmastavasyApi purANatantrabhedena bahuvidhasya madhye.ayameva bahubhirupAsakaiH parigR^ihIta ityayameva vyAkriyate ||
gaNeshapurANe tAvadupAsanAkhaNDe \- \ldq{}aShTAdashapurANAni \- vistarAchChrAvitAni naH | anyeShAmapi shushrUShA vartate vahnisambhava\rdq{} , iti sUtaM prati R^iShINAM prashne purANamavatArthaM katichid AkhyAnAni nirvarNya ShaTtriMshamadhyAyamArabhya gR^itsamadopAkhyAnaM pravartitam | tadIyakShutAt tripurAsurasyotpattiH, tasya tapaH, tasmai varadAnaM, tasya trailokyajayaH, shivena saha yuddhaM, shivaparAjayaH, nAradaM prati shivakR^itaprashnaH, nAradavAkye \- \ldq{}yuddhAya gantukAmena nArchito gaNapastvayA | ataH parAbhavaM prApto.asyagninetra pinAkadhR^ik\rdq{} ityAdi | tataH, \ldq{}so.atapyata tapo.atyugraM dasha varShANi sha~NkaraH | tatastasya mukhAmbhojAnnirgato.abhUtpumAn paraH | pa~nchavaktro dashabhujo bhAlachandraH shashiprabhaH | muNDamAlaH sarpabhUSho mukuTA~NgadabhUShaNaH | agnyarkashashino bhAbhistiraskurvan dashAyudhaH\rdq{} ityAdinA gaNeshAvirbhAvatatprasAdavaradAnAdikaM uktvA, \ldq{}tataH svanAmnAmavadat sahasraM tasmai gaNeshaH praNatAya divyam | shivasya bhaktyA parituShTachitto jayapradaM kAmakaraM janAnAm || \ldq{} ityAdinA tapaH samAptiH pa~nchachatvAriMshe.adhyAye varNitA ||
tata uttare.adhyAye brahmANaM prati vyAsakR^itaprashnaH \- \ldq{}vyAsa uvAcha || kathaM nAmnAM sahasraM svaM gaNesha upadiShTavAn | shivAyaitanmamAchakShva lokAnugrahatatpara !\rdq{} iti | tataH brahmovAcha | \ldq{}deva\rdq{} evaM purArAtiH ityAdishlokachatuShTayena pUrvoktavistR^itakathAyAH sa~NkShepeNAnuvAdaH | tadidaM stotraM gaNeshapurANe ShaTchatvAriMshattamAdhyAyarUpam | atra pUrvapIThikA\- bhAgaH pa~nchashlokAtmakaH | madhye nAmabhAgaH sArdhaShaTShaShaShTyuttarashata\-shlokAtmakaH | antyaH phalashrutibhAgaH sArdhatrichatvAriMshat shlokAtmakaH | saMhatya pa~nchadashottare dve shate shlokAnAmuktvA saptachatvAriMshe.adhyAye punaryuddhaM tripurasaMhArAdikaM choktvA tripurAkhyAnamupasaMhR^itam ||
evaM vyAsena pR^iShTamarthaM dInajanAnujighR^ikShayopadidikShurbhagavAn brahmA \ldq{}sahasranAmamantro.ayaM japitavyaH shubhAptaye\rdq{} iti mantrajapaM vidhAya gurusampradAyashuddhimantareNa labdhasya phalAnAvahatvAdguruparamparAj~nAnAvashyakatvaM dhvanayitumAkhyAyikAM pUrvaM vistR^itya varNitAmapi punaH sa~NkShipyAnuvadati

vyAsa uvAcha |
kathaM nAmnAM sahasraM svaM gaNesha upadiShTavAn |
shivAyaitanmamAchakShva lokAnugrahatatpara ! || 1||
brahmovAcha \-
deva evaM purArAtiH puratrayajayodyame |
archanAdgaNeshasya jAto vighnAkulaH kila || 2||
manasA sa vinirdhArya tatastadvighnakAraNam |
mahAgaNapatiM bhaktyA samabhyarchya yathAvidhi || 3||
vighnaprashamanopAyamapR^ichChadaparAjitaH |
santuShTaH pUjayA shambhormahAgaNapatiH svayam || 4||
sarvavighnaikaharaNaM sarvakAmaphalapradam |
tatastasmai svakaM nAmnAM sahasramidamabravIt || 5||
evaM pUrvAdhyAyairuktarItyA uktaM cha | \ldq{}gurukramamavij~nAyopAste yaH sveShTadevatAm | sopAstirniShphalA j~neyA bhasmanyarpitahavyavat | tasmAdyatnena vij~neyA mUlAdguruparamparA\rdq{} iti | sA yathA \- sarveShAM gANapatamantrANAM AdigururgaNesha eva | tato gaNakrIDastato vikaTa ityAdikrameNa kulAkhyA guravo nava | tataH surAnandAdayo vidyAguravo.api nava | tataH santAnaguravo vinAyakAdayo viMshatiH | eteShu pratyekaM divyaughAH siddhaughA mAnavaughAshcheti tredhA vibhAgo gurumukhAdavaseyaH | tatpashchAtkapilAdivyAsaparyantA ekaviMshatiH | tato gaNakAdi\-sha~NkarAchAryAntA dvichatvAriMshat | sambhUyaikottaraM shataM guravo vidyAraNyashrIpAdairvidyArNave pratipAditAH | teShAM vishiShTanAmAni tatraiva draShTavyAni\rdq{} | prAyeNAsmiMstotre prAthamikanAmashatadvayamadhye tAni sarvANi vyaktIbhavantIti rahasyam | sha~NkarabhagavatpAdebhyo.arvAchInA tu svanAthaparyantA guruparamparA svasvadeshikamukhAdevAvagantavyA gurUpasadanakramamAha \- mahAgaNapatimiti | guroH prasAdaphalamAha \- santuShTa iti | upadeshakramamAha \- sarvavighneti | akhilAniShTabAdhakeShu upAyeShu asya mukhyatvakathanAya \- eketi | chaturvargasAdhanatva\-kathanAya \- sarvakAmeti | IdR^ishaguruparamparAmUlabhUto gaNesha eva shiShyabhaktimAhAtmyAt svamukhenaiva svakIyaM mahAmantraM enamupAdikShat ityAha \- svakamabravIditi | tatashchAnyairapi ayaM mantraH proktaguruparamparAgateShvanyatamaM guruM bhaktyA santoShya tanmukhAdeva labdhvA japanIyaH, na pustakamAtreNa gR^ihItvA japtavya iti tAtparyArthaH | athopadeshaviShayasya laukikatvAt vyUDhAdivatsvayameva tatsvarUpaM vidhyapekShitatvAtpradarshayati gaNeshvara ityAdinA.anantAnantasaukhyada ityantena ||
gaNesho gANapatyAnAM gaNadIkShAprabhurmataH |
gaNeshvaro gaNakrIDo vikaTo vighnanAyakaH ||
durmukhaH sumukho buddho vighnarAjo gaNAdhipaH |
ete kulAkhyA guravaH tattejasi vibhAvayet ||
surAnandaH pramodashcha herambashcha mahotkaTaH |
sha~Nkaro lambakarNashcha meghanAdo mahAbalaH ||
gaNa~njayo navaite tadvidyAnAmavatArakAH |
vinAyako virUpAkSho buddhaH shUro varapradaH ||
ete pa~nchaiva divyaughAH, vijayo durjayo jayaH |
kavIshvarashcha brahmamaNyo nidhIshaH siddha sa.nj~nakAH ||
gajAdhirAjo duHkhAriH sadyojAtaH sukhAvahaH |
parAtmA sarvabhUtAtmA mahAnAdaH shubhAnanaH ||
bAla (bhAla)chandro navaite cha mAnavaughAH prakIrtitAH |
tatashcha bAlachandrAntAM pUjayedguru santatim ||
kapilAd vyAsaparyantaM ekaviMshati sa~NkhyakAH |
(kapilo.atrirvasiShThashcha sanakashcha sanandanaH ||
bhR^iguH sanatsujAtashcha vAmadevashcha nAradaH |
gautamaH shunakaH shaktirmArkaNDeyashcha kaushikaH ||
parAsharaH shukachaivA~NgirAH kaNvastathaiva cha |
jAbAlishcha bharadvAjo vedavyAsastathaiva cha ||
gaNakaH subhago nityo nityAlambashva shAshvataH |
pUrNAnandaH parAnandaH subhaktaH padmalochanaH ||
kAmapAlo budhashreShTho gajavaktro gaNapriyaH |
bhUtesho bAlalIlashcha kumAro bodhano haraH ||
satyalIlaH sulIlashcha vikaTo dhUmravarNakaH |
nandipriyo nandihAso devIputro dhaneshvaraH ||
vishvambharI vishAlAkSho vighnahartA vinAyakaH |
kUShmANDeshaH kapardI cha shivaH kAlo mahIdharaH ||
gauDAdi sha~NkarAntAshcha sapta prAgIritAshcha ye |
(gauDaH pAvaka eva cha | pArAsharyaH satyanidhI |
rAmachandrastataH param | govindaH sha~NkarAchAryaH ||)
triShaShTisammitA hyete guravaH siddhidAyakAH |
pUjitAH saMsmR^itA nityaM sarvepsitaphalapradAH ||
shrImAyAsmarabIjAdyAH siddhAntAchAryanamontakAH |
(shrIvidyArNavetantre prathamAshvAse shlo\. 251\-264)

asya shrI mahAgaNapatisahasranAmastotramahAmantrasya | gaNeshaR^iShiH |
anuShTup ChandaH | shrImahAgaNapatirdevatA | gaM bIjaM | tuM gaM shaktiH |
svAhA kIlakaM | shrImahAgaNapatiprasAda sid.hdhyarthe nAmapArAyaNe viniyogaH ||
atha karanyAsaH |
gAM a~NguShThAbhyAM namaH |
gIM tarjanIbhyAM namaH |
gUM madhyamAbhyAM namaH |
gaiM anAmikAbhyAM namaH |
gauM kaniShThikAbhyAM namaH |
gaH karatalakarapR^iShThAbhyAM namaH ||
athA~nganyAsaH |
gAM hR^idayAya namaH |
gIM shirase svAhA |
gUM shikhAyai vaShaT |
gaiM kavachAya huM |
gauM netratrayAya vauShaT |
gaH astrAya phaT |
bhUrbhuvassuvaromiti digbandhaH ||
dhyAnaM \-
pa~nchavaktro dashabhujo lalATenduH shashiprabhaH |
muNDamAlaH sarpabhUSho mukuTA~NgadabhUShaNaH ||
agnyarkashashino bhAbhiH tiraskurvan dashAyudhaH |
sarvavighnaharo devaH taM dhyAyAmi divAnisham ||
atha lamityAdi pa~nchapUjA |
laM pR^ithivyAtmane mahAgaNapataye gandhaM samarpayAmi |
haM AkAshAtmane mahAgaNapataye puShpANi samarpayAmi |
yaM vAyvAtmane mahAgaNapataye dhUpamAghrApayAmi |
raM agnyAtmane mahAgaNapataye dIpaM darshayAmi |
vaM amR^itAtmane mahAgaNapataye amR^itopahAraM nivedayAmi ||
(gaNeshvaro gaNakrIDaH iti a~NguShThAbhyAM namaH |
kumAragururIshAnaH iti tarjanIbhyAM namaH |
brahmANDa kumbhashchidvyomabhAlaH iti madhyamAbhyAM namaH |
rakto raktAmbaradharaH iti anAmikAbhyAM namaH |
sarvasadguru saMsevyaH iti kaniShThikAbhyAM namaH |
luptavighnaH svabhaktAnAM iti karatalakarapR^iShThAbhyAM namaH |
ChandashChando vapuH iti hR^idayAya namaH |
niShkalo nirmalo nitya iti shirase svAhA |
sR^iShTisthitilaya krIDa iti shikhAyai vaShaT |
j~nAnaM vij~nAnamAnandaH iti kavachAya hum |
aShTA~NgayogaH phalabhUH iti netratrayAya vauShaT |
anantashakti sahitaH iti astrAya phaT |
gajavadanamachintyaM tIkShNadaMShTraM triNetraM
bR^ihadudaramasheShaM bhUtirAjaM purANam |
amaravara supUjyaM raktavarNaM sureshaM
pashupatisutamIshaM vighnarAjaM namAmi | iti kechit )

atha saharanAmastotraM prArambhaH |

OM gaNeshvaro gaNakrIDo gaNanAtho gaNAdhipaH |
ekadaMShTro(nto)vakratuNDo gajavaktro mahodaraH || 6||

OM viyadAdiprapa~nchasya samUho gaNa uchyate |
tadAtmakastadIshashcha tena devo gaNeshvaraH(1) || 1||
sAkShAchChiShyo gaNeshasya gaNakrIDAbhidho guruH |
tachChiShyo vikaTastasya shiShyo vai vighnanAya(sha)kaH || 2||
 ityAdayo.apyabhedena gaNeshA eva deshikAH |
mantrArambhe gurusmR^ityAvashyakatvena kIrtitAH || 3||
viyadAdigaNasyAntaH pravishya krIDanena vA |
gaNakrIDa iti proktastatsR^iShTvetyAdivishruteH(2) || 4||
gaNanaM guNasa~NkhyAnAmathashabdAttu ma~Ngalam |
kR^ite tayorbahuvrIhau gaNanAtha iti smR^itaH(3) || 5||
AdityavishvavasvAdyA rudrAntA gaNadevatAH |

(##Footnotes##)
(1) gaNeshAdyAshcha chatvAromUrtayo (1.1)brahmaNaspateH |
avyaktAdyAstatvagaNAH brahmAdyA devatAgaNAH |
anAdayo brahmagaNAH smR^itA eva tridhA gaNAH |
gaNAtmakastadIshashcha tena devo gaNeshvaraH (1.2) || (brahma)
(1.1) gaNeshaH gAlavaH mudgalaH sudhAkaraH iti |)
(1.2) jagadrUpo gakArashcha NakAro brahmavAchakaH |
tayoryoge gaNeshAya nAma tubhyaM namo namaH || (mudgale |)
j~nAnArthavAchako gashcha Nashcha nirvANavAchakaH |
tayoryoge paraM brahma gaNeshaM praNamAmyaham || (brahmavaivarte)
(2) trividheShu gaNeShvantaH pravishya krIDanena cha |
gaNakrIDa iti proktaH tatsR^iShTvetyAditaH shruteH ||
guNa nirguNarUpeNa chaturShvapi jagatsu cha |
krIDakastu svasvarUpI gaNakrIDa iti smR^itaH || (brahma)
(3) sarvAkArA mahAmAyA prakR^itirguNarUpiNI |
tasyAH sattAdAyako.ayaM nirguNo gaNanAthakaH |
chinmAyAsaMyogarUpI saguNo gaNanAthakaH || (brahmA)

tadAdhipatyashAlitvAnmama devo gaNAdhipaH(1) || 6||
ekA mukhyA kevalA vA daMShTrA yasya gaNeshituH |
bhUmyuddhAre jagannAshe vaikadaMShTraH sa kIrtyate(2) || 7||
(3)shuNDAdaNDasya vakratvAd vakratuNDa itIryate |
shriyaM tanoti ramyANAM vikAro.apIti lokavAk || 8||
gajasyeva mukhaM yasya gajavaktraH sa uchyate (4) |
anantakoTibrahmANDapUrNakukShirmahodaraH || 9||

lambodaro dhUmravarNo vikaTo vighnanAyakaH |
sumukho durmukho buddho vighnarAjo gajAnanaH || 7||

##(Footnotes)##
(1) jagajjIveshvarANAM cha samUho gaNa uchyate |
tadAdhipatyashAlitvAt devadevo gaNAdhipaH ||
sampraj~nAtAsampraj~nAtasamAdhInAM samUhakaH |
gaNa ityeva kathitaH tadIshaH svamahimnigaH ||
pUrNa yogAtmako devo gaNesha iti kathyate |
chaturvidhAnAM jagatAmadhipo.ayaM gaNAdhipaH | (brahmA)
(2) ekashabdAtmikA mAyA dantaH sattAdharo mataH |
tayorabhedasaMyoge chaikadanta iti smR^itaH |
ekashabdaH pradhAnArthI dantashcha balavAchakaH |
balaM pradhAnaM sarvasmAt ekadantaM namAmyaham || (brahmaiva )
(3) vakratuNDAdayashchAShTa hAvatArAH parAtmanaH |
(3.1) vakratuNDaH, ekadantaH, mahodaraH, gajAnanaH, lambodaraH
vikaTaH vighnarAja, dhUmravarNaH iti | (mudgala)
kalA mAyA iti proktAH svAnandeshasya brahmaNaH ||
asampraj~nAtasamAdhi sthitirUpAH purAtanAH |
vakrA vighnA iti proktAH vighnAH sattAtmakAH smR^itAH ||
tuNDena hanti tAndeva vakratuNDo mato budhaiH |
(4) gajAtmakaM paraM brahma nirguNaM yasya vaktrakam |
mukhachihnAjj~nAyate yaH sa eva gajavaktrakaH ||

brahmANDAlambanaM yasya kukShirlambodarastu saH |
vAyorbIjaM dhUmravarNaM tadrUpatvAdasAvapi(1) || 10||
kaTa varShAvaraNayoriti dhAtoranAvR^iteH |
vibhutvAda vikaTaH proktaH sa yasya vigataH kaTaH || 11||
vighnAnnayati bhaktaughAt vighnAnAmadhipo.atha vA |
yadvA vihanti nayati prANino vighnanAyakaH(2) || 12||
ArambhAH shobhanA yena yasya shobhanamAnanam |
sa eva sumukhastasmai sumukhAya namo namaH || 13||
duHsparshaM vA sudurdarshamagneH sUryasya vA mukham |
tadrUpatvAdabhakteShu tathAtvAchchaiSha durmukhaH(3) || 14||
nityabuddhasvarUpatvAt avidyAvR^ittinAshanaH |
yadvA jinAvatAratvAd buddha ityabhidhIyate(4) || 15||
vighnairvirAjate teShAM rAjA vighnastu vighnakaH |
bhaktAdhInashcha rAjA cha vighnarAjastato mataH(5) || 16||
\ldq{}ana prANana\rdq{} ityasmAddhAtorNichi tato lyuTi |
gajAnanayatItyarthe sAdhureSha gajAnanaH(6) || 17||

bhImaH pramoda AmodaH surAnando madotkaTaH |
herambaH shambaraH shambhurlambakarNo mahAbalaH || 8||

##(Footnotes)##
(1) dhUmrAyante yatravarNA dhUmravarNaH sa IritaH |
(2) vidyAnnayatyabhaktaughAn vighnAnAmadhipo.athavA |
(3) duHsparshaM bA sudurdarshaM sUryAgnividyutAmiva
tadvanmukhamabhaktAya durmukhAya namo namaH |
(4) bud.hdhyArUDho buddha iti chittavR^itti prachAlakaH |
(5) vighnaH kAlAtmakastasya virAjo niyAmakaH ||
(6) gajA satvamayI mAyA tasyAH sattApradAnataH |
annAtprANado devo gajAnana maheshvaraH ||
gakAraH sarvagaM brahma gajAnana iti smR^itam |
gajasya vaktrasaMyuktaH shivaputro gajAnanaH ||

duShTAnAM bhayakAritvAd bhIma ityuchyate budhaiH |
iShTalAbhAtsukhaM yattu sa pramoda iti smR^itaH || 18||
tataH prAk sukhamAmoda iShTArthaprAptinishchayAt |
(1)iShTArthabhogajanitaM sukhamAnanda uchyate || 19||
sa surotthaH surastho (rArtho)vA surAnandastadAtmanA |
ata evAnyaviShayamoShAdAtmaikabhAnataH || 20||
madenAvaraNotkrAntyA madotkaTa iti smR^itaH |
haH sha~Nkare raviH shabde shaivatantrapravartanAt || 21||
uddAmashauryavattvAdvA heramba iti kathyate(2) |
shaM sukhaM tadvaraM shreShThaM yasminnasti sa shambaraH || 22||
shambaM vA kulishaM rAti yadvA salilavigrahaH |
shambhustu shaM bhavatyasmAchChivAbhedena voditaH || 23||
yatra kvApi kR^itaM bhaktairAhvAnastavanAdikam |
nAtidUra ivAkarNya lambakarNa iti smR^itaH || 24||
mahAnbalAsuro yena balitvAdvA mahAbalaH |
(mahAbalA jitA yena balitvAdvA mahAbalaH)

nanndano.alampaTo.abhIrurmeghanAdo gaNa~njayaH |
vinAyako virUpAkSho dhIrashUro varapradaH || 9||
mahAgaNapatirbuddhipriyaH kShipraprasAdanaH |
rudrapriyo gaNAdhyakSha umAputro.aghanAshanaH || 10||

nadiH samR^iddhivAchIti taddhetau lyuTi nandanaH || 25||
alampaTa samR^iddhatvAdala~NkAraH paTo.asya vA |
abhIrurbhayashUnyatvAt a~NganArahito.atha vA || 26||
meghanAdaH prasiddhArtho meghAn nAdayatIti vA |
ekaikaM yatnataH shatru~njayati prAkR^ito janaH || 27||

##(Footnotes)##
(1) iShTArtha bhogajanita Anandastu pramodakaH |
tadAtmakaH pramodaH syAt iShTArthalAbha sambhavaH |
Amodastanmayo devaH Amoda iti kathyate | (brahmA)
(2) he jIvastu paro rambo dvibhedaparivarjitaH |
sarvasAkShI paraM brahma heramboddAmashauryavAn |

anAyAsAdayaM vyUhAn jayatIti gaNa~njayaH(1) ||
viH pakShirUpo jIvaughaH tannetR^itvAdvinAyakaH(2) || 28||
virUpAkSho visadR^ishairnetrairagniravIndubhiH |
dhIrashUro dhairyashaurya\-sAmAnAdhi\-karaNyataH || 29||
varAn svapAdasevibhyo dadAtIti varapradaH(3) |
gaNAH gulmAdayaH senAbhedAsteShu ya uttamaH || 30||
sthUlAstAnapi pAtIti mahAgaNapatirmataH |
(4)buddhipriyaH saMshayaghno buddhiH syAnnishchayAtmikA || 31||
(5)kShipraprasAdanaH kShipraM bhaktairdhyAtaH prasIdati |
rudrapriya iti prokto rudraikAdashinIpriyaH || 32||
(6)gaNAdhyakShastu ShaTtriMshattattvasandohapAlakaH |
umAputrastu puMllokAtpArvatyA api tArakaH || 33||
mahodaro.apyasAvalpanaivedyainaiva tR^ipyati |
ashanaM na dhanaM duHkhaharaNAdvA.aghanAshanaH(7) || 34||

##(Footnotes)##
(1) gaNAsurasya jetAyaM gaNa~njaya iti smR^itaH |
(2) vigato nAyako yasya vinAyaka iti shrutaH | (brahmA)
(3) dhIra dhairyavAn shUraH shauryavAMshcha varAnsvakAn |
iShTAn sarvAndadAtIti pAtIti cha varapradaH | (brahmA)
(4) viyadAdiprapa~nchasya samUho gaNa uchyate |
tasya pAtA gaNapatiH shambhuputro gaNeshvaraH |
vyAkR^itAvyAkR^itamayachaturNAM jagatAmapi |
mahAgaNAH samUhAshcha mahAgaNapatiH patiH | (brahmA)
(5) pa~nchachittavR^ittimayI buddhirmAyAmayI parA |
tasyAH patirgaNeshAno buddhipriya iti smR^itaH | (brahmA)
(6) rudrasya priyadatvAchcha rudrapriya iti smR^itaH |
(7) aghasya pApasa.nj~nasya haraNAdaghanAshanaH || (brahmA)|

kumAragururIshAnaputro mUShakavAhanaH |
siddhipriyaH siddhipatiH siddhaH siddhivinAyakaH || 11||
avighnastumburuH siMhavAhano mohinIpriyaH |
kaTako rAjaputraH shAlakaH sammito.amitaH || 12||

sanatkumArarUpo.api vidyAmupadishan guruH |
skandapUrvabhavatvAdvA kumAragururIritaH(1) || 35||
IshAnaputra ityuktaH shitikaNThAtmajatvataH |
unduruM vAhanIkR^itya khyAto mUShakavAhanaH(2) || 36||
siddhipriyaH priyA asyetyaNimAdyaShTasiddhayaH(3) |
aNimAdyaShTasiddhInAM pAtA siddhipatistataH || 37||
gorakShAdimahAsiddharUpatvAt siddha uchyate |
bhakte siddhIrvisheSheNa jayanM siddhivinAyakaH(4) || 38||
bhAvapradhAnanirdeshAdavitvaM pashutAM haran |
vighnairvirahitatvAdvA.apyavighna iti kathyate || 39||
rorUyamANastumbena vaiNikairiti tumburuH |
ime gAyanti vINAyAM etameveti hi shrutiH || 40||
mayUramUShakau yadvattathA siMho.api vAhanam |
gauryA vA siMhavAhAyA abhedAtsiMhavAhanaH || 41||
mohinIshaH shivastasmAdabhinno mohinIpriyaH(5) |
kaTamAvR^itiraj~nAnaM nIhAreNeti hi shruteH || 42||
kaTayatyAvR^iNotIti j~nAnadAnAtkaTa~NkaTaH |
vareNyAkhyasya pR^ithivInetuH putravadAcharan || 43||
chandro vA putravadyasya rAjaputraH sa uchyate(6) |
shaH parokShe.alakaH keshe yasyaikAMsho.apyachAkShuShaH || 44||
so.atIndriyaH shAlate.asau rAjateveti shAlakaH |
a~NguShThamAtra ityAdi shrutyA vyApto.api sammitaH || 45||
mashakenApi nAgena sama ityapi cha shruteH |

##(Footnotes)##
(1) sanatkumAramukhyAnAM vidyAmupadishan guruH | (brahmA)
(2) steyaM brahma yasya vAhaH tena mUShakavAhanaH | (brahmA)
(3) buddherharShamohadAtrI siddhirmAyAmayI parA |
priyA yasya tu sA siddhiH aNimAdyaShTasiddhayaH | (brahmA)
(4) bhaktAn siddhayA visheSheNa nayan siddhivinAyakaH | (brahmA)
(5) mohinI pa~nchamI kanyA bhuvaneshIsamudbhavA |
gaNeshasya priyA sA tu tenAyaM mohinIpriyaH |
(6) mahArAj~nIsutashchAsmi kururAja suto.api vA |
parimANaM tvaNu sthUlaM hrasvaM dIrghaM chaturvidham || 46||
tannAstItyamito.asthUlamanaNvityAditaH shruteH |

kUShmANDasAmasambhUtirdurjayo dhUrvaho jayaH |
bhUpatirbhuvaneshAno bhUtAnAmpatiravyayaH || 13||
vishvakartA vishvamukho vishvarUpo nidhirghR^iNiH |
kaviH kavInAmR^iShabho brahmaNyo brahmaNaspatiH || 14||

kUShmAMNDasAmasambhUtiH kUShmANDairjuhuyAditi || 47||
vidhau prasiddhA mantrAshcha sAmAni asya vibhUtayaH |
ajayyo balibhirdaityairmanasApIti durjayaH || 48||
dhuraM vahatyanAyAsAjjagatAmiti dhurvahaH |
jayo jayasvarUpatvAdbhAratAdyAtmakatvataH || 49||
bhUpatirbhuvanapatirbhUtAnAmpatirityamI |
bhrAtaro.astadAtmatvAdbhUpatyAdiH prakIrtitaH(1) || 50||
avyayo nAsharAhityAd vishvakartA jagatkR^iteH |
vishvasya mukhamArambho yasmAdvishvaM mukhe.asya vA || 51||
vishvasya mukhavatR^iptiheturvishvamukhastataH |
sarvaprapa~ncharUpatvAd vishvarUpa iti smR^itiH || 52||
athavA vishvarUpo.asau tvAShTro devapurohitaH |
viyadAdijagajjAtaM nitarAM yatra dhIyate || 53||
mahApadmAdinavakarUpatvAdvA nidhiH smR^itaH |
ghR^iNirAdityarUpatvAd ghR^iNiH sUrya iti shruteH || 54||
kAvyatvAt kAvyakartR^itvAt kavireSha tathA kavim |
kavInAmupamashrutyA kavInAmR^iShabho.apyayam(2) || 55||
brahmaNyo brAhmaNe vede sAdhustapasi dhAtari(3) |
vAgvai brahma patistasyA ityeSha brahmaNaspatiH || 56||

##(Footnotes)##
(1) bhUpatI rAjaputratvAdbhuvanasya patirvibhuH |
bhUtAnAmIshvaro.ayaM tu jagadbrahmasvarUpavAn ||
(2) kavistu kAvyarUpatvAtsAkShI kUTasthasa.nj~nakaH |
chinmAyAyogarUpatvAtkavInAmR^iShabho mataH ||
(3) brahmaNyo munijatvAchcha brahmaNo brahmaNaspatiH |

jyeShTharAjo nidhipatirnidhipriyapatipriyaH |
hiraNmayapurAntasthaH sUryamaNDalamadhyagaH || 15||
karAhatidhvastasindhusalilaH pUShadantabhit |
umA~NkkelikutukI muktidaH kulapAlanaH || 16||

jyeShTharAja iti khyAto jyeShThAkhye sAmni rAjanAt |
eSha nAmnA nidhipatirnidhInAM paripAlanAt (1) || 57||
nidhInAM tvA nidhipatiM havAmaha iti shruteH |
nidhipriyA ye patayo rAjarAjAdayo nR^ipAH || 58||
tairapyupAsya ityeSha nidhipriyapatipriyaH |
hiraNmayapurAntaHstho daharAkAshamadhyagaH || 59||
chinmaya brahmapUrdehastadantarhR^idaye sthiteH |
dhyeyatvAdantarAditye sUryamaNDalamadhyagaH || 60||
shuNDAdaNDAbhighAtena riktamabdhiM chakAra yaH |
karAhatidhvastasindhusalilaH sa tato mataH || 61||
vIrabhadro dakShamakhe pUShNo dantAnapAtayat |
tadrUpatvAdasau devaH kathyate pUShadantabhit(2) || 62||
gauryutsa~Nge kR^itAkrIDo na bAlyAtkintu kautukAt |
ata evomA~NkakelikutukI vibudhaiH smR^itaH || 63||
nigaDAnmochanAnmokShadAnAdvA muktido mataH (3) |
vaMshasya kaulatantrasyApyavanAt kulapAlanaH (4) || 64||

##(Footnotes)##
(1) jalanidhiH samudraH syAddhananidhistu yakShapaH |
prajApatinidhirbrahmA sUryastejonidhiH smR^itaH ||
etAdR^ishanidhInAM tu patirnidhipatipriyaH ||
(2) vinAyakaH sUryayuddhe pUShNo dantAnapAtayat |
tena devo maNDalasthaH kathyate pUShadantabhit ||
(3)mokShadvAraM maNDalaM tu tatrastho muktido mataH |
nigaDAdbhavabandhAdvA mochanAnmuktido bhavAn ||
(4) vaMshasya dakSharAjasya pAlanAtkulapAlanaH |

kiriTI kuNDalI hArI banamAlI manomayaH
vaimukhyahatadaityashrIH pAdAhatijitakShitiH || 17||
sadyojAtasvarNamu~njamekhalI durnimittahR^it |
duHsvaprahR^it prasahano guNI nAdapratiShThitaH || 18||

kirITI maulibhUShAvAnathavA.arjunarUpadhR^ik |
kuNDalI karNabhUShAvAn athavA sheSharUpadhR^ik || 65||
hArI muktAdimAlAdhR^igathavA.atyantasundaraH |
vanamAlI dadhAtyeSha mAlAmApAdalambinIm || 66||
manomayaH svasa~Nkalpa\-kalpitaikakalevaraH |
yadAbhimukhyarAhityAnnaShTA sampatsuradviShAm || 67||
yatpAdAghAtamAtreNa pR^ithvI namrA babhUva saH |
vaimukhyahatadaityashrIH pAdAhatijitakShitiH || 68||
mu~njAkhyahaimatR^iNajAM mau~njIM tAtkAlikIM dadhat |
sadyojAta\-svarNamu~njamekhalIti nigadyate || 69||
mUrtisphoTanabhUkampamaholkA patanAdibhiH |
saMsUchitAnyariShTAni hantyato durnimittahR^it || 70||
duHsvapnamapi susvapnaM kurvan duHsvapnahR^inmataH |
bhaktAparAdhAn kShamate tena prasahanaH smR^itaH || 71||
vishokavijighatsatvapramukhyaiH syAt guNairguNI(1) |
asti praNava bindvante.ardhachandrAdyakSharAShTakam || 72||
tatra nAdastR^itIyastadvAchyo nAda\-pratiShThitaH |

surUpaH (100)sarvanetrAdhivAso vIrAsanAshrayaH |
pItAmbaraH khaNDaradaH khaNDendukR^itashekharaH || 19||
chitrA~NkashyAmadashano bhAlachandrashchaturbhujaH |
yogAdhipastArakasthaH puruSho gajakarNakaH || 20||

##(Footnote)##
(1) sarvaj~natvasvatantratva pramukhairyugguNairguNI |

surUpo bhUrilAvaNyAdyadvA tattvanirUpaNAt (1) || 73||
sarvanetreShu vasati \ldq{}ya eSho.akShiNi pUruShaH |
eSha Atme"ti vachanAt sarvanetrAdhivAsakaH || 74||
vAmajAnUparigatadakShapAdopaveshanam |
vIrAsanaM tathA sthAnAdeSha vIrAsanAshrayaH || 75||
nipItaM gaganaM yena yasya pIto.atha vA paTaH |
sa tu pItAmbaraH khaNDarado dantArdhadhAraNAt || 76||
ardhachandraM dadhanmUdhnA khaNDendukR^itashekharaH |
shyAmaikaprachuraishvitraira~Nkite radane sati || 77||
chitrA~NkashyAmadashana ityevaM stUyase budhaiH |
bhAlachandra iti khyAto bhAle chandrasya dhAraNAt || 78||
aShTamIchandrasadR^ishaM lalATaM yasya so.athavA |
chatvAro bAhavo yasya vigrahe sa chaturbhujaH || 79||
yogAchAryAvatArA ye lai~Nge.aShTAviMshatiH smR^itAH |
lakulIshAdayastattadrUpo yogAdhipo mataH(2) || 80||
praNavenAbhidheyatvAt tArakastha iti smR^itaH |
pUrShu sarvAsu shete.asau sAkShitveneti pUruShaH || 81||
yasya karNau gajasyeva tenAsau gajakarNakaH |

gaNAdhirAjo vijayasthiro gajapatidhvajI |
devadevaH smaraprANadIpako vAyukIlakaH || 21||
vipashchidvarado nAdonnAdabhinnabalAhakaH |
varAharadano mR^ityu~njayo vyAghrAjinAmbaraH || 22||

##(Footnotes)##
(1) surUpAdinAmabhishra dhyeyo netrasusaMsthitaH ||
(2) Adye shvetaH kalau rudraH sutAro madanastathA |
suhotraH ka~NkaNashchaiva lokA(gA)kShirmunisattamAH ||
jaigIShavyo mahAtejA bhagavAndadhivAhanaH |
R^iShabhashcha munirdhAmAnugrashrAtriH subAlakaH ||
(2.1)gautamashchAdha bhagavAnsarvadevanamaskR^itaH |
vedashIrShashcha gokarNo guhAvAsI shikhaNDabhR^it ||
jaTAmAlyadR^ihAsashcha dAruko lA~NgalI tathA |
mahA kAyamuniHshUlI daNDI muNDIshvaraH svayam ||
sahiShNuH somasharmA cha la(na)kulIsho jagadguruH |
vaivaste.antare samyakproktA hi paramAtmanaH |
yogAchAryAvatArA ye sarvAvarteShu subratAH || (laiM~Nge )

adhIyante yatra kAvye gaNA mayarasAdayaH || 82||
gaNAdhirAjastenAsau rAjate pratipAdyate |
bhaktAnAM vijayasthairya shAlitvAd vijayasthiraH || 83||
gajendrADhyo dhvajo.asyeti mato gajapatidhvajI |
devadevo vAsavAdi\-daivatairapyupAsyate (1) || 84||
rudreNa dagdhadehe.api prANAnujjIvayannayam |
manmathasya smaraprANadIpakatvena kIrtyate || 85||
navadvAri tanau prANAn stambhayan vAyukIlakaH |
rAj~ne vipashchidAkhyAya chatuvargaM varaM dadat || 86||
agryAtmanA tvaM vAsiShTho(ShThe)vipashchidvaradaH smR^itaH |
alpanAdairmahAnAdairapi yena vidAritAH || 87||
meghAH sa kathyate nAdonnAdabhinnabalAhakaH |
varAhadaMShTrAshobhAjidekadantavirAjitaH || 88||
 itIbhAsyapurANoktervarAharadano mataH |
kAlamR^ityuM pramAdaM vA haran mR^ityu~njayo mataH || 89||
pramAdaM vA mR^ityumahaM bravIti tu bhAratAt |
vaste shArdUlacharmeti smR^ito vyAghrAjinAmbaraH || 90||

ichChAshaktidharo devatrAtA daityavimardanaH ||
shambhuvaktrodbhavaH shambhukopahA shambhuhAsyabhUH || 23||
shambhutejAH shivAshokahArI gaurIsukhAvahaH ||
umA~Ngamalajo gaurIrtejobhUH svardhunIbhavaH || 24||

##(Footnote)##
(1)nAmAnyetAni netrastha dhyAnadevaparANi cha |

jagatsiMsR^ikShAdhAritvAt ichChAshaktidharo mataH |
devatrAtA.akhilAndevAntrAyate daityajAdbhayAt || 91||
ata eva haran devaripUn daityavimardanaH |
shambhuvaktrodbhavo yo.ayamavatIrNaH shivAnanAt || 92||
pituH krodhaM haranbAlalIlAbhiH shambhukopahA |
aj~navat katichit krIDAH kurvANaH shambhuhAsyabhUH || 93||
shambhutejA iti proktaH shivatejo.asti yasya saH |
mahiShAdihatau bhagnotsAhAyA vardhayan balam || 94||
dAkShAyaNyAH shivAshokahArIti parigIyate |
harShaM gauryAstapasyantyAH kurvan gaurIsukhAvahaH || 95||
nijA~Ngodvartanotthena malena pratimAmumA |
chakre tadantaH pravishan umA~Ngamalajo mataH || 96||
chaNDikAbhUyamAtmAnaM viShNubrahmAditejasAm |
AdhAratvAdasau gaurItejobhUriti kathyate(1) || 97||
skando ga~NgodbhavastasmAdabhedAt svardhunIbhavaH |
svardhunyA udbhavo yasmAditi vA svardhunIbhavaH || 98||

yaj~nakAyo mahAnAdo girivarmA shubhAnanaH |
sarvAtmA sarvadevAtmA brahmamUrdhA kakupshru tiH || 25||
brahmANDakumbhashchidvyomabhAlaH satyashiroruhaH |
jagajjanmalayonmeShanimeSho.agnyarkasomadR^ik || 26||

yaj~nakAyo.ashvamedhAdimakhajAtasvarUpavAn |
uchchaistarAM vaShaTkArosstu shrauShaDyeyajAmahe || 99||
AshrAvayetyAdirUpo mahAnAda iti smR^itaH |
girivarShmAdrayo yasya virAjo dehatAM gatAH || 100||
ma~NgalAnAmanaM prANaM janayan sa shubhAnanaH |
sarvAtmA.apyeSha sarvaM khalvidaM brahmeti tu shruteH || 101||
dehabhUtA yasya sarvadevAtmA.akhiladevatAH |
brahmaiva yasya mUrdhA sa brahmamUrdheti kathyate || 102||
karNabhUtA disho yasya kathitaH sa kukupshrutiH |
brahmANDakharparayugaM nyubjaM sadyasya kumbhati || 103||
vishvAtmanaH sa brahmANDakumbha ityabhidhIyate |
(1)gaurItejobhavo DhuNDhiH durAsadaniShUdanaH |
brahmANDakharparAntaryallagnaM khaM tachchidambaram || 104||
tadasya brahmarandhra chidvyomabhAlaH sa uchyate |
satyaloko yasya kaishyamasau satyashiroruhaH(1) || 105||
unmeShAjjAyate yasya nimeShAllIyate jagat |
jagajjanmalayonmeShanimeSha iti sa smR^itaH || 106||
UrdhvadakShiNavAmAni netrANi jagadAtmanaH |
vahnisUryendavo yasya kramAtso.asyarkasomadR^ik || 107||

girIndraikarado dharmAdharmoShThaH sAmabR^iMhitaH |
graharkShadashano vANIjihvo vAsavanAsikaH || 27||
kulAchalAMsaH somArkaghaNTo rudrashirodharaH |
nadInadabhujaH sarpA~NgulIkastArakAnakhaH || 28||

ekaH sthUlo bahirdanto girIndraH kanakAchalaH |
virADrUpajuSho yasya girIndraikarado hi saH || 108||
pApapuNye yadoShThau sa dharmAdharmoShTha uchyate |
dharmottaroShTho duritAdharoShTha iti cha smR^iteH || 109||
yadbR^iMhitaM sAmavedaH sa proktaH sAmabR^iMhitaH |
sUryAdayo grahA yasya kR^ittikAdyAshva tArakAH || 110||
mukhAntaHsthAH sUkShmadato graharkShadashano hi saH |
purANanyAyamImAMsAtharva\-R^igyajuShAdikA || 111||
vAktatI rasanA yasya sa vANIjihva uchyate(2) |
nAsA yasya shunAsIraH so.ayaM vAsavanAsikaH || 112||
kulAchalAMso vindhyAdyA yasya skandhatayA matAH |
kandharordhvaM mAMsapiNDAvunnatau ghaNTike mate || 113||
te ravIndU yasya somArkaghaNTa kathito hi saH |
(gajaghaNTAyugulaM shabdAyamAnamiti kechit )
yasya grIvA rudra eva sa vai rudrashirodharaH || 114||
ga~NgAshoNAdayo nadyo nadA yasya bhujAH sa tu |
nadInadabhujaH sindhunadInadati vA bhujaH || 115||
sarpA~NgulIkaH sheShAdyA a~Ngulyo yasya pannagAH |
dhruvAdyA yannakhAstArAH sa smR^itastArakAnakhaH || 116||

##(Footnotes)##
(1) satyaM yasya shiraH kaishyo hyasau satyashiroruhaH |
(2) vAgrUpA rasanA yasya sa vANIjihva uchyate |

bhrUmadhyasaMsthitakaro brahmavidyAmadotkaTaH |
vyomanAbhiH shrIhR^idayo merupR^iShTho.arNavodaraH || 29||
kukShisthayakShagandharvarakShaH kinnaramAnuShaH |
pR^ithvIkaTiH sR^iShTili~NgaH shailorurdasrajAnukaH || 30||

bhrUmadhyasaMsthitakaro bhruvorghrANasya sandhigam |
yattatvaM shrutiShUktaM tachChuNDAdaNDAtma yasya saH || 117||
prapa~nchabhAnApahnutyA brahmavidyaiva vai madaH |
tenodbhinnau kaTau yasya brahmavidyAmadotkaTaH || 118||
yasya vyomabilaM nAbhirvyomanAbhirasau mataH |
R^ichaH sAmAni yajUMShi sA hi shrIramR^itA satAm || 119||
trayyartha eva yachchittaM sa shrIhR^idaya uchyate |
sumerureva yatpR^iShThaM merupR^iShThaH sa uchyate || 120||
jaTharAntarjalasthAne.arNavA ityarNavodaraH |
antrAdyavayavAH kukShau yasya yakShAdayaH sa tu || 121||
kukShisthayakShagandharvarakShaH kinnaramAnuShaH |
pR^ithivyeva kaTisthAnaM yasya pR^ithvIkaTistu saH || 122||
sR^iShTili~Ngastu yachChephassthAne maithunajAH prajAH |
shailoruH parvatA eva yasyorusthAnatAM gatAH || 123||
dasrau yasyAshvinau jAnU sa matoM dasrajAnukaH |

pAtAlaja~Ngho munipAt kAlA~NguShThastrayItanuH |
jyotirmaNDalalA~NgUlo hR^idayAlAnanishchalaH || 31||
hR^itpadmakarNikAshAliviyatkelisarovaraH |
sadbhaktadhyAnanigaDaH pUjAvArInivAritaH || 32||

pAtAlaja~Ngho yajja~NghAtmakaM pAtAlasaptakam || 124||
munipAt munibhiH pAdalagnai pAdAtmatAM gataiH |
kAlA~NguShTho mahAmR^ityuryatpAdA~NgulitAM gataH || 125||
anuktAvayavA yasya shrutayaH sa trayItanuH |
shiMshumArAbhidhaM jyotishchakraM puchChaM hi yasya saH || 126||
jyotirmaNDalalA~NgUlo brahmAtroktaM gajAkR^iti |
bhaktAnAM hR^idayAnyevAsyAlAnaM gajabandhanam || 127||
tatrApagatachA~nchalyo hR^idayAlAnanishchalaH |
hR^idantardaharAkAshaM yasya krIDAsaraH sa tu || 128||
hR^itpadmakarNikAshAliviyatkelisarovaraH |
sarvago.api parichChinno bhaktairdhyAnena yaH sa tu || 129||
sadbhaktadhyAnanigaDaH shR^i~NkhalA hyavarodhikA |
pUjaiva kathitA vArI gajabandhanashR^i~NkhalA || 130||
sanniruddhastayA devaH pUjAvArInivAritaH |

pratApI kashyapasuto gaNapo viShTapI balI |
yashasvI dhArmikaH svojAH prathamaH prathameshvaraH || 33||
chintAmaNidvIpapatiH kalpadrumavanAlayaH |
ratnamaNDapamadhyastho ratnasiMhAsanAshrayaH || 34||
tIvrAshirodhR^itapado jvAlinImaulilAlitaH |
nandAnanditapIThashrIrbhogadAbhUShitAsanaH || 35||
sakAmadAyinIpIThaH sphuradugrAsanAshrayaH |
tejovatIshiroratnaM satyAnityAvataMsitaH || 36||
savighnanAshinIpIThaH sarvashaktyambujAshrayaH |
lipipadmAsanAdhAro vahnidhAmatrayAshrayaH || 37||

pratApI tApakatvena parAkramayuto.athavA || 131||
kashyapasya muneH kukShAvavatIrNa iti smR^itaH |
kathA purANe gANeshe sa kashyapasuto mataH || 132||
gaNapo.adhvaryuhotrAdIn pAtIti chaturo gaNAn |
viShTapI bhuvanAdhAro balasAmAnyavAn balI || 133||
yashasvI puNyakIrtyADhyo dhArmiko dharmavardhakaH |
aShTamo dhAturojaH syAt svojAstadyasya shobhanam || 134||
pUjyaH sarvakAryAdau pUjyatvAtsarvadehinAm |
prathamA brahmaviShNvIshAstadIshaH prathameshvaraH || 135||
chintAmaNidvIpapUrvaM ratnasiMhAsanAvadhi. |
yasyopabhogyaM sa proktaH chaturbhiriha nAmabhiH || 136||
tIvrA cha jvAlinI nandA bhogadA kAmadAyinI |
ugrA tejovatI satyA navamI vighnanAshinI || 137||
patrAShTake karNikAyAM santyetAH pIThashaktayaH |
navaitAH padmasahitAH kathitA dashanAmabhiH || 138||
dvidvisvarakaki~njalkaparAprAsAdakarNikam || 139||
kAdivargAShTakadalaM mAtR^ikApadmamuchyate || 140||
tatrastho lipipadmA sanAdhAra iti kathyate |
karNikoparyuparyarkendvagnyAkhyaM tejasAM trayam || 141||
AstIrNaM tatra nivasan vahnidhAmatrayAshrayaH |

unnata pado gUDhagulphaH saMvR^ita(tta)pArShNikaH |
pInaja~NghaH shliShTajAnuH sthUloruH pronnamatkaTiH || 38||
nimnanAbhiH sthUlakukShiH pInavakShA bR^ihadbhujaH |
pInaskandhaH kambukaNTho lamboShTho lambanAsikaH || 39||
bhagnavAmaradastu~Ngasavyadanto mahAhanuH |
hrasvanetratrayaH shUrpakarNo nibiDamastakaH || 40||
stabakAkArakumbhAgro ratnamaulirnira~NkushaH |
sarpahArakaTIsUtraH sarpayaj~nopavItavAn || 41||
sarpakoTIrakaTakaH sarpagraiveyakA~NgadaH |
sarpakakShodarAbandhaH sarparAjottarIyakaH || 42||

pAdAgre unnate yasya chonnataprapado mataH || 142||
kUrmapR^iShThasamAkArabhAva aunnatyamIritam |
pAdamUlagatAvasthigranthI AchChAditau yadi || 143||
nonnatatvena dR^ishyete gUDhagulphastadochyate |
gulphAdhobhAgayormAMsapUrtyA saMvR^ita(tta)pArShNikaH || 144||
piNDake mAMsale yasya pInaja~NghaH sa kathyate |
ja~NghorusandhiyugmaM chedaspaShTaM shliShTajAnukaH || 145||
sthUlorurUruyugalaM mAMsalaM yasya sa smR^itaH |
Anamro na kaTiryasya sa proktaH pronnamatkaTiH || 146||
gAmbhIryato nimnanAbhiH sthUlakukShiH pichaNDilaH |
vyUDhoraskaH pInavakShA AjAnutvAdbR^ihadbhujaH || 147||
pInaskandho mAMsalAMsaH kambukaNTho.abjakandharaH |
valitritayasaMyuktaH kaNTho yasya sa kIrtitaH || 148||
lambamAnAdharoShThatvAllamboShThaH syAdgajAnanaH |
shuNDAdaNDo lambamAno yasyAsau(dho)lambanAsikaH || 149||
bhagnavAmarado yasya chChinnAgro vAmadantakaH |
danto.asya dakShiNastu~Ngasavyadanto yadunnataH || 150||
kapolaparabhAgasya mahattvena mahAhanuH |
gajasya yAdR^ishaM vaktraM tadyogyaparimANakam || 151||
na lochanamanenAsau hrasvanetratrayaH smR^itaH |
yasya shUrpAkR^itI karNau shUrpakarNaH sa uchyate || 152||
ghanatvAdatikAThinyAnmUrdhno nibiDamastakaMH |
stabakAkAMrakumbhAgro guchChopamashiro~nchalaH || 153||
ratnotkIrNa kirITADhyo ratnamaulirudIritaH |
kumbhayora~NkushAsparshAtsvAtantryAdvA nira~NkushaH || 154||
sarpahArakaTIsUtrayaj~nasUtrANi yasya saH |
sarpahArakaTIsUtraH sarpayaj~nopavItavAn |
sarpakoTIrakaTakaH sarpau yanmaulika~NkaNe || 155||
sarpAtmakaNThadorbhUShaH sarpagraiveyakA~NgadaH |
kakShA cha kaTibandhAkhyA kukShyAbandhashcha pannagau || 156||
yasyAsAte sarpakakShodarAbandhaH sa kIrtitaH |
sottarIyo vAsukinA sarparAjottarIyakaH || 157||

rakto raktAmbaradharI raktamAlyavibhUShaNaH |
raktekShaNo raktakaro raktatAlvoShThapallavaH || 43||
shvetaH shvetAmbaradharaH shvetamAlyavibhUShaNaH |
shvetAtapatraruchiraH shvetachAmaravIjitaH || 44||
sarvAvayavasampUrNasarvalakShaNalakShitaH |
sarvAbharaNashobhADhyaH sarvashobhAsamanvitaH || 45||

raktaH kAntyA vastramAlyabhUShAdR^ikkaratAlunAm |
oShThAgrasya cha shoNatvAnnAmabhiH pa~nchabhiH stutaH || 158||
vidyAkAmAdibhiryadhyeyaM rUpaM bodhayituM punaH |
pravR^ittaM shveta ityAdi spaShTArthaM nAmapa~nchakam || 159||
sarvAgeShu samudroktalakShaNaiH pUraNAdayam |
sarvAvayavasampUrNasarvalakShaNalakShitaH || 160||
sarvAbharaNashobhADhyo.ala~NkArAla~NkR^itatvataH |
lAvaNyAkhyA~NgakAntyADhyaH sarvashobhAsamanvitaH || 161||

sarvama~NgalamA~NgalyaH sarvakAraNakAraNam |
sarvadaikakaraH shArr~NgI bIjApUrI gadAdharaH || 46||
ikShuchApadharaH shUlI chakrapANiH sarojabhR^it |
pAshI dhR^itotpalaH shAlima~njarIbhR^it svadantabhR^it || 47||
kalpavallIdharo vishvAbhayadaikakaro vashI |
akShamAlAdharo j~nAnamudrAvAn mudgarAyudhaH || 48||
pUrNapAtrI kambudharo vidhR^itAlisamudgakaH |
mAtuli~NgadharashchUtakalikAbhR^it kuThAravAn || 49||

puShkarasthasvarNaghaTIpUrNaratnAbhivarShakaH |
sarvama~NgalamA~NgalyaH shubhAnAM cha shubhAvahaH |
sarvasya jagato.avyaktaM paramANvAdi kAraNam || 162||
teShAmapi cha hetutvAt sarvakAraNakAraNam |
sarvadaikakaraH sarvaM dhatte mukhyaH karo.asya yat || 163||
shR^i~NgodbhavaM dhanuH shAr~NgaM tadvAn shAr~Ngyatha nAmabhiH |
dashabhirdashahastasyAyudhAnyatra gaNeshituH || 164||
mAtulinaM~NgaM gadAmikShudhanuH shUlaM sudarshanam |
padma(sha~Nkha)pAshotpalavrIhikaNishAni radArdhakam || 165||
atha mantrAntarA~NgAni dhyAnanAmAyudhAnyapi |
sAkalyena vinirdeShTuM nAmAnyatra trayodasha || 166||
kalpavallIdharaH kalpalatAM dhatte karAmbuje |
vishvasmAda(syApya)bhayaM dhatte yasya mukhyaH karaH sa tu || 167||
mahAgaNapatirvishvAbhayadaikakaraH smR^itaH |
vashe.asya vishvaM sarvasya vashIti shrutito vashI || 168||
akArAdikShakArAntamAtR^ikAtmakamAlikA |
uktAkShamAlA taddhArI tvakShamAlAdharo mataH || 169||
tarjanya~NguShThasaMyogo j~nAnamudrA hR^idi sthitaH |
tAdR^ishaikakaro j~nAnamudrAvAniti kathyate || 170||
mudaM giranti yanmantrasAdhanAnyurubudhnakam |
musalaM vAyudhaM yasya sa devo mudgarAyudhaH || 171||
pUrNapAtraM yAj~nikeShu prasiddhaM tadyuto makhaH |
yadvA sudhAghaTayutaH pUrNapAtrIti kIrtyate || 172||
sha~Nkhasya dhAraNAddhaste devaH kambudharaH smR^itaH |
madyasampuTakaM dhatte bhR^i~NgANAM sampuTAyate || 173||
yo madastaM kaTe dhatte vidhR^itAlisamudrakaH |
bIjApUraphalaM chAmrama~njarIM cha kare dadhat || 174||
mAtuli~NgadharashchUtakalikAbhR^ichcha kathyate |
yogij~nAnaM kevalAkhyaM kuThAraM tasya sAkShyasau || 175||
j~nAnArthakAttu shatrantAddhAtoH siddhaH kuThAravAn |
shuNDAgrastha svarNakumbhapUrNaratnapradAnataH || 176||

puShkarasthasvarNaghaTIpUrNaratnAbhivarShakaH |
bhAratIsundarInAtho vinAyakaratipriyaH || 50||
mahAlakShmIpriyatamaH siddhalakShmImanoramaH |
ramArameshapUrvA~Ngo dakShiNomAmaheshvaraH || 51||
mahIvarAhavAmA~Ngo ratikandarpapashchimaH !
AmodamodajananaH sapramodapramodanaH || 52||
samedhitasamR^iddhishrIH R^iddhisiddhipravartakaH |
dattasaumukhyasumukhaH kAntikandalitAshrayaH || 53||
madanAvatyAshritA~NghriH kR^ittadaurmukhya durmukhaH |
vighnasampallavoghnaH sevonnidramadadravaH || 54||
vighnakR^innighnacharaNo drAviNIshaktisatkR^itaH |
tIvrAprasannanayano jvAlinIpAlanaikadR^ik || 55||
mohinImohano (300)bhogadAyinIkAntimaNDitaH |
kAminIkAntavaktrashrIradhiShThitavasundharaH || 56||
vasudhArAmadonnaddhamahAsha~NkhanidhiprabhuH |
namadvasumatImaulimahApadmanidhiprabhuH || 57||

bhAratIsundarInAtho brahmaviShNu\-shivAtmakaH || 177||
lakShmIvAchakamIkAraM prashliShyArtho.ayamUhyatAm |
vinAyakA grahAH kechittaiH saha krIDanaM priyam || 178||
pakShirAjena vA.asyeti (shikhinA)vinAyakaratipriyaH |
mahAlakShmIsiddhalakShmyAvasya dve vallabhe iti || 179||
mahAlakShmI\-priyatamaH siddhalakShmImanoramaH |
atha nAmachatuShkena devasyAvaraNAtmikAH || 180||
prAchyAmavAchyAM chodIchyAM pratIchyAM cha sthitAH kramAt |
ramAdAmodarau gaurIsha~Nkarau bhUmisUkarau || 189||
ratimArAviti dvandvadevatAH kIrtitAH sphuTAH |
tataH ShaNmithunIbhUtvA ShaDassrAvaraNe sthitAH || 182||
ChandovashAdakrameNa proktA dvAdashanAmabhiH |
R^id.hdhyAmodau samR^iddhipramodau cha mithune ubhe || 183||
sumukhaH kAntirityekaM durmukho madanAvatI |
vighno madadravetyekaM vighnakR^iddrAviNIti cha || 184||
AmodaM modayatyeSha pramodasya pramodanaH |
sahitashcha samR^id.hdhyA shrIranenaivAbhivardhitA || 185||
R^iddhidevyAM sthitAH siddhiH pravartayati chApyasau |
sumukhaH sveShu saumukhyaM yatprasAdAtprayachChati || 186||
yadvashAdAshrayaH kAnterdevyA a~Nkurito.abhavat |
dhR^itavAn madanAvatyA daurmukhyaM durmukhe sthitam || 187||
kR^ittaM Chinnamanenaiva samyagvighnasya pallavaH |
vistArastasya chopaghna Ashrayo yasya sevane || 188||
unnidrAnalasaivAste devI nAmnA madadravA |
bhaktyA vighnakR^ito.adhIne yasya tachcharaNAmbuje || 189||
drAviNIsa.nj~nayA shaktyA satkR^ito.ayaM gaNAdhipaH |
atha nAmAni ShaT prAha ShaDbhistIvrAdishaktibhiH || 190||
tIvrAyAM yasya nayane prasAdapishunekShaNe |
jvAlinyA rakShaNe mukhyA yaddR^iShTirmohinImapi || 191||
yo mohayati tasmai shrIgaNAdhipataye namaH |
tvaM bhogadAyinIshakteH kAntyA maNDitapAdukaH || 992||
kAminyAH shobhane (sundare)vaktre yA shobhA tatsvarUpakaH |
vasundharAbhidhA devI jAtA tvattaH pratiShThitA || 193||
atha dve nAmanI prAha mithunadvayabodhike |
mahAsha~NkhamahApadmAbhidhe dve nidhidaivate || 194||
vasudhArA vasumatItyete dve tattada~Ngane |

sarvasadgurusaMsevyaH shochiShkeshahR^idAshrayaH |
IshAnamUrdhA devendrashikhA pavananandanaH || 58||
agrapratyagranayano divyAstrANAM prayogavit |
airAvatAdisarvAshAvAraNAvaraNapriyaH || 59||
vajrAdyastraparIvAro gaNachaNDasamAshrayaH |
jayAjayaparIvAro vijayAvijayAvahaH || 60||
ajitArchitapAdAbjo nityAnityAvataMsitaH |
vilAsinIkR^itollAsaH shauNDIsaundaryamaNDitaH || 61||
anantAnantasukhadaH suma~Ngalasuma~NgalaH |
ichChAshaktij~nAnashaktikriyAshaktiniShevitaH || 62||
subhagAsaMshritapado lalitAlAlitAshrayaH |
kAminIkAmanaH kAmamAlinIkelilAlitaH || 63||
sarasvatyAshrayo gaurInandanaH shrIniketanaH |
guruguptapado vAchAsiddho vAgIshvarIpatiH || 64||
nalinIkAmuko vAmarAmo jyeShThAmanoramaH |
raudrImudritapAdAbjo humbIjastu~NgashaktikaH || 65||

gaNeshAdi\-svanAthAntaiH samyagArAdhito yataH || 195||
sarvasadgurusaMsevya iti tena nigadyase |
gArhapatyAdayaH pa~ncha shochiShkeshAstadIyahR^it || 196||
Ashrayo yasya tad.hdhyeyaH shochiShkesha\-hR^idAshrayaH |
IshAnasyApi mUrdhA tvaM devendrasyApi vai shikhA || 197||
shakrasha~NkarayormAnya iti nAmadvayAshayaH |
jIvanAnnAnya AnandastatprANa\-pavanAtmakaH || 198||
prANasyApi cha yaH prANaH sa syAtpavananandanaH |
agre sUkShmaM chottamaM vA pratyagraM jIrNatojjhitam || 199||
tAdR^iglochanavAnagrapratyagranayano mataH |
astravidyApravaktR^itvAddivyAstrANAM prayogavit || 200||
krIDayaivAvR^iNotyeSha yugapaddiggajAnapi |
airAvatAdisarvAshAvAraNAvaraNapriyaH || 201||
vajrAdIni yadastrANi tairindrAdibhirAvR^itaH |
vajrAdyastraparIvAra AyudhAvaraNo.api vA || 202||
gaNAshchaNDAdayo yadvA ye prachaN.DA gaNeShvapi |
teShAM balapradAtR^itvAdgaNachaNDasamAshrayaH || 203||
athAShTanAmabhiH prAha prANashaktyAdyabhinnatAm |
jayA cha vijayA pashchAdajayA chAparAjitA || 204||
nityA vilAsinI shauNDI tato.anantAtha ma~NgalA |
prANashaktyAdidevInAmetAH syuH pIThashaktayaH || 205||
jayA`chApyajayetyetatsamAhAro jayAjayam |
te evAsya parIvAro dvitIyaM nAma tu sphuTam || 206||
tR^itIyanAmnyajitApadenoktA.aparAjitA |
saptame nA mnya nantAyA anantasukhadAyakaH || 207||
shobhanA ma~NgalA yasmiMstattu pIThaM suma~Ngalam |
tAdR^ik suma~NgalaM yasmAt suma~Ngalasuma~NgalaH || 208||
yA brahmaNyudgatA vR^ittiH svargAdAvIkShaNAtmikA |
j~nAnechChAkR^itirUpA setyasmAbhiH shrutiyuktibhiH || 209||
vAmakeshvaratantrasya vyAkhyAyAM pratipAditam |
tAdR^igvR^ittiyutaM brahmanAmnyaikeneha kathyate || 210||
ichChAshaktij~nAnashaktikriyAshaktiniShevitaH |
saiva vR^ittirbhidyamAnA tattaddharmaikayogataH || 211||
subhagAdikaraudghnantanAmabhAgityapIritam |
tatra yA subhagAdevI tayA sevyA~Nghrirapyasau || 212||
gaNeshasundarImantrAllalitAlalitAshrayaH |
kAminI yA kAmakalA kAmeshI kAmamAlinI || 213||
sarasvatyAshrayAdIni trINi spaShTArthakAnyatha |
gaNakrIDAdigurubhirgranthAdau pratipAditaiH || 214||
gopitatvAtpadasyAsya guruguptapado mataH |
vAchA sid.hdhyati yatbhaktyA sa vAchAsiddha iShyate || 215||
vAgIshvarI tu nakulI nalinI tu surApagA |
tayoH patiH kAmuko.atha vAmA jyeShThA cha raudrikA || 216||
brahmaviShNuharA va shaktirUpadharA yadi |
vAmaiva yasya rAmA sa jyeShThA yasya manoramA || 217||
raudrImudritapAdAbjastadA~njalidhR^itA~NghrikaH |
hu~NkAra eva charamo vakratuNDaShaDakShare || 218||
bIjaM sarvapumarthAnAM humbIjastena gIyase |
tatratya eva tu~NkAro.aShTAviMshatyarNagaM cha gam || 219||
shaktIstAH sakalaunnatyashaktyA.avan tu~NgashaktikaH |

vishvAdijananatrANaH svAhAshaktiH sakIlakaH |
amR^itAbdhikR^itAvAso madaghUrNitalochanaH || 66||
uchChiShTagaNa uchChiShTagaNesho gaNanAyakaH |
sArvakAlikasaMsiddhirnityashaivo digambaraH || 67||

hiraNyagarbho vishvAdistadutpAdanapAlane || 220||
yasmAt syAtAM sa vishvAdijananatrANa uchyate |
jananatrANavachChakto home kavalane priyaH || 221||
svAheti mantrashaktiryA sa svAhAshaktirIritaH |
mantre mR^ityu~njaye saure sa ityarNaH sakIlakaH || 222||
vAchako yasya mantrA~NgasAhityAdvA sakIlakaH |
surAsudhekShusindhustho yastatpAnaratashcha saH || 223||
amR^itAbdhikR^itAvAso madaghUrNitalochanaH |
uchChiShTagaNa utkR^iShTA gaNAH shiShTAshcha yasya saH || 224||
uchChiShTaM nAma rUpaM chetyAdyR^ichaH saptaviMshatiH |
AtharvaNA yaM vadanti sa gaNesho na chAparaH || 225||
modakaM bhakShayandevo dhyeyo mantro navAkSharaiH |
sAdhakeneti vochChiShTagaNesha iti kathyase || 226||
gaNanaM guNasa~NkhyAnamayate gaNanAyakaH |
sArvakAlikasaMsiddhiH shAshvatyo yasya siddhayaH || 227||
nityashaivaH kadApyasya shivabhAvanayA yataH |
dishamambarayatyAvR^iNotIti sa digambaraH || 228||

anapAyo.anantadR^iShTiraprameyo.ajarAmaraH ||
anAvilo.apratiratho hyachyuto.amR^itamakSharam || 68||
apratarkyo.akShayo.ajayyo.anAdhAro.anAmayo.amalaH |
amoghasiddhiradvaitamaghoro.apramitAnanaH || 69||

anapagatashubhAvahavidhiranapAyo nAshavirahAdvA |
agaNitachakShurnAshavirahitaj~nAno.apyanantadR^iShTiriti || 229||
j~nAnendriyavA~NmanasAgamyatvAdaprameya iti |
vijaro vimR^ityurityAmnAnAdajarAmaro gaditaH || 230||
AvidyakadharmatatibhirakaluShitatvAdanAvilo.api bhavAn |
apratiratha iti gadito nAsti yataste pratidvandvI || 231||
chyutirAhityAdachyutanAmA nArAyaNAdabhedAdvA |
pIyUShaM mokSho (aikShavaM)kA tvameva bhagavaMstato.asyamR^itaM || 232||
akSharamashnotervyAptyarthAdathavA kShayAbhAvAt |
vedAnanumatatarkAgamyatvAdapratarkyastvam || 233||
na kShatirapi na cha vasatirjetumashakyo.akShayo.ajayyaH |
jagadAdhArasya tavAdhAro nAstItyanAdhAraH || 234||
AmayamAlinyAbhyAmagR^ihItatvAdanAmayo.asyamalaH
siddhirbhavatyarthavatI na mogh
bhaktasya tena tvamamoghasiddhiH |
dvaitaprapa~nchopashamAchchaturtha\-
madvaitamityuchyasa IsharUpaH || 235||
aghoramUrtiH shiva ityaghoro
namajjanAnAmabhaya~Nkaro vA |
asa~Nkhyavaktro.asyamitAni yasmAt
sa~njIvanAnyapramitAnanastvam || 236||

anAkAro.abdhibhUmyagnibalaghno.avyaktalakShaNaH |
AdhArapITha AdhAra AdhArAdheyavarjitaH || 70||
Akhuketana AshApUraka AkhumahArathaH |
ikShusAgaramadhyastha ikShubhakShaNalAlasaH || 71||
bhaktoShArthamAkArAH saguNAH santi yadyapi |

tathApi tvamanAkAraH paramArthadR^ishA vibho || 237||
bhUvAritejomarutAM balAni
saMstambhanakledanadAhashoShAH |
tvayi kShamAstena bhavanti tena
tvamabdhibhUmyagnibalaghna uktaH || 238||
sachchitsukhaikamayatA tu tava svarUpa\-
lakShma prapa~nchakalanA tu taTasthalakShma |
na vyajyate tadubhayaM hi bahirmukhAnAM
avyaktalakShaNa iti prathito.asi tena || 239||
A~N vyApanaM vakti dharaiva dhAraM
shivAvadhi kShmAvadhitattvapa~NkteH |
ShaTtriMshataH pITha ivAsanaM tva\-
mAdhArapITho.asi tato namaste || 240||
akAro vAsudevaH syAdAkArastu pitAmahaH |
tAvubhau yo dhArayati sa AdhAro gaNAdhipaH || 241||
sarvAdhArasyAdhArAntaravirahAdatAttvikatvAchcha |
eShAmAdheyAnAmAdhArAdheyavarjito.asi tataH || 242||
AkhuvAhaM dhvajIkurvan dishastR^iShNAM cha pUrayan |
Akhuketana AshApUraka AkhumahArathaH || 243||
ikShushabdAdimaM nAmayugalaM prakaTArthakam |

ikShuchApAtirekashrIrikShuchApaniShevitaH |
indragopasamAnashrIrindranIlasamadyutiH || 72||
indIvaradalashyAma indumaNDalanirmalaH |
idhmapriya iDAbhAga irAdhAmendirApriyaH || 73||
ikShvAkuvighnavidhvaMsI itikartavyatepsitaH |
IshAnamaulirishAna IshAnasuta ItihA || 74||

ikShuchApAtirekashrIrmadanAdhikakAntimAn || 244||
chApadevatayA mUrtimatyA pa~nchashareNa vA |
nityaM yaH sevyate so.ayamikShuchApaniShevitaH || 245||
etasyaivAraktarUpaM bhAsvarAbhAsvarAsite |
shuklaM cha bhAsvaraM dhyeyaM kAmanAbhedato janaiH || 246||
yugabhedena bhedastatpurANe.api nirUpitaH |
 iti dhvanayituM nAmachatuShkaM prakaTArthakam || 247||
shrautasmArtAgnirUpatvAdbhavAnidhmapriyo mataH |
iDA mahI havishsheSho gaushcha bhAgastavaiva yat || 248||
R^itvigyAjyAdirUpatvAdiDAbhAga itIryase |
ireti pR^ithvI taddhAmA tadantaryamayan sthitaH || 249||
yaH pR^ithivyAM tiShThatIti bR^ihadAraNyakashruteH |
lakShmIpUjyo.athavA viShNurUpatvAdindirApriyaH || 250||
ikShvAkuH kaTutumbI tattulyapratyUhanAshanAt |
ikShvAkuvighnavidhvaMsI rAj~no vA vighnanAshanAt || 251||
 itikartavyatAshabdaH kratva~NgastomavAchakaH |
tAmapekShya dadatkAmAnitikartavyatepsitaH || 252||
narabhUtasureshAdyA IshAnA bahavo.amitAH |
teShAmeSho.adhiko mauliramitaishvaryayogataH || 253||
anayan jIvayannIshAnIshAna iti kIrtyase |
IshAnena sutaH somarUpastasya suto.athavA || 254||
ativR^iShTimanAvR^iShTiM mUShakAn shalabhAn shukAn |
svachakraM parachakraM cha vinighnannItihA mataH || 255||

IShaNAtraya kalpAnta IhAmAtravivarjitaH |
upendra (400)uDubhR^inmauliruNDerakabalipriyaH || 75||
unnatAnana uttu~Nga udAratridashAgraNIH |
UrjasvAnUShmalamada UhApohadurAsadaH || 76||
R^igyajuHsAmasambhUtiH R^iddhisiddhipravartakaH |
R^ijuchittaikasulabha R^iNatrayavimochakaH || 77||

lokaputradhanechChAnAM tisR^iNAM pralayAtmakaH |
IShaNAtrayakalpAnto \ldq{}nR^iNAM vairAgyadAyakaH || 256||
nishreShTachitsvarUpatvAdIhAmAtravivarjitaH |
vAmanena sahAbhedAdupendra iti kIrtitaH || 257||
bibhratyuDUni yA dyauH sA yasya vishvAtmanaH shiraH |
sa tvamevoDubhR^inmaulirdyAM mUrdhAnamiti shruteH || 258||
yadvA chandrAvataMsatvAduDubhR^inmauliruchyase |
uNDerakAH pUpabhedA vartulAkR^itayo.alpakAH || 259||
upahArAstaveShTA ityuNDerakabalipriyaH |
utkR^iShTAnAmajAdInAM prANanAdunnatAnanaH || 260||
tu~NgA nAma nadI kAchit varAhavapuShastava |
daMShTrAyA udgatA tasmAdbhavAnuttu~Nga IritaH || 261||
udAro dAtR^imahatostridasho deva uchyate |
mahAdevAdapi shreShTha udAratridashAgraNIH || 262||
UrjasvAnapi tejovAnata eva madodakam |
uShNaM sravati gaNDAbhyAM tenoShmalamado bhavAn || 263||
Uho vitarkastattvasyApoha\-stAttvikabAdhanam |
tAbhyAM durAsado.aprApya UhApohadurAsadaH || 264||
R^igyajuH sAmasambhUtiryasya niHshvasitaM trayI |
rAjyANimAdidAtR^itvAdR^iddhisiddhipravartakaH || 265||
dR^ishyate tvagryayA bud.hdhyetyukteryadvimalaM manaH |
tadbhAhya R^ijuchittaika sulabhastena gIyase || 266||
putrIyanti yiyakShanti vedAnichChanti ye dvijAH |
tatkAmanApUrakatvAdR^iNatrayavimocha kaH || 267||

luptavighnaH svabhaktAnAM luptashaktiH suradviShAm |
luptashrIrvimukhArchAnAM lUtAvisphoTanAshanaH || 78||
ekArapIThamadhyastha ekapAdakR^itAsanaH |
ejitAkhiladaityashrIredhitAkhilasaMshrayaH || 79||
aishvaryanidhiraishvaryamaihikAmuShmikapradaH |
airammadasamonmeSha airAvatanibhAnanaH || 80||
OMkAravAchya OMkAra ojasvAnoShadhIpatiH |
audAryanidhirauddhatyadhurya aunnatyanisvanaH || 81||
a~NkushaH suranAgAnAma~NkushaH suravidviShAm |
aHsamastavisargAntapadeShu parikIrtitaH || 82||

lupta shabdAdikaM nAmatritayaM prakaTArthakaM(1) |
daMshalUtAdayo rogA AntarA bahirAmayAH || 268||
sphoTAdyAstAnnihantIti lUtAvisphoTanAshanaH |
ekArapIThamadhyasthatrikoNAntassthavindugaH || 269||
kAshyAmekapadA tiShThannekapAdakR^itAsanaH |
ejitAkhiladaityashrIH kampitAsurasampadA || 270||
svAshritA vardhitA yenetyedhitAkhila\-saMshrayaH |
aishvaryanidhiraishvaryaM bhakteShu nidadhAti yaH || 271||
IshvareShu yadaishvaryaM sampattiH sA tvameva hi |
eShA.asya paramA sampaditi bodhayati shrutiH || 272||
datse sutAdInsvargaM chetyaihikAmuShmikapradaH(2) |
vidyuttulyastavonmeShaH kShaNAdbhAsi na bhAsi cha || 273||
airammadasamonmeShaH svArthe j~neyo.aNirammadAt |

##(Footnotes)##
(1) bhaktavighnanAshakatvAd bhavAnvighnapatiH prabhuH |
luptavighnaH svabhaktAnAmityevaM parigIyase |
daityasAmarthyahananAt luptashaktiH suradviShAm |
tavopAsanahInAnAM harasi tvaM shriyaM vibhuH |
luptIrvimukhAnAM ityevaM gIyase kramAt || (brahmA)
(2) iha putrAdisampattIH svargavAsaM paratra cha |
prayachChasi bhavAn khyAtaH aihikAmuShmikapradaH || (brahmA)40||

airAvatasamAsyatvAdairAvatanibhAnanaH || 274||
kleshAdi rahitamIshvaramuktvA tasya vAchakaH praNavaH |
 iti yogashAstrasUtre kathanAdo~NkAravAchyastvam || 275||
OM iti shabdo.api tvaM bhedAbhAvena vAchyavAchakayoH(1) |
ata eva tvayi vAchyo~NkAro.api pratyayo yuktaH(2)|| 276||
ojo.aShTamadhAturiti proktaM yadvedabhAShyakR^itA |
shauryotkarShanidAnaM tejastadvAMstvamojasvAn(3) || 277||
oShadhIpatiraudAryanidhirityAhvayau sphuTau(4) |
auddhatyamuddhatatvaM yat svabhaktAnujighR^ikShayA || 278||
svotkarShadyotanaM tatra shreShTha auddhatyadhuryakaH |
bR^iMhitaM yasya sarvochchaM sa syAdaunnatyanisvanaH || 279||
a~NkushaH suranAgAnAM trailokyasya niyAmakaH |
UrdhvaM surA adho nAgA martyalokopalakShaNam || 280||
dviShaH surANAM cha vidAM suShThu samyag ravidviShAm |
nigrAhakatvAnirdiShTo.asya~NkushaH suravidviShAm || 289||
akArAdyekapa~nchAshadvisargantArNabodhitaH |
aHsamastavisargAntapadeShu parikIrtitaH || 282||
kamaNDaludharaH kalpaH kapardI kalabhAnanaH |
karmasAkShI karmakartA karmAkarmaphalapradaH || 83||
kadambagolakAkAraH kUShmANDagaNanAyakaH |
kAruNyadehaH kapilaH kathakaH kaTisUtrabhR^it || 84||

##(Footnotes)##
(1) o~NkAravAchya o~NkAramantreNa pratipAditaH | (brahma)
(2) o~NkAramayadehatvAdo~NkAra iti kathyase | (brahmA)
(3) shauryotkarShasutejovAn ojasvAniti varNyase |
(4) oShadhInAM patishchandraH tadAtmA chauShadhIpatiH | (brahmA)
bhaktAbhIShTamudAreNa dIyate yena brahmaNA |
audAryanidhirityevaM sa bhavAnkathyate prabhuH | (brahmA)

kamaNDaludharaH shuNDAshR^iM~Nge(daNDe)NAmR^itakumbhadhR^ikU(1) |
kalpaH pralayakAlAtmA samarthaH kalpate.api vA || 283||
varAdadhArI mallA(hlA)ristvaM kaparyathavA jaTI(2) |
kalo nAdo bhA tu dIptirananaM prANanaM matam || 284||
nAdakAntyujjIvakatvAtkathyase kalabhAnanaH |
karmasAkShI tvadR^iShTAnAmapi draShTAsi karmaNAm || 285||
karmaThapreraNAdantaH karmakartA bhavAnapi |
svargApavargadAtR^itvAt karmAkarmaphalapradaH || 286||
sarvanADachudgamasthAnaM kadambakusumAkR^itiH |
paritaH saMvR^itA tAbhirhR^idi kApyasti devatA || 287||
kadambagolakAkAra iti tadrUpa uchyase |
duShTagrahANAM netA tvaM kUShmANDagaNanAyakaH || 288||
kAruNyadehaH karuNAmUrtitvAtkapilo muniH |
karNa(varNi)to vA.asi kathakaH sampradAyAnpravartayan || 289||
ratnaprotasvarNakA~nchIdhAraNAtkaTi\-sUtrabhR^it ||

kharvaH khaDgapriyaH kha~NgakhAntAntasthaH khanirmalaH |
khalvATashR^i~NganilayaH khaTvA~NgI khadurAsadaH || 85||
guNADhyo gahano gastho gadyapadyasudhArNavaH |
gadyagAnapriyo garjo gItagIrvANapUrvajaH || 86||
guhyAchArarato guhyo guhyAgamanirUpitaH |
guhAshayo guhAbdhistho gurugamyo gurorguruH || 87||

kharvo vAmanarUpatvAtkhaDgo gaNDakasa.nj~nakaH || 290||
mR^igo\-.asirvA priyo yasya sa tu khaDgapriyo mataH |
khaDgashabde khAtparo Dastadante gAkShare tava || 291||

##(Footnotes)##
(1)ratnayuktahemakumbhadhAraNenAthavA smR^itaH |
(2)kapardAkhyajaTAdhArI kapardI pArvatIpatiH |
kapardinA pUjito.ayaM kapardI tu tadAtmavAn |

bIje tiShThasyataH khaDgAntAntastha itIryase(1) |
AkAshavatsarvago.api nirlepo.ataH khanirmalaH || 292||
vR^ikShA eva gireH keshAH khalvATastairvivarjitaH |
khalvATashR^i~Nga\-nilayastachChR^i~Nge.api vasan mataH || 293||
khaTvA~NgIti bhavAn khyAtaH khaTvA~NgAkhyAyudhaM dadhat |
amUrto vyomavaddhartuM ashakyaH svadurAsadaH || 294||
anantakalyANaguNo guNADhyo
gantuM na shakyo gahano.asi gasthaH |
bIje nije tiShThasi gadyapadya\-
sudhArNavaH kAvyarasAkaratvAt || 295||
gadituM yogyaM gadyaM na niShiddhaM sAma te priyaM gAnam |
tenAsi gadyagAnapriyo.atha garjossi meghanAdAtmA || 296||
nAdAt gItAdayaH shabdA nAdArthAdamarAdayaH |
jAtAstaddvayarUpatvAdgItagIrvANapUrvajaH || 297||
guhApraviShTAvAtmAnau guhyau tau manasA charan |
antarmukhastatra tuShTo guhyAchArarato mataH || 298||
guhya ekAntavedyatvAddhitakArI guhAya vA |
rahasyatantravedyatvAdguhyAgamanirUpitaH || 299||
guhAyAM hR^idayAkAshe shete yaH sa guhAshayaH |
avyAkR^itaM nabho gUDhamagAdhaM cha guhAbdhivat || 300||
adhitiShThasi tattena guhAbdhistha itIryase |
gurugamyo guruproktayogopAyena labhyase || 301||
shivasUtre gururupAya ityevaM tvaM hi varNitaH |
vedA adhyApitA yena brahmaNe sa gurorguruH || 302||

ghaNTAghargharikAmAlI ghaTakumbho ghaTodaraH |
chaNDashchaNDeshvarasuhR^ichchaNDIshachaNDavikramaH || 88||
charAcharapatishchintAmaNicharvaNalAlasaH |
ChandashChandovapushChandodurlakShyashChandavigrahaH || 89||
jagadyonirjagatsAkShI jagadIsho jaganmayaH |
japo japaparo japyo jihvAsiMhAsanaprabhuH || 90||

##(Footnote)##
(1) khaDgapota iva tava bIjo.asti cha gakArakaH |
tatra tiShThasi tena tvaM khaDgakhAntAntastha IritaH ||

ghaNTeva ma~njunAdA ghargharikAH ki~NkiNIbhedAH |
taddhArI ghaNTAghargharikAmAlIti bAlalIlA te || 303||
kumbhau nyubjaghaTAkArau ghaTakumbhastato mataH |
ghaTodaro bR^ihatkukShishchaNDo bhUriparAkramaH || 304||
chaNDeshvaraH suhR^idyasya shaivakhaNDeshvaraH sakhA |
chaNDIshashchaNDikAnAthashchaNDA atyantakopanAH || 305||
tAnAkramya vashe kurvannAkhyAtashchaNDavikramaH |
charAcharapatiH sthAsnuchariShNujagadIshvaraH || 306||
chintAmaNikAma dughAkalpadrumagarvacharvaNataH |
chintAmaNicharvaNalAlasa iti kathito.asyachintyadAnena || 307||
gAyatryAdyAtmanA Chando bhavAn vedamayAtmanA |
ChandovapustathA ChandodurlakShyo vedadurgrahaH(1) || 308||
svAbhiprAyAnusArINi bhakteH paravashAni vA |
avatArasharIrANi yasya sa chChandavigrahaH || 309||
jagadyonirjagatsAkShI jagadIsho jaganmayaH |
vishvasya kAraNaM draShTA nAtho.adhiShThAnameva cha(2) || 310||
japo japaparo japyaH karmakartR^ikriyAtmakaH(3) |
kIrtyamAnaM yasya nAma jihvAsiMhAsanasthim || 311||
dadAti puruShArthAn sa jihvAsiMhAsanaprabhuH |

jhalajjhallollasaddAnajha~NkAribhramarAkulaH |
Ta~NkArasphArasaMrAvaShTa~NkArimaNinUpuraH || 91||
ThadvayIpallavAntaHsthasarvamantraikasiddhidaH |

##(Footnotes)##
(1) ChandovapustathA ChandodurlakShyo vedapUruShaiH |
aprApyashchApyagamyashcha neti netIti sheShataH ||
(2) jagadyonirvishvamUlaM kAraNaM kAraNeshvaraH |
jagatsAkShI vishvadraShTA chinmAyAyogarUpavAn ||
jagadIsho guNeshAnarUpI trividhanAyakaH |
jaganmayo vyomarUpajagadadhiShThAnarUpakaH ||
(3) japo mantrasvarUpI tvaM mantravighneshasa.nj~nitaH |
mantrakartA japaparo japyo mantrakriyAtmakaH ||

DiNDimuNDo DAkinIsho DAmaro DiNDimapriyaH || 92||
DhakkAninAdamudito Dhauko (500)DhuNDhivinAyakaH |
tattvAnAM paramaM tattvaM tattvampadanirUpitaH || 93||

jhalajjhallollasaddAnajha~NkAribhramarAkulaH || 312||
nadanti gaNDayorbhR^i~NgAH sphuranmadapipAMsavaH |
kAMsyaTa~NkAravatsphAro yasya ma~njutaro ravaH || 313||
Ta~NkArasphArasaMrAva iti loke sa gIyate |
nadadratnA~NghrikaTakaShTa~NkArimaNinUpuraH || 314||
udvayIpallavAntaHsthasarvamantrakasiddhidaH |
svAhAntAkhilamantrottha mukhyasiddhiprado yataH || 315||
DiNDirnAmaikadeshena DiNDimau nyubjadundubhI |
tAveva kumbhau yanmuNDe DiNDimuNDaH sa uchyate || 316||
DAkinyo nAma yoginyaH kAshvitsaptagaNAdimAH |
ShoDhAnyAsAdiShu spaShTA DAkinIshastadIshvaraH || 317||
DAmarastu mahAMstantravisheSho vA tadAtmakaH |
dundubhau paTahadhvAne.apyAnandI DiNDimapriyaH || 318||
DhakkAninAdamudito DhakkAvAdyapriyo bhavAn |
gatyarthAt DhaukaterDhaukaH sarvago vAsi sarvavit || 319||
kAshIkhaNDe DhuNDhidhAtuH prathito.anveShaNArthakaH |
vishiShTo nAyako.anveShya iti DhuNDhivinAyakaH || 320||
tattvAnAM paramaM tattvaM pa~nchaviMshatitaH param |
trayaM sR^iShTyAdi svapnAdi vAchyaM dharmaM tvamA sadA || 329||
tyaktvA dharmiNi bhaktyaiva tattvampadanirUpitaH(1) |

##(Footnote)##
(1) jIveshasAkShirUpatvAt tattvampadanirUpitaH ||

tArakAntarasaMsthAnastArakastArakAntakaH |
sthANuH sthANupriyaH sthAtA sthAvaraM ja~NgamaM jagat || 94||
dakShayaj~napramathano dAtA dAnavamohanaH |
dayAvAn divyavibhavo daNDabhR^iddaNDanAyakaH || 95||
dantaprabhinnAbhramAlo daityavAraNadAraNaH ||
daMShTrAlagnadvipaghaTo devArthanR^igajAkR^itiH || 96||
dhanadhAnyapatirdhanyo dhanado dharaNIdharaH |
dhyAnaikaprakaTo dhyeyo dhyAnaM dhyAnaparAyaNaH || 97||

tArakAntarasaMsthAnastArakA.akShNaH kanInikA || 322||
tasyAM chintyo ya eSho.antarakShiNItyAdikashruteH |
tArako bhavapAthodhestvameva praNavo yathA(.athavA) || 323||
tArakAsurahantrAtmA kathitastArakAntakaH |
sthANuH kalpAntavAtAgnisalilairapyakampitaH || 324||
sthANoH shivasya putratvAtsthANupriya itIryase |
sthAtA yuddhe.api kalpe.api niShkampo gaganAdivat || 325||
charAcharAtmakatvena sthAvaraM ja~NgamaM jagat |
dakShayaj~napramathano bhavAneva shivAtmanA || 326||
dAtA deyaH shodhanArthAdbhavAn patitapAvanaH(1) |
dAnavAMstattvavimukhAn kurvan dAnavamohanaH || 327||
dayAvAn paraduHkhAni prahApayitumichChasi |
prAptyarthAddIvyaterdivyavibhavaH prApakaH shriyAm || 328||
daNDabhR^it kathito daNDanIteraparilopataH |
yamendrAdiShu ye daNDAstanne tA daNDanAyakaH || 329||
yachChiraH kampamAtreNa meghapa~NktiH prabhidyate |
dantaprabhinnAbhramAla iti sa tvaM nigadyase || 330||
vArayan dArayan daityAn daityavAraNadAraNaH |
yasya daMShTraikadeshe.api lagnA ripugajachChaTAH || 331||
daMShTrAlagnadvipaghaTa iti nAmnA sa gIyate |
devAnAM kAryasid.hdhyarthaM yena martyadvipAkR^itiH || 332||
svIkR^itA sa smR^ito nAmnA devArthanR^igajAkR^itiH |
dhanadhAnyapradatvena dhanadhAnyapatirbhavAn || 333||
dhanyastvaM dhanalabdhR^itvAt puNyavAnvApi gIyase |
dhanado dhanadAnena kuberAtmatayApi vA || 334||
sheSheNAdivarAheNApyabhinno dharaNIdharaH(2) |

##(Footnotes)##
(1) iShTArthadAnAdbhaktAnAM dAtA tvaM gaNanAyakaH |
(2) yogabhUmidhAraNAdvA sheShAtmA dharaNIdharaH ||

manasaivAnudraShTavyo dhyAnaikaprakaTo bhavAn || 335||
tvameva tripuTI dhyeyo dhyAnaM dhyAnaparAyaNaH ||

nandyo nandipriyo nAdo nAdamadhyapratiShThitaH |
niShkalo nirmalo nityo nityAnityo nirAmayaH || 98||
paraM vyoma paraM dhAma paramAtmA paraM padam |
parAtparaH pashupatiH pashupAshavimochakaH || 99||
pUrNAnandaH parAnandaH purANapuruShottamaH |
padmaprasannanayanaH praNatAj~nAnamochanaH || 100||

nandya AnandanIyo.asi nandikeshvaravallabhaH || 336||
nandipriyo.asi nAdo.asi yo.antardashavidhadhvaniH |
gamyo nAdAnusandhAnAnnAdamadhyapratiShThitaH || 337||
niShkalo.avayavairhIno nirmalo dUShaNojjhitaH |
nityo nAshojjhito nityAnityaH khorvyAdirUpadhR^ik || 338||
avidyaiva mahArogastadaspR^iShTo nirAmayaH |
avyAkR^itaM yadAkAshaM paraM vyoma tadAtmakaH || 339||
jyotiShAmapi yajjyotistatparaM dhAma kathyate |
paramaH sarvajIvebhyaH paramAtmeti gadyate || 340||
kailAsAdipadebhyo.api paramatvAtparaM padam |
brahmaviShNumaheshAnAdyuttamatvAt parAtparaH || 349||
brahmAdikITakAntAnAM pAtA pashupatirmataH |
dvipa~nchAshadvidhAH pAshAH sA~NkhyatantrAdiShu sphuTAH || 342||
brahmAdInmochayaMstebhyaH pashupAshavimochakaH |
pUrNAnandaH kriyAkartR^ikarmabhedojjhitaM sukham || 343||
bhUpAdibrahmaparyantAnandAn shataguNottarAn |
sarvAnapyadharIkurvan parAnando mahAsukham || 344||
kSharebhyaH sarvabhUtebhyaH kUTasthAdakSharAdapi |
uttamatvAdanAditvAt purANapuruShottamaH || 345||
padmaprasannanayano vikasatkamalekShaNaH |
namatAM tattvabodhena praNatAj~nAnamochanaH || 346||

pramANapratyayAtItaH praNatArtinivAraNaH |
phalahastaH phaNipatiH phetkAraH phANitapriyaH || 101||
bANArchitA~Nghriyugalo bAlakelikutUhalI |
brahma brahmArchitapado brahmachArI bR^ihaspatiH || 102||
bR^ihattamo brahmaparo brahmaNyo brahmavitpriyaH |
bR^ihannAdAgryachItkAro brahmANDAvalimekhalaH || 103||

pramANapratyayAtIto nityaj~nAnaikavigrahaH |
pramAkaraNajAnAM hi pramitInAmanityatA || 347||
namatAM nAshayan pIDAM praNatArtinivAraNaH |
phalahastaH svabhaktAnAmavilambAtphalaM dadat || 348||
vAsukerapi sheShasya svAmI phaNipatirmataH |
phetkAra iti tannAmnA tantraM tatra nirUpyase || 349||
khaNDA(guDA)hvayekShuvikR^itau prItimAn phANitapriyaH |
bANAsureNa pUjyatvAdbAlalIlAsu kautukAt || 350||
bANArchitA~Nghriyugalo bAlakelikutUhalI |
brahma tvameva vedAntavedyatattvAtmakatvataH || 351||
brahmArchitapado vedaiH shlAghanIyaM hi te padam |
brahmachArI bhavAn yenAkR^itadAraparigrahaH || 352||
vAchaspatisvarUpeNa devArchyattvAdbhR^ihaspatiH(1) |
bR^ihato brahmaviShNvAdInatisheShe bR^ihattamaH || 353||
vedaikatatparo dhAtuH shreShTho brahmaparo mataH(2) |
brahmaNya iti vikhyAto brAhmaNAn mAnayan svayam || 354||
priyA brahmavido yasya sa mato brahmavitpriyaH |
chItkAro gajashabdaH sa meghAshanyAdito mahAn || 355||
tavAstIti bR^ihannAdAgryachItkAra iti smR^itaH |
kaTisUtre ki~NkiNIva brahmANDAnyeva gumphayan || 356||
tAdR^igdadhadvishvarUpaM brahmANDAvali\-mekhalaH |

##(Footnotes)##
(1) buddhistu bR^ihatI mAyA tatpatitvAbR^ihaspatiH ||
(2) dhAturvedaikaparasya shreShTho brahmaparo mataH |

bhrUkShepadattalakShmIko bhargo bhadro bhayApahaH |
bhagavAnM bhaktisulabho bhUtido bhUtibhUShaNaH || 104||
bhavyo bhUtAlayo bhogadAtA bhrUmadhyagocharaH |
mantro mantrapatirmantrI madamattamanoramaH || 105||
mekhalAvAn mandagatirmatimatkamalekShaNaH |
mahAbaloM mahAvIryo mahAprANo mahAmanAH || 106||

bhruvori~NgitamAtreNa bhaktebhyaH sampado dadat || 357||
bhUkShepadattalakShmIko bhargo gAyatryudIritaH |
bhadrA mandrA mR^igAshcheti santi dviradajAtayaH || 358||
teShUttamA bhadrajAtirbhadrastvaM tAdR^ishAnanaH |
dvitIyAdvai bhayaM yattadapaghnaMstvaM bhayApahaH || 359||
utpattiM cha vinAshaM cha bhUtAnAmAgatiM gatim |
vetsi vidyAmavidyAM chetyuchyase bhagavAniti || 360||
bhaktyaiva labdhuM yaH shakyaH sa bhaktisulabho mahAn(bhavAn) |
siddhIrdatse bhasma dhatse bhUtido bhUtibhUShaNaH || 361||
bhavyo bhAvukarUpatvAdbhAvivishvAtmakatvataH |
bhUtAnAM bhUjalAdInAM pishAchAnAM cha dehinAm || 362||
atItAnAmadhiShThAnamato bhUtAlayo bhavAn |
bhogadAtA duHkhasukhasAkShAtkArapradatvataH || 363||
avimukte bhruvormadhye dhyeyo bhrUmadhyagocharaH |
mantrAH sAmargyajUrUpA ShaDarNaikAkSharAdayaH || 364||
rahovichArarUpAshcha rAjyabhAropayoginaH |
tadrUpastadabhimAnidevatA tasya kArakaH || 365||
tena mantro mantrapatirmantrItyapi cha gIyase |
madaH samAdhisambhUtadhyeyAnyaviShayAgrahaH || 366||
ramase tadyute chitte madamatta manoramaH |
mekhalAvAn rashanayA mau~njyA vA vilasatkaTiH || 367||
yeShAM kApi gatirnAsti mandAnAM j~nAnakarmaNoH |
abhAvena gatisteShAmapi mandagatistataH || 368||
yasmAjj~nAnayutA sampattAdR^ig yasya nirIkShaNam |
dR^ishaiva dattadhIshrIko matimatkamalekShaNaH || 369||
balavIryaprANamanaHsamaShTyeyekatanurbhavAn |
mahAbalo mahAvIryo mahAprANo mahAmanAH || 370||

yaj~no yaj~napatiryaj~nagoptA yaj~naphalapradaH |
yashaskaro yogagamyo yAj~niko yAjakapriyaH || 107||
raso (600)rasapriyo rasyo ra~njako rAvaNArchitaH |
rakShorakShAkaro ratnagarbho rAjyasukhapradaH || 108||
lakShyaM lakShyaprado lakShyo layastho laDDukapriyaH |
lAnapriyo lAsyaparo lAbhakR^illokavishrutaH || 109||

yaj~na ityAdikaM nAmAShTakaM tu prakaTArthakaM (1) |
rasaH parama Anando raso vai sa iti shruteH || 379||
shAntAdau madhurAdau vA rase prItyA rasapriyaH |
rasyate charvyate prAj~nairbhUyo bhUyo.anubhUyate || 372||
sa rasyastanmanovR^ittira~njanenAsi ra~njakaH |
rAvaNaiH shabdanairvedashAstragItAdipAThibhiH || 373||
dashAsyenApi sid.hdhyarthaM pUjito rAvaNArchitaH |
rakShAMsi bhasmasAtkurvan rakShorakShAkaraH smR^itaH || 374||
ratnagarbhA mahI tadvAn ratnagarbhastadAshrayaH |
rAjyaM tajjanmasaukhyaM cha dadadrAjyasukhapradaH || 375||
tAreNa dhanuShA chittashareNa brahma vedhayet |
 iti shrutyA sharavyastvaM tallakShyamasi yoginAm || 376||

##(Footnote)##
(1) brAhmaNaspatyayaj~nAtmA yaj~no yaj~nasvarUpavAn |
yaj~natoShyo yaj~napatiryaj~nabhoktA cha tatra bhuk |
yaj~ne prItyA phalado mato yaj~naphalapradaH |
yashaskaro yashovR^iddhikartA lokatrayeShu cha |
j~nAnayogena gamyastvaM yogagamyastu shAntidaH |
tvameva yuga(yaj~na)kartA syAttena tvaM yAj~nikaH smR^itaH |
yAjakeShu prItiyukto matastvaM yAjakapriyaH |

lakShyANi chittasthairyArthaM lakShasa~NkhyAnyadIdR^ishan |
R^iShayastAni nirvighnaM dadallakShyaprado bhavAn || 377||
lakShyo lakShaNayA gamyo mahAvAkyagataiH padaiH |
layasthaH kalpakAle.api tiShThaMshchittalaye.api vA || 378||
laDDukA vartulAkArAH priyAlatilakhAkhasaiH |
rachitAH sharkarApakvAstatpriyo laDDukapriyaH || 379||
lAnapriyo gajAvAsashAlAyAM prItisaMyutaH |
vilAsArhaM paraM dhAma yasya lAsyaparo hi saH || 380||
ye lAbhakAriNo lokAH shIghraM bhaktavarapradAH |
teShu shreShThatayA khyAto lAbhakR^illokavishrutaH || 381||

vareNyo vahnivadano vandyo vedAntagocharaH |
vikartA vishvatashchakShurvidhAtA vishvatomukhaH || 110||
vAmadeva vishvanetA vajrivajranivAraNaH |
vishvabandhanaviShkambhAdhAro vishveshvaraprabhuH || 111||
shabdabrahma shamaprApyaH shambhushaktigaNeshvaraH |
shAstA shikhAgranilayaH sharaNyaH shikharIshvaraH || 112||

vareNyAkhyo gaNapateradvaitabhajane rataH |
kashchidrAjA tadadvaitAdvareNyo.asyuttamo.api vA || 382||
yadbhavantamuddishya samiddhe.agnau hutaM haviH |
tenaiva tR^ipyasItyarthAttvaM vahnivadano mataH || 383||
vanyo namyo.asyupaniShadgamyo vedAntagocharaH |
vikartA tvaM hi ShaDbhAvavikArANAM pravartakaH || 384||
yatra kvachana bhaktena patraM puShpaM phalaM jalam |
dattaM tatraiva tatpashyan dhArayan bhakShayannapi || 385||
kIrtyase vishvatashchakShurvidhAtA vishvatomukhaH |
vAmadevo valgutaraM dIvyasi dyotase yataH || 386||
vishvanetAsi jagato viShNorvA nAyako yataH |
indravajrastambhanena vajrivajranivAraNaH || 387||
vishvanirmANaparyApto desho viShkambha uchyate |
vishvabandhanaviShkambhAdhArastasyApi dhAraNAt || 388||
brahmANDAnAM tadIshAnAM chesho vishveshvaraprabhuH |
shabdabrahma parAM vAchamatIto nAdarUpadhR^ik || 389||
shamaprApyaH shAntidAntijitachittena labhyase |
shaivAn shAktAn gaNAMshcheShTe shambhushaktigaNeshvaraH || 390||
shAstA keraladeshIyA devatA.asti tadAtmakaH |
tasyAH shikhAyA madhye yaH paramAtmA vyavasthitaH || 391||
shrutisiddho.asti tadrUpaH shikhAgranilayo bhavAn |
trAtA sharaNyaH prAleyAchalAtmA shikharIshvaraH || 392||

ShaDR^itukusumasragvI ShaDAdhAraH ShaDakSharaH |
saMsAravaidyaH sarvaj~naH sarvabheShajabheShajam || 113||
sR^iShTisthitilayakrIDaH suraku~njarabhedanaH |
sindUritamahAkumbhaH sadasadvyaktidAyakaH || 114||
sAkShI samudramathanaH svasaMvedyaH svadakShiNaH |
svatantraH satyasa~NkalpaH sAmagAnarataH sukhI || 115||

jAtIchampakakundAdInyekaikartubhavAnyapi |
ShaDR^itukusumasragvI sarvadA yugapaddadhat || 393||
mUlAdhAre gaNesho.asti chakraShaTkaM tadUrdhvataH |
ShaNNAmAdhArabhUto.asi ShaDAdhAra iti smR^itaH || 394||
~NevarmayugvakratuNDamantrarUpaH ShaDakSharaH |
saMsAravaidya ityukto bhavarogavinAshakaH || 395||
sarvaj~naH sakalaj~nAtA sugatAtmA vinAyakaH |
sarveShAmapi rogANAM divyaM pIyUShamauShadham || 396||
tasyApi nAshayan doShAn sarvabheShajabheShajam |
lIlayA sarvajagatAM nirmiti\-sthiti\-saMhR^itIH || 397||
sR^iShTi\-sthiti\-layakrIDaH kathyase rachayan kShaNAt |
dAnavairarchitashchettvaM suraku~njarabhedanaH || 398||
sindUritamahAkumbhaH sindUrAruNamastakaH |
sadbrahmaiva na sadvishvaM tayorvyaktiH prakAshanam || 399||
svabhaktebhyo dadAsIti sadasadvyaktidAyakaH |
sAkShI pashyasi sAkShAttvaM vishvaM chittAnapekShayA || 400||
samudramathane devairmanthanArambhaNe.architaH |
samudramathanaH proktaH svasaMvedyaH parAtparaH || 401||
parajyotiH svarUpatvAt svayaMshaktaH svadakShiNaH || 402||
svatantraH svayamevAsi nAnAtantrAtmanA yataH |
amoghakalpanAt satyasa~Nkalpa iti gIyase || 403||
sAmaprIteH sadAnandAt sAmagAnarataH sukhI |

haMso hastipishAchIsho havanaM havyakavyabhuk |
havyo hutapriyo harSho hR^ilekhAmantramadhyagaH || 116||
kShetrAdhipaH kShamAbhartA kShamAparaparAyaNaH |
kShiprakShemakaraH kShemAnandaH kShoNIsuradrumaH || 117||

haMso yativisheShAtmA yadvA bhAskaramUrtikaH(1) || 404||
etatpa~nchAkSharasyAnte likheChabdAddviTho manuH |
tatpratIkamupAdAya tasyesho devatoditA || 405||
so.ayaM hastipishAchIsho navArNamanudevatA |
yAgaH prakShepayughomastadrUpo havanaM bhavAn || 406||
devatAH pitarashcheti dvirUpo havyakavyabhuk |
hanyo haviH svarUpatvAddhavirbrahmeti hi smR^iteH || 407||
hutaM dravyaM priyaM yasyA devatAyAH (hutapriyaH )sa vai bhavAn |
havirbhakShaNajo modo harShaH so.api tvadAtmakaH || 408||
hR^illekhArthastantrarAje varNito vyAkulAkSharaiH |
vyomnA prakAshamAnastvaM grasamAnastvamagninA || 409||
tayorvimarsha IkAro bindunA tanniphAlanam |
 iti hrI~NkAravAchyo.asi hR^illekhAmantramadhyagaH || 410||
prayAgAdeH sharIrAderveshaH kShetrAdhipo mataH(2) |
kShamAbhartA kShitiM kShAntimapi vA yo bibharti saH || 411||

##(Footnotes)##
(1) haMso yati visheSho vA gaNako bhAnumUrtimAn |
(2) kAshImayUrapuryAya kShetreshA bahuvishrutAH |
adhipashchApi teShAM tvaM deva kShetrAdhipo mataH ||

kShAntishIlamuniprApyaH kShamAparaparAyaNaH |
shIghraM siddhiM dadAtIti kShiprakShemakaro bhavAn || 412||
kShemaM sAMsArikaM saukhyamAnandaH pAramArthikaH |
ubhayAtmA tvameveti kShemAnanda itIryase || 413||
kalpavR^ikSha iva kShoNyAmiShTAnsarvAnprayachChasi |
dharmAdiduHkhabhogAntAn ataH kShoNIsuradrumaH || 414||

dharmaprado.arthadaH kAmadAtA saubhAgyavardhanaH |
vidyAprado vibhavado bhuktimuktiphalapradaH || 118||
AbhirUpyakaro vIrashrIprado vijayapradaH |
sarvavashyakaro garbhadoShahA putrapautradaH || 119||
medhAdaH kIrtidaH shokahArI daurbhAgyanAshanaH |
prativAdimukhastambho ruShTachittaprasAdanaH || 120||
parAbhichArashamano duHkhabha~njanakArakaH |

kalpadrumatvaM vivinaktyekaviMshatinAmabhiH |
dharmaprado.arthadaH kAmadAtetyuktastrivargadaH || 415||
strINAM jIvatpatitvAdi dadatsaubhAgyavardhanaH |
vidyAprado vibhavado j~nAnasampattidAyakaH || 416||
bhogajIvanmuktidAnAdbhuktimuktiphalapradaH |
ADhyaiH saha daridrANAM mUrkhANAM paNDitaiH saha |
sAmyaM pradarshayan sabhyeShvAbhirUpyakaro mataH || 417||
samare kAndishIkAnAM api vIrashriyaM dadat |
nAma smR^itavatAM vIrashrIpradaH kIrtyase budhaiH || 418||
vIrashriyA jayaphalaM dadAno vijayapradaH |
sarvaM bhaktavashe kurvan sarvavashyakaro bhavAn || 419||
bIjadoShAn srAvapAtau nAshayan garbhadoShahA |
putraH sUnushva duhitA tatpautrAn duhituH sutAn || 420||
naptR^INpraNaptR^IN dauhitrAn dadAnaH putrapautradaH |
dhIrdhAraNAvatI medhA medhAdastatpradAyakaH || 421||
loke yA sadguNakhyAtistatpradAnena kIrtidaH |
shokahArI j~nAnadAnAttarati shokamAtmavit || 422||
durbhagatvApahAreNa strINAM daurbhAgyanAshanaH |
vAchaM stabhnAsi duShTAnAM pratikUlaM prajalpatAm || 423||
prativAdimukhastambhaH kathyase smR^itimAtrataH |
sevakeShu krodhajuShAM rAj~nAM chittAni shodhayan || 424||
snehashAlIni kurvANo ruShTachittaprasAdanaH |
parAbhichArashamano mAraNAkhyasya karmaNaH || 425||
svashatrubhiH praNItasya niShphalIkaraNAnmataH |
bha~njayan sarvaduHkhAni duHkhabha~njanakArakaH || 426||

lavastruTiH kalA kAShThA nimeShastatparaH kShaNaH || 121||
ghaTI muhUrtaM praharo divA naktaM (700)aharnisham |
pakShI mAso.ayanaM varShaM yugaM kalpo mahAlayaH || 122||
rAshistArA tithiryogo bAraH karaNamaMshakam |
lagnaM horA kAlachakraM meruH saptarShayo dhruvaH || 123||
rAhurmandaH kavirjIvo budho bhaumaH shashI raviH |
kAlaH sR^iShTiH sthitirvishvaM sthAvaraM ja~NgamaM cha yat || 124||

atha kAlasvarUpatvamuktaM viMshatinAmabhiH |
padmapatrasahasrasya sUkShmasUchyAbhivedhane || 427||
dale dale lavaH kAlaH sahasreNa lavaistruTiH || 428||
truTeH shataM tatparastairnimeShastriMshatA bhavet |
aShTAdashanimeShaiH syAtkAShThA tatriMshatA kalA || 429||
tattriMshatA kShaNaste ShaDghaTI tAbhyAM muhUrtakam |
praharastachchatuShkaM tachchatuShkaM naktakaM divA || 430||
aharnishaM tvahorAtraM praharairaShTabhirbhavet |
te pa~nchadasha pakShastau mAsaH ShaDayanaM tu te || 431||
tAbhyAM tu mAnuShaM varShaM taiH ShaShTyA trishatIyujA |
divyaM dvAdashasAhasrairdivyavarShaishchaturyugam || 432||
chaturyugasahasreNa kalpo dainandino layaH |
dvAsaptatisahasraistaiH syAnmahApralayo vidheH || 433||
rAshirdvAdasha meShAdyAH kR^ittikAdyAshcha tArakAH |
tvameva cha tithishvAndrI kalA pa~nchadashatmikA || 434||
viShkambhaprathamA yogAstvadrUpAH saptaviMshatiH |
yogA amR^itasiddhAdyA AnandAdyAstvameva cha || 435||
ravyAdisaptavArAtmA bavAdikaraNAtmakaH |
chatvAri pratinakShatramaMshakAni tvameva hi || 436||
rAshInAmudayo lagnaM horA lagnArdhasammitA |
kAlachakraM shaishumAraM meruH sauvarNaparvataH || 437||
saptarShayaH kashyapAdyA auttAnacharaNirdhruvaH |
rAhvAdayo grahA aShTau tvadrUpA eva netare || 438||
kalanAt kAla ityukto jagatsaMharaNakriyA |
sR^iShTiH sthitishcha jagadutpAdanaprANanakriye || 439||
yatsthAvarAdi vishvaM tattvamityekAbhidhAnakam |

bhUrApo.agnirmarudvyomAha~NkR^itiH prakR^itiH pumAn |
brahmA viShNuH shivo rudra IshaH shaktiH sadAshivaH || 125||
tridashAH pitaraH siddhA yakShA rakShAMsi kinnarAH |
sAdhyA vidyAdharA bhUtA manuShyAH pashavaH khagAH || 126||
samudrAH saritaH shailA bhUtaM bhavyaM bhavodbhavaH |
sA~NkhyaM pAta~njalaM yogaH purANAni shrutiH smR^itiH || 127||
vedA~NgAni sadAchAro mImAMsA nyAyavistaraH |
Ayurvedo dhanurvedo gAndharvaM kAvyanATakam || 128||
vaikhAnasaM bhAgavataM sAtvataM pA~ncharAtrakam |
shaivaM pAshupataM kAlAmukhaM bhairavashAsanam || 129||
shAktaM vainAyakaM sauraM jainamArhatasaMhitA |
sadasadvyaktamavyaktaM sachetanamachetanam || 130||

bhUrApo.agnirmarudvyoma pa~nchabhUtAtmako bhavAn || 440||
aha~NkR^itiraha~NkAraH prakR^itirmUlakAraNam |
pumAMshcha pa~nchaviMshastvaM prakR^ityAdyairasaMhataH || 441||
ma~nchasthabrahmaviShNavIsharudrAH pAdAH sadAshivaH |
phalakastatra kAmeshaH shivastasyA~NkagAminI || 442||
shaktiH kAmeshvarItyete saptApi bhavadAtmakAH |
tridashAdikashailAntA arthAstvaM tithibhirmitAH(1) || 443||
bhavAn bhUtamatItaM cha bhavyaM kShemaM cha bhAvi cha |
bhavodbhavaH shivotpannaH saMsAraprabhavo.athavA || 444||
atha sA~NkhyAdayo vidyAstvadrUpAH saptaviMshatiH |
sA~NkhyaM kapilamunyuktaM shAstraM pAta~njalaM punaH || 445||
sAmasUtranidAnAkhyaM yogaH phaNipatIritaH |
brAhmAdIni purANAni shrutayo bahvR^ichAdayaH || 446||
manvAdyAH shrutayo vedA~NgAni kalpAdikAni ShaT |
sadAchAraH sadAchArasa~NgrahAtmA.adhunA tataH || 447||
mImAMsA ShoDashAdhyAyI sa~NkarShasahitA satI |
trichaturlakShaNe bhaktibrahmamImAMsake api || 448||
kaNAdagautamamunipraNIto nyAyavistaraH |
R^igyajuHsAmavedAnAmupavedA api kramAt || 449||
AyurvedadhanurvedagAndharvAstanmayo bhavAn |
kAvyanATakashabdAbhyAM shravyaM dR^ishyaM cha gR^ihyate || 450||
shravyamaShTavidhaM dR^ishyaM aShTAviMshatidhA cha yat |
sa~NkIrNaM yachcha bahudhA tattatsarvAtmako bhavAn || 451||
viShNorvaikhAnasAdIni shaivAni tu maheshituH |
pR^ithak chatvAri chatvAri tantrANyetattvadAtmakam || 452||
shAktAditritayaM shaktergaNeshasya vivasvataH |
tantre dve nAstikonnIte api jainArhate tathA || 453||
(1)brahmAdyAH pa~ncha bhUtAnAmIshvarAH sanniyAmakaH |
pa~nchAnAM jananI shaktiH prakR^itiH paradevatA ||
shivastu puruSho j~neyastadrUpI tvaM gaNeshvara |
viyadAdikashailAntajIvarUpI tvameva cha ||
kAryANAM kAraNasyAntaravasthAnaM sadAtmatA |
akAraNenAvasthAnaM tadabhAve.asadAtmatA || 454||
sarvaM kAryAtmanA vyaktamavyaktaM kAraNAtmanA |
sachetanaM prANimAtraM vyomAdikamachetanam || 455||

bandho (800)mokShaH sukhaM bhogo.ayogaH satyamaNurmahAn |
svasti huM phaT svadhA svAhA shrauShaDvauShaDvaShaNNamaH || 131||
j~nAnaM vij~nAnamAnando bodhaH saMvichChamo yamaH |
eka ekAkSharAdhAra ekAkSharaparAyaNaH || 132||

bandha AtmanyanAtmatvabhramo nAtmani chAtmatA |
etatsarvaM bhavAneva bhagavan parikIrtitaH || 456||
mokShastvavidyAvidhvaMsastato yadavashiShyate |
tatsukhaM pratyagAnando bhogaH so.anubhavAtmakaH || 457||
ayogaH sa~NgarahitaH taddhi satyamabAdhitam |
sa evANurmanaH ShaShThendriyagocharatAvashAt || 458||
tato.adhikasya saukhyasyAbhAvAdeva sa vai mahAn |
tadeva samyagastIti svasti nAsti tataH param || 459||
anyasya dUrIkaraNAttadeva brahma huM matam |
dUrotsAraNamAtraM na kintu (vighna)nAsho.api tena phaTU || 460||
svadheti pitR^idaivatyaM svAhetyagnyAdidaivatam |
shrauShaDityAdayastattachChabdayukkarmalakShakAH || 461||
sarveShAM karmaNAmiShTasid.hdhyarthatvAnmahAphale |
sukhe labdhe tu tatraiva tatsarvaM paryavasyati || 462||
tena karmApi sakalaM bhavedekAtmakaM sukham |
mokShe dhIrj~nAnamanyatra vij~nAnaM taddvayaM bhavAn || 463||
tvameva pratyagAnandaH pratyabodhastvameva hi |
yogibhiH sevyate saMvidbAhyavR^ittinirAsikA || 464||
tadekapravaNatvAya sauShadhI bhavadAtmikA |
sarvasya shamanAtsarvoparamAttvaM shamo yamaH(1) || 465||
eka evAdvitIyastvaM bhedatraividhyashUnyataH |
(1)sarvasya duShTabhAvasya shamanAchcha shamo yamaH |
gambIjAntaH sthiterekAkSharAdhAra iti smR^itaH || 466||

ekAgradhIrekavIra ekAnekasvarUpadhR^ik |
dvirUpo dvibhujo dvyakSho dvirado dvIparakShakaH || 133||
dvaimAturo dvivadano dvandvAtIto dvayAtigaH |
tridhAmA trikarastretAtrivargaphaladAyakaH || 134||

omityekAkSharasthatvAdekAkSharaparAyaNaH |
ekAgradhIH svAtmamAtrapravaNApi matirbhavAn || 467||
ahami pralayaM kurvannidamaH pratiyoginaH |
parAkramaparo.asyekavIrastvatto na chAparaH(1) || 468||
pratibhUtamavasthAnAdekAnekasvarUpadhR^ik |
ekadhA bahudhA chaiva dR^ishyase jalachandravat || 469||
dve brahmaNI iti shrutyA dvirUpo.asyaparaM param |
tvameva dvibhujo dvyakSho dviradaH prakaTArthakaH || 470||
saptadvIpAdhipatyasya pradAnAdvIparakShakaH |
dvaimAturo.asyumAga~Nge mAtarau tava vishrute || 471||
tavaiva mUrtiramyAkhyA tena dvivadano bhavAn(2) |
shItoShNAdInyatikrAnto dvandvAtIta iti shrutaH || 472||
rajastamashchAtili~Nghya vartamAno dvayAtigaH |
tridhAmA sUryachandrAgnitejastritayamUrtimAn(3) || 473||
trayANAmapi lokAnAM (devAnAM)karaNAntrikaro bhavAn |
naryAdyagnitrayAkA~NkShadharmakAmArthakarmaNAM(4) || 474||
phalaprada iti tredhA trivargaphaladAyakaH |

##(Footnotes)##
(1) layAdi brahmakalpAntamayasya kAlarUpiNaH |
jetA deveShvekavIraH tvatto nAsti sureShvapi ||
(2) naragajavaktrayukto bhavAndrivadano mataH |
(3) tridhAmA sachchidAnandabrahmatritayasa.nj~nakaH |
(4) samaShTi vyaShTyabhedAtmA tretA tvaM gajavaktraka |
dharmArthakAlaphaladaH trivargaphaladAyakaH ||

triguNAtmA trilokAdistrishaktIshastrilochanaH |
chaturbAhushchaturdantashchaturAtmA chaturmukhaH || 135||
chaturvidhopAyamayashchaturvarNAshramAshrayaH |
chaturvidhavachovR^ittiparivR^ittipravartakaH || 136||
chaturthIpUjanaprItashchaturthI tithisambhavaH |
pa~nchAkSharAtmA pa~nchAtmA pa~nchAsyaH pa~nchakR^ityakR^it || 137||

guNatrayavatI mUlaprakR^itistriguNA matA || 475||
tasyA hR^idi tvameveti triguNAtmeti gIyase |
trayANAmapi lokAnAM trilokAdishcha kAraNam || 476||
ramAlajjAna~NgayogastrishaktiH kathyate manuH |
prabhAvotsAhamantrA vA trishaktIshastadIshvaraH(1) || 477||
trilochanashchaturbAhushchaturdanta iti sphuTam(2) |
AtmAntarAtmA j~nAnAtmA paramAtmeti bhedataH || 478||
AtmopaniShadi protashchaturAtmA tvameva hi |
chaturvidhA mukhe vedA yasya sa tvaM chaturmukhaH || 479||
bhedo daNDaH sAma dAnamityupAyachatuShTayam |
chaturvidhopAyamayastajjanyaphalasAdhakaH || 480||
brAhmaNabrahmacharyAdivarNAshramavibhAgashaH |
vihitaiH karmabhiH prApyashchaturvarNAshramAshrayaH || 481||
guhAyAM vartayaMstisraH pashyantIM madhyamAM parAm |
vaikharIM parito bAhyavartanena pravartayan || 482||

##(Footnotes)##
(1) bhrAmaryAdhArakAmeshyo naijAstrishaktayo matAH |
tAsAmIshastrishaktIshaH svAnandabhuvaneshvaraH ||
(2) tridhA sthitaM brahma yasya lochanAni mukhAmbuje |
trilochanastataH prokto nirguNaM yachchaturvidham |
tadeva dantAstvaktre chaturdantastato bhavAn |
sadasatsama sahajasa.nj~nikaM tu chaturvidham |
svAnandaM yasya devasya khyAtastena chaturbhujaH ||

chaturvidhavachovR^ittiparivR^itti pravartakaH |
chaturthIpUjanaprItashchaturthItithisambhavaH |
 iti nAmadvayaM spaShTaM syAdgaNeshapurANataH(1) || 483||
nAdabindumakArokArAkArAH praNavasthitAH || 484||
tvachCharIramataH pa~nchAkSharAtmA parikIrtyase |
brahmA viShNushcha rudrashcha Ishvarashcha sadAshivaH || 485||
yasyaite vigrahAH pa~ncha sa pa~nchAtmeti gIyase(2) |
vistIrNaM vadanaM yasya brahmANDakavalakShamam || 486||
pachervistAravAchitvAtsa pa~nchAsya iti smR^itaH |
sR^iShTiH sthitishcha saMhArastirodhAnamanugrahaH || 487||
brahmAdirUpairetAni kurvANaH pa~nchakR^ityakR^it |

pa~nchAdhAraH pa~nchavarNaH pa~nchAkSharaparAyaNaH |
pa~nchatAlaH pa~nchakaraH pa~nchapraNavabhAvitaH || 138||
pa~nchabrahmamayasphUrtiH pa~nchAvaraNavAritaH |
pa~nchabhakShyapriyaH pa~nchabANaH pa~nchashivAtmakaH || 139||

pa~nchAdhAro.asi bhUtAnAM pa~nchAnAmapi dhArakaH || 488||
sarvadA sUryakoTiprabhaH san kR^itatretayoshchandravarNo.arjunadruchChaviH |
dvApare shakragopopamo.abhUtkalau dhUmravarNo.abhavatpa~nchavarNo bhavAn(3) || 489||
japan pa~nchAkSharaM shaivaM pa~nchAkSharaparAyaNaH |
AmadhyamAgrAda~NguShThAtpramANaM tAla uchyate || 490||

##(Footnotes)##
(1) chaturthyAM pUjanenaiva prIto vidhipurassaram |
chaturthIpUjanaprIta iti tvaM parigIyase |
chaturthyAM yastu sa~njAtaH chaturthItithisambhavaH ||
(2) brahmA viShNushcha rudrashcha parA shaktishcha bhAskaraH |
yasyaite vigrahAH pa~ncha sa pa~nchAtmeti gIyase |
sUryakoTiprabhastvaM tu sarvadA gaNanAyakaH |
hemavarNa kR^itayuge tretAyAM dhavalachChaviH ||
dvApare raktavarNastvaM kalau tu dhUmavarNakaH || (brahmA)

tAlapa~nchakadehADhyaH pa~nchatAlo.asi vAmanaH |
pa~nchahastamitaH prAMshurapi pa~nchakaro bhavAn || 491||
tAravAgbhavalajjAbhAH prasAdaparayA saha |
praNavAH pa~ncha tairvAchyaH pa~nchapraNavabhAvitaH(1) || 492||
sadyojAtavAmadevAghoratatpuruSheshvaraiH |
(2)pa~nchabrahmamayasphUrtirabhinnasphuraNAtmakaH || 493||
pa~nchAvR^itistavaproktaira~NgAdyAvaraNairvR^itaH |
Channo vA pa~nchabhiH koshaiH pa~nchAvaraNavAritaH(3) || 494||
laDDukamaNDakapUrIpheNIvaTakAbhidhAni bhakShyANi |
yasya priyANi pa~nchApi pa~nchabhakShyapriyaH sa bhavAn || 495||
bANeshvaryabhidhAmbAyAH kAmeshvarashivasya cha |
pratyekaM pa~ncha bIjAni siddhAnyeva tu tadvidAm || 496||
tadAtmakatayA pa~nchabANaH pa~nchashivAtmakaH(4) |
ShaTkoNapIThaH ShaTchakradhAmA ShaDgranthibhedakaH |
ShaDadhvadhvAntavidhvaMsI ShaDa~NgulamahAhR^idaH || 140||

ShaNmukhaH ShaNmukhabhrAtA ShaTshaktiparivAritaH |
ShaDvairivargavidhvaMsI ShaDUrmibhayabha~njanaH || 141||
ShaTtarkadUraH ShaTkarmanirataH ShaDrasAshrayaH |
saptapAtAlacharaNaH saptadvIporumaNDalaH || 142||

##(Footnotes)##
(1) akArokAramakAranAdabindumayAH parAH |
praNavAH pa~ncha tairarchyaH pa~nchapraNavabhAvitaH || (brahmA)
(2) sadasatsamasahajayogasa.nj~nikairva raiH |
pashchabrahmamayasphUrtiH abhinnasphuraNAtmakaH || (brahmA)
(3) pa~nchAvR^itidevasevyaH pa~nchAvaraNavAritaH | (brahmA)
(4) pa~nchabANo manmathastu pa~nchabANastadAtmakaH |
paraH shivabhuvanesharudreshvarasadAshivAH |
sahajasA~NkhyaparamashivarudrAbhidho hAtha |
shivaH pa~nchavidhaH proktaH AtmA pa~nchashivAtmakaH |
(brahmA)

saptasvarlokamukuTaH saptasaptivarapradaH |
saptA~NgarAjyasukhadaH saptarShigaNamaNDitaH || 143||

ShaTkoNapIThaH koNAH ShaT pUjAsthAnAni yasya saH || 497||
ShaTchakradhAmA tvaM mUlAdhiShThAnamaNipUrakAH |
anAhatavishud.hdhyAj~nA vAsasthAnAni yasya saH || 498||
mUlAj~nAmaNipUreShu dvau dvau granthI bhinatti yaH |
vahnikuNDalinI saiva bhavAn ShaDgranthibhedakaH || 499||
padabhuvanavarNatattvakalAmantrAkhyAH ShaDadhvAnaH |
tachChodhanakartR^itvena ShaDandhvadhvAntavidhvaMsI || 500||
mahAhR^ido nAbhirUpoM gAmbhIryeNa ShaDa~NgulaH |
pichaNDilatvAdyasyaiSha ShaDa~NgulamahAhR^idaH || 501||
ShaTsa~NkhyAkAni shAstrANi mukhe yasya sa ShaNmukhaH |
sa bhavAn ShaNmukhabhrAtA senAnIryasya te.anujaH || 502||
ShaDa~NgayuvatichChannaH ShaTshaktiparivAritaH |
ShaDvairivargavidhvaMsI kAmakrodhau cha matsaram || 503||
lobhamohamadAn haMsi ShaDimAnvairishabditAn |
ashanAyAM pipAsAM cha shokaM mohaM jarAM mR^itim || 504||
ShaDUrmishabditAnnighnan ShaDUrmibhayabha~njanaH |
ShaDdarshanoditaistarkairyuktibhiryo na gR^ihyate || 505||
vAgatItaH sa ShaTtarkadUra ityabhidhIyate(1) |
ShaTkarmanirataH saktaH ShaTsu yAgAdikarmasu || 506||
madhurAdirasAnAmapyAdhAraH ShaDrasAshrayaH |
atalAdyA adho.adhaHsthAH sapta lokA yada~NghrigAH || 507||
sapta jambhvAda yo dvIpA yasya sakthi bhuvarmukhAH |
UrdhvagAH sapta golokAvadhayo yasya mUrdhni saH || 508||
saptapAtAlacharaNaH saptadvIporumaNDalaH |
saptasvarlokamukuTa iti nAmatrayeritaH || 509||
saptAbhirjaTAbhiH sahitaH sapta ityuchyate shivaH |

##(Footnote)##
(1) mantratarkoM yantratarkaH tantratarkaH prayogakaH |
aNutarko nyAyatarkaH tarkA eva tu ShaDvidhAH ||
shukrashcha vishvakarmA cha viShNushcha maya dAnavaH |
kaNAdo gautamashchaiva darshanAnAM pravartakAH ||

maNimallamR^idhe tasmai bhavAn prAdAddhayottamaM (jayaM paraM )|| 510||
sUryAya vA varaM tena saptasaptivarapradaH |
svAmyamAtyAdisaptA~NgayuktarAjyAt sukhaM dadat || 511||
saptA~NgarAjyasukhadaH saptabhiH kashyapAdibhiH |
gaNadevaishcha sevyatvAt saptarShigaNamaNDitaH || 512||

saptachChandonidhiH saptahotA saptasvarAshrayaH |
saptAbdhikelikAsAraH saptamAtR^iniShevitaH || 144||
saptachChandomodamadaH saptachChandomakhaprabhuH |
aShTamUrtidhyeyamUrtiraShTaprakR^itikAraNam || 145||
aShTA~NgayogaphalabhUraShTapatrAmbujAsanaH |
aShTashaktisamR^iddhashrIH (900)aShTaishvaryapradAyakaH || 146||

saptaChandonidhiH pathyachChandaH saptakasaMshrayaH |
hotrAdayo.achChAvA(yaH stAva)kAntAH hotAraH sapta saumikAH || 513||
mahAhavirmunirvApi saptahotA tadAtmakaH |
ShaDjAdisvaravAnnAda iti saptasvarAshrayaH || 514||
saptAbdhikelikAsAro yasya krIDAsaro.arNavaH |
brAhmyAdimAtR^isevyatvAt saptamAtR^iniShevitaH || 515||
pathyAdi saptachChandAMsi teShAM modena yo madaH |
tenaiva ghUrNanAt saptachChandomodamadaH smR^itaH || 516||
pathyA (ukthA)dyakratupUjyatvAt saptachChandomakhaprabhuH |
aShTamUrtiH shivastena yanmUrtirhR^idi chintyate || 517||
so.aShTamUrtidhyeyamUrtidhyeyo vA pR^ithagaShTabhiH |
prakR^ityaha~NkR^itimahatpa~nchatanmAtrasa.nj~nitAH || 518||
prakR^itIryo janayati so.aShTaprakR^itikAraNam |
aShTA~NgayogaphalabhUH samAdhyantairyamAdibhiH || 519||
a~Ngairyuktasya hR^idvR^ittirodhasya phaladAyakaH |
pa~Nkaje.aShTadale tiShThan aShTapatrAmbujAsanaH || 520||
aShTashaktisamR^iddhashrIrdalAShTakanivAsinA |
tIvrAdishaktyaShTakena paritaH sevito bhavAn || 521||
dAtA.aNimAdisiddhInAmaShTaishvaryapradAyakaH |

aShTapIThopapIThashrIraShTamAtR^isamAvR^itaH |
aShTabhairavasevyo.aShTavasuvandyo.aShTamUrtibhR^it || 147||
aShTachakrasphuranmUrtiraShTadravyahaviHpriyaH |
navanAgAsanAdhyAsI navanidhyanushAsitA || 148||
navadvArapurAdhAro navAdhAraniketanaH |
navanArAyaNastutyo navadurgAniShevitaH || 149||
navanAthamahAnAtho navanAgavibhUShaNaH |
navaratnavichitrA~Ngo navashaktishirodhR^itaH || 150||

aShTapIThopapIThashrIrmahApIThopapIThayoH || 522||
purANe sphuTayorbhUrisa~NkhyayoH sampadAtmakaH |
aShTamI tu mahAlakShmIrbrAhmyAdyAH sapta mAtaraH || 523||
AvR^itau yasya tiShThanti so.aShTamAtR^isamAvR^itaH |
aShTabhairavasevyo.aShTau bhairavA vaTukAdayaH || 524||
taiH sevyo vasavo.aShTau tu prabhAsAntA dharAdayaH |
tairvandito bhavAnaShTavasuvandyaH prakIrtitaH || 525||
bhUtAni puShpavantau sva etadrUpo.aShTamUrtibhR^it(1) |
aShTAchakrA navadvArA devAnAM pUriti shruteH || 526||
yantre tiShThannaShTachakrasphuranmUrtiriti smR^itaH |
lAjekShusaktuchipiTAH kadalyo(kalamA)modakAstilAH || 527||
nArikelA ghR^itAktA ityaShTadravyahaviHpriyaH |
navanAgAsanAdhyAsI nAgaiH karkoTakAdibhiH || 528||
patreShvaShTasu madhye cha yasyAsanamadhiShThitam |
shAsachCha~NkhamukundAdIn navanidhyanushAsitA || 529||
navadvArapurAdhAro jIvarUpeNa dehabhR^it |
kulAkulasahasrAre mUlAdyAj~nAntimAni ShaT || 530||
lambiketi navasvAsse navAdhAraniketanaH |
dharmAdyanantabadarIrUpasha~NkarasundaraiH || 531||
lakShmyA sAdhyenopapadairyuktA nArAyaNA nava |
(1) bindvAdisahajAntaHstha brahmarUpo.aShTamUrtibhR^it |
navanArAyaNastutyastaiH stutyaH sa bhavAniti || 532||
durgAyA navakUShmANDachandraghaNTAdayo.abhidhAH |
prasiddhAstAbhirIDyatvAnnavadurgAniShevitaH || 533||
j~nAnaprakAshasatyAnanda vimarshasvabhAvasubhagAnAm |
navanAthamahAnAtho nAthatvAtpratibhapUrNayoshcha bhavAn || 534||
karkoTakAdimaNDyatvAnnavanAgavibhUShaNaH |
navaratnavichitrA~Ngo vajramuktAdibhUShitaH || 535||
tIvrAdyA nava te pIThe navashaktishirodhR^itaH |

dashAtmako dashabhujo dashadikpativanditaH |
dashAdhyAyo dashaprANo dashendriyaniyAmakaH || 151||
dashAkSharamahAmantro dashAshAvyApivigrahaH |
ekAdashAdibhI rudraiH stuta ekAdashAkSharaH || 152||
dvAdashaddaNDadordaNDo dvAdashAntaniketanaH |
trayodashAbhidhA bhinnavishvedevAdhidaivatam || 153||

disho dasha tadAtmA yo vyApakaH sa dashAtmakaH(1) || 536||
mahAgaNapatermUrtyA bhavAn dashabhujo.abhavat |
indrAdayo.aShTau dikpAlA UrdhvAdhodigadhIshvarau || 537||
kramAdbrahmA.ananta iti dashadikpativanditaH |
dashAdhyAyashchaturveda ShaDa~NgyadhyayanAnmataH(2) || 538||
dashaprANaH pa~ncha pa~ncha prANanAgAdirUpavAn |
vAgAdyAtmatvagAdyAtmadashendriyaniyAmakaH || 539||
ukto hastipishAchItimantrashchetpraNavAdimaH |
dashAkSharamahAmantrastvaddaivatyastvameva saH || 540||

##(Footnotes)##
(1) bindvAdyayogaparyantAH AtmanaH sthitirUpakAH |
dasha tadAtmA bhagavAngaNeshAno dashAtmakaH ||
(2) vinAyakarahasye tu yogAnandAbhidhaM varam |
dashAdhyAyayutaM tatra dashAdhyAyastadAtmakaH ||

dashadigvyApidehatvAddashAshAvyApivigrahaH |
rudrA ekAdashArabhya sahasrANi sahasrashaH || 541||
ekAdashAdibhI rudraiH stutastaiH sakalairnutaH |
tArashaktI vighnashaktI vashamAnaya Thadvayam || 542||
ekAdashAkSharo mantrastvaddaivatyastvameva saH |
dvAdashoddaNDadordaNDo gADhairdvAdashabhirbhujaiH || 543||
dvAdashAntaM lalATordhvaM brahmarandhrAvasAnakam |
prakaTo yoginAM tadgo dvAdashAntaniketanaH || 544||
purUravaprabhR^itibhiH pUjyastvaM vishvadaivataiH |
trayodashAbhidhAbhinnavishvedevAdhidaivatam || 545||

chaturdashendravaradashchaturdashamanuprabhuH |
chaturdashAdividyADhyashchaturdashajagatprabhuH || 154||
sAmapa~nchadashaH pa~nchadashIshItAMshunirmalaH |
ShoDashAdhAranilayaH ShoDashasvaramAtR^ikaH || 155||
ShoDashAntapadAvAsaH ShoDashendukalAtmakaH |
kalA saptadashI saptadashaH saptadashAkSharaH || 156||

chaturdashAnAmindrANAM manUnAM varado.adhipaH |
chaturdashendravaradashchaturdashamanuprabhuH || 546||
chaturdashAdividyADhyo vedAdyAH sopavedakAH |
chaturdashAShTAdasha cha prasiddhAstAsu paNDitaH || 547||
ApAtAlAdA cha satyAchchaturdashajagatprabhuH |
yatpa~nchadashabhiH staumairAjya(dya)stotrachatuShTayam || 548||
sAmayuktaM tadAtmatvAt sAmapa~nchadasho bhavAn |
svachCho rAkenduvatpa~nchadashIshItAMshunirmalaH || 549||
ShoDashAdhAranilayo.asyantashcha kreShu saMsthitaH |
ShaDAdhAranavAdhAraShoDashAdhAralakShaNam || 550||
vedyaM gurumukhAdevetyAgame shivashAsanam |
svarAnmimIte mAnena ShoDashasvaramAtR^ikaH || 551||
ShoDashAntapadAvAso brahmarandhrAbjakarNikAm |
ArabhyordhvaM ShoDashAntamunmanyAH parataH sthitaH || 552||
amR^itA mAninI(mAnade)tyAdiShoDashendukalAtmakaH |
kalA saptadashI nAma prasiddhA tripurAgame || 553||
trayodashAkSharI turyavidyAkhyA tvaM tadAtmakaH |
yattu saptadashastomaM pR^iShThastotrachatuShTayam || 554||
sAmayuktaM tadAtmatvAdbhavAn saptadasho mataH |
vauShaDAshrAvayayajAstu shrauShaDyeyajAmahe || 555||
 iti tvaM ApnuShe yaj~nAniti saptadashAkSharaH |

aShTAdashadvIpapatiraShTAdashapurANakR^it |
aShTAdashauShadhIsR^iShTiraShTAdashavidhiH smR^itaH || 157||
aShTAdashalipivyaShTisamaShTij~nAnakovidaH |
ekaviMshaH pumAnekaviMshatya~NgulipallavaH || 158||
chaturviMshatitattvAtmA pa~nchaviMshAkhyapUruShaH |
saptaviMshatitAreshaH saptaviMshatiyogakR^it || 159||

aShTAdashadvIpapatiH saptaikAdashasa~NkhyayoH || 556||
dvIpopadvIpayorjambusiMhalAdyoradhIshvaraH |
mAtsyakaurmabrAhmapAdmAdyaShTAdashapurANa kR^it(1) || 557||
aShTAdashauShadhIsR^iShTirdhAnyasR^iShTivichakShaNaH |
mukhyadhAnyopadhAnyAni teShu dvAdasha ShaT kramAt || 558||
vidhayo.apUrvaniyama parisa~NkhyAH pR^ithak pR^ithak |
prayogaviniyogotpattyAkhyAbhirnava te dvidhA || 559||
guNapradhAnabhedAdityaShTAdashavidhiH smR^itaH |
nAgaradrAviDA~NdhrAdyAH svatantrA piyo bhuvi || 560||
aShTAdasha tadaMshotthA avAntarabhidA api |
deshabhedena bahavastajj~nAne tvaM vichakShaNaH || 561||
aShTAdashalipivyaShTisamaShTij~nAnakovidaH |
ekaviMshaH pumAnAtmetyAmanantyaitareyiNaH || 562||

##(Footnote)##
(1) aShTAdashaprabhedADhyapurANopapurANayoH |
kartA gaNesha pUrvANAM aShTAdasha purANakR^it ||

sahashuNDA~nchalenaikaviMshatya~NgulipallavaH |
dasha hastyA a~NgulayaH padyA a~Ngulayo dasha || 563||
tattvAni jinasa~NkhyAni tadUrdhvaH puruSho bhavAn |
chaturviMshatitattvAtmA pa~nchaviMshAkhyapUruShaH || 564||
nakShatrANAM cha yogAnAM IshaH kartA kramAdbhavAn |
saptaviMshatitAreshaH saptaviMshatiyogakR^it || 565||

dvAtriMshadbhairavAdhIshashchatustriMshanmahAhR^idaH |
ShaTtriMshattattvasambhUtiraShTatriMshatkalAtanuH || 160||
namadekonapa~nchAshanmarudvarganirargalaH |
pa~nchAshadakSharashreNI pa~nchAshadrudravigrahaH || 161||
pa~nchAshadviShNushaktIshaH pa~nchAshanmAtR^ikAlayaH |
dvipa~nchAshadvapuHshreNI triShaShTyakSharasaMshrayaH || 162||
chatuHShaShTyarNanirNetA chatuHShaShTikalAnidhiH |
chatuHShaShTimahAsiddhayoginIvR^indavanditaH || 163||

dvAtriMshadbhairavAdhIshashchatvAro bhairavAShTakAH |
asitA~NgAdayo ye ye teShAM teShAmadhIshvaraH || 566||
puShkarAdyA devakhAtAH santi puNyA mahAhradAH |
tadAtmakatvena bhavAMshchatustriMshanmahAhradaH || 567||
ShaTtriMshattattvasambhUtiH shaivatantroktayA dishA |
shivAdikShitiparyantaShaTtriMshattattvakAraNam || 568||
vahneH sUryasya chandrasya dasha dvAdasha ShoDasha |
kalAH santi tadAtmatvAdaShTatriMshatkalAtanuH || 569||
marudvarganatashchAsau niShpratyUhagatishcha saH |
namadekonapa~nchAshanmarudvarganirargalaH || 570||
pa~nchAshadakSharashreNItyuchyate mAtR^ikAtmanA |
shrIkaNThAdishivAtmatvAt pa~nchAshadrudravigrahaH || 571||
keshavAdyAcha kIrtyAdyA viShNavastasya shaktayaH |
pa~nchAshadviShNu shaktIshastadIshatvena kathyase || 572||
ekapa~nchAshato.arNAnAmAlayo laya eva vA |
nAda eva tadAtmatvAtpa~nchAshanmAtR^ikAlayaH || 573||
lai~NgavarNitapAshAnAma vidyApa~nchaparvaNAm |
aShTAShTadigvasudhR^itibhinnAnAM dehadAyinAm || 574||
tvadrUpatvAddvipa~nchAshadvapuHshreNIti gIyase |
triShaShTishchatuHShaShTirvA varNAH shambhumate matAH || 575||
kalA api chatuHShaShTiH prasiddhAstatsamAshrayaH |
tannirNetA tatkhanistvaM triShTyakSharasaMshrayaH || 576||
chatuHShaShTyarNanirNetA chatuHShaShTikalAnidhiH(1) |
akShobhyAdichatuHShaShTimithunairvandito bhavAn || 577||
chatuHShaShTimahAsiddhayoginIbR^indavanditaH |

aShTaShaShTimahAtIrthakShetra bhairavabhAvanaH |
chaturNavatimantrAtmA ShaNNavatyadhikaprabhuH || 164||
shatAnandaH shatadhR^itiH shatapatrAyatekShaNaH |
shatAnIkaH shatamakhaH shatadhAravarAyudhaH || 165||
sahasrapatranilayaH sahasraphaNabhUShaNaH |
sahasrashIrShA puruShaH sahasrAkShaH sahasrapAt || 166||

tantryaShTaShaShTiH shrIkAshIkhaNDapAdmayoH || 578||
shaivatIrthAnyaShTaShaShTiH shrIkAshIkhaNDapAdmayoH ||
uktAni teShu kShetreShu bhAvayan bhairavaM shivam |
aShTaShaShTimahAtIrthakShetrabhairavabhAvanaH || 579||
aShTatriMshatkalA mantrAH pa~nchAshanmAtR^ikAH kalAH |
haMsaH shuchipratadviShNurviShNuryoni triyambakam || 580||
tadviShNormUlavidyeti chaturNavatisa.nj~nakAH |
dravyashud.hdhyai kalpasUtre jAmadagnyena varNitAH || 581||
chaturNavatimantrAtmA tAvanmantrAtmako bhavAn |
tantrarAje ShaNNavatiH proktAH shrIchakradevatAH || 582||

##(Footnote)##
(1) keShAM mate tu chatuShShaShTirvarNAstvaM tu tadAshrayaH |
chatuShShaShTyarNanirNetA tAvanmantra nirUpitaH ||

vidyAgaNeshayoryogAjjAyante.adhikadevatAH |
tAsAmIshaH samastAnAM ShaNNavatyadhika prabhuH(1) || 583||
shatAnandaH shataguNA AnandA mAnuShAdayaH |
brahmAnandAdimA ye ye te sarve.api tvadAtmakAH || 584||
brahmANDAnAmanantAnAM dhartA shatadhR^itirbhavAn |
padmapatrAyatAkShastvaM shatapatrAyatekShaNaH || 585||
shatAnIko bhUrisainyaH shakraH shatamakho bhavAn |
athavA bahusa~NkhyAni pUjanAdIni yasya saH || 586||
shataM dhArA arAstIkShNA yadAyudhavarasya saH |
vajrotkR^iShTAyudho vA.api shatadhAravarAyudhaH || 587||
sahasrapatranilayo brahmarandhrasthapadmagaH |
phaNAsahasravadbhUShyaH sahasraphaNabhUShaNaH || 588||
sahasrashIrShA puruSha ityekaM nAma te sphuTam |
(sahasrashIrShA puruSho virATpuruSharUpavAn |)
anantanetracharaNaH sahasrAkShaH sahasrapAt || 589||

sahasranAmasaMstutyaH sahasrAkShabalApahaH |
dashasAhasraphaNabhR^itphaNirAjakR^itAsanaH || 167||
aShTAshItisahasrAdyamaharShistotrayantritaH |
lakShAdhIshapriyAdhAro lakShAdhAramanomayaH || 168||
chaturlakShajapaprItashchaturlakShaprakAshitaH |
chaturashItilakShANAM jIvAnAM dehasaMsthitaH || 169||
koTisUryapratIkAshaH koTichandrAMshunirmalaH |
shivAbhavAdhyuShTakoTivinAyakadhuMradharaH || 170||

sahasranAmasaMstutyaH stutyarho.asa~NkhyanAmabhiH |
yamAvishanti nAmAni sarvANIti kila shruteH || 590||
indrasya darpaharaNAt sahasrAkShabalApahaH |

##(Footnote)##
(1) aShTAchatvAriMshadevAH svAnande brahmaNaspateH |
vighnasiddhibuddhiyogAt jAyante.adhikadevatAH ||

tAsAmIshaH samastAnAM ShaNNavatyadhikaprabhuH |
dashasAhasraphaNabhR^itphaNirAjakR^itAsanaH(1) || 591||
ichChayA sR^iShTinirmAtuH kimasAdhyaM tava prabho |
sarvavidyAkalArAshirakShaNaikaprayojanAH || 592||
viShNunA himavatpR^iShThe sthApitA gR^ihamedhinaH |
purANe vaiShNave proktAstaiH stutyo.asi niyantritaH(2) || 593||
aShTAshItisahasrAdyamaharShistotrayantritaH |
lakShAdhIshapriyAdhAro lakShAdhIshA dhaneshvarAH || 594||
teShAM priyaH sannAdhAro dhanavR^id.hdhyarthamAshritaH |
lakShANi chittasthairyAMrthaM prasiddhAni tadAshritam || 595||
mano yasya tadAtmA tvaM lakShAdhAramanomayaH |
chaturlakShajapaprItaH purashcharyAdisAdhanaiH || 596||
purANAShTAdashagranthasa~NkhyA lakShachatuShTayam |
taiH prakAshitarUpastvaM chaturlakShaprakAshitaH || 597||
sarvajIvAtmateyattAnavachChedashcha rochiShaH |
kala~NkatApAsamparkaH kathyate nAmabhistribhiH || 598||
chaturashItilakShANAM jIvAnAM dehasaMsthitaH |
koTisUryapratIkAshaH koTichandrAMshunirmalaH || 599||
grahA vinAyakAbhikhyAH sArdhakoTitrayAtmakAH |
bhavasya cha shivAyAshcha pratyekaM santi tatpatiH || 600||
shivAbhavAdhyuShTakoTivinAyakadhurandharaH |

saptakoTimahAmantramantritAvayavadyutiH |
trayastriMshatkoTisurashreNIpraNatapAdukaH || 171||

anantanAmAnantashrIranantAnantasaukhyadaH |
vishvarUpasya te.a~NgAni sarvamantrAdhidevatAH || 601||
ataH sa~njaptamantraistairdyAtase.avayavairapi |
saptakoTimahAmantramantritAvayavadyutiH || 602||
IdR^ishAnnAdhikastvattaH ko.api devastato bhavAn |
trayastriMshatkoTisurashreNIpraNatapAdukaH || 603||

##(Footnotes)##
(1) AsanaM yasya sheShastu tenaivaM kathyase bhavAn |
(2) vedAdividyAdraShTAro gotra vR^iddhikarA api |
aShTAshItisahasraughAstaiH kR^itastotratoShitaH ||

anantanAmA sarve.api shabdAstvannAmatAM gatAH |
yAvatpratiShThitaM brahma tAvatI vAgiti shruteH || 604||
anantashrIrasa~NkhyAste vidyAsampattikIrtayaH |
prAtisvikamanantAnAmAnantye gaNanA tu yA || 605||
tAvantaM dadadAnandamanantAnantasaukhyadaH |
anantAnandadAnaM tu svAdvaite paryavasyati || 606||
(uttarA~NganyAsaH gAM hR^idayAya namaH |
gIM shirase svAhA |
gUM shikhAyai vaShaT |
gaiM kavachAya huM |
gauM netratrayAya vauShaT |
gaH astrAya phaT |
bhUrbhuvaH suvaromiti digvimokaH ||
pa~nchavaktro dashabhujo lalATenduH shashiprabhaH |
muNDamAlaH sarpabhUSho mukuTA~NgadabhUShaNaH ||
agnyarkashashino bhAbhiH tiraskurvan dashAyudhaH |
sarvavighnaharo devaH taM dhyAyAmi divAnisham ||
laM pR^ithivyAtmane mahAgaNapataye gandhaM samarpayAmi |
haM AkAshAtmane mahAgaNapataye puShpANi samarpayAmi |
yaM vAyvAtmane mahAgaNapataye dhUpamAghrApayAmi |
raM agnyAtmane mahAgaNapataye dIpaM darshayAmi |
vaM amR^itAtmane mahAgaNapataye amR^itopahAraM nivedayAmi |
guhyAtiguhyagoptA tvaM gR^ihANAtmakR^itaM japam |
siddhirbhavatu devesha tyatprasAdAnmayi sthirA ||)

 iti vainAyakaM nAmnAM sahasramidamIritam || 172||
idaM brAhme muhUrte yaH paThati pratyahaM naraH |
karasthaM tasya sakalamaihikAmuShmikaM sukham || 173||
AyurArogyamaishvaryaM dhairyaM shauryaM balaM yashaH |
medhA praj~nA dhR^itiH kAntiH saubhAgyamatirUpatA || 174||
satyaM dayA kShamA shAntirdAkShiNyaM dharmashIlatA |
jagatsaMyamanaM vishvasaMvAdo vAdapATavam || 175||
sabhApANDityamaudAryaM gAmbhIryaM brahmavarchasam |
aunnatyaM cha kulaM shIlaM pratApo vIryamAryatA || 176||
j~nAnaM vij~nAnamAstikyaM sthairyaM vishvAtishAyitA |
dhanadhAnyAbhivR^iddhishcha sakR^idasya japAdbhavet || 177||
vashyaM chaturvidhaM nR^iNAM japAdasya prajAyate |
rAj~no rAjakalatrasya rAjaputrasya mantriNaH || 178||
japyate yasya vashyArthaM sa dAsastasya jAyate |
dharmArthakAmamokShANAmanAyAsena sAdhanam || 179||
shAkinIDAkinIrakShoyakShoragabhayApaham |
sAmrAjyasukhadaM chaiba samastaripumardanam || 180||
samastakalahadhvaMsi dagdhabIjaprarohaNam |
duHsvapraNAshanaM kruddhasvAmichittaprasAdanam || 189||
ShaTkarmAShTamahAsiddhitrikAlaj~nAnasAdhanam |
parakR^ityAprashamanaM parachakravimardanam || 182||
sa~NgrAmara~Nge sarveShAmidamekaM jayAvaham |
sarvavandhyAtvadoShaghnaM garbharakShaikakAraNam || 183||
paThyate pratyahaM yatra stotraM gaNapateridam |
deshe tatra na durbhikShabhItayo duritAni cha || 184||
na tatgR^ihaM jahAti shrIryatrAyaM paThyate stavaH |
kShayakuShThapramehArshobhagandaraviShUchikAH || 185||
gulmaM plIhAnamashmAnaM atisAraM mahodaram |
kAsaM shvAsamudAvartaM shUlashophAdisambhavam || 186||
shirorogaM vamiM hikkAM gaNDamAlAmarochakam |
vAtapittakaphadvandva tridoShajanitajvaram || 187||
AgantuM viShamaM shItamuShNaM chaikAhikAdikam |
 ityAdyuktamanuktaM vA rogaM doShAdisambhavam || 188||
sarvaM prashamayatyAshu stotrasyAsya sakR^ijjapaH |
sakR^itpAThena saMsiddhaH strIshUdrapatitairapi || 189||
sahasranAmamantro.ayaM japitavyaH shubhAptaye |
mahAgaNapateH stotraM sakAmaH prajapannidam || 190||
ichChitAnsakalAn bhogAnupabhujyeha pArthivAn |
manorathaphalairdivyairvyAmayAnairmanoramaiH || 191||
chandrendrabhAskaropendrabrahmasharvAdisadmasu |
kAmarUpaH kAmagatiH kAmato vicharanniha || 192||
bhuktvA yathepsitAn bhogAnabhIShTAn saha bandhubhiH |
gaNeshAnuchAro bhUtvA mahAgaNapateH priyaH || 193||
nandIshvarAdisAnandI nanditaH sakalairgaNaiH |
shivAbhyAM kR^ipayA putranirvisheShaM cha lAlitaH || 194||
shivabhaktaH pUrNakAmo gaNeshvaravarAtpunaH |
jAtismaro dharmaparaH sArvabhaumo.abhijAyate || 195||
niShkAmastu japannityaM bhaktyA vighneshatatparaH |
yogasiddhiM parAM prApya j~nAnavairAgyasaMsthitaH || 196||
nirantaroditAnande paramAnandasaMvidi |
vishvottIrNe pare pAre punarAvR^ittivarjite || 197||
lIno vainAyake dhAmni ramate nityanirvR^itaH |
yo nAmabhirhunedetairarchayetpUjayennaraH || 198||
rAjAno vashyatAM yAnti ripavo yAnti dAsatAm |
mantrAH sid.hdhyanti sarve.api sulabhAstasya siddhayaH || 199||
mUlamantrAdapi stotramidaM priyataraM mama |
nabhasye mAsi shuklAyAM chaturthyAM mama janmani || 200||
dUrvAbhirnAmabhiH pUjAM tarpaNaM vidhivachcharet |
aShTadravyairvisheSheNa juhuyAdbhaktisaMyutaH || 201||
tasyepsitAni sarvANi sid.hdhyantyatra na saMshayaH |
idaM prajaptaM paThitaM pAThitaM shrAvitaM shrutam || 202||
vyAkR^itaM charchitaM dhyAtaM vimR^iShTamabhinanditam |
ihAmutra cha sarveShAM vishvaishvaryapradAyakam || 203||
svachChandachAriNApyeSha yenAyaM dhAryate stavaH |
sa rakShyate shivodbhUtairgaNairadhyuShTakoTibhiH || 204||
pustake likhitaM yatra gR^ihe stotraM pUpUjayet |
tatra sarvottamA lakShmIH sannidhatte nirantaram || 205||
dAnairasheShairakhilairvrataishcha tIrthairashaiShairakhilairmakhaishcha |
na tatphalaM vindati yatgaNeshasahasranAmrAM smaraNena sadyaH || 206||
etannAmnAM sahasraM paThati dinamaNau pratyahaM projjihAne
sAyaM madhyandine vA triShavaNamathavA santataM vA jano yaH |
sasyAdaishvaryadhuryaH prabhavati cha satAM kIrtimuchchaistanoti
pratyUhaM hanti vishvaM bashayati suchiraM vardhate putrapautraiH || 207||
aki~nchano.api matprAptichintako niyatAshanaH |
japettu chaturo mAsAn gaNeshArchanatatparaH || 208||
daridratAM samunmUlya saptajanmAnugAmapi |
labhate mahatI lakShmImityAj~nA pArameshvarI || 209||
AyuShyaM vItarogaM kulamativimalaM sampadashchArtadAnAH
kIrtirnityavadAtA bhaNitirabhinavA kAntiravyAdhibhavyA |
putrAH santaH kalatraM guNavadabhimataM yadyadetachcha satyaM
nityaM yaH stotrametatpaThati gaNapatestasya haste samastam || 210||

         laghusahasranAmastotram |
gaNa~njayo gaNapatirherambo dharaNIdharaH |
mahAgaNapatirlakShapradaH kShipraprasAdanaH || 211||
amoghasiddhirami(mR^i)to mantrashchintAmaNirnidhiH |
suma~Ngalo bIjamAshApUrako varadaH shivaH || 212||
kAshyapo nandano vAchAsiddho duNDivinAyakaH |
maudakairebhiratraikaviMshatyA nAmabhiH pumAn || 213||
yaH stauti madgatamanA madArAdhanatatparaH |
stuto nAmnAM sahasreNa tenAhaM nAtra saMshayaH || 214||
namo namaH suravarapUjitA~Nghraye
namo namo nirupama~NgalAtmane |
namo namo vipulapadaikasiddhaye
namo namaH karikalabhAnanAya te || 215||
asya stotrasya japa aihikakAmasyAmuShmikakAmasya niShkAmasya cheti trividhaH | tatra prathamamAha AyurityAdibhiH | praj~nA grAhiNI buddhiH, medhA dhAraNAvatI buddhiH, kShamA parApakArapratIkArakriyAbhAvaH kShAntiH parakR^itApakAraprayukta krodhasyApyabhAvaH, j~nAnaM mokShajanakacharamavR^ittiH, vij~nAnaM shAstrashilpaviShayakaM shAstraM 172\-176|| dagdhasya rogAgnipluShTasya bIjasya retasaH prarohaNaM prajotpAdanasAmarthyapradam || ShaTkarmANi\-mohanamAkarShaNaM stambhanaM vidveShaNamuchchATanaM mAraNaM cheti bhedAt | shAntivashyayostantreShu ShaTkarmamadhye parigaNane.api prakR^ite tayoH pArthakyena nirdeshAnmohanAkarShaNe melite | parakR^ityA shatrubhiH svamAraNoddeshena nirmitA rAkShasI || 177 \-182|| nandIshvarAdisAnandI nandikeshvarAdisamAnAnandashAlI, shivAbhyAM gaurIharAbhyAM putranirvisheShaM putratulyaM yathA tathA || shivabhaktaH IshvarabhaktaH | jIva shivashcheti chidvibhAgAntargato.atra shivo vivakShitaH, na tu kailAsavAsitvAdi\- guNavisheShavishiShTo gANapata iti yAvat jAtismaraH pUrvajanmasmaraNavAn || 183\-194|| lInaH jIvopAdhilayAt | nabhasye bhAdrapade, nAmabhiH pUjAyAM chaturthInamontaiH tarpaNe dvitIyA, tarpayAmyantaiH home chaturthIsvAhAntairityarthaH | prajaptaM upAMshuchcharitaM paThitaM uchairvyaktamuchcharitam, vyAkR^itaM vyAkhyAtaM, charchitaM UhApohaviShayIkR^itaM, dhyAtaM manasA vichAritaM, vimR^iShTaM shodhitaM, lekhakadoShanirAseneti yAvat abhinanditamanumatam | shivodbhUtaiH shivena shivayA cha janitaiH adhyaShTakoTibhiH pratyekaM sArdhakoTitrayasa~NkhyAkaiH | Artebhyo dAnaM yAsAM tA ArtadAnAH, nityAvadAtAH chirasthAyitve sati shuddhA abhinavAH parairakalpitAH | eteShvaShTAdashanAmAni pUrvaM vyAkhyAtAnyeva; tatra gaNapatiriti gaNeshvara gaNAdhipAdinAmasamAnArthakaM, amita ityatrAmR^ita iti vA pAThaH, ubhayathApi vyAkhyAtameva || 195\-211|| suma~Ngalasuma~Ngala iti nAmnA suma~NgalanAma charitArtham, varaprada ityanena baradanAma, chintAmaNiH shivo bIjamiti nAmatrayaM tvihApUrvaM tatra kShetravisheShAdhiShThAtR^igaNapateshchintAmaNiriti sa.nj~nA chintitArthapradatvAtsvargasthachintAmaNivat, taddaivatyamantravisheShasyApyeShA sa.nj~nA tadrUpatvAddevo.api chintAmaNiH | shivasya tu vasha kAntau shivaH smR^ityA iti jagadutpAdanechChAshaktimattvAdayo bahavo.arthAH | bIjaM\-sarvajagatkAraNaM, kAshyapaH kashyapaputraH iyaM cha kathA gaNeshapurANe uttarakhaNDe prasiddhA, dharaNIdhara AshApUraka ityAdinAmamUlabhUtAH kathA api tatraivAnusandheyAH, granthAnte ma~NgalamAcharati namo nama iti | vipulapadaM paraM dhAma tasya mukhyA siddhiryasmAtsaH, (212\-215)

 iti shrIgaNeshopapurANe upAsanAkhaNDe mahAgaNapati proktaM
sahasranAmastotraM nAma ShaTchatvAriMsho.adhyAyaH |

iti shrImahAgaNapatisahasranAmastotraM sabhAShyaM sampUrNam |
|| shrIgaNeshArpaNamastu ||
|| shrIrastu ||
##
Proofread by Narendran Madathil

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}