% Text title            : Hanumat Kavacha Stotra Yantra Mahima
% File name             : hanumatkavachastotrayantramahimA.itx
% Category              : hanumaana, stotra, kavacha
% Location              : doc\_hanumaana
% Transliterated by     : NA
% Proofread by          : NA
% Latest update         : June 24, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kavachayantra Prabhava Kathanam ..}##
\itxtitle{.. kavachayantraprabhAvakathanam ..}##\endtitles ##
shrIparAshara saMhitA |
athAShTasaptatitamaH paTalaH |
shrIparAsharaH \-
pArvatyai sha~NkareNoktaM kavachaM tu mahaddhitam |
atyAdareNa viprendra ! proktaM lokahitAyavai || 1||
pArvatyuvAcha \-
devadeva! jagannAtha! sarvabhUta vasha~Nkara |
kena rakShA bhavennR^INAM bhItAnAM vividhApadaiH || 2||
ma~Ngala~ncha mahApuNyaM pavitraM pApanAshanam |
shrotumichChAmi devesha! vada me karuNAkara || 3||
shivovAcha \-
shR^iNu guhyatamaM devi! bhaktAmayavinAshakam || 4||
sarvasampatkaraM gauri gopanIyaM prayatnataH || 5||
madaMshajo mahAtejA mahAbalaparAkramaH |
subhagassundarashshUraH sha~Nkaro bhaktavatsalaH || 6||
vijayo viShNubhaktADhyo rAmadUtaH kapIshvaraH |
evaM plava~NgarUpeNa jAto.ahaM shruNu pArvati || 7||
ajohaM lokarakShArthaM rAmadUto.asmichAdarAt |
vakShyAmi tasya kavachaM sAdareNa priye shruNu || 8||
prAtassnAtvAtu vidhinA vastrAbharaNabhUShitaH
prakShAlya pAdAvAchamya sugandhashchordhvapuNDradhR^it || 9||
yogabhUmiM pravishyAtha tAM samprokShya cha vinyaset |
AsanaM kalpayetprAj~naH sandhyAvandanamAcharet || 10||
gAyatrI prajapet dhImAn prANAyAmatrayaM charet |
kR^itasvA~NgakaranyAso mantrAbhyAM vAgyataH shuchiH || 11||
devabhUtAdi karmebhyo A~njaneyamayaH pumAn |
pAdayorjAnunorUrvorudarehR^idikandhare |
mukheshirasyAnupUrvyAmo~NkArAdIni vinyaset || 12||
OM namo rAmadUtAyeti viparyayamathApivA |
karanyAso budhaH kuryAt dvAdashAkSharavidyayA || 13||
praNavAdi yakArAntama~Ngulya~NguShThaparvasu |
nyaseddhakAraM hR^idayenukAramanumUrdhani || 14||
shikhAyAtu makAra~ncha tekAraM bhujayorasi |
nakAraM netrayoryujya makAraM svAstramuddishet || 15||
savisargaM paThennityaM sarvadikShuvinirdishet |
mantraM nyAsaM tataH kR^itvA dhyAyedbhaktyA subuddhimAn || 16||
dhyAnaM \-
bAlArkasannibhaM devaM divyakaupInamujjvalam |
divyamau~njIdharaM shAntaM divyakuNDaladhAriNam |
divyayaj~nopavItADhyaM divyAbharaNabhUShitam |
ki~NkiNIkaTisUtra~ncha keyUravanamAlinam |
rudrAvatAra senADhyama~njanAgarbhasambhavam |
bhaktAnAM bhayahartAraM rAmadUtaM namAmyaham || 17||
iti stutvA hanUmantaM nishchalaM kavachaM paThet || 18||
kavachaM prArambha \-
asya shrIkavachastotramantrasya | Ishvara R^iShiH | anuShThupChandaH |
shrIhanumAn devatA | mArutAtmaja iti bIjam | a~njanAsUnuriti shaktiH |
rudrAvatAra iti kIlakam | shrIhanumatprasAdasidhyarthe jape viniyogaH ||
kavachastotram \-
OM namo rAmadutAya | aShTAkSharAya | hanumate namaH | ShaDakSharo.ayam |
dishamaindrIM bhavatu me a~njanApriyanandanaH |
dishamavatu AgneyyAM la~NkAprAsAdabha~njanaH || 1||
yAmyAM dishirakShatu me kesarIpriyanandanaH |
nairR^itIM dishapakShaghnaH pAtu me plavagAdhipaH || 2||
pAtu shrIvAyuputro me vAruNIM dishamavyayaH |
sugrIvasachivo nityaM pAtum me vAyuvIM disham || 3||
rudrAvatAro.avatu me kauberI dishamakShahA |
shrIrAmadUto.avatu me IshAnyAM dishamavyayaH || 4||
athastAtpAtume nityaM vAlAstro varado hariH |
UrdhvaM dishi rakShatu me sha~Nkaro.amitavikramaH || 5||
antarikShaM dishaM pAtu nItij~no me mahAkapiH |
bAhyAbhyantardishau pAtu pi~NgAkShome.abdhila~NghanaH || 6||
sushirome shiraH pAtu phAlaM me pAtu pAvaniH |
dR^ishau me pAtu sudR^isho kaNau pAtu sukarNavAn || 7||
sughrANaH pAtu ghrANaM me mukhaM tu plavagAnanaH |
sujihvaH pAtu jihvAM me kaNThaM pAtu sukantharaH || 8||
suskandhaH pAtu me skandho subhujo.avatu me bhujau |
sukarome karau pAtu hR^idayaM suhR^idomama || 9||
sumadhyaH pAtu me madhyaM nAbhiM tu sunAbhivAn |
kaTiM me sukaTiM pAtu UrU surUrumAn mama || 10||
sujAnuH jAnunI pAtu ja~Nghe pAtu suja~NghavAn |
supAdaH pAtu me pAdau sunakho me nakhAni cha || 11||
anukta sandhinIpAtu sarvadA cha susandhimAn |
sarvA~NgAni cha me pAtu sarvAvayavashobhitaH || 12||
sa~NkaTe viShame durge bhaye pAre mahAhave |
nishAyAM sandhyayoH pAtu hanumAn sarvatassadA || 13||
jalehyagnau sthite chaiva vAyuvya~ncha guhAntare |
nadyAM shaile cha vipine dAvAgnau chora sa~NkaTe || 14||
rAjadvAre sabhAsthAne shatrudvAre cha kR^itrime |
pAtu shrIrAmadUto.asau sadA mAM bhaktavatsalaH || 15||
sarpavR^ishchikalUtAdi viShebhyaH pAtu mAM sadA |
sthAvaraM ja~NgamaM chaiva kR^itrimAMshcha harIshvaraH || 16||
naravAnarasiMhebha tarukShu vyAghrabhallukAt |
hriMsrrAdvanacharAdhyakShA drakSho gandharvakinnarAt || 17||
bhUtapretagaNAshchaiva pishAchabrahmarAkShasAt |
vetAladanujAtpAtu sItAshokavinAshanaH || 18||
duHsvapnAtsalilAtpAtu duShkR^itAdaduHkha sa~NkulAt |
aj~nAnAtkarmalopAchcha pAtu mAM brahmapAvaniH || 19||
paradArAtparadravyAtparadAna parigrahAt |
parachintA paradhyAnaM paravyAdhi bhayAchcha mAm || 20||
pAtu prachaNDa dordaNDa A~njaneyo mahAbalaH |
karmalopAtkriyAlopAdbuddhijADyAchcha chaMchalAt || 21||
AyudhAtkandanAdastrAtkArAgArAchcha shR^i~NkhalAt |
tADanA dauShadhAnmantrAtpAtu mAM brahmapAvaniH || 22||
phalashrutiH \-
hanumatkavachaM puNyaM sarvasiddhikaraM param |
mR^itAnAmamR^itattvAya bhItAnA~ncha abhItaye || 23||
mokShAya~ncha mumukShUNAM shrIkAmAnAM shriye tathA |
vijayAya jigIShUNAM vyAdhitAnAmarogakR^it || 24||
vashyAya vashyakAmAnAM vidyAyai vedavAdinAm |
draviNAya daridrANAM pApAnAM pApashAntaye || 25||
vAdinAM vAdavijayaM kavInAM kavitApradam |
annAya kShudhitArtAnAM svargAya svargamichChatAm || 26||
pashudaM pashukAmAnAM putrebhyaH putrakAminAm |
dArebhyo kR^itadArANAM j~nAnAya j~nAnamichChatAm || 27||
rAjyAya bhraShTarAjyAnAM ashAntAnA~ncha shAntaye |
amR^ityave mR^ityubhiyAmAyuShyaM chAyurichChatAm || 28||
shatrukShaye shatrumatAmanvarthAyacha yoginAm |
bhartR^ivashyAya cha strINAM strIvavyAya nR^INAmapi || 29||
rAjavashyAya kavachaM rAjasannidhisevinAm |
bhaktyarthaM viShNubhaktAnAM viShNau sarvAntarAtmani || 30||
vinAyako visR^iShTAnAM shAntaye bhavati dhR^ivam |
japtu strIvargasidhyarthaM gR^ihasthena visheShataH || 31||
munibhiH maunasidhyarthaM mokShAya paramAya cha |
udyantaM chaNDa kiraNaM upasthAya kR^itA~njaliH || 32||
kadalIkAnane tiShThannAsino vA japan divA |
sarvAnkAmAnavApnoti ane naiva japapriye ! || 33||
mama prItikaraM divyaM viShNubhaktivivardhanam |
jvarArtAnAM kushAgreNa mArjayetkuShTharogiNAm || 34||
a~Ngama~NgaM yathA li~NgaM kavachena tu sAdhakaH || 35||
yasyA smR^ita prajAyuktA tasyAma~NgaM pramArjayet |
sAputraM labhate dIrghaM jIvinaM chApyarogiNam || 36||
vandhyAyA mArjayeda~NgaM kushairmantreNa sAdhakaH |
sAvai saMvatsarAdarvAggarbha.ndhatte manoharam || 37||
pati vidveShiNIyA tu tasyA a~NgaM pramArjayet |
sAtameva bhajetprItyA bhartAraM nAnyamAna sA || 38||
ashvatthe rAjavashyArthI jalamagnarmahadichChatAm |
pAlAshamUle vidyArthI tejase.abhimukheraveH || 39||
kanyArthI chaNDikAgehe shivagehe ripukShayam |
shrIkAmo viShNugehe cha mokShArthI yatrakutracha |
kimatra bahunoktena sarvAnkAmAnavApnuyAt || 40||
anyachcha kavachaM vakShye shR^iNu shailasute! priye! |
guhyAdguhyatamaM loke ma~NgalAnA~ncha ma~Ngalam || 41||
kavacha prArambhaH \-
hanumAn pAtu me nityaM siravaktroShTha nAshikAH |
karNau skandhau bhujau vakShau rAmeShTaH pAtu kakShakau || 42||
pR^iShThaM cha jaTharaM sarvaM stanau jatR^icha hR^itkaTim |
hariH pAtUdaraM nAbhiM parshvaM hastA~NgulIstathA || 43||
jATharaM vahnisthAnantu gaNDaM jaghana guhyakam |
pAvaniH pAtu me nityamUruyugmaM sajAnukam || 44||
A~njanAsUnu me pAtu ja~Nghe pAdaucha sarvadA |
yaduktaM yachcha noktaM me yadbAhye yattadantaram || 45||
sarvA~NgaM pAtu me shUro lakShmaNaprANadAyakaH || 46||

ya idaM kavachaM divyamA~njaneyasya kAmadam |
dhyAyejjapedbhajettasya shrIvidyAyushcha vardhate || 47||

shrIyantra lakShaNam \-
prAchIShShaDbhirlikhedrekhIdIchIShaT cha tathAkramam |
sapa~nchaviMshatistatra koShTAnAM tu bhaviShyati |
koShTe koShTe ayaM mantro sAkSharANi yathAkramam || 48||
granthAntare \-
udagagrA likhedrekhAH sthAnaM mUlantu dakShiNam |
prAgagrAshcha likhedrekhAH sthAnaM mUlantu pashchimam || 49||
prAgagrA mudagagra~ncha samArabhya likhedbudhaH |
rekhApadeShuvilikhetkavachasya padaM padam || 50||
sauvarNe rajate tAmre tAlaparNe.api vA mune |
bhUrje rochanayA vidvAn so.api ku~Nkuma mishrayA || 51||
yastu yantramidaM mUrdhni sthitaM kaNThe tu dhArayet |
sa~NgrAme vyavahAre cha choravyAghrabhayeShu cha |
mArIbhaye viShabhaye mahAdbhutaprapIDane || 52||
kShayApasmArapIDAsu sarpavR^ishchikalUtake |
tApanetu tathA shoke netraroge cha duHsahe || 53||
nAnAvidha bhayeShve cha nAnAvyAdhiprapIDane |
vinyasya kavachaM yastu mantrarAjena mantritam || 54||
natasya duritaM ki~nchidiha chAmutra chaivahi |
vandhyayA dhArayedyantramachirAtputriNI bhavet || 55||
kShudrasidhyai tato.anyasyai yastu prArthayate.alpadhIH |
pipAsato savihito mR^igatR^iShNAM pipAsati || 56||
vashyAkarShaNa vidveSha stambhanochchATanAdiShu |
kR^itvA tu kavachaM nyAsaM japenamantramanuttamam || 57||
tathaiva sarvamApnoti nAtrakAryA vichAraNA |
shloke shloke prakurvIta homaM tarpaNamevacha || 58||
navarAtrau paThedvidvAnekottaravidhAnataH |
mallikAjAti puShpaishcha khajUrakadalIphalaiH || 59||
drAkShAphaleShu khaNDairvA homaM kuryAdvichakShaNaH |
bahusho siddhimApnoti phalamApnotya saMshayaH || 60||
evaM kR^ita purashcharyo kubera sadR^ishobhavet |
tarpaNe tarpayAmIti svAhAnta~ncha hunedbudhaH || 61||
jayadvandvasamAyuktaM homAMte cha tathochcharet |

iti shrIparAsharasaMhitAyAM parAsharamaitreyasaMvAde
kavachastotrayantramahimAdivarNanaM nAma aShTasaptatitamaH paTalaH |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}