% Text title            : vAnaragItA
% File name             : vAnaragItA.itx
% Category              : gItA, giitaa, hanumaana
% Location              : doc\_giitaa
% Transliterated by     : Pranav Tendulkar, PSA Easwaran
% Proofread by          : Vrushali Agarkar, PSA Easwaran
% Description-comments  : parAsharasaMhitA maitreyaparAsharasaMvAde hanumanmAhAtmyavarNanaM nAma paMchaviMsho.adhyAyaH
% Latest update         : July 17, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vanaragita from ParasharasamhitA ..}##
\itxtitle{.. shrIvAnaragItA shrIparAsharasaMhitAyAm ..}##\endtitles ##
shrIparAshara uvAcha |
shR^iNu maitreya viprarShe stotraM shrIhanumatparam |
kR^itaM sarvavAnaraishcha shrIvAnaragItAbhidam ||
stotraM sarvottamaM chaiva hanumattattvadarshanam |
sarvamAyaharaM chaiva AdhivyAdhivinAshanam ||
agastyena purA proktaM sarveShAM munisannidhau |
indreNa yAchitaM chaitat lokopakaraNechChayA ||
indro.atha paripaprachCha satkR^itaM munipu~Ngavam |
agastyaM cha mahAtmAnaM AsInaM cha sukhAsane ||
devadeva bhavAmbhodheH dustarAtkaluShendriyAH |
janAH kathaM tarantIha tanme vada kR^ipAnidhe ||
shrI agastya uvAcha |
hanUmantaM kR^itastotraM vAnarairvimalAtmabhiH |
paThanti ye sadA martyAH tachchittavimalAtmakAH ||
taranti bhavapAdodhiM prApnuvanti hareH padam |
AyuH kIrtiryashashchaiva labhante nAtra saMshayaH ||
OM asya shrIvAnaragItAstotramantrasya \- agastya R^iShiH
jagatI ChandaH \- shrIhanumAn devatA \- mArutAtmaja iti bIjaM \-
a~njanAsUnuriti shaktiH \- vAyuputra iti kIlakaM \-
shrIhanumatprasAdasidhyarthe viniyogaH ||
dhyAnam |
vAme jAnuni vAmajAnumaparaM j~nAnAkhyamudrAnvitaM
hR^iddeshe kalayannuto munigaNairadhyAtmadakShekShaNaH |
AsInaH kadalIvane maNimaye bAlArkakoTiprabhaH
dhyAyan brahma paraM karotu manasA shuddhiM hanUmAn mama ||
sa~njIva parvatoddhAra manoduHkhaM nivAraya |
prasIda sumahAbAho trAyasva harisattama ||
shrIsugrIva uvAcha |
suvarNashailasya gavAM cha koTishatasya koTeshcha shatasya yatphalam |
dAnasya naivAsti samaM phalaM cha dhruvaM cha tanmArutidarshanena || 1||
shrIgandhamAdanaH uvAcha |
hanumanniti me snAnaM hanumanniti me japaH |
hanumanniti me dhyAnaM hanumatkIrtanaM sadA || 2||
shrIsuSheNa uvAcha |
rAmabhaktacharitakathAmR^itaM vAyutanayaguNAnukIrtanam |
rAmadAsa tava pAdasevanaM sambhavantu mama janmajanmani || 3||
shrI a~Ngada uvAcha |
mAtA suvarchalAdevI pitA me vAyunandanaH |
bAndhavA hanumadbhaktAH svadesho bhuvanatrayam || 4||
shrInIla uvAcha |
bhaktakalpataruM saumyaM lokottaraguNAkaram |
suvarchalApatiM vande mArutiM varadaM sadA || 5||
shrIgavAkSha uvAcha |
vAyuputreNa mahatA yadyaduktaM karomi tat |
na jAnAmi tato dharmaM maddharmaM rakSha mAM sadA || 6||
shrImainda uvAcha |
samIrasUte satataM tvadAj~nayA tvadaMshakaH preritamAnasendriyaH |
karomyahaM yachcha shubhAshubhaM prabho tvatprItaye matkR^itamastu tatsadA || 7||
shrIdvivida uvAcha |
rAmAdInAM raNe khyAtiM dAtuM yo rAvaNAdikAn |
nAvadhItsvayamevaikastaM vande hanumatprabhum || 8||
shrIsharabha uvAcha |
bhaumasya vAsare pUjA kartavyA hanumatprabhoH |
bhavetsaH shuchirAyuH shrIH putramitrakalatravAn || 9||
shrIgavayaH
AmiShIkR^itamArtANDaM goShpadIkR^itasAgaram |
tR^iNIkR^itadashagrIvaM A~njaneyaM namAmyaham || 10||
shrIprahastaH
ulla~Nkhya sindhoH salilaM salIlaM yashshokavahniM janakAtmajAyAH |
AdAya tenaiva dadAha la~NkAM namAmi taM prA~njalirA~njaneyam || 11||
shrInala uvAcha |
namAmyahaM vAyujapAdapa~NkajaM karomi tadvAyujapUjanaM sadA |
vadAmi vAtAtmajanAma ma~NgalaM smarAmi vAyUdbhavakIrtanaM shubham || 12||
shrIdharmaka uvAcha |
saptaShaShTirhatAn koTivAnarANAM tarasvinAm |
yaH sa~njIvanayAmAsa taM vande mArutAtmajam || 13||
shrIgaja uvAcha |
tanau bAlapAshaH pitA pArvatIshaH
      sphuradbAhudaNDo mukhe vajradaMShTraH |
satI chA~njanA yasya mAtA tato.anyaM
      na jAne na jAne na jAne na jAne || 14||
shrIR^ikSharAja uvAcha |
buddhirbalaM yasho dhairyaM nirbhayatvamarogatA |
ajADyaM vAkpaTutvaM cha hanumatsmaraNAdbhavet || 15||
shrIsampAtiruvAcha |
nAshakaM sItAshokasya shrIrAmAnandadAyinam |
sukhapradaM sAdhakAnAM vAyuputraM namAmyaham || 16||
shrIvegavAnuvAcha |
a~njanAvaraputrAya rAmeShTAya hanUmate |
sarvalokaikavIrAya brahmarUpAya te namaH || 17||
shrIrudragrIva uvAcha |
hanUmatsadR^ishaM daivaM nAsti nAstIti bhUtale |
taM pUjayanti satataM brahmA\-gaurI\-maheshvarAH || 18||
shrIdadhimukhaH
AloDya vedashAstrANi sarvANyapi maharShibhiH |
idamekaM sunirNItaM na daivaM hanumatparam || 19||
shrIsudaMShTra uvAcha |
ma~NgalaM hanumannityaM ma~NgalaM kapipu~Ngava |
ma~NgalaM chA~njanAsUno ma~NgalaM rAghavapriya || 20||
shrIR^iShabha uvAcha |
karuNArasapUrNAya jagadAnandahetave |
kukShisthAkhilalokAya hanUmadbrahmaNe namaH || 21||
shrIpR^ithuruvAcha |
dAtA dApayitA chaiva saMhartA rakShakastathA |
prerakashchAnumodakashcha kartA bhoktA kapIshvaraH || 22||
shrIjAmbavAn uvAcha |
bhuktimuktipradaM nAma vihAya hanuman tava |
saMsaranti janA mUDhAH kiM vichitramataHparam || 23||
shrIjyotirmukha uvAcha |
matprArthanAphalamidaM mama janmanashcha
      nechChAmi ki~nchidaparaM hanuman mahAtman |
tvaddAsadAsajanapAdarajoniketa\\-
      masmaddhito bhavatu sevakapArijAta || 24||
shrIsumukha uvAcha |
rasane rasasAraj~ne madhurAsvAdakA~NkShiNi |
hanumannAmapIyUShaM sarvadA rasane piba || 25||
shrIgolA~NgUla uvAcha |
kuto durdinaM vA kuto bhaumavAraH
      kuto vaidhR^itistasya bhadrA kathaM vA |
kuto vA vyatIpAtadoShakShutaM vA
      hanUmatpadadhyAnavItAshubhasya || 26||
shrIkumuda uvAcha |
trAtAro bhuvi pAdAshcha mArgAshcha rasane tava |
hanUmannirmitAssanti janAnAM hInatA kutaH || 27||
shrIshatabaliruvAcha |
dhanyosmyanugR^ihIto.asmi puNyo.asmi mahito.asmyaham |
hanuman tvatpadAmbhojasevAvibhavayogataH || 28||
shrIkesariruvAcha |
tvatto.anyaH sharaNaM nAsti tvameva mama rakShakaH |
ato mayi kR^ipAdR^iShTyA hanuman rakSha mAM sadA || 29||
shrImArIcha uvAcha |
sadA pApaughaniShThUtaM pApeShu hR^iShTamAnasam |
pApAtmAnaM mahApApaM rakSha mAM hanumatprabho || 30||
shrItaruNa uvAcha |
hanUmadAj~nayA yachcha bhAvi tadbhavati dhruvam |
yadabhAvi na tadbhAvi vR^ithA dehaparishramaH || 31||
shrIgomukha uvAcha |
aparAdhashataM nityaM kurvANaM mAM nR^ishaMsakam |
kShamasva dAsabudhyA tvaM hanuman karuNAnidhe || 32||
shrIpanasa uvAcha |
hanumato na paraM paramArthato hanumato na paraM paramArthataH |
iti vadAmi janAn paramArthato na hi paraM bhavato.atra vichakShaNaH || 33||
shrIsuSheNa uvAcha |
mAtA hanUmAMshcha pitA hanUmAn bhrAtA hanUmAn bhaginI hanUmAn |
vidyA hanUmAn draviNaM hanUmAn svAmI hanUmAn sakalaM hanUmAn || 34||
shrIhariloma uvAcha |
ito hanUmAn parato hanUmAn yato yato yAmi tato hanUmAn |
hanUmato.anyaM nanu nAsti ki~nchit tato hanUmAn tamahaM prapadye || 35||
shrIra~Nga uvAcha |
yadvarNapadamAtrAbhiH sahasochchAraNo bhavet |
kShamasva tatkR^ipAdR^iShTyA hanUman praNato.asmyaham || 36||
shrIvidhuShTa uvAcha ||
hanUmAn rakShatu jale sthale rakShatu vAyujaH |
aTavyAM vAyuputrastu sarvataH pAtu mArutiH || 37||
phalashrutiH |
itIdaM vAnaraproktaM sarvapApaharaM varam |
sarvaj~nAnapradaM chaiva sarvasaubhAgyavardhanam ||
imAM vAnaragItAM ye paThanti shraddhayAnvitAH |
putrAn pautrAMshcha bhogAMshcha labhante kShaNamAtrataH ||
aishvaryaM shAshvataM chaiva susthirAH sampadastathA |
AyurdIrghaM cha kIrtiM cha prApnuvanti na saMshayaH ||
iha bhuktvAkhilAn kAmAn A~njaneyaprasAdataH |
gachChantyante padaM nityaM punarAvR^ittivarjitam ||

iti shrIparAsharasaMhitAyAM parAsharamaitreyasaMvAde
shrIvAnaragItA nAma ShaTsaptatitamaH paTalaH ||
##
Encoded and proofread by
PSA EASWARAN psaeaswaran at gmail.coM
Earlier encoding by
ranav and Vrushali Tendulkar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}