% Text title            : hanumadvratam
% File name             : hanumadvratam.itx
% Category              : hanumaana, hanuman
% Location              : doc\_hanumaana
% Transliterated by     : Shri Devi Kumar, refined by PSA Easwaran
% Proofread by          : PSA Easwaran psaeaswaran at gmail
% Description-comments  : From Hanumatstutimanjari, Mahaperiaval Publication
% Acknowledge-Permission: Mahaperiyaval Trust
% Latest update         : May 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIhanumadvratam ..}##
\itxtitle{.. shrIhanumadvratam ..}##\endtitles ##

tatrAdau hanumadvrataM kartumArabhamANa AchArAnusAreNa
vishiShTAchAraparamparAprAptAM yathAshaktidravyaiH pampApUjAM kariShye |
iti sa~Nkalpya\, mArgashIrShamAse shuklatrayodashyAM vrataM
kariShyamANaH dvAdashyAmeva niyato brahmachArI jitendriyaH
samyagrAtriM yApayitvA brAhme muhUrte utthAya
kartavyaM sarvamAlokayati ||
shaunaka uvAcha
hanumadvratasa~NkalpaM kartukAmo.abravIjjanaH |
kasmindeshe vrataM samyakkartavyaM vada sUtaja || 1||
kiM cha vrataM pUrvataraiH kutrAcharitamadbhutam |
santi sthalAni bahudhA goShThavR^indAvanAdayaH || 2||
vApIkUpataDAgAdyAH kulyAH kR^itrimavistR^itAH |
nadyo nadAH sAgarAdyAH parvatAH sarito drumAH |
vichArya bahudhA tachcha vada no vadatAM vara || 3||
sUta uvAcha
sAdhu pR^iShTaM mahAbhAgAH samyagevochyate mayA |
bahavaH santi deshAshcha puNyAH puNyavivardhanAH ||
tathApi vakShye yadguhyaM tachChR^iNvantu munIshvarAH || 4||
pUrvaM hanumataH pUjA kR^itA pampAsarittaTe |
tasmAt pampAsarittIre hanumadvratamuttamam || 5||
nAnAdesheShu kartavyA pampApUjA prayatnataH |
brAhme muhurte chotthAya shauchAdibhiratandritaH || 6||
nityakarma samApyAshu yogakShemaM samAvishet |
tatashcha pa~nchabhirvAdyairupeto bandhubhivR^irtaH || 7||
tatratyAM cha nadIM kA~nchidgatvA snAtvA cha vAgyataH |
aghamarShaNamantraishcha shuchiH prayatamAnasaH || 8||
sandhyAvandanapUrvaM cha nityakarma samApya cha |
pitRRIn santarpya yatnena lalATe tilakojjvalaH || 9||
ShoDashApyupachArAMshcha pampAyAH sarvato vratI || 10||

pampA pUjA ||
hemakUTagiriprAntajanAnAM girisAnugAm |
pampAmAvAhayAmyasyAM nadyAM hR^idyAM prayatnataH || AvAhanam
tara~NgashatakallolaiH ri~NgattAmarasojjvale |
pampAnadi namastubhyaM gR^ihANAsanamuttamam || Asanam
hR^idyaM sugandhasampannaM shuddhaM shuddhAmbusatkR^itam |
pAdyaM gR^ihANa pampAkhye mahAnadi namo.astu te || pAdyam
bhAgIrathi namastubhyaM salilena sushobhane |
anarghyamarghyamanaghe gR^ihyatAmidamuttamam || arghyam
pampAnadi namastubhyaM mahApuNye sushobhane |
godAvarIjalenAdya gR^ihANAchamanIyakam || AchamanIyam
dugdhAjyekShurasaiH puNyairdadhnashcha madhunA tathA |
pa~nchAmR^itaiH snApayiShye pampAnadi namo.astu te | pa~nchAmR^itasnAnam
shuddhakShIraiH shuddhajalairnArikelAmbubhistathA |
puNyaiH kR^iShNAnadItoyaiH si~nchAmi tvAM saridvare || snAnam
mahAmUlyaM cha kArpAsaM divyavastramanuttamam |
pampAnadi mahApuNye pampAshobhAtishobhane || vastram
shrautasmArtAdisatkarmaphaladaM pAvanaM shubham |
yaj~nopavItamadhunA kalpaye sariduttame || yaj~nopavItam
karpUraguTikAmishraM kastUryA cha vimarditam |
yatnena kalpitaM gandhaM lepaye.a~NgaM saridvare || gandham
lakShaNoktAnharidrAktAnakShatAMshchottamA~nChubhAn |
pampAnadi gR^ihANemA~nChubhashobhAtivR^iddhaye || akShatAn
atasIkusumopetaM pa~Nkeruhadalojjvalam |
ku~NkumaM sha~NkarajaTAsambhUte saridarpaye || ku~Nkumam
kajjalaM trijagadvandye mahApuNye tara~NgiNi |
netrayoH pAdamanaghaM gR^ihyatAM saritAM vare || netrA~njanam
shatapatraishcha kahlAraiH kumudairvakulairapi |
mallikAjAtipunnAgaiH kevalaishchApi champakaiH ||
tulasIdAmabhishchApi tathA bilvadalairapi |
pUjayAmi mahApuNye pampAnadi namo.astu te || puShpANi

atha a~NgapUjA ||
godAvaryai namaH pAdau pUjayAmi | kR^iShNAyai namaH gulphau pUjayAmi |
pApahAriNyai namaH ja~Nghe pUjayAmi | subhruve namaH jAnunI pUjayAmi |
urutara~NgiNyai namaH UrU pajayAmi | taDidujjvalajavAyai namaH kaTiM pUjayAmi |
ambushobhinyai namaH nitambaM pUjayAmi | aNumadhyAyai namaH madhyaM pUjayAmi |
sustanAyai namaH stanau pUjayAmi | kambukaNThyai namaH kaNThaM pUjayAmi |
lalitAbAhura~NgAyai namaH bAhU pUjayAmi |
dIrghaveNyai namaH veNIM pUjayAmi | suvaktrAyai namaH vaktraM pUjayAmi |
durvAravAripUrAyai namaH shiraH pUjayAmi | sahasramukhAyai namaH sarvA~NgaM
pUjayAmi ||
sadashA~NgaM shubhaM divyaM saguggulamanuttamam |
sAjyaM parimalodbhUtaM dhUpaM svIkuru pAvane || dhUpam
sAjyamagniprakAshodyatkoTisUryasamadyuti |
pashya dIpaM prasannA~Nge pampAnadi namo.astu te || dIpam
shAlyannaM svarNapAtrasthaM shAkApUpasamanvitam |
sAjyaM dadhipAyasaM cha naivedyaM pratigR^ihyatAm || naivedyam
pUgaiH sushobhanaishchApi nAgavallIdalairyutam |
tAmbUlaM gR^ihyatAM devi pampAnadi namo.astu te || tAmbUlam
vratapUrtimahAkIrtidivyasphUrtiprakIrtidam |
kartukAmo vratamidaM sauvarNaM puShpamarpaye || suvarNapuShpam
pradakShiNatrayaM devi prayatnena prakalpitam |
pashyAdya pAvane devi pampAnadi namo.astu te || pradakShiNaM
namaste namaste vishAlojjvalA~Nge
namaste namaste lasatsattara~Nge |
namaste namaste giriprAntara~Nge
namaste namaste kaladbarhira~Nge || namaskAraM
aparAdhashataM devi matkR^itaM cha dine dine |
kShamyatAM pAvane devi pampAnadi namo.astu te || kShamApaNam
pampAnadi mahApuNye tara~NgiNi ! namo.astu te |
tvattIre hanumatpUjA kR^itA rAmeNa dhImatA ||
manorathaphalAvAptistasyAbhIShTaM na saMshayaH |
sugrIveNa cha tIre.asminkapivaryeNa te kR^itam ||
saMskR^itaM cha manovA~nChA sahastasya babhUva sA |
atastvannIrapuline kR^ite hanumato vrate ||
shreyAMsi mama sarvANi na vighnAni bhavantviha |
iti samprArthya pampAkhyAM nadIM shubhatara~NgiNIm ||
kalashodakapANishcha gachChet svagR^ihamAdarAt ||
iti pampApUjA ||

deshakAlau smR^itvA\, mayA.a.acharitasya vratasya sampUrNaphalAvAptyarthaM
bhAryayA saha hanumatpUjAM kariShye | iti sa~Nkalpya
##(##pIThasya adhobhAge##)##\-atalAya namaH | vitalAya namaH | sutalAya namaH |
rasAtalAya namaH | talAtalAya namaH | mahAtalAya namaH | pAtAlAya namaH |
tatra agAdhasarvataHshabdAtmane namaH | tatra kamale kamaThAya namaH |
tadupari sahasramaNiphaNAprakAshamAnasheShAya namaH |
aShTadiggajebhyo namaH |
tadupari bhUmaNDalAya namaH | tapolokAya | maharlokAya namaH |
satyalokAya | aShTadikpAlakebhyo namaH | tanmadhye merave namaH |
merordakShiNadigbhAge droNashailAya namaH | tanmadhye suratarave namaH |
tanmUle suvarNavedikAyai namaH | vedyAM vR^ikShasya pUrvabhAge
navaratnakhachitachAruratnapIThAya namaH |
##(##hanumat pIThe ala~NkR^itaM kalashaM nidhAya##)##
OM namo bhagavate vAyunandanAya namaH | iti kalashasthApanam |
tataH deshakAlau sa~NkIrtya sItAsametashrIrAmachandradhyAnAdi mAnasaM
kR^itvA shrIhanumantamAvAhayet | prANapratiShThAM cha vidhivatkuryAt ||
dvAdashagranthipUjA \-
a~njanAsUnave namaH prathamagranthiM pUjayAmi |
hanumate namaH dvitIyagranthiM pUjayAmi |
vAyuputrAya namaH tR^itIyagranthiM pUjayAmi |
mahAbalAya namaH chaturthagranthiM pUjayAmi |
rAmeShTAya namaH pa~nchamagranthiM pUjayAmi |
phAlgunasakhAya namaH ShaShThagranthiM pUjayAmi |
pi~NgAkShAya namaH saptamagranthiM pUjayAmi |
amitavikramAya namaH aShTamagranthiM pUjayAmi |
kapIshvarAya namaH navamagranthiM pUjayAmiH |
sItAshokavinAshanAya namaH dashamagranthiM pUjayAmi |
lakShmaNaprANadAtre namaH ekAdashagranthiM pUjayAmi |
dashagrIvadarpaghnAya namaH dvAdashagranthiM pUjayAmi |
bhaviShyadbrahmaNenamaH trayodashagranthiM pUjayAmi |

##(##a~Nga pUjA##)##
hanumate namaH pAdau pUjayAmi |
sugrIvasakhAya namaH gulphau pUjayAmi |
a~NgadamitrAya namaH ja~Nghe pUjayAmi |
rAmadAsAya namaH UrU pUjayAmi |
akShaghnAya namaH kaTiM pUjayAmi |
la~NkAdahanAya namaH vAlaM pUjayAmi |
rAmadAsAya namaH nAbhiM pUjayAmi |
sAgarolla~NghanAya namaH madhyaM pUjayAmi |
la~NkAmardanAya namaH keshAvaliM pUjayAmi |
sa~njIvanIhartre namaH stanau pUjayAmi |
saumitriprANadAya namaH vakShaH pUjayAmi |
kuNThitadashakaNThAya namaH kaNThaM pUjayAmi |
rAmAbhiShekakAriNe namaH hastau pUjayAmi |
mantrarachitarAmAyaNAya namaH vaktraM pUjayAmi |
prasannadavadanAya namaH vadanaM pUjayAmi |
pi~NganetrAya namaH netraM pUjayAmi |
shrutipAragAya namaH shrutiM pUjayAmi |
UrdhvapuNDradhAriNe namaH kapolaM pUjayAmi |
maNikaNThamAline namaH shiraH pUjayAmi |
sarvAbhIShTapradAya namaH sarvA~NgaM pUjayAmi |

doragrahaNam
a~njanIgarbhasambhUta rAmakAryArthasambhava |
varadAtaH kR^itA pUjA rakSha mAM prativatsaram |
vratodyApanaM \- yajamAno mahAnadyAM mAdhyAhnikasnAnaM kR^itvA\,
nityakarma vidhAyA.a.achArya\-brahmaR^itvigbhiH sahopavishya\,
prANAnAyamya\,
adya shubhatithau dharmapatnIsametasya mama
hanumad\-vratakalpokta\-sampUrNaphalAvAptaye
dharmArtha\-kAma\-mokSha\-chaturvidha\-puruShArthasiddhyarthaM
shrImadA~njaneyaprItyarthaM cha hanumadvratodyApanAkhyaM karma kariShye |
asmin karmaNi AchAryatvaM bhavantaH kurvantviti vedavettAraM kuTumbinaM
vittahInaM shAntamAchAravantaM brAhmaNamAchAryatve niyojya\, evaM
lakShaNasahayuktamaparaM brAhmaNaM niyojya\, tataH trayodashakalashAvAhanArthaM
trayodashabrAhmaNAnR^itvigvidhau niyojya evamAvaraNaM kR^itvA\, tato
niShkamAtrasuvarNena\, tadardhena yathAshakti vA hanumatpratimAM kR^itvA
prANAnAyamya\, hanumad\-vratodyApanA~Ngatvena pampApUjAM kR^itvA\,
punaH prANAnAyamya\, shubhatithau dharmapatnIsametasya mama
manovA~nChAphalasiddhyarthaM
shrImadA~njaneyaprItyarthamA~njaneyapratimApUjAM kariShye |
iti sa~Nkalpya\,
tatpratimAshuddhyarthaM pa~nchAmR^itasnapanaM kR^itvA\, mUlamantreNa
shuddhodakasnapanaM kR^itvA\, pa~nchaprasthaparimitashvetataNDulopari
ala~NkR^itapUrNakalashaM saMsthApya tadupari pratimAmAdhAya
prANapratiShThAM kR^itvA.tatastrayodashakalashAn
pratimAveShTitAMstaNDuleShu nidhAya\, kalashapUjAM kR^itvA\,
teShu kalasheShu vastrANyAveShTya\, teShu nAnAvidhaphalAni datvA\,
kalashapUjAM kR^itvA\, tataH pIThArchanaM kuryAt ||
pIThasyAdhastale \- atalAya namaH | vitalAya namaH |
sutalAya namaH | rasAtalAya namaH | talAtalAya namaH |
mahAtalAya namaH | pAtAlAya namaH |
tathAgAdhasarvatomukha\-sudhAdhibhyAM namaH | tatra kamaThAya namaH |
tadupari \- sahasraphaNiphaNAmaNDita\-maNiprakAshitAsheShalokasheShAya namaH |
aShTadiggajebhyo namaH | tadupari bhUmaNDalAya namaH |
dikpAlebhyo namaH | tanmadhye merave namaH |
merordakShiNadigbhAge ratnasAnave namaH | tanmadhye suratarave namaH |
tanmUle suvarNavedikAyai namaH | vedyAM vR^ikShasya pUrvabhAge
navaratnakhachitanUtanapIThAya namaH | ##(##evaM bhAvayitvA##)##
svAmin ! sarvajagannAtha ! yAvat pUjAvasAnakam |
tAvat tvaM prItibhAvena pratimAyAM sthiro bhava ||
tatastrayodashagranthiyuktadorakaM pratiShThApya\,
dhyAnam \-
vande vidyudvalayalasitaM brahmasUtraM dadhAnaM\,
karNadvandve kanakavalaye kuNDale dhArayantam |
satkaupInaM kaTiparihR^itaM kAmarUpaM kapIndraM
nityaM dhyAyAmyanilatanayaM vajradehaM variShTham ||
pratapta\-jAmbUnada\-divyamaMsaM dedIpyamAnAgnivibhAsurAkSham |
praphulla\-pa~Nkeruha\-shobhanAsyaM dhyAye hR^idisthaM pavamAnasUnum ||
atha kalpoktaprakAreNa AvAhanAdi \-ShoDashopachArAn kR^itvA
namaHsarvahitArthAya jagadArAdhyakarmaNe |
ameyAyA~njaneyAya punararghyaM puro.arpaye |
iti prasannArghyaM samarpayAmi namaH |
bhaktyA prakalpitairetairupachAraishcha ShoDashaiH |
bhagavan hanumannIsha ! prIyatAM me priyoktibhiH ||
upachArasamarpaNaM yasya smR^ityA cha nAmoktyA tapoyaj~nakriyAdiShu |
nyUnaM sampUrNatAM yAti sadyo vande tamachyutam ||
evaM rAtrau prathamayAmapUjAM kR^itvA\,
tasyAM rAtryAM pratiyAmapUjAM kurvan\,
gItavAditrAdibhirma~NgaladhvanibhirbhAgavatapaThanAdipurANa\-
shravaNAdibhirjAgaraNaM kR^itvA\, paredyuH prabhAte mahAnadyAM brAhmaNaiH saha
snAnaM kR^itvA\, nityakarma vidhAya gandhAdibhirala~NkR^itya\, gR^ihamAgatya\,
pUrvavatpUjAM kR^itvA\, hanumadvratodyApanA~NgahomaM kuryAt |
kShIrAnnenAjyena pippalasamidbhiH kalpoktadravyeNa
mUlamantreNAShTottarasahasramaShTottarashataM vA homaM kuryAt |
pUrNAhutiM datvA\, brahmaNe dakShiNAM datvA\, tata AchAryaM pUjayitvA\,
pratimAM savastrAM sAla~NkArAM sataNDulAM cha datvA\, taddAnasAdguNyArthaM
dakShiNAM datvA\, AchAryAya savatsAM sAla~NkArAM payasvinIM gAM dadyAt |
tata R^itvigbhyaH savastrAn kalashAn datvA dakShiNAM cha datvA\,
vishiShTapa~NgudInAndhakR^ipaNajanAn brAhmaNAn santarpya\, R^itvigAdi\-
brAhmaNAn shataM pa~nchAshat\, pa~nchaviMshatiM trayodasha vA brAhmaNAn
miShTAnnabhojanena santarpya\, bhUridAnaM vibhavAnusAreNa kuryAt |
evaM kurvan yajamAnaH kR^itArtho bhavati |
hanumAn suprIto varado bhUtvA putrapautrAdi sarvakAmAn
prayachChati | iti shaunakAdikAn prati sUtaH provAcha | iti ||

##
\medskip\hrule\medskip
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}