% Text title            : garbhagItA
% File name             : garbhagItA.itx
% Category              : gItA, giitaa
% Location              : doc\_giitaa
% Transliterated by     : PSA Easwaran psaeaswaran at gmail.com
% Proofread by          : PSA Easwaran psaeaswaran at gmail.com
% Latest update         : May 18, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. garbhagItA ..}##
\itxtitle{.. garbhagItA ..}##\endtitles ##
vande kR^iShNaM surendraM sthitilayajanane kAraNaM sarvajantoH
svechChAchAraM kR^ipAluM guNagaNarahitaM yoginAM yogagamyam |
dvandvAtItaM cha satyaM haramukhavibudhaiH sevitaM j~nAnarUpaM
bhaktAdhInaM turIyaM navaghanaruchiraM devakInandanaM tam ||
arjuna uvAcha \-\-
garbhavAsaM jarAmR^ityuM kimarthaM bhramate naraH |
kathaM vA vahitaM janma brUhi deva janArdana || 1||
shrIbhagavAnuvAcha \-\-
mAnavo mUDha andhashcha saMsAre.asmin vilipyate |
AshAstathA na jahAti prANAnAM janasampadAm || 2||
arjuna uvAcha \-\-
AshA kena jitA lokaiH saMsAraviShayau tathA |
kena karmaprakAreNa loko muchyeta bandhanAt || 3||
kAmaH krodhashcha lobhashcha madamAtsaryameva cha |
ete manasi vartante karmapAshaM katham tyajet || 4||
shrIbhagavAnuvAcha \-\-
j~nAnAgnirdahate karma bhUyo.api tena lipyate |
vishuddhAtmA hi lokaH saH punarjanma na bhu~njate || 5||
jitaM sarvakR^itaM karma viShNushrIguruchintanam |
vikalpo nAsti sa~NkalpaH punarjanma na vidyate || 6||
nAnAshAstraM paThelloko nAnAdaivatapUjanam |
Atmaj~nAnaM vinA pArtha sarvakarma nirarthakam || 7||
AchAraH kriyate koTi dAnaM cha girikA~nchanam |
AtmatattvaM na jAnAti muktirnAsti na saMshayaH || 8||
koTiyaj~nakR^itaM puNyaM koTidAnaM hayo gajaH |
godAnaM cha sahasrANi muktirnAsti na vA shuchiH || 9||
na mokShaM bhramate tIrthaM na mokShaM bhasmalepanam |
na mokShaM brahmacharyaM hi mokShaM nendriyanigrahaH || 10||
na mokShaM koTiyaj~naM cha na mokShaM dAnakA~nchanam |
na mokShaM vanavAsena na mokShaM bhojanaM vinA || 11||
na mokShaM mandamaunena na mokShaM dehatADanam |
na mokShaM gAyane gItaM na mokShaM shilpanigraham || 12||
na mokShaM karmakarmeShu na mokShaM muktibhAvane |
na mokShaM sujaTAbhAraM nirjanasevanastathA || 13||
na mokShaM dhAraNAdhyAnaM na mokShaM vAyurodhanam |
na mokShaM kandabhakSheNa na mokShaM sarvarodhanam || 14||
yAvadbuddhivikAreNa AtmatattvaM na vindati |
yAvadyogaM cha saMnyAsaM tAvachchittaM na hi sthiram || 15||
abhyantaraM bhavet shuddhaM chidbhAvasya vikArajam |
na kShAlitaM manomAlyaM kiM bhavet tapakoTiShu || 16||
arjuna uvAcha \-\-
abhyantaraM kathaM shuddhaM chidbhAvasya pR^ithak kR^itam |
manomAlyaM sadA kR^iShNa kathaM tannirmalaM bhavet || 17||
shrIbhagavAnuvAcha \-\-
prashuddhAtmA taponiShTho j~nAnAgnidagdhakalmaShaH |
tatparo guruvAkye cha punarjanma na bhu~njate || 18||
arjuna uvAcha \-\-
karmAkarmadvayaM bIjaM loke hi dR^iDhabandhanam |
kena karmaprakAreNa loko muchyeta bandhanAt || 19||
shrIbhagavAnuvAcha \-\-
karmAkarmadvayaM sAdho j~nAnAbhyAsasuyogataH |
brahmAgnirbhu~njate bIjaM abIjaM muktisAdhakam || 20||
yoginAM sahajAnandaH janmamR^ityuvinAshakam |
niShedhavidhirahitaM abIjaM chitsvarUpakam || 21||
tasmAt sarvAn pR^ithak kR^itya Atmanaiva vaset sadA |
mithyAbhUtaM jagat tyaktvA sadAnandaM labhet sudhIH || 22||

iti shrIgarbhagItA samAptA |

##

Encoded and proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}