% Text title            : mahAgaNapati stotram 1
% File name             : mahAgaNapatistotra.itx
% Category              : ganesha, stotra
% Location              : doc\_ganesha
% Author                : shriiraaghavvchaitanya
% Transliterated by     : Available at webdunia.com
% Proofread by          : Ravin Bhalekar ravibhalekar at hotmail.com
% Latest update         : April 23, 2004
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mahAgaNapatistotram ..}##
\itxtitle{.. mahAgaNapatistotram ..}##\endtitles ##
yogaM yogavidAM vidhUta\-vividha\-vyAsa.ngashuddhAshaya\-
prAdurbhUta\-sudhArasa\-prasR^imara\-dhyAnAspadAdhyAsinAm |
AnandaplavamAna\-bodhamadhurA\-.a.amodachChaTAmeduraM
taM bhUmAnamupAsmahe pariNataMM dantAvalAsyAtmanA || 1||
tArashrI\-parashaktikAmavasudhA\-rUpAnugaM yaM vidustasmai
stAtpraNatirgaNAdhipataye yo rAgiNA.abhyarthyate |
Amantrya prathamaM vareti varadetyArtena sarvaM janaM
svAmin me vashamAnayeti satataM svAhAdibhiH pUjitaH || 2||
kallolA.nchala\-chumbitAmbuda\-tatAvikShudravAmbhonidhau
dvIpe ratnamaye suradrumavanAmodaikamedasvini |
mUle kalpatarormahAmaNimaye pIThe.akSharAmbhorUhe
ShaTkoNA kalita\-trikoNarachanA\-satkarNike.amuM bhaje || 3||
chakraprAsa\-rasAla\-kArmuka\-gadA\-sadbIjapUradvija\-
vrIhyagrotpala\-pAshapa.nkajakaraM shuNDAgrajAgradghaTam |
AshliShTaM priyayA sarojakarayA ratnasphurad bhUShayA
mANikyapratimaM mahAgaNapatiM vishveshamAshAsmahe || 4||
dAnAmbhaH\-parimedura\-prasR^imara\-vyAlambirolambabhR^it
sindUrArUNa\-gaNDamaNDalayuga\-vyAjAt prashastidvayam |
trailokyeShTa vidhAnavarNasubhagaM yaH padmarAgopamaM
dhatte sa shriyamAtanotu satataM devo gaNAnAM patiH || 5||
bhrAmyan mandaraghUrNanAparavasha\-kShIrAbdhivIchichChaTA\-
sachChAyAshchala\-chAmara\-vyatikara\-shrIgarvasarva~NkaShAH |
dikkAntAghana\-sArachandanarasA\-sArAHshrayantAM manaH
svachChandaprasara\-praliptaviyato herambadantatviShaH || 6||
muktAjAlakarambita\-pravikasan\-mANikyapu.njachChaTA\-
kAntAH kambukadamba\-chumbitaghanAmbhoja\-pravAlopamAH |
jyotsnApUra\-tara.nga\-mantharatarat\-sandhyAvayasyAshchiraM
herambasya jayanti dantakiraNAkIrNAH sharIratviShaH || 7||
shuNDAgrAkalitena hemakalashenAvarjitena kSharan
nAnAratnachayena sAdhakajanAn sambhAvayan koTishaH |
dAnAmoda\-vinodalubdha\-madhupa\-protsAraNAvirbhavat
karNAndolanakhelano vijayate devo gaNagrAmaNIH || 8||
herambaM praNamAmi yasya purataH shANDilyamUle shriyA
bibhratyAmburUhe samaM madhuripuste sha~Nkhachakre vahan |
nyagrodhasya tale sahAdrisutayA shambhustathA dakShiNe
bibhrANaH parashuM trishUlamitayA pAshA~NkushAbhyAM saha || 9||
pashchAt pippalamAshrito ratipatirdevasya ratyotpale
bibhratyA samamaikShavaM dhanuriShUn pauShpAn vahan pa~ncha cha |
vAme chakragadAdharaH sa bhagavAnkroDaH priya~Ngostale
hastodyachChukashAlima.njarikayA devyA dharaNyA saha || 10||
ShaTkoNAshriShu ShaTsu ShaDgajamukhAH pAshA~NkushAbhIvarAn
bibhrANAH pramadAsakhAH pR^ithumahAshoNAshma\-pu~njatviShaH |
AmodaH purataH pramodasumukhau taM chAbhito durmukhaH
pashchAt pArshvagato.asya vighna iti yo yo vighnakarteti cha || 11||
AmodAdigaNeshvara\-priyatamAstatraiva nityaM sthitAH
kAntAshleSharasaj~na\-mantharadR^ishaH siddhiH samR^iddhistataH |
kAntiryA madanAvatItyapi tathA kalpeShu yA gIyate
sA.anyA yApi madadravA tadaparA drAviNyamUH pUjitAH || 12||
AshliShTau vasudhetyatho vasumatI tAbhyAM sitAlohitau
varShantau vasupArshvayorvilasatastau sha.nkhapadmau nidhI |
a.ngAnyanvatha mAtarashcha paritaH shakrAdayo.abjAshrayA\-
stadbAhyeH kulishAdayaH paripatatkAlA nalajyotiShaH || 13||
itthaM viShNu\-shivAdi\-tatvatanave shrIvakratuNDAya
huMkArAkShipta\-samastadaitya pR^itanAvrAtAya dIptatviShe |
Anandaika\-rasAvabodhalaharI vidhvastasarvormaye
sarvatra prathamAnamugdhamahase tasmai parasmai namaH || 14||
sevA hevAkidevA\-suranaranikara\-sphAra\-koTIra\-koTi\-
kATivyATIkamAna\-dyumaNisamamaNi\-shreNibhAveNikAnAm |
rAjannIrAjanashrI\-sakhacharaNanakha\-dyotavidyotamAnaH
shreyaH stheyaH sa deyAn mama vimaladR^isho
bandhuraM sindhurAsyaH || 15||
etena prakaTarahasyamantramAlA\-garbheNa
sphuTatarasa.nvidA stavena |
yaH stauti prachurataraM mahAgaNeshaM tasyeyaM
bhavati vasha.nvadA trilokI || 16||
|| iti shrImatparamaha.nsaparivrAjakAchAryavarya\-
shrIrAghavachaitanyavirachitaM mahAgaNapatistotraM samAptam ||
##
Proofread by Ravin Bhalekar ravibhalekar at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}