% Text title : gItAsAra agnipurANAntargatam % File name : gItAsAraagnipurANa.itx % Category : gItA, giitaa, bhagavadgita % Location : doc\_giitaa % Transliterated by : sa.wikisource.org % Proofread by : PSA Easwaran psaeaswaran at gmail.com % Description-comments : Agnipurana adhyAya 381 % Latest update : May 18, 2013 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shrimad Gitasara from Agni Purana 381 ..}## \itxtitle{.. shrImad gItAsAraH agnipurANAntargataH ..}##\endtitles ## agniruvAcha \-\- gItAsAraM pravakShyAmi sarvagItottamottamam | kR^iShNo.arjunAya yamAha purA vai bhuktimuktidam || 381\.1 || shrIbhagavAnuvAcha \-\- gatAsuragatAsurvA na shochyo dehavAnajaH | AtmA.ajaro.amaro.abhedyastasmAchChokAdikaM tyajet || 381\.2 || dhyAyato viShayAn puMsaH sa~NgasteShUpajAyate | sa~NgAt kAmastataH krodhaH krodhAtsammoha eva cha || 381\.3 || sammohAt smR^itivibhraMsho buddhinAshAt praNashyati | duHsa~NgahAniH satsa~NgAnmokShakAmI cha kAmanut || 381\.4 || kAmatyAgAdAtmaniShThaH sthirapraj~nastadochyate | yA nishA sarvabhUtAnAM tasyAM jAgarti saMyamI || 381\.5 || yasyAM jAgrati bhUtAni sA nishA pashyato muneH | Atmanyeva cha santuShTastasya kAryaM na vidyate || 381\.6 || naiva tasya kR^itenArtho nAkR^iteneha kashchana | tattvavittu mahAvAho guNakarmavibhAgayoH || 381\.7 || guNA guNeShu vartante iti matvA na sajjate | sarvaM j~nAnaplavenaiva vR^ijinaM santariShyati || 381\.8 || j~nAnAgniH sarvakarmANi bhasmasAt kurute.arjuna | brahmaNyAdhAya karmANi sa~NgaM tyaktvA karoti yaH || 381\.9 || lipyate na sa pApena padmapatramivAmbhasA | sarvabhUteShu chAtmAnAM sarvabhUtAni chAtmani || 381\.11 || IkShate yogayuktAtmA sarvatra samadarshanaH | shuchInAM shrImatAM gehe yogabhraShTo.abhijAyate || 381\.11 || na hi kalyANakR^it kashchiddurgatiM tAta gachChati | daivI hyeShA guNamayI mama mAyA duratyayA || 381\.12 || mAmeva ye prapadyante mAyAmetAM taranti te | Arto jij~nAsurarthArthI j~nAnI cha bharatarShabha || 381\.13 || chaturvidhA bhajante mAM j~nAnI chaikatvamAsthitaH | akSharaM brahma paramaM svabhAvo.adhyAtmamuchyate || 381\.14 || bhUtabhAvodbhavakaro visargaH karmasaMj~nitaH | adhibhUtaM kSharo bhAvaH puruShashchAdhidaivatam || 381\.15 || adhiyaj~no.ahamevAtra dehe dehabhR^itAM vara | antakAle smaranmA~ncha madbhAvaM yAtyasaMshayaH || 381\.16 || yaM yaM bhAvaM smarannante tyajeddehaM tamApnuyAt | prANaM nyasya bhruvormadhye ante prApnoti matparam || 381\.17 || omityekAkSharaM brahma vadan dehaM tyajan tathA | brahmAdistambhaparyantAH sarve mama vibhUtayaH || 381\.18 || shrImantashchorjitAH sarve mamAMshAH prANinaH smR^itAH | ahameko vishvarupa iti j~nAtvA vimuchyate || 381\.19 || kShetraM sharIraM yo vetti kShetraj~naH sa prakIrtitaH | kShetrakShetraj~nayorj~nAnaM yattajj~nAnaM mataM mama || 381\.21 || mahAbhUtAnyaha~NgAro buddhiravyaktameva cha | indriyANi dashauka~ncha pa~ncha chendriyagocharAH || 381\.21 || ichChA dveShaH sukhaM duHkhaM sa~NghAtashchetanA dhR^itiH | etatkShetraM samAsena savikAramudAhR^itam || 381\.22 || amAnitvamadambhitvamahisA kShAntirArjavam | AchAryopAsanaM shauchaM sthairyamAtmavinigrahaH || 381\.23 || indriyArtheShu vairAgyamanaha~NkAra eva cha | janmamR^ityujarAvyAdhiduHkhadoShAnudarshanam || 381\.24 || AsaktiranabhiShva~NgaH putradAragR^ihAdiShu | nitya~ncha samachittattvamiShTAniShTopapattiShu || 381\.25 || mayi chAnanyayogena bhaktiravyabhichAriNI | viviktadeshasevitvamaratirjanasaMsadi || 381\.26 || adhyAtmaj~nAnaniShThatvan tattvaj~nAnAnudarshanam | etajj~nAnamiti proktamaj~nAnaM yadato.anyathA || 381\.27 || j~neyaM yattat pravakShyAmi yat j~nAtvA.amR^itamashnute | anAdi paramaM brahma sattvaM nAma taduchyate || 381\.28 || sarvataH pANipAdAM tat sarvato.akShishiromukham | sarvataH shrutimalloke sarvamAvR^itya tiShThati || 381\.29 || sarvendriyaguNAbhAsaM sarvendiyavivarjitam | asaktaM sarvabhR^ichchaiva nirguNaM guNabhoktR^i cha || 381\.31 || bahirantashcha bhUtAnAmachara~ncharameva cha | sUkShamatvAttadavij~neyaM dUrastha~nchAntike.api yat || 381\.31 || avibhakta~ncha bhUteShu vibhaktamiva cha sthitam | bhUtabhartR^i cha vij~neyaM grasiShNu prabhaviShNu cha || 381\.32 || jyotiShAmapi tajjayotistamasaH paramuchyate | j~nAnaM j~neyaM j~nAnagamyaM hR^idi sarvasya ghiShThitam || 381\.33 || dhyAnenAtmani pashyanti kechidAtmAnamAtmanA | anye sA~Nkhyena yogena karmayogena chApare || 381\.34 || anye tvevamajAnanto shrutvAnyebhya upAsate | te.api chAshu tarantyeva mR^ityuM shrutiparAyaNAH || 381\.35 || ## BG 13.25## chAtitara sattvAtsa~njAyate j~nAnaM rajaso lobha eva cha | pramAdamohau tamaso bhavato.aj~nAnameva cha || 381\.36 || guNA vartanta ityeva yo.avatiShThati ne~Ngate | mAnAvamAnamitrAritulyastyAgI sa nirguNaH || 381\.37 || UrdhvamUlamadhaHshAkhamashvatthaM prAhuravyayam | ChandAMsi yasya parNAni yastaM veda sa vedavit || 381\.38 || dvau bhUtasargau loke.asmin daiva Asura eva cha | ahiMsAdiH kShamA chaiva daivIsampattito nR^iNAm || 381\.39 || na shauchaM nApi vAchAro hyAsurIsampadodbhavaH | narakatvAt krodhalobhakAmastasmAttrayaM tyajet || 381\.41 || yaj~nastapastathA dAnaM sattvAdyaistrividhaM smR^itam | AyuH sattvabalArogyasukhAyAnnantu sAttvikam || 381\.41 || duHkhashokAmayAyAnnaM tIkShNarUkShantu rAjasam | amedhyochChiShTapUtyannaM tAmasaM nIrasAdikam || 381\.42 || yaShTavyo vidhinA yaj~no niShkAmAya sa sAttvikaH | yaj~naH phalAya dambhAtmI rAjasastAmasaH kratuH || 381\.43 || ## var ## dambhArthaM shraddhAmantrAdividhyuktaM tapaH shArIramuchyate | devAdipUjA.ahiMsAdi vA~NmayaM tapa uchyate || 381\.44 || anudvegakaraM vAkyaM satyaM svAdhyAyasajjapaH | mAnasaM chittasaMshuddhermaunamAtmavinigrahaH || 381\.45 || sAttvika~ncha tapo.akAmaM phalAdyarthantu rAjasam | tAmasaM parapIDAyai sAttvikaM dAnamuchyate || 381\.46 || deshAdau chaiva dAtavyamupakArAya rAjasam | adeshAdAvavaj~nAtaM tAmasaM dAnamIritam || 381\.47 || oMtatsaditi nirdesho brahmaNastrividhaH smR^itaH | yaj~nadAnAdikaM karma bhuktimuktipradaM nR^iNAm || 381\.48 || aniShTamiShTaM mishra~ncha triviMdhaM karmaNaH phalam | bhavatyatyAginAM pretya na tu sannyAsinAM kvachit || 381\.49 || tAmasaH karmasaMyogAt mohAtkleshabhayAdikAt | rAjasaH sAttviko.akAmAt pa~nchaite karmahetavaH || 381\.51 || adhiShThAnaM tathA kartA karaNa~ncha pR^ithagvidham | trividhAshcha pR^ithak cheShTA daiva~nchaivAtra pa~nchamam || 381\.51 || ekaM j~nAnaM sAttvikaM syAt pR^ithag j~nAnantu rAjasam | atattvArthantAmasaM syAt karmAkAmAya sAttvikam || 381\.52 || kAmAya rAjasaM karma mohAt karma tu tAmasam | siddhyasiddhyoH samaH kartA sAttviko rAjaso.atyapi || 381\.53 || shaTho.alasastAmasaH syAt kAryAdidhIshcha sAttvikI | kAryArthaM sA rAjasI syAdviparItA tu tAmasI || 381\.54 || manodhR^itiH sAttvikI syAt prItikAmeti rAjasI | tAmasI tu prashokAdau sukhaM sattvAttadantagam || 381\.55 || sukhaM tadrAjasa~nchAgre ante duHkhantu tAmasam | ataH pravR^ittirbhUtAnAM yena sarvamidantatam || 381\.56 || svakarmaNA tamabhyarchya viShNuM siddhi~ncha vindati | karmaNA manasA vAchA sarvAvasthAsu sarvadA || 381\.57 || brahmAdistambhaparyantaM jagadviShNu~ncha vetti yaH | siddhimApnoti bhagavadbhakto bhAgavato dhruvam || 381\.58 || ityAdimahApurANe Agneye gItAsAro nAmaikAshItyadhikatrishatatamo.adhyAyaH || ## Agnipurana Chapter 381 From sa.wikisource.org Proofread by PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}