% Text title            : shaunakagItA
% File name             : shaunakagiitaa.itx
% Category              : gItA, giitaa
% Location              : doc\_giitaa
% Transliterated by     : Sunder Hattangadi sunder at hotmail.com
% Proofread by          : Sunder Hattangadi sunder at hotmail.com
% Latest update         : August 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shaunakagItA ..}##
\itxtitle{.. shaunakagItA ..}##\endtitles ##

   ||  atha shaunakagItA||
shokasthAnasahasrANi bhayasthAnashatAni cha |
divase divase mUDhamAvishanti na paNDitam || 1||
na hi j~nAnaviruddheShu bahudoSheShu karmasu |
shreyoghAtiShu sajjante buddhimanto bhavadvidhAH || 2||
aShTA~NgAM buddhimAhuryA sarvAshreyovighAtinIm |
shrutismR^itisamAyuktAM rAjansA tvayyavasthitA || 3||
arthakR^ichChreShu durgeShu vyApatsu svajanasya cha |
shArIra mAnasairduHkhairnasIdanti bhavadvidhAH || 4||
shrUyatAM chAbhidhAsyAmi janakena yathA purA |
AtmavyavasthAnakarA gItAH shlokA mahAtmanA || 5||
manodehasamutthAbhyAM duHkhAbhyAM marditaM jagat |
tayorvyAsasamAsAbhyAM shamopAyamimaM shruNu || 6||
vyAdheraniShTasaMsparshAchChramAdiShTavivarjanAt |
duHkhaM chaturbhiH shArIraM kAraNaiH sampravartate || 7||
tadAtatpratikArAchcha satataM chAvichintanAt |
AdhivyAdhiprashamanaM kriyAyogadvayena tu || 8||
matimanto hyato vaidyAH shamaM prAgeva kurvate |
mAnasasya priyAkhyAnaiH saMbhogopanayairnR^iNAm || 9||
mAnasenahi duHkhena sharIramupatapyate |
ayastaptena piNDena kumbhasaMsthamivodakam || 10||
mAnasaM shamayettasmAjj~nAnenAgnimivAmbunA |
prashAnte mAnase hyasya shArIramupashAmyati || 11||
manaso duHkhamUlaM tu sneha ityupalabhyate |
snehAttu sajjate janturduHkhayogamupaiti cha || 12||
snehamUlAni duHkhAni snehajAni bhayAni cha |
shokaharShau tathAyAsaH sarvasnehAtpravartate || 13||
snehAdbhAvo.anurAgashcha prajaj~ne viShaye tathA |
ashreyaskAvubhAvetau pUrvastatra guruH smR^itaH || 14||
koTarAgniryathAsheShaM samUlaM pAdapaM dahet |
dharmArthau tu tathA.alpo.api rAgadoSho vinAshayet || 15||
viprayogena tu tyAgI doShadarshI samAgame |
virAgaM bhajate janturnirvairo niravagrahaH ||  16||
tasmAtsnehaM na lipseta mitrebhyo dhanasa.nchayAt |
svasharIrasamutthaM cha j~nAnena vinivartayet || 17||
j~nAnAnviteShu yukteShu shAstraj~neShu kR^itAtmasu |
na teShu sajjate snehaH padmapatreShvivodakam || 18||
rAgAbhibhUtaH puruShaH kAmena parikR^iShyate |
ichChA sa.njAyate tasya tatastR^iShNA vivardhate || 19||
tR^iShNAhi sarvapApiShThA nityodvegakarI smR^itA |
adharmabahulA chaiva ghorA pApAnubandhinI || 20||
yA dustyajA durmatibhiryA na jIryati jIryataH |
yosau prANAntiko rogastAM tR^iShNAM tyajataH sukham || 21||
anAdyantA hi sA tR^iShNA antardehagatA nR^iNAm |
vinAshayati bhUtAni ayonija ivAnalaH || 22||
yathaidhaH svasamutthena vahninA nAshamR^ichChati |
tathA.akR^itAtmA lobhena sahajena vinashyati || 23||
rAjataH salilAdagneshchorataH svajanAdapi |
bhayamarthavatAM nityaM mR^ityoH prANabhR^itAmiva || 24||
yathA hyAmiShamAkAshe pakShibhiH shvApadairbhuvi |
bhakShyante salile matsyaistathA sarvatra vittavAn || 25||
artha eva hi keShA.nchidanartha bhajate nR^iNAm |
artha shreyasi chAsakto na shreyo vindate naraH || 26||
tasmAdarthAgamAH sarve manomohavivardhanAH |
kArpaNyaM darpamAnau cha bhayamudvega eva cha || 27||
arthajAniM viduH prAj~nA duHkhanyetAni dehinAm |
arthasyotpAdane chaiva pAlane cha tathAkShaye || 28||
sahanti cha mahadduHkhaM ghnanti chaivArthakAraNAt |
arthAdduHkhaM parityaktaM pAlitAshchaiva shatravaH || 29||
duHkhena chAdhigamyante tasmAnnAshaM na chintayet |
asantoShaparA mUDhAH santoShaM yAnti paNDitAH || 30||
anto nAsti pipAsAyAH santoShaH paramaM sukham |
tasmAtsantoShameveha paraM pashyanti paNDitAH || 31||
anityaM yauvanaM rUpaM jIvitaM ratnasa.nchayaH |
aishvaryaM priyasaMvAso gR^iddhyettatra na paNDitaH || 32||
tyajeta sa~nchayA.nstasmAttajjAnkleshAn saheta cha |
na hi sa~nchayavAnkashchiddR^ishyate nirupadravaH |
atashcha dhArmikaiH puMbhiranIhArthaH prashasyate || 33||
dharmArtha yasya vittehA varaM tasya nirIhatA |
prakShAlanAddhi pa~Nkasya shreyo na sparshanaM nR^iNAm || 34||
yudhiShThiraivaM sarveShu na spR^ihAM kartumarhasi |
dharmeNa yadite kArya vimuktechCho bhavArthataH || 35||
          || iti shaunakagItA samAptA ||

##
From Mahabharata Vanaparva Adhyaya 2, shloka 15-48.

Encoded and proofread by Sunder Hattangadi sunder at hotmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}