% Text title : Hanumat Panchashat % File name : hanUmatpanchAshat.itx % Category : hanumaana, panchAshata % Location : doc\_hanumaana % Latest update : September 3, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Hanumat Panchashat ..}## \itxtitle{.. shrIhanUmatpa~nchAshat ..}##\endtitles ## (sragdharA Chanda) shrImAn dhImAn hanUmAnasamasamadhikaH kIrtimAn bhaktimAn shrI\- rAme shrIrAma rAmetyanavaratarato nAmasa~NkIrtane yaH | sImAtIto.abhirAmo vilasati mahimA yasya romA~nchakArI kShemastomaM sa kAmaM gamayatu namataH shrI samIrAtmajo naH || 1|| omityuktvA namo.atastadanu bhagavate.apyA~njaneyAya chAtha shabdaM chAnte chaturthyAM \ldq{}sa mahaditi balaM yasya\rdq{} jAtaM samasya | itthaM sR^iShTaM tamaShTAdashaparigaNitairakSharairakShahantuH mantraM sarveShTasid.hdhyai hutavahadayitAchUDamAmreDayAmaH || 2|| vIro yaH kesarIti tribhuvanaviditastasya rAj~no.a~njanAyAM patnyAM shrIrAmahetossamajani tanayo mArutasyauraso yaH | svAdIyassadyadIyaiH prabhucharitamaho bhAti kR^ityairvichitraiH sadyo nudyAdavadyaM kalibalakalitaM kesarikShetrajo naH || 3|| atrasto jAtamAtraH phalamiti kalayan mitramAhartukAmaH putro vAyoH purA.ayaM viyati kR^itarayaH pupluve yaH plava~NgaH | sa trAyAt vR^itrajetrA tadanukR^itahanurvajrapAtena DimbhaH pitrA saMstabhya lokAn varamamaragaNAllambhito jR^imbhitena || 4|| ekassannadvitIyaH shrutiShu tisR^iShu yaH paNDitashchAturAsya\- prItyA pa~nchatvahInassa pavanatanayaH ShaDguNassaptasapteH | shiShyo.aShTA~NgI navavyAkaraNachaNamatI rAmabhaktaH paraM naH dishyAdAyussudIrghaM dashalapanaripurbhAgyamArogyabhogyam || 5|| sugrIveNAlokyAgrajabhayachakitenAtmanA pa~nchamena tUNIbANAsaneddhau vipinamupagatau rAmarAmAnujau tau | sha~NkAta~NkAkulena praNidhiriva tayorantikaM preShito yaH sha~NkAta~NkApanodaM kalayatu kushalo bhikShuveSho hanUmAn || 6|| gatvA saumitrirAmAvatha vipinapathaM tau kathaM vA kimarthaM AyAtAvityanekerayamamaragirA madhyamena svareNa | samyak shabdaprayogochcharaNavidhiyutenAdrutaM chAvilambaM prashnaiH pR^iShTaiH pratuShTaM raghupatimatanodvAgmitAM yassa dattAm || 7|| ka~njAkShau ra~njayantau vanabhuvamabhito ma~njutAM vya~njayantau sa~njAnan devatulyau raghukulatilakau prA~njaliH prA~njaloktiH | yu~njAnastena maitrI vyadhita ravisutenA~njasA sa~njayAya yu~njan sa~njAyatAM nassahR^idayasuhR^ido ra~njanAyA~njaneyaH || 8|| vAlI kAlasya yAto vashamiti mahato naiva shokasya kAlaH putro rAjye.abhiShechyastava jhaTiti tato mA chiraM rAj~ni rodIH | tArAmmevaM vachobhirmR^idumadhurapadaissAntvayAmAsa yo.asau kartavyaM duHkhamadhye kapiriha kR^ipayA tArayet kArayannaH || 9|| varShAnte vAnarANAM dishi dishi pR^itanAM maithilImArgaNArthaM marShI syAH preShayeyetyatha samayamimaM rAmachandreNa kR^itvA | harShI vismR^itya bhoge lagati ravija ityasya buddhiM skhalantIM karShan sAchivyakArI kalayatu hanumAn nassa mohavyapoham || 10|| vishveShAM shevadhissan dashavadanavadhaM kartumatrAvatIrNaH vishvAsaM vAyuputre nayavinayavati prApya rAmo.a~NgulIyam | vishvAsAya priyAyAH ravisutavachasA so.arpayAmAsa yasmin nishvAse nirgamiShyatyapi bhavatu sa naH kashchanAshvAsahetuH || 11|| sItAnveShAya viShTAn bilamatha timireNAvR^itaM vindhyashaile bhItAnniShkrAntyashaktAn sadayamanucharAMstArayiShyan guhAyAH | sUnurvAyorvachobhirmayaduhitR^isakhIM sUnR^itairyo.anvanaiShIt jAtebhyassa~NkaTebhyo bhavatu sa bhagavAn yAchito mochanAya || 12|| sugrIvAj~nA virodhaM kalayatiyuvarAjya~Ngade vAliputre tenAnIke kavInAM sapadi vichalite yassvayaM vAyuputraH | sAmnA bhedena rAmAnujavishikhabhiyA bhedayitvAtha dharmye kartavye.achUchudattan dishatu sa hanumAn naipuNaM rAjatantre || 13|| tu~NgaM mAhendrashR^i~NgaM ghanavanashishiraM dhAtubhirnaikara~NgaM tva~NgatpAdAbhighAtaiH shvasitamiva dadhanniShpatadbhirbhuja~NgaiH | bha~NgAd grAvNAM kSharadbhirvamadiva rudhiraM dhAturAgairvidhAya pi~NgAkSho jR^imbhamANo jalanidhitaraNe tAraNaM nastanotu || 14|| dhyAtvA shrIrAmapAdau kShaNamachalavadAsthAya mAhendramaulau baddhvA rAmA~NgulIyaM dR^iDhamatha vasane prasthito vAyusUnuH | pArAvArasya pAraM paramurutarasA yAtukAmassakAmaM pArAvArasya pAraM gamayatu namato ghorasaMsAranAmnaH || 15|| AdrestadrUpadhArI gaganamupagato.ahnAya tIrtvA samudraM kShudrAkAraH praviShTo dashamukhanagarIM raudrarakShaHpratiShTham | nidrAhInAM nirannAM pativirahakR^ishAM rAmabhadrasya patnIM mudrAdAnapratItAmatanuta hanumAn yassa bhadrANi dishyAt || 16|| gatyotpatyAtivartya svapitaramapi charad vyomni vAyorapatyaM prItyA dR^iShTaM plava~NgairjalanidhitaraNe chAraNaishcha praNatyA | bhItyA daityairvinItyA suravaranivahairyogibhishcha prasattyA stutyA tannaH prasannaM kubhiShagaviShayaM shAtayedvAtarogam || 17|| tAtasyAthAdhamarNaM girivaramurasA.a.ahatya mainAkamabdhau ChAyAgrAheNa vighnaM pathi sa vidadhatIM siMhikAM sUdayitvA | nAgAnAM prINayitvA savinati surasAM mAtaraM vAtajAtaH pAraM vAto.antarAyAn pathi sa nipatitAnantarA hantu nantuH || 18|| putro vAyoramitro mama tanayamayaM pIDayAmAsa rAhuM tatrAkAshe jighR^ikShuH phalamiti taraNiM jAtamAtraH plava~NgaH | satrAso yena putro mama kR^ita iti tAM siMhikAM svaM jighAMsuM chitreNaiva krameNAkShapayata sa tathA.asmadvipakShaM kShiNotu || 19|| la~NkAsaMrakShiNI sA rajanicharapateH rAjadhAnyeva mUrtA\- mUrchChAkAriprahAraM kamapi vitaratA nirjitA yena sadyaH | la~NkAmAsannanAshAM phalitamabhihitaM brahmaNA prAha yasmai bha~njAt prAbha~njanirnaH sakalamavikalaM vidviShAM durgavargam || 20|| rAmAM rAmasya chinvannishicharanagaresadmanassadma gatvA vAmAstA rAvaNena prasabhamapahR^itAH sthApitashchAvarodhe | shyAmAyAme tR^itIye vigalitavasanAH kAminIrapyavekShya kAmaM kAmasya nAyAdvashamanilasuto nassa pAyAdapAyAt || 21|| yuddhe kruddhena jitvA balajitamatha taM rAvaNenApahR^itya baddhAnItAvaruddhAssurapuravanitA vIkShya shuddhAntara~Nge | addhA shuddhAntara~NgaH ka iha sa bhavitAnyatra gA~NgeyabhIShmAt buddhishreShThA~njaneyAduta kathita iti trAyatAM vAyuputraH || 22|| hInA rAmeNa sItAmupavasanakR^ishAM shiMshapAvR^ikShamUle dInAM vIkShyaikaveNIM malinapaTadharAM tarjitAM rAkShasIbhiH | lInaH parNeShu rAmaM prabhumatha manasA taM prashaMsan jagAma yo naH shrItattvavettA pradishatu paramaM tasya tattvasya bodham || 23|| mAsau dvAveva kR^itvA samayamapagate rAvaNe tarjayitvA trAsaM yA.a.asAdya veNyudgrathanakaraNato maithilI martukAmA | prANe pratyAyitA.abhUt prabhucharitamathodgIya vAyossutena prItisphItaH kapissa praNipatanaparAt prINayan prANayennaH || 24|| rAkShasyA svapnadR^iShTaM raghupativijayaM varNayantyA prasannA tAbhirnoktA.api sItA bhava sharaNamihetyAsa tAsAM tathA sA | avyAjenAnukampAmapacharaNapare.apyAdadhAnAmato.ambAM vyAjApekShaM sa jAnan prabhumatishayitAM pAtu naH pAvamAniH || 25|| rAmassaumitriNA ye paramatha virahAt kva kva yAtashcha kiM kiM chakre sugrIvasakhyaM kathamagamaditi brUhi sarvaM kape tvam | evaM bhUyashcha bhUyo janakatanayayA chodyamAnena yena saMshrAvyA.a.ashvAsitA.abhUdanayamapanayatvA~njaneyassvayaM naH || 26|| mattulyA madvishiShTA api bahukapayaH santi sainye kapInAM matto nyUno na kashchittava patiriha tai rAvaNaM jeShyatIti | prochya pratyAyayiShyanniva cha ripubalaM tatsamakShaM haniShyan rakSho.ashItiM tamakShaM sachivasutagaNaM yo.avadhIt so.avatAnnaH || 27|| akShaM rukShaM samakShaM kShatikaravishikhAn lakShayitvA kShipantaM vakShasyakShNoH kShaNAya kShayamayamanayan sakShamassa kShamo.api | rakSho dakShaM vipakShakShapaNa idamupekShyaM na hItyakShiNodyaH kShipraM kShiptvAntarikShAt kShitimadhi hanumAn vikShatAdrakShatAntaH || 28|| ichChan brahmAsstrabandhaM truTayitumadhunA rAvaNeH pArayAmi gachChannevAgato.ahaM kimapi tava hitaM rAvaNaM vyAjihIrShuH | svachChandaM svachChamevaM tamayamabhidadhat puchChapIThAdhirUDhaH puchChenechChAvihAraH praharatu hanumAn kShAtravAn shAtravAtraH || 29|| vAle tailena sikte pichutaTavalite dIpite yAtudhAne jvAlAmAlAkulo.agnirna janakasutayA shApito yaM tatApa | la~NkAyAM rAkShasendrAnujagR^iharahitaM yena dagdhaM samastaM digdhAM snigdho vidagdhaH pavanaja iha no j~nAnadugdhena mugdhAn || 30|| la~NkAM lA~NgUladagdhAM nishichararuditairAkulAmAkalayya pratyAvR^ityAmburAshestatamadhi hanumAn vAnarANAmanIkam | niShpandaM jAtakautUhalamavahitadhi shrAvayAmAsa sarvA AmUlAt svAM kathAM yaH pradishatu sa kathAkArapArINatAM naH || 31|| dR^iShTA sIteti sA tvAmidamavadaditi shrotrapIyUShamuktvA rAmAt sarvasvabhUtaM raghukulatilakAdyaH pariShva~NgamApa | vikrAntaM yaM samarthaM kapimatimuditA maithilI prAj~namUche shR^iNvan rAmAyaNaM yo vicharati bhuvane.adyApi sa trAyatAM naH || 32|| yaH shatroH rAvaNasya svayamayamanujo.adeshakAlAgato.atra nigrAhyo grAhyatAM na vrajati kathamapItItareShUchivatsu | dharmAtmA deshakAlAgata iti vachanairhetumadbhirya Uche chittaM rAmasya jAnannavatu sa hanumAn dharmavit karmabhirnaH || 33|| kailAsaM kampayitvA varamatha tapasA shambhumArAdhya labdhvA bambholiM jambhashatroH shalabhamiva na yo lakShate vakShasi sma | muShTiM tasya prapAtyorasi dashashirasastena sadyo.apanudyAt sAdhu tvaM shlAghanIyo ripuriti kathito mArutirbhIrutAM naH || 34|| sAnIkaM jAnakIshaM raNabhuvi patitaM meghanAdAstraviddhaM glAniM bhUyo bhajantaM patitamavarajaM vIkShya sa~njIvayiShyan | yoniM divyauShadhInAM himagirishikharaM yassa AnItavAnno hAniM dAtrIM nihanyAt tanurujamagada~NkArabhUto hanUmAn || 35|| vaikuNThe sheShanAmA bhujagaparivR^iDhaH shrIpaterdhUrvaho yo jAto rAmAvatAre dasharathatanayaH prApya rAmAnujatvam | dhR^itvA shaktyA.a.ahataM taM yudhi dashashirasA durvahaM dhUrvahatvaM vyAnagyo vAyusUnurlaghumiha vahatAllIlayA.asmaddhuraM saH || 36|| jambhArAtervijetuH balamatha vidalan rakShasAM dambhabhettA Dimbho vAyoryudhAyAM vidhR^itaraghuvaro yo nikumbhasya hantA | ambhodhiM la~NghayitvauShadhimupanamayan jR^imbhayAM svAn babhUva shambhorevAvatAro.ayamiti nigaditasstambayet sambhramaM naH || 37|| mAyAsItAM samakShaM maghavajidasinA dAritAM mAritA~ncha putro nidhyAya vAyoratha raghupataye duHkhamAkhyAtukAmaH | yo gachChan rAkShasendrAvarajavachanato va~nchitaM svaM vyajAnAt mAyAvyAlIM sa dhunvan svayamapanayatAjjAyamAnaM bhayaM naH || 38|| maithilyAH vipralambhe ravisutavachasA preShayAmAsa rAmo dUtaM vAtasya jAtaM sa janakatanayAM j~nAtumambhodhipAram | vyApAdyAyodhane taM dashavadanamatha preShayannAshu vArtAM devyai dUtaM dadhe yaM vitaratu namatAmArtihantrIM sa vArtAm || 39|| saMsevyAshokavanyAM raghupatidayitAM krUravAgrAkShasInAM saMhAraM yashchikIrShussadayamabhihitassevikAssvAmyadhInAH | saMrakShantyastadAj~nAmadadhata yadi tat ko.aparAdho.atra tAsAM saMhAryA neti devyA kalayatu sa dayAM nantR^iShu kShAntamantuH || 40|| AdiShTo rAghaveNa prabhumapi jaTilaM sthaNDile saMvishantaM nandigrAme niviShTaM bharatamabhigato jyeShThabhaktau suniShTham | dR^iShTvA shatrughnajuShTaM raghupatipadavIdattadR^iShTiM sa bhakta\- shreShThaM mene manIShI janayatu vinayaM mArutirmAnase naH || 41|| nAthasyAthAbhiSheke nayanasarasijasyAditAnandavAShpaM jAnAnA jAnakI yaM patimatimatanoddhAradAnena dhanyam | nityaM saumitrisItAsahitaraghuvaraM vandamAno hanUmAn vashyo dishyAdavashyaM dishamatha vidishaM vyashnuvAnaM yasho naH || 42|| mokShaM nAthaprasAdAt karagatamati yo vyAkShipaMstasya gAthAM gAyan shR^iNvaMstadIyaM charitamayamavannApadastasya bhaktAn | tattvaM sattve sthitebhyaH paramamupadishan sa~ncharan samprasadya sadyashshokaM sa nudyAt sadayamanilabhUradya lokasya sarvam || 43|| yena spardhAM dadhAnassvayamanilabhuvA nArado bhaktigAne gAnairyasya svakIyAM dravadupalapuTe majjitAM vIkShya vINAm | gAne nUnaM hanUmAn prathama iti vadan lajjitastajjito.abhUt mAnAtItaM natebhyo na iha sa tanutAM gAnavij~nAnadAnam || 44|| rAmaM skandhAdhirUDhaM samarabhuvichachArodvahan varShmaNA yo rAmaM sa~NkIrtayan yo viharati satataM taM vahanneva vAchA | rAmaM dhyAyan hanUmAn vicharati paritastaM vahan mAnasena yAtaH pAyAdapAyAdraghupatimayatAM kAyavA~NmAnasairnaH || 45|| kR^iShNaM viShNuM sa jAnannapi parapuruShaM rAghavAnyAvatAraM rAmAkAre didR^ikShuH punarapi purato mArutistena yuddhAn | vibhrANe rAghavasyAkR^itimatha patitaH pAdayostasya dAsyaM spaShTaM vyAchaShTa yassvaM pradishatu bhagavAn bhaktiyogaM paraM naH || 46|| puShpaM saugandhikAkhyaM himagirivipine kR^iShNayA prArthitaM yat bhrAtre bhImAya tasmai tadavachayakR^iteH kAmyayA bhrAmyate prAk | sandarshyAnugrahaM yo vyataradapaharan skandhayorasya gandhaM gandhaM saMsArabandhapradamapaharatAd gandhavAhAtmajo naH || 47|| pArthAdanyatra divyAM dR^ishamadhigamitAt sa~njayAdvA prabuddhAt pArthasya syandanAgre kapikulatilakAnmArutervA dhvajasthAt | sArthAM shrotuM hi gItAM paramapuruShato niHsR^itAM kaH samarthaH so.arthaM gItopadiShTaM kapirupadishatAdasmadujjIvanArtham || 48|| madhye sindhorbhavAbdheriva puruShatanAvatra la~NkAkhyapuryAM sItevApya dvipa~nchendriyayutamanasA.atmA dashAsyena bandham | AchAryAdeva nandatyanilabhuva ivAkarNya nAthasya vArtAM ityadhyAtmIyarAmAyaNamadhi mahito mArutistAd gururnaH || 49|| loke.adyAlokahIne sapadi kaliyuge saMskR^ite lupyamAne loko rAmAyaNaM tat paThatu kathamiti prApya chintAM parAM tAm | hindIrAmAyaNaM yaH kavivaratulasIdAsato bhaktibhAvaiH pUrNaM tUrNaM praNAyya vyavR^iNuta sanR^iNAM mArutishchArushIlaH || 50|| kravyAdAnAM vibhAvyaM puravaramakhilaM havyavAhena dagdhvA devyAssaMsevya navyAmbujasadR^ishapadaM sevyamAshrAvya bhUyaH | abhyarNe varNayiShyaMstadatha raghupateH tIrNavannarNavaM bhoH tUrNaM karNAvatIrNaM kuru suta marutastotramudgIrNametat || 51|| ugraM vA shAntamUrtiM dashamukhanagare viShTama~NguShThamAtraM agre saumitrisItAsahitaraghupateH tUrNakarNAvatIrNam | (prashrayeNopaviShTam |) vyagrA nidhyAya sadyo nijahR^idi bahudhA siddhimAsedivAMsaH sugrAhyAM pAvamAneriti hi nutimimAdareNAdadIran || 52|| etAM pa~nchAshataM yaH paThati hanumataH prashrito yA shR^iNoti bhaktyA tAtparyamasya pravachanavidhinA shrAvayatyanyabhaktAn | taddR^iShTyA kuShThayakShmodarahR^idayashiraHkarkaTAdIn sa rogAn ulla~NghyollAghabhUtassukhamanubhavitA shashvadullAsashIlaH || 53|| pratnaM ratnAkarasya prathitamapi yasho dustaratve nirasya yatnairyena praNItairabhavadavasito rAmasItAviyogaH | ratnaM rAmAyaNAkhyasraja iti kavibhirmAruteH kIrtitasya yatnastasyArchane naH kShaNamapi vihito nityakalyANahetuH || 54|| shrIrAmo vishvasargasthitivilayakaro yaH parabrahmabhUtaH bhUloke.annAvatIrNo dashalapanavilopAya mAyAmanuShyaH | chakre sandarshayA naH shubhacharitamiSheNaikamAdarshamArgaM stotraM dAsasya tasyoditamanilabhuvastanmude tatsavedam || 55|| sundararAjagrathitaM sundarakANDAdhinAyakastotram | sundarametat paThitA nandati muktaH pumAn rogAt || 56|| iti shrIsundararAjakR^itA shrIhanUmatpa~nchAshat samAptA || (rogaduHkhanAshaka shrIhanUmatpa~nchAshat) kavi\- shrI sundararAjaH | mAtA\- shrImatI va~njuvallI | pitA AshukavisArvabhauma villUra shrInivAsarAghavAchArya svAmI janma tithi\-13\-9\-1936, janmasthAna\-ta~njAvUra janapadAntargata devanAthavilAsa grAma shikShA\-ema\.e\. (rasAyana shAstra), Ai\.e\.esa (oDishAM prAptAvakAshaH) (sragdharA Chanda) sragdharA mrau bhnau yau y triHsaptakAH (pi~Ngala Chanda shAstra, 7/25) yasya pAde magaNa\-ragaNa\-magaNa\-nagaNAstrayashcha yagaNAH (.a.a.a, .a|.a, .a||, |||, |.a.a, |.a.a, |.a.a)| saptasu, saptasu, saptasu cha yatiH | (.a \- guru, | \- laghu) magaNa ragaNa bhagaNa nagaNa yagaNa yagaNa yagaNa (.a.a.a) (.a|.a) (.a||) (|||) (|.a.a) (|.a.a) (|.a.a) (sragdharA Chanda lakShaNashlokaH) rekhA\-bhrUH shUbhrada\-nta(7)dyuti\-hasita\-shara(7)shchandrikAchA\-rumUrti(7)\- rmAdyanmA\-ta~NgalI\-lA(7)gati\-rativi\-pulA(7)bho\-gatu~Nga\-stanI yA(7) | rambhAsta\-mbhopamo\-rU(7)rali\-malina\-dhana(7)sni\-gdhadhammi\-llahastA(7) bimboShThI raktaka\-NThI(7)disha\-tu rati\-sukhaM(7)sra\-gdharA su\-ndarIyam(7) || ## \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}