% Text title            : shrutigItA 2
% File name             : shrutigItA2.itx
% Category              : giitaa, vishhnu, krishna, puShTimArgIya, gItA, vallabhaachaarya
% Location              : doc\_giitaa
% Author                : vallabhAchArya
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrutigItA 2 ..}##
\itxtitle{.. shrutigItA 2 ..}##\endtitles ##

prAkR^itAH shrutayaH sarvA bhagavantamadhokShajam |
stuvanti doShanAshAya tatrAviShTo bhavedyathA || 1||
satyo hariH samasteShu bhramabhAteShvapi sthiraH |
ataH santaH samastArthe kR^iShNameva vijAnate || 2||
kathAnantyoktihR^idayAH sAdhanAni na kurvate |
sAkShAtte pAdasaMshliShTAste kiM vAchyA mahAshayAH || 3||
kR^iShNa eva sadA sevyo nirNItaH pa~nchadhA budhaiH |
sharIradaH prerakashcha sukhadaH sheShasatpadaH || 4||
karmarUpaM hariM kechitsevante yogarUpiNam |
tebhyo.apyakShararUpasya sevakAH sammatAH satAm || 5||
sarvatra bhagavAMstutyaH sarvadoShavivarjitaH |
krIDArthamanukurvanhi sarvatraiva virAjate || 6||
guptAnandA yato jIvA nirAnandaM jagadyataH |
pUrNAnando haristasmA~njIvaiH sevyaH sukhArthibhiH || 7||
kR^iShNe harau bhagavati paramAnandasAgaraH |
vartate nAtra sandehaH kathA tatra niyAmikA || 8||
asatsa~Ngo na kartavyo bhaktimArgasya bAdhakaH |
dehe hyanuguNe kR^iShNe nendriyANAM priyaM charet || 9||
sarva eva harerbhaktAstulyA yAnmanyate hariH |
ataH kR^iShNo yathAtmIyAnmanyate bhajanaM tathA || 10||
j~nAnamArgo bhrAntimUlamataH kR^iShNaM bhajedbudhaH |
pravartakaM j~nAnakANDaM chittashuddhyai yato bhavet || 11||
bhrAntimUlatayA sarvasamayAnAmayuktitaH |
na tadvirodhAtkR^iShNAkhyaM paraM brahma tyajedbudhaH || 12||
jIvAnAM brahmarUpatvAddoShA api cha mAnasAH |
jagachcha sakalaM brahya tato doShaH kathaM harau || 13||
sarvathA sarvataH shuddhA bhaktA eva na chApare |
ataH shuddhimabhIpsadbhissevyA bhaktA na chApare || 14||
suvarNapratimAvAsau sarvAnandamayo.adhirAT |
sarvasevyo niyantA cha nirduShTaH sarvathaiva hi || 15||
sarvabhAvavinirmuktaH pUrNaH kroDArthamudgataH |
nimittaM taM samAshritya jAyante jIvarAshayaH || 16||
niyantA jIvasa~Nghasya haristenANavo matAH |
jIvA na vyApakAH kvApi chinmayA j~nAnino matAH || 17||
nAmarUpaprapa~nchaM hi devatirya~NnarAtmakam |
kR^iShNAdeva samudbhUtaM lInaM tatraiva tanmayam || 18||
nR^INAM durgatimAlokya ye sevante dR^iDhavratAH |
kR^iShNaM tadbhrukuTiH kAlo na tAnhanti kadAchana || 19||
adAnte manasi j~nAnayogArthaM na yatedbudhaH |
gurusevAparo bhUtvA bhaktimeva sadAbhyaset || 20||
sarvalokopakArArthaM kR^iShNena sahitAstu te |
paribhramanti lokAnAM nistArAya mahAshayAH || 21||
putrAdInsamparityajya kR^iShNaH sevyo na taiH saha |
tatsukhaM bhagavAndAtA te tu kliShTe.atiduHkhadAH || 22||
paribhramaMstIrthaniShTho gurulabdhaharismR^itiH |
na seveta gR^ihAn duShTAn saddharmAtyantanAshakAn || 23||
sadbuddhyA sarvathA sadbhirna sevyamakhilaM jagat |
bhrAntyA sadbuddhiratreti santaM kR^iShNaM bhajedbudhaH || 24||
khapuShpAdisamatvAddhi mithyAbhUtaM jagadyataH |
adhiShThAnAchcha sadbhAnaM taM kR^iShNaM niyataM bhajet || 25||
kAlAditR^iNaparyantA na sevyA muktimichChatA |
doShatyAjanashakto hi sevyo dAtA gaNasya cha || 26||
jIveShu bhagavAnAtmA sa~nchChannastena tatra na |
bhajanaM sarvathA kAryaM tato.anyatraiva pUjayet || 27||
sukhasevAparo yastu sadAnandaM hariM bhajet |
anyathA sukhamaprepsuH sarvathA duHkhamApnuyAt || 28||
kR^iShNAnandaH parAnando nAnyAnandastathAvidhaH |
vedA api na tachChaktAH pratipAdayituM svataH || 29||
ityeva shrutigItAyAH sa~NkShepeNa nirUpitaH |
artharAshisamudro hi yathA~NgulyA nirUpyate || 30||

iti shrIvallabhAchAryavirachitA shrutigItA sampUrNA |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}