% Text title            : Siddhivinayaka Shodashopachara Pujastutih 1
% File name             : siddhivinAyakaShoDashopachArapUjAstutiH1.itx
% Category              : ganesha, pUjA, ShoDasha, stuti
% Location              : doc\_ganesha
% Proofread by          : Narendran Madathil
% Description/comments  : From Vighneshvara-stuti-manjari 4
% Latest update         : October 10, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Siddhivinayaka Shodashopachara Pujastutih 1 ..}##
\itxtitle{.. siddhivinAyakaShoDashopachArapUjAstutiH 1 ..}##\endtitles ##
vakratuNDa mahAkAya sUryakoTisamaprabha |
nirvighnaM kuru me deva sarvakAryeShu sarvadA || 1||
ekadantaM shUrpakarNaM gajavaktraM chaturbhujam |
pAshA~NkushadharaM devaM vande siddhivinAyakam || 2||
vande gajAnanaM devaM taptakA~nchanasannibham |
chaturbhujaM mahAkAyaM sarvAbharaNabhUShitam || 3||
atrAgachCha jagadvandya surarAjArchiteshvara |
anAthanAtha sarvaj~na gIrvANAsurapUjita || 4||
anekaratnakhachitaM muktAmaNivibhUShitam |
ratnasiMhAsanaM chAru gaNesha pratigR^ihyatAm || 5||
gaurIputra namaste.astu dUrvApadmAdisaMyutam |
bhaktyA pAdyaM mayA dattaM gR^ihANa dviradAnana || 6||
siddhArtha yavadUrvAbhiH gandhapuShpAkShatairyutam |
tilapuShpasamAyuktaM gR^ihANArghyaM gajAnana || 7||
karpUrAgarupuShpaishcha vAsitaM vimalaM jalam |
bhaktyA dattaM mayA deva kuruShvAchamanaM prabho || 8||
dadhyAjyamadhusaMyuktaM madhuparkaM mayA.a.ahR^itam |
gR^ihANa sarvalokesha gajavaktra namo.astu te || 9||
madhvAjyasharkarAyuktaM dadhikShIrasamanvitam |
pa~nchAmR^itaM gR^ihANedaM bhaktAnAmiShTadAyaka || 10||
ga~NgAdipuNyapAnIyaiH gandhapuShpAkShatai ryutaiH |
snAnaM kuruShva bhagavan umAputra namo.astu te || 11||
raktavastradvayaM deva rAjarAjAdipUjita |
bhaktyA dattaM gR^ihANedaM bhagavanharanandana || 12||
rAjataM brahmasUtraM cha kA~nchanaM chottarIyakam |
gR^ihANa chAru sarvaj~na bhaktAnAmiShTadAyaka || 13||
chandanAgarukarpUrakastUrIku~NkumAnvitam |
vilepanaM surashreShTha prItyarthaM pratigR^ihyatAm || 14||
akShatAndhavalAndivyAn shAlIyAnakShatAn shubhAn |
haridrAchUrNasaMyuktAn sa~NgR^ihANa gaNAdhipa || 15||
sugandhIni supuShpANi jAjI kundamukhAni cha |
ekaviMshati sa~NkhyAni gR^ihANa gaNanAyaka || 16||
chandanAgurukastUrIchandraguggulusaMyutam |
dhUpaM gR^ihANa varada dhUtapApa namo.astu te || 17||
dIpaM gR^ihANa devesha vartitrayasamanvitam |
gaNarAja namastubhyaM aj~nAnaM vinivartaya || 18||
shAlyannaM pAyasAdIni modakA~ncha phalAni cha |
niveditaM gR^ihANesha nityatR^ipta namo.astu te || 19||
pUgIphalasamAyuktaM nAgavallIdalairyutam |
karpUrachUrNasaMyuktaM tAmbUlaM pratigR^ihyatAm || 20||
chandrAdityau grahAstArAH vidyudagnirvibhAsvaram |
tvameva sarvaM tattejo nIrAjanamidaM prabho || 21||
namo namo gaNeshAya namaste vishvarUpiNe |
nirvighnaM kuru me kAmaM namAmi tvAM gajAnana || 22||
agajAnanapadmArkaM gajAnanamaharnisham |
anekadaM taM bhaktAnAM ekadantamupAsmahe || 23||
vinAyaka varaM dehi mahAtmanmodakapriya |
avighnaM kuru me deva sarvakAryeShu sarvadA || 24||
yasya smR^ityA cha nAmoktyA tapaH pUjA kriyAdiShu |
nyUnaM sampUrNatAM yAti sadyo vande gajAnanam || 25||

iti siddhivinAyakaShoDashopachArapUjAstutiH (1) sampUrNA |
##
Proofread by Narendran Madathil 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}