% Text title            : shrIdhIshagItA
% File name             : shrIdhIshagItA.itx
% Category              : giitaa, gItA, ganesha, upanishhat
% Location              : doc\_giitaa
% Proofread by          : Mohan Chettoor
% Description/comments  : See the Hindi translation of Shri Dhishagita
% Acknowledge-Permission: Shri Bharat Dharma Mahamandal Varanasi
% Latest update         : November 19, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dhisha Gita ..}##
\itxtitle{.. shrI dhIshagItA ..}##\endtitles ##
shrIgaNeshAya namaH |
\section{1\. svasvarUpabhAvanirUpaNam}
atha prathamo.adhyAyaH |
sUta uvAcha || 1||
guro ! vedAntatattvaj~na ! vedArthadyotakAnyaho |
anekAni purANAni kR^ipAtaH shrAvitAni me || 2||
anekopaniShatsArarUpA gItAshcha kIrttitAH |
jAto.asmyahaM tato deva ! kR^itakR^ityo na saMshayaH || 3||
ashrauSha~ncha bhavatto.ahaM purAkhyAnaprasa~NgataH |
jagatkartA jagaddhAtA jagajjanmAdikAraNam || 4||
jagatpitA jagadbandhurbhagavAn vishvapAlakaH |
pare buddheH sthito buddhimadhiShThAya kR^ipAvashAt || 5||
muktiM dadAti jIvebhyaH sharaNAgatavatsalaH |
ataH samprochyate dhIsha AmnAyairakhilairasau || 6||
ityapyAkarNitaM nAtha ! bhavato vadanAmbujAta |
yatpurAdivyamAsAdya dhIshalokaM maharShayaH || 7||
shrImadgaNapaterdevAchChrUtavanto hitA~nchChabhAn |
anekopaniShatsAropadeshAnmuktidAyakAn || 8||
tavAsImakR^ipArAshirmayyAste yA tayaiva mAm |
divyAM dhIsharShisaMvAdarUpAM puNyamayImataH || 9||
j~nAnadAM muktidAM shravyAM dhIshagItAM sudhopamAm |
kuruShva shrAvayitvAmAM kR^itakR^ityaM kR^ipArNava ! || 10||
kasmAnmaharShibhirdhIshalokaH prAptaH purA prabho !
kva vAso dhIshaloko.asti kathamvA tatra gamyate || 11||
kAnyadhyAtmarahasyAni dhIshadevena prochire |
shrAvayitvA cha tatsarvaM vyAsato mAM kR^itArthaya || 12||
yena shrautarahasyaM tatprachAyrrghAhaM punaH punaH |
mumukShUNAM kR^ite loke dhanyaH syAM hi svayaM dhruvam || 13||
vyAsa uvAcha || 14||
sUta ! te dharmajij~nAsApravR^ittyA janmasiddhayA |
bhaktayA guroshcha sadbuddhayA vishvakalyANasaktayA || 15||
prasanno.asmyahamatyantaM saumyAtte cha svabhAvataH |
yattvaM jij~nAsase tAta ! yattvaM yA sha~Nkase hyataH || 16||
tatsamAdhAnadAnena nitAntaM modamAvahe |
yato me priyashiShyo.asi matkR^ipApu~njabhAjanam || 17||
jij~nAsuprANivR^indebhyaH shikShAdAnaM nirantaram |
mumukShusAdhakebhyashchashcha tattvaj~nAnopade shanam || 18||
vedAnAM j~nAnarUpANAM vishvasmiMshcha prachAraNam |
teShAM prakAshana~nchAsti jIvanasya vrataM mama || 19||
sUta ! vishveshamAhAtmyamachAraH puNyavarddhanaH |
svabhAvAdrochate mahyaM tatrAsi tvaM sahAyakaH || 20||
sAnandaM pUrayiShye.ataH prArthanAmuttamAmimAm |
samAhitamanA buddhayA yuktaH shraddhAnvitaH shR^iNu || 21||
brahmANDametatsaptAdhaH saptorddhva~nchaiva vidyate |
chaturdashamiteShvevaM vibhaktaM bhuvaneShvaho || 22||
chaturdashamitAnyetadbhuvanAnyeva kovidAH |
UrddhvalokAnadholokAn sapta sapta vadanti cha || 23||
svAbhAvikyasurAvAsabhUradhastAd bhavettayoH |
saptalokyAM tathovasthA saptalokI cha devabhUH || 24||
chaturdashamitAnA~ncha yuvanAnAM virAjate |
madhyasandhisthito mR^ityuloko martyanivAsabhUH || 25||
asau sR^ita ! kila prAj~nairbhUloko.api nigadyate |
pArthivo mR^ityuloko.asya pitR^iloko.asti daivikaH || 26||
yuddhe devAsure jAte kvAchitke.api kadAchana |
tayornivAsabhUmyoH syAt kAdAchitko viparyyayaH || 27||
he sUtAdhyAtmarAjyasya chAlakA R^iShayo yataH |
tachchaturdashalokeShu gatisteShAmabAdhitA || 28||
vAsasthAnAni teShAntu lokAH saptorddhvavarttinaH |
shreNyo.anekA maharShINAmUrddhvalokeShu santyataH || 29||
teShAM nivAsabhUmInAM nAnA bhedA nirUpitAH |
adholokA yathA saptAsurabhAvapradhAnakAH || 30||
bhavantyasurarAjeNa vistarAnniyamena cha |
sarvadA sarvathA nUnaM nitAntamanushAsitAH || 31||
tathA naivorddhvalokeShu devarAjAnushAsanam |
AvashyakaM varttate te yataH sattvapradhAnakAH || 32||
R^iShINAM nitarAM tatra sulabhApyasti sa~NgatiH |
yasmAnna punarAvR^ittiH satyalokastvasau sadA || 33||
muktAtmabhistaponiShThairyogayu~njAnamAnasaiH |
brahmasadbhAvasaMyuktai R^iShibhiH pUrito.astyalam || 34||
sambhavaH punarAvR^itteH saguNAkhilalokataH |
sarvetaH saguNA lokA UrdhvasthAnAdhivarttinaH || 35||
lokayoH sandhimadhyasthAstapaHsatyAbhidhAnayoH |
nAtra tvaM vismayaM kuryyAH sUta! darbhAgradhIShaNa ! || 36||
urdhvalokeShu sarveShu nishchitaM nivasantyaho |
yathAdhikArasaMllabdhi yathAsthAnaM maharShayaH || 37||
nirjarA nikhilAH sUta! labdhvA yeShAM susa~Ngatim |
pArayante svadharmasya pAlanaM kartumuttamam || 38||
ekadA militA naike purAkAle maharShayaH |
adhyAtmatattvajij~nAsAsadvA~nChAbhishcha preritAH || 39||
ekAgramAnasAH shraddhAbhaktibhAvasamanvitAH |
ekatattvayutAH shAntA dhIshalokamadhishritAH || 40||
shrImadgaNapatiM devaM sajj~nAnAnandavigraham |
tatraitya bhagavantaM taM prArthayAmAsurAdarAt || 41||
R^iShaya UchuH || 42||
bhagavan ! dhIsha ! sarvaj~na ! jaganmAnya ! jagadguro ! |
kR^ipAto bhavato vedAn prAptavanto vayaM purA || 43||
teShAmarthAnusandhAne kR^itakAryyA abhUma cha |
tavAsmAbhiH paraM naiva j~nAtaM rUpaM yathArthataH || 44||
ato naivabhavachChAntirasmAkaM chetasi prabho ! |
vayaM sharaNamApannA bhavallokramupasthitAH || 45||
adya naH kR^ipayA dehi svarUpaj~nAnamAtmanaH |
tattvaj~nAnanidheH sAraM j~nAnaM tachChrAvayAmR^itam || 46||
yatsyAchchopaniShadrapamasmanniHshreyasapradam |
chirashAntikaraM deva ! brahmAnandapradAyakam || 47||
gaNapatiruvAcha || 48||
pAra~Ngato.asmyalaM viprAH ! svasaptaj~nAnabhUmitaH |
sachchidAnandarUpeNa virAje chAhamavyayaH || 49||
vibhuM mAmapyaho bhaktA bhAvukAH svechChayA dvijAH ! |
nAnArUpeShu pashyanti kR^itakR^ityA bhavanti cha || 50||
rUpahIno.asmyahaM viprAH ! shraddhAvantastathApi me |
bhaktA mAM sthUlarUpe vA jyotIrUpe nirIkShya cha || 51||
sAnandAH kR^itakR^ityAH syurnAtra kAryyA vichAraNA |
syuH prapa~nchamayAdasmAt sthUlAdvai viShayAtpare || 52||
indriyaughAstataH santi tanmAtrANyakhilAni cha |
tanmAtrebhyaH pare pAre vR^ittayashcha bhavantyaho || 53||
tAbhyaH pAraM gatA bhAvA bhAvebhyo.api paraM mahat |
mahato.api paraM nityaM kurvate darshanaM mama || 54||
j~nAnino yogAniShNAtA bhaktA me tattvachintakAH |
etadrUpaM paraM j~nAtvA chiraM shAntimavApnuta || 55||
ahamevAsmi sadrUpashchidrUpo.api maharShayaH ! |
ahamAnandarUpo.asmi nUnamatra na saMshayaH || 56||
vibhushcha nirvikAro.ahaM nirAkArashcha nirguNaH |
dvandvAtItashcha nirlipto j~nAnarUpo.apyahaM dhruvam || 57||
svarUpAvasthitau mUla\-prakR^itirme maharShayaH |
mallInA bhAvamadvaitamAvirbhAvayatetarAm || 58||
sA vyutthAnadashAyAntu svaM rUpaM triguNAtmakam |
dhR^itvA dR^ishyamapa~nchasya sR^iShTisthitilayakriyAH || 59||
kurvArNA.a.aste sadA viprAH! madAj~nAvashavarttinI |
matprakR^ityAshcha bho viprAH! tamassattvarajoguNAH || 60||
j~nAyante sachchidAnandarUpairbhAvaistribhirmama |
nanvadhyAtmAdhidaivA dhibhUtabhAvairaho tribhiH || 61||
AvirbhUyAtmabhaktebhyo j~nAnibhyaH sattvaraM dhruvam |
ahameva prayachChAmi tattvaj~nAnaM na saMshayaH || 62||
tadA me j~nAnino bhaktA bhAvatrayyAshrayAddhruvam |
aghaTyaghaTanAyAM yA prakR^itirme paTIyasI || 63||
tasyAstraiguNyamayyA hi kR^itvA tAttvikadarshanam |
mAmakInAM labhante.ante mukti sAyujyanAmikAm || 64||
tribhAvAtmakamevAsti taTasthaj~nAnamadbhutam |
matsvarUpAvabodhAya sUpAyaH sarvathottamaH || 65||
matkAraNadashAyAM vai sachchidAnandarUpiNaH |
tribhAvA avatiShThante.advaitarUpe na saMshayaH || 66||
nanvadhyAtmAdhidevAdhibhUtabhAvaistribhirdhruvam |
prakR^iterme prajAtasya kAryabrahmaNa eva hi || 67||
a~NgopA~NgAni sarvANi vyApnuvannu pR^ithak pR^ithak |
vishvaM prakAshaye sarvamahaM vaichitryasa~Nkulam || 68||
sthAnaM tannAsti vishvasmin vyAptaM yanna tribhAvataH |
yadbrahmeshavirADrUpaiH pashyanto j~nAnino hi mAm || 69||
unmajjanti nimajjanti bhaktA me bhaktisAgare |
tatrApi kAraNaM vitta nityabhAvatrayaM khalu || 70||
yattadbrahma manovAchAma~NgocharamitIritam |
tat sarvakAraNaM vitta sarvAdhyAtmikamityapi || 71||
anAdyantamajaM divyamajaraM dhruvamavyayam |
apratarkyamavij~neyaM brahmAgre sampravartate || 72||
svechChayA mAyayA yattajjagajjanmAdikAraNam |
IshvarAkhyaM tu tattatvamadhidaivamiti smR^itam || 73||
sarvaj~naH sadgururnityo hyantaryAmI kR^ipAnidhiH |
sarvasadguNasArAtmA doShashUnyaH paraH pumAn || 74||
yatkAryabrahma vishvasya nidhAnaM prAkR^itAtmakam |
virADIkhyaM sthUlataramadhibhUtaM taduchyate || 75||
punarvaH sampravakShye.ahaM shrUyatAM tattvamuttamam |
nanvadhyAtmAdhidaivAdhibhUtabhAvatrayAnugam || 76||
yayAdhyAtmAdhidaivAdhibhUtabhAvatrayaM dvijAH ! |
vidyate kAraNe nUnaM kAyyeShvapi tathaiva tat || 77||
vistarAtsampravakShye.ahaM tatsvarUpaM nishamyatAm |
ahameva svakIyAM tAM mahAmAyAmupAshritaH || 78||
vibhrANo.adhyAtmabhAvena R^iShirupaM sadottamam |
tathAdhidaivabhAvena devatArUpamAdadhet || 79||
tathAdhibhUtabhAvena pitR^irUpamadhishrayan |
nAnAbrahmANDasa~NghAtaM saMrakShAmi maharShayaH ! || 80||
AkAshaM prathamaM bhUtaM shrotramadhyAtmamuchyate |
adhibhUtaM tathA shabdo dishastatrAdhidaivatam || 81||
dvitIyaM mArutaM bhUtaM tvagadhyAtmaM cha vishrutam |
spaShTavyamadhibhUtashcha vidyuttatrAdhidaivatam || 82||
tR^itIyaM jyotirityAhushchakShuradhyAtmamuchyate |
adhibhUtaM tato rUpaM sUryyastatrAdhidaivatam || 83||
chaturthamApo vij~neyaM jihvA chAdhyAtmamuchyate |
adhibhUtaM rasashchAtra somastatrAdhidaivatam || 84||
pR^ithivI pa~nchamaM bhUtaM ghrANa~nchAdhyAtmamuchyate |
adhibhUtaM tathA gandho vAyustatrAdhidaivatam || 85||
pAdAvadhyAtmamityAhurbrAhmaNAsttattvadarshinaH |
adhibhUtaM tu gantavyaM viShNustatrAdhidaivatam || 86||
avAggatirapAnashcha pAyuradhyAtmamuchyate |
adhibhUtaM visargashcha mitrastabhArdaivatam || 87||
prajanaH sarvabhUtAnAmupastho.adhyAtmanuchyate |
adhibhUtaM tathA shukraM daivata~ncha prajApatiH || 88||
hastAvadhyAtmamityAhuradhyAtmavedino janAH |
adhibhUtaM cha karmANi shakrastatrAdhidaivatam || 89||
vaishvadevI tataH pUrvA vAgadhyAtmamihochyate |
vaktavyamadhibhUta~ncha vahnistatrAdhidaivatam || 90||
aha~NkArastathAsdhyAtmaM sarvasaMsArakArakam |
abhimAno.adhibhUta~ncha rudrastatrAdhidaivatam || 91||
buddhiradhyAtmamityAhuryathAvadabhidarshinaH |
boddhavyamadhibhUtaM tu kShetraj~nashchAdhidaivatam || 92||
adhyAtmaM mana ityAhuH pa~nchabhR^itAtmavArakam |
adhibhUta~ncha sa~NkalpashchandramAshchAdhidaivatam || 93||
vedaH shabdamayaM j~neyaM matsvarUpaM na saMshayaH |
mantrAstatrAdhibhutaM syAdIshvarashchAdhidevatam || 94||
j~nAnamadhyAtmamityAhurvedaniShNAtabuddhayaH |
sarasvatyAshcha gAyatryAH sAvitryAshcha tathaiva hi || 95||
machChaktireva vedeShu trINi rUpANi vibhratI |
j~nAnashaktiH kriyAshaktiryaj~nashaktistathA dvijAH || 96||
etachChaktitrayaM nUnaM samutpAdayatetarAm |
nAtra kashchana sandeho vidyate viprapu~NgavAH ! || 97||
nigamAgamayoraikyAchChAstre.api vedasammate |
sAdR^ishyaM tu tribhAvAnAmevamevAstyasaMshayam || 98||
antaHkaraNamevAsti kAraNaM bandhamokShayoH |
aha~NkAro mano buddhishchittashchaitachchatuShTayam || 99||
tatrAdhibhUtamevAsti brahmA tatrAdhidaivatam |
mamAnandavilAsashcha tatrAdhyAtmaM samuchyate || 100||
jagaddhArakadharmasyAdhibhUtaM karma prochyate |
upAsanAdhidaivaM syAdadhyAtmaM j~nAnamuchyate || 101||
dharmA~NgeShvapi sarveShu pratyekaM vidyate dvijAH ! |
sambandho hi tribhAvAnAM saMshayo nAtra kashchana || 102||
veda evAsti bho viprAH ! madAj~nAyAH prakAshakaH |
vedasammatashAstrANi tasya vyAkhyAnibhAnicha || 103||
ahamevAsmyato vede shAstreShu tatpareShu cha |
laukikI parakIyA cha samAdhinAmikA tathA || 104||
etastrayeNa dhR^itvA.ahaM tribhAvaM bhAmi santatam |
adhibhUta~ncha vidyAnAM sarvAsAM shAstramuchyate || 105||
adhidaivamR^iShiH proktamadhyAtmaM veda uchyate |
adhibhUtaM dhruvaM sR^iShTeH piNDasR^iShTimaharShayaH ! || 106||
brahmANDasR^iShTirevAsti nUnaM tatrAdhidaivatam |
sachchitornityamAnandavilAso.adhyAtmamuchyate || 107||
anantakoTibrahmANDa\-kAraNaM yachcha prochyate |
piNDanAsho.avibhUtaM syAtpralayasya maharShayaH || 108||
prAhuraj~nAshcha yaM mR^ityuM jIvAnAM romaharShaNam |
brahmANDapralayashchAsti viprAH tatrAdhidaivatam || 109||
adhyAtmaM tatra jIvAnAM matsAyujyasamAgamaH |
jIvasyAvaraNaM nUnaM bandhakAraNamuchyate || 110||
adhibhUtaM hi yasyAsti koShANAM pa~nchakaM budhAH ! |
adhidaivamavidyA me satsattA.adhyAtmamuchyate || 111||
sAma~njasyasurakShArthaM sR^iShTerutpadyate tu yaH |
devAsurAkhyasa~NgrAmaH pUrNaH so.api tribhAvataH || 112||
vij~nA maharShayo nAtra kAchit kAryyA vichAraNA |
dharmAdharmAmayInAM yaddvR^ittInAM dvandvasa~Ngaram || 113||
antaHkaraNamAsAdya jAyate nityamadbhutam |
devAsurAkhyayuddhasya tadevAdhyAtmamuchyate || 114||
devAsuraM devaloke yuddhaM naimittikaM tu yat |
bhavettadeva bho viprA Aste khalvadhidaivatam || 115||
daivInAmAsurINA~ncha sampattInAM prabhAvataH |
jAyate mR^ityuloke yadmahAyuddhaM parasparam || 116||
adhibhUtaM tadevAsti tasya yuddhasya nishchitam |
mamaiva prakR^itirnUnamAshrayeNa mamaiva tu || 117||
AvirbhAvayate sR^iShTi\-prapa~ncha santataM dvijAH ! |
kAraNaM bandhanasyAtaH prakR^ite meM guNatrayam || 118||
ye tribhAvAshrayAnme tu pashyanti prakR^itiM mama |
tribhirguNairna badhyante prakR^iteste kadAchana || 119||
mAmakInaM svakIya~ncha gR^ihItvA.a.adarshamuttamam |
mamaiShA prakR^itirviprAH ! saMsAre.apArasImani || 120||
nArIdhArAM nR^idhArA~ncha protpAdya vishvamashnute |
ato dhArAdvaye.asmiMshcha bandhamokShadashAdvayam || 121||
kartuM sArthakamevAsti dvidhA bhAvatrayaM khalu |
sR^iShTerdashAyAM dampatyoH kShetrabIje maharShayaH || 122||
adhibhUtaM tathA chAste pitarastvadhidaivatam |
bhUtabhAvodbhavakaro visargaH karmasa.nj~nitaH || 123||
adhyAtmaM prochyate tatra nAtra kashchana saMshayaH |
mukterdashAyAM dampatyormalli~NgaM prakR^itishcha me || 124||
adhibhUtaM tathAste sachchidbhAvAvadhidaivatam |
paramAnanda evAsti tatrAdhyAtmaM na saMshayaH || 125||
brAhmaNAH ! itthamevAhaM tribhAvairdeshakAlayoH |
pAtro.api darshanaM datvA svabhaktAn j~nAnino dhruvam || 126||
prakR^iterbanndhanAnnUnaM mochayAmi na saMshayaH |
etadgUDharahasyaM vaH kathitaM viprapu~NgavAH || 127||
shuddhabhAvamayo yashcha pUrNashaktiprakAshakaH |
oM tattsaditi mantro hi sadbhAvatrayavAchakaH || 128||
bhAvanAbhistadarthAnAM tajjapaishcha nirantaram |
madraktairj~nAnaniShNAtairmantratattvaparAyaNaiH || 129||
avibhaktaj~nAnapUrNA tairantardR^iShTirApyate |
mamaiva sachchidAnanda\-bhAvatrayasamAshrayAt || 130||
nanvadhyAtmAdhidaivAdhibhUtarUpaM maharShayaH ! |
bhAvatrayaM hi sarvasmin kAryyabrahmaNi bhAsate || 131||
dR^ishyaM nAto bhavet ki~nchichChUnyaM bhAvatrayeNa vai |
prApya bhakteH parAkAShThAM j~nAnayogAntimasthalIm || 132||
yadA me j~nAnino bhaktA mAM draShTuM shaknuvanti ha |
sarveShu deshakAleShu tadA bhAvatrayaM mama || 133||
bhavantyanubhavantaste machchittA nAtra saMshayaH |
aghaTyaghaTanAyAM yA prakR^itirme paTIyasI || 134||
sA traiguNyamayI devI tamaHsattvarajo.abhidhaiH |
tribhiguNaistadA nAlaM  baddhuM bhaktAn mama priyAn || 135||
aho matprakR^itishchaiva vidyArUpaM samAshritA |
nayate j~nAnino bhaktAn matsAyujyaM na saMshayaH || 136||
iti shrIdhIshagItAsUpaniShatsu brahmavidyAyAM yogashAstre
dhIsharShisaMvAde svasvarUpabhAvanirUpaNaM nAma prathamo.adhyAyaH |
\section{2\. siddhisvarUpanirUpaNam}
atha dvitIyo.adhyAyaH |
maharShaya UchuH || 1||
j~nAtvA lokottaraM divyaM tattvAtItaM kR^ipAnidhe ! |
paratattvAtmakaM samyak svarUpaM te yathArthataH || 2||
dR^ishyapra~nchajAta~ncha parivyApnuvato.akhilam |
tribhAvAtmakarUpasya rahasyaM paramAdbhutam || 3||
samAkarNya vayaM jAtAH kR^itakR^ityA na saMshayaH |
kintvanyadeva no jAtaM paraM kautUhalaM hR^idi || 4||
pashyAmaH sAmprataM sapta\-j~nAnabhUmeruparyyaho |
bhavantaM mukhamAsInaM suramye kamalAsane || 5||
dhIsha ! sarvaj~na ! sarvAtmannAsitasyAsya te vibho! |
saundaryaM kamalasyAste vA~Nmanobuddhayagocharam || 6||
sharIraM bhavato dhIsha ! raktavarNamapi prabho ! |
atotaM sarvavarNebhyo raktAdibhyo.adhunAtyalam || 7||
tarpayatyasmadIyAM vai rUpadarshanalAlasAm |
chakrapadmatrishUlastu modakena cha bhUShitaiH || 8||
karairdivyairebhirastrairbhavAn nityaM chaturbhujaH |
kaivalyAbhyudayau dAtubhivAshvAsayate cha naH || 9||
samAdhatte cha no buddhi bhavAn bhUtvA gajAnanaH |
upadiShTA vayaM pUrva bhavatA yattatasva || 10||
IshA j~nAtuM svarUpasya rahasyaM yatkimapyaho |
sundarIM lohitA~NgIntu bhavadvAmA~NkavarttinIm || 11||
sha~NkhashaktyabjachakrAtivibhUShitachaturbhujAm |
yAM vishvamohinIM devIM ShoDashIM shaktishAlinIm || 12||
pashyAmo vayametasyAH svarUpasyAdhunAvadhi |
nAj~nAsiShma rahasyaM tat kR^ipAM kR^itvaiva sAmpratam || 13||
\ldq{}kAste.asau ? tatsvarUpaM kiM ? tadrahasya~ncha vistR^itaM ?\rdq{}|
vyAsato varNayitvaitat kR^itakR^ityAn kuruShva naH || 14||
gaNapatiruvAcha || 15||
shaktireShA mamaivAste sarvakAryasahAyikA |
siddhiM nAmnA cha yAmAhurbrAhmaNA vedapAragAH || 16||
mamaiva prakatirviprAH ! sadA traiguNyashobhitA |
atyantaM sA prasIdantI siddhirUpa~ncha vibhratI || 17||
sevAyAM me ratA nityaM mAmupAshritya rAjate |
pUrNA~NgalalitA ramyA ShoDashI sarvasundarI || 18||
chakrAbjasha~NkhashaktInAM dhAriNI shaktirUpiNI |
siddhirvichyotate naiva sevAto me kadAchana || 19||
api chennirapekSho.ahaM tatsevA.a.adAnakarmaNi |
shushrUShate tathApyeShA dhR^itvA rUpaM chaturvidham || 20||
nanvadhyAtmAdhidaivAdhibhUtAni sahajaM tathA |
siddherasyA hi rUpANi chatvAri brAhmaNottamAH ! || 21||
aishvaryyasya chitA yadvat balasya cha satA yathA |
sambandhaH karmaNaH shaktyA rUpasya tejasA saha || 22||
tathaivAste cha sambandhaH siddheH sArdhaM mayA dhruvam |
sambandho.ayamapUrvo.asti nAtra kAryyA vichAraNA || 23||
viShNoH priyA yathA lakShmIH priyA shyAmA shivasya cha |
brahmamayyA mahAshakteH priya Aste yathA punaH || 24||
chidvilAsAtmako bhAvaH svakAryabrahmaNaH khalu |
aruNo.asti yathA vij~nAH ! sUryyadevasya cha priyaH || 25||
maharShayastathaivAste siddhireShA hi me priyA |
parantu nirvikAraM mAM nirliptaM j~nAnarUpiNam || 26||
svapremAvaraNe siddhirnAsajjayitumastyalam |
alaukiko.asti sambandhaH siddhyaivaM me maharShayaH ! || 27||
mantrasiddhistapaHsiddhiryogasiddhistathaiva cha |
evaM nAnAvidhA loke vikhyAtA yAshcha siddhayaH || 28||
uta yAH siddhayo vimA aishyaH santyaNimAdayaH |
jaivyo vA siddhayaH santi yA medhApratibhAdayaH || 29||
auShadhIsiddhayo yAshcha yA rasAyanamUlikAH !
padArthasiddhayo yAshcha vishvasminmantradarshinaH ! || 30||
balasiddhiHrdravyasiddhisiddhishcha puruShArthagA |
sammohanAdayaH khyAtAH santi vA yAshcha siddhayaH || 31||
j~nAnasya siddhayo nAnA vedashAstraprakAshikAH |
sarvAstAssanti matsiddhera~NgabhUtA na saMshayaH || 32||
janmauShadhipadopAstitapomantrasamAdhibhiH |
saMyamenApi labhyante siddhayo.alaukikA dvijAH || 33||
aShTopAyAH pradhAnA hi santIme siddhilabdhaye |
santi jAtismaratvAdisiddhayo janmasiddhayaH || 34||
yA siddhaguTikA kAyakalpashchaiva rasAyanam |
anyA chaivaMvidhA siddhiroShadhIsiddhiruchyate || 35||
naimittikyashcha yA deva shaktayo rAjashaktayaH |
anyAshchaivaMvidhAH sarvAH shaktayaH padasiddhayaH || 36||
upAsteH siddhayaH santi devatAdarshanAdayaH |
yAsu siddhiShu labdhAlu jAyate.abhyudayo dhruvam || 37||
ShaD vashIkaraNAdIni yAni karmANi santi cha |
anyAnyantarbhavantyevaM mantrasiddhau na saMshayaH || 38||
naivAstyevamvidhA siddhirdaivI vA kApi laukikI |
yA saMyamasamAdhibhyAM labhyeta tapasA na vA || 39||
chaturvidhA hi labhyante siddhayo nishchitaM dvijAH |
upAyairaShTabhiH proktairnAtra kAryyA vichAraNA || 40||
anantAH siddhayo yAshcha loke machChaktisambhavAH |
vibhaktAssanti tAssarvAshchaturvaiva mayA purA || 41||
tAsA~ncha labdhaye nUnamupAyA aShTa narmitAH |
taireva tAshcha prApyante nishchitaM viprapu~NgavAH ! || 42||
kurvANA laukikaM kAryyaM santi yAH siddhayo.akhilAH |
tA j~neyA nikhilA viprA Adhibhautika siddhayaH || 43||
yA daivakAryyakAriNyaH siddhayaH samprakIrttitAH |
tA j~neyA AdhidaivikyaH siddhayo nikhilAH khalu || 44||
siddhayo j~nAnavij~nAna\-prakAshinyashcha yA iha |
AdhyAtmikyashcha sarvAstAH siddhayaH prochire budhaiH || 45||
bhavatAM mantradraShTR^iNAM siddhayo.antargatA iha ||
naivAtra vismayaH kAryyo bhavadbhirviprapu~NgavAH ! || 46||
sahajAkhyA tu yA siddhirvarttate vij~nasattamAH ! |
etAbhyaH sarvasiddhibhyaH sA nitAntamalaukikI || 47||
mamAvatAravR^inde.asau svata eva prakAshate |
tattvaj~nAnairmahAtmAno manonAshena vai dhruvam || 48||
nirvAsanatayA chaivonmUlayantaH svajIvatAm |
shivarUpIbhavantashcha samAdhau nirvikalpake || 49||
tiShThanto yAnti mayyeva layamekAntato yadA |
madichChayA tadA teShu sahajA karhichidbhavet || 50||
unnatAH sahajA bahvyaH siddhayo yadyapi dvijAH ! |
tAsvaho santi mukhyAstu trayastrishachcha kevalam || 51||
yogivR^inde.avatAreShu jIvanmuktamahAtmasu |
tapasviShu prakAshante trayastrishachcha siddhayaH || 52||
samAhitairbhavadbhistAH shrUyantAM varNayAmyaham |
tAsAM nAmAni puNyAni bhavatAmantike dvijAH ! || 53||
etAH sarvAH siddhayo hi vedashAstreShu varNitAH |
aNimA laghimA prAptiH prAkAmyaM mahimA tathA || 54||
vashitvaM garimeshitve tathA kAmAvasAyitA |
dUrashravaNamevAlaM parakAyapraveshanam || 55||
manoyAyitvameveti sarvaj~natvamabhIpsitam |
vahnistambho jalastambhaH chirajIvitvameva vA || 56||
vAyustambhaH kShutpipAsAnidrAstambhanameva cha ||
kAyavyUhashcha vAksiddhimR^itAnayanamIpsitam || 57||
sR^iShTisaMhArakartR^itvaM prANAkarShaNameva cha |
prANAnA~ncha pradAna~ncha lobhAdInA~ncha stambhanam || 58||
indriyANAM stambhana~ncha buddhistambhanameva cha |
kalpavR^ikShatvasatyAnusandhAne amaratvakam || 59||
aghaTyaghaTanAyAM yA prakR^itirme paTIyasI |
jagadvimohinI saiva mahAmAyAparAbhidhA || 60||
mahato j~nAninashchaivaM yogino.api tapasvinaH |
siddhisArthairanekairhi mohayantI nirantaram || 61||
AvAgamanachakre.asmin svavilAsAtmake muhuH |
mokShamArga~ncha rundhAnA ghUrNayeta samantataH || 62||
brAhmaNAH ! prakR^itirme.asau mahAmAyAparAbhidhA |
kintu me j~nAnino bhaktAn mohituM na kadApyalam || 63||
kulA~NganAnAM sAdhvInAma~NgAnAmiva darshanam |
j~nAninAM mama bhaktAnAM bhavet siddhiprakAshanam || 64||
puruShAMshcha parAn kAMshchid yathA kAchit kulA~NganAH |
darshanAya nijA~NgAnAM na kShamante kadAchana || 65||
bhavantyutkaNThitAH kintu sarvathA janasaMsadi |
darshanAya nijA~NgAnAM nirlajjAH kulaTA muhuH || 66||
sarvasAmarthyavanto.api madbhaktA j~nAninastathA |
siddhiM svAM naiva bho viprAH! dyotayante kadAchana || 67||
yogino bhaktihInAstu lakShyahInAstapasvinaH ke |
sAdhakA ugrakarmANo j~nAnahInAstathA dvijA ! || 68||
svIyAH siddhIrvaNigvR^ittyA samprakAshya patantyalam |
prakAshyAH siddhayo naiva sarvathAto mahAtmabhiH || 69||
kadAchidbhrAtaraH putrA AtmIyAH svajanA uta |
daivAdanichChayekSheran yathA~NgAni kulastriyAH || 70||
j~nAninAM sama bhaktAnAM siddhInAM vaibhavaM tathA |
prakaTatvaM haThAyAti daivAlloke kadAchana || 71||
hastAbhyAM me yathA siddhirdvAbhyAM viprA nirantaram |
mAyAmohitajIvebhyaH shaktyarthau pradadatyalam || 72||
baghnAtyasmin hi saMsAre kArAgAre chirantane |
tathA.anyAbhyAM svahastAbhyAM dharmArthau vitarantyaho || 73||
pradatte j~nAnibhaktebhyaH kaivalyAbhyudayau dhruvam |
sAdhakA mohitA aj~nAH karmasvAsaktamAnasAH || 74||
mAyayotpAditAH siddhIH saMsAre kShaNabha~NagurAH |
pariNAmasvabhAvA hi labdhvA tatsevayA muhuH || 75||
narake svargaloke cha lokayoH pitR^ipretayoH |
nityaM ghUrNAyamAnAste santapyante tritApataH || 76||
kintu me j~nAnino bhaktAH paramAnandasAgaram |
svarUpaM tattvato j~nAtvA sachchidAndarUpakam || 77||
samastasiddhisarvasvaM mAmeva prApnuvantyalam |
nirApadaM padaM shreShThamadhikurvanti me tataH || 78||
machChaktirUpiNI siddhiH prabhAvAtyantashobhinI |
madbhaktervimukhA~njIvAn matto.ala~ncha nivartya sA || 79||
saMsArApArapAthodhAvaj~nAnAvarttasabhrame |
nipAtya nitarAM shashvat klishnAtIha maharShayaH ! || 80||
bhajato.ananyabhaktathA mAM bhUyo.asau sAdhakAn varAn |
matsamIpaM samAnIya kR^itArthAn kurute drutam || 81||
yathA snehamayI mAtA svAtmajAnatiyatnataH |
varddhayantI prasAdena puShNantI pAlayantyapi || 82||
adhikArayate kShipraM paramaM ma~NgalAspadam |
tathA kAruNyapUrNA.asau siddhirmAteva sarvadA || 83||
ArttAnarthArthino bhaktAn, jij~nAsUMstrInimAnmama |
nUnamAnandasandohamutsAha~ncha dadatyalam || 84||
vidhatte.agresarAn kShitramAbhimukhyena me cha tAn |
mama sevAratAyAshcha svarUpaM prakR^iterdvidhA || 85||
vibhaktaM varttate vij~nAH ! nAtra kAryyA vichAraNA |
ekA parAbhidhA j~neyA dvitIyAsparanAmikA || 86||
aparAnAmikA jIvAn prakR^itirme.akhilAnalam |
guNatrayAtmake jAle svasminnAshliShya mAyayA || 87||
dvandvasyAnubhavaM taishcha kArayantI nirantaram |
svavilAsAtmakaM lIlAmayaM janayate jagat || 88||
parA meM prakR^itirdhanyA sAdhakAnAM hR^idambuje |
bhR^i~NgAvalIM parAbhaktiM sanniveshya maharShayaH ! || 89||
vIkShayantI trayANA~ncha guNAnAM vaibhavaM muhuH |
dvandvAtItaM padaM nItvA mAmenAn darshayatyaho || 50||
ato vij~navarA atra prakR^iterme dashAdvaye |
mama siddhisvarUpasya vikAsho.api dvidhA bhavet || 91||
aparA siddhirekAsti dvitIyA cha parAmidhA |
naikoktasiddhirUpANi nAnArUpANi vibhratI || 92||
siddhirme.astyaparAnAmnI nAtra vaH saMshayo bhavet |
j~nAnAdhikAriNo viprAH ! pUjyA siddhiH parAbhidhA || 93||
chinmayI sAttvikI nityA hitA.advaitavidhAyinI ||
svarUpAnandasandohadyotinI sA prakIrttitA || 94||
aishyo me siddhayo viprAH ! kAmanAmantareNa me |
prakaTatvaM hi saMsAre naiva yAnti kadAchana || 95||
mAmakInA yataH shaktirna svechChAchAriNI bhavet |
ato mamAvatAreShu j~nAniShvapi kadAchana || 96||
madbhakteShu prakAsherannaishyo me siddhayaH svataH |
mamAvatAravR^indAnAmAvirbhAvo maharShayaH || 97||
athavA j~nAnibhakteShu hyaishyAH siddheH prakAshanam |
samaShTorjIvavargasya karmaNo nighnamastyaho || 98||
santyataH siddhayo viprA aishyo.atyantaM sudurlabhAH |
svarUpaM mama siddheshcha j~nAtvA samya~NmaharShayaH || 99||
kadAchidaparAsiddhermAshliShyadhvaM hi bandhane |
chinmayyA me parAsirmahattvaM paramAdbhutam || 100||
j~nAtvopAsya cha tAmevAdvaitAnandaprakAshakam |
dvandvAtItaM labhadhvaM hi shAshvataM paramaM padam || 101||
sthiraM lakShyaM vidhAyaivaM dvijAH ! siddhisvarUpiNi |
Ayudhe modake nUnaM trishUle me tritApake || 102||
dR^iShTikShepaM na kucharan bhavanto hi kadAchana |
chakrapadmasvarUpau hi dharmamokShau nirantaram || 103||
agresareyuH saMlakShya bAdhAM neyuH kadAchana |
satyametaddhi jAnIta nAtra kashchana saMshayaH || 104||
iti shrIdhIshagItAsUpaniShatsu brahmavidyAyAM yoga\-
shAstre dhIsharShisaMvAde siddhisvarUpanirUpaNaM
nAma dvitIyo.adhyAyaH |
\section{3\. j~nAnabhUminirUpaNam}
atha tR^itIyo.adhyAyaH |
maharShaya UchuH || 1||
he sarvashaktiman ! dhIsha ! bhagavan ! sarvasiddhida ! |
he vibho ! sarvasiddhInAM nityAdhArasvarUpavan ! || 2||
parAsiddheH kR^ipAprAptyai pUrvaM taddarshanaM dhruvam |
AvashyakIyamevAsti tadupAyAnato vada || 3||
yairnaH syAddarshanaM nUnaM parAsiddhernirApadam |
yathA vA naH kR^itArthatvamupadishyAmahe tathA || 4||
gaNapatiruvAcha || 5||
vidyAsvarUpiNI nityAM parAsiddhiM madAshrayAm |
tattvaj~nAnasuniShNAtAH mahApauruShyashAlinaH || 6||
divyadR^iShTayA nirIkShante j~nAnino j~nAnabhUmiShu |
tattvaj~nAH shAntachetaskAH sAdhakAstu yathAyatham || 7||
kramAdagresarantIha saptasu j~nAnabhUmiShu |
mama vidyAsvarUpAyAH parAsiddhestathAtatham || 8||
uttarottaramatyantaM spaShTa rUpasya darshanam |
prApnuvanto nimajjanti paramAnandasAgare || 9||
ahaM j~nAnasvarUpo.asmi nUnaM vij~navarA dvijAH ! |
taTastha~ncha svarUpa~ncha dvividhaM j~nAnamIritam || 10||
j~nAtA j~nAnaM tathA j~neyameShAM bhAnaiH samanvitaH |
yatra tripuTisambandho vidyate viprapu~NgavAH ! || 11||
j~nAnaM syAttattaTasthAkhyaM svarUpaj~nAnakAraNam |
j~nAne.asmiMshcha taTasthAkhye svarUpasya dvijottamAH ! || 12||
sachchidAnandabhAvAnAmanubhUtiH pR^ithaka pR^ithaka |
syAdatastatra sampUrNaM dR^ishyajAtaM pratIyate || 13||
yatra tripuTisambandhaleshamAtraM na vidyate |
sachchidAnandabhAvAnAmanubhUtiH pR^itha~Nna cha || 14||
yatrApyetattrayaM tiShThedbhAve.advaite nirantaram |
udeti nishchitaM tatra svarUpaj~nAnamuttamam || 15||
yato.astitvaM taTasthasyAhaM mahattatvayogataH |
taTasthaj~nAnamastyasmAdbahubhAvaiH samanvitam || 16||
pUrNaM j~nAnaM svarUpantu shAshvata~nchAvikAri cha |
tattvAtIte pade.astyasya parame nityasaMsthitiH || 17||
pariNAmitaTasthAkhyAjj~nAnAnnUnaM shanaiH shanaiH |
svarUpamudayajj~nAnaM yadAste viprapu~NgavAH ! || 18||
sarveShu prANivR^indeShvavibhaktaM nikhileShu cha |
desheShu sarvakAleShu pAtreShu vividheShu cha || 19||
vikArarahitaM sarvabhUteShvekatvadarshakam |
unnataM sAttvikaM j~nAnaM tattvaj~neShu mahAtmasu || 20||
tadA prakAshate nUnaM svata eva na saMshayaH |
tatprabhAvAtsvarUpasya j~nAnasyAnubhavaM kila || 21||
kurvantyeva nirAyAsaM muktAtmAno maharShayaH |
naivAtra vismayaH kAryyaH satyametadbravImi vaH || 22||
yathA shabdaM vinA.a.akAsho vinA sparshaM samIraNaH |
rUpeNaivaM vinA vahnirjalaM khalu rasaMvinA || 23||
yathA gandhaM vinA pR^ithvI naiva tiShThet kadAchana |
tathA taTasthaj~nAnasya nodayo.aha~NkR^itiM vinA || 24||
naiva sambhAvyate kintu svarUpe dvaitamaNvapi |
ato j~nAnaM svarUpAkhyaM svasvarUpaM mamaiva tat || 25||
avidyAjanitaM viprA vibhaktaj~nAnamatsya ho |
vidyAsambhUtamevAstyavibhaktaj~nAnamuttamam || 26||
asmyahaM j~nAnarUpatvAchchejj~nAnadvayamadhyaho |
avibhaktaM tathApyetajj~nAnaM datte parammadam || 27||
matto jIvAn davayate vibhaktaj~nAnamatyaho |
vibhaktaj~nAnato nItvA.avibhaktaj~nAnamandiram || 28||
mumukShUn svasvarupaM me nUnaM netuM nirApadam |
shrutibhirvarNitAH pUrvaM saptaiva j~nAnabhUmayaH || 29||
vishvavandhanakartrIShu saptasvaj~nAnabhUmiShu |
aj~nAnAndhAH sadA jIvA Asajjante vimohitAH || 30||
shrautAnAM karmakANDAnAM sAhAyyAtsAdhakAH khalu |
pUrvaM sharIrasa~Nguddhi manaHshuddhiM tataH param || 31||
kR^itvA pashchAnmamopAstyA chittavR^ittIH prashamya cha |
adhikAraM labhante.ante tattvaj~nAnasya durlabham || 32||
tatashcha kramasho viprAH ! sopAnArohaNaM yathA |
j~nAnabhUmIshcha saptaivamatikramya shanaiH shanaiH || 33||
j~nAnapUrNAntarAtmAno mAmante prApnuvanti te |
j~nAnakramavikAshairhi pUrNAH svAbhAvikairataH || 34||
saptaitA j~nAnabhUmyo me parAsiddheH kR^ipAvashAt |
svarupaj~nAnasa.Nllabdhervahante hetutAmalam || 35||
saptAnAM j~nAnabhUmInAM prathamA j~nAnadA bhavet |
sanyAsadA dvitIyA syAttR^itIyA yogadA bhavet || 36||
lIlonmuktishchachaturthI syAtpa~nchamI satpadA smR^itA |
ShaShThAnandapadA j~neyA saptamI cha parAtparA || 37||
yAvajjIvairatikrAntA na saptA.aj~nAnabhUmayaH |
tAvanna prathamA bhUmirj~nAnasya j~nAnadA.a.apyate || 38||
udbhijjAnAM chidAkAshe prathamA.aj~nAnabhUmikA |
svedajAnAM chidAkAshe sA dvitIyA prakIrtitA || 39||
tR^itIyA.aNDajajAteshchAj~nAnabhUmishchidAshritA |
jarAyujapashUnA~ncha chidAkAshe chaturthyasau || 40||
pa~nchakoShaprapUrNatvAdhikAriShveva vai nR^iShu |
santi sheShA adhikR^itAstisrastvaj~nAnabhUmayaH || 41||
tisrastA eva kathyanta uttamAdhamadhyamAH |
vishadaM tAH prachakShe.ahaM shrUyantAM viprapu~NgavAH ! || 42||
etA aj~nAnabhUmIrhi tisR^ireva samUlataH |
mUrttimantaH svayaM vedA nirAkartuM samudyatAH || 43||
adhamA.aj~nAnabhUmau hi yAvanmartyaH prasajjate |
kR^ite.aSharAdhe daNDaH syAtiryya~Ngyonau tadudbhavaH || 44||
madhyamAj~nAnabhUmeshcha mAnavairadhikAribhiH |
pitR^ilokAstathA viprAH ! nArakAcha punaH punaH || 45||
prApyante mR^ityulokashcha sukhaduHkhAdipuritaH |
dadAtyUrdhva~ncha svarlokamuttamA.aj~nAnabhUmikA || 46||
adhamAj~nAnabhUmi~ncha prAptA martyA bhavantyaho |
dehAtmavAdino.anAryyA nAstikAH shauchavarjjitAH || 47||
madhyamA.aj~nAnabhUmestu mAnavA adhikAriNaH |
Astikatvena bho viprAH sadvichAraparAyaNAH || 48||
dehAtmanorhi pArthakyaM vishvasanto.api sarvathA |
indriyANAM sukhe magnA nitarAmaihalaukike || 49||
vismaranti mahAmR^iDhAH sukhaM te pAralaukikam |
uttamAj~nAnabhUme puNyavanto.adhikAriNaH || 50||
AtmA.atiriktaM me shaktamatvA.astitvaM dvijarShabhAH |
svargIyasya sukhasyaiva jAyante te.adhikAriNaH || 51||
adhamA.aj~nAnabhUmirvai tamomukhyA vijR^imbhate |
tamorajaHpradhAnA cha madhyamA.asauprakIrtitA || 52||
uttamA.aj~nAnabhUmishcha rajaHsattvapradhAnikA |
shuddhasattvavikAshasya sthale nUnaM yathAkramam || 53||
puNyabhAjAM manuShyANAM chittAkAshe tato dvijAH ! |
saptAnAM j~nAnabhUmInAmadhikArAH krameNa hi || 54||
samudyanti dhruvaM devadurlabhAnAM svabhAvataH |
j~nAnabhUmyashcha saptaitA sAdhakAntarhR^idi kramAt || 55||
shuddhaM sattvaguNaM samyagvarddhayantyo nirantaram |
niHshreyasapadaM nityaM guNAtItaM nayantyalam || 56||
yatki~nchidAsIjj~nAtavyaM j~nAtaM sarvaM mayeti dhIH |
AdyAyA bhUmikAyAshchAnubhavaH parikIrttitaH || 57||
tyAjyaM tyaktaM mayetyevaM dvitIyo.anubhavo mataH |
prApyA shaktirmayA lavdhAnubhavo hi tR^itIyakaH || 58||
mAyAvilasitaM chaitaddR^ishyate sarvameva hi |
na tatra mesbhilASho.asti chaturtho.anubhavo mataH || 59||
jagadbrahmetyanubhavaH pa~nchamaH parikIrttitaH |
brahmaivedaM jagat ShaShTho.anubhavaH kila kathyate || 60||
advitIyaM nirvikAraM sachchidAnandarUpakam |
brahmA.ahamasmIti matiH saptamo.anubhavo mataH || 61||
imAM bhUmiM prapadhaiva brahmasArUpyamApyate |
nAtra kashchana sandeho vidmate munisattamAH ! || 62||
shravaNaM manana~nchaiva nididhyAsanameva cha |
puruShArthAstridhA proktA eta eva maharShayaH || 63||
mumukShUNAM tribhiH samya~NmamasAmIpyalabdhaye |
puruShArthairupetAnAmetaiH sAdhanashailayaH || 64||
saptAnAM j~nAnabhUmInAM sapta sopAnasannibhAH |
prAsAdapR^iShThamAroDhuM yathA sopAnapa~NaktayaH || 65||
tathA taThasthaj~nAnasya saptaitA j~nAnabhUmayaH |
saptasopAnatulyAH syuH svarUpaj~nAnalabdhaye || 66||
AdyAyAM j~nAnadAnAmnyAM j~nAnabhUmmAM mumukShavaH |
antardR^iShTiM labheraMste tattvajij~nAsavo dvijAH || 67||
tadA jij~nAsavo nUnaM paramANusvarUpataH |
ShoDashadhA vibhaktAni dR^iShTvA tAnyeva me punaH |
vAdasAhAyyato vApi paryyAlochanalochanaiH || 69||
sR^iShTiM nirIkShya tasyAshcha kartAraM kevalaM hi mAm |
shaknuvanti budhA viprAH ! anumAtuM kulAlavat || 70||
asyA~ncha j~nAnabhUmau hi kShetre tattvaj~namAnase |
Atmaj~nAnIyabIjasya praroho jAyate dhruvam || 71||
enAM vadantyato bhUmiM j~nAnadAM j~nAnino janAH |
dadAtyeShA yato bhUmirj~nAnaM nityaM mumukShave || 72||
ArUDhAnAM j~nAnabhUmAvetasyAM niyamena cha |
mamopAstau pravR^ittAnAM yena kena prakArataH || 73||
mumukShUNAM dhruvaM chitte j~nAnavAyuprakampitam |
mUlaj~nAnavR^ikShasya sarvathA shithilAyate || 74||
sannyAsadAbhidhAyAM hi j~nAnabhUmyAmpratiShThitAH |
mumukShavaH sharIraM me sthUlamalpasamIpataH || 75||
sampashyanto mamA~NgeShu sthUlepveva maharShayaH |
kurvantaH sUkShmashaktInAmanabhUtiM nirantaram || 76||
dharmAdharmau cha nirNIya hyadharmyaM tyaktumIshate |
j~nAnabhUmirdvitIyA.ata eShA sannyAsadochyate || 77||
yogadAyAM tR^itIyAyAM j~nAnabhUmyAM mumukShavaH |
chittavR^ittinirodhasya kurvanto.abhyAsamuttamam || 78||
machChaktiM saMyamenaitAM mAmpunarbrAhmaNottamAH ! |
abhyAsenaikatattvasya pR^ithaktvena nirIkShitum || 79||
yasmin kAle pravarttante sUkShmadR^iShTisvarUpakam |
sAdhakeShu tadodeti pratyakShaM nanvalaukikam || 80||
j~nAnabhUmimimAM vij~nA yogadA~ncha vadantyataH |
chittavR^ittinirodhaM yadyogameShA dadAtyalam || 81||
lIlonmuktiM chaturthI vai j~nAnabhUmiM prapadya cha |
adyaTyaghaTanAyAM hi paTIyasyA mumukShavaH || 82||
traiguNyalIlAmayyA me tattvamvai prakR^iterviduH |
tadA lIlAmayI svasyAM lIlAyAM prakR^itiH punaH || 83||
nAsajjayitumIShTe tAn sAghakAn vij~nasattamAH ! |
lIlonmuktiM budhAM prochurj~nAnabhUmimimAmataH || 84||
pa~nchamIM j~nAnabhumiM te yadA samprApya satpadAm |
abheda j~nAnamAptuM vai chitte svasmin mumukShavaH || 85||
Arabhante tadA teShAmanubhUterhi shaktayaH |
visheSheNa vivarddhanta nAtra kAryA vichAraNA || 86||
astyekatvAdabhedo yo manmatprakR^itigocharaH |
yo vA.abhedo.asti me viprAH ! kAryakAraNarUpayoH || 87||
taM vaij~nAnikanetreNa vispaShTaM j~nAtumIshate |
j~nAtvA samyagrahasya~ncha vishvotpAdakakarmaNaH || 88||
jagadevAsmyahamiti mAM nirIkShya vichArataH |
kAryabrahmaNa etasya vibudhyante sma satyatAm || 89||
enAM vadanti vidvAMso bhUmiM vai satpadAmataH |
sadbhAvasya yato.amuShyA j~nAnaM lokairavApyate || 90||
nanvAnandapadAM ShaShThIM j~nAnabhUmiM prapadya vai |
ekadhAre tu mayyeva mama bhaktA mumukShavaH || 91||
karmarAjyaM jaDaM viprAH ! daivarAjya~ncha chetanam |
shaknuvanti yadA draShTuM tadA me rasasAgare || 92||
unmajjanto nimajjanto jagadityahameva mAm |
samIkShamANA advaitamAnandamupabhu~njate || 93||
budhAH samprochurAnandapadAM bhUmimimAmataH |
AnandaH sAdhakairyasmAdasyAM bhUmAvavApyate || 94||
antimAM j~nAnabhUmiM me saptamI~ncha parAtparAm |
samprApya j~nAnino bhaktAH kAryakAraNayordvijAH ! || 95||
bhedadR^iShTilayaM kR^itvA svarUpe yAnti me layam |
bhedaj~nAnalayenaiva teShAM sarveShu shuddhAntarAtmani || 96||
sarveShu prANivR^indeShu kilaikatvapradarshakam |
advaitabhAvajanakA.avibhaktaj~nAnamuttamam || 97||
udeti nAtra sandeho.aj~nAnadhvAntApanodakam |
tadA me j~nAnibhakteShu mayi bhedashcha nashyati || 98||
lIyante matsrUpe te svarUpaj~nAnasaMshrayAt |
ato vadanti vidvAMsa imAM bhUmi parAtparAm || 99||
etAsAM j~nAnabhUmInAM kechittattvabubhutsavaH |
sthUladR^iShTyA virodhaM yachCha~Nkante tanna sAmpratam || 100||
he vij~nAnavido viprAH ! nanvaj~nAnasya saptabhiH |
prapUrNaM saptabhiH samyak tathA j~nAnasya bhUmibhiH || 101||
nUnamAste mahAkAsha\-golakaM paramAdbhutam |
tasya nimnastarAH sapta saptachChAyAprapUritAH || 102||
uchchaiH saptastarAH saptajyotirbhishchaiva pUritAH |
adhaH ChAyAstarAH santi chatvAro hi samaShTitaH || 103||
chaturdhA bhUtasa~NghAnAM chidAkAshena pUritAH |
starA aj~nAnabhUmInAM tata urdhvaM gatAstrayaH || 104||
j~nAnabhUmistarAH sapta tathA dashavidhAnamUn |
dhR^itvA.adhikArAn sampUrNAn piNDAn daivAMshcha mAnavAn || 105||
vyApnuvantiH naH sandehastasmAdvij~nAnavittamAH ! |
etaddashavidheShvevAdhikAreShvakhilA hitAH || 106||
nimnAnnimnatarA evamuchchairuchchatamAstathA |
dArshanikAdhikArA hi santi sammilitA dhruvam || 107||
aghaTyaghaTanAyAM sA prakR^itirme paTIyasIH ||
matto vyaktA mahAkAsha\-golake.atra prakAshate || 108||
UrdhvagAH saptabhUmIrvai sA vidyArUpato.ashnute |
avidyArUpato viprAH ! saptabhUmIshcha nimnagAH || 109||
saptachChAyAbhiretAbhirjyotirbhiH saptabhistathA |
paripUrNaM mahAkAsha\-golakaM me ja~NAtmikA || 110||
vibhakti prakatirnityaM nUnamAdhArarUpataH |
ahaM tasyopariShThAchcha santiShThe shuddhachinmayaH || 111||
j~nAninaH syAddhi yasyAdo.adhyAtyagolakadarshanam |
maddarshanaM dhruvaM kartuM shaknuyAtsarvathaiva saH || 112||
vaidikairdarshanairuktaM j~nAnamevAsti lochanam |
etadarthaM na sandehaH satyaM satyaM bravImi vaH || 113||
saptAnAM j~nAnabhUmInAmato darshanasaptake |
virodhaM ye.anukalpante te bhaktA j~nAnino na me || 114||
j~nAnibhaktA bhavanto me bhavanto me dvijottamAH ! |
advaitamavibhakta~ncha vikArarahitaM tathA || 115||
j~nAnaM prApya parAsiddheH kR^ipAdR^iShTyAnutoShitAH |
matsAyujyaM samAsAdya labheran kR^itakR^ityatAm || 116||
iti shrIdhIshagItAtUpaniShatsu brahmavidyAyAM yogashAstre
dhIsharShisaMvAde j~nAnabhUminirUpaNaM nAma tR^itIyo.adhyAyaH |
\section{4\. dharmavij~nAnanirUpaNam}
atha chaturtho.adhyAyaH |
R^iShaya UchuH || 1||
rahasyaM j~nAnabhUmInAM he sarvaj~na ! mahAdbhutam |
tathA.avibhaktaj~nAnasya shailIM shrutvA prakAshikAm || 2||
asmAkaM saMshayAH sarve dUrobhUtA na saMshayaH |
asmAnupadishaitachcha kR^ipAM kR^itvA.adhunA prabho ! || 3||
ko nanvaj~nAnabhUmInAM prabhAvAdrakShayan mudA |
mumukShUn sAdhakA~njIvAnnayate j~nAnabhUmikAH || 4||
atItyAj~nAnabhUmIshcha kairupAyairmumukShavaH |
labhante j~nAnabhUmIrhi sAdhakAH sattvaraM dhruvam || 5||
kramAdagresarantashcha saptasu j~nAnabhUmiShu |
bhavantaM prApnuvantyante sachchidAnandarUpiNam || 6||
gaNapatiruvAcha || 7||
brAhmaNAH ! nayate nUnaM sarvalokahitapradaH |
brahmANDapiNDarUpAyAH sR^iShTeshcha dhArako mahAn || 8||
mAnavAn dharma evAyaM kaivalyAbhyudayapradaH |
saMrakShyAj~nAnabhUmibhyo j~nAnabhUmIrnirantaram || 9||
dadachchAbhyudayaM samyak samprApayyAntimAM kramAt |
j~nAnabhUmiM tato datte niHshreyasamaho param || 10||
ahamevAsmi dharmasya sthitisthAnaM dvijarShabhAH ! |
dharmAkR^itirmamaivAste shaktireva sanAtanI || 11||
virAdasR^iShTeH pravAhasya dhAraNaM kR^itavatyaho |
mamaiva sAttvikI shaktirnUnaM dharmo maharShayaH ! || 12||
nAtra kashchana sandeho vidyate dvijasattamAH ! |
vidyate viprashArdUlAH ! shaktirme triguNAtmikA || 13||
AkarShaNavishiShTA yA sA shaktIrAjasI matA |
vikarShaNena sampR^iktA shaktirme tAmasI tathA || 14||
sAma~njasyaM prakurvANA tayoH shaktyordvayoriha |
sAttvikI saiva dharmo.asti shaktirme nAtra saMshayaH || 15||
parivyApnoti dharmasyashaktireShaiva dhArikA |
paramANubhya A nUnaM pUrNAM brahmANDavistR^itim || 16||
shakteH sandhArikAyA me dharmasyaiva prabhAvataH |
sUryendvAdigrahAH sarve tathA nakShatramaNDalam || 17||
upagrahAdayo.apyevaM virADdehe mamAnisham |
svasvakakShAmupAshritya bhramante hi samantataH || 18||
sR^iShTerakShA~ncha kurvanti sAhAyyaM dadato mithaH |
devAsureNa yuddhena daivyAH sR^iShTeH pavitratAm || 19||
sampAdayantI dharmyasya dhArikA shaktiruttamA |
pratiShThApayate devAn svasvaloke.asurAMstathA || 20||
nishchitaM mAtR^ibhAvena vij~nAH ! dharmamayeNa me |
prakR^iteH pAlitA jIvAH poShitAshcha nirantaram || 21||
udbhijjAtsvedajaM gatvA svedajAdaNDajaM tathA |
tato gachChantyaho viprAH ! aNDajAchcha jarAyujam || 22||
jarAyujAyonito hi martyayoniM gatAH punaH |
bhavanti mokShamArgasya nUnamete.adhikAriNaH || 23||
j~nAnaM hi, dharmAdharmasya mAnavebhyo hi kevalam |
kR^itAste mokShamArgasya pathikA dadatA mayA || 24||
dhArikA shaktirevAsa dharmasya viprapu~NgavAH ! ||
kramAdunnamayantI va mAnavAnuttarottaram || 25||
kR^itvA.adhikAriNo j~nAnabhUmerante cha tAnaho |
kaivalyapadavIM tebhyaH pradatte cha shanaiH shanaiH || 26||
sarveShAM rakShako dharmaH sarvajIvahitapradaH |
nikhilavyApakashchAsti sarvebhyo.abhyudayapradaH || 27||
sarveShAM mAnase nUnaM matsvarUpaprakAshakaH |
sAdhakAnAM hi jIvAnAM shivatvasya vidhAyakaH || 28||
gharmo.ayaM brAhmaNAH ! proktaH sArvabhaumasvarUpabhAk |
sAdhAraNavisheShAbhyAM dvidhA bhinno na saMshayaH || 29||
sAdhAraNastayordharmaH sarvajIvahite rataH |
adhikAravisheShasya jIvAnAM kendrabhAginAm || 30||
visheShastu visheSheNa hitaM sampAdayatyalam |
sAdhAraNasya dharmasya varNaye.a~NgAni sAmpratam || 31||
AkarNyantAM bhavadbhishcha sAvadhAnena chetasA |
chaturviMshatitattvAnAM nUnaM santyanurUpataH || 32||
a~NgAni pUrNadharmyasya chaturviMshatireva bhoH ! |
dAnaM hi trividhaM proktaM vidyArthAbhayabhedataH || 33||
kAyikaM vAchika~nchaiva tathA mAnasameva cha |
tapo.api trividhaH proktaM tapovidbhirmahAtmabhiH || 34||
ShaDvidhaH karmayaj~no.asti nityo naimittikastathA |
kAmyo.adhyAtmo.adhidaivashcha ShaShThashchaivAdhibhautikaH || 35||
upAstiyaj~nabhedAshcha vidyante navadhA nanu |
te sarve bhaktimUlAH syuryogamUlAstathaiva cha || 36||
upAsterasti yaugo hi sthUlo deho na saMshayaH |
tasyAshchaiva dvijAH ! j~neyA bhaktiH prANasvarUpiNI || 37||
mantro haTho layo rAja iti bhedAchchaturvidhAt |
chaturdhopAsAnA vedyA nUnaM yogavichArataH || 38||
tathA bhaktiprabhedena pa~nchadhopAsanAstyaho |
rAgadveShAdisa~njuShTA bhaktA me.ashuchayo dvijAH ! || 39||
mAM sadopAsate mUDhA AsurIShveva shaktiShu |
sakAmAH phalamichChantaH shubhaM bhavatagaNA mama || 40||
mAmevopAsate shashvannUnaM daivIShu shaktiShu |
viShayAnanda evAho brahmAnandAnubhAvakAH || 41||
svabhAvAdeva jAyante bhaktavR^indA mamonnatAH |
mallIlAvigrahopAstau ratAtmAno na saMshayaH || 42||
bhaktA me j~nAnino rUpe saguNe niguro tathA |
mAmupAsya nimajjanti paramAnandasAgare || 43||
shravaNaM manana~nchaiva nididhyAsanameva cha |
j~nAnayaj~nasya bhedAH syustrividhA hi maharShayaH ! || 44||
chaturviMshatiretAni dharmasya prAkR^itAnyaho |
a~NgAni sarvajIvAnAM sAdhakAni hitasya nu || 45||
vibhinna ruchayo lokA nAnAshaktimayA yataH |
ataH sAdhAraNo dharmaH sarvaprANihitAvahaH || 46||
a~NgaH pUrNasya dharmasya chaturvishatiH |
svarUpaM chedvijAnIyuH sarvalokahitAlayam || 47||
dharmajij~nAsavo nUnamudArahR^idayAstadA |
shrIguroH padavIM pUjyAM prApnuyuH sarvaprANinAm || 48||
yAvanto dharmamArgo vai janiShyante yuge yuge |
sAdhAraNasya dharmasya kiyantya~NgAnyamIShu te || 49||
gR^ihItvaiva prayAsyanti kR^itArthatvamasaMshayam |
prAdurbhUtAshcha ye loke dharmamArgA dvijottamAH ! || 50||
adhunAvadhi te.apyevaM kR^itArthasvaM gatA dhruvam |
nAtra kashchana sandeho vidyate viprapu~NgavAH ! || 51||
prapUrNatvaM hi dharmasya shAshvatasyedameva nu |
etadeva mahattvashcha pitR^ibhAvo.apyayaM dhruvam || 52||
anyadharmAnna yo dveShTi vAdhate vA kadAchana |
yathAyogyantu sarvebhyo dvividhA.abhyudayapradaH || 53||
niHshreyasasya chA.adhvAnaM yastu darshayate.akhilAn |
dharmaH sanAtano nUnamiyaM hyUpaniShanmatA || 54||
viprAH ! visheShadharmasya svarUpaM mahadadbhutam |
yathA varNAshramo dharma AryajAteH shubhAvahaH || 55||
anAryajAtijAtAnAM na tathAstyupayogabhAk |
ato.ayaM varttate dharmo visheSho nAtra saMshayaH || 56||
pravR^ittirodhako nUnaM varNadharmo maharShayaH ! |
nivR^itteH poShakashchAsti dharma AshramagocharaH || 57||
dharmAvetAvubhAvena sa~njIvya shAshvatIH samAH |
AryajAtiM surakShetAM sA~NkaryAt patanAttathA || 58||
nArIdharmastapomUlo nR^idharmo yaj~namUlakaH |
etau dvAvapi varttate dharmo viprAH ! visheShakau || 59||
pravR^ittidharma eko.asti nivR^ittidharma ityapi |
rAjadharmaH prajAjammaH shAktaH shaivashcha vaiShNavaH || 60||
sauryo dharmo.api bho viprAH ! ApaddharmAdayastathA |
ete visheShadharmasya vidyante.antargatAH khalu || 61||
sarvapradhAna Adyashcha varIyAn vyApakastathA |
sadAchAro visheSheShu dharmeShu vidyate dvijAH ! || 62||
yato dharmAnukUlo yo vyApAro vapuSho.akhilaH |
sadbhiH proktaH sadAchAro nanvasau puNyavarddhanaH || 63||
Aste visheShadharmasya hyadhikAro.antimo dvijAH ! |
sannyAsAshrama evAsau nAtra kAryA vichAraNA || 64||
sannyAso na bhavedvij~nAH ! karmatyAgena kevalam |
kintu sannyAsasaMsiddhirvAsanAtyAgato bhavet || 65||
ato visheShadharmasyAdhikArasyAtivistR^iteH |
vaichitryAchcha parAtsthUlasvA~Ngasa~nchAlanAtmikAm || 66||
sadAchAramayIM sthUlasthUlAmArabhya satkriyAm |
sUkShmasUkShmatamabrahmasadbhAvaprAptikAraNam || 67||
parivyApya cha sannyAsaM sambandhastasya vidyate |
nAtra kashchana sandeho vidyate brAhmaNottamAH ! || 68||
varNAshramAdidharmANAM visheShANAM dvijottamAH ! |
pAlanenaiva me bhaktAH kramasho.aj~nAnabhUmitaH || 69||
nivR^itya j~nAnabhUmInAM jAyante pathikA dhruvam |
sAdhAraNasya dharmyasya sAdhakAH kramasho varam || 70||
sArvabhaumaM svarUpaM vai sarvajIvahitapradam |
sarvashaktimayaM divyaM vyApakaM mokShasAdhakam || 71||
prANino.anubhavantyatra yAvadeva dvijottamAH ! |
j~nAnasya tAvatI bhUmimArohanti samunnatAm || 72||
shreShThaM vedAntasiddhAntAnubhavaM prApya satvaram |
matsAyujyaM labhante.ante tato yAnti kR^itArthatAm || 73||
iti shrIdhIshagItAsUpaniShatsu brahmavidyAyAM yogashAstre
dhIsharShisaMvAde dharmavij~nAnanirUpaNaM nAma chaturtho.adhyAyaH |
\section{5\. vedAntanirUpaNam}
atha pa~nchamo.adhyAyaH |
R^iShaya UchuH || 1||
jagadguro ! Adiguro ! pUjya ! vedAntakR^idvibho ! |
bhavaddayodayAdeva prAptavanto vayaM shrutIH || 2||
devApArakR^ipAsindhoshchaladvIchestaTAshrayAt |
shrutavanto rahasyAni tvatto.anekAni sAmpratam || 3||
tatkR^itArthIbhavanto.adya tadeva prArthayAmahe |
j~nAnaratnAbdhivedeShu yadvedAntaM prachakShate || 4||
tasya sarvottamaM tattvaj~nAnamasmAnupAdisha |
vayaM yena parAM shAntimApnuyAmaH sunishchitam || 5||
gaNapatiruvAcha || 6||
sarvopaniShadAM sAraH pIyUShaM vedavAridheH |
vij~nAH ! vedAntayogo.ayamidAnIM varNyate mayA || 7||
mananAchChUvaNAdyasya nididhyAsanatastathA |
tritApato vinirmuktAstattvaj~nAnAbdhipAragAH || 8||
kShamante.avyayamAtmAnaM sAkShAtkartuM mumukShavaH |
nAtra kashchana sandehaH kartavyo viprapu~NgavAH || 9||
svabhAvajasya prakR^iteH karmaNaH sahajasya me |
pAshasa~NgAdavidyAyA anAdyAyAH prabhAvataH || 10||
Avirbhavati jIvatvaM chijjaDagranthirUpakam |
avidyeyamanAdyA.asti jIvabhAvaprakAshinI || 11||
triguNAtmaprakR^ityAshcha laulyAtsvAbhAvikAdbudhAH ! |
nUnaM karmapravAho.ayamanAdirvidyate khalu || 12||
yato.asti sahajaM karma kathitaM pAshasannibham |
matprakatyAH svabhAvena sahajAtaM na saMshayaH || 13||
bhUtabhAvodbhavakarAdvisargAtsahajAdalam |
chaturdhA bhUtasa~Ngho.ayaM jAyate karmaNaH svataH || 14||
anAdyAyA avidyAyAH prabhAveNa maharShayaH ! |
jAyate chijjaDagranthirdR^iDho.aj~nAnamayo hi yaH || 15||
jIvabhAvaH sa evAsti saMsArAvarttapAtakaH |
avidyopahitaM viprAH ! chaitanyaM prakR^itermama || 16||
satsattAyAH prabhAveNa vyaShTyaha~NkAraghUrNitam |
dvaitasyodbodhakaM vij~nAH ! jIvabhAvaM prapadyate || 17||
punarmeM j~nAnino bhaktA vidyAsAhAyyato dvijAH ! |
prApya nityasthitaM mokShaM vilIyante dhruvaM mayi || 18||
avidyAyA dR^iDhaM jAlaM karmabandha~ncha durddamam ||
mama viprAH ! prabhAveNa madbhaktA atiyantyaho || 19||
yatastraiguNyamayyAste prakartimama tAmataH |
svabhAvenopatiShThante rajaHsattvamoguNAH || 20||
utpattiM rajasA viprAH ! sthitiM sattvena santatam |
tamoguNena saMhAraM karoti prakR^itiH svataH || 21||
asmin svabhAvasiddhe.api prakR^iterme guNatraye |
ubhAveva pradhAnau stastamaHsattvAbhidhAnakau || 22||
pravR^ittiparakatvena sR^iShTikAritayA tathA |
rajastu kevalaM j~neyaM tamaHsattvasahAyakam || 23||
atastamomayI viprAH ! yadAste prakR^itirmama |
vidyAvidyAprabhedaj~nairavidyA sochyate tadA || 24||
prakR^itirme yadA tveShA shuddhA satvamayI bhavet |
nAmnA vidyA tadA loke tattvaj~nairabhidhIyate || 25||
pariNAmo bhavet sattve tamaso nAtra saMshayaH |
sattvasyApi bhavennUnaM pariNAmastamasyaho || 26||
rajoguNo yato nUnaM sAhAyyaM kurute dvayoH |
svabhAvAtmakR^itirme.asti yatashcha pariNAminI || 27||
ataH svabhAvasiddho.ayaM pariNAmo mithastayoH |
maharShayaH ! na chaivAyaM siddhAnto vismayAvahaH || 28||
svataH pUrNe yadA sattvapariNAmastamoguNe |
jAyate chijjaDagranthistatraivotpadya prasphuTam || 29||
prakAshabhAvamApannaH paramANau jaDAtmake |
utpAdayati jIvatvaM sAkShAtprAmANyabodhakam || 30||
sA chaitanyamayI sattA chijjaDagranthirUpiNI |
kramAdvikAshamApannodbhijjayonau maharShayaH ! || 31||
prApya svedajayoni tAmANDajIM yonimAshritA |
etya jarAyujIM yoniM martyayoniM prapadyate || 32||
tatra sattvaprapUrNatvAshrayeNa prakR^itermama |
kR^ipAM vidyAsvarUpAyA prAptA svaM rUpamashnute || 33||
etadvo varNitaM vij~nAH rahasyaM gUDhamadbhutam |
utpatterapi mokShasya jIvAnAM nu maharShayaH ! || 34||
varttate guptametaddhi sarvAsUpaniShatsvapi |
na prAptuM ko.api shaknoti shrIguroH kR^ipayA vinA || 35||
aghaTyaghaTanAyAM yA prakR^iti paTIyasI |
sAstyavidyA svarUpeNa jIvabandhanakAriNI || 36||
punaH sattvamayI saiva vidyArUpasya dhAriNI |
dadAti jIvavargebhyaH kaivalyapadamuttamam || 37||
nopAsate.atha ye jIvA vidyAM svAdhInatAM gatAH |
te jIvA nishchitaM viprAH ! avidyAchChannamAnasAH || 38||
traiguNyapariNAmasya chakre.asmi~nchChAshvatIH samAH |
tApatrayaM subhu~njAnA nitarAM prabhramantyahI || 39||
vishiShThairlakShaNaiH sattA.anubhUtiM brahmajIvayoH |
mAyAprapa~ncharupAyAH sR^iShTeshchaiva dvijarShabhAH ! || 40||
rahasyaM varNayAmyetat sAvadhAnairnishamyatAm |
yena samyagbhavejj~nAnaM bhavatAM brahmajIvayoH || 41||
kAraNasthUlasUkShmebhyaH sharIrebhyo bahirgatam |
atItaM pa~nchakoshebhyo hyavasthAtrayasAkShikam || 42||
chaturviMshatitattvAnAM yadAdhArasvarUpakam |
dvAbhyAM pratImAnAbhyAM mAyA.avidyAsvarUpiNA || 43||
upAdhineshajIvAbhyAM bhinnaM yachcha maharShayaH ! |
sachchidAnandarUpaM tadbrahma sammochyate budhaiH || 44||
etAni lakShaNAnIha varNayAmi yathAkramam |
sAmprataM sAvadhAnaishcha shrUyantAM tattvavedinaH ! || 45||
pa~nchabhiryanmahAbhUtaiH kR^itaM pa~nchaukR^itairnannu |
sukhaduHkhAdibhogAnAM sthAnaM viprAshcha karmajam || 46||
jAyate varddhate.astyevaM kShIyate pariNamyate |
vinashyatIti ShaDbhAvavikAraishcha samanvitam || 47||
sthUlaM hi tachCharIraM syAtsarvathA kShaNabha~Nguram |
lakShaNaM sthUlakAyasya vittaitadvishadaM dvijAH ! || 48||
yadapa~nchIkR^itaiH pa~nchamahAbhUtaiH kR^itaM kila |
karmajaM sukhaduHkhAdibhogasAdhanarUpakam || 49||
pa~nchaj~nAnendriyairviprAH ! pa~nchakarmendriyaistathA |
pa~nchaprANaistathaikena manasA buddhisa~njuShA || 50||
yatsaptadashabhishchaivaM kalAbhiH saha tiShThati |
taddhi sUkShmaM sharIraM syAtssUkShmatattvavinirmitam || 51||
vij~nAH ! yadastyanirvAchchayA.anAdyavidyAsvarUpakam |
kAraNaM hyekamAtra~ncha sthUlasUkShmasharIrayoH || 52||
svasvarUpAj~nAnarUpaM nirvikalpakarUpakam |
tatkAraNasharIraM syAjjIvatvapratipAdakam || 53||
jIvAnAdipravAhasya jIvasR^iShTeH pR^ithak pR^ithak |
yA prArambhakShaNe viprAH ! chijjaDagranthivandhinI || 54||
jAyate prathamAvasthA tachCharIraM hi kAraNam |
saMskAraH sUkShmadehasyA.anukShaNaM parivarttate || 55||
dhriyante.ato dhruvaM jIvaiH svasaMskArAnusArataH |
nAnAvichitratopetAH sthUladehAH pR^ithak pR^ithak || 56||
parantvanAdyavidyaika  mUlikA sarvathA dvijAH ! |
yA sharIradvayasyApi mUlakAraNarUpiNI || 57||
dashA vikArahInA.asti chidAtmAvaraNakShamA |
tatkAraNa sharIramvA bruvanti tadvido janAH || 58||
viprAH ! annamayaH prANamaya evaM manomayaH |
dvau vij~nAnamayAnandamayau koshau tathaiva cha || 59||
koshapa~nchakamevaitadAtmAvaraNakArakam |
vidyate nitarAM vij~nAH ! nAtra kopyasti saMshayaH || 60||
AchChAdanaM tathA tvaka cha viprAH ! AvaraNAdayaH |
koshashabdena gR^ihyante ye chAnye vA tadarthakAH || 61||
ekAmuparyyuparyekA palANDutvagyathA bhavet |
pa~ncha koshAstathA j~neyA jIvadeheShu nishchitam || 62||
syAdAnandamayaH koshaH prathamaM tadanantaram |
vij~nAnamayanAmAsti tatparashcha manomayaH || 63||
tataH prANamayaH kosho varttate viprapu~NgavAH |
sarvoparthyasti koshastu nUnamannamayAbhidhaH || 64||
jAyate.annarasAdeva yastenaivAbhivarddhate |
yashchA.annarasamayyAM hi kShityAmante vilIyate || 65||
eSho.astyannamayaH koShaH sthUladehAparAbhidhaH |
lakShaNaM sUkShmadehasya shrUyatAM munipu~NgavA ! || 66||
syAnmanaHprANa vij~nAnamayaiH koshairmaharShayaH ! |
sUkShmaM sharIraM vai viprA ityAhurvedapAragAH || 67||
militAH pa~ncha prANAshcha pa~nchakarmendriyaiH saha |
dhruvaM prANamaya kosha ityAkhyAmApnuvantyaho || 68||
ekameva manaH pa~nchaj~nAnendriya samanvitam |
nAmnA manomayaH kosho nUnabhAkhyAyate budhaiH || 69||
ekai militA buddhiH pa~nchaj~nAnendriyaiH saha |
vij~nAnamayakoshAkhyAM bhajate nAtra saMshayaH || 70||
kAraNAkhyavapurbhUtA.avidyAyAM nanvavasthitam |
sattvaM mAlinyasa~njuShTaM svarUpAj~nAnameva hi || 71||
priyamodapramodairvai bhAvairebhiryuta~ncha sat |
AnandamayanAmA.asau koshaH samprochyate budhaiH || 72||
chaturviMshatitattvAnAM yato.astyetaddhi kAraNam |
atastadeva samproktaM sharIraM kAraNAbhidham || 73||
ebhishcha pa~nchabhiH koShaiH sambaddhamadhunA mayA |
shrUyatAM prochyamAnaM tadavasthAtrayalakShaNam || 74||
jAgratsvapnasuShuptyAkhyamavasthAtrayamastyaho |
pa~nchaj~nAnendriyairyatra shrotraprabhR^itibhirdvijAH || 75||
shabdAdiviShayAH samyajj~nAyante jAgradasti sA |
sthUladehAbhimAnyAtmA vishva ityuchyate budhaiH || 76||
yatra jAgradavasthAyAM yachcha dR^iShTaM shruta~ncha yat |
tajjanyairvAsanApu~njaiH prapa~nchaH sampratIyate || 77||
svapnAvasthA.asti sA jAgratsuShuptyantaravarttinIm |
sUkShmadehAbhimAnyAtmA prochyate taijasAbhidhaH || 78||
na mayA kimapi j~nAtaM sukhaM nidrA.anvabhAvi cha |
iti jAgradavasthAyAmAnubhUtismR^itirhi yA || 79||
sA suShuptyabhidhAvasthA kIrtyate tattvakovidaiH |
AtmA kAraNadehasyAbhimAnI prAj~na uchyate || 80||
samaShTiH sthUladehAnAM virANnAmnA.abhidhIyate |
ataH sthUlasharIrasyAdhidevo vishvanAmakaH || 81||
sUkShmarAjyasthadevAnAM sUkShmadehAvalambinAm |
tejomayaM sharIraM syAndyato nUnaM maharShayaH || 82||
sUkShmadehAbhimAnyasti devo.atastaijasAbhidhaH |
sUkShmAd yato.atisUkShmavai sharIraM kAraNaM tataH || 83||
devaH kAraNadehasyAbhimAnI prAj~na uchyate |
chaturvishatitattvAni varNayAmi nishamyatAm || 84||
naikadhainAni naike nu varNayanti maharShayaH |
matAntarANAM sarveShAM siddhAnte na tu bhinnatA || 85||
shrotratvachau tathA chakShurasanA ghrANameva cha |
pa~nchaj~nAnendriyANyAhurvij~nA vedAntapAragAH || 86||
vAkUpANipAdapAyUpasthAkhyAni dvijasattamAH |
pa~ncha karmendriyANyAhustattvAnveShaNatatparAH || 87||
prANApAnau samAnashchodAnavyAnau tathaiva cha |
prANAH pa~ncha samAkhyAtAH prANatattvAnuchintakaiH || 88||
hR^idi prANo gude.apAnaH samAno nAbhimaNDale |
udAnaH kaNThadeshe syAdvyAnaH sarvasharIragaH || 89||
shabdaH sparshastathA rUpaM raso gandhastathaiva cha |
tanmAtrANyapi pa~nchaiva bruvate tadvido janAH || 90||
mano buddhistathA chittamaha~NkArastathaiva cha |
antaHkaraNabhedAH syushchatvAro nAtra saMshayaH || 91||
chaturviMshatitattvAti santyetAnyeva sattamAH |
pa~nchaviMshatamaM tattvamahamevAsmyasaMshayam || 92||
viprAH puruSharUpeNa naiva kAryo.atra vismayaH |
tattvAtItaM paraM tattvaM tattvaj~nA mA.N bruvantyataH || 93||
viShayA indriyANA~ncha varNyante.ataH paraM mayA |
samAhitairbhavadbhiste shrUyantAM viprapu~NgavAH ! || 94||
shrotrasya viShaH shabdastvachaH sparshastathaiva cha |
chakShuSho rUpamevAsti rasAnAyA rasastAthA || 95||
ghrANasya viShayo gandho vidyate nAtra saMshayaH |
vachanaM syAdvAgviShayaH pANyorAdAnameva cha || 96||
gamanaM pAdayoH pAyormalotsargashcha vidyate |
mUtratyAga upasthasya viShayo.asti maharShayaH ! || 97||
guhyamekaM rahasyaM vo brAhmaNAH ! varNayAmyaham |
yadindriyadvayasyAtha shR^iyatAM tatsamAhitaiH || 98||
jihvAyAM vAgrasAdAnaitachChaktidvayayogataH |
atyantameva jihvA.asau prabalA vidyate khalu || 99||
shishnayonyostathaivAste nR^inArIchihnayorapi |
mUtratyAgAtmakaH karmendriyasya viShayo nanu || 100||
atyantaprabalasparshasukhaM j~nAnendriyasya cha |
tayoH prAbalyamevAtaH prasiddhaM sarvathAstyalam || 101||
sa~Nkalpo nishchayo nUnaM smaraNaM garva eva cha |
nanvantaHkaraNasyaite viShayAH syuryathAkramam || 102||
kathyante sAmprataM vij~nAH ! devAstattvAbhimAninaH |
nishamyantAM bhavadbhishcha dattachittairmaharShayaH ! || 103||
digvAtArkapracheto.ashvivahnIndropendramR^ityavaH |
shivashchandrashchaturvakro rudraH kShetraj~na IshvarA || 104||
shrotrasya hi disho devAstvacho vAyurna saMshayaH |
sUryo.asti chakShuSho devo varuNo rasanAdhipaH || 105||
ghrANasyApyashvinau devau vahnirvAcho na saMshayaH |
indraH pANIndriyasyAsti hyupendraH pAdayostathA || 106||
mR^ityurgudendriyasyAsta upasthasya shivastathA |
rasanA\-yonyupastheShu dvidhA shaktiravasthitA || 107||
teShAmpratyekamevAto dvau devau bhavato dhruvam |
varuNAgnidvayasyAsti rasanA pITharUpiNI || 108||
prajApatistathA vAyuH shivashchaiva maharShayaH ! |
pIThasthAnaM tridevAnAmuktAnAM yonishishnayoH || 109||
astyataH sR^iShTikAryeShu li~NgayonyoH pradhAnatA |
nAtra kashchana sandehaH kartavyo viprapu~NgavAH || 110||
chandramA manaso devo buddhecha chaturAnanaH |
chittasya devaH kShetraj~no rudrashchAnuvam || 111||
vij~nAH ! upaniShajj~nAnamantaHkaraNagocharam |
ki~nchidvo varNayAmyatra dattachittairnishamyatAm || 112||
mano buddhiraha~NkArashchaturthaM chittameva cha |
etachchatuShTayaM j~neyamantaHkaraNasa.nj~nakam || 113||
etachchatuShTayasyaiva brahmaiva kevalaM kila |
vidyate.adhipatirdeva eka eva na saMshayaH || 114||
ato.asau gIyate loke sarvathA chaturAnanaH |
atrApi kAraNaM vitta buddheH pradhAnyameva ha || 115||
mAyayopahitaM brahma vij~nairIshvara uchyate |
avidyopahitaM brahma jIvaH samprochyate tathA || 116||
avidyAmAyayorviprAH ! vede varNitayoH sadA |
vyomapAtAlavadbheda etayoH sampratIyate || 117||
vij~nAna~nchAtra vo vachmi pArthakyAnugataM tayoH |
avidyA hi sadA jIvAnnijAyattAn prakurvatI || 118||
baddhA.a.asajjAyate svasyAM mahAmAyA parantvaho |
vidyAsvarUpiNI bhUtvA sarvadeshvarasAtsatI || 119||
tameva sevamAnA cha jagatsR^iShTilayasthitIH |
Aste sA vidadhAnA.ataH pArthakyaM vipulaM tayoH || 120||
sharIraM me cha me prANA mano me dhIshcha me.asti me |
j~nAnamitthaM pratIyante pa~ncha koshAH pR^ithaka pR^ithak || 121||
yathA svatvena vij~nAtamala~NkAragR^ihAdikam |
svasmAdbhinnaM varIvartti pa~ncha koshAstathA dvijAH ! || 122||
madIyatvena vij~nAtA naivAtmA syAt kadAchana |
kintvAtmA pa~nchakoShANAM j~nAtaiva bhavati dhruvam || 123||
kAraNasthUlasUkShmANi sharIrANyevameva cha |
jAgratsvapnasuShuptyAkhyamavasthAtrayameva hi || 124||
chaturviMshatitattvAni pUrvamuktAni yAni vai |
jIveshvarau dvijAH ! ete AtmA naiva kadAchana || 125||
tattvaj~nAnAshrayAditthaM neti neti vichArataH |
sarvaM sthUlaM syajanto.alaM sUkShmAnveShaNatatparAH || 126||
bhaveyushchennirAsaktAstatvAtItaM padaM gatAH |
tadA mAM sarvadA tatra bhavanto draShTumIshate || 127||
atItaH sarvatattvebhyaH tathaiva pa~nchakoShataH |
sachchidAnandarUpo.ahamiti jAnIt nishchitam || 128||
iti shrIdhIshagItAsUpaniShatsu brahmavidyAyAM
yogashAstre dhIsharShisamvAde vedAntanirUpaNaM
nAma pa~nchamo.adhyAyaH |
\section{6\. vedAntasiddhAntanirUpaNam}
atha ShaShTho.adhyAyaH |
shrIgaNapatiruvAcha || 1||
matprakR^ityaiva jAtasya brahmaNaH kAryyarUpiNaH |
svarUpaM varNitaM viprAH ! bhavadbhishcha shrutaM khalu || 2||
chaturviMshatitattvairhi piNDabrahmANDarUpakam |
dR^ishyamAnaM jagajjAtaM sarvametachcharAcharam || 3||
pa~nchakoShAshcha piNDAni vyApnuvanto maharShayaH ! |
AvR^iNvanto.avatiShThante matsvarUpaM na saMshayaH || 4||
tattvaj~naiH sarvapiNDeShu pa~nchakoshasamanvayam |
j~nAtvA sarvatra machChaktestvekatvamanubhUyate || 5||
mamaiva prakR^itirvij~nAH ! mAyAnAmnA.abhidhIyate |
nUnaM traiguNyamayyeShA bhavantI pariNAminI || 6||
kurvatyAste sadA viprAH ! dR^ishyasR^iShTilayasthitIH |
sR^iShTikAle bhavettasyA AkAshaH prakR^itestataH || 7||
AkAshAdvAyurapyevaM vAyoragnirna saMshayaH |
agnerjalaM jalAtpR^ithvI jAyate brAhmaNottamAH ! || 8||
eteShAM pa~nchatattvAnAmAkAshasya bhavetpunaH |
sAttvikAdaMshato nUnamindriyaM shrotranAmakam || 9||
vAyostvak sAttvikAdaMshAdagnechakShurbhavettataH |
jalasya sAttvikAdaMshAdrasanA jAyate dhruvam || 10||
pR^ithivyAH sAttvikAdaMshAdghrANamutpadyate dvijAH !
eteShAM pa~nchatattvAnAM samaShTeH sAttvikAMshataH || 11||
mano buddhiraha~NkArastathA chittaM bhavantyaho |
dvijottamAH ! manaH kartR^isyAtsa~NkalpavikalpayoH || 12||
aha~NkAro.astyaha~NkartA buddhirnishchayakAriNI |
chittaM smartR^i cha sarveShAM saMskArANAM yataH khaniH || 13||
eteShu pa~nchatattveShu hyAkAshasya rajoM.ashataH |
vAgindriyaM samutpannaM vAyoH pANIndriyaM tathA || 14||
agnerAjasikAdaM shAjjAyate pAda indriyam |
jalasya rAjasAdaMshAt syAdupasthendriyaM tathA || 15||
gudendriyaM pR^ithivyAstu rAjasAMshAtprajAyate |
eteShAM pa~nchatattvAnAM samaShTe rAjasAMshataH || 16||
prANAdayo bhavantyete vAyavaH pa~nchasa~NkhyakAH |
kR^ikaro nAgakUrmau cha devadattadhana~njayau || 17||
upavAyava ete hi teShvevAntarbhavantyaho |
eteShAM pa~nchatattvAnAM tAmasAMshasamaShTitaH || 18||
pa~nchIkR^itAni jAyante mahAbhUtAni pa~ncha cha |
sthUlAkShyagocharaM viprAH ! sUkShmarAjyaM sadA bhavet || 19||
sthUlaM vishvaM mahAbhUtairjAtaM pa~nchIkR^itairyataH |
sUkShmaiH pa~nchamahAbhUtaiH kathaM pa~nchIkR^itAnyaho || 20||
pa~ncha sthUlAni jAyante mahAbhUtAni bhUsurAH ! |
tatprakAraM pravakShye.ahaM shR^iNudhvaM susamAhitAH || 21||
etatpa~nchamahAbhUtatAmasAMshasvarUpakam |
ekamekaM dvidhA bhUtaM vibhajyaikaikamarddhakam || 22||
avasthApyAparaM vij~nAH ! chaturdhA.aparamarddhakam |
vibhajyaivaM pR^ithaktvena sthApitArddheShu nishchitam || 23||
vibhAgeShu vibhaktasya chaturdhA viprapu~NgavAH ! |
ekaikasya cha bhUtArddhAtmakasyaikaM kilaikakaM 24||
aMshaM kR^itvA.atha saMyuktaM syAtpa~nchIkaraNaM dhruvam |
pa~nchIkaraNanAmAyaM vidhiratyantamadbhutaH || 25||
svArddhe pratyekabhUtasyApareShAM mishrito bhavet |
bhUtAnAmarddhabhAgasya chaturthAMsho na saMshayaH || 26||
yathA pa~nchIkR^itAkAshe tasyApa~nchIkR^itasya nu |
arddhamastyapareShA~ncha bhUtAnAM he maharShayaH || 27||
nanvapa~nchIkR^itAnAmvai aShTamAMsho na saMshayaH |
evamanyeShu bhUteShu voddhavyaM mishraNaM dhruvam || 28||
etaiH pa~nchIkR^itaiH pa~nchamahAbhUtairhi jAyate |
brahmANDaM satataM sthUlaM pratyekaM nAtra saMshayaH || 29||
brahmANDamapi pratyekamadhachordhvaM vibhajyate |
tachchaturdashalokeShu nAnAshcharyyamayepyaho || 30||
brahmANDe tatra pratyekamudbhijjasvedajANDajAH |
jarAyujAshcha jAyante chaturdhA sthUladehakAH || 31||
daivyAstadvyatiriktaM vai sR^iShTervaichitryamuttamam |
kimapyapUrvametebhyo vidyate viprapu~NgavAH ! || 32||
jIvAstattachCharIrANAmabhimAnina Asate |
Ishvaro.anantabrahmANDAbhimAnI vidyate khalu || 33||
brahmANDapiNDayoraikyamevaM jAtaM marhaShayaH ! |
naivAtra vismayaH kAryo bhavadbhirviprapu~NgavA ! || 34||
Ishvarasya cha jIvasya bhedo brahmaNi kalpyate |
mAyA.avidyAtmakAnnUnaM kramAdAvaraNAdvijAH ! || 35||
brahmaNaH pratibimvaM hi jIvo dehAbhimAnakaH |
svasmAtsvabhAvato bhinna Ishvarastena manyate || 36||
Ishvarasya cha jIvasya bhedo yAvadupAdhitaH |
tiShThet, tAvatkShaNaM viprAH ! katha~nchichcha kadAchana || 37||
janmamR^ityupravAho.asau saMsAro na nivarttate |
Ishvare chaiva jIve cha bhedabuddhiH kadApyataH || 38||
na kartavyA dvijashreShThAH ! tattvaj~nairAtmavedibhiH |
ma~NgalaM jAyate teShAmato nUnaM maharShayaH || 39||
sAha~NkArasya jIvasya ki~nchijj~nasya hi kovidAH ! |
sarvaj~neneshvareNAho niraha~NkAriNA saha || 40||
tattvamasyAdibhirvAkyairetayorbhinnnadharmayoH |
kathaM nvabhedabuddhiH syAchCha~Nkyate chennishamyatAm || 41||
arthadvayaM dvijashreShThAH ! syAttattvampadayordvayoH |
vAchyArthashchaiva bho vij~nAH! lakShyArthashcha na saMshayaH || 42||
avidyAvAMshcha tatkAryakartR^itvAdiguNairyutaH |
jIvo dehAbhimAnIti vAchyA.arthastvampadasya hi || 43||
avidyopAdhinirmuktaM samAdheshcha dashAM gatam |
avidyayA cha tatkAryai rahitaM pratibhAnvitAH ! || 44||
chinmAtraM shuddhachaitanyaM lakShyArthastvampadasya vai |
vAchyAshchaiva lakShyArthastatpadasyApi kathyate || 45||
mAyAtatkAryyasarvaj~nabhAvAdiguNasaMyutaH |
IshvarastatpadasyAsti vAchyArtho nAtra saMshayaH || 46||
mAyAtatkAryyataH shUnyaM mAyopAdhivivarjjitam |
chinmAtra shuddhachaitanyaM lakShyArthastatpadasya vai || 47||
Ishvarasya cha jIvasya shuddhachaitanyarUpataH |
abhede vAdhakAbhAvaH syAdevaM brAhmaNottamAH ! || 48||
'ahaM brahmAsmi\rdq{} chetyAdimahAvAkyairapi dvijAH ! |
vij~nAyate tayoraikyamubhayornAtra saMshayaH || 49||
brahma satyaM jaganmithyA jIvo brahmaiva kevalam |
iti shAstropadeshena shrIgurorupadeshataH || 50||
svAnubhUtyA.athavA vij~nAH ! ye vidanti susAdhakAH |
yeShA~ncha prANimAtreShu sarveShu brAhmaNottamAH ! || 51||
brahmabuddhiH samutpannA j~nAnayogena sarvathA |
ta eva j~nAnino bhaktA jIvanmuktA bhavanti me || 52||
etadvedAntasiddhAntatAtparyyaM hi nishamyAtam |
avidyopAdhisambhrAntiryadA dUrIbhaviShyati || 53||
brahmasattaiva lakShyArtharUpeNaivAvashiShyate |
mAyopAdhermahattva~ncha tattvaj~nAnena vetsyate || 54||
tatashcha brahmarUpo hi lakShyArthaH parishiShyate |
jIvanmuktA mahAtmAnastattvaj~nAnAbdhipAragAH || 55||
jIveshayoritthametadabhedamanubhUya cha |
brahmAnande nimajjantaH kR^itakR^ityA bhavanti te || 56||
ja~NgairjIvagaNairvishvaM viShayAtmakamIkShyate |
aj~nAnijIvajAtena sukharUpaM nirIkShyate || 57||
jagatmapa~nchajAtantu j~nAnavadbhivivekibhiH |
pariNAmIti vij~nAya duHkharUpaM pratIyate || 58||
kintu me j~nAnino bhaktA jIvanmuktagaNAH khalu |
saMsArametaM pashyanti svarUpe kvA.apyalaukike || 59||
saMsAraM me prakR^ityaitaM prasUtaM sarvathA.addbhutam |
AkAsha iva gAndharvaM pashyanto nagaraM muhuH || 60||
mithyaiva tatsvarUpa~ncha jAnanto.api dvijottamAH ! |
darsha darsha pramodante tadrUpaM kautukapradam || 61||
mR^igatR^iShNAsamaM vishvaM bhrAntistomasamAkulam |
dR^iShTvendrajAlavanmithyA\-prapa~nchAvalimUlakam || 62||
mama shakterguNAnA~ncha pariNAmasvarUpakam |
tatra naiva prasajjante padmapatramivAmbhasi || 63||
tiShThanto.api prapa~ncheShu pR^ithagabhUtAstato dhruvam |
bhavituM hyetadevA.arhyaM lakShyamu~nchapadaM hitam || 64||
shreShThAnAM brAhmaNAnAM hi sarvatravai sukhAvaham |
parIvAropamAsteShAM saMsArA akhilA amI || 65||
devarShipitR^isa~NghAshcha tadarthaM bAndhavopamAH |
tyAjyaM vA.a.adeyamapyasti teShAM naiveha ki~nchana || 66||
pitarau cha kulaM jAtiM sthUladehena kurvate |
nikhilAM pR^ithivIM vanyAM mAtR^ibhUmiM visheShataH || 67||
daivI~ncha jagatIM sUkShmAM sUkShma dehena kurvate |
sarvadA sarvathA dhanyAM te viprA naiva saMshayaH || 68||
brahmAnandasusandohasavilAsasvarUpataH |
dhanyaM dhanyaM punardhanyaM kurvate mAmasaMshayam || 69||
iti shrIdhIshagItAsupaniShatsu brahmavidyAyAM yogashAtre
dhIsharShisaMvAde vedAntasiddhAntanirUpaNaM nAma
ShaShTho.adhyAyaH |
\section{7\. virATsvarUpanirUpaNam}
atha saptamo.adhyAyaH |
R^iShaya UchuH || 1||
he sarvaj~na ! jagannivAsa ! bhagavAn ! devAdideva ! prabho !
     he sarvAdiguro ! dayArNava ! vibho ! vishvesha ! vichambhara ! |
asmAkaM bhavatAmapArakR^ipayA nUnaM tR^itIyaM vara\-
     madyAntarnanayanAtmakaM suvimalaM j~nAnAkShi pronmIlitam || 2||
pashyAmo.adya bhavaddayodayavashAdvAre maNInAM gaNAn
     sUtraM protamivAntareNa nikhilabrahmANDapiNDavraje |
sarveShAM kurute sadaikavidhinA.anusyUtatAmAptavAn
     chaitanyAstitayorvidhAnamakhilaM shashvadbhavAnityaho || 3||
pashyAmastarato gR^ihe.aparimitAn bhUyo yathA.ananta ! he
     randhradvAraniviShTasUryyakiraNastomeShvaNUnAM gaNAn |
brahmaNDAni tathA taranti cha virAD dehAshritAni prabho\-
     rnAdyantevipule.amitAni viyati prodyotayanti hyamum || 4||
pashyAmashcha punarvayaM tava virADrUpaM hi yatrAdhunA
     bhAtyanto haritAM na chAdirapi taddeshasya sandR^ishyate |
pashyAmashcha punarvayaM tava mahAdehe mahAkautukam
     vyAptashchA.agaNitairvirADvapuShi te sUryyagrahopagrahaiH || 5||
sa~NghAtapratighAtataH pariNaman brahmANDabhANDavavrajaH
     hyanyo.anyaM paramANurUpanichaye.ananto mahAkAla ! he |
jAyante paramANavashcha nikhilA brahmANDarUpAH punaH
     nAnAkArayutAH prabho ! vahuvidhAH pratyekameva kShaNam || 6||
nakShatrAvalibhishcha nUnamakhilaiH kvApi grahopagrahaiH
     sUryyArdhyaurhi samAvR^itAH susaghanAH santaH parINAmataH |
brahmANDavrajasambhavakShayavidhiryatra prabho ! bhAsate
     kAle tasya na dR^ishyate kathamapi tvAdirna chAntaH param || 7||
sArddha~nchaiva virADanantavapuShA protautayoste tayoH
     nAnto nAdiravekShyate kimapi cheddeshasya kAlasya cha |
draShTuM tarhi virADanantavapuShaH shaktaH kathaM ko.avyaho
     AdiM chAntamasheShataH kimuta nai mUDhA vatA.asmAdR^ishAH || 8||
bhUtasraShTaru ! bhUtapAlaka ! sadA he bhUtahArin ! vibho !
     asmAbhirnikhilairitIkShyata ihAnantAni bhUyo.api te |
brahmaNDAni pR^ithak prakaThya prakR^iteH karmapravAhe pR^ithak |
     lIyante prakR^itau svayaM tava muhuH sadyo niviShTAni cha || 9||
jAyante prakR^iterhi piNDanivahAste bhUtabhAvobhava\-\-
     kR^idrUpeNa chito jaDaena saha yo granthirvisargeNa vai |
tadrUpAH paramANuto hyagaNitAH pratyekato hi svataH
     karmasrotasi te pravishya prakR^itaulIyanta evaM tataH || 10||
pashyAmashcha bhavAnanantanayano he vishvachakShuH ! kramAt !
     piNDaughasya gatiM prapashyati sadA brahmANDapu~njasya cha |
AkR^iShyA.abhimukhaM nijasya nayate dharmasya shaktayA cha taM
     dR^iShTvA sarvamalaukikaM hi chakitA buddhirna etAdR^isham || 11||
pashyAmaH punarapyanantanikhilabrahmANDApiNDAvaleH
     shrotrAnantyayutaH shR^iNoti satataM bhUyo bhavAn prArthanAm |
chichChaktyA chitisaMyutA~ncha vidadhattAM vishvachetaH kramAt
     sAnnidhyaM cha yathottaraM nijamaho tasyai dishan rAjate || 12||
pashyAmashcha bhavAnanantarasanAyuktaH suhR^ittvaM gataH
     buddhe rUpamadhishrito rasamaya ! brahmANDapiNDAvaleH |
madhye.adhyAtmapadaM vivichya paramAnandAtmakaM prANinaH
     sarvAn darshayate guro ! nijakR^ipAleshena lokAshraya ! || 13||
he tejomaya ! tejasA~ncha nivahAnAM he khane ! dR^ishyate
     tvaM sparshendriyapu~njaku~njanikaraiH spR^iShTvA hyanantairyutaH |
svaistejonivahairanantagaNitabrahmANDapiNDAvaliM
     sarvAM svAbhimukhaM prakR^iShya patanAchChashvadvibho ! rakShasi || 14||
vishvAdhAra ! cha nAsikAbhiramitAbhistvaM yuto dR^ishyase
     jighran puNyasamUhagandhamamalaM brahmANDapiNDAvaleH |
astitva~ncha vilInameva satataM kattuM hi tasyA nije
     kaivalyAbhyudayau prayachChasi yathAthogyAdhikAraM prabho || 15||
bhAvAtIta ! vibho ! sadA triguNato.atIta ! prabho.anukShaNa\-
     masmAtpUrvamalaukikaM guNamayaM bhAvasvarUpaM tava |
rUpaM sarvamanoharaM suvimalaM darshendriyApyAyaka\-
     masmAkaM hi mano vyalIyata tadA sampashyatAM satvaram || 16||
adyatve tu virADsvarUpamamukaM dR^iShTvA vishAlaM tava
     buddhinaH sthagitA cha yAti chakitA.avasthAM vilInAM punaH |
rUpaM naH paridarshayAdya kR^ipayA hyevamvidhaM svaM yataH
     sAnnidhyaM bhavatAmanukShaNamaho labdhuM vaya~ncheshmahe || 17||
he sarveshvara ! bhaktakalpalatikArUpa ! prabho ! pAlaka !
     rUpeNApivivarjijato vibhuraho bhavyAya bhaktAvaleH |
bhaktAnAM prakR^itipravR^ittijanitAM svIkR^itya vai prArthanAM
     kalyANaM saguNaM svarUpamabhitaM sAdhnoti vibhradbhavAn || 18||
vibhrANo ravirUpameva savitaH ! bhaktAn bhavAMstejasA
     AkarShatyanishaM vibho ! hyatitarAM kaivalyabhUmau dhruvam |
he nArAyaNa ! viShNurUpamabhitaH svIkR^itya chidbhAvato
     brahmIbhAvamimAn nirIkShya nayate teShAM krameNonnatim || 19||
devIrUpamaho dharan hi nayate dharmasya shaktyA bhavAn
     sarveShAM ha niyAmakaM parapadaM he shaktiman ! tAnsadA |
astitvasya vidhAyakaM cha bahu sadbhAvena bhaktAnnijAn
     he shambho ! shivarUpato gamayate niHshreyasaM nirbhayam || 20||
svaM bhaktA~ncha dhiyA svarUpamanishaM sandarya siddheH pate !
     datte muktipadaM paraM gaNapaterdhR^itvA svarUpaM bhavAn |
sarveShAmiha varttate khalu guro ! hyAdyo gurUNAM guru\-
     rdeshAdasti bhavAna hi shashvadaparichChinnastathA kAlataH || 21||
tvaM sarvAdigururvibhAsi sakalA.nj~nAnasvarUpe sadA
     AdAyarShigaNA vayaM tava vibho ! j~nAnAbdhivipruDlavam |
brahmANDeShu pravAhayAma iha vai j~nAnapravAhaM tathA
     sarveShvatra vichakShaNA dvijagaNAH snAtvaiva muktiM yayuH || 22||
dhArotpadya hi devanAyaka ! vibho ! sargasthitidhvaMsakR^i\-
     dvishvavyApakakarmaNo.api bhavatastvayyeva saMlIyate |
sarve devagaNAH sadaiva bhavatAma~NgIbhavanto mudA
     pratyekaM janirakShaNakShayavidherbrahmANDapu~nje.anisham || 23||
sAma~njasyamaho prabho ! vidadhate karmavyavasthAratAH
     udbhijsvedajarAyujANDajagaNA bhUtavrajAH santi ye |
sarve te cha chaturvidhA hi manujAnAM he prajAnAM pate !
     devAnAM trividhAstathA.asuragaNAnAM ye cha lokA aho || 24||
tvatto budabudavanmahArNava iha tvayyeva prodbhUya te
     lIyante pitaro.api shaktimatulAM tvatto gR^ihItvaiva cha |
kR^itvA martyagaNonnatiM kramagatAM sAhAyyamAtanvate
     bhUtaughasya chaturvidhasya niyame lokavrajasyApyalam || 25||
tattvebhyo.api bhavAnatItavibhavo nUnaM chaturvishate\-
     ryadyapyasti tathApi dhIsha ! nu mahattattve.antime prANinaH |
nityo.anirvAchano vikArarahito j~nAnasya shaktayAsthitAH
     sarvAnabhyudayasya darshayati vai mokShasya mArgaM tathA || 26||
ye svAtantryamadena mohitatamA jIvAH pramAdena vai
     mR^iDhA j~nAnanidhestave~Ngitamaho nityaM tiraskurvate |
bhrAntA duHkhadajanmamR^ityugahane saMsArachakre dhruvaM 
     shaMyorabhyudayAdhvanohi patitA duHkhAnyalaM bhu~njate || 27||
bhargo vishvasamarchitaM yadiha te hyAste dayAsAgara !
     tanno buddhimaharnishaM gaNapate ! shaktyA svayA satvaram |
saMrakShyAsata eva karmanivahAt satkarmaNi prerayet
sid.hdhyA.ala~NkR^itavAmapArshva ! bhagavaMstvAM sannamAmo vayam || 28||
vyAsa uvAcha || 29||
uktvarShayastasthuriti kShaNaM te
     romA~nchitA gadgadakaNThashabdAH |
sAnandajAtAshrumukhAH sthirAshcha
     vihasya dhIsho madhuraM tadoche || 30||
gaNapatiruvAcha || 31||
dashAyAM yogayuktAyAM rUpaM me saguNaM dvijAH ! |
AtmayuktadashAyA~ncha virADrUpaM mahAdbhutam || 32||
karmayuktadashAyAntu mamopAstau sahAyakam |
madvibhUtimayaM rUpaM bhaktAH ! syAchChrutirityaho ! || 33||
svAdhInaH prAkR^itashchaiva dvividho jIva IritaH |
gajo.ahaM prAkR^ite jIve svAdhIne mAnavastathA || 34||
ato.ahaM bhaktavR^indebhyo martyadeho gajAnanaH |
darshanaM svaM prayachChAmi prAdurbhUya nirantaram || 35||
rAjayogo.asmi yogAnAmahamevaMvidho.api san |
chaturvidheShu dhyAneShu pa~nchopAsterahaM dhruvam || 36||
pa~nchAdhyAnayutaM sthUla\-dhyAnamasmi dvijottamAH ! |
naivAtra saMshayaH kashchit satyaM satyaM bravImi vaH || 37||
nareShu naranAthosmi rAjye tu sachivAbhidhaH |
mantriNAM maNDalaM yasmAjj~nAnasyAste sahAyakam || 38||
shaktiShvahaM daivashaktirodR^isho.ahantu sannapi |
laukike shaktipu~nje.asmi sa~NghashaktirmaharShayaH ! || 39||
AdhyAtmikyAdhidaivyAdhibhautikyaH shaktayo.akhilAH |
sa~Nghashaktau prakAshante svayameva yato dhruvam || 40||
varNeShu brAhmaNashchAhamAshrameShvantimAshramaH |
vR^iddhattvenaiva pUjyeShu sarvavR^iddheShvahaM dvijAH ! || 41||
sarvathA j~nAnavR^idvo.asmi nAtra kAryyA vichAraNA |
adhyAtmalakShyasaMyukta Aryo.ahaM mAnaveShu cha || 42||
bhakteShu j~nAnibhavato.asmi vedAnAM sAmanAmakaH |
kintu vedavibhAgeShUpaniShadrUpabhAgaham || 43||
pratyAhArashcha yogAnAmaShvasmi parantvaham |
samAdhirnirvikalpo.asmi nikhileShu samAdhiShu || 44||
mantrayogeShu mantro.asmi prANAyAmo haThe dvijAH ! |
layakriyA laye yoge rAjayoge vivechanam || 45||
brahmadAna~ncha dAneShu tapasyAsu yamastathA |
j~nAnaprakAshakatvAchcha karmayaj~neShu bho dvijAH ! || 46||
nityakarmAsmyahaM nUnaM nAtra kAchidvivechanA |
upAstiyaj~najAteShu parAbhaktayA samanvitA || 47||
brahmopAstiraho vij~nA asmyahaM brAhmaNottamAH ! |
mananaM j~nAnayaj~neShu mahAyaj~neShvahaM tathA || 48||
brahmayaj~no.asmi bho viprAH ! sarvayaj~nashiromaNiH |
vaktA.asmyahaM sabhAmadhye AchAryyaH shikShakeShu cha || 49||
upadeshakandeShu jagatpUjyo.asmyahaM guruH |
AtmA.ahamasmi bho viprAH ! bhUtavR^indeShvavasthitaH || 50||
prANipu~njaShu chaitanyamahameva na saMshayaH |
nAdaH shabdasamUheShu vAkyeShvo~NkAra eva cha || 51||
indro.ahaM devavR^indeShu bhR^igurasmi maharShiShu |
yamo niyAmakeShvasmi pitR^imadhye.aryamAbhidhaH || 52||
asureShu balij~neyo jAhnavyasmi saritsu cha |
jalAshayeShu sarveShu sAgaro.asmi na saMshayaH || 53||
puShpamAnandadeShvasmi padArtheShu maharShayaH |
pavitraM paramaM viprAH ! tejastejasvinAmaham || 54||
balaM balavatAmasmi kAmarAgavivarjitam |
gharmAviruddho bhUteShu kAmo.asmi jananAya cha || 55||
vidyAsvadhyAtmavidyA.asmi vidvAMso brAhmaNottamAH ! |
satyaprakAshakashchAsmi vAdo vAdigaNeShvaham || 56||
nArIShvahaM taporUpo yaj~narUpo nareShu cha |
guNatrayeShvahaM viprAH ! guNAH sattvAbhidhAnakaH || 57||
bhAvatraye.adhyAtmabhAvaH shIleShu vinayo.asmyaham |
sadAchAreShu vR^iddhAnAM pragatiH pAdapadmayoH || 58||
kAraNabrahmarUpeNa hyeko.advaito.apyahaM dvijAH ! |
ananto.asmi mahAvij~nAH ! satyametanna saMshayaH || 59||
anantatvAtsa~NkhyayA me kAryabrahmasvarUpataH |
sa~NkhyAtuM naiva shaknoti vibhUtIH kashchidapyo || 60||
bhavatAM vipravaryyANAM kalyANArthaM hi kevalam |
digdarshanasvarUpeNa ki~nchidvo varNitaM mayA || 61||
upadesha~ncha me hR^idyaM dhR^itvA svahR^idaye.anisham |
mamopAstau ratAH santo bhajadhvaM mokShamuttamam || 62||
shraddhA vaH sAttvikI viprAH ! prakatau me chiraM vaset |
mamaiva prakR^itirdhR^itvA strIbhAvaM kAmadAyinI || 63||
bibhrANAM bhaginIbhAvamarthasiddhipradAyinI |
dharantI mAtR^ibhAva~ncha shaktidharmampradA sadA || 64||
bhUtvA me j~nAnino bhaktAn prakR^itisthAn samantataH |
tebhyo muktipadaM datte vidadhAnA sudurlabham || 65||
shraddhAnvitAnAM machChaktau bhaktAnAM sulabho bhavet |
chaturvargo na sandeho vidyate.atra dvijottamAH ! || 66||
atyantaM gopanIyA vaH shrAvitopaniShanmayA |
dhIshagItAbhidhAnena lokeShveShA prachAryatAm || 67||
yayA me nikhilA bhaktAshchaturvargamavApnuyuH |
eShA naiva pradAtavyA nAstikebhyaH kadAchana || 68||
pApibhyo.ashraddadhAnabhyaH prANibhyo brAhmaNottamAH |
abhaktebhyaH kR^itaghnebhyo gurudrohibhya eva cha || 69||
shraddhA shrIguruvAkyeShu yeShAM shAstragaNeShvapi |
vishvAsaH paralokeShu lakShyamAdhyAtmikaM tathA || 70||
matparAyaNatA puNyA vartate cha nirantaram |
iyaM tebhyaH pradAtavyA ghIshagItA dhruvaM dvijAH ! || 71||
dhIshagItAmimAM puNyAM pAThayanti paThanti ye |
kleshakarmavipAkebhyo rahitA Ashayena cha || 72||
bhajante meDakhilA bhaktA matsAyujyamasaMshayam |
na cha tAn bAghate kashchittApo loke katha~nchana || 73||
kalyANajananImetAM shraddhayaiva paThanti ye |
etayA ye.athavA yAgaM gANapatyaM prakurvate || 74||
havanAtmakamAhosvit kevalaM pATharUpakam |
teShAM nashyanti bhaktAnAmAdhayo vyAdhayo.akhilAH || 75||
saMyatA ye taponiShThA bhaktibhAvena kurvate |
pAThasya shravaNaM samyagetasyAH sArthakaM dvijAH ! || 76||
gANapatyasya yAgasyAnuShThAnaM vaitayA sadA |
kAchidvAdhA na teShAM syAdvipattiH prANinAM tathA || 77||
tAdR^ishI vighnarAshirvA nashyedyA naiva satvaram |
nAtra ka~nchana sandeho vidyate brAhmaNottamAH ! || 78||
ArtA jij~nAsavo bhaktAstathA.artharthina eva vai |
trividhA eva me bhaktA etadgItAshrayeNa hi || 79||
svamanorathasAphalyaM labherannAtra saMshayaH |
tathaivAsyAshcha gItAyAH shravaNAnmananAttathA || 80||
nididhyAsanato nUnaM j~nAnibhaktAshcha mAmakAH |
aparokShAnubhUtyA me darshanaM kartumIshate || 81||
chaturvarNAshramasthAnAM svadharmAsaktachetasAm |
jIvAnAM kinu(kinnu?) vaktavyaM shraddhAlunAM mayi dhruvam || 82||
sarveShAmeva jIvAnAM chaturvargaphalapradA |
vartate dhIshagIteyaM satyaM satyaM na saMshayaH || 83||

iti shrIdhIshagItAsUpaniShatsu brahmavidyAyAM yogashAstre
dhIsharShisaMvAde virAT.hsvarUpanirUpaNaM nAma
saptamo.adhyAyaH |

samApteyaM shrIdhIshagItA |

##

Proofread by Mohan Chettoor

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}