% Text title            : siddhagItA
% File name             : siddhagiitaa.itx
% Category              : gItA, giitaa
% Location              : doc\_giitaa
% Transliterated by     : Sunder Hattangadi
% Proofread by          : Sunder Hattangadi
% Description-comments  : vAsiShThamahArAmAyaNe mokShopAyeShUpashamaprakaraNe
% Latest update         : March 2, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Siddha Gita ..}##
\itxtitle{.. siddhagItA ..}##\endtitles ##

astyastamitasarvApadudyatsampadudAradhIH |
videhAnAM mahIpAlo janako nAma vIryavAn || 1||
kalpavR^ikSho.arthisArthAnAM mitrAlAnAM divAkaraH |
mAdhavo bandhupuShpANAM strINAM makaraketanaH || 2||
dvijakairavashItAMshurdviShattimirabhAskaraH |
saujanyaratnajaladhirbhuvaM viShNurivAsthitaH || 3||
praphullabAlalatike ma~njarIpu~njapi~njire |
sa kadAchinmadhau matte kokilAlApalAsini || 4||
yayau kusumitAbhogaM suvilAsalatA~Nganam |
lIlayopavanaM kAntaM nandanaM vAsavo yathA || 5||
tasminvaravane hR^idye kesaroddAmamArute |
dUrasthAnucharaH sAnuku~njeShu vichachAra ha || 6||
atha shushrAva kasmiMshchittamAlavanagulmake |
siddhAnAmapradR^ishyAnAM svaprasa~NgAdudAhR^itAH || 7||
viviktavAsinAM nityaM shailakandarachAriNAm |
imAH kamalapatrAkSha gItA gItAtmabhAvanAH || 8||
        siddhA UchuH |
draShTudR^ishyasamAyogAtpratyayAnandanishchayaH |
yastaM svamAtmatattvotthaM niHspandaM samupAsmahe || 9||
        anye UchuH |
draShTR^idarshanadR^ishyAni tyaktvA vAsanayA saha |
darshanaprathamAbhAsamAtmAnaM samupAsmahe || 10||
        anye UchuH |
dvayormadhyagataM nityamastinAstIti pakShayoH |
prakAshanaM prakAshyAnAmAtmAnaM samupAsmahe || 11||
        anye UchuH |
yasminsarvaM yasya sarvaM yataH sarvaM yasmAyidam |
yena sarvaM yaddhi sarvaM tatsatyaM samupAsmahe || 12||
        anye UchuH |
ashiraskaM hakArAntamasheShAkArasaMsthitam |
ajasramuchcharantaM svaM tamAtmAnamupAsmahe || 13||
        anye UchuH |
santyajya hR^idguheshAnaM devamanyaM prayAnti ye |
te ratnamabhivA~nChanti tyaktahastasthakaustubhAH || 14||
        anye UchuH |
sarvAshAH kila santyajya phalametadavApyate |
yenAshAviShavallInAM mUlamAlA vilUyate || 15||
        anye UchuH |
buddhvApyatyantavairasyaM yaH padArtheShu durmatiH |
badhnAti bhAvanAM bhUyo naro nAsau sa gardabhaH || 16||
        anye UchuH |
utthitAnutthitAnetAnindriyAhInpunaH punaH |
hanyAdvivekadaNDena vajreNeva harirgirIn || 17||
        anye UchuH |
upashamasukhamAharetpavitraM
       sushamavataH shamameti sAdhuchetaH |
prashamitamanasaH svake svarUpe
       bhavati sukhe sthitiruttamA chirAya || 18||
ityArShe shrIvAsiShThamahArAmAyaNe vAlmikIye devadUtokte
mokShopAyeShUpashamaprakaraNe siddhagItAnAmAShTamaH sargaH || 8||

##

Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}