% Text title            : Mayureshvara Puja
% File name             : mayUreshvarapUjA.itx
% Category              : ganesha, pUjA
% Location              : doc\_ganesha
% Proofread by          : Narendran Madathil
% Description/comments  : From Vighneshvara-stuti-manjari 4
% Latest update         : October 10, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mayureshvara Puja ..}##
\itxtitle{.. mayUreshvarapUjA ..}##\endtitles ##
mayUreshvarapure chaturShu dvAreShu adhiShThitAnAM devatAnAM pUjanapurassaraM
mayUreshvarapUjA bhAdrapadashuklapratipadamArabhya chaturthIparyantaM
Acharyate | dAkShiNAtyairapi gANapataiH kaishchit ayaM pUjAkramo.anuShThIyate |
(dvArAdhyakShaviShaye mudgalapurANe | mA~njArI prAchyAM, (Atmano jArabhAvaM
tu darshayantI nirantaram | mohayitvA krIDati tena svayaM shaktiruttamA | mA~njArI
sA samAkhyAtA mAM prati jAradarshinI | gaNapaH krIDati dvandvavihArasthaH
tayAsaha |)virajA dakShiNasyAm | AshrayA pratIchyAm | chaturthikA uttarasyAmiti
visheShaH | bhagavato divyaM bhuvanaM svAnandabhuvanamiti, bhUmau tadeva mayUreshvaramiti
(moregAMva)iti mahArAShTreShu prasiddham | mA~njArIM mArjArIM vadanti kechit |
atratu mA~njArI (mArjArI)prAchyAM, AshrayA dakShiNasyAM, bhogadA pratIchyAM,
kAmadA uttarasyAmiti pUjAkramo dR^ishyate sampradAyagataH |
pUjAkramaH\-
guruvandanam | gaNapati vandanam | sa~NkalpaH \-
mamopAttasamastaduritakShayadvArA parameshvaraprItyarthaM
shrImayUreshvarAnugrahasid.hdhyartham | ekabhaktavratagrahaNapUrvakaM
bhAdrapadashuklapratipadamArabhya chaturthIparyantaM chaturdina
sAdhyAM mayUreshvarapura chaturdvArAdhiShThita devatApUjA pUrvikAM
mayUreshvarapUjAM kariShye |
(apa upaspR^ishya | haridrAbimbe vighneshvarapUjA | grahaprItiH prathamadine)asyAM
pratipadi mayUreshvarapurapUrvadvArAdhyakShAyAH mA~njArIdevyAH pUjAM kariShye
(kalashapUjA)
prathamAyAM pUrvadvArAdhyakShapUjA
prAgdvArAdhiShThitAM devIM bhaktapApavimArjikAm |
mA~njArIM kalayAmyatra vratasya paripUrtaye ||
pUrvadvArAdhyakShAM mA~njArIM (mArjArIM)dhyAyAmi |
AvAhayAmi mA~njArIM mayUreshAj~nayA sthitAm |
mayUreshArchanArthAya anuj~nAM kuru me shive || AvAhayAmi |
mayUreshapuraH pUrvadvAre ratnavinirmitam |
siMhAsanamidaM kL^iptaM AtiShThArchAM gR^ihANa me || Asanam |
pAdyaM ga~NgApayaH kL^iptaM yavadUrvAbhiranvitam |
dadAmi subhage devi pa~NkakShAlanamastu me | pAdyam |
arghyaM mA~njArike devi gandhapuShpAdimishritam |
haste gR^ihItvA matpApaM sampramArjya kR^ipAM kuru || arghyam |
sugandhavAsitaM toyaM madhuparkapurastanam |
dadAmyAchamanaM tubhyaM kuru mA~njAri shobhanam || Achamanam |
madhuparkaM mayAnItaM dadhimadhvAjyasaMyutam |
mA~njArike pratIchCha tvaM mama pApApanuttaye || madhuparkaH |
madhukShIrasitAdrAkShAsarpirbhiH saMskR^itaM navam |
pa~nchAmR^itamidaM devi snAnAya pratigR^ihyatAm || pa~nchAmR^itasnAnam |
kR^iShNAnadI samAnItaM gandhatailAdipUrvakam |
jalaM snAnAya sa~NkL^iptaM snAhi mA~njArike sukham || snAnaM, Achamanam |
shuklAmbarayugaM sUkShmaM kArpAsaparinirmitam |
parivIyya mayUreshapadabhaktaM vidhehi mAm || vastram |
kaTakA~NgadakeyUrahAraka~NkaNanUpuraiH |
ala~NkuruShva mA~njAri mama sa~NkalpabhUShaNaiH || AbharaNAni |
gandhaM dadAmi surabhiM shrIkhaNDAgarumishritam |
vilepanAya te devi gR^ihyatAM surapUjite || gandham |
jalasthalaruhaiH puShpaiH mAlAM devavinirmitAm |
pratigR^ihyAshu mA~njAri tuShTA devaM pradarshaya || mAlikAm |
jAtIchampakapunnAgakanakAhvaya kaitakaiH |
mallikAmAlatI puShpaiH pUjayAmi sureshvari || puShpANi ||
a~NgapUjA \-(OM \-\-\-\-\-\- namaH \-\-\-\-\-\-\-\-\-\- pUjayAmi)
mA~njAryai \-pAdau | gUDhagulphAyai \-gulphau | dIrghaja~NghAyai \-ja~Nghe |
mukuTajAnukAyai \-jAnunI | rambhorave \-UrU | shubhakaTyai \-kaTim |
gambhIranAbhaye \-nAbhim |  kR^ishodarAyai \-udaram | pR^ithuvakShase \-vakShaH |
unnatakuchAyai \-kuchau | vetrahastAyai \-hastau | kambukaNThyai \-kaNTham |
shuchismitAyai \-vaktram | dIrghanAsAyai \-nAsikAm | vishAlanetrAyai \-netre |
shrIkarNAyai \-karNau |  tilakabhUShAyai \-lalATam | dvAreshyai  \-shiraH |
mA~njAryai \-sarvANya~NgAni |
dhUpaM gR^ihANa herambapuraprAgdvAradevate |
guggulvagaru sammishraM dadAmyuttamamAdarAt || dhUpam |
dIpaM dadAmi te divyaM vartitrayasuyojitam |
ma~NgalArthAya sujyotiH gR^ihyatAM devadUtike || dIpam |
pAyasApUpakR^isarachitrAnnaiH phalamishritaiH |
naivedyaM pradAsyAmi paritR^iptA bhaveshvari || naivedyam |
pUgIphalasamAyuktaM nAgavallIdalairyutam |
karpUrachUrNasaMyuktaM tAmbUlaM pratigR^ihyatAm | tAmbUlam |
nIrAjanaM pradAsyAmi pa~nchabhirdhR^itavartibhiH |
sarvama~NgalalAbhAyApyaparAdhakShamAya cha || nIrAjanam |
pradakShiNanamaskArAn |
mA~njArI tvadanuj~nayA mama mayUreshasya sandarshanaM
tatpAdAmburuhArchanaM bhagavataH kAruNyadR^iShTirmayi |
bhUyAtproShThapadasya pUrvadinataH tatrAchaturthIdinaM
pUjArthaM mama yogyatAsstviti paraM yAche.adya pUrvAdhipe | (prArthanA |)
anayA pUjayA mayUreshapurapUrvadvArAdhyakShA mA~njArIdevatA prIyatAm |
pUrvadvAre ramArameshapUjA |
sa~NkalpaH \-
parameshvara prItyarthaM mayUreshapura pUrvA~NgadevatayoH ramArameshayoH pUjAM kariShye |
(kalasha\-sha~NkhapUje |)
ramArameshau kalaye prAgdvArA~NgatayA sthitau |
Adye dine mayUreshapUjA~Ngatvena satkR^itau ||
ramArameshau dhyAyAmi |
AvAhayAmi lakShmIshau sarvasampatpradau nR^iNAm |
mayUreshAj~nayA pUrvadvAradeshamupAshritau || AvAhayAmi |
ratnasiMhAsanaM devau upaveshAya kalpitau |
AstaM madIyapUjArthaM kurutaM cha kR^ipAM mayi || Asanam |
pAdyamAdyantarahitau gR^ihNItaM sAkShataM shubham |
pAdaprakShAlanArthAya dviShannAshanaM astu me || pAdyam ||
gandhapuShpakushairmishraM gA~NgatoyamidaM shubham |
achChidrA santatirme syAt gR^ihNItaM hastapa~Nkaje || arghyam |
AchamyetAM jagadvandyau shuddhatoyena kalpitam |
dadAmyAchamanArthAya madhuparkA~Ngamuttamam || Achamanam |
dadhimadhvAjyasaMyuktaM madhuparkaM mayA hR^itam |
lakShmInArAyaNAvadya gR^ihNItaM parayA mudA | madhuparkaH |
kShIrAjyamadhu mR^idvIkAsharkarAphalakalpitam |
pa~nchAmR^itastnAnamidaM kurutaM prItipUrvakam | pa~nchAmR^itasnAnam |
ga~NgAdisaridAnItaiH toyairgandhAdivAsitaiH |
abhiShekaM karomIshau pApAdvArayataM cha mAm || snAnaM, Achamanam |
ramArameshvarau devau pItAmbarayugaM tathA |
ka~nchukaM chottarIyaM cha paridhattaM mahArghavat || vastram |
upavItAni kArpAsanirmitAnIha bhaktitaH |
mayAnItAni gR^ihNItaM mama pApanivR^ittaye || upavItam |
hAraka~NkaNakeyUranUpuraiH kuNDalaistathA |
tATa~NkanAsAbharaNaiH bhUShayAmi sureshvarau | AbharaNAni |
chandanAgarukarpUrarochanA mR^iganAbhijam |
gandhaM gR^ihNItamAdhyau vAM matpa~Nkasya vishuddhaye || gandham |
mallikAmAlatIjAtInAgakesarachampakaiH |
bhaktyA samarpitAM mAlAM pratimu~nchatamAdarAt || puShpANi |
a~NgapUjA \-OM \-\-\-\-\-\- namaH \-\-\-\-\-\-\-\-\-\-\- pUjayAmi |
ramArameshvarAbhyAM \-pAdAn | sindhujAtatpatibhyAM \-gulphAn | shrIviShNubhyAM \- ja~NghAH |
lakShmInArAyaNAbhyAM \-jAnUni | indirAtatpatibhyAM \-UrUn |
mAtApitR^ibhyAM \-guhye | sukaTibhyAM \-kaTI | shrI dAmodarAbhyAM \-udare |
shrI shrInivAsAbhyAM \-vakShasI | kambukaNThAbhyAM \-kaNThau | komaladIrghabAhubhyAM \-bAhUn |
saumyamukhAbhyAM \-mukhe. | shubhanAsAbhyAM nAse | dikshotrAbhyAM \-shrotrANi |
karNAntanetrAbhyAM \-netrANi | tilakashobhitAbhyAM \-phAle | kamalAtatpatibhyAM \-shirasI |
ramArameshAbhyAM \-sarvANya~NgAni pUjayAmi |
dashA~NgaM gugguluM dhUpaM sugandha~ncha manoharam |
AghreyaM sarvabhUtAnAM gR^ihNItaM abdhivAsinau || dhUpam |
trivarti ghR^itasaMyuktaM vahninA yojitaM mayA |
gR^ihNItaM ma~NgalaM dIpaM trailokyatimirApaham || dIpam |
annaM chaturvidhopetaM nAnAvya~njanasaMyutam |
bhakShyaiH phalaishcha vividhaiH gR^ihNItaM shrIrameshvarau ||
                     naivedyaM, AchamanaM, tAmbUlam |
nIrAjanaM sumA~NgalyaM karpUreNa prakalpitam |
bhaktyA pradarshitaM nityau bhavataM ma~Ngalapradau |
                     nIrAjanaM \-pradakShiNanamaskArAn |
ramArameshau jagatAmadhIshau prAchyAM mayUreshapurasya viShThitau |
tadAj~nayA bhaktajanAnukampinau devArchane dhattamanugrahAj~nAm | (prArthanA)
anayA pUjayA ramArameshau prIyetAm |
(tataH guNeshAkhyamayUreshvarapUjAM vidadhyAt | upoShya rAtrau kathAshravaNa
nAmasa~NkIrtana nR^ittagItAdibhiH jAgaraNAM kR^itvA dvitIyAyAM tithau prAtaH snAtvA
kR^itanityakriyaH, dakShiNadvArapUjAM kuryAt | AshrayA nAma dvArAdhyakShA |
umAmaheshvarau a~Ngadevate |)
dvitIyAyAM dakShiNadvArAdhyakShapUjA |
sa~NkalpaH \-parameshvaraprItyarthaM mayUreshvarapuradakShiNadvArAdhyakShadevatAyAH
AshrayAyAH pUjAM kariShye |
kalashapUjA |
AshrayAM bhAvaye devIM mayUreshvaraki~NkarIm |
dakShiNAdvArasaMsthAnAM devabhaktipradAM shivAm || dhyAyAmi |
AvAhayAmi devi tvAM abhIShTavaradAyinIm |
mayUreshArchane me.astu yogyatA ghR^iNayA tava | AvAhayAmi |
AsanaM kalpitaM ramyaM svarNaratnavinirmitam |
prItyA gR^ihANa varade matpApashamanaM kuru || Asanam |
kushAkShatAdisammishraM divyatoyamidaM shubham |
pAdAvanejanArthAya dattaM devi gR^ihANa bhoH | pAdyam |
arghyamaShTA~NgasaMyuktaM hemapAtrasthamAdarAt |
gR^ihItvA.abhyukShya mAM pApAd vishuddhaM kuru sarvadA || arghyam |
AchamyatAM lokavandye sarvAdhArasvarUpiNi |
shuddhatoyamidaM kL^iptaM gR^ihItvA parayA mudA || Achamanam |
madhuparkaM mayA dattaM dadhimadhvAjyamishritam |
gR^ihANa sarvavarade kIrtiM dehi parAM mayi || madhuparkaH |
rambhAphalasitAkShaudraghR^itakShIra vimishritam |
snAnaM pa~nchAmR^itenAdya kuruShvAshraya devate || pa~nchAmR^itasnAnam |
godAvaryAH samAnItaM shuddhatoyamidaM shubham |
snAnaM kurvAshraye devi mama pApaM vyapohaya | snAnaM Achamanam |
dukUlayugalaM devi dehAla~NkaraNAya te |
dadAmi pratigR^ihNIShva shubhaM kuru sadA mama || vastram |
hAraka~NkaNakeyUranapurAdi prakalpitam |
dadAmyAbharaNaM tubhyaM svIkuruShva dayAnidhe || AbharaNam |
chandanAgarukarpUraku~NkumAdivimishritam |
vilepanamidaM ramyaM svIkuruShva dayAnidhe || gandham |
akShatAn dhavalAn devi shAlijAnakShatAn shubhAn |
gandhopari dadAmyadya akShataM kuru mAM sadA || akShatAn |
puShpANi cha sugandhIni mAlatImallikAni cha |
mAlikAnAM vishiShTAni gR^ihANAshrayadevate || puShpANi |
a~NgapUjA \-OM | \-\-\-\-\-\-\-\-\- namaH || \-\-\-\-\-\-\- pUjayAmi |
AshrayAyai \-pAdau | sarvAdhArAyai \-gulphau | bhaktAshrayAyai \-ja~Nghe |
sukhAshrayAyai  \-jAnunI | dakShadvArAshrayAyai \-UrU |
Aj~nAshrayAyai \-guhyam | rUpAshrayAyai \-kaTim | nAmAshrayAyai \-nAbhim |
bhUtAshrayAyai \-udaram | ratnAshrayAyai \-uraH | gItAshrayAyai  \-kaNTham |
dhanAshrayAyai \-hastau | padmAshrayAyai \-mukham | vidyAshrayAyai \-jihvAm |
prANAshrayAyai \-nAsikAm | shabdAshrayAyai \-shrotre | vahnyAshrayAyai \-netre |
praj~nAshrayAyai\-phAlaM. | yogAshrayAyai \-shiraH | sarvAshrayAyai \-sarvANya~NgAni |
vanaspatirasAmishra dashA~Ngaparivardhitam |
divyaM dhUpaM dadAmyadya gR^ihyatAM AshrayAbhidhe || dhUpam |
sAjyaM jvAlAsamAyuktaM vartitrayasamanvitam |
dIpaM gR^ihANa deveshi dakShadvArAdhidevate || dIpam |
naivedyaM pAyasApUpabhakShyalehyAdikalpitam |
mR^idvIkAdiphalairyuktaM susvAdu pratigR^ihyatAm || naivedyaM tAmbUlam |
nIrAjanaM sumA~NgalyaM karpUraparikalpitam |
gR^ihyatAM subhage ramye mamAgaH kShamyatAM shive | nIrAjanaM \- pradakShiNanamaskArAn |
sarvAshraye devi nirAshrayaM mAM mayUranAthasya padAbjasaMshrayam |
vidhehi tasyArchanabaddhachittaM indrAdidevairapi saMstutasya ||
umAmaheshvara pUjA
sa~NkalpaH \-mayUreshvara dakShiNA~NgadevatAbhUtomAmaheshvarapUjAM kariShye |
umAmaheshvarau dhyAye nirmalasphaTikAkR^itI |
mayUreshvara dakShA~NganAyakau vR^iShabhadhvajau || dhyAyAmi |
sarvAnandamayau pUrNau sarvavidyeshvarau shivau |
AvAhayAmi dakShA~NgasaMsthitau sarvasiddhidau | AvAhayAmi |
AsanaM ratnakhachitaM ramyaM siMhAvR^itaM shubham |
pUjArthaM vAM prayachChAmi sukhenAstaM chirantanau || Asanam |
pAdyamAdyantashUnyAbhyAM shivAbhyAM saridAhR^itam |
hiraNyakalashasthaM tadgR^ihNItaM mama daivate || pAdyam |
arghyamaShTA~NgasaMyuktaM gandhapuShpAdimishritam |
matpApaparihArArthaM gR^ihNItaM parameshvarau || arghyam |
AchamyetAM jagadvandyau elAgandhAdivAsitam |
parabhaktyA samAnItaM salilaM varadampatI || AchamanIyam ||
dadhimadhvAjyasaMyuktaM kAMsyapAtre pratiShThitam |
madhuparkamidaM pUjyau gR^ihNItaM kR^ipayA mayi || madhuparkaH ||
rambhAjya sharkarAdrAkShAphalaiH pa~nchAmR^itaM shubham |
snAnArthaM vAM prayachChAmi kurutaM prItipUrvakam || pa~nchAmR^itasnAnam ||
mandAkinyAH samAnItaM sugandhijalamuttamam |
j~nAnasaMshuddhadehau vAM snAtaM mama vishuddhaye || snAnaM Achamanam ||
agnishauchAni vAsAMsi dehAla~NkaraNAya tu |
dadAmi paridhattaM vAM mallajjArakShaNAya vai || vastram ||
upavItamidaM shuddhaM hemasUtravinirmitam |
devau dhArayataM nityaM mama pApavishuddhaye || upavItam ||
hAranUpurakeyUratATa~NkavalayormibhiH |
ala~NkurutamAdyau vAM  hemAkAra vapurdharau | AbharaNAni ||
mR^iganAbhyAdisaMghR^iShTaM raktachandanamuttamam |
vilimpataM surashreShThau pa~NkaM mA limpataM mayi || gandhAn ||
bilvairmandArakusumaiH mallikAchandanAdibhiH |
bhaktyA sa~NgrathitAM mAlAM pratimu~nchatamAdarAt || puShpANi ||
a~Nga pUjA \-OM\.\.\.\.\.\.. namaH \.\.\.\.\.\.\.\.\. pUjayAmi |
padmapAdAbhyAM \-pAdAn | gUDhagulphAbhyAM \-gulphAn | vR^ittaja~NghAbhyAM \-ja~NghAH |
sujAnubhyAM \-jAnUni | rambhorubhyAM \-UrUn | jagajjanakAbhyAM \-guhyaiH |
AvartanAbhibhyAM \-nAbhI | muktAdishobhibhyAM \-vakShasI. | jagajjIvanAbhyAM \-kuchAn |
kambukaNThAbhyAM \-kaNThau | mR^iduhastAbhyAM \-hastAn | saumyavadanAbhyAM \-mukhe |
sunAsAbhyAM \-nAse | mR^igAkShibhyAM \-akShINi | dikshrotrAbhyAM \-shrotrANi |
virUpAkShAbhyAM \-phAle | divyamUrdhabhyAM \-shirasI |
sarveshvarAbhyAM \-sarvANya~NgAni ||
vanaspatirasodbhUtaM gulgulvagarumishritaiH |
dashA~NgairdhUpametattu gR^ihItamaparAjitau || dhUpam ||
sAjyaM trivartisaMyuktaM vahninA yojitaM mayA |
gR^ihNItaM AnandamayadIpaM lokaprakAshakam || dIpam ||
chitrAnnaiHrlaDDukApUpaiH vaTakairghR^itapAyasaiH |
nivedayAmi vAM  devau bhu~njataM paramAdarAt || naivedyaM tAmbUlam ||
nIrAjanaM nIrajAkShau jvalitairlakShavartibhiH |
pradadAmi pareshAnau kShamethAM mama mantukAn || nIrAjanaM pradakShiNanamaskArAn |
mayUreshvarAj~nAvidhAne sudakShau bhavAnIshivau dakShiNadvArasaMsthau |
guNeshArchanAyAmanuj~nAM vidhattaM sadAnandarUpe mano me.astu nityam || (prArthanA)
anayA pUjayA umAmaheshvarau prIyetAm |
 iti samApya mayUreshvaraM abhyarchya upavaset | rAtrau jAgaraNAdiH | tR^itIyAyAM
prAtaH snAtvA pashchimadvArAdhyakShadevatAM bhogadAM ratikandarpau cha pUjayet ||
tR^itIyAyAM dvArAdhyakShapUjA
sa~NkalpaH | tR^itIyAyAM pashchimadvArAdhyakShadevatApUjAM kariShye |
kalashapUjA |
bhogadAM chintayAmIha sarvAbharaNabhUShitAm |
mayUreshAj~nayA pratyagdvAraniShThAM parAvarAm || bhogadAM dhyAyAmi ||
AvAhayAmi devi tvAM abhIShTArthavidhAyinIm |
parayA kR^ipayA mattaH pUjAM svIkuru bhogade || AvAhayAmi ||
ratnasiMhAsanaM devi manasA chAru kalpitam |
atrAsInA madIyArchAM gR^ihANAdya shuchismite | Asanam ||
uttamaM pAdyamAnItaM sarvabhogapradAyini |
ga~NgAdibhyaH shuchi jalaM gR^ihANa bhuvanAdhipe || pAdyam ||
arghyaM gandhAkShatasumaiH shuddhaM yachChAmi sAdaram |
anarghabhogadAtrI tvaM gR^ihANa varadAyini || arghyam ||
ushIrAdisugandhADhyaM gA~Ngatoyamanuttamam |
kuruShvAchamanaM bhadre sarvabhogAnprayachCha me || Achamanam ||
madhuparkamidaM devi dadhimadhvAjyamishritam |
matpApashamanArthAya dadAmyAshu gR^ihANa bho || madhuparkaH ||
snAnaM pa~nchAmR^itaM devi kShIrAjyamadhusharkaraiH |
dattaM te pratigR^ihNIShva pAvitaM kuru mAM sadA | pa~nchAmR^itasnAnam ||
shuddhatoyamidaM devi sugandhoshIravAsitam |
snAhi ga~NgAtu~NgabhadrAsaridbhyaH samyagAhR^itam || snAnaM Achamanam ||
dukUladvayametattvaM vasAna pari bhogade |
manaH sa~NkalpitAn bhogAn prayachCha samala~NkR^itA | vastram ||
muktAmaNya~nchitaM chAru hAraM valayama~Ngadam |
sauvarNaratnakhachitaM dadAmi pratigR^ihyatAm || AbharaNAni ||
gandhaM gR^ihANa surabhiM ghanamustAdimarditam |
vilimpAnena sarvA~NgaM mama pa~NkaM vyapohaya || gandham ||
shobhanagrathitAM mAlAM kundamandArakAdibhiH |
kandhare pratimuchyAshu madbhaktiM prakaTI kuru || puShpANi ||
a~Nga pUjA \-OM \.\.\.\.\.\.. \-namaH \.\.\.\.\.\.\.\.\. pUjayAmi |
bhogadAyai \-pAdau | dhanadAyai \-gulphau | yashodAyai \-ja~Nghe | shubhadAyai jAnunI |
baladAyai \-UrU | putradAyai \-guhyam | annadAyai \-jaTharam | bhAgyadAyai \-uraH |
svaradAyai \-kaNTham | j~nAnadAyai \-mukham | rUpadAyai \-chakShuH |
prANadAyai \-nAsike | kIrtidAyai \-shrotre | sharmadAyai \-shiraH |
bhaktidAyai \-sarvANya~NgAni |
dashA~NgadhUpitaM dhUpaM mR^igashAbAkShi gR^ihyatAm |
AghreyaH sarvadevAnAM jighra sarvA~Ngashobhane || dhUpam ||
dIpaM vartitrayopetaM jvalitaM vahnitejasA |
darshayAmi mayUreshapratyagdvArAshraye shubhe || dIpam ||
pAyasaM piShTakR^isarachitrAnnApUpashaShkulIH |
nivedayAmyahaM devi gR^ihANa parayA mudA || naivedyaM tAmbUlam ||
nIrAjanaM sumA~NgalyaM karpUreNa vinirmitam |
sarvama~NgalalAbhAya sa~NkaShTavinivR^ittaye || nIrAjanam || pradakShiNanamaskArAn |
shrI bhogade devi guNeshapAdapadmadvayAsaktamanA bhaveyam |
tathA tvamevAshu vidhAya tasya pUjAvidhau dehi parAmanuj~nAm || (prArthanA)
anayA pUjA bhogadA prIyatAm |
ratikandarpa pUjA \-
dhyAyAmi ratikandarpaM guNeshAj~nAvidhAyinau |
pratyagdvArA~NgasaMsthAnau rUpayauvanashAlinau || dhyAyAmi ||
AvAhayAmi deveshau sarvasundaragAtriNau |
guNeshapUjA sampUrNaphalAvApterabhIpsayA || AvAhayAmi ||
AsanaM ratnakhachitaM Adidevau sukalpitam |
atra staM mama pUjArthaM mano.abhIShTaM prayachChatam || Asanam ||
anAdyantau kAmadevau yavadUrvAdisaMyutam |
pAdyaM dadAmi gR^ihNItaM manonairmalyamastu me || pAdyam ||
arghyaM suvarNakarake samAnItaM hi sundarau |
mama tejo.abhivR^id.hdhyarthaM gR^ihNItaM toyamuttamam || arghyam ||
sa~Ngalpajau toyamidaM dattamAchamanAya vAm |
ushIrelAlava~NgAdi vAsitaM svAdu shItalam || Achamanam ||
madhuparkaM dadAmyAdau dampatI sAdhu kalpitam |
dadhimadhvAjyasaMyuktaM gR^ihNItaM paramAdarAt || madhuparkaH ||
siddhaM pa~nchAmR^itamidaM snAnAya phalasaMskR^itam |
gR^ihNItaM ratikandarpau mama sarvArthasiddhaye || pa~nchAmR^itasnAnam ||
kR^iShNAgodAvarIrevAsaridbhyaH paripUritam |
AnItaM kalashaM samyak snAtaM ratimanobhavau || snAnaM, Achamanam ||
manoj~nAnIha vastrANi paridhattaM dadAmyaham |
lajjAsaMrakShaNArthAya mahArghANi varANi cha || vastrANi ||
hematantu prakL^iptAni hR^idyAni parishuddhaye |
dattAni parayA bhaktyA pUtaM mAM kurutaM sadA || upavItam ||
hAraka~NkaNakeyUramekhalAnUpurAdibhiH |
bhaktyA samarpitairnityaM ala~NkurutamAdarAt || AbharaNam ||
gandhaM kalayataM phAlayugale mR^iganAbhijam |
shobhanAya prayachChAmi kurutaM mAM sugandhinam || gandham ||
puShpANi surabhINyadya mallikAvakulAni cha |
samarpayAmi gR^ihNItaM pashchimadvAravAsinau || puShpANi ||
a~NgapUjA \-OM \.\.\.\.\.\... namaH \.\.\.\.\.\.\.\.\.. pUjayAmi |
manojAbhyAM \-pAdAn | ma~NgalamUrtibhyAM \-gulphAn | nityayuvabhyAM \-ja~NghAH |
AhlAdakAribhyAM \-jAnUni | atisundarAbhyAM \-UrUn | chakShuragochararAbhyAM \-guhye |
avyaktamUrtibhyAM \-karau | AnandarUpAbhyAM \-jaThare | nimnanAbhibhyAM \-nAbhI |
hArashobhibhyAM \-vakShasI | gAnarasikAbhyAM \-kaNThau | AjAnubAhubhyAM \-bAhUn |
shuchismitAbhyAM \-mukhe | champakanAsAbhyAM \-nAsike |
kuNDalAla~NkR^itAbhyAM \-karNAn | indIvarAkShibhyAM \-akShINi |
tilakitaphAlAbhyAM \-phAle | ratimanmathAbhyAM \-shirasi |
chittajanmabhyAM \-sarvANya~NgAni ||
dashA~NgachUrNasammishraM varadhUpamidaM shubham |
AghrApayAmi deveshau gR^ihNItaM karuNAkarau || dhUpam ||
dIpaM dadAmi subhagau guNeshapurapashchime |
mukhyA~Ngatvena nirdiShTau dishataM bhAgyamuttamam || dIpam ||
modakairlaDDukaiH pUpairvaTakaiH pUrikAdibhiH |
naivedyaM kArayAmIshau bhu~njIthAM ratimanmathau || naivedyaM, AchamanaM, tAmbUlam ||
nIrAjanaM dadAmyAdhyau sarvasampatprapUrakau |
aparAdhakShamAyAtha sarvama~Ngalamastu me || nIrAjanam | pradakShiNanamaskArAn |
guNeshArchanAyAM tvadIyAmanuj~nAM
prayAche.adya bhaktervivR^iddhiM ratIshau |
mayUreshapuryAH praveshe cha yogyaM
vidhAtushcha modapramodau yatethAm || prArthanA ||
anayA pUjayA ratikandarpau prIyetAm ||
(snAtvA mayUreshaM sampUjya upavasedrAtrau jAgaraNAdibhiH |
 iti tR^itIyA tithipUjAM samApayet |)
chaturthyAM prAtaH snAtvA kR^itanityakriyaH uttaradvArAdhyakShAM kAmadAM
a~Ngadevau mahIvarAhau cha pUjayet |
chaturthyAM dvArAdhyakShadevatA pUjA
dhyAyAmi kAmadAM devIM bhaktakAmapradAyinIm |
guNeshapattanodIchyadvArasaMsthAnadevatAm || kAmadAM dhyAyAmi ||
AvAhayAmi  devi tvAM abhIShTavaradA bhava |
guNeshArchAphalAvAptikAmo.ahaM kAmadevate || AvAhayAmi ||
AsanaM kalpitaM ramyaM hemaratnavichitritam |
dadAmyAsva mahAdevi prasAdaM kuru sarvadA || Asanam ||
hemakumbhasamAnItaM pAdaprakShAlanAya te |
kushAkShatAdisammishraM salilaM pratigR^ihyatAm || pAdyam ||
arghyamaShTA~NgasaMyuktaM yavadUrvAdisaMyutam |
kAmade devi gR^ihNIShva hastAbhyAM paramAdarAt || arghyam ||
AchamyatAM jagadvandye shuddhatoyaM mayA hR^itam |
antaHkaraNashud.hdhyarthaM vidhehi karuNAM mayi || Achamanam ||
madhuparkamidaM devi dadhimadhvAjyamishritam |
gR^ihANa sarvavarade mamArAtInnudeshvari || madhuparkaH ||
snAnaM pa~nchAmR^itenaiva kShIramadhvAjyasharkaraiH |
sampAditena kAmeshi kuruShva parayA mudA | pa~nchAmR^itasnAnam ||
ga~NgAmarudvR^idhAdibhyaH toyaM hemaghaTAhR^itam |
snAhi kalyANi varade mama pApaM vishodhaya || snAnaM \-Achamanam ||
vasanaM kAmade pItaM susUkShmaM devanirmitam |
paridhatsva pareshAni kuru mAM hR^iShTamAnasam || vastram |
hAratATa~NkakeyUranAsikAbharaNAdibhiH
sa~NkL^iptaishcha mayA ramyaiH kuru dehamala~NkR^itam || AbharaNAni |
shrIkhaNDaghanasArAdivimishraM gandhamuttamam |
gR^ihANa sarvasurabhiM mama pa~NkaM vinAshaya || gandham |
puShpamAlAM vichitrAM cha champakAshokanirmitAm |
dadAmi bhUShaNArthAya pratimu~ncha parAvare || puShpANi |
a~NgapUjA \-OM \.\.\.\.\.\.. namaH \.\.\.\.\.\.\.\.\... pUjayAmi |
kAmadAyai \-pAdau | sharmadAyai \-gulphau | tUNaja~NghAyai \-ja~Nghe |
mukuTajAnave \-jAnU | karabhorave \-UrU | shubhakaTyai\- kaTim |
gambhIranAbhaye \-nAbhim | kR^ishodaryai \-udaram | vishuddhAyai \-hR^idayam |
mahoraskAyai \-uraH | shubhakaNThAyai \-kaNTham | vallIbhujAyai \-bAhU |
sumukhAyai \-mukham | sunase \-nAsikAm | sukarNAyai karNau |
padmanetrAyai  \-netre | phalakaphAlAyai \-phAlam | sarveshvaryai \-shiraH |
kAmadAyai \-sarvANya~NgAni |
dashA~NgaM guggulUpetaM sugandhi sumanaH priyam |
AghrApayAmi te dhUpaM gR^ihyatAM kAmadAyini || dhUpam |
sAjyaM trivartisahitaM vahninA yojitaM mayA |
gR^ihANa ma~NgalaM dIpaM trailokyatimirApaham || dIpam |
naivedyaM ShaDsopetaM nAnAbhakShyaprapUritam |
dadAmi kAmade devi prItyA bhu~NkShva yathA sukham || naivedyaM, AchamanaM, tAmbUlam |
nIrAjanaM nIrajAkShi ghR^itAktaiH pa~nchavartibhiH |
vahninA yojitairetat gR^ihItvA kuru me shivam || nIrAjanaM, pradakShiNa namaskAraH |
kAmArthade kAmini bhaktakAmaprapUraNi tvaM mama dehi kAmAn |
mayUranAthArchana bhAgyakAmaM prapannamenaM bhavatI prashAdhi (kShamasva)|
prArthanA |
anayA pUjayA  kAmadA prIyatAm |
mahIvarAhapUjA |
dhyAyAmi bhUvarAhau vAM guNeshAj~nAnukAriNau |
tadvAmA~NgatayodIchyAM sthitau lokasya rakShakau || dhyAyAmi |
AvAhayAmi bhUkolau jagaduddhArakau mudA |
pUjAM pratigR^ihyatAM guNeshAnugrahechChayA | AvAhayAmi |
AsanaM ratnasauvarNakhachitaM lakShaNAnvitam |
AstaM pUjAvidhAnAya parayA ghR^iNayA mayi || Asanam |
pAdyamAdyantarahitau mama pApavishuddhaye |
dadAmi kurutaM prItyA shuddhatoyamidaM shubham || pAdyam |
arghyaM gandhakushAgraishcha mishritaM parikalpitam |
prajApashvAdi vR^id.hdhyarthaM gR^ihNItaM jalamuttamam || arghyam |
AchamyetAM jagatpUjyau ushIrailAdi vAsitam |
ambhaH pUtaM dadAmIshau nIrogaM kurutaM cha mAm || Achamanam |
dadhimadhvAjyasammishraM madhuparkaM mayA.a.adarAt |
kalpitaM bhUvarAhau vAM gR^ihNItamamarArchitau || madhuparkaH |
kShIrAjya madhurambhAdi phalaiH pa~nchAmR^itaM kR^itam |
snAtaM mahIkiTI mahyaM bhaktiM dattaM padAmbuje || pa~nchAmR^itasnAnam ||
hemakumbhasamAnItashuddhatoyena vAM sadA |
abhiShi~nchAmi kR^ipayA samAlokayataM cha mAm || snAnamAchamanaM cha |
abdhirUpANi vastrANi nIlapItAdikAnyapi |
mahArghyANi prakL^iptAni samAchChAdayataM rasAt || vastram |
hemasUtrANi nirmAya pradattAni varANi cha |
upavItAni gR^ihNItaM mahIkolau parAtparau || upavItam ||
sugandhaM guNabhUtaM vAM mustAghanarasAdibhiH |
ghR^iShTvA dattaM pragR^ihyAshu varadau bhavataM sadA || gandhAn |
jAtIchampakapunnAgaketakIvakulAdibhiH |
grathitAM mAlikAM chitrAM gR^ihNItaM paramAdarAt || puShpANi |
a~NgapUjA | OM \.\.\.\.\.\.\.\.\.\. namaH \.\.\.\.\.\.\.\.\.\.\. pUjayAmi |
pAtAlapAdAbhyAM \-pAdAn | mahAtalagulphAbhyAM \-gulphAn |
talAtalaja~NghAbhyAM  \-ja~NghAH | rasAtalajAnubhyAM \-jAnUni |
sutalorubhyAM \-UrU | vitalaguhyAbhyAM  \-guhye | atalakaTibhyAM \-kaTI |
bhUnAbhibhyAM \-nAbhI | bhuvarjaTharAbhyAM \-jaThare | svarhR^idayAbhyAM \-hR^idaye |
maharvakShobhyAM \-vakShasI | janobAhubhyAM \-bAhUn | tapaHkaNThAbhyAM \-kaNThau |
satyamukhAbhyAM \-mukhe | prANAdirUpAbhyAM \-nAsike |  inendunetrAbhyAM \-netrANi |
shabdarUpAbhyAM \-shrotrANi | tilakitaphAlAbhyAM \-phAle |
agnimUrdhabhyAM \-shirasI | mahIvarAhAbhyAM \-sarvANya~NgAni |||
guggulvagarusammishraM dhUpandattamidaM prabhU |
AghrApayAmi bhUkolau surabhi ghrANamuttamam || dhUpam ||
dIpaM dadAmi vAM divyaM pa~nchavartyagniyojitam |
darshayAmi surashreShThau mAM kaTAkSheNa pashyatam || dIpam ||
annaM chaturvidhopetaM bhu~njAthAM AdibhUkiTI |
nAnAbhakShyaphalopetaM naivedyaM kalpitaM mayA || naivedyatAmbUle |
nIrAjanaM mahIkolau karpUreNa kR^itaM mayA |
sarvama~NgalalAbhAyApyaparAdhakShamAya cha || nIrAjanaM pradakShiNanamaskArau |
nityau vishuddhau mahIkolarUpau guNeshArchanAyAmanuj~nAM vidhattam |
trimUrtisvarUpe mayUreshvare mAM padAmbhojabhaktaM nataM brUtamArAt ||
anayA pUjayA mahIvarAhau prIyetAm ||
guNeshapUjAkramaH |
prAtaH snAtvA, mAdhyAhnikakriyAM samApya shlakShNAM shuddhAM pAShANasharkarAdivarjitAM
mR^idamAnIya brahmaviShNurudrAtmakatvena trimukhaM shuNDAvirAjitaM
shUrpakarNAdilakShaNayuktaM ShaDbhujaM pAshA~Nkusha
chakratrishUla\-parashu\-modaka svadantachihnitaM
pArshvasthamayUrasahitaM devaM nirmAya, chaturdvArasahitaM
sopAnatrayasahitaM maNDapaM
virachya, tatra devaM pratiShThApya, pUrvoktavidhinA dvAradevatAH
a~NgadevatAshcha sampUjya,
mayUreshvarapUjAM kariShye iti sa~Nkalpya, bhUshuddhiM,
bhUtashuddhiM, mAtR^ikAnyAsaM, dIpapUjAM,
ghaNTApUjAM kalashasha~NkhapUjAM AtmapUjAM cha kuryAt |
hR^itpadmakarNikAmadhyAt AgachChatvaM gaNeshvara |
sid.hdhyA bud.hdhyA cha sahitaH sagaNaH sannidhiM kuru |
(iti hR^idayapadmAdAgataM bimbe vibhAvya, yathAshakti mUlamantraM japtvA bimbe
samarpayet |)
AdhArashaktikamalAsanAya namaH | tIvrA \- jvAlinI \- nandA \- bhogadA \-
kAmarUpiNI \- ugrA \- tejovatI \- satyA \- vighnanAshinyAkhya pIThashaktibhyo
namaH | (prANAnpratiShThApya, ShoDashabhiH upachAraiH upacharya, nIrAjanAnantaraM
ekaviMshati dUrvAH samarpya pa~nchAvaraNadevatApUjAM kuryAt | uttarA~Ngatvena mUlamantrajapaM
kR^itvA devahaste samarpayet | rAtrau jAgaraNaM kR^itvA upoShya prAtaH snAtvA kR^itanityakriyaH,
svagR^ihyoktavidhinA agniM pratiShThApya ikShu \- saktu \- rambhAphala \- pR^ithuka \-
tila \- modaka \- nArikela \- lAjAkhyAShTadravyaiH yathAshakti juhuyAt | pAraNAM
samApya paredyuH prAtaH pUjAM vidhAya bimbaM shibikAmAropya bAlaiH daNDakrIDA
vAdyaghoShapuraHsaraM bimbaM jale visR^ijet | iti sa~NgrahaH |
pUjAvidhiH
nabhasye shuklapakShe tu chaturthyAmarchito mayA |
kR^itA cha vidhivanmUrtiH mR^iNmayI saumyadarshanA ||
girijA.abhIShTasid.hdhyarthaM tasyAmAvirabhUH kila |
anekAkShishiraH pAdabAhu karNAyudhaH svayam ||
vishvarUpasya bhavato darshane girijA bhayAt |
tuShTAva parayA bhaktyA tasyai tuShTo varaM hyadAH ||
bAlakrIDanArthAya bAlarUpo.abhavastadA |
pUjArthaM tAdR^ishaM rUpaM saMsmarAmi gajAnana ||
brahmaviShNvIshavadanaM shuNDAradanashobhitam |
koTisUryapratIkAshaM chandrakoTisushItalam ||
pAshA~Nkushau chakrashUlau parshumodakadantakAn |
bibhrANaM ShaDbhujaiH samyak guNeshAbhidhamIshvaram ||
vAmadakShiNa bhAgastha siddhibuddhisamAvR^itam |
hAratATa~NkakeyUramukuTAddhi virAjitam || 242
pItAmbaradharaM phAlachandraM bhAsvaravigraham |
nAgakakShodarA bandhaM nAgayaj~nopavItinam ||
sindUritamahAkumbhaM shUrpakarNamupAsmahe || dhyAnam |
(prANapratiShThAM kR^itvA)
atrAgachCha mayUresha brahmAdimunivandita |
AvAhayAmi bimbe.asmin mama pUjAM gR^ihANa bho ||
sahasrashIrShAM + dashA~Ngulam | AvAhayAmi |
svarNasiMhAsanaM chAru navaratnavichitritam |
sukhenAsva guNeshAna bhaktiM dehi padAmbuje ||
puruSha eve + rohati | AsanaM samarpayAmi |
pAdau prakShAlayAmIsha yavadUrvAkShatAdibhiH |
puShpAdibhishcha saMshuddhaga~NgAdisalilaiH shubhaiH ||
etAvAnasya + divi | pAdyaM samarpayAmi |
mayUresha dadAmyarghyaM kushapuShpAdimishritam |
gR^ihANa sarvavarada prajAsantatirastu me ||
tripAdUrdhva + abhi | arghyaM samarpayAmi |
dadAmyAchamanIyaM te madhuparkapurastanam |
ushIravAsitaM toyaM ga~NgAyA uddhR^itaM shubham ||
tasmAdvirA + puraH | AchamanIyaM samarpayAmi |
madhuparkamidaM ramyaM dadhimadhvAjyamishritam |
guNesha kAMsyapAtrasthaM annavAnsyAM gR^ihANa bhoH ||
yatpuruSheNa + haviH | madhuparkaH |
sitA \-kShIrAjya \-madhubhiH rambhAkharjUrakAdibhiH |
phalaiH pa~nchAmR^itaM kL^IptaM snAnAya pratigR^ihyatAm ||
pa~nchAmR^itasnAnaM samarpayAmi |
ga~NgAgodAvarIkR^iShNAtu~NgabhadrAsamAhR^itam |
hemakumbhairidaM shuddhaM sugandhi snAhi nirmalam ||
taM ya j~naM + shcha ye | snAnaM samarpayAmi | AchamanaM samarpayAmi |
pItAmbarayugaM sUkShmaM rukmatantu vichitritam |
mayUresha gR^ihANa tvaM paridhehi mudA mayi ||
tasmAdyaj~nAt + ye | vastre samarpayAmi |
upavItamidaM shubhraM mayA bhaktyA prakalpitam |
sarvapApavishud.hdhyarthaM gR^ihANa paramAdarAt ||
tasmAdyaj~nAt + ajAyata | upavItaM samarpayAmi |
kirITahArakaTakaki~NkiNInUpurAdibhiH |
ala~Nkuru mayUresha shobhAyai sArvakAlikam ||
bhUShaNAni samarpayAmi |
dhanakesarakastUrI rochanA chandanAdibhiH |
vighR^iShTagandhaM surabhi lepanArthaM dadAmi te ||
tasmAdashvA + vayaH | gandhAndhArayAmi |
akShatAMshcha mayUresha ku~NkumAktAn gR^ihANa bho |
samarpitAnmayA bhaktyA akShataM kuru mAM sadA ||
akShatAnsamarpayAmi |
champakAshokapunnAgaketakIvakulAdibhiH |
nandanAhR^itapuShpaishcha arpayAmyadya mAlikAm ||
yatpuruShaM + vuchyete | puShpamAlAM samarpayAmi |
mallikAmAlatI jAtIbilvaiH maruvakaiH sumaiH |
saugandhikaiH shamIpatraiH dUrvAbhiH pUjayAmyaham ||
puShpANi samarpayAmi |
a~NgapUjA \-OM \.\.\.\.\.\.\.\.\.  namaH \.\.\.\.\.\.\.\.\.\. pUjayAmi |
guNeshAya \-pAdanakhAni | satvAya \-pAdA~NgulIH | rajase \-pAdatalam |
tamase \-pAdau | pR^ithivyAtmane \-gulpham | abAtmane \-ja~Nghe |
tejorUpiNe  \-jAnunI | vAyvAtmane \-UrU | AkAshAtmane \-guhyam |
gandhAtmane \-kaTim | rasAtmane \-jaTharam | rUpAtmane \-nAbhim |
sparshAtmane \-vakShaH | shabdAtmane \- hR^idayam | kambugrIvAya \-kaNTham |
bhinnadantAya \-dantam | shuNDAmukhAya \-nAsikAm | vakratuNDAya \-mukham |
vANIjihvAya \-jihvAm | shUrpakarNAya \-karNau | vishvanetre \- netre |
phAlachandrAya \-phAlam | somArkaghaNTAya \-mastakam | mayUreshAya \-shiraH |
guNeshAya \-sarvANya~NgAni || (sahasranAmAdyairarchanaM kuryAt |)
dadAmi dhUpaM devesha dashA~Ngena sudhUpitam |
mayUresha gR^ihANa tvaM mama pApApanuttaye ||
brAhmaNo.asya + ajAyata | dhUpamAghrApayAmi |
sAjyaM trivartisaMyuktaM vahninA jvAlitaM mayA |
mayUresha gR^ihANemaM madAndhyaM vinivAraya ||
chandramA + ajAyata | dIpaM samarpayAmi ||
modakAn laDDukAn pUpAn vaTakAn parpaTAn kR^itAn |
shaShkulIH pUrikAshchaiva kR^isarANi ghR^itAchitAn |
annAni cha vichitrANi svAdUni surabhINi cha |
sharkarAmudgahAridra mishritAnnAni bhUrishaH |
kalpitAni mayUresha naivedyaM bhu~NkShva sAdaram |
bahvannaM kuru mAM deva tvatkaTAkShAvalokanAt ||
nAbhyA + akalpayan | mahAnaivedyaM nivedayAmi |
AchamanaM samarpayAmi |
pUgailAreNukAbhR^i~NgakarpUrAdisuvAsitaiH |
nAgavallIdalaishcharNaiH tAmbUlaM sa~NgR^ihANa bhoH ||
tAmbUlaM samarpayAmi |
lakShavarti jvAlitena dIpena parikalpitam |
ArArtikamidaM deva ma~NgalArthaM dadAmi te ||
saptAsyAsan + pashum | nIrAjanaM darshayAmi |
vaidikairlaukikairmantraiH mantritAni sumAni cha |
aparAdhakShamArthAya chArpayAmi padAmbuje ||
mantrapuShpaM samarpayAmi |
sauvarNIM dakShiNAM siddhibuddhidvayavisheShita |
arpayAmi padAmbhoje kaTAkSheNAva mAM sadA ||
svarNapuShpaM samarpayAmi |
pradakShiNatrayaM kuryAM sarvapApapraNAshanam |
tvatprasAdAt vAjimedhaphalaM prApnomi nityashaH ||
pradakShiNaM samarpayAmi |
sahasrasho namAmIshamaparAdhAn kShamApaye |
vaidikairlaukikaiH stotraiH stuve sarvArthasiddhaye ||
namaskaromi |
yaj~nena yaj~naM + devAH | prArthaye |
jagadbIjamekaM chidAnandarUpaM shivAdyairachintyaM mahAyogivandyam |
trimUrtisvarUpaM mayUrAbhidhAnaM pareshaM guNeshaM parAshaktisUnum |
kR^ipAto bhavAnImano.abhIShTasid.hdhyai mahImUrtito yaH samAvirbabhau hi |
tamIshaM guNeshaM kR^ipAdR^iShTileshaprasAdArthaM AnandapUrNaM bhaje.aham |
dUrvAyugmArpaNaM \-OM namaH | dUrvAyugmaM samarpayAmi |
gaNa~njayAya |  gaNapataye | herambAya | dharaNIdharAya | mahAgaNapataye |
lakShapradAya (yakSheshvarAya |)kShipraprasAdanAya | amoghasiddhaye | amitAya
(amR^itAya)mantrAya | chintAmaNaye | nidhaye | suma~NgalAya | bIjAya |
AshApUrakAya | varadAya | shivAya | kAshyapAya | nandanAya |
vAchAsiddhAya (vAchAM siddhaye)DhuNDhivinAyakAya |
AvaraNapUjA | \.\.\.\.\.\.\.pUjayAmi namaH |
prathamAvaraNe \-hR^idayadevatAm | shirodevatAm | shikhAdevatAm | kavachadevatAm |
netradevatAm | astradevatAm |
dvitIyAvaraNe \-vidyAm | vidhAtrIm | bhogadAm | vighnaghAtinIm | nidhipriyAm |
pApaghnIm | puNyAm | shashiprabhAm |
tR^itIyAvaraNe \-vakratuNDam | ekadaMShTram | mahodaram | gajAsyam | lambodaram |
vikaTam | vighnarAjam | dhUmravarNam |
chaturthAvaraNe \-indram | agnim | yamam | nirR^itim | varuNam | vAyum | kuberaM
(somaM)| IshAnam |
pa~nchamAvaraNe \-vajrAyudhadevatAm | shaktyAyudhadevatAm | daNDAyudhadevatAm |
khaDgAyudhadevatAm | pAshAyudhadevatAm | a~NkushAyudhadevatAm | gadAyudhadevatAm |
shUlAyudhadevatAm |
OM gaM gaNapataye namaH | iti madhye gaNeshaM puShpA~njalibhiH samabhyarchya
nivedanAdikaM kuryAt | yathAshakti mUlamantraM japtvA devAya samarpayet | mayA
kR^itena sA~NgaguNeshArchanena parameshvaraH prIto bhavatu | iti pUjAM samarpayet | anyat
krame pUrvaM nirdiShTam |

iti mayUreshvarapUjA sampUrNA |
##
Proofread by Narendran Madathil 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}