% Text title            : Shiva Stuti by Daksha
% File name             : shivastutiHdaksha.itx
% Category              : ganesha
% Location              : doc\_ganesha
% Transliterated by     : PSA Easwaran
% Proofread by          : PSA Easwaran
% Description/comments  : Mudgalapurana, Khanda 1, Adhyaya 4
% Latest update         : April 25, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shiva Stuti by Daksha ..}##
\itxtitle{.. dakShakR^itA shivastutiH ..}##\endtitles ##
dakSha uvAcha |
namAmi sha~NkaraM sAkShAdyadAdhAramidaM jagat |
kAlarUpaM yathAkAlaM bodhayAmAsa taM shivam || 91||
kAlena phalamUlAni jAyate.annAdikAni cha |
shItoShNasamabhAvashcha sadA kAlena jAyate || 92||
sUryastapati kAlena jyotiShAM gaNa eva cha |
kAlena jAyate vR^iShTiranAvR^iShTistathA vibho || 93||
kAlena mR^ijyate sR^iShTibrahmaNA vai punaH punaH |
kAlana pAlanaM tatra kurune viShNuravyayaH || 94||
kAlena svechChayA shambhuH saMhAraM prakaroti cha |
yatkichidiha tatsarvaM kAlAdhInaM na saMshayaH || 95||
sa eva kAlo bhagavAnIshvaro brahmasa.nj~nitaH |
shivaH sAkShAchcha vedeShu kathyate vedavAdibhiH || 96||
kShamasva me.aparAdhaM tvaM tvanmAyAgarvitasya cha |
yatkR^itaM taddayAsindho namaste parameshvara || 97||
saguNAya namastubhyaM nirguNAya namo namaH |
sR^iShTikartre cha saMhartre pAtre nAnAsvarUpiNe || 98||
anantaguNarAshistvaM varNanIyaM kimapyaho |
nAntaM brahmAdayo jagmurmAdR^ishAnAM cha kA kathA || 99||
namo namo brahmamayAya devAdaye shivAyAtha cha pUrNamUrte |
anAdimadhyAntavihInabhUmne namo namo bhaktabhayApahantre || 100||
ityevaM stuvatastatra premagadgadayA girA |
ajavattasya sa~njAtaM bhAShaNaM lalalallalam || 101||
tena hR^iShTo mahAdavastaM punarnaramastakam |
bhagavAn kArayAmAsa yathApUrva munIshvarAH || 102||
provAcha madhuraM vAkyaM shivastaM sarvasannidhau |
prajApatipatirdakSha sarvamAnyo bhaviShyasi || 103||
tvayA yadrachitaM stotraM madIyaM matpriyaM bhavet |
yastoShyati pradAsyAmi tasmai kAmamanena mAm || 104||
iha bhuktvA.akhilAnbhogAnante mallokamApnuyAt |
mama prItikarashchAsau bhaviShyati na saMshayaH || 105||
tvayA yadajavadvAkyaM kR^itaM me khalu sannidhau |
tadvadyo matsamIpe vai kariShyati naraH sakR^it || 106||
tena hR^iShTo bhaviShyAmi vA~nChitaM pUrayAmi cha |
evaM dattvA varaM shambhustatraivAntaradhIyata || 107||

iti shrImudgalapurANe prathame khaNDe vaktratuNDacharite
chaturthAdhyAyAntargatA dakShakR^itA shivastutiH samAptA || 1\.4

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}