% Text title            : pingalagItA
% File name             : pingalagiitaa.itx
% Category              : gItA, giitaa
% Location              : doc\_giitaa
% Transliterated by     : Professor Tokunaga in Kyoto system(?)
% Proofread by          : Sunder Hattangadi(sunderh at hotmail.com)
% Latest update         : June 2, 1998
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. pingalAgItA ..}##
\itxtitle{.. pi~NgalAgItA ..}##\endtitles ##

 adhyAyaH 168
 y
dharmAH pitAmahenoktA rAjadharmAshritAH shubhAH .
dharmamAshramiNA.n shreShThaM vaktumarhasi pArthiva .. 1..
 bhIShmovAcha
sarvatra vihito dharmaH svargyaH satyaphala.n tapaH .
bahu dvArasya dharmasya nehAsti viphalA kriyA .. 2..
yasminyasmi.nstu vinaye yo yo yAti vinishchayam .
sa tamevAbhijAnAti nAnyaM bharatasattama .. 3..
yathA yathA cha paryeti lokatantramasAravat .
tathA tathA virAgo.atra jAyate nAtra saMshayaH .. 4..
eva.n vyavasite loke bahudoShe yudhiShThira .
Atmamoxanimitta.n vai yateta matimAnnaraH .. 5..
 y
naShTe dhane vA dAre vA putre pitari vA mR^ite .
yayA buddhyA nudechChoka.n tanme brUhi pitAmaha .. 6..
 bhIShmovAcha
naShTe dhane vA dAre vA putre pitari vA mR^ite .
aho duHkhamiti dhyAya~nshokasyApachiti.n charet .. 7..
atrApyudAharantImamitihAsaM purAtanam .
yathA senajita.n vipraH kashchidityabravIdvachaH .. 8..
putrashokAbhisantapta.n rAjAnaM shokavihvalam .
viShannavadana.n dR^iShTvA vipro vachanamabravIt .. 9..
kiM nu khalvasi mUDhastva.n shochyaH kimanushochasi .
yadA tvAmapi shochantaH shochyA yAsyanti tA.n gatim .. 10..
tva.n chaivAhaM cha ye chAnye tvA.n rAjanparyupAsate .
sarve tatra gamiShyAmo yata evAgatA vayam .. 11..
 senAjitovAcha
kA buddhiH ki.n tapo vipra kaH samAdhistapodhana .
ki.n GYAna.n kiM shrutaM vA te yatprApya na viShIdasi .. 12..
 brAhmaNovAcha
pashya bhUtAni duHkhena vyatiShaktAni sarvashaH .
AtmApi chAyaM na mama sarvA vA pR^ithivI mama .. 13..
yathA mama tathAnyeShAmiti buddhyA na me vyathA .
etAM buddhimahaM prApya na prahR^iShye na cha vyathe .. 14..
yathA kAShTha.n cha kAShThaM cha sameyAtAM mahodadhau .
sametya cha vyapeyAtA.n tadvadbhUtasamAgamaH .. 15..
evaM putrAshcha pautrAshcha GYAtayo bAndhavAstathA .
teShu sneho na kartavyo viprayogo hi tairdhruvam .. 16..
adarshanAdApatitaH punashchAdarshana.n gataH .
na tvAsau veda na tva.n taM kaH sankamanushochasi .. 17..
tR^iShNArti prabhava.n duHkhaM duHkhArti prabhava.n sukham .
sukhAtsa~njAyate duHkhamevametatpunaH punaH .
sukhasyAnantara.n duHkhaM duHkhasyAnantara.n sukham .. 18..
sukhAttva.n duHkhamApannaH punarApatsyase sukham .
na nitya.n labhate duHkhaM na nityaM labhate sukham .. 19..
nAla.n sukhAya suhR^ido nAla.n duHkhAya shatravaH .
na cha praGYAlamarthAnAM na sukhAnAmala.n dhanam .. 20..
na buddhirdhanalAbhAya na jAdyamasamR^iddhaye .
lokaparyAya vR^ittAntaM prAGYo jAnAti netaraH .. 21..
buddhimanta.n cha mUDhaM cha shUraM bhIruM jadaM kavim .
durbalaM balavanta.n cha bhAginaM bhajate sukham .. 22..
dhenurvatsasya gopasya svAminastaskarasya cha .
payaH pibati yastasyA dhenustasyeti nishchayaH .. 23..
ye cha mUDhatamA loke ye cha buddheH para.n gatAH .
te narAH sukhamedhante klishyatyantarito janaH .. 24..
antyeShu remire dhIrA na te madhyeShu remire .
antya prApti.n sukhAmAhurduHkhamantaramantayoH .. 25..
ye tu buddhisukhaM prAptA dvandvAtItA vimatsarAH .
tAnnaivArthA na chAnarthA vyathayanti kadA chana .. 26..
atha ye buddhimaprAptA vyatikrAntAshcha mUDhatAm .
te.ativelaM prahR^iShyanti santApamupayAnti cha .. 27..
nityapramuditA mUDhA divi devagaNA iva .
avalepena mahatA paridR^ibdhA vichetasaH .. 28..
sukha.n duHkhAntamAlasyaM duHkhaM dAxya.n sukhodayam .
bhUtishchaiva shriyA sArdha.n daxe vasati nAlase .. 29..
sukha.n vA yadi vA duHkha.n dveShyaM vA yadi vA priyam .
prAptaM prAptamupAsIta hR^idayenAparAjitaH .. 30..
shokasthAna sahasrANi harShasthAna shatAni cha .
divase divase mUDhamAvishanti na paNDitam .. 31..
buddhimanta.n kR^itapraGYa.n shushrUsumanasUyakam .
dAnta.n jitendriyaM chApi shoko na spR^ishate naram .. 32..
etAM buddhi.n samAsthAya guptachittashcharedbudhaH .
udayAstamayaGYa.n hi na shokaH sprastumarhati .. 33..
yannimittaM bhavechChokastrAso vA duHkhameva vA .
AyAso vA yatomUlastadekA~Ngamapi tyajet .. 34..
yadyattyajati kAmAnA.n tatsukhasyAbhipUryate .
kAmAnusArI puruShaH kAmAnanu vinashyati .. 35..
yachcha kAmasukha.n loke yachcha divyaM mahatsukham .
tR^iShNA xayasukhasyaite nArhataH sodashI.n kalAm .. 36..
pUrvadehakR^ita.n karma shubha.n vA yadi vAshubham .
prAGYaM mUDha.n tathA shUraM bhajate yAdR^ishaM kR^itam .. 37..
evameva kilaitAni priyANyevApriyANi cha .
jIveShu parivartante duHkhAni cha sukhAni cha .. 38..
tadevaM buddhimAsthAya sukha.n jIvedguNAnvitaH .
sarvAnkAmA~njugupseta sa~NgAnkurvIta pR^iShThataH .
vR^itta eSha hR^idi praudho mR^ityureSha manomayaH .. 39..
yadA sa.nharate kAmAnkUrmo.a~NgAnIva sarvashaH .
tadAtmajyotirAtmA cha Atmanyeva prasIdati .. 40..
ki.n chideva mamatvena yadA bhavati kalpitam .
tadeva paritApArtha.n sarvaM sampadyate tadA .. 41..
na bibheti yadA chAya.n yadA chAsmAnna bibhyati .
yadA nechChati na dveShTi brahma sampadyate tadA .. 42..
ubhe satyAnR^ite tyaktvA shokAnandau bhayAbhaye .
priyApriye parityajya prashAntAtmA bhaviShyasi .. 43..
yadA na kurute dhIraH sarvabhUteShu pApakam .
karmaNA manasA vAchA brahma sampadyate tadA .. 44..
yA dustyajA durmatibhiryA na jIryati jIryataH .
yo.asau prANAntiko rogastA.n tR^iShNAM tyajataH sukham .. 45..
atra pi~NgalayA gItA gAthAH shrUyanti pArthiva .
yathA sA kR^ichChrakAle.api lebhe dharma.n sanAtanam .. 46..
sa~Nkete pi~NgalA veshyA kAntenAsIdvinAkR^itA .
atha kR^ichChragatA shAntAM buddhimAsthApayattadA .. 47..
 pingalA
unmattAhamanunmatta.n kAntamanvavasaM chiram .
antike ramaNa.n santaM nainamadhyagamaM purA .. 48..
ekasthUnaM navadvAramapidhAsyAmyagArakam .
kA hi kAntamihAyAntamaya.n kAnteti mansyate .. 49..
akAmAH kAmarUpeNa dhUrtA narakarUpiNaH .
na punarva~nchayiShyanti pratibuddhAsmi jAgR^imi .. 50..
anartho.api bhavatyartho daivAtpUrvakR^itena vA .
sambuddhAhaM nirAkArA nAhamadyAjitendriyA .. 51..
sukhaM nirAshaH svapiti nairAshyaM parama.n sukham .
AshAmanAshA.n kR^itvA hi sukha.n svapiti pi~NgalA .. 52..
 bhIShmovAcha
etaishchAnyaishcha viprasya hetumadbhiH prabhAShitaiH .
paryavasthApito rAjA senajinmumude sukham .. 53..
####
.. iti pi~NgalAgItA samAptA ..
##
Adhyaya number 168 in shAntiparva, Mahabharata critical edition
(Bhandarkar Oriental Research Institute BORI).
In Kinjavadekar's edition it is 174.

Another possible source of pi.ngalA gItA is Bhagavata Purana  
11:8:30-44 ( a part of Uddhava Gita)

Encoded and proofread by Sunder Hattangadi sunderh at hotmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}