% Text title            : The Moksha Gita by Swami Sivananda
% File name             : mokShagItA.itx
% Category              : giitaa, gItA
% Location              : doc\_giitaa
% Author                : Swami Sivananda
% Transliterated by     : PSA Easwaran
% Proofread by          : PSA Easwaran
% Description-comments  : See corresponding stotram
% Latest update         : August 15, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Moksha Gita ..}##
\itxtitle{.. mokShagItA ..}##\endtitles ##
\section{1 satyashodhanam}
##Chapter I THE SEARCH FOR TRUTH##

shiShya uvAcha |
bhagavan karuNAsindho namAmi tvAmahaM guro |
tvamevArhasi me duHkhaM bhettuM dhvAntaM yathA raviH || 1||
saMsArasAgare ghore patanAnnaShTachetanam |
tApatrayeNa nirdagdhaM santrAyasva cha mAM prabho |
yathA santaraNIyo.ayaM bhavAbdhiH shAdhi mAM tathA || 2||
gururuvAcha |
mA bhaiShIrvatsa te nAsti tattvato maraNaM dhruvam |
upAyashchAsti saMsArasAgarottaraNe tathA || 3||
amR^itatvasya samprAptau paramAnandabhojane |
atastvAmupadekShyAmi brahmavidyAmimAM shR^iNu || 4||

iti prathamo.adhyAyaH sampUrNaH |
\section{2 brahmasvarUpam}
##Chapter II The Nature of Brahman##

gururuvAcha |
anAdyantAya shAntAya shuddhAyA.a.atmaprakAshine |
AdyAchAryAya nirdhUtakalmaShAyAvikAriNe || 1||
adeshakAlakAmAya sachchidAnandarUpiNe |
akhaNDashAshvatashreShThanirguNabrahmaNe namaH || 2||
prANendriyamanodehajagatAmAshrayo hi yat |
vedayonistathA sarvavyApakaM sarvahR^idgR^iham || 3||
avarNarasagandhaM cha nAmarUpavivarjitam |
tattattvaM paramaM ki~nchitsAdhu shashvatprakAshate || 4||
anashvaramajaM bhItikShayasa~nchAravarjitam |
anirvAchyaM paraM tattvamaprameyaM cha ki~nchana |
purANamadvitIyaM yattajjAgAryeva nAparam || 5||
yanna hasvaM na vA dIrghaM nApIyattAvadeva no |
na kR^iShNaM nApi vA shuklaM na sthUlaM nApi vA kR^isham |
na sAdhu vA chAsAdhu tadbrahmeti vibudhyatAm || 6||
yanna sUkShmaM na vA sAndraM yasya jAtirna nAma vA |
videhamamaraM yachchAnavA~Nmanasagocharam |
yachcha naiti viparyAsaM tadbrahmeti vibudhyatAm || 7||
sthUlasUkShmasharIrAbhyAM tathA kAraNavigrahAt |
bhinnaM hrahma sadA muktaM gatikarmavivarjitam || 8||
anirvAchyaM khalu brahma yato nirvachanaM viduH |
nirAkaraNamasyaiva niShedhAlirna netyataH || 9||
samarthaM kevalaM tasya brahmaNo hi nirUpaNam |
shrutishIrShamimaM mArgaM hetorasmAtsamashnute || 10||

iti dvitIyo.adhyAyaH sampUrNaH |
\section{3 mAyAsvarUpam}
##Chapter III The Nature of Maya##

gururuvAcha |
mAyAM nAmeshvarasyAhurupAdhiM brahmaNastu sA |
svakIyena vibhartyaddhA lIlAmAshcharyakAriNI || 1||
seyaM mAyA.asatI naiva yato naH pratibhAsate |
satIyaM nApi yajj~nAnodaye nashyati satvaram || 2||
evaM mAyA hi tachChabdavAchyA naiva prakIrtyate |
saiShA.anirvachanIyaM hi bhAnaM ki~nchana kathyate || 3||
sA mAyA varNanAtItA sadasadbhyAM vilakShaNA |
anirvAchyochyate nUnamanAdirbhAvarUpayoH || 4||
anAdirapi sAnteyamR^iSherevAtmavedinaH |
shuddhasattvasvarUpAM tAM mAyAmAhurmanIShiNaH || 5||
mAyAM vijitya yo martya Atmaj~nAnaM tu vindate |
sa eva prabhavettasyA j~nAtumutthAnasaMlayau || 6||
viShayA pa~ncha bhUtAni tanmAtrANyavadhAraya |
utpAdInIti mAyAyA vikArA veti tattvataH || 7||
dhUmena manujaiH sattA yathAgneranumIyate |
tathA sattA cha mAyAyAstannAnAvyaktibhirnanu || 8||
mAyA manomayI proktA yA sR^ijatyasakR^idbhramAn |
nAnArUpAMshcha sarvatra sarvaM vyApnoti nishchitam || 9||
yadA te nihataM chittaM savichAravivechanaiH |
tadAprabhR^iti mAyA tvAM pIDayatyeva no dR^iDham || 10||
viShayAn bhoktukAmaM tanmAyAbIjaM smR^itaM manaH |
ato mano nihantavyaM tatpraNAshAya suvrataH |
adhigatya parAM shAntiM brahmaj~nAnaM tadaiShyasi || 11||

iti tR^itIyo.adhyAyaH sampUrNaH |
\section{4 avidyAsvarUpam}
##Chapter IV The Nature of Avidya##

gururuvAcha |
avidyA malinaM sattvaM jIvAtmopAdhiruchyate |
tasya kAraNamUrtiH sA koshashchAnandatundilaH || 1||
avidyA syAdasadbodho yena jIvo.avagachChati |
aj~no buddhiM tanuM shuddhAM sukhayoniM cha shAshvatIm || 2||
svechChayA cha yathA rAjA nATake bhikShabhUmikAm |
Adhatte sachchidAnandabrahmAyaM jIvabhUmikAm |
jagannATakara~Nge.asmiMstathA lIlAkutUhalAt || 3||
pANDuraM puruSho vastu kAmalApIDito yathA |
pItaM pashyatyavidyAtastathA.a.atmAnaM sa vigraham || 4||
Atmabodhodgame tAta saivA.avidyA vinashyati |
ato.avidyA vinAsho hi brahmAspadamudIryate || 5||
yathA.a.adarsho malenAndhyaM yAti tadvadavidyayA |
brahmA.a.avR^itaM tato martyA vimuhyanti muhustayA || 6||
indriyANi mano.ahantA buddhirvarShmetyamUni cha |
kAryANi vid.hdhyavidyAyAstatastatkAraNaM jahi |
kAryANi svayamR^ichChanti praNAshaM kAraNAtyaye || 7||

iti chaturtho.adhyAyaH sampUrNaH |
\section{5 vishvasvarUpam}
##Chapter V - The nature of the Universe##

gururuvAcha |
nAmarUpAtmakaM chaitadvishvamaj~nAnamUlakam |
viddhi tadvilayaM yAti svAtmabodhAryamodaye |
AtmabhinnamasadvishvaM marIchisvapnasannibham || 1||
rajjvAmadhyAsyate sarpaH shuktau cha rajataM yathA |
sthANau chauro.abhravR^inde pUrmR^igatR^iShNAsu chodakam |
gagane nIlimA chaiva brahmaNyAropyate jagat || 2||
jalameva yathA chormiphenabudbudarUpataH |
vivartate suvarNaM cha karNikAvalayAtmanA || 3||
mR^idevamatrakumbhAdirUpatastantavo yathA |
vastrottarIyakaupInaka~nchukAdyAtmanAnagha |
tathA brahmaikamevAtra vishvarUpaM bibharti hi || 4||
bhAvayantyarbhakA dArudvipaM satyaM hi yUthapam |
prauDhAstu tadasatyatvaM jAnate bAlishAstathA || 5||
anAtmamAtramIkShante kintu pashyanti paNDitAH |
kevalaM brahma sarvatra viveko.asyAyamAddataH || 6||
tattvaM jAnIhi yatkR^itsnaM vishvaM brahmaNyavasthitam |
mAyayA tadbahirbhAti vapuste mukure yathA || 7||
svapnadR^iShTaM yathA vastu prabodhe nekShate naraH |
jIvanmuktastathA vishvaM brahmaj~nAne pratiShThite || 8||

iti pa~nchamo.adhyAyaH sampUrNaH |
\section{6 manasaH svarUpam}
##Chapter VI The Nature of the Mind##

gururuvAcha |	
sraShTuM saMhartumapyetannimeSheNAkhalaM jagat |
manaH shaknotyato hIdaM vichAreNa jahi drutam |
vAsanAhananenaivaM tachchA~nchalyajayena cha	|| 1||
mano hi vAsanApu~njaM bruvate tattvavedinaH |
janayanti cha tA bandhaM vAsanAstadvadhastataH || 2||
vimuktimichChatAvashyaM kAryaH sarvAtmanA bhuvi |
vAsanAsu vinaShTAsu pradIpa iva vindate |
upabhuktAkhilasneho manaH shAntimanuttamAm || 3||
yathA.a.atmanaH kR^imiH koshe badhyate.antastathA naraH |
saMsArAkhyamahAjAle sa~NkalpairvAsanAgaNaiH || 4||
cha~nchalaM mana eveha balavAnAtmano ripuH |
sR^ijatyasa~Nkhyasa~NkalpavAsanAstatsvavR^ittibhiH |
ato brahmavichAreNa jahi tAstvaM nirantaram || 5||
dvaitavR^ittiShvaluptAsu brahma bhAti na chetasaH |
ato nAshaya tAH sarvA brahmatejo.abhivR^iddhaye || 6||
sarvopadravayoneshchA.aha~NkR^iterAspadaM manaH |
aha~NkAravinAshe tu manonAshaH prasid.hdhyati |
manonAshe hyaha~NkAranAshaH sa~njAyate dhruvam || 7||
mamatA tavatA cheti manaHsR^iShTirubhe api |
vichAreNa hate chitte nashyantIdR^ishabhAvanAH |
nibodha vatsa manasaH praNAsho mokSha eva hi || 8||
sa~NkalpanAshamevAhuH sArthaM chittalayaM budhAH |
apunarbhavamutsAdaM sa~NkalpAnAM manIShiNaH |
akSharaM bhAsvaraM chAhuravarNyaM brahmaNaH padam || 9||
vishodhyate yathA hema pAvakena tathA manaH |
dhyAnAgninA hi nirdagdhaM nirmalaM tAta jAyate || 10||

iti ShaShTo.adhyAyaH sampUrNaH |
\section{7 sAdhanApraNAliH}
##Chapter VII The Process of Sadhana##

gururuvAcha |
AchChAdyate yathA vahnirbhasmanA cha kR^ipANakaH |
koshena cha ravimedhairgarbhashcholbena hIrakaH |
mR^idA talpashChadenaivaM brahma mAMsAsthibhirvR^itam || 1||
yadApanIyate bhasma tadAgniH sAdhu dR^ishyate |
yadAbhrANi nirasyante tadA.a.adityaH prakAshate || 2||
yadApanIyate koshaH kR^ipANo dR^ishyate tadA |
yadAstaraNamutsR^iShTaM tadA talpo nu dR^ishyate || 3||
tathaivAj~nAnasaMvAre niraste brahmarodhini |
brahmabodhena sambhAsvadbrahmasAkShAtkR^itirbhavet || 4||
dugdhe na navanItaM tvaM vyApakaM paripashyasi |
tadeva labhase kintu mathite payasi svayam || 5||
tathA na brahma shaknoShi sandraShTaM charmachakShuShA |
dhyAnena drakShyasi brahma sarvavyApi tvasaMshayam || 6||
svIyamAdhehi chittaM cha nirastAkhilakalmaSham |
avasAdaya sambandhAn manaso bAhyavastubhiH || 7||
samUlaM jahi kAmAMshcha sa~NkalpAMstyaja sarvashaH |
vinAshayAkhilAstR^iShNA brahmadhyAnaikamAnasaH |
avarNyaprabhamadvaitaM brahmapIThaM tadaiShyasi || 8||
api tattvamasItyasya mahAvAkyasya tattvataH |
artha budhyasva jij~nAso sa syAniHshreyasAya te || 9||
brahmAtmaikyAnubhUtishcha mahAvAkyodbhavA punaH |
saMsArasAgarottAre tAta naukAyate khalu || 10||
samadR^iShTyA vivekena satsa~Ngena sthireNa cha |
chittena na tadvichAreNa sulabhaM paramaM padam || 11||
yadbhAvayati chittena naraH sarvAtmanA sadA |
tadeva jAyate shIghraM yathA kITo mR^idAlaye || 12||
sthirAsane samAsIno niyamyendriyajAlakam |
pa~nchakoshAnatikramya shAnto dhyAya cha santatam || 13|
svayamprakAshamevAhaM sachchidAnandako.advayam |
brahmAsmyAdhArabhUtaM cha vishvakoshasamUhayoH || 14||
ityevaM brahmAsmyAbhAvaM tvaM tailadhArAnibhaM kuru |
snAyannashnan shvasan gachChan svapan krIDaMshcha saMlapan || 15||
yAvadbrahmAvabodhaM hi vindase tAvadAchara |
vichAraM brahmaNo.apyevaM sadvR^ittamR^iShisa~Ngatim || 16||
ahambrahmAsmivAkyasya dhyAyaM dhyAyamanuttamam |
yadarthaM satataM brahmAkAravR^ittiM cha puShyasi || 17||
AtmAntaHkaraNAchChuddhasattvAttarhi prasiddhayati |
brahmaj~nAnaM svayaM sarvanigamAkhilashIrShakam || 18||
omityekAkSharaM prAhuH pratIkaM brahmaNaH param |
tadeva vyAhR^itiH shaktestrayIsArashcha vishrutaH || 19||
nirbhayAmaratAtIraprApaNe taraNishcha tat |
dhyAyato bhaktibhAvena praNavaM vatsa sarvadA || 20||
abhyAsenAtmano brahmavichAraM sahajaM kuru |
tadaiva te manastiShThedAtmano nipuNaM vashe |
nashyanti manaso brahmavichAreNa malAni hi || 21||
ko.ahaM kuto jagajjAtaM kathaM janmamR^itI punaH |
bandhamokShau cha kAvevaM mImAMsAmanishaM kuru |
tadA hi shAshvatAnandapadaM yAsyasi chAkShatam || 22||
 yadi te brahmasaMlipsA lakShyatR^iShNAM vinAshaya |
dUrIkaroShi chAtmAnaM viShayebhyo yathA yathA |
tathA tathA tvayi brahmatejo vatsa pradIpyate || 23||
rAgadveSharuShA.ahatAmAnairyadi na muchyase |
padmAdyAsana saMviShTo.apyekAhaM naiva shaknuyAH |
samAdhiM tarhi nirveShTaM kadApIha nibodha tat || 24||
vilApaya vachashchitte chittaM buddhau cha shemuShIm |
tatsAkShiNi parAM shAntimupabhukShva tataH param || 25||
sanniyamyendriyagrAmaM sadodyadbhAvanAM jahi |
nimajjaya mano.antasthe brahmaNyevamatandritaH |
yenAnubhavituM svasya brahmaNaikyaM tvamarhasi || 26||
chatuHsAdhanasampatyA yukto vAchaM niyamya cha |
saMhR^itya sakalA AshAH shR^iNu vedasarasvatIm |
vichintaya shrutaM samyagdhyAyaMshchaihyAtmavedanam || 27||
nirvikalpe samAdhau hi subodhaM brahma nishchitam |
brahmaNyeva vilIne syAtsamAdhiH shuddhamAnase || 28||
pare brahmaNi vij~nAte nirvikalpasamAdhinA |
bhidyate hR^idayagranthiH kAmo.avidyA cha karma cha || 29||
 vinA sampUrNavairAgyAtsamAdhiste na sid.hdhyati |
samAdhiM chAtmano bodho vinA te naiva jAyate |
antarA chAtmasaMvedaM samya~NmokSho na sid.hdhyati || 30||

iti saptamo.adhyAyaH sampUrNaH |
\section{8 j~nAnAj~nAnasvarUpam}
##Chapter VIII Ignorance and Wisdom##

gururuvAcha |
ahaM kAyo madIyo.ayaM dehashcheyaM satI mama |
putro.asau me cha vipro.ahaM sthUlo.ahaM paNDito.apyaham |
kR^iShNo.ahamiti manyeta yaH sa baddho.aj~na eva cha || 1||
nAhaM dehastvahaM sarvavyApyamayo.avikAryaham |
akhaNDashcha svatantro.asmi sachchidAnanda eva cha || 2||
svayambhUrbrahma chAsmIti yo bhAvayati tattvavit |
sa j~nAnI cha maharShishcha sa mukto bhavabandhanAt || 3||
karmAkArShamidaM chAhaM so.ahaM yAmi surAlayam |
upAbhujIdR^ishAn bhogAn iti yo vetti so.abudhaH || 4||
nAhaM kartA na bhoktApi sAkShI kevalamasmi tu |
karoti prakR^itiH karmetyAha yaH sa R^iShirbudhaH || 5||

iti aShTamo.adhyAyaH sampUrNaH |
\section{9 pa~nchakoshaH}
##Chapter IX The Five Sheaths##

gururuvAcha |
asAvannamayaH koshaH pa~nchabhUtAtmakaH smR^itaH |
AdyantavAn jaDaH kAryastattvaM na prANakoshakaH || 1||
malasAndro.apyato na tvaM kosho.ayaM pArthivA~NgabhR^it |
tvamasya varShmaNaH sAkShI tadrahasyamidaM shR^iNu |
nAhaM sharIramevAsmi brahmAhaM kevalaM tviti || 2||
atha prANamayaH kosho rajoguNasamudbhavaH |
AgantavAn jaDa kAryastattvaM na prANakoshakaH || 3||
asya koshasya sAkShI tvaM tadrahaspamidaM shR^iNu |
nAha prANamayaH kosho brahmAhaM kevalaM tviti || 4||
yo.ayaM manomayaH koshaH sa cha satvaguNodbhavaH |
AdyantavAn jaDaH kAryastattvaM naiva manomayaH || 5||
asya koshasya sAkShI tvaM tadrahasyamidaM shR^iNu |
nAhaM manomayaH kosho vahmAhaM kevalaM tviti || 6||
yo vij~nAnamayaH koshaH so.api sattvaguNodbhavaH |
AdyantavAn jahaH kAryastvaM vij~nAnamayo na tat || 7||
asya koshasya sAkShI tvaM tadrahasyamidaM shR^iNu |
nAhaM vij~nAnakosho hi brahmAha kevalaM tviti || 8||
ya AnandamayaH koshaH sa cha prakR^itisambhavaH |
avidyAkarmajanyo.api vyabhichAriguNAnvitaH || 9||
jaDashchAyaM tvamAnandakosho naiva bhavasyataH |
asya koshasya sAkShI tvaM tadrahasyamidaM shR^iNu |
nAhamAnandakosho.api brahmAhaM kevalaM tviti || 10||

iti navamo.adhyAyaH sampUrNaH |
\section{10 jIvanamuktiravasthA}
##Chapter X The State of Jivanmukti##

gururuvAcha |
pade.akShare turIye yo jIvanmuktaH pratiShThitaH |
sukhaduHkhAdibhirdvandvairna kadApi sa pIDyate || 1||
AtmIyasachchidAnandasvarUpe.anArataM sa hi |
vishrAmyAtitarAmevaM sukhenAtmechChayATati || 2||
sharIratritayAtkoshapa~nchakAdapyahaM paraH |
avasthAtrayasAkShI cha shuddhachaitanyakevalaH |
ityeva sAdhusaMvitte jIvannapi vimuktibhAk || 3||
Atmaiva sarvabhUtAnItyevaM yastu vijaj~nivAn |
jIvanmuktasya tasyarShermohaH shoko na ko.api vA |
na vidyate dvitIyo.api yatastasya mahAtmanaH || 4||
nirdagdhasarvakAmo yo nihatAha~NkR^itiryatiH |
arUpabhedadR^ik shAntaH sarvabhUteShu yaH samaH |
mAyA.aj~nAnatamomuktaH sa paraM bhAsate mahAn || 5||
jIvanmuktaH sadAnande parabrahmaNyavasthitaH |
niruddhachittavR^ittishcha sphaTikasvachChamAnasaH |
so.ahantvambhedabhAvaishcha nopaliptaH kadAchana || 6||
vimukto yo yatIndrashcha jitAj~nAnamahAripuH |
sadAnandarahasyaj~naH sa karArpitabhaikShyabhuk |
mUleShu shAkhinA chApi svapityAnandanirbharaH || 7||
sa maharShirna lokasya stutininde samIkShate |
yasyApi tADyamAnasya shAntameva manaH sthitam || 8||
anugR^ihNati yaH pApAnAtmapIDAkarAnmudA |
sarvatra kevalaM svIyamAtmAnaM chAnupashyati || 9||
yasya duHkheShvanudvignaM sukheShvapramadojjvalam |
manashcha so.apyasandehaM jIvanmuktaH prakIrtyate |
manastasya prashAntaM cha brahmAtmaikyAnubhAvataH || 10||
jIvanmukto hi saMskArarUpaM jAnAti vigraham |
videhamuktibhAganyo neti bhedaM nibodha tam || 11||

iti dashamo.adhyAyaH sampUrNaH |
\section{11 brahmopadeshaH}
##Chapter XI Brahma-Upadesha##

gururuvAcha |
na tvaM kSharamidaM gAtraM nApIdaM cha~nchalaM manaH |
nApIndriyANi buddhirno nApi kAraNavigrahaH |
tvaM vyApakAkSharaM brahmetIdaM buddhavaidhi muktibhAk || 1||
tvaM praj~nAnaghano hyAtmA brahma tvaM chidghanaM tathA |
tvamAnandaghanashchAtmA tvaM vij~nAnaghanaH pumAn |
anubudhya paraM tattvametachcha bhava muktibhAk || 2||
akhaNDaikarasaM brahma tvaM cha chinmAtrapUruShaH |
ali~Ngastvamana~NgAtmA tvamarAgo nira~njanaH |
anubhUya paraM tattvametachcha bhava muktibhAk || 3||
deshakAlAtigastvaM chAnAdyanto.agashcha niHspR^ihaH |
avikAryamaro.akarmA tvameva brahma kevalam |
saMvij~nAya paraM tattvametachcha bhava muktibhAk || 4||
abhedyastvamanaMsho cha nirjanmamaraNo.avyayaH |
svatantrastvaM svaya~njyotirameyastvaM sanAtanaH |
etabuddhvA paraM tattvaM vimuktiM nirvishAnagha || 5||
tvamAnandamayaH sAkShAtpuruSho brahma chinmayam |
jyotirmayastvamAtmA cha buddhvedaM bhava muktibhAk || 6||
kAyatrayAchcha bhinnastvamanyastvaM koshapa~nchakAt |
avasthAtrayasAkShI tvametabuddhvaidhi muktibhAk || 7||
doShakShayavinirmukto bhedarogavivarjitaH |
ajarApariNAmastvaM chaitabuddhvaidhi muktibhAk || 8||
sarveShAmantarAtmA yachchAnAdyakSharamavyayam |
ameyaM paramaM vastu brahmAvA~NmanasAspadam |
tadbrahmaiva tvamasya~Nga dhyAyaMstanmuktibhAgbhava || 9||

iti ekAdasho.adhyAyaH sampUrNaH |
\section{12 AtmAnusandhAnam}
##Chapter XII Realisation of the Self##

gururuvAcha |
kachchidvinaShTo mohaste kachchitte galitaM bhayam |
sAmprataM vatsa sandeho nirastaH kachchideva te || 1||
kachchittvaM sachchidAnandasvarUpe hyavatiShThase |
idAnImAtmano yasmAdrahasyaM paramaM mayA |
vedAntasya tavAkhyAtaM sArabhUtaM trayInidheH || 2||
shiShya uvAcha |
bhagavannadhunAtmAnaM guro jAnAmi nishchitam |
ahameva svaya~njyotiradvayaM chAvikAri cha || 3||
arUpaM shAshvataM vishvavyApakaM kevalaM vibho |
akhaNDaikarasaM brahma tejorUpamahaM param || 4||
brahmAhaM sachchidAnandaM shuddho.ahamamaro.avyayaH |
ameyo nirbhayo.akAlo virakto gativarjitaH |
adehachittasambandho niShkarmAhamatIndriyaH || 5||
namaste bhagavatpAda tvayAhaM parirakShitaH |
saMsArachakrato ghorAt tvatprasAdena shAshvataH || 6||
AnandashchAmR^itatvaM cha saMsiddhamadhunA prabho |
sandehAj~nAnasammohAH sarve me vilayaM gatAH |
praNAmAH koTishaH santu bhagavaste dayAnidhe || 7||
gururuvAcha |
ya imAM mokShagItAM cha nityamekAgramAnasaH |
prayatashcha yuto bhaktyA paThanevAnutiShThati || 8||
upadiShTAni sarvANi so.amR^itatvaM vrajellaghu |
AnandaM shAshvataM chApi paramAM shAntimavyayAm |
yatrAste brahmajij~nAsA tatra syuH shAntisampadaH || 9||

iti dvAdasho.adhyAyaH sampUrNaH |

iti svAmI shivAnandavirachitA advaitavedAntatattvaj~nasAradarshakA
mokShagItA samAptA |

OM shAntiH shAntiH shAntiH ||
##
Thus ends Moksha Gita which gives the essence of
the Advaita Vedanta Philosophy.
Hari OM Tat Sat!
OM Shanti! Shanti!! Shanti!!!


Encoded and proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}