% Text title            : HanumAn Stavaraja
% File name             : hanumatstavarAjaH.itx
% Category              : stavarAja, hanumaana
% Location              : doc\_hanumaana
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay, PSA Easwaran
% Source                : ParAsharasamhita Hanumachcharitra Vol 2 pages 113
% Latest update         : May 28, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Hanumat StavarAja ..}##
\itxtitle{.. shrIhanumatstavarAjaH ..}##\endtitles ##
shrIparAsharaH |
anyatstotraM pravakShyAmi shR^iNu maitreya yogirAT |
stvarAjamiti khyAtaM triShu lokeShu durlabham ||
shambhunA chopadiShTaM cha pArvatyai hitakAmyayA | 	
sarvakAmapradaM nR^iNAM bhuktimuktiphalapradam ||

asya shrIhanumat stavarAjastotramantrasya vashiShTha bhagavAn R^iShiH |
anuShTupChandaH | shrIhanumAn devatA | hrAM bIjam | hrIM shaktiH |
hrUM kIlakam | mama shrIhanumatprasAdasidhyarthe jape viniyogaH ||
atha R^iShyAdinyAsaH |
shrIvashiShThabhagavAn R^iShaye namaH shirasi |
anuShTupChandase namaH mukhe |
shrIhanumAn devatAyai namaH hR^idi |
hrAM bIjAya namaH guhye |
hrIM shaktaye namaH pAdayoH |
hrUM kIlakAya namaH nAbhau |
mama shrIhanumatprasAdasidhyarthe iti viniyogAya namaH sarvA~Nge ||
iti R^iShyAdinyAsaH ||
atha karanyAsaH |
OM a~njanAsutAya a~NguShThAbhyAM namaH |
OM rudramUrtaye tarjanIbhyAM namaH |
OM vAyuputrAya madhyamAbhyAM namaH |
OM agnigarbhAya anAmikAbhyAM namaH |
OM rAmadUtAya kaniShThikAbhyAM namaH |
OM pa~nchamukhahanumate karatalakarapR^iShThAbhyAM namaH |
iti karanyAsaH |
atha ShaDa~NganyAsaH |
OM a~njanAsutAya hR^idayAya namaH |
OM rudramUrtaye shirase svAhA |
OM vAyuputrAya shikhAyai vaShaT |
OM agnigarbhAya kavachAya hum |
OM rAmadUtAya netratrayAya vauShaT |
OM pa~nchamukhahanumate astrAya phaT |
iti ShaDa~NganyAsaH ||
atha dhyAnam |
udyanmArtANDakoTiprakaTaruchikaraM chAru vIrAsanasthaM
mau~njIyaj~nopavItAbharaNamurushikhAshobhitaM kuNDalA~Ngam |
bhaktAnAmiShTadaM taM praNuta munijanaM vedanAdapramodaM
dhyAyeddevaM vidheyaM plavagakulapatiM goShpadIbhUtavArdhim ||
iti dhyAnam ||
shrIhanumAnmahAvIro vIrabhadravarottamaH |
vIrashshaktimatAM shreShTho vIreshvaravarapradaH || 1||
yashaskaraH pratApADhayo sarvama~Ngala siddhidaH |
sAnandamUrtirgahano gambhIrassurapUjitaH || 2||
divyakuNDalabhUShAya divyAla~NkArashobhine |
pItAmbaradharaprAj~na namaste brahmachAriNe || 3||
kaupInavasanAkrAnta divyayaj~nopavItine |
kumArAya prasannAya namaste mau~njIdhAriNe || 4||
subhadrashshubhadAtA cha subhago rAmasevakaH |
yashaHprado mahAtejA balADhyo vAyunandanaH || 5||
jitendriyo mahAbAhurvajradeho nakhAyudhaH |
surAdhyakSho mahAdhuryaH pAvanaH pavanAtmajaH || 6||
bandhamokShakarashshIghraparvatotpATanastathA |
dAridryabha~njanashshreShThassukhabhogapradAyakaH || 7||
vAyujAto mahAtejAH sUryakoTisamaprabhaH |
suprabhA dIptimadbhUta divyatejasvine namaH || 8||
abhaya~NkaramudrAya apamR^ityuvinAshine |
sa~NgrAme jayadAtre cha avighnAya namonamaH || 9||
tattvaj~nAnAmR^itAnandabrahmaj~no j~nAnapAragaH |
meghanAdapramohAya hanumadbrahmaNe namaH || 10||
ruchyADhyadIptabAlArkadivyarUpashushobhitaH |
prasannavadana shreShTha hanuman te namo namaH || 11||
duShTagrahavinAshashcha daityadAnavabha~njanaH |
shAkinyAdibhUtahantre namo.astu shrIhanUmate || 12|| shAkinyAdiShu bhUtaghno
mahAdhairya mahAshaurya mahAvIrya mahAbala |
ameyavikramAyaiva hanuman vai namo.astute || 13||
dashagrIvakR^itAntAya rakShaHkulavinAshine |
brahmacharyavratasthAya mahAvIrAya te namaH || 14||
bhairavAya mahogrAya bhImavikramaNAya cha |
sarvajvaravinAshAya kAlarUpAya te namaH || 15||
subhadrada suvarNA~Nga suma~Ngala shubha~Nkara |
mahAvikrama satvADhya di~NamaNDalasushobhita || 16||
pavitrAya kapIndrAya namaste pApahAriNe |
suvidyarAmadUtAya kapivIrAya te namaH || 17||
tejasvI shatruhAvIraH vAyujassamprabhAvanaH |
sundaro balavAn shAntaH A~njaneya namo.astu te || 18||
rAmAnanda jayakara jAnakIshvAsada prabho |
viShNubhakta mahAprAj~na pi~NgAkSha vijayaprada || 19||
rAjyapradassumA~NgalyaH subhago buddhivardhanaH |
sarvasampattidAtre cha divyatejasvine namaH || 20||
kalyANakIrtaye jayama~NgalAya jagattR^itIyaM dhavalIkR^itAya |
tejasvine dIptadivAkarAya namo.astu dIptAya harIshvarAya || 21||
mahApratApAya vivardhanAya manojavAyAdbhUtavardhanAya |
prauDhapratApAruNalochanAya namo.a~njanAnanda kapIshvarAya || 22||
kAlAgnidaityasaMhartA sarvashatruvinAshanaH |
achaloddhArakashchaiva sarvama~NgalakIrtidaH || 23||
balotkaTo mahAbhImaH bhairavo.amitavikramaH |
tejonidhiH kapishreShThaH sarvAriShTArtiduHkhahA || 24||
udadhikramaNashchaiva la~NkApuravidAhakaH  |
subhujo dvibhUjo rudraH pUrNapraj~no.anilAtmajaH || 25||
rAjavashyakarashchaiva janavashyaM tathaiva cha |
sarvavashyaM sabhAvashyaM namaste mArutAtmaja || 26||
mahAparAkramAkrAntaH yakSharAkShasamardanaH |
saumitriprANadAtA cha sItAshokavinAshanaH || 27||
rakShoghno.a~njanAsUnushcha kesarIpriyanandana |
sarvArthadAyako vIraH mallavairivinAshanaH || 28||
sumukhAya sureshAya shubhadAya shubhAtmane |
prabhAvAya subhAvAya namaste.amitatejase || 29||
vAyujo vAyuputrashva kapIndraH pavanAtmajaH |
vIrashreShTha mahAvIra shivabhadra namo.astute || 29||
bhaktapriyAya vIrAya vIrabhadrAya te namaH |
svabhaktajanapAlAya bhaktodyAnavihAriNe || 30||
divyamAlAsubhUShAya divyagandhAnulepine |
shrIprasannaprasannAya sarvasiddhipradobhava || 31||
vAtAtmajamidaM stotraM pavitraM yaH paThennaraH | vAtasUnoridaM
achalAM shriyamApnoti putrapautrAdivR^iddhidam || 32||
dhanadhAnyasamR^iddhiM cha ArogyaM puShTivardhanam |
bandhamokShakaraM shIghraM labhate vA~nChitaM phalam || 33||
rAjyadaM rAjasanmAnaM sa~NgrAme jayavardhanam |
suprasanno hanumAnme yashaHshrI jayakArakaH || 34||

|| iti shrIparAsharasaMhitAyai parAsharamaitreyasaMvAde
hanumatstavarAjaH sampUrNaH ||

##
Encoded by Gopal Upadhyay gopal.j.upadhyay at gmail.com
Proofread by Gopal Upadhyay, PSA Easwaran


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}