% Text title : hanumat\_kavacham % File name : hanumatkavachaAnanda.itx % Category : kavacha, hanumaana, vAlmIki, hanuman % Location : doc\_hanumaana % Author : Valmiki % Transliterated by : Antaratma antaratma at Safe-mail.net % Proofread by : Antaratma, PSA Easwaran % Description-comments : from Anandaramayana % Latest update : May 28, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Hanumat Kavacham ..}## \itxtitle{.. shrIhanumatkavacham ..}##\endtitles ## shrIrAmadAsa uvAcha \- ekadA sukhamAsInaM sha~NkaraM lokasha~Nkaram | paprachCha girijAkAntaM karpUradhavalaM shivam || 1|| pArvatyuvAcha \- bhagavan devadevesha lokanAtha jagatprabho | shokAkulAnAM lokAnAM kena rakShA bhaveddhruvam || 2|| sa~NgrAme sa~NkaTe ghore bhUtapretAdike bhaye | duHkhadAvAgnisantaptachetasAM duHkhabhAginAm || 3|| shrIshiva uvAcha \- shR^iNu devi pravakShyAmi lokAnAM hitakAmyayA | vibhIShaNAya rAmeNa premNA dattaM cha yatpurA || 4|| kavachaM kapinAthasya vAyuputrasya dhImataH | guhyaM tatte pravakShyAmi visheShAchChR^iNu sundari || 5|| udyadAdityasa~NkAshamudArabhujavikramam | kandarpakoTilAvaNyaM sarvavidyAvishAradam || 6|| shrIrAmahR^idayAnandaM bhaktakalpamahIruham | abhayaM varadaM dorbhyAM kalaye mArutAtmajam || 7|| hanumAna~njanAsUnurvAyuputro mahAbalaH | rAmeShTaH phAlgunasakhaH pi~NgAkSho.amitavikramaH || 8|| udadhikramaNashchaiva sItAshokavinAshanaH | lakShmaNaprANadAtA cha dashagrIvasya darpahA || 9|| evaM dvAdasha nAmAni kapIndrasya mahAtmanaH | svApakAle prabodhe cha yAtrAkAle cha yaH paThet || 10|| tasya sarvabhayaM nAsti raNe cha vijayI bhavet | rAjadvAre gahvare cha bhayaM nAsti kadAchana || 11|| ulla~Nghya sindhoH salilaM salIlaM yaH shokavahniM janakAtmyajAyAH | AdAya tenaiva dadAha la~NkAM namAmi taM prAjalirA~njaneyam || 12|| OM namo hanumate sarvagrahAn bhUtabhaviShyadvartamAnAn samIpasthAn sarvakAladuShTabuddhInuchchATaya parabalAn kShobhaya mama sarvakAryANi sAdhaya sAdhaya | OM hrAM hrauM huM phaTa | ghe ghe ghe OM shivasiddham | OM hrAM OM hrIM OM hrUM OM hraiM OM hrauM OM hraH­svAhA | parakR^itayantramantratantraparApakArabhUtapretapishAchadR^iShTisava vighnadurjanacheShTAkuvidyAsarvograbhayAni nivAraya nivAraya bandha bandha, luNTha luNTha vilu~ncha vilu~ncha kili kili kili sarvakuyantrANi duShTavAchaM OM phaTa svAhA | OM asya shrIhanumatkavachastotramantrasya shrIrAmachandra R^iShiH | shrIhanumAn paramAtmA devatA | anuShTupChandaH | mArutAtmaja iti bIjam | a~njanAsUnuriti shaktiH | lakShmaNaprANadAteti kIlakam | rAmadUtAyetyastram | hanumAn devatA iti kavacham | pi~NgAkSho.amitavikrama iti mantraH | shrIrAmachandrapreraNayA rAmachandraprItyarthaM mama sakalakAmanAsiddhayarthaM jape viniyogaH | atha a~NgulinyAsaH | OM hrAM a~njanAsutAya a~NguShThAbhyAM namaH | OM hrIM rudramUrtaye tarjanIbhyAM namaH | OM hrUM rAmadUtAya madhyamAbhyAM namaH | OM hraiM vAyuputrAya anAmikAbhyAM namaH | OM hrauM agnigarbhAya kaniShThikAbhyAM namaH | OM hraH brahmAstranivAraNAya karatalakarapR^iShThAbhyAM namaH || a~NganyAsaH | OM hrAM a~njanAsutAya hR^idayAya namaH | OM hrIM rudramUrtaye shirase svAhA | OM hrUM rAmadUtAya shikhAyai vaShaT | OM hraiM vAyuputrAya kavachAya huM | OM hrauM agnigarbhAya netratrayAya vauShaT | OM hraH brahmAstranivAraNAya astrAya phaT | bhUrbhuvaHsuvaromiti digbandhaH || atha dhyAnam | dhyAyedbAladivAkaradyutinibhaM devAridarpApapahaM devendrapramukhaM prashastayashasaM dedIpyamAnaM ruchA | sugrIvAdisamastavAnarayutaM suvyaktatattvapriyaM saMraktAruNalochanaM pavanajaM pItAmbarAla~NkR^itam || 1|| udyanmArtANDakoTiprakaTaruchiyutaM chAruvIrAsanasthaM mau~njIyaj~nopavItAbharaNaruchishikhaM shobhitaM kuNDalA~Nkam | bhaktAnAmiShTadaM taM praNatamunijanaM vedanAdapramodaM dhyAyedevaM vidhemaM plagakulapatiM goShpadIbhUtavArdhim || 2|| vajrA~NgaM pi~NgakeshADhyaM svarNakuNDalamaNDitam | nigUDhamupasa~Ngamya pArAvAraparAkramam || 3|| sphaTikAbhaM svarNakAntiM dvibhujaM cha kR^itA~njalim | kuNDaladvayasaMshobhimukhAmbhojaM hariM bhaje || 4|| savyahaste gadAyuktaM vAmahaste kamaNDalum | udyaddakShiNadordaNDaM hanumantaM vichintayet || 5|| atha mantraH | Onnamo hanumate shobhitAnanAya yasho.ala~NkR^itAya a~njanIgarbhasambhUtAya rAmalakShmaNAnandakAya kapisainyaprakAshanaparvatotpATanAya sugrIvasAhyakaraNaparochchATanakumArabrahmacharyagambhIrashabdodAya hrIM sarvaduShTagrahanivAraNAya svAhA | Onnamo hanumate ehi ehi ehi sarvagrahabhUtAnAM shAkinIDAkinInAM viShamaduShTAnAM sarveShAmAkarShayAkarShaya | mardaya mardaya | Chedaya Chedaya | martyAn mAraya mAraya | shoShaya shoShaya | prajvala prajvala | bhUtamaNDalapishAchamaNDalanirasanAya | bhUtajvara\-pretajvara\-chAturthikajvara\-brahmarAkShasa\-pishAchaChedanakriyA\- viShNujvara\-maheshajvarAn Chindhi Chindhi | bhindhi bhindhi | akShishUle shiro.abhyantare hyakShishUle gulmashUle pittashUle brahmarAkShasakulaprabalanAgakulaviShaM nirviShaM kuru jhaTitijhaTiti | OM hrIM phaT ghe ghe svAhA | OM namo hanumate pavanaputra vaishvAnaramukha pApadR^iShTihanumateko Aj~nAphure svAhA | svagR^ihe dvAre paTTake tiShTha tiShTheti tatra rogabhayaM rAjakulabhayaM nAsti, tasyochchAraNamAtreNa sarve jvarA nashyanti | OM hrAM hrIM hrUM phaT ghe ghe svAhA | shrIrAmachandra uvAcha\- hanumAn pUrvataH pAtu dakShiNe pavanAtmajaH | pAtu pratIchyAM rakShoghnaH pAtu sAgarapAragaH || 1|| udIchyAmUrdhvataH pAtu kesarIpriyanandanaH | adhastu viShNubhaktastu pAtu madhyaM cha pAvaniH || 2|| la~NkAvidAhakaH pAtu sarvApadbhyo nirantaram | sugrIvasachivaH pAtu mastakaM vAyunandanaH || 3|| bhAlaM pAtu mahAvIro bhruvormadhye nirantaram | netre ChAyApahArI cha pAtu naH plavageshvaraH || 4|| kapole karNamUle cha pAtu shrIrAmaki~NkaraH | nAsAgrama~njanAsUnuH pAtu vaktraM harIshvaraH || vAchaM rudrapriyaH pAtu jihvAM pi~NgalalochanaH || 5|| pAtu devaH phAlguneShTaH chibukaM daityadarpahA | pAtu kaNThaM cha daityAriH skandhau pAtu surArchitaH || 6|| bhujau pAtu mahAtejAH karau cha charaNAyudhaH | nakhAn nakhAyudhaH pAtu kukShau pAtu kapIshvaraH || 7|| vakSho mudrApahArI cha pAtu pArshve bhujAyudhaH | la~NkAvibha~njanaH pAtu pR^iShThadeshe nirantaram || 8|| nAbhiM cha rAmadUtastu kaTiM pAtvanilAtmajaH guhyaM pAtu mahAprAj~no li~NgaM pAtu shivapriyaH || 9|| UrU cha jAnunI pAtu la~NkAprAsAdabha~njanaH | ja~Nghe pAtu kapishreShTho gulphau pAtu mahAbalaH | achaloddhArakaH pAtu pAdau bhAskarasannibhaH || 10|| a~NgAnyamitasattvADhyaH pAtu pAdA~NgulIMstathA | sarvA~NgAni mahAshUraH pAtu romANi chAtmavit || 11|| hanumatkavachaM yastu paThedvidvAn vichakShaNaH | sa eva puruShashreShTho bhuktiM muktiM cha vindati || 12|| trikAlamekakAlaM vA paThenmAsatrayaM naraH | sarvAn ripUn kShaNAjjitvA sa pumAn shriyamApnuyAt || 13|| madhyarAtrau jale sthitvA saptavAraM paThedyadi | kShayApasmArakuShThAdi tApatrayanivAraNam || 14|| ashvatthamUle.arkavAre sthitvA paThati yaH pumAn | achalAM shriyamApnoti sa~NgrAme vijayaM tathA || 15|| buddhirbalaM yasho dhairyaM nirbhayatvamarogatAm | sudArDhyaM vAksphuratvaM cha hanumatsmaraNAdbhavet || 16|| mAraNaM vairiNAM sadyaH sharaNaM sarvasampadAm | shokasya haraNe dakShaM vande taM raNadAruNam || 17|| likhitvA pUjayedyastu sarvatra vijayI bhavet | yaH kare dhArayennityaM sa pumAn shriyamApnuyAt || 18|| sthitvA tu bandhane yastu japaM kArayati dvijaiH | tatkShaNAnmuktimApnoti nigaDAttu tathaiva cha || 19|| Ishvara uvAcha \- bhAnvindoshcharaNAravindayugalaM kaupInamau~njIdharaM kA~nchishreNidharaM dukUlavasanaM yaj~nopavItAjinam | hastAbhyAM dhR^itapustakaM cha vilasaddhArAvaliM kuNDalaM yashchAlaM vishikhaM prasannavadanaM shrIvAyuputraM bhaje || 20|| yo vArAnnidhimalpapalbalamivolla~Nghya pratApAnvito vaidehIghanashokatApaharaNo vaikuNThabhaktapriyaH | akShAdyArjitarAkShaseshvaramahAdoShahArI raNe so.ayaM vAnarapu~Ngavo.avatu sadA yo.asmAnsamIrAtmajaH || 21|| vajrA~NgaM pi~NganetraM kanakamayalasatkuNDalAkrAntagaNDaM dambholistambhasAraM praharaNasuvashIbhUtarakSho.adhinAtham | udyallA~NgUlasaptaprachalachaladharaM bhImamUrtiM kapIndraM dhyAyettaM rAmachandraM bhramaradR^iDhakaraM sattvasAraM prasannam || 22|| vajrA~NgaM pi~NganetraM kanakamayalasatkuNDalaiH shobhanIyaM sarvApIDyAdinAthaM karatalavidhR^itaM pUrNakumbhaM dR^iDhaM vA | bhaktAnAmiShTakAraM vidadhati cha sadA suprasannaM harAMshaM trailokyatrAtukAmaM sakalabhuvi gataM rAmadUtaM namAmi || 23|| vAme kare vairibhidaM vahantaM shailaM paraM shR^i~NkhalahArakaNTham | dadhAnamAchChAdya suparNavarNaM bhaje jvalatkuNDalamA~njaneyam || 24|| padmarAgamaNikuNDalatviShA pATalIkR^itakapolamaNDalam | divyadehakadalIvanAntare bhAvayAmi pavamAnanandanam || 25|| yatra yatra raghunAthakIrtanaM tatra tatra kR^itamastakA~njalim | vAShpavAriparipUrNalochanaM mArutiM namata rAkShasAntakam | 26|| manojavaM mArutatulyavegaM jitendriyaM buddhimatAM variShTham | vAtAtmajaM vAnarayUthamukhyaM shrIrAmadUtaM shirasA namAmi || 27|| vivAde divyakAle cha dyUte rAjakule raNe | dashavAraM paThedrAtrau mitAhAro jitendriyaH || 28|| vijayaM labhate loke mAnaveShu nareShu cha | bhUte prete mahAdurge.araNye sAgarasamplave | 29|| siMhavyAghrabhaye chogre sharashastrAstrapAtane | shR^i~NkhalAbandhane chaiva kArAgR^ihaniyantraNe || 30|| kope stambhe vahnichakre kShetre ghore sudAruNe | shoke mahAraNe chaiva brahmagrahanivAraNam || 31|| sarvadA tu paThennityaM jayamApnoti nishchitam | bhUrje vA vasane rakte kShaume vA tAlapatrake || 32|| trigandhinA vA maShyA vA vilikhya dhArayennaraH | pa~nchasaptatrilohairvA gopitaH sarvataH shubham || 33|| kare kaTyAM bAhumUle kaNThe shirasi dhAritam | sarvAnkAmAnavApnoti satyaM shrIrAmabhAShitam || 34|| aparAjita namaste.astu namaste rAmapUjita | prasthAnaM cha kariShyAmi siddhirbhavatu me sadA || 35|| ityuktvA yo vrajedgrAmaM deshaM tIrthAntaraM raNam | AgamiShyati shIghraM sa kShemarUpo gR^ihaM punaH || 36|| iti vadati visheShAdrAghave rAkShasendraH pramuditavarachitto rAvaNasyAnujo hi | raghuvarapadapadmaM vandayAmAsa bhUyaH kulasahitakR^itArthaH sharmadaM manyamAnaH || 37|| taM vedashAstrapariniShTitashuddhabuddhiM sharmapradaM suramunIndranutaM kapIndram | kR^iShNatvachaM kanakapi~NgajaTAkalApaM vyAsaM namAmi shirasA tilakaM munInAm || 38|| ya idaM prAtarutthAya paTheta kavachaM sadA | AyurArogyasantAnaistasya stavyaH stavo bhavet || 39|| evaM girIndraje shrImaddhanumatkavachaM shubham | tvayA pR^iShTaM mayA prItyA vistarAdviniveditam || 40|| shrIrAmadAsa uvAcha \- evaM shivamukhAchChrutvA pArvatI kavachaM shubham | hanUmataH sadA bhaktyA papATha tanmanAH sadA || 41|| evaM shiShya tvayA.apyatra yathA pR^iShTaM tathA mayA | hanumatkavachaM chedaM tavAgre viniveditam || 42|| idaM pUrvaM paThitvA tu rAmasya kavachaM tataH | paThanIyaM narairbhaktyA naikameva paThetkadA || 43|| hanumatkavachaM chAtra shrIrAmakavachaM vinA | ye paThanti narAshchAtra paThanaM tadvR^ithA bhavet || 44|| tasmAtsarvaiH paThanIyaM sarvadA kavachadvayam | rAmasya vAyuputrasya sadbhaktaishcha visheShataH || 45|| iti shrIshatakoTirAmacharitAntargata shrImadAnandarAmAyaNe vAlmikIye manoharakANDe trayodashasargAtargataM shrIhanumatkavachaM sampUrNam || hanumat\-lakShmaNa\-sItA\-rAma\-bharata\-shatrughna ShaT kavachAni paThanIyam | ShaT kavachAni paThituM ashaktashchet hanumat\-lakShmaNa\-sItA\-rAma – athavA hanumat\-sItA\-rAma athavA hanumat\-rAma / sItA\-rAma kavachAni | athavA shrIrAmakavachameva paThanIyam || ## All the six kavachas hanumat-lakShmaNa-sItA-rAma-bharata-shatrughna from AnandarAmAyaNa should be recited together. If one is unable to recite all the six, then he/she can recite in the decreasing order hanumat-lakShmaNa-sItA-rAma hanumat-sItA-rAma hanumat-rAma sItA-rAma If this is not possible, then one should at least recite Shri Rama Kavacham. Encoded by Antaratma antaratma at Safe-mail.net Proofread by Antaratma, PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}