% Text title            : mankigItA from Bharatamanjari of Kshemendra
% File name             : mankigItABM.itx
% Category              : giitaa, kShemendra
% Location              : doc\_giitaa
% Author                : Kshemendra
% Description/comments  : kAvyamAlA 65. Bharatamanjari
% Latest update         : October 15, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mankigItA from Bharatamanjari of Kshemendra ..}##
\itxtitle{.. ma~NkigItA bhAratama~njaryAM kShemendravirachitA ..}##\endtitles ##

yAte vaiphalyamArambhe kiM kuryAddraviNotsukaH |
etatpR^iShTaH kShitibhujA dhyAtvA shAntanavo.avadat |
shrUyatAM yadvinaShTArthasamaye duHkhabheShajam || 13\.729||
ma~NkirnAma dvijaH pUrvamIhamAno.asakR^iddhanam |
prayatnairapi na prApa vidhivaimukhyahelAya || 13\.730||
kShINArthaH sor.athasheSheNa krItvA chAtha vR^iShadvayam |
svayamutkarShaNaM chakre kShetre vipulavAhakaH || 13\.731||
atrAntare pR^ithugrIvo nidrAbha~NgAtsamutthitaH |
jahAroShTro mahAkAyastau vR^iShau skandhalambinau || 13\.732||
yugotkShepAllambyamAnau tau tena balashAlinA |
vR^iShau vilokya shokArto vilalApa dvijAtmajaH || 13\.733||
aho nu chitravarNA~Nkau mama vatsatarau priyau |
karShanvibhAti karabho ratnADhyAviva bhUShaNau || 13\.734||
ityuktvA jAtanirvedagADhavairAgyavAsanaH |
tR^iShNAM nininda sahasA prashAntAnushayajvaraH || 13\.735||
duHkhAya bata jantUnAM tR^iShNA paribhavAspadam |
vipralabdho janaH sarvo yayA shochatyaharnisham || 13\.736||
alabdhaM vA~nChatAM vittaM labdhaM cha parirakShatAm |
naShTaM cha shochatAM puMsAM kadA duHkhaM nivartate || 13\.737||
kAmor.atheShu vipanmUlaM santoShaH paramaM sukham |
niShkAmashcha sakAmashcha matau me svastharogiNau || 13\.738||
sadhanashchintyate rAj~nA dasyunA svajanena cha |
vikalashcheti lokena nirdhanashcha na gaNyate || 13\.739||
tasmAtsantyaktakAmAnAM santoShadhanashAlinAm |
kShayodayavyayAyAsairna chetaH paribhUyate || 13\.740||
idaM labdhamidaM naShTamidaM lapsye punardhiyA |
idaM chintayatAmeva jIrNamAyuH sharIriNAm || 13\.741||
adhunA lobhamunmUlya spR^ihAM dUre nirasya cha |
vItamoho bhavAmyeSha munistulyapriyApriyaH || 13\.742||
tyAgo hi hanti vyasanaM tathA hi janakaH purA |
dahyamAne.api nagare nAbhajadduHkhavikriyAm || 13\.743||
iti dhyAtvA chiraM ma~NkirnirvedAchChAntamAnasaH |
AshApAshaM parityajya paraM padamavAptavAn || 13\.744||
 
iti bhAratama~njaryAM kShemendravirachitA ma~NkigItA samAptA | 
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}