% Text title : Vighneshvara Manasikam % File name : vighneshvaramAnasikam.itx % Category : ganesha % Location : doc\_ganesha % Author : Chidambara Suri % Proofread by : Sivakumar Thyagarajan Iyer % Description/comments : 3 in Stotrasamuchchaya 1, Edited by Pandit K. Parameshwara Aithal % Latest update : January 2, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Vighneshvara Manasikam ..}## \itxtitle{.. vighneshvaramAnasikam ..}##\endtitles ## shrImahAgaNapataye namaH | vighneshvarasya viShaye hR^idi mAnasAkhyAM pUjAM vidhAtumuchitaM sarasaM prabandham | vidvajjane dhuri chidambara eSha namraH shlokairvasantatilakairvitanoti shIghram || 1|| kAntAkR^itiM gamitayA kamanIyakAntyA satyA sadApi nijayA navaratnapIThe | kAntaM vasantamamarendramukhAgravandyaM dantAvalenavadanaM hR^idi bhAvayAmi || 2|| AgachCha dantivadanAdya jayAsametaH satyAkhyayA dayitayA saha pUjanAya | alpAM kR^itAmapi mayA tvayi deva pUjAM svIkR^itya bhaktavashagesha mayi prasIda || 3|| ratnaiH kR^itaM navabhiratra tu chitrachitraM pArIndraveShamamarendrakaropanItam | AsthAya chAsanamidaM dhR^itavallabhastvaM sAmrAjyamAkalaya me gajavaktra chitte || 4|| vedAntakAnanacharaM vividhAhavAdi\- veshantakL^iptavihR^itiM vibudhendrabhAvyam | vighneshvaraM vidhR^itavallabhama~Nkadesha AvAhayAmi hR^idaye sadayAntara~Ngam || 5|| ga~NgAyamasvasR^ijalairhariratnamuktA\- pAtre.arpitaiH surabhibhiH sukhashItalaishcha | mR^idva~NgulIdalayute padapadmayugme pAdyakramaM kalaya padmamukha prabho tvam || 6|| sahyAdrijAhR^itamasahyamahAghahAri dUrvAgradarbhasumagarbhamadakShatADhyam | bharmAgrapAtraparipUrNamidaM mahArgha\- mardhyaM gR^ihANa madanardhavapurgajAsya || 7|| mallIprasUnanavachampakakuDmalaugha\- saurabhyanirnaramupAsakachittashubhram | vyomApagAsalilamadya mayA pradatta\- mAchamyatAM gajamukha praNatArtihArin || 8|| mochAphalena navasharkarayA ghR^itena gavyena sAdhu madhunA tvadhunA praNItam | pa~nchAmR^itaM gajamukhAnatapa~nchatAre pa~nchAnanAtmaja vidhehi nimajjanAya || 9|| sanmAnasAdishuchibhirdhuri mAnasAkhyaM sattIrtha koTijaTharAhR^itatIrthasArthaiH | saMsnApayAmi tava ma~Ngaladivyadeha\- mudvartanena saha vAraNarAjavaktra || 10|| chInAmbareNa kanakA~nchalama~njulena divyaM tvada~NgamakhilaM jalamajjanArdram | drA~N mArjayAmi nikhilAghanimArjanAya ki~nchid gajAsya dhuri tiShTha mama prabho tvam || 11|| kArpAsasUtraguNitaM vishadaM prakL^iptaM yaj~nopavItayugalaM nigalaM dvijatve | haimairathAsamaguNaiH saha yaj~nasUtrai\- rAmaM cha mu~njamayi kArShNyahataM dhR^itaM cha (? ) || 12|| jAmbUnadairvirachite navabhAjane.agre daghnA sahaiva madhunA militaM praklR^iptam | tadvachCharAvapihitaM madhuparkameta haste tavAdya vitarAmi cha hastivaktra || 13|| kastUrikAmR^igamadaiH parimR^idya klR^iptaM tvatkIrtisAramiva shobhanagandhapUram | hastIndravaktra suguNormilama~Ngama~Nga shrIganvapa~Nkamanulimpa nilimpanAya || 14|| shAlyakShatairatitarAmaparikShatAgraiH shrIku~NkumA~NkaparishobhinijA~NgabhAgaiH | gandhopari sphuTatarIkaraNAya hasti\- vaktrArchayAmi harichandanacharchita tvAm || 15|| mandArakundakaravIrakachampakAgrya\- mallImukhAni kusumAni tavArpayAmi | tAnya~Ngama~NgamaparikShata bhUShaya tvaM satryekaviMshatidalairgajarAjavaktra || 16|| ChatradhvajAmbujaghaTA~NkusharekhikA~Nkau pAthojamArdavavimardananirdayA~Ngau | hastIndravaktra tava bharmavinirmitAbhyAM saMyojayAmi charaNau maNipAdukAbhyAm || 17|| kaNThe kare shirasi te maNiniShkabhUShAM ratnachitaM cha kaTakaM makuTaM maNIddham | a~Nge.akhile kanakabhUShaNajAlakA ni bhaktyA sahaiva ghaTaye karaTendravaktra || 18|| nakShatrapa~NktinibhamauktikarAjirAja\- mAnA~nchalaM charasudhAkaramaNDalAbham | shvetAtapatramatichitramibhendravaktra mUrdhopari sphuTataraM tava dhArayAmi || 19|| chAmIkarasphuritaratnavichitradaNDau chAruprabhAliruchirau tava chAmarau dvau | snAnakShaNAvasaragharmapayaHkaNArdre sa~nchAlayAmi gajavaktra mukhe karAbhyAm || 20|| nUtnaM cha ratnacharamA~NgamudAramagre rUpodvahaM cha maNidarpaNamarpayAmi | bhAdarpadarpakavapurjayinIM tavAdya kalyANamUrtimibhavaktra vilokayAtra || 21|| a~NgArasa~NgasurabhiM surabhiprajAta\- haiya~NgavInaghR^itayuktadashA~NgadhUpam | ghrANendriyapriyakaraM parijighra shIghraM bhaktyArpitaM gajamukha priyagandha deva || 22|| bAhyAndhakAraguNabandhanalokabandhu\- mAjyADhyapAtrakR^itavartisamujjvalaM te | trailokyagADhatimirApahabhAsi vaktre sandarshayAmi dhuri dIpamibhendravaktra || 23|| mochAda ghitthapanasAmraphalAdiyuktaM bhakShaughashaShkulisalaDDukamodakADhyaM sauvarNavarNasamasUpaghR^itaughapUrNam | shAlyannametadupabhu~NkShva gajAsya chAru || 24|| elAlava~NgasumachampakakuDmalAgra\- karpUravAsitamudAramushIragandhi | pAnIyamabhrasaritaH kamanIyashubhra\- mAnIyatAM gajamukhAnanamekadantam || 25|| vArtAkakaNTakirasArakakAravalli\- rambhAshalATumukhachArupadArthajAtam | AjyAktasarShapasajIrakahi~NgukailA\- sambharjitaM gajamukhAddhi pade pade cha || 26|| hastIndravaktra sarasaM tu mayA pradattaM rambhAphalairmadhucharaiH sitasharkarAbhiH | elAmarIchisamasharkaradugdhasiddhaM godhUmataNDulasurAnnamupAdadasva || 27|| mAShaistilaiH saguDasharkaranAlikerai\- rjambIrasarShapavarAmlaphalairutAnyaiH | tatra prayogakalitAni vichitritAni svannAni bhu~NkShva gajavaktra rasena sAkam || 28|| mallIsumachChavisuvarNasavarNashAli shAlyannametadupamardya payastathaiva | ete kareNa milite virachayya shuddhe bhu~NkShvopadaMshitaguDaM gajarAjavaktra || 29|| maNDopayuktadadhikhaNDakametadeta\- chChuddhAnnamAshu militaM dvayamadya klR^iptvA | khaNDAmlasarShaparasAlavaropadaMshai\- rbhu~NkShvebhavaktra saha nimbakakhaNDachUrNaiH || 30|| jambIratAchchuta subilvakarIrachUta\- nAra~NgamukhyamupadaMshakulaM sujAtam | hi~NgvagrasarShaparasAlavaroTamukhyaiH (bahusAdhanAgraiH) sammishritaM cha parishIlaya bhuktikAle || 31|| aurvArukaM dhuri rasAyanametadetad gauDaM tu pAnakamidaM sarasekShusAram | kApitthapAnakamidaM karivaktra ki~nchit ki~nchit pibaiShu vibhavAya yatheShTato.adya ||| 32|| satkR^iShNanimbadalanAgarahi~NgubAla\- rambhAgradaNDavarasaindhavajambhasAraiH | AloDitaM parimalairmilitaM gajAsya tvaM nIratakramupabhu~NkShva cha dAhashAntyai || 33|| hemnA kR^ite maNichite ruchire.atra pAtre hemAvatIjalamidaM gajavaktra shubhram | elA diva sitaguNaM himanIrashIta\- mApo.ashana charamamAshu samAchara tvam || 34|| shoNAmbujAdharatalaM shubhamArdavADhya\- muShNAmbunA surabhilena tavAdya pANim | dravyeNa gharShaNavidhau sitayopamR^idya prakShAlayebhamukha kalmaShaleshahIna || 35|| nirdoShatAmupagatena vibho suvarNa\- sthAlyAM sthitena himashItaguNena sadyaH | hastIndravaktra payasA punarAdareNa shuddhaM tvamAchamanamAchara bhojanAnte || 36|| pUgA ime kapishitA paripAkarItyA shvetA ime kaTurasA madhunAgavalyaH | karpUrachUrNamidamebhiribhAsya rAgA\- chChoNIkuru tvadadharaM samamAsyashuddhayA || 37|| dedIpyamAnamahasi drutahemapAtre muktAmaNIvirachitAmbujarekhikAntaH | karpUrakhaNDaparidIpitametadagre nIrAjanaM gajavarAnana darshayAmi || 38|| ga~NgAkaveratanayAvaratu~NgabhadrA\- godAvarIravisutAsusamAhR^itAbhiH | adbhirdadAmi punarardhyamibhendravaktra (sa) tat tvaM gR^ihANa nigR^ihANa tamo madIyam || 39|| mallIprasUnanavachampakakundajAti\- mandAramukhyasumanobhirabhisphuTAbhiH | mantraiH samaM shrutichatuShTayasaMstutaiste puShpA~njaliM gajamukhAnishamarpayAmi || 40|| vedAntamUrdhashatagUDha shato~Nghritasta\-(? ) nAthAntabhAvita gaNAdhipa shaktinAtha | shrIman tvadIyapadabhaktamimaM sadA mA mAmantakAntakasutAmala mu~ncha mu~ncha || 41|| bhAgyAdhinogyakaramadya pade pade cha bhaktyA pradakShiNamahaM kalaye gajAsya | rakSha pratIkShaNamapAsya hR^idAvilambaM vIkShasva mAM parigR^ihItadayAvalambam || 42|| hastIndravaktra gaNanAtha namo namaste svastIndra mukhyanuta dehi namo namaste | nastIvramagramupayAhi namo namaste vistIrNavaibhavanidhe.adya namo namaste || 43|| ma~nche suvarNavitate maNijAlachitre DolAvR^ite.apyuparibhAgavitAnachitre | mR^idvAstarA muparima~njulahaMsatUli\- madhyAsya sheShva gajavaktra mR^idUpavAnAm || 44|| Ali~Ngito dayitayA gaNanAtha shaktyA sarvA~NgashobhanaguNojjvalarUpalakShmyA | Ana~Ngasa~NgaramukhairvividhairvilAsai\- rAnandabhAramadhikaM bhaja hastivaktra || 45 bAhyaM vidhAtumapaTustava pUjanaM yat padmendravaktra tadahaM hR^idi mAnasAkhyam | tvatpUjanaM rachitavAMshchaturuttaraishcha padyaistathA dashachatuShTayasaMsthitaishcha || 46|| tvAM pUjayan hR^idi bhajan dR^ishi lakShayaMshcha shR^iNva~nChrutau cha gaditaM tava rUpameva | sambhAvayan gajavarAnana darshayAmi tvaM deva deva mayi dhehi kR^ipAkaTAkSham || 47|| chasvAriMshaduparyadhiShThitachatuHshlokAtmasa~NkhyAnvitAn proktAn yAnupachArakAMstava vibho hastIndravaktrAnisham | pratyUShe hR^idi bhAvayanti puruShA ye teShu kuryAd bhavAn sampUrNAM puruShArthasiddhimatulAM santoShadhArAdhikAm || 48|| vighnAdhinetari chidambarasUriklR^iptA sambhAvanAdiparamapramadAvasAnaiH | pUjopachAravidhibhirbhuvi mAnasAkhyA jIyAchchiraM suviduShAM hR^idaya~Ngameyam || 49|| iti shrIchidambarasUrikR^itaM shrIvighneshvaramAnasikaM sampUrNam | ## Notes given in the source: The manuscript is very badly written. The scribe hardly makes a distinction between the alpaprANa and mahAprANa letters; always writes asti for hasti; thus the manuscript is very defective and in some places, it has not been possible to reconstruct the text. From the allusions in the text, it may be inferred that the author belonged to a place on the bank of the river hemAvatI (see verse 34). Proofread by Sivakumar Thyagarajan Iyer \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}