% Text title            : Vikata Stuti by Devarshi
% File name             : vikaTastutiHdevarShibhiHproktA.itx
% Category              : ganesha
% Location              : doc\_ganesha
% Transliterated by     : Ajit Krishnan
% Proofread by          : Ajit Krishnan, PSA Easwaran
% Description/comments  : Mudgalapurana, Khanda 6, Adhyaya 36
% Latest update         : April 23, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vikata Stuti by Devarshi ..}##
\itxtitle{.. vikaTastutiH devarShibhiH proktA ..}##\endtitles ## 
AdishaktiruvAcha \-
kAmAsuraM mahAshAntiyutaM dR^iShTvA surarShayaH |
vismitA vikaTaM pUjyaM tuShTuvuH karasampuTAH || 1||
devarShaya UchuH
ajaM purANaM paramavyayaM cha sadAtmarUpaM sakalAvabhAsam |
asadvihInaM vividhAntarasthaM bhajAmahe taM vikaTaM paresham || 2||
anAdimadhyAntavivarjitaM yatsujIvanaM jIvanadharmadhAram |
sadA.amR^itaM brahma vikArahInaM bhajAmahe taM vikaTaM paresham || 3||
tvayaiva mAyA rachitA svabimbAt svayaM dadhau jIvanabimbavIryam |
babhUva yuktA rachane samarthA bhajAmahe taM vikaTaM paresham || 4||
tathA hyasadrUpamayaM cha sA~NkhyaM kR^itaM tathA brahma subodharUpam |
anantabhedAshritamaprameyaM bhajAmahe taM vikaTaM paresham || 5||
tataH svabodhena kR^itaM cha so.ahaM pavitramekAshritamAdirUpam |
jagadvaraM bindumayaM tathA vai bhajAmahe taM vikaTaM paresham || 6||
jagachchatuShpAdamayaM cha tAbhyAM vyaShTyA samaShTyA cha yutaM hi sR^iShTam |
ajeShu sa~njIvanadaM gaNeshaM bhajAmahe taM vikaTaM paresham || 7||
tataM tvayA bhedavihInabhAvAt prakAsharUpeNa vibhAsi nAtha! |
anantalIlAkaramaprameyaM bhajAmahe taM vikaTaM paresham || 8||
ajairvihIno.asi gajAnana! tvaM tathA.api sarvatra vibhAsi bhaktyA |
ato gaNeshaM vikaTaM vadanti bhajAmahe taM vikaTaM paresham || 9||
harisvarUpeNa vinAyaka! tvaM surakShasIdaM rajasA vidhAtA |
tathA tamoyuktatayA haro.asi bhajAmahe taM vikaTaM paresham || 10||
prasR^iShTakarmANi tadantarasthoryamA.asi sa~njIvanarUpakeNa |
kriyAsvarUpeNa tu shaktisaMstho bhajAmahe taM vikaTaM paresham || 11||
sadAtmarUpeNa cha DhuNDhirAja! sthito.asi vishvambhara vishvamUrte! |
na te kadAchijjagati pravesho bhajAmahe taM vikaTaM paresham || 12||
sadA.a.adipUjyaM sakalaiH suvandyaM gaNeshasiddhipradamAsamantAt |
suchittabhAsaM gajakarNadhAraM bhajAmahe taM vikaTaM paresham || 13||
svAnandanAmni nagare susaMsthaM trinetrayuktaM mUShakoparistham |
mahodaraM chaikaradaM vibhUpaM bhajAmahe taM vikaTaM paresham || 14||
svabhaktapakSheShu virAjamAnaM vighnairvihInaM manasepsitaM cha |
abhaktasarvAshritanAshakAraM bhajAmahe taM vikaTaM paresham || 15||
niyantR^irUpaM tava hastasaMsthaM jagatsu nAnAvidhabrahmasu prabho! |
mahA~NkushaM hya~NkushadhAramekaM bhajAmahe taM vikaTaM paresham || 16||
bhramAtmakaM bandhanamekameva tadeva pAshaM prabhuhastasaMstham |
svabhaktikR^idvandhanahAnikAraM bhajAmahe taM vikaTaM paresham || 17||
tvadAshritAnAM na bhayaM kadAchit sadA.abhayaM te karasaMsthitaM cha |
pratyajya duShTA bhayasaMyutAste bhajAmahe taM vikaTaM paresham || 18||
nijAmR^itaM vighnapate yadannaM jagatsu saMsthaM prabhuhastagaM tam |
sumodakaM modakaraM janAnAM bhajAmahe taM vikaTaM paresham || 19||
asanmayI sarvagatA vibhinnA paraM sadA.asyAshcha sushAntisaMstham |
ato vadante vikaTaM janAstvAM bhajAmahe taM vikaTaM paresham || 20||
vayaM stuvImo.alpasubodhagAH kiM prabhuM na shakyaM nigamAdibhishcha |
shukAdibhiH stotumapAragaM yaM bhajAmahe taM vikaTaM paresham || 21||
tathApi te darshanajena nAtha bodhena brahmesha! susaMstuto.asi |
ataH pratuShTo bhava dInapAla! bhajAmahe taM vikaTaM paresham || 22||
vikaTa uvAcha \-
idaM stotraM kR^itaM sarvairmadIyaM matpadapradam |
bhaviShyati janAyaiva paThate shR^iNvate param || 26||
bhaktimuktipradaM pUrNaM putrapautrAdivardhanam |
dhanadhAnyAdikaM kAmapradaM stotrasya pAThataH || 27||
ShaTkarmasAdhanakaraM parakR^ityavinAshanam |
nAnArogaharaM pUrNa bhaviShyati susevinAm ||28||
kArAgR^ihagatAnAM cha bandhamokShakaraM bhavet |
sahasrAvartanenaiva sadA saubhAgyavardhanam ||29||
nAnApApasamUhAnAM dAhakaM paThanAttathA |
sarvasiddhikaraM chaiva bhaviShyati na saMshayaH ||30||
ekaviMshativAraM yaH paThiShyati nirantaram |
sa sarva sAdhayet sadyo dinAnAmekaviMshatim ||31||

iti devarShibhirproktA vikaTastutiH samAptA | 6\.36

##
Encoded by Ajit Krishnan
Proofread by Ajit Krishnan, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}