% Text title : bhagavadgItA from Bharatamanjari of Kshemendra % File name : bhagavadgItABM.itx % Category : giitaa, kShemendra % Location : doc\_giitaa % Author : Kshemendra % Description/comments : kAvyamAlA 65. Bharatamanjari % Latest update : October 15, 2022 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. bhagavadgItA from Bharatamanjari of Kshemendra ..}## \itxtitle{.. bhagavadgItA bhAratama~njaryAM kShemendravirachitA ..}##\endtitles ## \section{1} atha prathamo.adhyAyaH | shR^iNu rAjanhatAnantasAmantaH shantanoH sutaH | vidadhe pANDuputrANAM yathA vijayasaMshayam || 6\.28|| vajrasUchImukhAkhyAbhyAM pyUhAbhyAM rAjaku~njaraiH mitho vyUDheShvanIkeShu gA~NgeyenArjunena cha || 6\.29|| tasminkShattrakShayakShetre sarvakShattrasamAgame | duryodhane.atisaMrabdhe pR^ithusainyAbhimAnini || 6\.30|| gA~Ngeyasha~NkhanAdena samudbhUte balArNave | sha~Nkhashabdena pArthAnAM pA~nchajanyAnuyAyinA || 6\.31|| pUrite bhuvanAbhoge dikShu visphUrjitAsviva | sarvasenAshrayaH shrImAnvijayo.achyutasArathiH || 6\.32|| dadarsha kurusenAsu gurusambandhibAndhavAn | nijapratApadahane sa teShAM shalabhAyitam | matvA jagAda govindaM viShaNNaH karuNAnidhiH || 6\.33|| aho vata vimUDhAnAM rAjyaleshe sukhAya naH | kR^iShNa bandhuvadhe.apyasminsasaMrambho.ayamudyamaH || 6\.34|| avatIrya sadAchArastutikramyakulasthitim | kathaM guruvadhaprApyAM bhajedasmadvidhaR^i shriyam || 6\.35|| ityuktvA sAsrunayano bIbhatsuH kR^ipayA rathe | karAdutsR^ijya gANDIvaM niShasAda viShAdavAn || 6\.36|| iti shrImadbhagavadgItAsu prathamo.adhyAyaH || 1|| \section{2} taM dR^iShTvA shokavivashaM jagAda madhusUdanaH | akANDe dhairyasArasya keyaM kAtaratA tava || 6\.37|| tarasvI kShatriyo mAnI prANairapi yashaHkrayI | nijAM kulasthitiM pArtha na dharmyAM hAtumarhasi || 6\.38|| saMyuktaM vA viyuktaM vA nityaM dehena dehinam | vishvamAyAprapa~nche.asmanko.anushochati tattvadhIH || 6\.39|| sukhAdyavasthA dehasya kAle kAle yathAvidhAH | dehino.asya tathA dehAH sataH sattAvivarjitAH || 6\.40|| viShayendriyasaMyogAnkShayino harShashokadAn | sahate yo viluptAtmA nirvANaM tasya shAshvatam || 6\.41|| ajasya purANasya dehino.asyAvinAshinaH | jIrNaparNaparAvR^ittitulyeyaM dehakalpanA || 6\.42|| AdimadhyAvasAneShu vyaktAvyaktasvarUpiNaH | sata evAsya satataM na virAmaH sharIriNaH || 6\.43|| ayashasyamatastyaktvA sa~NkochaM vipulAshayaH | jayAjayau samaM matvA visha svargonmukho raNam || 6\.44|| AsthAya yaugikIM buddhiM karmabandhavivarjitaH | shuShkavedakriyAhInaM guNAtItaM padaM bhuja || 6\.45|| sarvavedeShu viduShAmetadeva prayojanam | jalAshayeShu pUrNeShu yathA salilahAriNAm || 6\.46|| niHsa~NgaH phalasannyAsI kuru karma sadoditaH | parameshvaramevAhi(?)vANijyaM hi phalArthinAm || 6\.47|| yadA te vItamohasya buddhiryAsyati nirvR^itim | kR^itI bhaviShyasi tadA shruteShvartheShvanAdaraH || 6\.48|| iti bruvANaH pArthena sthitapraj~nasya lakShaNam | pR^iShTaH samAdhisaktasya bhagavAnityabhAShata || 6\.49|| IshvarAdaparo nAhamiti svAnandanirbharaH | nirastAkhilasa~NkalpaH sthitapraj~no.abhidhIyate || 6\.50|| Aste kUrma ivA~NgAni kAmAnsaMvR^ityayaH shrayam | viShayAdhyAnavirahAtsthitadhIrna sa nashyati || 6\.51|| kaShTaistapobhirviShayAH shuShyantyeva rasaM vinA | anAdaraviraktAnAM sadApyadhyAtmadarshinAm || 6\.52|| nidrArlubhUtakAleShu prabuddhistimireShu yaH | sa mahAbdhirivAkShobhyaH sthitiM brAhmIM prapadyate || 6\.53|| iti shrIgItAsu dvitIyo.adhyAyaH || 2|| \section{3} shrutvaitadarjunaH kR^iShNamuvAchAkulitAshayaH | kathamevaM vadanghore samare.asminyunakShi mAm || 6\.54|| karmaNaH shreyasI buddhirityuktvApi svayaM vibho | karma durmatiyogyaM mAM prashaMsasi vimohayan || 6\.55|| shreyo vadetyuktavati shvetAshve keshavo.abravIt | niShThA praj~nAnakarmabhyAM mayoktA sA~NkhyayogayoH || 6\.56|| anArambhAnna cha tyAgAtkarmaNo muchyate janaH | shrotrAdayo balAdasya dhAvantyeva svakarmasu || 6\.57|| smaranti manasA sarvaM ruddhakarmendriyA api | mithyAchArAnatvasaktAH(?)karmiNo niyatAntarAH || 6\.58|| shreyo hyakarmaNaH karma na yaj~naH karmaNA vinA | yaj~nasheShAshinaH puNyadrumAH kevalabhoginaH || 6\.59|| karmasthito.api niHsa.nj~no(sa~Ngo) yadA prApnoti mAnavaH | AtmArAmadashAstuShThastadA kAryAnnivartate || 6\.60|| karmaNaiva gatAH siddhiM janakapramukhAH purA | tanmA kAryAnnivartasva lokastvAmanuvartatAm || 6\.61|| mamApi kR^itakR^ityasya karmedaM sthitirakShiNaH | vinasyatyanyathA loko matpramANavishR^i~NkhalaH || 6\.62|| pAtraM sarvaj~nayogyeShu nAdareShu pR^ithagjanaH | tasmAnnotsAhayedetAnpa~NgUnvegagatAniva || 6\.63|| yudhyasva sarvakarmANi mayi sannyasya nirvR^itaH | taranti hi tamo ghoraM nityaM manmatavartinaH || 6\.64|| prakR^iteruchitaM sarvaM svadharmanirataH kuru | rAgadveShau parityajya priyApriyasamudbhavau || 6\.65|| shrutvaitadarjuno.avAdItpreritaH kena pAtakam | charatyanIshvaraH prANI balAdiva vashIkR^itaH || 6\.66|| iti pR^iShTo hR^iShIkesho jagAda jagatAM patiH | rajoguNasamutthena harShashokAdidAyinA || 6\.67|| lokasaMhArashIlena kAmena krodhabandhunA | aha~NkAreNa balinA ghoreNAnena vairiNA || 6\.68|| shevAlenaiva salilaM rajasevAmalaM nabhaH | AvR^ito malinonAtmA meghenaivodito raviH || 6\.69|| manobuddhisamAyuktaM sthAnamindriyapa~njaram | yasya taM duHsahaM shatruM kAmarUpa vinAshaya || 6\.70|| iti shrImadbhagavadgItAsu tR^itIyo.adhyAyaH || 3|| \section{4} sUryeNAptaH purA matto yogo.ayaM manunA tataH | ya eva kAlenotsannastubhyamadya mayoditaH || 6\.71|| anekajanmasAkShI tvaM bhaktaH sahacharo.api me | na tatsmR^itipathaM yAtaM kintu te prAktanaM vapuH || 6\.72|| ahaM tu nityadharamasya sthitaye guptaye satAm | yuge yuge bhavAmyeSha vinAshAya dR^irAtmanAm || 6\.73|| akR^itaM dharmakartAraM karmaitannAvR^iNoti mAm | tvamapyasakto niShkAmaH kuru karma kulochitam || 6\.74|| durj~neyaH pravibhAgastu karmAkarmavikarmaNAm | svochitaM phalahInaM cha viruddhaM cheti bhedataH || 6\.75|| karmaNaH phalasannyAsAdyo.anupashyatyakarmatAm | jAnAtyakarmaNaH pApAtkarma yashcha sa buddhimAn || 6\.76|| j~nAnAgninA dagdhakarmA nityAnando nirAshrayaH | nirAshIrniraha~NkAro yajvA brahmaNi lIyate || 6\.77|| brahmArpaNena brahmagnau hutvA brahmamayaM haviH | prANayaj~narato yAti brahma brahmasamAdhinA || 6\.78|| saMyamAgnAvindriyANi viShayAnindriyAnale | tatkarmANyAtmayogAgnau hutvA yAnti parAM gatim || 6\.79|| ye.api dravyatapoyogasvAdhyAyaj~nAnayAjinaH | prANApAnAdiha viSho dhR^itvA nADIShu dhAraNam || 6\.80|| samarpayanti nikhilaM j~nAnaM vigatakalmaShAH | te prayAnti paraM dhAma yaj~nashiShTAmR^itAshinaH || 6\.81|| tadvidhAH praNipAtena sevitA j~nAninastvayA | ayatnAttvAM vidhAsyanti svAtmanyakhiladarshinam || 6\.82|| j~nAnAgninA dagdhapApaH pavitreNa bhaviShyasi | kAlena shraddadhAnAnAM svayaM j~nAnaM prasIdati || 6\.83|| nashyanti saMshayajuSho mUDhA na tvastasaMshayAH | j~nAninaH saMshayaM tvasmAtsthitvottiShTha vibhUtaye || 6\.84|| iti shrImadbhagavadgItAsu chaturtho.adhyAyaH || 4|| \section{5} nishamya tatpunaH pArthaH paprachCha madhusUdanam | sannyAsakarmayogAbhyAM shreyo brUhi janArdana || 6\.85|| iti pR^iShTo.avadachChaurirubhAvetau vimuktaye | karmayogastu sannyAsAdvishiShTa iti me matiH || 6\.86|| shR^iNvanto.api vadanto.api spR^ishanto.api svakarmaNi | saktA api na sajjanti pa~Nke ravikarA iva || 6\.87|| tadeva vihitaM ki~nchitpuMsAM sukR^itaduShkR^itam | aj~nAnapihite j~nAne kiM tveShA karmavAsanA || 6\.88|| j~nAnenotsAritA j~nAnAH parAM niShThAmupAgatAH | brAhmaNe vA shvapAke vA vibudhAH samadR^iShTayaH || 6\.89|| bAhye sukhe viraktAnAM duHkhajanmani nashvare | antaHsukhArAmatayA paraM jyotiH prasIdati || 6\.90|| bahiH sparshAnsamutsR^ijya bhrUmadhyanihitekShaNaH | nAsAntare samau dhR^itvA prANApAnau vimuktaye || 6\.91|| kAmarAgamadadveShabhayakrodhavivarjitaH | ahantA j~nAnatamasAM shAntiM vindatyamatsaraH || 6\.92|| iti shrImadbhagavadgItAsu pa~nchamo.adhyAyaH || 5|| \section{6} kriyAvAnaphalAkA~NkShI nijaM karma karoti yaH | ArurukShudashAtIto yogArUDho vimatsaraH || 6\.93|| kUTastho j~nAnatR^iptashcha pashyatyAtmAnamAtmanA | samAsanaH samAkAro nistara~Nga ivodadhiH || 6\.94|| ghrANAgradarshI shAntAtmA mAmupaiti samAdhinA | yuktAhArAdicheShTasya nityaM niShkampachetasaH || 6\.95|| AtmalAbho bhavatyeva tyaktakAmasya yoginaH | manaH saMyamya pashyanti sravatyetadyato yataH || 6\.96|| AtmAnaM mAM cha sarvatra mamAtmani tathAkhilam | manasashcha~nchalasyAsya vairAgyeNaiva saMyamaH || 6\.97|| tathAbhyAsena balinA vAtasyeva pramAthinaH | etadAkarNya kaunteyaH punaH paprachCha keshavam || 6\.98|| lolatvAnmanaso deva yogAdbhraShTasya kA gatiH | arjuneneti bhagavAnpunaH pR^iShTo.abhyabhAShata || 6\.99|| yogabhraShTo.api puruShaH shubhakR^ittu bhaviShyati | chiraM bhuktvA sukhaM divyaM sa kalyANapuraH saraH || 6\.100|| bhoginAM yoginAM vApi sambhUto mahatAM kule | pUrvAbhyastaM punardhImA~njanmabhiH pratipadyate | tapo j~nAnAdhikaM yogaM tasmAdyogI bhavArjuna || 6\.101|| iti shrImadbhagavadgItAsu ShaShTho.adhyAyaH || 6|| \section{7} mayi nyastamanA nityaM bhaktyA mAM vetti mAnava | aShTamUrtirahaM sarvaM jIvabhUtashcharAchare || 6\.102|| utpattisthitisaMhArakAraNaM mAM vidurbudhAH | sarve matprANitA bhAvA mayi sarvaM pratiShThitam || 6\.103|| devIM mAyAM dadhAnaM mAM na jAnAti vimohitaH | ye tu jAnanti mAM mAyAM bhavanti kR^itinaH sadA || 6\.104|| arthI jij~nAsurArto vA j~nAnI vA mAM prapadyate | priyaH priyasya satataM j~nAninastvasmi gochare || 6\.105|| ananyadevatAbhaktAH shraddhAvanto visaMshayAH | vAsudevaH sarvamiti yajante mAM mumukShavaH || 6\.106|| te brahmAdhyAtmakarmAkhyaM sAdhibhUtaM vidanti mAm | sAdhidaivAdhiyaj~naM cha dehavyuparameShvapi || 6\.107|| iti shrImadbhagavadgItAsu saptamo.adhyAyaH || 7|| \section{8} achyutenetyabhihite shakrasUnurabhAShata | kimetadbrahma bhagavannadhiyaj~naH kimuchyate || 6\.108|| iti pR^iShTo hR^iShIkesho babhAShe shvetavAhanam | anashvaraM parabrahma bhAvo.adhyAtmA tathAtmanaH || 6\.109|| niHsa~Ngo bhavakR^itkarma nashvareShvadhibhUtatA | adhidaivo.ahamevAtra hyadhiyaj~no.apyahaM vibhuH || 6\.110|| antakAle smaranto mAM pravishantyeva bhAvitAH | paryante bhAvatulyA hi nR^iNAM janmAntarasthitiH || 6\.111|| kaviM purANaM shAstAramaNIyAMsamaNorapi | parastAttamaso nityaM ye smaranti raviprabham || 6\.112|| bhrUmadhye vihitaprANA brahmarandhravibhedinaH | omityekAkSharaM brahma japanto yAnti te param || 6\.113|| brahmAdibhirbhUtasargashchakravatparivartate | paraM mAM pratipannAste na bhavanti bhave punaH || 6\.114|| vaira~nche.asminnahorAtre bhavanti na bhavanti cha | bhUtAnyekastu bhagavAnavyakto na vinashyati | tejomayamahaH shuklo mokShAyaivottarAyaNam || 6\.115|| iti shrImadbhagavadgItAsvaShTamo.adhyAyaH || 8|| \section{9} rAjaguhyamidaM chAnyatpavitraM shR^iNu phalguNa | ashraddadhAno nApnoti mAM saMsAravashIkR^itaH || 6\.116|| sarvakartari bhUtAni mayi santi na teShvaham | lokAH sthitA na sthitAshcha mayi vyomnIva vAyavaH || 6\.117|| adhiShThitaiShA prakR^itirmayA sUte charAcharam | asaktaM mAM na jAnanti malinAmoghadarshinaH || 6\.118|| sarvaM sarvagataM yaj~naM vedyaM bIjaM bhavAbhavam | vidanti mAM sukutinaH sarvakAraNakAraNam || 6\.119|| trayIdharmajuShaH svargabhogalAbhakShayAkulAH | na prApnuvanti mAM shuShkakriyApAshavashIkR^itAH || 6\.120|| madekasharaNA nityaM kR^itino.ananyayAjinaH | apyanyayonisambhUtAH svayamAyAnti yatpadam || 6\.121|| iti shrImadbhagavadgItAsu navamo.adhyAyaH || 9|| \section{10} bhUyo.api me shR^iNu sakhe prItyA yatpratibodhyase | na tattvenAmaragaNA munayo vA vidanti mAm || 6\.122|| charAchare.asminpravaraM yadyatpashyasi bhUtimat | tadahaM sarvabhUtAtmA na hi ki~nchinmayA vinA || 6\.123|| ahaM viShNurahaM sUryashchandro.ahaM maghavAnaham | sha~Nkaro.ahaM dhaneshashcha vahniH suragurustathA | akSharo.ahamahaM kAlo jayo.ahaM bhUtirapyaham || 6\.124|| iti shrImadbhagavadgItAsu dashamo.adhyAyaH || 10|| \section{11} shrutvaitadavadatpArtho jAne tvAM sarvamachyuta | kintu vishvamayaM rUpaM draShTumichChami te vibho || 6\.125|| ityuktaH pANDuputreNa bhagavAnkaiTabhAntakaH | vishvAviShkArakalayA vishvarUpamadarshayat | 6\.126|| tasyAnantashironetrasahasrabhujashAlinaH | dehe jagannivAsasya lInaM vishvamadR^ishyata || 6\.127|| atisUryAgnimahasA tejasA pUritAmbaram | dR^iShTvA pulakitaH pArthastamuvAcha kR^itA~njaliH || 6\.128|| pashyAmyudagragIrvANagrAmavyAptoruvigraham | tvAM yena pUritaM sarvamanavachChinnavarShmaNA || 6\.129|| brahmarudramarudvahnimunIndrabhujagAkulam | draShTuM tadeva paryantarahitaM notsahe vapuH || 6\.130|| bhIShmadroNamukhAnvIrAnpraviShTAnvadanAni te | daMShTrotkaTAni pashyAmi kAlasyeva yugakShaye || 6\.131|| ko bhavAnsarvasaMhArAraudreNa vapuShAsUdanaH | akANDe dagdhumakhilAnsvayaM lokAnsamudyataH || 6\.132|| ityuktavati kaunteye jagAda madhusUdanaH | ahaM jagatkShayotkShopadIkShitaH kShitipAntakaH || 6\.133|| kurusenAgragAnvIrAnpUrvaM vinihatAnmayA | hatvA yashaHshriyA jR^iShTamavApnuhi kulochitam || 6\.134|| tachChrutvA kAliyArAtervachaH pArthaH kR^itA~njaliH | uvAcha kampitamanAH praNato gadgadasvanaH || 6\.135|| kIrtyA jaganti hR^iShyanti stutayA siddhachAraNaiH | dIptyA dravanti rakShAMsi sthAne tava janArdana || 6\.136|| naumi tvAM jagadAvAsaM vishvarUpamadhokShajam | anantaM shAshvataM dhAma sarvAtmAnaM punaH punaH || 6\.137|| kShamyatAM tatsuhR^iditi svayaM yatpraNatapriyaH | ukto.asi kR^iShNa govinda yAdaveti purA mayA || 6\.138|| ugraM tadevaM bhagavandR^iShTvA rUpamahaM mahat | chakrArUDhamivAsheShaM pashyAmi nikhilaM jagat | 6\.139|| prasIda darshaya vibho vapuH saumyaM tadeva me | shAntiM me yAti sahasA nAnyatA vyathitaM manaH || 6\.140|| iti prasAditaH kR^iShNaH praNatena kirITinA | adarshayannijaM rUpaM tadevAtha chaturbhujam || 6\.141|| devA api na pashyanti mamedaM sarvagaM vapuH | ityuktvAshvAsayAmAsa kaunteyaM kamalAdhavaH || 6\.142|| iti shrImadbhagavadgItAsvekAdasho.adhyAyaH || 11|| \section{12} athArjuno.avadatkR^iShNaM ye bhaktAstvAmupAsate | avyaktamakSharaM ye cha teShAM ke.adhikayoginaH || 6\.143|| pArtheneti hariH pR^iShTo vihitAnugraho.avadat | madbhaktAH shraddhayopetAH sarvathA yogino.adhikAH || 6\.144|| kleshenaiva tu matprAptiravyaktAkSharasevanAt | sUkShmasthUlagatirduHkhaM tattvaj~nairapyavApyate || 6\.145|| madbhaktAstvachirAdeva prApnuvanti paraM padam | atastvaM manmanA nityamananyanirato bhava || 6\.146|| vashe yadi na te chittamabhyAsena gR^ihANa tat | tatrApyashakto matkarmA satataM shreyase bhava || 6\.147|| athavA phalasannyAsaM karmaNAM kuru matparaH | j~nAnaM hi paramAbhyAsAjj~nAnAd.h{}dhyAnamihottamam || 6\.148|| dhyAnAchcha phalasannyAsastataH shAntirvishiShyate | adveShTA karuNAsindhuH sukhaduHkhasamaH shamI || 6\.149|| udAsInaH shuchirdakShaH kShamI bhaktaH priyo mama | iti shrImadbhagavadgItAsu dvAdasho.adhyAyaH || 12|| \section{13} sharIraM kShetramityAhuH kShetraj~naM mAM vidurbudhAH | kShetraM tatsavikAraM tu mAyA bhUtAdi cha sthitam || 6\.150|| shAntAnAM dR^iShTadoShANAM j~nAninAM na vimohanam | mAnadambhamadakrodhatyAgo guruniShevaNam || 6\.151|| asaktirnashvare nityaM j~nAnamaj~nAnamanyathA | j~neyaM tu manmayaM brahma shuddhaM sadasatoH param || 6\.152|| sarvataH pANivadanaM sarvAkAramanAmayam | prakR^itiH puruShashcheti kShetrakShetraj~nasa~NgamaH || 6\.153|| prakR^itiH karaNe heturbhoktA tu puruShaH smR^itaH | ekasthAnaM pR^ithagbhAvaM bhUtAnAM yo.anupashyati || 6\.154|| tatsa~NgamAchcha vistAraM sa yAti brahma shAshvatam | paramAtmA guNAtIto nityatvAdayamavyayaH | bhautike.api sthitaH kAye sarvavyApI na lipyate || 6\.155|| iti shrImadbhagavadgItAsu trayodasho.adhyAyaH || 13|| \section{14} sarvaj~nAnamidaM bhUyaH shrUyatAM surasevitam | yadyogo brahmagarbhe.asminsambhavanmUrtisambhavaH || 6\.156|| sattvAdayastadudbhUtA vibhAntyete guNAstrayaH | vaichitryAdanishaM yeShAM saMsaranti sharIriNaH || 6\.157|| sattvaM prakAshakaM j~neyaM yadutthaiH stambhakaM rajaH | tamo hyAvaraNaM mohapramAdAdyasya sambhavaH || 6\.158|| satataM sa~NkareNaiShAM nyUnAdhikyavibhedataH | guNadoShAshcha dR^ishyante te te kila sharIriNAm || 6\.159|| madbhaktAH shAntamanaso jIvanmuktidashAM shritAH | guNairetaiH parityaktA bhajante sukhamakShayam || 6\.160|| iti shrImadbhagavadgItAsu chaturdasho.adhyAyaH || 14|| \section{15} UrdhvamUlaM bhavAshvatthamAbrahmasadanoditam | lokAntarAnekashAkhaM vichitraviShayA~Nkuram || 6\.161|| guNakarmaprabuddhAnAM shubhAshubhaphalodayam | svabhAvabhUmAvavR^itaM jAnIte yaH sa vedavit | 6\.162|| tamasa~NgakuThAreNa chChittvA yAnti padaM mama | nirastamohaM vaimalyAdatisUryendupAvakam || 6\.163|| yadaMsho jIvaloke.asmi~njIvashcharati sarvagaH | vAyurgandhamivAdAya yo yAtIndriyavAsanAH || 6\.164|| tadvidhaM guNayuktAnAM sarvAvasthAsu nirguNam | pashyanti j~nAninaH sarvajagatAM jIvanaM param || 6\.165|| bhUtasargAmivAgatya akSharo.ahaM sanAtanaH | manmayA dhR^itimanto mAM bhajante puruShottamam || 6\.166|| iti shrImadbhagavadgItAsu pa~nchadasho.adhyAyaH || 15|| \section{16} abhIH sattvaM shuchirj~nAnaM damo dAnaM tapaH kratuH | ahiMsAyA guNAshchAnye jAyante divyasampadAm || 6\.167|| dambhamAnamadakrodhapAruShyAj~nAnachApalaiH | AsurI sUchyate sampanmohasokavivardhinI || 6\.168|| yukto.api satataM divyasampadA mA shuchaH sakhe | AsuraM bhAvamApannA bhajante yonimAsurIm || 6\.169|| sattvAdibhirguNairbaddho j~nAyate cheShTitairjanaH | manobhojanamAchAro guNatulyo hi dehinAm || 6\.170|| iti shrImadbhagavadgItAsu ShoDasho.adhyAyaH || 16|| \section{17} AkarNyaitadathovAcha phalgunaH punarachyutam | sannyAsatyAgayostatvaM j~nAtumichChAmyahaM vibho || 6\.171|| ukte pANDusuteneti bhagavAnabhyabhAShata | kAmyakarmaphalatyAgaM sannyAsaM samprachakShate || 6\.172|| sarvakarmaphalatyAgastyAga ityabhidhIyate | ma(sa)tkarma na parityAjyaM tyAjyaM tu vidhigarhitam || 6\.173|| nityakarmaparityAgo mohAttAmasa uchyate | kleshaduHkhabhayAttyAgo rAjaso niShphalaH smR^itaH | kurvatAmapyasaktAnAM tyAgaH sattvochito mataH || 6\.174|| iti shrImadbhagavadgItAsu saptadasho.adhyAyaH || 17|| \section{18} karma kartA cha buddhishcha trividhA guNabhedataH | dhR^itiH sukhaM cha traiguNyAttrividhaM dehinAM matam || 6\.175|| yathoktasevI niHsa~NgaH kuru karma nijaM sakhe | madbhakto matstutiparaH paraM padamavApsyasi || 6\.176|| idaM bhaktAya te j~nAnamupadiShTaM mayA svayam | yaH shroShyati sa saMsAraduHkhAnyatitariShyati || 6\.177|| kachchinmoho vinaShTaste kachchidetachChrutaM tvayA | keshaveneti kathite babhAShe shakranandanaH || 6\.178|| bhagavanvItamoho.ahaM kariShye tava shAsanam | uktveti vIro gANDIvamAchakarSha raNotsukaH || 6\.179|| iti shrImadbhagavadgItAsvaShTAdasho.adhyAyaH || 18|| iti bhAratama~njaryAM kShemendravirachitA bhagavadgItA samAptA | ## \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}