% Text title            : hanumadaShTottarashatanAmastotram 7
% File name             : hanumadaShTottarashatanAmastotram7.itx
% Category              : aShTottarashatanAma, hanumaana
% Location              : doc\_hanumaana
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay, PSA Easwaran
% Source                : ParAsharasamhita Hanumachcharitra Vol 2 pages 43-49
% Latest update         : July 8, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIhanumadaShTottarashatanAmastotram 7 ..}##
\itxtitle{.. shrIhanumadaShTottarashatanAmastotram 7 ..}##\endtitles ##
|| shrIgaNeshAya namaH ||
|| shrIsItarAmachandrAbhyAM namaH ||
shrIparAshara uvAcha \-
stotrAntaraM pravakShyAmi hanumatpratipAdakam |
shR^iNu maitreya viprendra aShTottarashatAdhikam ||
agastyena purA proktaM sutIkShNAya mahAtmane |
sarvapApakShayakaraM sadA vijayavardhanam ||
sutIkShNa uvAchaH \-
bhagavan kena mantreNa stutvA taM bhuvi mAnavaH |
ayatnenaiva labhate sahasA sarvasampadaH ||
bhUtapretapishAchAdi pUtanAbrahmarAkShasAH |
kUShmANDakinnarAdhIsharakSho yakShakhagAdinA ||
nidhanaM chaiva daityAnAM dAnavAnAM visheShataH |
apasmAragrahANAM cha strIgrahANAM tathaiva cha ||
mahAmR^ityugrahANAM cha nIchachoragrahAtmanAm |
anyeShAM chAtighorANAM sarpANAM krUrakarmaNAm ||
vAtapittakaphAdinAM jvarANAmatirogiNAm |
shiro netramukhAsyAndhrigudaghrANodarIbhavAm ||
tathaiva rAjayakShmANAM shAntiH kena pradR^ishyate |
chorAdi rAjashastrAdi viShadussvapnabhItIShu ||
siMhavyAghravarAhAdiShvanyAsvApatsu bhItiShu |
kiM japtvyaM mahAbhAga brUhi shiShyasya me mune ||
shrIagastya uvAcha \-
suhR^ido mama bhaktasya tava rakShAkaraM varam |
pravakShyAmi shR^iNuShvaikaM sutIkShNa susamAhitaH ||
upendreNa purendrAya proktaM nArAyaNAtmanA |
trailokyaishvaryasiddhyarthamabhAvAya cha chidviShAm ||
sabhAyAM nAradAdInAM R^iShiNAM puNyakarmaNAm |
upavishya mayA tatra shR^itaM tasya prasAdataH ||
aShTottarashataM nAmnA matiguhyaM hanumataH |
noktapUrvamidaM brahman rahasyaM yasyakasyachit ||
OM asya shrIhanumadaShTottarashatadivyanAmastotramantrasya
agastyo bhagavAn R^iShiH | anuShTupChandaH | shrIhanumAn devatA |
mArutAtmaja iti bIjam | a~njanAsUnuriti shaktiH |
vAyuputreti kIlakam |
mama shrIhanumatprasAdasiddhyarthe jape viniyogaH ||
OM namo bhagavate A~njaneyAya a~NguShThAbhyAM namaH |
OM namo bhagavate vAyuputrAya tarjanIbhyAM namaH |
OM namo bhagavate kesaripriyanandanAya madhyamAbhyAM namaH |
OM namo bhagavate rAmadUtAya anAmikAbhyAM namaH |
OM namo bhagavate lakShmaNaprANadAtre kaniShThikAbhyAM namaH |
OM namo bhagavate shrIhanumate karatalakarapR^iShThAbhyAM namaH |
iti karanyAsaH ||
OM namo bhagavate A~njaneyAya hR^idayAya namaH |
OM namo bhagavate vAyuputrAya shirase svAhA |
OM namo bhagavate kesaripriyanandanAya shikhAyai vaShaT |
OM namo bhagavate rAmadUtAya kavachAya hum |
OM namo bhagavate lakShmaNaprANadAtre netratrayAya vauShaT |
OM namo bhagavate shrIhanumate astrAya phaT |
iti hR^idayAdi ShaDa~NganyAsaH ||
bhUrbhUvasvaromiti digbandhaH ||
|| atha dhyAnam ||
pampAtaTavanoddeshe paramarShiniShevite |
paritassiddhagandharvakinnaroragasevite ||
nirvairamR^igasiMhAdi nAnAsatvaniShevite |
madhure madhurAlApe manoj~natalakandare ||
mata~NgaparvataprAntamAnasAdimanohare |
mahAsiMhaguhAgehe upara~njitapashchime ||
atIndriyamanobhAraiH atimanmathakAnanaiH |
shamAdi guNasampannaiH atItaShaDarAtibhiH ||
nikhilAgamatatvaj~naiH munibhirmuditAtmabhiH |
upAsyamAnavadbhAjana maNipITha upasthitam ||
nalanIlamukhaishchApi vAnaraindrairupAsitam |
samuda~nchitavAlAgraM samagramaNibhUShaNam ||
shamAntakamahoraskasamAhitabhujadvayam |
parArthyaM padmarAgAdi sphuranmakarakuNDalam ||
vajrapAtA~NkitatanuM vajrapi~NgAkShabhIShaNam |
svarNAbjakesariprakhyashiroruhavirAjitam ||
navaratnA~nchitasvarNavichitravanamAlayA |
AsinapAdapAthojamApannArtinivAraNam ||
karuNAvaruNAvAsamaruNAruNamaNDalam |
kiraNAruNitopAntacharaNaM navahAriNam ||
kAraNaM surakAryANAmasurANAM nivAraNam |
bhUShaNaM hi nagendrasya mAnasAchalapAragam ||
purANaM praNatAshAnAM charaNAyodhanapriyam |
smaraNApahR^itAghaughaM bharaNAvahitaM satAm ||
sharaNAgatasantrANakAraNaikavratakShamam |
kShaNAdasurarAjendratanayaprANahAriNam ||
pavamAnasutaM vIraM parItaM panasAdibhiH ||
ittha dhyAyannamanneva chetasA sAdhakottamaH |
sarvAnkAmAnavApnoti nAtra kAryA vichAraNA ||
|| iti dhyAnam ||
OM namaH plavagendrAya vAyuputrAya vAline |
vAlAgnidagdhala~NkAya bAlArkajyotiShe namaH ||
A~njaneyAya mahate prabha~njanasutAya te |
pramatAdihR^ite tubhyaM pramANAdbhutachetase ||
prAchetasapraNayine namaste suravairiNe |
vIrAya vIravandyAya vIronmattAya vidviShAm ||
vishAtakAya vedyAya vishvavyApisharIriNe |
viShNubhaktAya bhaktAnAmupakartre jitAtmane ||
vanamAlAgravAlAya pavamAnAtmane namaH |
kR^itamAnAya kR^ityeShu vItarAgAya te namaH ||
vAladhR^itamahendrAya sUryaputrahitaiShiNe |
balasUdanamitrAya varadAya namo namaH ||
shamAdiguNaniShThAya shAntAya shamitAraye |
shatrughnAya namastubhyaM shambarArijite namaH ||
jAnakIkleshasaMhartre janakAnandadAyine |
la~Nghitodadhaye tubhyaM tejasAM nidhaye namaH ||
nityAya nityAnandAya naiShThikabrahmachAriNe |
brahmANDavyAptadehAya bhaviShyadbrahmaNe namaH ||
brahmAstravArakAyastu sahasadbrahmavedine |
namo vedAntaviduShe vedAdhyayanashAline ||
nakhAyudhAya nAthAya nakShatrAdhipavarchase |
namo nAgArisevyAya namassugrIvamantriNe ||
dashAsyadarpahantrecha ChAyAprANApahAriNe |
gaganatvaragataye namo garuDaraMhase ||
guhAnuyAya guhyAya gambhIrapataye namaH |
shatrughnAya namastubhyaM sharAntaravihAriNe ||
rAghavapriyadUtAya lakShmaNaprANadAyine |
la~NkiNIsatvasaMhartre chaityaprAsAdabha~njine ||
bhavAmburAsheH pArAya paravikramahAriNe |
namo vajrasharIyAya vajrAshaninivAriNe ||
namo rudrAvatArAya raudrAkArAya vairiNAm |
ki~NkarAntakarUpAya mantrIputranihantriNe ||
mahAbalAya bhImAya mahatAmpataye namaH |
mainAkakR^itamAnAya manovegAya mAline ||
kadalIvanasaMsthAya namassarvArthadAyine |
aindravyAkaraNaj~nAya tattvaj~nAnArthavedine ||
kAruNyanidhaye tubhyaM kumArabrahmachAriNe |
nabho gambhIrashabdAya sarvagrahanivAriNe ||
subhagAya sushAntAya sumukhAya suvarchase |
sudurjayAya sUkShmAya sumanaHpriyabandhave ||
surArivargasaMhartre haryR^ikShAdhIshvarAya te |
bhUtapretAdisaMhartre bhUtAveshakarAya te ||
namo bhUtaniShevAya bhUtAdhipataye namaH |
namo grahasvarUpAya grahAdhipataye namaH ||
namo grahanivArAya ugrAya chogravarchase |
brahmatantrasvatantrAya shambhutantrasvatantriNe ||
haritantrasvatantrAya tubhyaM hanumate namaH |
aShTottarashataM sa~NkhyA hanumannAmamUrtayaH ||
purataH parato vyApI mama pAtu mahAbalaH |
shAntirastu shivaM chAstu satyAssantu manorathAH ||
rakShA bhavatu yonI vA vividhe varadehinAm |
avighno duHkhahAnishcha vA~nChAsiddhishshubhodayAH |
prajAsiddhishcha sAmarthyaM mAnonnatiranAmayam ||

iti shrIhanumadaShTottarashatanAmastotraM sampUrNam ||
##
Encoded by Gopal Upadhyay gopal.j.upadhyay at gmail.com
Proofread by Gopal Upadhyay, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}