% Text title            : ashmakagItA from Bharatamanjari of Kshemendra
% File name             : ashmakagItABM.itx
% Category              : giitaa, kShemendra
% Location              : doc\_giitaa
% Author                : Kshemendra
% Description/comments  : kAvyamAlA 65. Bharatamanjari
% Latest update         : October 15, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ashmakagItA from Bharatamanjari of Kshemendra ..}##
\itxtitle{.. ashmakagItA bhAratama~njaryAM kShemendravirachitA ..}##\endtitles ##
tasmAtpAlaya bhUpAla kShattradharme sthitaH prajAH |
kShayaM kAlakR^itaM vIkShya mA cha shoke manaH kR^ithAH || 13\.107||
bhUtvA bhUtvA pralIyante kAlena kalitAH kila |
lokAH kAlakalAjalaishchitrashchAyaM bhavashramaH || 13\.108||
uktaM senajitA rAj~nA purA rAjanvivekinA |
duHkhe dR^iDhaM manaH kuryAnnartishokagadauShadham || 13\.109||
shochatAM dhR^itihInAnAM na shAntirjAyate kvachit |
duHkhairAyAnti duHkhAni dhanAnIva dhanairnR^iNAm || 13\.110||
dR^iShTvA jagati jantUnAM kAle kAle bhavAbhavam |
phalAnAmiva kAlaj~naH ko.anushochati tattvadhIH || 13\.111||
janakena purA pR^iShTo jagAda brAhmaNo.ashmakaH |
svabhAvanashvarAnbhAvAnna shochanti vivekinaH || 13\.112||
na kashchiddR^ishyate.atyetuM sthAvareShu chareShu cha |
shakto hyAyuShi maryAdAM yaH kAlavihitAM bhavet || 13\.113||
dhanamAyuH sharIraM cha jAtistaruNatA tathA |
bhajante kAlavaichitryAnnAnArUpaviparyayam || 13\.114||
uchchA nIchatvamAyAnti vishIryante cha saMhatAH |
bhavanti kila kAlena nimnAnyuchChrAyavanti cha || 13\.115||
hInavaMshAH kulInatvaM dhaninashcha daridratAm |
yAnti mUrkhAshcha vaiduShyaM daurbhAgyaM subhagAstathA || 13\.116||
svalpAyuShashcha rAjAno daridrAshcha shatAyuShaH |
jarAbhagnAshcha dR^ishyante rasAyanavichakShaNAH || 13\.117||
dhanino vyAdhisantaptA daridrAshcha nirAmayAH |
Ayurvedavido yAnti taruNA eva pa~nchatAm || 13\.118||
mUrkhAH sadAchAraratAH paNDitA dharmavarjitAH |
bhavanti kAlavihataistaistaiH kila viparyayaiH || 13\.119||
api trailokyakartAraschaturmukhamukhAH surAH |
na hi kAlakaTAkSheNa lakShitaM rakShituM kShamAH || 13\.120||
shrImatAM hInavittAnAM dhImatAM jaDachetasAm |
tulyaM niranurakto hi kAlapaNyagR^ihe krayaH || 13\.121||
kAlAnilavilolAnAM dehinAM bhavakAnane |
drumANAmiva jAyante mitho nityaM gamAgamAH || 13\.122||
akasmAtsa~Ngato nAma yadyakasmAdvinashyanti |
shokaH kiM tatra jantUnAM satataM hi gatAgatam || 13\.123||
na viyogeShu santApaH kAryaH kila vivekibhiH |
abhAvAnubhave bhAvA bhave hi kShaNabha~NginaH || 13\.124||
ashmakeneti kathitaM kathayitvA munIshvaraH |
virarAma samAlokya gADhashoka yudhiShThiram || 13\.125||
 
iti bhAratama~njaryAM kShemendravirachitA ashmakagItA samAptA | 
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}