% Text title            : uchChiShTagaNeshakavacham
% File name             : uchChiShTagaNeshakavacham.itx
% Category              : kavacha, ganesha
% Location              : doc\_ganesha
% Transliterated by     : Duttaprasad Sharma duttaprasadsharma at gmail.com and Gopal Upadhyay
% Proofread by          : Duttaprasad Sharma, Gopal Upadhyay gopal.j.upadhyay at gmail.com
% Description-comments  : RudrayAmale utaratantre siddhividyAprakaraNe
% Latest update         : August 22, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Uchchishtaganesha Kavacham ..}##
\itxtitle{.. uchChiShTagaNeshakavacham ..}##\endtitles ##

atha shrIuchChiShTagaNeshakavachaM prArambhaH
devyuvAcha ||
devadeva jagannAtha sR^iShTisthitilayAtmaka |
vinA dhyAnaM vinA mantraM  vinA homaM vinA japam || 1||
yena smaraNamAtreNa labhyate chAshu chintitam |
tadeva shrotumichChAmi kathayasva jagatprabho || 2||
Ishvara uvAcha ||
shruNu devI pravakShyAmi guhyAdguhyataraM mahat |
uchChiShTagaNanAthasya kavachaM sarvasiddhidam || 3||
alpAyAsairvinA kaShTairjapamAtreNa siddhidam |
ekAnte nirjane.araNye gahvare cha raNA~NgaNe ||  4||
sindhutIre cha ga~NgAyAH kUle vR^ikShatale jale |
sarvadevAlaye tIrthe labdhvA samyagjapaM charet || 5||
snAnashauchAdikaM nAsti nAsti nirvaMdhanaM priye |
dAridryAntakaraM shIghraM sarvatattvaM janapriye || 6||
sahasrashapathaM kR^itvA yadi sneho.asti mAM prati |
nindakAya kushiShyAya khalAya kuTilAya cha || 7||
duShTAya parashiShyAya ghAtakAya shaThAya cha |
va~nchakAya varaghnAya brAhmaNIgamanAya cha || 8||
ashaktAya cha krUrAya gurUdroharatAya cha |
na dAtavyaM na dAtavyaM na dAtavyaM kadAchana || 9||
gurUbhaktAya dAtavyaM sachChiShyAya visheShataH |
teShAM sidhyanti shIghreNa hyanyathA na cha sidhyati || 10||
gurUsantuShTimAtreNa kalau pratyakShasiddhidam |
dehochChiShTaiH prajaptavyaM tathochChiShTairmahAmanuH || 11||
AkAshe cha phalaM prAptaM nAnyathA vachanaM mama |
eShA rAjavatI vidyA vinA puNyaM na labhyate || 12||
atha vakShyAmi deveshi kavachaM mantrapUrvakam |
yena vij~nAtamAtreNa rAjabhogaphalapradam || 13||
R^iShirme gaNakaH pAtu shirasi cha nirantaram |
trAhi mAM devi gAyatrIChando R^iShiH sadA mukhe || 14||
hR^idaye pAtu mAM nityamuchChiShTagaNadevatA |
guhye rakShatu tadbIjaM svAhA shaktishcha pAdayoH || 15||
kAmakIlakasarvA~Nge viniyogashcha sarvadA |
pArshvardvaye sadA pAtu svashaktiM gaNanAyakaH || 16||
shikhAyAM pAtu tadbIjaM bhrUmadhye tArabIjakam |
hastivaktrashcha shirasI lambodaro lalATake || 17||
uchChiShTo netrayoH pAtu karNau pAtu mahAtmane |
pAshA~NkushamahAbIjaM nAsikAyAM cha rakShatu || 18||
bhUtIshvaraH paraH pAtu AsyaM jihvAM svayaMvapuH |
tadbIjaM pAtu mAM nityaM grIvAyAM kaNThadeshake || 19||
ga.nbIjaM cha tathA rakShettathA tvagre cha pR^iShThake |
sarvakAmashcha hR^itpAtu pAtu mAM cha karadvaye || 20||
uchChiShTAya cha hR^idaye vahnibIjaM tathodare |
mAyAbIjaM tathA kaTyAM dvAvUrU siddhidAyakaH || 21||
ja~NghAyAM gaNanAthashcha pAdau pAtu vinAyakaH |
shirasaH pAdaparyantamuchChiShTagaNanAyakaH || 22||
ApAdamastakAntaM cha umAputrashcha pAtu mAm |
disho.aShTau cha tathAkAshe pAtAle vidishAShTake || 23||
aharnishaM cha mAM pAtu madacha~nchalalochanaH |
jale.anale cha sa~NgrAme duShTakArAgR^ihe vane || 24||
rAjadvAre ghorapathe pAtu mAM gaNanAyakaH |
idaM tu kavachaM guhyaM mama vaktrAdvinirgatam  || 25||
trailaukye satataM pAtu dvibhujashcha chaturbhujaH |
bAhyamabhyantaraM pAtu siddhibuddhirvinAyakaH || 26||
sarvasiddhipradaM devi kavachamR^iddhisiddhidam |
ekAnte prajapenmantraM kavachaM yuktisaMyutam || 27||
idaM rahasyaM kavachamuchChiShTagaNanAyakam |
sarvavarmasu deveshi idaM kavachanAyakam || 28||
etatkavachamAhAtmyaM varNituM naiva shakyate |
dharmArthakAmamokShaM cha nAnAphalapradaM nR^iNAm || 29||
shivaputraH sadA pAtu pAtu mAM surArchitaH |
gajAnanaH sadA pAtu gaNarAjashcha pAtu mAm || 30||	
sadA shaktirataH pAtu pAtu mAM kAmavihvalaH |
sarvAbharaNabhUShADhayaH pAtu mAM sindUrArchitaH || 31||
pa~nchamodakaraH pAtu pAtu mAM pArvatIsutaH |
pAshA~NkushadharaH pAtu pAtu mAM cha dhaneshvaraH || 32||
gadAdharaH sadA pAtu pAtu mAM kAmamohitaH |
nagnanArIrataH pAtu pAtu mAM cha gaNeshvaraH || 33||
akShayaM varadaH pAtu shaktiyuktiH sadA.avatu |
bhAlachandraH sadA pAtu nAnAratnavibhUShitaH || 34||
uchChiShTagaNanAthashcha madAghUrNitalochanaH |
nArIyonirasAsvAdaH pAtu mAM gajakarNakaH || 35||
prasannavadanaH pAtu pAtu mAM bhagavallabhaH |
jaTAdharaH sadA pAtu pAtu mAM cha kirITikaH || 36||
padmAsanAsthitaH pAtu raktavarNashcha pAtu mAm |
nagnasAmamadonmattaH pAtu mAM gaNadaivataH || 37||
vAmA~Nge sundarIyuktaH pAtu mAM manmathaprabhuH |
kShetrapaH pishitaM pAtu pAtu mAM shrutipAThakaH || 38||
bhUShaNADhyastu mAM pAtu nAnAbhogasamanvitaH |
smitAnanaH sadA pAtu shrIgaNeshakulAnvitaH || 39||
shrIraktachandanamayaH sulakShaNagaNeshvaraH |
shvetArkagaNanAthashcha haridrAgaNanAyakaH || 40||
pArabhadragaNeshashcha pAtu saptagaNeshvaraH |
pravAlakagaNAdhyakSho gajadanto gaNeshvaraH || 41||
harabIjagaNeshashcha bhadrAkShagaNanAyakaH |
divyauShadhisamudbhUto gaNeshAshchintitapradaH || 42||
lavaNasya gaNAdhyakSho mR^ittikAgaNanAyakaH |
taNDulAkShagaNAdhyakSho gomayashcha gaNeshcharaH || 43||
sphaTikAkShagaNAdhyakSho rudrAkShagaNadaivataH |
navaratnagaNeshashcha Adidevo gaNeshvaraH || 44||
pa~nchAnanashchaturvaktraH ShaDAnanagaNeshvaraH |
mayUravAhanaH pAtu pAtu mAM mUShakAsanaH || 45||
pAtu mAM devadeveshaH pAtu mAmR^iShipUjitaH |
pAtu mAM sarvadA devo devadAnavapUjitaH || 46||
trailokyapUjito devaH pAtu mAM cha vibhuH prabhuH |
ra~NgasthaM cha sadA pAtu sAgarasthaM sadA.avatu || 47||
bhUmisthaM cha sadA pAtu pAtalasthaM cha pAtu mAm |
antarikShe sadA pAtu AkAshasthaM sadA.avatu || 48||
chatuShpathe sadA pAtu tripathasthaM cha pAtu mAm |
bilvasthaM cha vanasthaM cha pAtu mAM sarvatastanam || 49||
rAjadvArasthitaM pAtu pAtu mAM shIghrasiddhidaH |
bhavAnIpUjitaH pAtu brahmAviShNushivArchitaH || 50||
idaM tu kavachaM devi paThanAtsarvasiddhidam |
uchChiShTagaNanAthasya samantraM kavachaM param || 51||
smaraNAdbhUpatitvaM cha labhate sA~NgatAM dhrUvam | smaraNAdbhUbhujatvaM
vAchaH siddhikaraM shIghraM parasainyavidAraNam || 52||
prAtarmadhyAhnasAyAhne divA rAtrau paThennaraH |
chaturthyAM divase rAtrau pUjane mAnadAyakam || 53||
sarvasaubhAgyadaM shIghraM dAridryArNavaghAtakam |
sudArasuprajAsaukhyaM sarvasiddhikaraM nR^iNAm || 54||
jale.athavA.anale.araNye sindhutIre sarittaTe |
smashAne dUradeshe cha raNe parvatagahvare || 55||
rAjadvAre bhaye ghore nirbhayo jAyate dhruvam |
sAgare cha mahAshIte durbhikShe duShTasa~NkaTe || 56||
bhUtapretapishAchAdiyakSharAkShasaje bhaye |
rAkShasIyakShiNIkrUrAshAkinIDAkInIgaNAH || 57||
rAjamR^ityuharaM devi kavachaM kAmadhenuvat |
anantaphaladaM devi sati mokShaM cha pArvati || 58||
kavachena vinA mantraM yo japedgaNanAyakam |
iha janmAni pApiShTho janmAnte mUShako bhavet || 59||
iti paramarahasyaM devadevArchanaM cha
     kavachaparamadivyaM pArvatI putrarUpam |
paThati  paramabhogaishvaryamokShapradaM cha
     labhati sakalasaukhyaM shaktiputraprasAdAt || 60||
  ## var ##
(iti paramarahasyaMdevadevArchitasya\-
     kavachamuditametatpArvatIshena devyai
paThati sa labhyate vaibhaktito bhaktavaryaH
     prachurasakalasaukhyaM shaktiputraprasAdAt ||)

|| iti shrIrudrayAmalatantre umAmaheshvarasaMvAde
shrImaduchChiShTagaNeshakavachaM samAptam ||

##
Encoded and proofread by Duttaprasad Sharma duttaprasadsharma at gmail.com
and Gopal Upadhyay gopal.j.upadhyay at gmail.com, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}