% Text title            : ajagaragItA
% File name             : ajagaragItA.itx
% Category              : gItA, giitaa
% Location              : doc\_giitaa
% Proofread by          : PSA Easwaran
% Description-comments  : adhyAya 179/177
% Source                : Mahabharata, Shantiparva, Mokshadharmaparva, prahlAdaajagara saMvAda

% Latest update         : December 30, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ajagara Gita ..}##
\itxtitle{.. ajagaragItA ..}##\endtitles ##
mahAbhArate shAntiparvAntargatA

bhIShmeNa yudhiShThiramprati prapa~nchasyAnityatvAdij~nAnapUrvakavirakteH
sukhahetutAyAM pramANatayA prahlAdAjagaramunisaMvAdAnuvAdaH || 1||

yudhiShThira uvAcha |
kena vR^ittena vR^ittaj~na vItashokashcharenmahIm |
ki~ncha kurvannaro loke prApnoti gatimuttamAm || 1||
bhIShma uvAcha |
atrApyudAharantImamitihAsaM purAtanam |
prahlAdasya cha saMvAdaM munerAjagarasya cha || 2||
charantaM brAhmaNaM ka~nchitkalyachittamanAmayam |
paprachCha rAjA prahlAdo buddhimAnprAj~nasattamaH || 3||
prahlAda uvAcha |
svasthaH shakto mR^idurdAnto nirvidhitso.anasUyakaH |
suvAgbahumato loke prAj~nashcharasi bAlavat || 4||
naiva prArthayase lAbhaM nAlAbheShvanushochasi |
nityatR^ipta iva brahmanna ki~nchidiva manyase || 5||
srotasA hriyamANAsu prajAsu vimanA iva |
dharmakAmArthakAryeShu kUTastha iva lakShyase || 6||
nAnutiShThasi dharmArthau na kAme chApi vartase |
indriyArthAnanAdR^itya muktashcharasi sAkShivat || 7||
kA nu praj~nA shrutaM vA kiM vR^ittirvA kA nu te mune |
kShipramAchakShva me brahma~nshreyo yadiha manyase || 8||
bhIShma uvAcha |
anuyuktaH sa medhAvI lokadharmavidhAnavit |
uvAcha shlakShNayA vAchA prahlAdamanapArthayA || 9||
pashya prahlAda bhUtAnAmutpattimanimittataH |
hrAsaM vR^iddhiM vinAshaM cha na prahR^iShye na cha vyathe || 10||
svabhAvAdeva sandR^ishyA vartamAnAH pravR^ittayaH |
svabhAvaniratAH sarvAH pratipAdyA na kenachit || 11||
pashya prahlAda saMyogAnviprayogaparAyaNAn |
sa~nchayAMshcha vinAshAntAnna kvachidvidadhe manaH || 12||
antavanti cha bhUtAni guNayuktAni pashyataH |
utpattinidhanaj~nasya kiM paryAyeNopalakShaye.  13||
jalajAnAmapi hyantaM paryAyeNopalakShaye |
mahatAmapi kAyAnAM sUkShmANAM cha mahodadhau || 14||
ja~NgamasthAvarANAM cha bhUtAnAmasurAdhipa |
pArthivAnAmapi vyaktaM mR^ityuM pashyAmi sarvashaH || 15||
antarikShacharANAM cha dAnavottama pakShiNAm |
uttiShThate yathAkAlaM mR^ityurbalavatAmapi || 16||
divi sa~ncharamANAni hrasvAni cha mahAnti cha |
jyotIMShyapi yathAkAlaM patamAnAni lakShaye || 17||
iti bhUtAni sampashyannanuShaktAni mR^ityunA |
sarvaM sAmAnyato vidvAnkR^itakR^ityaH sukhaM svape || 18||
sumahAntamapi grAsaM grase labdhaM yadR^ichChayA |
shaye punarabhu~njAno divasAni bahUnyapi || 19||
Asravatyapi mAmannaM punarbahuguNaM bahu |
punaralpaM punastokaM punarnaivopapadyate || 20||
kaNaM kadAchitkhAdAmi piNyAkamapi cha grase |
bhakShaye shAlimAMsAni bhakShAMshchochchAvachAnpunaH || 21||
shaye kadAchitparya~Nke bhUmAvapi punaH shaye |
prAsAde chApi me shayyA kadAchidupapadyate || 22||
dhArayAmi cha chIrANi shANakShaumAjinAni cha |
mahArhANi cha vAsAMsi dhArayAmyahamekadA || 23||
na sannipatitaM dharmyamupabhogaM yadR^ichChayA |
pratyAchakShe na chApyenamanurudhye sudurlabham || 24||
achalamanidhanaM shivaM vishokaM
shuchimatulaM viduShAM mate praviShTam |
anabhimatamasevitaM vimUDhai\-
rvratamidamAjagaraM shuchishcharAmi || 25||
achalitamatirachyutaH svadharmA\-
tparimitasaMsaraNaH parAvaraj~naH |
vigatabhayakaShAyalobhamoho
vratamidamAjagaraM shuchishcharAmi || 26||
aniyataphalabhakShyabhojyapeyaM
vidhipariNAmavibhaktadeshakAlam |
hR^idayasukhamasevitaM kadaryai\-
rvratamidamAjagaraM shuchishcharAmi || 27||
idamidamiti tR^iShNayA.abhibhUtaM
janamanavAptadhanaM viShIdamAnam |
nipuNamanunishAmya tattvabuddhyA
vratamidamAjagaraM shuchishcharAmi || 28||
bahuvidhamanudR^ishya chArthahetoH
kR^ipaNamihAryamanAryamAshrayaM tam |
upashamaruchirAtmavAnprashAnto
vratamidamAjagaraM shuchishcharAmi || 29||
sukhamasukhamalAbhamarthalAbhaM
ratimaratiM maraNaM cha jIvitaM cha |
vidhiniyatamavekShya tattvato.ahaM
vratamidamAjagaraM shuchishcharAmi || 30||
apagatabhayarAgamohadarpo
dhR^itimatibuddhisamanvitaH prashAntaH |
upagataphalabhogino nishAmya
vratamidamAjagaraM shuchishcharAmi || 31||
aniyatashayanAsanaH prakR^ityA
damaniyamavratasatyashauchayuktaH |
apagataphalasa~nchayaH prahR^iShTo
vratamidamAjagaraM shuchishcharAmi || 32||
apagatamasukhArthamIhanArthai\-
rupagatabuddhiravekShya chAtmasaMstham |
tR^ipitamaniyataM mano niyantuM
vratamidamAjagaraM shuchishcharAmi || 33||
na hR^idayamanurudhyate mano vA
priyasukhadurlabhatAmanityatAM cha |
tadubhayamupalakShayannivAhaM
vratamidamAjagaraM shuchishcharAmi || 34||
bahu kathitamidaM hi buddhimadbhiH
kavibhirapi prathayadbhirAtmakIrtim |
idamidamiti tatra tatra hanta
svaparamatairgahanaM pratarkayadbhiH || 35||
tadidamanunishAmya viprapAtaM
pR^ithagabhipannamihAbudhairmanuShyaiH |
anavasitamanantadoShapAraM
nR^iShu viharAmi vinItadoShatR^iShNaH || 36||
bhIShma uvAcha |
ajagaracharitaM vrataM mahAtmA
ya iha naro.anucharedvinItarAgaH |
apagatabhayalobhamohamanyuH
sa khalu sukhI vicharedimaM vihAram || 37||

iti shrImanmahAbhArate shAntiparvaNi mokShadharmaparvaNi
saptasaptatyadhikashatatamo.adhyAyaH || 177 ||
##Mahabharata - Shanti Parva - Chapter Footnotes## TippaNI

2 AjagarasyA.ajagaravR^ittyA jIvataH ||
4 nirvidhitso nirArambhaH ||
6 srotasA kAmAdivegena | kUTastho nirvyApAraH ||
7 indriyArthAn gandharasAdInanAdR^itya charasi
tannirvAhamAtrArthI ashnAsi ||
8 praj~nA tattvadarshanam | shrutaM tanmUlabhUtaM
shAstram. vR^ittistadarthAnuShThAnam. shreyo mameti sheShaH ||
9 anuyuktaH pR^iShTaH | lokasya dharmo janmajarAdistasya vidhAnaM
kAraNaM tadabhij~naH lokadharmavidhAnavit ||
10 animittataH kAraNahInAdbrahmaNaH | pashya Alochaya ||
12 tasmAdahaM mano na kvachidviShaye vidadhe dhArayAmi tadvinAshe
shokotpattiM jAnan ||
15 pArthivAnAM pR^ithivIsthAnAm ||
19 AjagarIM vR^ittiM prapa~nchayati sumahAntamityAdinA ||
20 Ashayanti bhojayanti ||
26 kaShAyaH rAgadveShAdiH ||
28 dhanaprAptau karmaiva kAraNaM na pauruShamiti dhiyA
nishAmyAlochya ||
29 arthahetoranAryaM nIcham | AryaM svAminamAshrayati yaH
kR^ipaNo dInajanastamanudR^ishyopashamaruchiH. AtmavAn jitachittaH ||
30 vidhiniyataM daivAdhInam ||
31 matirAlochanam | buddhirnishchayaH. upagataM samIpAgataM
phalaM priyaM yeShAM tAn bhoginaH sarpAn ajagarAn nishAmya
dR^iShTvA. phalabhogina iti madhyamapadalopaH ||
32 prakR^ityA damAdiyuktaH
apagataphalasa~nchayastyaktayogaphalasamUhaH ||
33 eShaNAviShayaiH putravittAdibhirhetubhiH | asukhArthaM
pariNAme duHkhArtham. apagatamAtmanaH parA~NmukhaM tR^iShitamaniyataM
cha mano.avekShya. upagatabuddhirlavdhAlokaH. AtmasaMsthamAtmani saMsthA
samAptiryasya tattathA tuM vrataM charAmi ||
##
shAntiparva (12), adhyAya 177 (adhyAya number defers in the scanned file.)

Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}