% Text title            : jayamArute
% File name             : jayamArute.itx
% Category              : hanumaana
% Location              : doc\_hanumaana
% Transliterated by     : Shri Devi Kumar, refined by PSA Easwaran
% Proofread by          : PSA Easwaran
% Description-comments  : From Hanumatstutimanjari, Mahaperiaval Publication
% Acknowledge-Permission: Mahaperiyaval Trust
% Latest update         : April 24, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. jaya mArute ..}##
\itxtitle{.. jaya mArute ..}##\endtitles ##

mandAtmakaM mArutistotram |
OM namo vAyuputrAya bhImarUpAya dhImate |
namaste rAmadUtAya kAmarUpAya shrImate || 1||
mohashokavinAshAya sItAshokavinAshine |
bhagnAshokavanAyAstu dagdhala~NkAya vAgmine || 2||
gatinirjitavAtAya lakShmaNaprANadAya cha |
vanaukasAM variShThAya vashine vanavAsine || 3||
tattvaj~nAnasudhAsindhunimagnAya mahIyase |
A~njaneyAya shUrAya sugrIvasachivAya te || 4||
janmamR^ityubhayaghnAya sarvakleshaharAya cha |
nediShThAya pretabhUtapishAchabhayahAriNe || 5||
yAtanAnAshanAyAstu namo markaTarUpiNe |
yakSharAkShasashArdUlasarpavR^ishchikabhIhR^ite || 6||
mahAbalAya vIrAya chira~njIvina uddhate |
hAriNe vajradehAya cholla~NghitamahAbdhaye || 7||
balinAmagragaNyAya namo namaH pAhi mArute |
lAbhado.asi tvamevAshu hanuman rAkShasAntaka |
yasho jayaM cha me dehi shatrUnnAshaya nAshaya || 8||

shrIvAsudevAnandasarasvatI |
sa~NgItena vashIkaroti varadaM kShmAjAdhavaM rAghavaM
yashchAmIkarachArugAtrasuShamAM vistArayatyadbhutAm |
nAnAtAlakalAkalApanipuNaH kaushanyavadgAyati
sa prINAtu prashastagAnarasikavyAmodishAkhAmR^igaH ||

sa~NgItapArijatataH |
dakShiNe lakShmaNo yasya vAme cha janakAtmajA |
purato mArutiryasya taM vande raghunandanam || 10||

rAmarAkShAstotrataH |
mArutiM vIravajrA~NgaM bhaktarakShaNadIkShitam |
hanumantaM sadA vande rAmamantraprachArakam || 11||
hanumanna~njanAsUno vAyuputra mahAbala |
akasmAdAgatotpAtaM nAshayAshu namo.astu te || 12||

kuto.api \- ##(##source unknown##)##
udyanmArtaNDatejaHprasaraparigatAraktameruprabhAbhaM
vajraprAntAnukAri prakharanakhamukhAghAta sandAritArim |
lolallA~NgUla lIlAlulita khaladaloddAma darpAndhanAkaM
kAlaM krUragrahANAM shatabhayashamanaM naumi vAyoH subAlam || 12||
dhIraM dhIraM dharitrIM padakamalamukhanyAsasampIDayantaM
nikvANairnAshayantaM nikhilakalimalaM tAlajaiH ka~NkaNAnAm |
gAyantaM rAma rAmetyatiratirabhasaiH rAghavaM saMsmarantaM
sa~NgItAchAryavaryaM kavikulatilakaM mArutiM naumi vIram || 14||
kUrmo mUlavadAlavAlavadapAM nAtho latAvaddisho
meghAH pallavavatprasUnaphalavannakShatrasUryendavaH |
svAmin ! vyomatarurmama kramatale shrutveti gAM mAruteH
sItAnveShaNamAdishan dishatu vo rAmaH saharShaH shriyam || 15||

hanumannATakataH
khaDgaM trishUlaM khaTvA~NgaM pAshama~Nkushaparvatam |
dhruvamuShTigadAmuNDaM dashabhiH kapipu~Ngavam ||
etAnyAyudhajAlAni dhArayantaM yajAmahe || 16||

shrIvidyArNavataH
svaprabhorvAhakashreShThaH shvetachChatritapuchChakaH |
sukhAsanamahApR^iShThaH setubandhakriyAgraNIH || 17||
kadA.api shubhrairvarachAmaraiH prabhuM
gAyan guNAnvIjayati sthito.agrataH |
kadA.apyupashlokayati svanirmitaiH
chitraiH stavaiH shrIhanumAnkR^itA~njaliH || 18||

bR^ihadbhAgavatAmR^itataH
nakhAyudhAya bhImAya dantAyudhadharAya cha |
vihagAya cha sharvAya vajradehAya te namaH || 19||
jvalatkA~nchanavarNAya dIrghalA~NgUladhAriNe |
saumitrijayadAtre cha rAmadUtAya te namaH || 20||

nAradapurANataH
dvibhujaM svarNavarNAbhaM rAmasevAparAyaNam |
mau~njIkaupInasahitaM mAM dhyAyedrAmasevakam || 21||

rAmarahasyopaniShadi
shrIviShNoH shravaNe parIkShidabhavadvaiyAsakiH kIrtane
prahlAdaH smaraNe\, tada~Nghribhajane lakShmIH pR^ithuH pUjane |
akrUrastvabhinandane kapipatirdAsye.atha sakhye.arjunaH
sarvasvAtmanivedane balirabhUt kR^iShNAptireShAM param || 22||
shauryaM dAkShyaM balaM dhairyaM prAj~natA nayasAdhanam |
tejo dhR^itiryasho dAkShyaM sAmarthyaM vinayo nayaH |
pauruShaM vikramo buddhiH yasminnetAni nityadA |
yasya tvetAni chatvAri vAnarendra yathA tava |

vAlmIki rAmAyaNataH |
marutsutaM rAmapadAravindavandAru vR^indArakamAshu vande |
dhIshaktibhaktidyutisiddhayo yaM kAntAM svakAntAmiva kAmayante || 26||

rAmacharitAbdhiratnataH |
sphaTikAbhaM svarNakAntiM dvibhujaM cha kR^itA~njalim |
kuNDaladvayasaMshobhimukhAmbujamahaM bhaje || 27||
hanUmAn rAmapAdAbjasa~NgI varNivaraH shuchiH |
sa~njIvanopahartA me dIrghamAyurdadAtviha || 28||

shrItattvanidhitaH |
sadA rAma rAmeti nAmAmR^itaM te sadArAmamAnandaniShyandakandam |
pibantaM namantaM sudantaM hasantaM hanUmantamantarbhaje taM nitAntam || 19||

##
\medskip\hrule\medskip
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}