% Text title            : RRiShabhagItA from Bharatamanjari of Kshemendra
% File name             : RRiShabhagItABM.itx
% Category              : giitaa, kShemendra
% Location              : doc\_giitaa
% Author                : Kshemendra
% Description/comments  : kAvyamAlA 65. Bharatamanjari
% Latest update         : October 15, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. RRiShabhagItA from Bharatamanjari of Kshemendra ..}##
\itxtitle{.. RRiShabhagItA bhAratama~njaryAM kShemendravirachitA ..}##\endtitles ##

etatpitAmahenoktaM shrutvA sarvaM nR^ipochitam |
smR^itvA duryodhanakathAM niHshvasyovAcha dharmajaH || 13\.488||
AshA mamAbhUdvipulA satataM dhR^itarAShTraje |
yathA vananivR^itteShu sA mAsmAsu vidhAsyati || 13\.489||
sarvathA yuddharuchinA pratyAkhyAte janArdane |
AshA viphalatAM nItA sA tena mama saMvR^itA || 13\.490||
tasmAdvaipulyamAyAtAstadbha~Nge duHsahAH shuchaH |
nivartante kathaM nAma kathyatAM me pitAmaha || 13\.491||
pR^iShTo yudhiShThireNeti punaH shAntanavo.abravIt |
AshA sumahatI pArtha dashA jIvitahAriNI || 13\.492||
haihayo rAjaputraH prAksumitro nAma kAnane |
javAdanusasAraikaM kura~NgaM vegavattaram || 13\.493||
sameShu taruku~njeShu shvabhreShu viShameShu cha |
mR^igAnusArI suchirAtsa dhanvI klamamAyayau || 13\.494||
tatastapovanaM prApya dR^iShTanaShTe mR^ige punaH |
AshAvinAshasantapto munInAmavishatsabhAm || 13\.495||
sa tAnpraNamya paprachCha kaShTAmAshAM mahattamAm |
munistaM vR^iShabho nAma babhAShe sasmitAnanaH |
rAjaputra kR^ishAmAshAM jahi duHkhAnubandhinIm || 13\.496||
bhUridyumnaH purA rAjA vIradyumnAbhidhaM sutAm |
vichinvanhR^itamashvena badaryAshramamAyayau || 13\.497||
tatastapovanaM prApya dR^iShTanaShTe mR^ige punaH |
AshAvinAshasantapto munInAmavishatsabhAm || 13\.498||
sa tAnpraNamya paprachCha kaShTAmAshAM mahattamAm |
munistaM vR^iShabho nAma babhAShe sa smitAnanaH || 13\.499||
rAjaputra kR^ishAmAshAM jahi duHkhAnubandhinIm |
bhUridyumnaH purA rAjA vIradyumnAbhidhaM sutam || 13\.500||
tanurnAma munistatra prAMshuH kR^ishatarAkR^itiH |
duHkhAntenAvadatpR^iShTo mA rAjanviklavo bhava || 13\.501||
na vidyate janaH kashchidAshayA yo na hIyate |
na cha pashyAmi taM loke yAchakaM yo.abhimanyate || 13\.502||
kR^itaghneShu nR^ishaMseShu kuTileShvalaseShu cha |
AshAdaurvalyamAyAnti sharadIvAlpanimnagAH || 13\.503||
dhiktAM kR^ishatarAmAshAM kAyashoShavidhAyinIm |
pratishrutamasamprApya hR^idayAtparivartate || 13\.504||
putre mR^ite vA naShTe vA piturekAtmajasya vA |
AshA dahati gAtrANi sA kR^ishApi mahIyasI || 13\.505||
vR^iddhAnAM putralAbheShu nityamAshA bhavanti yAH |
sthAvire jIrNakAyAnAM tAH kR^ishA api duHsahAH || 13\.506||
bhrAmayatyAptamAtraiva shoShayatyAyatI kR^ishA |
hanti magnA jaTilyeva dhigAshAM mR^ityudAyinIm || 13\.507||
ityuktvA tanayaM rAj~ne sa munirdivyalochanaH |
adarshayatsvayaM chAbhUtprakaTaM dharmavigrahaH || 13\.508||
atha paprAchCha dharmaj~naM dharmarAjaH pitAmaham |
 
iti bhAratama~njaryAM kShemendravirachitA RRiShabhagItA samAptA | 
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}