% Text title            : hanumadaShTottarashatanAmastotram 1
% File name             : hanumadaShTottarashatanAmastotram1.itx
% Category              : aShTottarashatanAma, hanumaana
% Location              : doc\_hanumaana
% Transliterated by     : Shri Devi Kumar, refined by PSA Easwaran
% Proofread by          : PSA Easwaran
% Description-comments  : From Hanumatstutimanjari, Mahaperiaval Publication
% Acknowledge-Permission: Mahaperiyaval Trust
% Latest update         : April 24, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIhanumadaShTottarashatanAmastotram 1 ..}##
\itxtitle{.. shrIhanumadaShTottarashatanAmastotram 1 ..}##\endtitles ##
##(##shrIpadmottarakhaNDataH##)##
nArada uvAcha |
sarvashAstrArthatattvaj~na sarvadevanamaskR^ita |
yattvayA kathitaM pUrvaM rAmachandreNa dhImatA || 1||
stotraM samastapApaghnaM shrutvA dhanyo.asmi padmaja |
idAnIM shrotumichChAmi lokAnAM hitakAmyayA || 2||
vAyoraMshAvataraNamAhAtmyaM sarvakAmadam |
vada me vistarAdbrahman devaguhyamanuttamam || 3||
iti pR^iShTo nAradena brahmA lokapitAmahaH |
namaskR^itya jagannAthaM lakShmIkAntaM parAtparam || 4||
provAcha vAyormAhAtmyaM nAradAya mahAtmane |
yachChrutvA sarvasaubhAgyaM prApnuvanti janAH sadA || 5||

brahmovAcha |
idaM rahasyaM pApaghnaM vAyoraShTottaraM shatam |
viShNunA lokanAthena ramAyai kathitaM purA || 6||
ramA mAmAha yaddivyaM tatte vakShyAmi nArada |
idaM pavitraM pApaghnaM shraddhayA hR^idi dhAraya || 7||

hanumAna~njanAputro vAyusUnurmahAbalaH |
rAmadUto harishreShThaH sUrI kesarInandanaH ||
sUryashreShTho mahAkAyo vajrI vajraprahAravAn |
mahAsattvo mahArUpo brahmaNyo brAhmaNapriyaH || 9||
mukhyaprANo mahAbhImaH pUrNapraj~no mahAguruH |
brahmachArI vR^ikShadharaH puNyaH shrIrAmaki~NkaraH || 10||
sItAshokavinAshI cha siMhikAprANanAshakaH |
mainAkagarvabha~Ngashcha ChAyAgrahanivArakaH || 11||
la~NkAmokShaprado devaH sItAmArgaNatatparaH |
rAmA~NgulipradAtA cha sItAharShavivardhanaH || 12||
mahArUpadharo divyo hyashokavananAshakaH |
mantriputraharo vIraH pa~nchasenAgramardanaH || 13||
dashakaNThasutaghnashcha brahmAstravashago.avyayaH |
dashAsyasallApaparo la~NkApuravidAhakaH || 14||
tIrNAbdhiH kapirAjashcha kapiyUthaprara~njakaH |
chUDAmaNipradAtA cha shrIvashyaH priyadarshakaH || 15||
kaupInakuNDaladharaH kanakA~NgadabhUShaNaH |
sarvashAstrasusampannaH sarvaj~no j~nAnadottamaH || 16||
mukhyaprANo mahAvegaH shabdashAstravishAradaH |
buddhimAn sarvalokeshaH suresho lokara~njakaH || 17||
lokanAtho mahAdarpaH sarvabhUtabhayApahaH |
rAmavAhanarUpashcha sa~njIvAchalabhedakaH || 18||
kapInAM prANadAtA cha lakShmaNaprANarakShakaH |
rAmapAdasamIpastho lohitAsyo mahAhanuH || 19||
rAmasandeshakartA cha bharatAnandavardhanaH |
rAmAbhiShekalolashcha rAmakAryadhurandharaH || 20||
kuntIgarbhasamutpanno bhImo bhImaparAkramaH |
lAkShAgR^ihAdvinirmukto hiDimbAsuramardanaH || 21||
dharmAnujaH pANDuputro dhana~njayasahAyavAn |
bakAsuravadhodyuktastadgrAmaparirakShakaH || 22||
bhikShAhArarato nityaM kulAlagR^ihamadhyagaH |
pA~nchAlyudvAhasa~njAtasammodo bahukAntimAn || 23||
virATanagare gUDhacharaH kIchakamardanaH |
duryodhananihantA cha jarAsandhavimardanaH || 24||
saugandhikApahartA cha draupadIprANavallabhaH |
pUrNabodho vyAsashiShyo yatirUpo mahAmatiH || 25||
durvAdigajasiMhasya tarkashAstrasya khaNDakaH |
bauddhAgamavibhettA cha sA~NkhyashAstrasya dUShakaH || 26||
dvaitashAstrapraNetA cha vedavyAsamatAnugaH |
pUrNAnandaH pUrNasatvaH pUrNavairAgyasAgaraH || 27||

iti shrutvA nAradastu vAyoshcharitamadbhutam |
mudA paramayA yuktaH stotuM samupachakrame || 28||
rAmAvatArajAtAya hanumadrUpiNe namaH |
vAsudevasya bhaktAya bhImasenAya te namaH || 29||
vedavyAsamatoddhArakartre pUrNasukhAya cha |
durvAdidhvAntachandrAya pUrNabodhAya te namaH || 30||
gururAjAya dhanyAya ka~njanetrAya te namaH |
divyarUpAya shAntAya namaste yatirUpiNe || 31||
svAntasthavAsudevAya sachchittAya namo namaH |
aj~nAnatimirArkAya vyAsashiShyAya te namaH || 32||
athAbhivandya pitaraM brahmANaM nArado muniH |
parikramya viniryAto vAsudevaM hariM smaran || 33||
aShTottarashataM divyaM vAyusUnormahAtmanaH |
yaH paThechChraddhayA nityaM sarvabandhAt pramuchyate || 34||
sarvarogavinirmuktaH sarvapApairna lipyate |
rAjavashyaM bhavennityaM stotrasyAsya prabhAvataH || 35||
bhUtagrahanivR^ittishcha prajAvR^iddhishcha jAyate |
AyurArogyamaishvaryaM balaM kIrtiM labhet pumAn || 36||
yaH paThedvAyucharitaM bhaktyA paramayA yutaH |
sarvaj~nAnasamAyuktaH sa yAti paramaM padam || 36||
##(##shrIpadmottarakhaNDataH##)##

##
\medskip\hrule\medskip
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}