% Text title : gurugiitaa % File name : gurugita.itx % Category : gItA, giitaa, gurudev % Location : doc\_giitaa % Author : Vyasa (by tradition) author of Puranas % Transliterated by : Sunder Hattangadi and Shankarans achintya at ican.net % Proofread by : Sunder Hattangadi(sunderh at hotmail.com) % Latest update : August 22 % Send corrections to : Sunder Hattangadi(sunderh@hotmail.com) % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. guru gItA - long version ..}## \itxtitle{.. guru gItA ..}##\endtitles ## \section{|| prathamo.adhyAyaH ||} achintyAvyaktarUpAya nirguNAya gaNAtmane | samastajagadAdhAramUrtaye brahmaNe namaH || 1|| R^iShaya UchuH | sUta sUta mahAprAj~na nigamAgamapAragam | gurusvarUpamasmAkaM brUhi sarvamalApaham || 2|| yasya shravaNamAtreNa dehI duHkhAdvimuchyate | yena mArgeNa munayaH sarvaj~natvaM prapedire || 3|| yatprApya na punaryAti naraH sa.nsArabandhanam | tathAvidhaM para.n tattva.n vaktavyamadhunA tvayA || 4|| guhyAdguhyatama.n sAra.n gurugItA visheShataH | tvatprasAdAchcha shrotavyA tatsarvaM brUhi sUta naH || 5|| iti samprArthitaH sUto munisa~NghairmuhurmuhuH || kutUhalena mahatA provAcha madhura.n vachaH || 6|| sUta uvAcha | shruNudhvaM munayaH sarve shraddhayA parayA mudA | vadAmi bhavarogaghnI.n gItAM mAtR^isvarUpiNIm || 7|| purA kailAsashikhare siddhagandharvasevite | tatra kalpalatApuShpamandire.atyantasundare || 8|| vyAghrAjine samAsIna.n shukAdimunivanditam | bodhayantaM para.n tattvaM madhye munigaNe kvachit || 9|| praNamravadanA shashvannamaskurvantamAdarAt | dR^iShTvA vismayamApanna pArvatI paripR^ichChati || 10|| pArvatyuvAcha | OM namo deva devesha parAtpara jagadguro | tvA.n namaskurvate bhaktyA surAsuranarAH sadA || 11|| vidhiviShNumahendrAdyairvandyaH khalu sadA bhavAn | namaskaroShi kasmai tva.n namaskArAshrayaH kila || 12|| dR^iShTvaitatkarma vipulamAshcharya pratibhAti me | kimetanna vijAne.aha.n kR^ipayA vada me prabho || 13|| bhagavan sarvadharmaj~na vratAnA.n vratanAyakam | brUhi me kR^ipayA shambho gurumAhAtmyamuttamam || 14|| kena mArgeNa bho svAmin dehI brahmamayo bhavet | tatkR^ipA.n kuru me svAminnamAmi charaNau tava || 15|| iti samprArthitaH shashvanmahAdevo maheshvaraH | AnandabharatiH svAnte pArvatImidamabravIt || 16|| shrI mahAdeva uvAcha | na vaktavyamida.n devi rahasyAtirahasyakam | na kasyApi purA prokta.n tvadbhaktyartha.n vadAmi tat || 17|| mama rUpAsi devi tvamatastatkathayAmi te | lokopakArakaH prashno na kenApi kR^itaH purA || 18|| yasya deve parA bhaktiryathA deve tathA gurau | tasyaite kathitA hyarthAH prakAshante mahAtmanaH || 19|| yo guruH sa shivaH prokto yaH shivaH sa guruH smR^itaH | vikalpa.n yastu kurvIta sa naro gurutalpagaH || 20|| durlabha.n triShu lokeShu tachChR^iNushva vadAmyaham | gurubrahma vinA nAnyaH satya.n satya.n varAnane || 21|| vedashAstrapurANAni chetihAsAdikAni cha | mantrayantrAdividyAnAM mohanochchATanAdikam || 22|| shaivashAktAgamAdIni hyanye cha bahavo matAH | apabhra.nshAH samastAnA.n jIvAnAM bhrAntachetasAm || 23|| japastapo vrata.n tIrtha.n yaj~no dAna.n tathaiva cha | gurutattvamavij~nAya sarva.n vyarthaM bhavetpriye || 24|| gurubuddhyAtmano nAnyat satya.n satya.n varAnane | tallAbhArthaM prayatnastu kartavyashcha manIShibhiH || 25|| gUDhAvidyA jaganmAyA dehashchAj~nAnasambhavaH | vij~nAna.n yatprasAdena gurushabdena kathayate || 26|| yada~Nghrikamaladvandva.n dvandvatApanivArakam | tArakaM bhavasindhoshcha ta.n guruM praNamAmyaham || 27|| dehI brahma bhavedyasmAt tvatkR^ipArtha.n vadAmi tat | sarvapApavishuddhAtmA shrIguroH pAdasevanAt || 28|| sarvatIrthAvagAhasya samprApnoti phala.n naraH | guroH pAdodakaM pItvA sheSha.n shirasi dhArayan || 29|| shoShaNaM pApapa~Nkasya dIpana.n j~nAnatejasaH | guroH pAdodaka.n samyak sa.nsArArNavatArakam || 30|| aj~nAnamUlaharaNa.n janmakarmanivArakam | j~nAnavij~nAnasiddhyartha.n gurupAdodakaM pibet || 31|| gurupAdodakaM pAna.n guroruchChiShTabhojanam | gurumUrteH sadA dhyAna.n gurornAmnaH sadA japaH || 32|| svadeshikasyaiva cha nAmakIrtanaM bhavedanantasya shivasya kIrtanam | svadeshikasyaiva cha nAmachintanaM bhavedanantasya shivasya chintanam || 33|| yatpAdareNurvai nitya.n ko.api sa.nsAravAridhau | setubandhAyate nAtha.n deshika.n tamupAsmahe || 34|| yadanugrahamAtreNa shokamohau vinashyataH | tasmai shrIdeshikendrAya namo.astu paramAtmane || 35|| yasmAdanugraha.n labdhvA mahadaj~nAnmutsR^ijet | tasmai shrIdeshikendrAya namashchAbhIShTasiddhaye || 36|| kAshIkShetra.n nivAsashcha jAhnavI charaNodakam | guruvishveshvaraH sAkShAt tArakaM brahmanishchayaH || 37|| gurusevA gayA proktA dehaH syAdakShayo vaTaH | tatpAda.n viShNupAda.n syAt tatra dattamanantakam || 38|| gurumUrti smarennitya.n gururnAma sadA japet | gurorAj~nAM prakurvIta guroranya.n na bhAvayet || 39|| guruvaktre sthitaM brahma prApyate tatprasAdataH | gurordhyAna.n sadA kuryAt kulastrI svapati.n yathA || 40|| svAshrama.n cha svajAti.n cha svakIrtiM puShTivardhanam | etatsarvaM parityajya gurumeva samAshrayet || 41|| ananyAshchintayanto ye sulabhaM parama.n sukham | tasmAtsarvaprayatnena gurorArAdhana.n kuru || 42|| guruvaktre sthitA vidyA gurubhaktyA cha labhyate | trailokye sphuTavaktAro devarShipitR^imAnavAH || 43|| gukArashchAndhakAro hi rukArasteja uchyate | aj~nAnagrAsakaM brahma gurureva na sa.nshayaH || 44|| gukAro bhavarogaH syAt rukArastannirodhakR^it | bhavarogaharatyAchcha gururityabhidhIyate || 45|| gukArashcha guNAtIto rUpAtIto rukArakaH | guNarUpavihInatvAt gururityabhidhIyate || 46|| gukAraH prathamo varNo mAyAdiguNabhAsakaH | rukAro.asti paraM brahma mAyAbhrAntivimochanam || 47|| eva.n gurupada.n shreShTha.n devAnAmapi durlabham | garuDoragagandharvasiddhAdisurapUjitam || 48|| dhruva.n dehi mumukShUNA.n nAsti tattva.n guroH param | gurorArAdhana.n kuryAt svajIvatva.n nivedayet || 49|| Asana.n shayana.n vastra.n vAhanaM bhUShaNAdikam | sAdhakena pradAtavya.n gurusantoShakAraNam || 50|| karmaNA manasA vAchA sarvadA.a.arAdhayedgurum | dIrghadaNDa.n namaskR^itya nirlajjau gurusannidhau || 51|| sharIramindriyaM prANamarthasvajanabAndhavAn | AtmadArAdika.n sarva.n sadgurubhyo nivedayet || 52|| gurureko jagatsarva.n brahmaviShNushivAtmakam | guroH paratara.n nAsti tasmAtsampUjayedgurum || 53|| sarvashrutishiroratnavirAjitapadAMbujam | vedAntArthapravaktAra.n tasmAt sampUjayedgurum || 54|| yasya smaraNamAtreNa j~nAnamutpadyate svayam | sa eva sarvasampattiH tasmAtsampUjayedgurum || 55|| kR^imikoTibhirAviShTa.n durgandhakuladUShitam | anitya.n duHkhanilaya.n deha.n viddhi varAnane || 56|| sa.nsAravR^ikShamArUDhAH patanti narakArNave | yastAnuddharate sarvAn tasmai shrIgurave namaH || 57|| gururbrahmA gururviShNurgururdevo maheshvaraH | gurureva paraM brahma tasmai shrIgurave namaH || 58|| aj~nAnatimirAndhasya j~nAnA~njanashalAkayA | chakShurunmIlita.n yena tasmai shrIgurave namaH || 59|| akhaNDamaNDalAkAra.n vyApta.n yena charAcharam | tatpada.n darshita.n yena tasmai shrIgurave namaH || 60|| sthAvara.n ja~Ngama.n vyApta.n yatki~nchitsacharAcharam | tvaMpada.n darshita.n yena tasmai shrIgurave namaH || 61|| chinmaya.n vyApita.n sarva.n trailokya.n sacharAcharam | asitva.n darshita.n yena tasmai shrIgurave namaH || 62|| nimiShannimiShArdhvAdvA yadvAkyAdai vimuchyate | svAtmAna.n shivamAlokya tasmai shrIgurave namaH || 63|| chaitanya.n shAshvata.n shA.nta.n vyomAtIta.n nira~njanam | nAdabindukalAtIta.n tasmai shrIgurave namaH || 64|| nirguNa.n nirmala.n shAnta.n ja.ngama.n sthirameva cha | vyApta.n yena jagatsarva.n tasmai shrIgurave namaH || 65|| sa pitA sa cha me mAtA sa bandhuH sa cha devatA | sa.nsAramohanAshAya tasmai shrIgurave namaH || 66|| yatsattvena jagatsatya.n yatprakAshena bhAti tat | yadAnandena nandanti tasmai shrIgurave namaH || 67|| yasminsthitamida.n sarvaM bhAti yadbhAnarUpataH | priyaM putrAdi yatprItyA tasmai shrIgurave namaH || 68|| yeneda.n darshita.n tattva.n chittachaityAdika.n tathA | jAgratsvapnasuShuptyAdi tasmai shrIgurave namaH || 69|| yasya j~nAnamida.n vishva.n na dR^ishyaM bhinnabhedataH | sadaikarUparUpAya tasmai shrIgurave namaH || 70|| yasya j~nAtaM mata.n tasya mata.n yasya na veda saH | ananyabhAvabhAvAya tasmai shrIgurave namaH || 71|| yasmai kAraNarUpAya kAryarUpeNa bhAti yat | kAryakAraNarUpAya tasmai shrIgurave namaH || 72|| nAnArUpamida.n vishva.n na kenApyasti bhinnatA | kAryakAraNarUpAya tasmai shrIgurave namaH || 73|| j~nAnashaktisamArUDhatattvamAlAvibhUShaNe | bhuktimuktipradAtre cha tasmai shrIgurave namaH || 74|| anekajanmasamprAptakarmabandhavidAhine | j~nAnAnilaprabhAvena tasmai shrIgurave namaH || 75|| shoShaNaM bhavasindhoshcha dIpana.n kSharasampadAm | guroH pAdodaka.n yasya tasmai shrIgurave namaH || 76|| na guroradhika.n tattva.n na guroradhika.n tapaH | na guroradhika.n j~nAna.n tasmai shrIgurave namaH || 77|| mannAthaH shrIjagannAtho madguruH shrIjagadguruH | mamAtmA sarvabhUtAtmA tasmai shrIgurave namaH || 78|| gururAdiranAdishcha guruH paramadaivatam | gurumantrasamo nAsti tasmai shrIgurave namaH || 79|| eka eva paro bandhurviShame samupasthite | guruH sakaladharmAtmA tasmai shrIgurave namaH || 80|| gurumadhye sthita.n vishva.n vishvamadhye sthito guruH | gururvishva.n na chAnyo.asti tasmai shrIgurave namaH || 81|| bhavAraNyapraviShTasya di~NmohabhrAntachetasaH | yena sandarshitaH panthAH tasmai shrIgurave namaH || 82|| tApatrayAgnitaptanAmashAntaprANinAM bhuvi | yasya pAdodaka.n ga~NgA tasmai shrIgurave namaH || 83|| aj~nAnasarpadaShTAnAM prANinA.n kashchikitsakaH | samyagj~nAnamahAmantravedina.n sadguru vinA || 84|| hetave jagatAmeva sa.nsArArNavasetave | prabhave sarvavidyAnA.n shambhave gurave namaH || 85|| dhyAnamUla.n gurormUrtiH pUjAmUla.n guroH padam | mantramUla.n gurorvAkyaM muktimUla.n guroH kR^ipA || 86|| saptasAgaraparyanta.n tIrthasnAnaphala.n tu yat | gurupAdapayobindoH sahasrA.nshena tatphalam || 87|| shive ruShTe gurustrAtA gurau ruShTe na kashchana | labdhvA kulaguru samyaggurumeva samAshrayet || 88|| madhulubdho yathA bhR^i~NgaH puShpAtpuShpAntara.n vrajet | j~nAnalubdhastathA shiShyo gurorgurvantara.n vrajet || 89|| vande gurupadadvandva.n vA~NmanAtItagocharam | shvetaraktaprabhAbhinna.n shivashaktyAtmakaM param || 90|| gukAra.n cha guNAtIta.n rUkAra.n rUpavarjitam | guNAtItamarUpa.n cha yo dadyAt sa guruH smR^itaH || 91|| atrinetraH shivaH sAkShAt dvibAhushcha hariH smR^itaH | yo.achaturvadano brahmA shrIguruH kathitaH priye || 92|| ayaM mayA~njalirbaddho dayAsAgarasiddhaye | yadanugrahato jantushchitrasa.nsAramuktibhAk || 93|| shrIguroH parama.n rUpa.n vivekachakShuragrataH | mandabhAgyA na pashyanti andhAH sUryodaya.n yathA || 94|| kulAnA.n kulakoTInA.n tArakastatra tatkShaNAt | atasta.n sadguru j~nAtvA trikAlamabhivAdayet || 95|| shrInAthacharaNadvandva.n yasyA.n dishi virAjate | tasyA.n dishi namaskuryAd bhaktyA pratidinaM priye || 96|| sAShTA~NgapraNipAtena stuvannitya.n guruM bhajet | bhajanAtsthairyamApnoti svasvarUpamayo bhavet || 97|| dorbhyAM padbhyA.n cha jAnubhyAmurasA shirasA dR^ishA | manasA vachasA cheti praNAmoShTA~Nga uchyate || 98|| tasyai dishe satatamajjalireSha nityam.h prakShipyatAM mukharitairmadhuraiH prasUnaiH | jAgarti yatra bhagavAn guruchakravartI vishvasthitipralayanATakanityasAkShI || 99|| abhaistaiH kimu dIrghakAlavimalairvyAdipradairduShkaraiH prANAyAmashatairanekakaraNairduHkhAtmakairdurjayaiH | yasminnabhyudite vinashyati balI vAyuH svaya.n tatkShaNAt.h prAptu.n tatsahajasvabhAvamanisha.n seveta chaika.n gurum || 100|| j~nAna.n vinA muktipada.n labhyate gurubhaktitaH | guroH prasAdato nAnyat sAdhana.n gurumArgiNAm || 101|| yasmAtparatara.n nAsti neti netIti vai shrutiH | manasA vachasA chaiva satyamArAdhayedgurum || 102|| guroH kR^ipAprasAdena brahmaviShNushivAdayaH | sAmarthyamabhajan sarve sR^iShTisthityantakarmaNi || 103|| devakinnaragandharvAH pitR^iyakShAstu tumburuH | munayo.api na jAnanti gurushushrUShaNe vidhim || 104|| tArkikAshChAndasAshchaiva daivaj~nAH karmaThAH priye | laukikAste na jAnanti gurutattva.n nirAkulam || 105|| mahAha~NkAragarveNa tatovidyAbalena cha | bhramantyetasmin sa.nsAre ghaTIyantra.n yathA punaH || 106|| yaj~nino.api na muktAH syuH na muktA yoginastathA | tApasA api no muktA gurutattvAtparA~NmukhAH || 107|| na muktAstu gandharvAH pitR^iyakShAstu chAraNAH | R^iShayaH siddhadevAdyA gurusevAparA~NmukhAH || 108|| .. iti shrIska.ndapurANe uttarakha.nDe umAmaheshvara sa.nvAde shrI gurugItAyAM prathamo.adhyAyaH .. \section{.. dvitIyo.adhyAyaH ..} dhyAna.n shruNu mahAdevi sarvAnandapradAyakam | sarvasaukhyakara.n chaiva bhuktimuktipradAyakam || 109|| shrImatparaM brahma guru.n smarAmi shrImatparaM brahma guruM bhajAmi | shrImatparaM brahma guru.n vadAmi shrImatparaM brahma guru.n namAmi || 110|| brahmAnandaM paramasukhada.n kevala.n j~nAnamUrtim.h dvandvAtIta.n gaganasadR^isha.n tattvamasyAdilakShyam | eka.n nitya.n vimalamachala.n sarvadhIsAkShibhUtam.h bhAvAtIta.n triguNarahita.n sadguru.n ta.n namAmi || 111|| hR^idambuje karNikamadhyasa.nsthe si.nhAsane sa.nsthitadivyamUrtim | dhyAyedguru.n chandrakalAprakAsham.h sachchitsukhAbhIShTavara.n dadhAnam || 112|| shvetAmbara.n shvetavilepapuShpam.h muktAvibhUShaM mudita.n dvinetram | vAmA~NkapIThasthitadivyashaktim.h mandasmitaM pUrNakR^ipAnidhAnam || 113|| j~nAnasvarUpa.n nijabhAvayuktam AnandamAnandakaraM prasannam | yogIndramIDyaM bhavarogavaidyam shrImadguru.n nityamaha.n namAmi || 114|| vande gurUNA.n charaNAravindam sandarshitasvAtmasukhAmbudhInAm | janasya yeShA.n gulikAyamAna.n sa.nsArahAlAhalamohashAntyai || 115|| yasmin sR^iShTisthistidhva.nsanigrahAnugrahAtmakam | kR^ityaM pa~nchavidha.n shashvat bhAsate ta.n guruM bhajet || 116|| pAdAbje sarvasa.nsAradAvakAlAnala.n svake | brahmarandhre sthitAmbhojamadhyastha.n chandramaNDalam || 117|| akathAditrirekhAbje sahasradalamaNDale | ha.nsapArshvatrikoNe cha smarettanmadhyaga.n gurum || 118|| nitya.n shuddha.n nirAbhAsa.n nirAkAra.n nira~njanam | nityabodha.n chidAnanda.n guruM brahma namAmyaham || 119|| sakalabhuvanasR^iShTiH kalpitAsheShasR^iShTiH nikhilanigamadR^iShTiH satpadArthaikasR^iShTiH | atadgaNaparameShTiH satpadArthaikadR^iShTiH bhavaguNaparameShTirmokShamArgaikadR^iShTiH || 120|| sakalabhuvanara~NgasthApanAstambhayaShTiH sakaruNarasavR^iShTistattvamAlAsamaShTiH | sakalasamayasR^iShTissachchidAnandadR^iShTiH nivasatu mayi nitya.n shrIgurordivyadR^iShTiH || 121|| na guroradhika.n na guroradhika.n na guroradhika.n na guroradhikam | shivashAsanataH shivashAsanataH shivashAsanataH shivashAsanataH || 122|| idameva shivamidameva shivam idameva shivamidameva shivam | harishAsanato harishAsanato harishAsanato harishAsanataH || 123|| vidita.n vidita.n vidita.n viditaM vijana.n vijana.n vijana.n vijanam | vidhishAsanato vidhishAsanato vidhishAsanato vidhishAsanataH || 124|| eva.nvidha.n guru.n dhyAtvA j~nAnamutpadyate svayam | tadA gurUpadeshena mukto.ahamiti bhAvayet || 125|| gurUpadiShTamArgeNa manaHshuddhi.n tu kArayet | anitya.n khaNDayetsarva.n yatki~nchidAtmagocharam || 126|| j~neya.n sarvaM pratIta.n cha j~nAna.n cha mana uchyate | j~nAna.n j~neya.n sama.n kuryAnnAnyaH panthA dvitIyakaH || 127|| kimatra bahunoktena shAstrakoTishatairapi | durlabhA chittavishrAntiH vinA gurukR^ipAM parAm || 128|| karuNAkhaDgapAtena ChitvA pAshAShTaka.n shishoH | samyagAnandajanakaH sadguruH so.abhidhIyate ||129|| eva.n shrutvA mahAdevi gurunindA.n karoti yaH | sa yAti narakAn ghorAn yAvachchandradivAkarau || 130|| yAvatkalpAntako dehastAvaddevi guru.n smaret | gurulopA na kartavyaH svachChando yadi vA bhavet || 131|| hu~NkAreNa na vaktavyaM prAj~nashiShyaiH kadAchana | guroragra na vaktavyamasatya.n tu kadAchana || 132|| guru.n tva.nkR^itya hu.nkR^itya gurusAnnidhyabhAShaNaH | araNye nirjale deshe sambhaved brahmarAkShasaH || 133|| advaitaM bhAvayennitya.n sarvAvasthAsu sarvadA | kadAchidapi no kuryAddvaita.n gurusannidhau || 134|| dR^ishyavismR^itiparyanta.n kuryAd gurupadArchanam | tAdR^ishasyaiva kaivalya.n na cha tadvyatirekiNaH || 135|| api sampUrNatattvaj~no gurutyAgi bhavedyadA | bhavatyeva hi tasyAntakAle vikShepamutkaTam || 136|| gurukArya.n na la~Ngheta nApR^iShTvA kAryamAcharet | na hyuttiShTheddishe.anatvA gurusadbhvashobhitaH || 137|| gurau sati svaya.n devi pareShA.n tu kadAchana | upadesha.n na vai kuryAt tathA chedrAkShaso bhavet || 138|| na gurorAshrame kuryAt duShpAnaM parisarpaNam | dIkShA vyAkhyA prabhutvAdi gurorAj~nA.n na kArayet || 139|| nopAshrama.n cha paryaka.n na cha pAdaprasAraNam | nA~NgabhogAdika.n kuryAnna lIlAmaparAmapi || 140|| gurUNA.n sadasadvApi yadukta.n tanna la.nghayet | kurvannAj~nA.n divA rAtrau dAsavannivasedguro || 141|| adatta.n na gurordravyamupabhu~njIta karhichit | datte cha ra.nkavadgrAhyaM prANo.apyetena labhyate || 142|| pAdukAsanashayyAdi guruNA yadabhIShTitam | namaskurvIta tatsarvaM pAdAbhyA.n na spR^ishet kvachit || 143|| gachChataH pR^iShThato gachChet guruchChAyA.n na la.nghayet | nolbaNa.n dhArayedveSha.n nAla.nkArA.nstatolbaNAn || 144|| gurunindAkara.n dR^iShTvA dhAvayedatha vAsayet | sthAna.n vA tatparityAjya.n jihvAChedAkShamo yadi || 145|| nochChiShTa.n kasyachiddeya.n gurorAj~nA.n na cha tyajet | kR^itsnamuchChiShTamAdAya havirvadbhakShayetsvayam || 146|| nAnR^ita.n nApriya.n chaiva na garva nApi vA bahu | na niyogadharaM brUyAt gurorAj~nA.n vibhAvayet || 147|| prabho devakuleshAnA.n svAmin rAjan kuleshvara | iti sambodhanairbhIto sachcharedgurusannidhau || 148|| munibhiH pannagairvApi surairvA shApito yadi | kAlamR^ityubhayAdvApi guruH sa.ntrAti pArvati || 149|| ashaktA hi surAdyAshcha hyashaktAH munayastathA | gurushApopapannasya rakShaNAya cha kutrachit || 150|| mantrarAjamida.n devi gururityakSharadvayam | smR^itivedapurANAnA.n sArameva na sa.nshayaH || 151|| satkAramAnapUjArtha.n daNDakAShayadhAraNaH | sa sa.nnyAsI na vaktavyaH sa.nnyAsI j~nAnatatparaH || 152|| vijAnanti mahAvAkya.n guroshcharaNa sevayA | te vai sa.nnyAsinaH proktA itare veShadhAriNAH || 153|| nityaM brahma nirAkAra.n nirguNa.n satyachiddhanam | yaH sAkShAtkurute loke gurutva.n tasya shobhate || 154|| guruprasAdataH svAtmanyAtmArAmanirIkShaNAt | samatA muktimArgeNa svAtmaj~nAnaM pravartate || 155|| AbrahmastambhaparyantaM paramAtmasvarUpakam | sthAvara.n ja.ngama.n chaiva praNamAmi jaganmayam || 156|| vandeha.n sachchidAnandaM bhAvAtIta.n jagadgurum | nityaM pUrNa.n nirAkAra.n nirguNa.n svAtmasa.nsthitam || 157|| parAtparatara.n dhyAyennityamAnandakArakam | hR^idayAkAshamadhyastha.n shuddhasphaTikasannibham || 158|| sphATike sphATika.n rUpa.n darpaNe darpaNo yathA | tathAtmani chidAkAramAnanda.n so.ahamityuta || 159|| a.nguShThamAtraM puruSha.n dhyAyechcha chinmaya.n hR^idi | tatra sphurati yo bhAvaH shruNu tatkathayAmi te || 160|| ajo.ahamamaro.aha.n cha hyanAdinidhano hyaham | avikArashchidAnando hyaNIyAnmahato mahAn || 161|| apUrvamapara.n nitya.n svaya.njyotirnirAmayam | virajaM paramAkAsha.n dhruvamAnandamavyayam || 162|| agochara.n tathA.agamya.n nAmarUpavivarjitam | niHshabda.n tu vijAnIyAtsvabhAvAdbrahma pArvati || 163|| yathA gandhasvabhAvAvatva.n karpUrakusumAdiShu | shItoShNatvasvabhAvatva.n tathA brahmaNi shAshvatam || 164|| yathA nijasvabhAvena kuNDalakaTakAdayaH | suvarNatvena tiShThanti tathA.ahaM brahma shAshvatam || 165|| svaya.n tathAvidho bhUtvA sthAtavya.n yatrakutrachit | kITo bhR^i~Nga iva dhyAnAdyathA bhavati tAdR^ishaH || 166|| gurudhyAna.n tathA kR^itvA svayaM brahmamayo bhavet | piNDe pade tathA rUpe muktAste nAtra sa.nshayaH || 167|| shrIpArvatI uvAcha | piNDa.n ki.n tu mahAdeva pada.n ki.n samudAhR^itam | rUpAtIta.n cha rUpa.n ki.n etadAkhyAhi sha.nkara || 168|| shrImahAdeva uvAcha | piNDa.n kuNDalinI shaktiH pada.n ha.nsamudAhR^itam | rUpaM binduriti j~neya.n rUpAtIta.n nira~njanam || 169|| piNDe muktAH pade muktA rUpe muktA varAnane | rUpAtIte tu ye muktAste muktA nAtra sa.nshayaH || 170|| gururdhyAnenaiva nitya.n dehI brahmamayo bhavet | sthitashcha yatra kutrApi mukto.asau nAtra sa.nshayaH || 171|| j~nAna.n svAnubhavaH shAntirvairAgya.n vaktR^itA dhR^itiH | ShaDguNaishvaryayukto hi bhagavAn shrIguruH priye || 172|| guruH shivo gururdevo gururbandhuH sharIriNAm | gururAtmA gururjIvo guroranyanna vidyate || 173|| ekAkI nispR^ihaH shAntashchintAsUyAdivarjitaH | bAlyabhAvena yo bhAti brahmaj~nAnI sa uchyate || 174|| na sukha.n vedashAstreShu na sukhaM mantrayantrake | guroH prasAdAdanyatra sukha.n nAsti mahItale || 175|| chArvAkavaiShNavamate sukha.n prAbhAkare na hi | guroH pAdAntike yadvatsukha.n vedAntasammatam || 176|| na tatsukha.n surendrasya na sukha.n chakravartinAm | yatsukha.n vItarAgasya munerekAntavAsinaH || 177|| nityaM brahmarasaM pItvA tR^ipto yaH paramAtmani | indra.n cha manyate tuchCha.n nR^ipANA.n tatra kA kathA || 178|| yataH paramakaivalya.n gurumArgeNa vai bhavet | gurubhaktirataH kAryA sarvadA mokShakA.nkShibhiH || 179|| eka evAdvitIyo.aha.n guruvAkyena nishchitaH | evamabhyasyatA nitya.n na sevya.n vai vanAntaram || 180|| abhyAsAnnimiSheNaiva.n samAdhimadhigachChati | AjanmajanitaM pApa.n tatkShaNAdeva nashyati || 181|| kimAvAhanamavyaktai vyApaka.n ki.n visarjanam | amUrto cha kathaM pUjA katha.n dhyAna.n nirAmaye || 182|| gururviShNuH sattvamayo rAjasashchaturAnanaH | tAmaso rudrarUpeNa sR^ijatyavati hanti cha || 183|| svayaM brahmamayo bhUtvA tatpara.n nAvalokayet | parAtparatara.n nAnyat sarvaga.n cha nirAmayam || 184|| tasyAvalokanaM prApya sarvasa.ngavivarjitaH | ekAkI nispR^ihaH shAntaH sthAtavya.n tatprasAdataH || 185|| labdha.n vA.atha na labdha.n vA svalpa.n vA bahula.n tathA | niShkAmenaiva bhoktavya.n sadA sa.ntuShTamAnasaH || 186|| sarvaj~napadamityAhurdehI sarvamayo bhuvi | sadA.anandaH sadA shAnto ramate yatrakutrachit || 187|| yatraiva tiShThate so.api sa deshaH puNyabhAjanaH | muktasya lakShaNa.n devi tavAgre kathitaM mayA || 188|| upadeshastvaya.n devi gurumArgeNa muktidaH | gurubhaktistathAtyAntA kartavyA vai manIShibhiH || 189|| nityayuktAshrayaH sarvo vedakR^itsarvavedakR^it | svaparaj~nAnadAtA cha ta.n vande gurumIshvaram || 190|| yadyapyadhItA nigamAH ShaDa.ngA AgamAH priye | adhyAtmAdIni shAstrANi j~nAna.n nAsti guru.n vinA || 191|| shivapUjArato vApi viShNupUjArato.athavA | gurutattvavihInashchettatsarva.n vyarthameva hi || 192|| shivasvarUpamaj~nAtvA shivapUjA kR^itA yadi | sA pUjA nAmamAtra.n syAchchitradIpa iva priye || 193|| sarva.n syAtsaphala.n karma gurudIkShAprabhAvataH | gurulAbhAtsarvalAbho guruhInastu bAlishaH || 194|| guruhInaH pashuH kITaH pata.ngo vaktumarhati | shivarUpa.n svarUpa.n cha na jAnAti yatassvayam || 195|| tasmAtsarvaprayatnena sarvasa.ngavivarjitaH | vihAya shAstrajAlAni gurumeva samAshrayet || 196|| nirastasarvasandeho ekIkR^itya sudarshanam | rahasya.n yo darshayati bhajAmi gurumIshvaram || 197|| j~nAnahIno gurustyAjyo mithyAvAdi viDambakaH | svavishrAnti.n na jAnAti parashAnti.n karoti kim || 198|| shilAyAH kiM para.n j~nAna.n shilAsa.nghapratAraNe | svaya.n tartu.n na jAnAti para.n nistArayet katham || 199|| na vandanIyAste kaShTa.n darshanAdbhrAntikArakAH | varjayetAn gurun dUre dhIrAneva samAshrayet || 200|| pAShaNDinaH pAparatAH nAstikA bhedabuddhayaH | strIlampaTA durAchArAH kR^itaghnA bakavR^ittayaH || 201|| karmabhraShTAH kShamAnaShTA nindyatarkeshcha vAdinaH | kAminaH krodhinashchaiva hi.nsrAshchaNDAH shaThAstathA || 202|| j~nAnaluptA na kartavyA mahApApAstathA priye | ebhyo bhinno guruH sevyaH ekabhaktyA vichArya cha || 203|| shiShyAdanyatra deveshi na vadedyasya kasyachit | narANA.n cha phalaprAptau bhaktireva hi kAraNam || 204|| gUDho dR^iDhashcha prItashcha maunena susamAhitaH | sakR^itkAmagatau vApi pa~nchadhA gururIritaH || 205|| sarva.n gurumukhAllabdha.n saphalaM pApanAshanam | yadyadAtmahita.n vastu tattaddravya.n na va~nchayet || 206|| gurudevArpaNa.n vastu tena tuShTo.asmi suvrate | shrIguroH pAdukAM mudrAM mUlamantra.n cha gopayet || 207|| natAsmi te nAtha padAravindaM buddhIndriyAprANamanovachobhiH | yachchintyate bhAvita Atmayuktau mumukShibhiH karmamayopashAntaye || 208|| anena yadbhavetkArya.n tadvadAmi tava priye | lokopakAraka.n devi laukika.n tu vivarjayet || 209|| laukikAddharmato yAti j~nAnahIno bhavArNave | j~nAnabhAve cha yatsarva.n karma niShkarma shAmyati || 210|| imA.n tu bhaktibhAvena paThedvai shruNuyAdapi | likhitvA yatpradAnena tatsarvaM phalamashnute || 211|| gurugItAmimA.n devi hR^idi nitya.n vibhAvaya | mahAvyAdhigatairduHkhaiH sarvadA prajapenmudA || 212|| gurugItAkSharaikaikaM mantrarAjamidaM priye | anye cha vividhA mantrAH kalA.n nArhanti ShoDashIm || 213|| ananta phalamApnoti gurugItA japena tu | sarvapApaharA devi sarvadAridryanAshinI || 214|| akAlamR^ityuhartrI cha sarvasa.nkaTanAshinI | yakSharAkShasabhUtAdichoravyAghravighAtinI || 215|| sarvopadravakuShThAdiduShTadoShanivAriNI | yatphala.n gurusAnnidhyAttatphalaM paThanAdbhavet || 216|| mahAvyAdhiharA sarvavibhUteH siddhidA bhavet | athavA mohane vashye svayameva japetsadA || 217|| kushadUrvAsane devi hyAsane shubhrakambale | upavishya tato devi japedekAgramAnasaH || 218|| shukla.n sarvatra vai prokta.n vashye raktAsanaM priye | padmAsane japennitya.n shAntivashyakaraM param || 219|| vastrAsane cha dAridryaM pAShANe rogasambhavaH | medinyA.n duHkhamApnoti kAShThe bhavati niShphalam || 220|| kR^iShNAjine j~nAnasiddhirmokShashrIrvyAghracharmaNi | kushAsane j~nAnasiddhiH sarvasiddhistu kambale || 221|| AgneyyA.n karShaNa.n chaiva vAyavyA.n shatrunAshanam | nairR^ityA.n darshana.n chaiva IshAnyA.n j~nAnameva cha || 222|| uda~NmukhaH shAntijapye vashye pUrvamukhastathA | yAmye tu mAraNaM proktaM pashchime cha dhanAgamaH || 223|| mohana.n sarvabhUtAnAM bandhamokShakaraM param | devarAj~nAM priyakara.n rAjAna.n vashamAnayet || 224|| mukhastambhakara.n chaiva guNAnA.n cha vivardhanam | duShkarmanAshana.n chaiva tathA satkarmasiddhidam || 225|| prasiddha.n sAdhayetkArya.n navagrahabhayApaham | duHsvapnanAshana.n chaiva susvapnaphaladAyakam || 226|| mohashAntikara.n chaiva bandhamokShakaraM param | svarUpaj~nAnanilaya.n gItAshAstramida.n shive || 227|| ya.n ya.n chintayate kAma.n ta.n ta.n prApnoti nishchayam | nitya.n saubhAgyadaM puNya.n tApatrayakulApaham || 228|| sarvashAntikara.n nitya.n tathA vandhyA suputradam | avaidhavyakara.n strINA.n saubhAgyasya vivardhanam || 229|| AyurArogyamaishvaryaM putrapautrapravardhanam | niShkAmajApI vidhavA paThenmokShamavApnuyAt || 230|| avaidhavya.n sakAmA tu labhate chAnyajanmani | sarvaduHkhamaya.n vighna.n nAshayettApahArakam || 231|| sarvapApaprashamana.n dharmakAmArthamokShadam | ya.n ya.n chintayate kAma.n ta.n ta.n prApnoti nishchitam || 232|| kAmyAnA.n kAmadhenurvai kalpite kalpapAdapaH | chintAmaNishchintitasya sarvama.ngalakArakam || 233|| likhitvA pUjayedyastu mokShashriyamavApnuyAt | gurUbhaktirvisheSheNa jAyate hR^idi sarvadA || 234|| japanti shAktAH saurAshcha gANapatyAshcha vaiShNavAH | shaivAH pAshupatAH sarve satya.n satya.n na sa.nshayaH || 235|| .. iti shrIska.ndapurANe uttarakha.nDe umAmaheshvara sa.nvAde shrI gurugItAyAM dvitIyo.adhyAyaH .. \section{.. tR^itIyaH adhyAyaH ..} atha kAmyajapasthAna.n kathayAmi varAnane | sAgarAnte saritIre tIrthe hariharAlaye || 236|| shaktidevAlaye goShThe sarvadevAlaye shubhe | vaTasya dhAtryA mUle vA maThe vR^indAvane tathA || 237|| pavitre nirmale deshe nityAnuShThAnato.api vA | nirvedanena maunena japametat samArabhet || 238|| jApyena jayamApnoti japasiddhiM phala.n tathA | hIna.n karma tyajetsarva.n garhitasthAnameva cha || 239|| shmashAne bilvamUle vA vaTamUlAntike tathA | siddhyanti kAnake mUle chUtavR^ikShasya sannidhau || 240|| pItAsanaM mohane tu hyasita.n chAbhichArike | j~neya.n shukla.n cha shAntyartha.n vashye raktaM prakIrtitam || 241|| japa.n hInAsana.n kurvat hInakarmaphalapradam | gurugItAM prayANe vA sa.ngrAme ripusa.nkaTe || 242|| japan jayamavApnoti maraNe muktidAyikA | sarvakarmANi siddhyanti guruputre na sa.nshayaH || 243|| gurumantro mukhe yasya tasya siddhyanti nAnyathA | dIkShayA sarvakarmANi siddhyanti guruputrake || 244|| bhavamUlavinAshAya chAShTapAshanivR^ittaye | gurugItAmbhasi snAna.n tattvaj~naH kurute sadA || 245|| sa eva.n sadguruH sAkShAt sadasadbrahmavittamaH | tasya sthAnAni sarvANi pavitrANi na sa.nshayaH || 246|| sarvashuddhaH pavitro.asau svabhAvAdyatra tiShThati | tatra devagaNAH sarve kShetrapIThe charanti cha || 247|| AsanasthAH shayAnA vA gachChantastiShThanto.api vA | ashvArUDhA gajArUDhAH suShuptA jAgrato.api vA || 248|| shuchibhUtA j~nAnavanto gurugItA japanti ye | teShA.n darshanasa.nsparShAt divyaj~nAnaM prajAyate || 249|| samudre vai yathA toya.n kShIre kShIra.n jale jalam | bhinne kumbhe yathAkAsha.n tathA.a.atmA paramAtmani || 250|| tathaiva j~nAnavAn jIvaH paramAtmani sarvadA | aikyena ramate j~nAnI yatra kutra divAnisham || 251|| eva.nvidho mahAyuktaH sarvatra vartate sadA | tasmAtsarvaprakAreNa gurubhakti.n samAcharet || 252|| gurusantoShaNAdeva mukto bhavati pArvati | aNimAdiShu bhoktR^itva.n kR^ipayA devi jAyate || 253|| sAmyena ramate j~nAnI divA vA yadi vA nishi | eva.nvidho mahAmaunI trailokyasamatA.n vrajet || 254|| atha sa.nsAriNaH sarve gurugItAjapena tu | sarvAn kAmA.nstu bhu~njanti trisatyaM mama bhAShitam || 255|| satya.n satyaM punaH satya.n dharmasAraM mayoditam | gurugItAsama.n stotra.n nAsti tattva.n guroH param || 256|| gururdevo gururdharmo gurau niShThA para.n tapaH | guroH paratara.n nAsti trivAra.n kathayAmi te || 257|| dhanyA mAtA pitA dhanyo gotra.n dhanya.n kulodbhavaH | dhanyA cha vasudhA devi yatra syAdgurubhaktatA || 258|| Akalpajanma koTInA.n yaj~navratatapaHkriyAH | tAH sarvAH saphalA devi gurUsantoShamAtrataH || 259|| sharIramindriyaM prANashchArthaH svajanabandhutA | mAtR^ikulaM pitR^ikula.n gurureva na sa.nshayaH || 260|| mandabhAgyA hyashaktAshcha ye janA nAnumanvate | gurusevAsu vimukhAH pachyante narakeshuchau || 261|| vidyA dhana.n bala.n chaiva teShAM bhAgya.n nirarthakam | yeShA.n gurUkR^ipA nAsti adho gachChanti pArvatI || 262|| brahmA viShNushcha rudrashcha devatAH pitR^ikinnarAH | siddhachAraNayakShAshcha anye cha munayo janAH || 263|| gurubhAvaH para.n tIrthamanyartha.n nirarthakam | sarvatIrthamaya.n devi shrIguroshcharaNAmbujam || 264|| kanyAbhogaratA mandAH svakAntAyAH parA~NmukhAH | ataH paraM mayA devi kathitanna mama priye || 265|| ida.n rahasyamaspaShTa.n vaktavya.n cha varAnane | sugopya.n cha tavAgre tu mamAtmaprItaye sati || 266|| svAmimukhyagaNeshAdyAn vaiShNavAdI.nshcha pArvati | na vaktavyaM mahAmAye pAdasparsha.n kuruShva me || 267|| abhakte va~nchake dhUrte pAShaNDe nAstikAdiShu | manasA.api na vaktavyA gurugItA kadAchana || 268|| guravo bahavaH santi shiShyavittApahArakAH | tameka.n durlabhaM manye shiShyahR^ittApahArakam || 269|| chAturyavAn vivekI cha adhyAtmaj~nAnavAn shuchiH | mAnasa.n nirmala.n yasya gurutva.n tasya shobhate || 270|| guravo nirmalAH shAntAH sAdhavo mitabhAShiNaH | kAmakrodhavinirmuktAH sadAchArAH jitendriyAH || 271|| sUchakAdiprabhedena guravo bahudhA smR^itAH | svaya.n samyak parIkShyAtha tattvaniShThaM bhajetsudhIH || 272|| varNajAlamida.n tadvadbAhyashAstra.n tu laukikam | yasmin devi samabhyasta.n sa guruH suchakaH smR^itaH || 273|| varNAshramochitA.n vidyA.n dharmAdharmavidhAyinIm | pravaktAra.n guru.n viddhi vAchaka.n tviti pArvati || 274|| pa~nchAkSharyAdimantrANAmupadeShTA tu pArvati | sa gururbodhako bhUyAdubhayorayamuttamaH || 275|| mohamAraNavashyAdituchChamantropadarshinam | niShiddhagururityAhuH paNDitAstattvadarshinaH || 276|| anityamiti nirdishya sa.nsAra.n sa.nkaTAlayam | vairAgyapathadarshI yaH sa gururvihitaH priye || 277|| tattvamasyAdivAkyAnAmupadeShTA tu pArvati | kAraNAkhyo guruH prokto bhavaroganivArakaH || 278|| sarvasandehasandohanirmUlanavichakShaNaH | janmamR^ityubhayaghno yaH sa guruH paramo mataH || 279|| bahujanmakR^itAt puNyAllabhyate.asau mahAguruH | labdhvA.amu.n na punaryAti shiShyaH sa.nsArabandhanam || 280|| evaM bahuvidhA loke guravaH santi pArvati | teShu sarvaprayatnena sevyo hi paramo guruH || 281|| niShiddhagurushiShyastu duShTasa.nkalpadUShitaH | brahmapralayaparyanta.n na punaryAti martyatAm || 282|| eva.n shrutvA mahAdevI mahAdevavachastathA | atyantavihvalamanA sha.nkaraM paripR^ichChati || 283|| pArvatyuvAcha | namaste devadevAtra shrotavya.n ki.nchidasti me | shrutvA tvadvAkyamadhunA bhR^isha.n syAdvihvalaM manaH || 284|| svayaM mUDhA mR^ityubhItAH sukR^itAdvirati.n gatAH | daivAnniShiddhagurugA yadi teShA.n tu kA gatiH || 285|| shrI mahAdeva uvAcha | shruNu tattvamida.n devi yadA syAdvirato naraH | tadA.asAvadhikArIti prochyate shrutimastakaiH || 286|| akhaNDaikarasaM brahma nityamukta.n nirAmayam | svasmin sandarshita.n yena sa bhavedasya.n deshikaH || 287|| jalAnA.n sAgaro rAjA yathA bhavati pArvati | gurUNA.n tatra sarveShA.n rAjAyaM paramo guruH || 288|| mohAdirahitaH shAnto nityatR^ipto nirAshrayaH | tR^iNIkR^itabrahmaviShNuvaibhavaH paramo guruH || 289|| sarvakAlavidesheShu svatantro nishchalassukhI | akhaNDaikarasAsvAdatR^ipto hi paramo guruH || 290|| dvaitAdvaitavinirmuktaH svAnubhUtiprakAshavAn | aj~nAnAndhatamashChettA sarvaj~naH paramo guruH || 291|| yasya darshanamAtreNa manasaH syAt prasannatA | svayaM bhUyAt dhR^itishshAntiH sa bhavet paramo guruH || 292|| siddhijAla.n samAlokya yoginAM mantravAdinAm | tuchChAkAramanovR^ittiryasyAsau paramo guruH || 293|| svasharIra.n shavaM pashyan tathA svAtmAnamadvayam | yaH strIkanakamohaghnaH sa bhavet paramo guruH || 294|| maunI vAgmIti tattvaj~no dvidhAbhUchChR^iNu pArvati | na kashchinmauninA lAbho loke.asminbhavati priye || 295|| vAgmI tUtkaTasa.nsArasAgarottAraNakShamaH | yatosau sa.nshayachChettA shAstrayuktyanubhUtibhiH || 296|| gurunAmajapAddevi bahujanmarjitAnyapi | pApAni vilaya.n yAnti nAsti sandehamaNvapi || 297|| shrIgurossadR^isha.n daiva.n shrIgurosadR^ishaH pitA | gurudhyAnasama.n karma nAsti nAsti mahItale || 298|| kula.n dhanaM bala.n shAstraM bAndhavAssodarA ime | maraNe nopayujyante gurureko hi tArakaH || 299|| kulameva pavitra.n syAt satya.n svagurusevayA | tR^iptAH syussakalA devA brahmAdyA gurutarpaNAt || 300|| gurureko hi jAnAti svarUpa.n devamavyayam | tajj~nAna.n yatprasAdena nAnyathA shAstrakoTibhiH || 301|| svarUpaj~nAnashUnyena kR^itamapyakR^itaM bhavet | tapojapAdiak.n devi sakalaM bAlajalpavat || 302|| shiva.n kechiddhari.n kechidvidhi.n kechittu kechana | shakti.n devamiti j~nAtvA vivadanti vR^ithA narAH || 303|| na jAnanti para.n tattva.n gurUdIkShAparA~NmukhAH | bhrAntAH pashusamA hyete svaparij~nAnavarjitAH || 304|| tasmAtkaivalyasiddhyartha.n gurUmeva bhajetpriye | gurU.n vinA na jAnanti mUDhAstatparamaM padam || 305|| bhidyate hR^idayagranthishChidyante sarvasa.nshayAH | kShIyante sarvakarmANi guroH karUNayA shive || 306|| kR^itAyA gurubhaktestu vedashAstrAnusArataH | muchyate pAtakAdghorAdgurUbhakto visheShataH || 307|| duHsa.nga.n cha parityajya pApakarma parityajet | chittachihnamida.n yasya dIkShA vidhIyate || 308|| chittatyAganiyuktashcha krodhagarvavivarjitaH | dvaitabhAvaparityAgI tasya dIkShA vidhIyate || 309|| etallakShaNa sa.nyukta.n sarvabhUtahite ratam | nirmala.n jIvita.n yasya tasya dIkShA vidhIyate || 310|| kriyayA chAnvitaM pUrva.n dIkShAjAla.n nirUpitam | mantradIkShAbhirrdha sA.ngopA.nga shivoditam || 311|| kriyayA syAdvirahitA.n gurUsAyujyadAyinIm | gurudIkShA.n vinA ko vA gurutvAchArapAlakaH || 312|| shakto na chApi shakto vA daishikA.nghrisamAshrayAt | tasya janmAsti saphalaM bhogamokShaphalapradam || 313|| atyantachittapakvasya shraddhAbhaktiyutasya cha | pravaktavyamida.n devi mamAtmaprItaye sadA || 314|| rahasya.n sarvashAstreShu gItAshAstrada.n shive | samyakparIkShya vaktavya.n sAdhakasya madyAtmanaH || 315|| satkarmaparipAkAchcha chittashuddhasya dhImataH | sAdhakasyaiva vaktavyA gurugItA prayatnataH || 316|| nAstikAya kR^itaghnAya dAmbhikAya shaThAya cha | abhaktAya vibhaktAya na vAchyeya.n kadAchana || 317|| strIlolupAya mUrkhAya kAmopahatachetase | nindakAya na vaktavyA gurugItA svabhAvataH || 318|| sarva pApaprashamana.n sarvopadravavArakam | janmamR^ityuhara.n devi gItAshAstramida.n shive || 319|| shrutisAramida.n devi sarvamukta.n samAsataH | nAnyathA sadgatiH pu.nsA.n vinA gurupada.n shive || 320|| bahujanmakR^itAtpAdayamartho na rochate | janmabandhanivR^ityartha.n gurumeva bhajetsadA || 321|| ahameva jagatsarvamahameva paraM padam | etajj~nAna.n yato bhUyAtta.n guruM praNamAmyaham || 322|| ala.n vikalpairahameva kevalo mayi sthita.n vishvamida.n charAcharam | ida.n rahasyaM mama yena darshitam sa vandanIyo gurureva kevalam || 323|| yasyAnta.n nAdimadhya.n na hi karacharaNa.n nAmagotra.n na sUtram | no jAtirnaiva varNo na bhavati puruSho no napu.nsa.n na cha strI || 324|| nAkAra.n no vikAra.n na hi janimaraNa.n nAsti puNya.n na pApam | no.atattva.n tattvameka.n sahajasamarasa.n sadguru.n ta.n namAmi || 325|| nityAya satyAya chidAtmakAya navyAya bhavyAya parAtparAya | shuddhAya buddhAya nira~njanAya namo.asya nitya.n gurushekharAya || 326|| sachchidAnandarUpAya vyApine paramAtmane | namaH shrIgurunAthAya prakAshAnandamUrtaye || 327|| satyAnandasvarUpAya bodhaikasukhakAriNe | namo vedAntavedyAya gurave buddhisAkShiNe || 328|| namaste nAtha bhagavan shivAya gururUpiNe | vidyAvatArasa.nsiddhyai svIkR^itAnekavigraha || 329|| navAya navarUpAya paramArthaikarUpiNe | sarvAj~nAnatamobhedabhAnave chidghanAya te || 330|| svatantrAya dayAklR^iptavigrahAya shivAtmane | paratantrAya bhaktAnAM bhavyAnAM bhavyarUpiNe || 331|| vivekinA.n vivekAya vimarshAya vimarshinAm | prakAshinAM prakAshAya j~nAninA.n j~nAnarUpiNe || 332|| purastatpArshvayoH pR^iShThe namaskuryAduparyadhaH | sadA machchittarUpeNa vidhehi bhavadAsanam || 333|| shrIguruM paramAnanda.n vande hyAnandavigraham | yasya sannidhimAtreNa chidAnandAya te manaH || 334|| namo.astu gurave tubhya.n sahajAnandarUpiNe | yasya vAgamR^ita.n hanti viSha.n sa.nsArasa.nj~nakam || 335|| nAnAyuktopadeshena tAritA shiShyamantatiH | tatkR^itAsAravedena guruchitpadamachyutam || 336|| achyutAya manastubhya.n gurave paramAtmane | sarvatantrasvatantrAya chidghanAnandamUrtaye || 337|| namochyutAya gurave vidyAvidyAsvarUpiNe | shiShyasanmArgapaTave kR^ipApIyUShasindhave || 338|| omachyutAya gurave shiShyasa.nsArasetave | bhaktakAryaikasi.nhAya namaste chitsukhAtmane || 339|| gurunAmasama.n daiva.n na pitA na cha bAndhavAH | gurunAmasamaH svAmI nedR^ishaM paramaM padam || 340|| ekAkSharapradAtAra.n yo guru.n naiva manyate | shvAnayonishata.n gatvA chANDAleShvapi jAyate || 341|| gurutyAgAdbhavenmR^ityurmantratyAgAddaridratA | gurumantraparityAgI raurava.n naraka.n vrajet || 342|| shivakrodhAdgurustrAtA gurukrodhAchChivo na hi | tasmAtsarvaprayatnena gurorAj~nA na la.nghayet || 343|| sa.nsArasAgarasamuddharaNaikamantraM brahmAdidevamunipUjitasiddhamantram | dAridryaduHkhabhavarogavinAshamantraM vande mahAbhayahara.n gururAjamantram || 344|| saptakoTImahAmantrAshchittavibhra.nshakArakAH | eka eva mahAmantro gururityakSharadvayam || 345|| evamuktvA mahAdevaH pArvatIM punarabravIt | idameva para.n tattva.n shruNu devi sukhAvaham || 346|| gurutattvamida.n devi sarvamukta.n samAsataH | rahasyamidamavyaktanna vadedyasya kasyachit || 347|| na mR^iShA syAdiya.n devi maduktiH satyarUpiNI | gurugItAsama.n stotra.n nAsti nAsti mahItale || 348|| gurugItAmimA.n devi bhavaduHkhavinAshinIm | gurudIkShAvihInasya purato na paThet kvachit || 349|| rahasyamatyantarahasyametanna pApinA labhyamida.n maheshvari | anekajanmArjitapuNyapAkAdgurostu tattva.n labhate manuShyaH || 350|| yasya prasAdAdahameva sarvaM mayyeva sarvaM parikalpita.n cha | ittha.n vijAnAmi sadAtmarUpaM gtasyA.nghripadmaM praNato.asmi nityam || 351|| aj~nAnatimirAndhasya viShayAkrAntachetasaH | j~nAnaprabhApradAnena prasAda.n kuru me prabho || 352|| || iti shrIgurugItAyAM tR^itIyo.adhyAyaH || || iti shrIska.ndapurANe uttarakha.nDe IshvarapArvatI sa.nvAde gurugItA samApta || || shrIgurudattAtreyArpaNamastu || \iti ## Shri Guru Gita - longer version (now out of print). Encoded and proofread by Sunder Hattangadi sunderh at hotmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}