% Text title : Kartaviryakavachakathanam % File name : kArtavIryakavachakathanam.itx % Category : hanumaana, bRRihannAradIyapurANa, kavacha % Location : doc\_hanumaana % Proofread by : PSA Easwaran % Description/comments : bRRihannAradIyapurANa | pUrvabhAga | adhyAya 77/4-13 77/15-137|| % Latest update : October 22, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Kartaviryakavachakathanam ..}## \itxtitle{.. kArtavIryakavachakathanam ..}##\endtitles ## nArada uvAcha | sAdhu sAdhu mahAprAj~na sarva tantravishArada | tvayA mahyaM samAkhyAtaM vidhAnaM tantragopitam || 77\-1|| adhunA tu mahAbhAga kArtavIryahanUmatoH | kavache shrotumichChAmi tadvadasvakR^ipAnidhe || 77\-2|| sanatkumAra uvAcha | shR^iNu viprendra vakShyAmi kavachaM paramAdbhutam | kArtavIryasya yenAsau prasannaH kAryasiddhikR^it || 77\-3|| sahasrAdityasa~NkAshe nAnAratnasamujjvale | bhAsvaddhvajapatAkADhye turagAyutabhUShite || 77\-4|| mahAsaMvartakAmbhodhibhImarAvavirAviNi | samuddhR^itamahAChatravitAnitaviyatpathe || 77\-5|| mahArathavare dIptanAnAyudhavirAjite | susthitaM vipulodAraM sahasrabhujamaNDitam || 77\-6|| vAmairuddaNDakodaNDAndadhAnamaparaiH sharAn | kirITahAramukuTakeyUravalayA~NgadaiH || 77\-7|| mudrikodarabandhAdyairmau~njInUpurakAdibhiH | bhUShitaM vividhAkalpairbhAsvaraiH sumahAdhanaiH || 77\-8|| AbaddhakavachaM vIraM suprasannAnanAmbujam | dhanurjyAsiMhanAdena kampayantaM jagattrayam || 77\-9|| sarvashatrukShayakaraM sarvavyAdhivinAshanam | sarvasampatpradAtAraM vijayashrIniShevitam || 77\-10|| sarvasaubhAgyadaM bhadraM bhaktAbhayavidhAyinam | divyamAlyAnulepADhyaM sarvalakShaNasaMyutam || 77\-11|| rathanAgAshvapAdAtavR^indamadhyagamIshvaram | varadaM chakravartInaM sarvalokaikapAlakam || 77\-12|| samAnoditasAhasradivAkarasamadyutim | mahAyogabhavaishvaryakIrtyAkrAntajagattrayam || 77\-13|| shrImachchakraM hareraMshAdavatIrNaM mahItale | samyagAtmAdibhedena dhyAtvA rakShAmudIrayet || 77\-14|| asyA~NgamUrtayaH pa~ncha pAntu mAM sphaTikojjvalAH | agnIshAsuravAyavyakoNeShu hR^idayAdikAH || 77\-15|| sarvato.astrajvaladrUpA daracharmAsipANayaH | avyAhatabalaishvaryashaktisAmarthyavigrahAH || 77\-16|| kShema~NkarIshaktiyutashchauravargavibha~njanaH | prAchIM dishaM rakShatu me bANabANAsanAyudhaH || 77\-17|| shrIkarIshaktisahito mArIbhayavinAshakaH | sharachApadharaH shrImAn dishaM me pAtu dakShiNAm || 77\-18|| mahAvashyakarIyuktaH sarvashatruvinAshakR^it | maheShuchApadhR^ikpAtu mama prAchetasIM disham || 77\-19|| yashaHkaryA samAyukto daityasa~NghavinAshanaH | parirakShatu me samyagvidishaM chaitrabhAnavIm || 77\-20|| vidyAkarIsamAyuktaH sumahadduHkhanAshanaH | pAtu me nairR^itIM chApapANirvidishamIshvaraH || 77\-21|| dhanakaryA samAyukto mahAduritanAshanaH | iShvAsaneShudhR^ikpAtu vidishaM mama vAyavIm || 77\-22|| AyuHkaryA yutaH shrImAnmahAbhayavinAshanaH | chApeShudhArI shaivIM me vidishaM parirakShatu || 77\-23|| vijayashrIyutaH sAkShAtsahasrAradharo vibhuH | dishamUrddhvAmavatu me sarvaduShTabhaya~NkaraH || 77\-24|| sha~NkhabhR^itsumahAshaktisaMyuto.apyadharAM disham | parirakShatu me duHkhadhvAntasambhedabhAskaraH || 77\-25|| mahAyogasamAyuktaH sarvadikchakramaNDalaH | mahAyogIshvaraH pAtu sarvato mama padmabhR^it || 77\-26|| etAstu mUrtayo raktA raktamAlyAMshukAvR^itAH | pradhAnadevatArUpAH pR^ithagrathavare sthitAH || 77\-27|| shaktayaH padmahastAshcha nIlendIvarasannnibhAH | shuklamAlyAnuvasanAH suliptatilakojjvalAH || 77\-28|| tatpArShadeshvarAH svasvavAhanAyudhabhUShaNAH | svasvadikShu sthitAH pAntu mAmindrAdyA mahAbalAH || 77\-29|| etAstasya samAkhyAtAH sarvAvaraNadevatAH | sarvato mAM sadA pAntu sarvashaktisamanvitAH || 77\-30|| hR^idaye chodare nAbhau jaThare guhyamaNDale | tejorUpAH sthitAH pAntu vA~nChAsukhavanadrumAH || 77\-31|| dishaM chAnye mahAvarNA mantrarUpA mahojjvalAH | vyApakatvena pAntvasmAnApAdatalamastakam || 77\-32|| kArtavIryaH shiraH pAtu lalATaM haihayeshvaraH | sumukho me mukhaM pAtu karNau vyAptajagattrayaH || 77\-33|| sukumAro hanuM pAtu bhrUyugaM me dhanurdharaH | nayanaM puNDarIkAkSho nAsikAM me guNAkaraH || 77\-34|| adharoShThau sadA pAtu brahmaj~neyo dvijAnkaviH | sarvashAstrakalAdhArI jihvAM chibukamavyayaH || 77\-35|| dattAtreyapriyaH kaNThaM skandhau rAjakuleshvaraH | bhujau dashAsyadarpaghno hR^idayaM me mahAbalaH || 77\-36|| kukShiM rakShatu me vidvAn vakShaH parapura~njayaH | karau sarvArthadaH pAtu karAgrANi jagatpriyaH || 77\-37|| revAmbulIlAsandR^ipto jaTharaM parirakShatu | vIrashUrastu me nAbhiM pArshvau me sarvaduShTahA || 77\-38|| sahasrabhujabhR^itpR^iShTaM saptadvIpAdhipaH kaTim | UrU mAhiShmatInAtho jAnunI vallabho bhuvaH || 77\-39|| ja~Nghe vIrAdhipaH pAtu pAtu pAdau manojavaH | pAtu sarvAyudhadharaH sarvA~NgaM sarvamarmasu || 77\-40|| sarvaduShTAntakaH pAtu dhAtvaShTakakalevaram | prANAdidashajIveshAnsarvashiShTeShTado.avatu || 77\-41|| vashIkR^itendriyagrAmaH pAtu sarvendriyANi me | anuktamapi yatsthAnaM sharIrAntarbahishcha yat || 77\-42|| tatsarvaM pAtu me sarvalokanAtheshvareshvaraH | vajrAtsArataraM chedaM sharIraM kavachAvR^itam || 77\-43|| bAdhAshatavinirmuktamastu me bhayavarjitam | baddhvedaM kavachaM divyamabhedyaM haihayeshituH || 77\-44|| vicharAmi divA rAtrau nirbhayenAntarAtmanA | rAjamArge mahAdurge mArge chaurAdisa~Nkule || 77\-45|| viShame vipine ghore dAvAgnau girikandare | sa~NgrAme shastrasa~NghAte siMhavyAghraniShevite || 77\-46|| gahvare sarvasa~NkIrNe sandhyAkAle nR^ipAlaye | vivAde vipulAvarte samudre cha nadItaTe || 77\-47|| paripanthijanAkIrNe deshe dasyugaNAvR^ite | sarvasvaharaNe prApte prApte prANasya sa~NkaTe || 77\-48|| nAnArogajvarAveshe pishAchapretayAtane | mArIduHsvapnapIDAsu kliShTe vishvAsaghAtake || 77\-49|| shArIre cha mahAduHkhe mAnase cha mahAjvare | AdhivyAdhibhaye vighnajvAlopadravake.api cha || 77\-50|| na bhavatu bhayaM ki~nchitkavachenAvR^itasya me | AguntukAmAnakhilAnasmadvasuvilumpakAn || 77\-51|| nivArayatu dordaNDasahasreNa mahArathaH | svakaroddhR^itasAhasrapAshabaddhAnsudurjayAn || 77\-52|| saMruddhagatisAmarthyAnkarotu kR^itavIryajaH | sR^iNisAhasranirbhinnAnsahasrasharakhaNDitAn || 77\-53|| rAjachUDAmaNiH kShipraM karotvasmadvirodhakAn | khaDgasAhasradalitAnsahasramusalArditAn || 77\-54|| chaurAdiduShTasattvaughAnkarotu kamalekShaNaH | svasha~NkhanAdasantrastAnsahasrArasahasrabhR^it || 77\-55|| avatAro hareH sAkShAtpAlayatvakhilaM mama | kArtavIrya mahAvIrya sarvaduShTavinAshana || 77\-56|| sarvatra sarvadA duShTachaurAnnAshAya nAshaya | kiM tvaM svapiShi duShTaghna kiM tiShTasi chirAyasi || 77\-57|| uttiShTha pAhi naH sarvabhayebhyaH svasutAniva | ye chaurA vasuhartAro vidviSho ye cha hiMsakAH || 77\-58|| sAdhubhItikarA duShTAshChadmakA ye durAshayAH | durhR^ido duShTabhUpAlA duShTAmAtyAshcha pApakAH || 77\-59|| ye cha kAryaviloptoro ye khalAH paripanthinaH | sarvasvahAriNAM ye cha pa~ncha mAyAvino.apare || 77\-60|| mahAkleshakarA mlechChA dasyavo vR^iShalAshcha ye | ye.agnidA garadAtAro va~nchakAH shastrapANayaH || 77\-61|| ye pApA duShTakarmANo duHkhadA duShTabuddhayaH | vyAjakAH kupathAsaktA ye cha nAnAbhayapradAH || 77\-62|| ChidrAnveSharatA nityaM ye.asmAnbAdhitumudyatAH | te sarve kArtavIryasya mahAsha~NkharavAhatAH || 77\-63|| sahasA vilayaM yAntu dUrAdiva vimohitAH | ye dAnavA mahAdaityA ye yakShA ye cha rAkShasAH || 77\-64|| pishAchA ye mahAsattvA ye bhUtabrahmarAkShasAH | apasmAragrahA ye cha ye grahAH pishitAshanAH || 77\-65|| mahAlohitabhoktAro vetAlA ye cha guhyakAH | gandharvApsarasaH siddhA ye cha devAdiyonayaH || 77\-66|| DAkinyo druNasAH pretAH kShetrapAlA vinAyakAH | mahAvyAghramahAmeghA mahAturagarUpakAH || 77\-67|| mahAgajA mahAsiMhA mahAmahiShayonayaH | R^ikShavArAhashunakavAnarolUkamUrtayaH || 77\-68|| mahoShTrakharamArjArasarpagovR^iShamastakAH | nAnArUpA mahAsattvA nAnAkleshasahasradAH || 77\-69|| nAnArogakarAH kShudrA mahAvIryA mahAbalAH | vAtikAH paittikA ghorA shlaiShmikAH sAnnipAtikAH || 77\-70|| mAheshvarA vaiShNavAshcha vairi~nchyAshcha mahAgrahAH | skAndA vainAyakAH krUrA ye cha pramathaguhyakAH || 77\-71|| mahAshatrugrahA raudrA mahAmArImasUrikAH | aikAhikA vdyAhikAshcha tryAhikAshcha mahAjvarAH || 77\-72|| chAturthikAH pAkShikAshcha mAsyAH ShANmAsikAshcha ye | sAMvatsarA durnivAryA jvarAH paramadAruNAH || 77\-73|| svApnikA ye mahotpAtA ye cha duHsvApnikA grahAH | kUShmANDA jR^imbhikA bhaumA droNAH sAnnidhyava~nchakAH || 77\-74|| bhramikAH prANahartAro ye cha bAlagrahAdayaH | manobuddhIndriyaharAH sphoTakAshcha mahAgrahAH || 77\-75|| mahAshanA balibhujo mahAkuNapabhojanAH | divAcharA rAtricharA ye cha sandhyAsu dAruNAH || 77\-76|| pramattA vA.apramattA vai ye mAM bAdhitumudyatAH | te sarve kArttavIryasya dhanurmuktasharAhatAH || 77\-77|| sahasradhA praNashyantu bhagnasattvabalodyamAH | ye sarpA ye mahAnAgA mahAgiribileshayAH || 77\-78|| kAlavyAlA mahAdaMShTrA mahAjagarasa.nj~nakAH | anantashUlikAdyAshcha daMShTrAviShamahAbhayAH || 77\-79|| anekashatashIrShAshcha khaNDapuchChAshcha dAruNAH | mahAviShajalaukAshcha vR^ishchikA ruktapuchChakAH || 77\-80|| AshIviShAH kAlakUTA mahAhAlAhalAhvayAH | jalasarpA jalavyAlA jalagrAhAshcha kachChapAH || 77\-81|| matsyakA viShapuchChAshcha ye chAnye jalavAsinaH | jalajAH sthalajAshchaiva kR^itrimAshcha mahAviShAH || 77\-82|| guptarUpA guptaviShA mUShikA gR^ihagodhikAH | nAnAviShAshcha ye ghorA mahopaviShasa.nj~nakAH || 77\-83|| ye.asmAnbAdhitumichChanti sharIraprANanAshakAH | te sarve kArtavIryasya khaDgasAhasradAritAH || 77\-84|| dUrAdeva vinashyantu praNaShTendriyasAhasAH | manuShyAH pashavo tvR^ikShavAnarA vanagocharAH || 77\-85|| siMhavyAghravarAhAshcha mahiShA ye mahAmR^igAH | gajAstura~NgA gavayA rAsabhAH sharabhA vR^ikAH || 77\-86|| shunakA dvIpinaH shubhrA mArjArA bilalolupAH | shR^igAlAH shashakAH shyenA garutmanto viha~NgamAH || 77\-87|| bheruNDA vAyasA gUdhrA haMsAdyAH pakShijAtayaH | udbhijjAshchANDajAshchaiva svedajAshcha jarAyujAH || 77\-88|| nAnAbhedakule jAtA nAnAbhedAH pR^ithagvidhAH | ye.asmAnbAdhitumichChanti sandhyAsu cha divA nishi || 77\-89|| te sarve kArtavIryasya gadAsAhasradAritAH | dUrAdeva vinashyantu vinaShTagatipauruShAH || 77\-90|| ye chAkShemapradAtAraH kUTamAyAvinashcha ye | mAraNotsAdanonmUladveShamohanakArakAH || 77\-91|| vishvAsaghAtakA duShTA ye cha svAmidruho narAH | ye chAtatAyino duShTA ye pApA gopyahAriNaH || 77\-92|| dAhopaghAtagaralashastrapAtAtiduHkhadAH | kShetravittAdiharaNabandhanAdibhayapradAH || 77\-93|| Itayo vividhAkAro ye chAnye duShTajAtayaH | pIDAkarA ye satataM ChidramichChanti bAdhitum || 77\-94|| te sarve kArtavIryasya chakrasAhasradAritAH | dUrAdeva kShayaM yAntu vinaShTabalasAhasAH || 77\-95|| ye meghA ye mahAvarShA ye vAtA yAshcha vidyutaH | ye mahAshanayo dIptA ye nirghAtAshcha dAruNAH || 77\-96|| ulkApAtAshcha ye ghorA ye mahendrAyudhAdayaH | sUryendukujasaumyAshcha gurukAvyashanaishcharAH || 77\-97|| rAhushcha ketavo ghorA nakShatrA rAshayastathA | tithayaH sa~NkramA mAsA hAyanA yuganAyakAH || 77\-98|| manvantarAdhipAH siddhA R^iShayo yogasiddhayaH | nidhayo R^igyajuHsAmAtharvaNAshchaiva vahnayaH || 77\-99|| R^itavo lokapAlAshcha pitaro devasaMhatiH | vidyAshchaiva chatuHShaShTibhedA yA bhuvanatraye || 77\-100|| ye tvatra kIrtitAH sarve ye chAnye nAnukIrtitAH | te santu naH sadA saumyAH sarvakAlasukhAvahAH || 77\-101|| Aj~nayA kArtavIryasya yogIndrasyAmitadyuteH | kArtavIryArjuno dhanvI rAjendro haihayeshvaraH || 77\-102|| dashAsyadarpahA revAlIlAdR^iptaH sudurjayaH | duHkhahA chauradamano rAjarAjeshvaraH prabhuH || 77\-103|| sarvaj~naH sarvadaH shrImAn sarvashiShTeShTadaH kR^itI | rAjachUDAmaNiryogI saptadvIpAdhinAyakaH || 77\-104|| vijayI vishvajidvAgmI mahAgatiralolupaH | yajvA viprapriyo vidvAn brahmaj~neyaH sanAtanaH || 77\-105|| mAhiShmatIpatiryodhA mahAkIrtirmahAbhujaH | sukumAro mahAvIro mArIghno madirekShaNaH || 77\-106|| shatrughnaH shAshvataH shUraH sha~NkhabhR^idyogivallabhaH | mahAbhAgavato dhImAnmahAbhayavinAshanaH || 77\-107|| asAdhyI vigraho divyo bhAvo vyAptajagattrayaH | jitendriyo jitArAtiH svachChando.anantavikramaH || 77\-108|| chakrabhR^itparachakraghnaH sa~NgrAmavidhipUjitaH | sarvashAstrakalAdhArI virajA lokavanditaH || 77\-109|| vIro vimalasattvADhyo mahAbalaparAkramaH | vijayashrImahAmAnyo jitArirmantranAyakaH || 77\-110|| khaDgabhR^itkAmadaH kAntaH kAlaghnaH kamalekShaNaH | bhadravAdapriyo vaidyo vibudho varado vashI || 77\-111|| mahAdhano nidhipatirmahAyogI gurupriyaH | yogADhyaH sarvarogaghno rAjitAkhilabhUtalaH || 77\-112|| divyAstrabhR^idameyAtmA sarvagoptA mahojjvalaH | sarvAyudhadharo.abhIShTapradaH parapura~njayaH || 77\-113|| yogasiddho mahAkAyo mahAvR^indashatAdhipaH | sarvaj~nAnanidhiH sarvasiddhidAnakR^itodyamaH || 77\-114|| ityaShTashatanAmoktyA mUrtayo dasha dikpathi | samyagdashadisho vyApya pAlayantu cha mAM sadA || 77\-115|| svasthAH sarvendriyAH santu shAntirastu sadA mama | sheShAdyA mUrtayo.aShTau cha vikrameNaiva bhAsvarAH || 77\-116|| agninirR^itivAyvIshakoNagAH pAntu mAM sadA | mama saukhyamasambAdhamArogyamaparAjayaH || 77\-117|| duHkhahAniravighnashcha prajAvR^iddhiH sukhodayaH | vA~nChAptiratikalyANamavaiShamyamanAmayam || 77\-118|| anAlasyamabhIShTaM syAnmR^ityuhAnirbalonnatiH | bhayahAniryashaH kAntirvidyA R^iddhirmahAshriyaH || 77\-119|| anaShTadravyatA chaiva naShTasya punarAgamaH | dIrghAyuShyaM manoharShaH saukumAryamabhIpsitam || 77\-120|| apradhR^iShyatamatvaM cha mahAsAmarthyameva cha | santu me kArtavIryasya haihayendrasya kIrtanAt || 77\-121|| ya idaM kArtavIryasya kavachaM puNyavarddhanam | sarvapApaprashamanaM sarvopadravanAshanam || 77\-122|| sarvashAntikaraM guhyaM samastabhayanAshanam | vijayArthapradaM nR^INAM sarvasampatpradaM shubham || 77\-123|| shR^iNuyAdvA paThedvApi sarvakAmAnavApnuyAt | chaurairhR^itaM yadA pashyetpashvAdidhanamAtmanaH || 77\-124|| saptavAraM tadA japyennishi pashchimadi~NmukhaH | saptarAtreNa labhate naShTadravyaM na saMshayaH || 77\-125|| saptaviMshatidhA japtvA prAchIdigvadanaH pumAn | devAsuranibhaM chApi parachakraM nivArayet || 77\-126|| vivAde kalahe ghore pa~nchadhA yaH paThedidam | vijayo jAyate tasya na kadAchitparAjayaH || 77\-127|| sarvarogaprapIDAsu tredhA vA pa~nchadhA paThet | sa rogamR^ityuvetAlabhUtapretairna bAdhyate || 77\-128|| samyagdvAdashadhA rAtrau prajapedbandhamuktaye | tridinAnnigaDAdbaddho muchyate nAtra saMshayaH || 77\-129|| anenaiva vidhAnena sarvasAdhanakarmaNi | asAdhyamapi saptAhAtsAdhayenmantravittamaH || 77\-130|| yAtrAkAle paThitvedaM mArge gachChati yaH pumAn | na duShTachauravyAghrAdyairbhayaM syAtparipanthibhiH || 77\-131|| japannAsechanaM kurva~njalenA~njalinA tanau | na chAsau viShakR^ityAdirogasphoTaiH prabAdhyate || 77\-132|| kArtavIryaH khaladveShI kR^itavIryasuto balI | sahasrabAhuH shatrughno raktavAsA dhanurdharaH || 77\-133|| raktagandho raktamAlyo rAjA smarturabhIShTadaH | dvAdashaitAni nAmAni kArtavIryasya yaH paThet || 77\-134|| sampadastasya jAyante janAstasya vashe sadA | yaH sevate sadA vipra shrImachchakrAvatArakam || 77\-135|| tasya rakShAM sadA kuryAchchakraM viShNormahAtmanaH | mayaitatkavachaM vipra dattAtreyAnmunIshvarAt || 77\-136|| shrutaM tubhyaM nigaditaM dhArayasvAkhileShTadam || 77\-137|| iti shrIbR^ihannAradIyapurANe pUrvabhAge bR^ihadupAkhyAne tR^itIyapAde kArtavIryakavachakathanaM nAma saptasaptatitomo.adhyAyaH || 77|| bR^ihannAradIyapurANa | pUrvabhAga | adhyAya 77/4\-13 77/15\-137|| ## bRRihannAradIyapurANa . pUrvabhAga . adhyAya 77/4-13 77/15-137.. Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}