% Text title : mArutistavaH % File name : mArutistavaH.itx % Category : hanumaana % Location : doc\_hanumaana % Author : Nityananda Shastri % Transliterated by : Shree Devi Kumar shreeshrii at gmail.com % Proofread by : Shree Devi Kumar shreeshrii at gmail.com % Description/comments : Each line of the composition starts from the rAmarakShA kavacha part (shiro me rAghavaH pAtu) % Latest update : October 21, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Maruti Stava ..}## \itxtitle{.. shrImArutistavaH ..}##\endtitles ## || shrImata rAmAya namaH || etatstavIyapachaikaikapAdaprathamA.akSharairuchchAryamANA rAmarakShAstotrIyAete shlokAH \- shiro me rAghavaH pAtu bhAlaM dasharathAtmajaH | kaushalyeyo dR^ishau pAtu vishvAmitrapriyaH shrutI || 1|| ghrANaM pAtu makhatrAtA mukhaM saumitrivatsalaH | jihvAM vidyAnidhiH pAtu kaNThaM bharatavanditaH || 2|| skandhau divyAyudhaH pAtu bhujau bhagneshakArmukaH | karau sItApatiH pAtu hR^idayaM jAmadagnyajit || 3|| madhyaM pAtu kharadhvaMsI nAbhiM jAmbavadAshrayaH | sugrIveshaH kaTI pAtu sakthinI hanumatprabhuH || 4|| urU raghUttamaH pAtu rakShaHkulavinAshakR^it | jAnunI setukR^it pAtu ja~Nghe dashamukhAntakaH || 5|| pAdau vibhIShaNashrIdaH pAtu rAmo.akhilaM vapuH | iti sham | || shrIH || atha shrImArutistavaH | || shrIgaNeshAya namaH || ma~NgalAcharaNam | rAjatejaupame virAjate yA.a.asane mahati rAjate.atra sA | sarvadAnavakadadhni sarvadA sarvadA dadhimathI mathInatAt || 1|| sahaMsakA haMsagatipravINA vINAmupAdAya nijAM svapANau | sarasvatI sA mama chittara~Nge.araM geyamArabhya naTIva nR^ityAt || 2|| mAdhavanandananityAnandanato nandanandano nandyAt | svapadAravindananditamindindiramindiresha ! chA.a.anandyAt || 3|| atha stavaprArambhaH \- shi~njAnama~njamukuTaiH sukuTairivochchai rochirbhiradbhiriva ruddhatarA.antarAlaiH | medhyaiH suraiH padayugaM bahu sichyamAnaM rAmA.anugasya vinumo dyutatarUpamAnam || 1|| gharmopamAnabhavatApajuShaH pumAMso.a\- vaH satyameva sukhadaH paridarshyate vaH | pAdadyupAdapa udeti vanaukaso.arti\- tuchChAya eSha iti tattalamAshrayadhvam || 2|| bhA yannakhebhya uditA muditA samudra\- la~Nghasya sAdhu samaye samayAdadhastAt | darvIkarebhya iva sUchayituM priyaM svaM sharma prayachChatu kapIshapadadvayaM tat || 3|| raktA hi yatra bhR^ishama~NgulaMyo ramante.a thAtsAriteva ruchirA ruchirAshrayaM yam | matvA paraM vrajati raktatarA.api sasvau\- jaH saMyuto hanumato nu matoM.aghripadmaH || 4|| kau dhAvate.a tigamitAmbudhaye tu yasmai shalyAdibhirvirahitAM sahitAM prakAshaiH | yeyAmiva sphuTayitaM padavIM yadIyA yojyeva yAti padarukpurataH sa pAtu || 5|| dR^iShTvA yadIyapadapa~NkajamekavAraM shauTIryavIryasahitaM jalarAshila~Nghe | pApAt pramuchyata ihaiva narashcha pUjyo.a tulyo bhavatya.avatu so.anilanandano naH || 6|| vityajya yAti janakasya gR^ihaM hi jAtA shvAsAratAM sudadhatI svavivR^iddhikAle | mithyAtvahInamiti nirdishatIva yadbhA.a trasthenaveshma bhajate bhaja te pade hR^it || 7|| priya sarvadaiva bahuraktatarA.a~NgulIShu yaH shrImato hanumato.a~NghriyugaprakAshaH | shrutyAdikIrtitaguNo dashadikShu sUryo.a\- tIndhe.ayamitya.avagataH kavibhissavo.avyAt || 8|| ghrAtavyabhavyasurabhiH surabhiH sadA pra\- NandanmanobhiramarairbhramarairivochchaiH | pApapratApasusamApanatAparaH so.a\- tulyaH punAtu puru pAvanipAdapadmaH || 9|| mayyuchChritAtmani ka edhata A itIva khajyotiShAM samudayAya ruSheva raktA | trAsaM pradAtumita eti hi yatprabhord.hdhvaM tAryAtsa deva.bhavato bhavatoM.aghripadmaH || 10|| itipAdavarNanaM samAptam || mu~nchan phaNAmajagaro.atigaro.ayamitthaM khaM saMspR^ishannuparitaH paritashcha yasya | saulabhyataH parichitaH kavibhiH supuchCho mithyAtvamantayatu naH sa samIrasUnuH || 11|| triryaM svapuchChamalamachChakashAsupaTTa\- vat santataM hyuparitaH paritaH prakampya | santADitA hanumatA ripavaH sa dhUte\- laH kampayeta kimunA.asmadarAtivargam || 12|| jitvA.akShamuchChalitamanyaparaM pratIvA.a.a\- hvAM karttumIhitavataH samadaM samAnam | virvAladhI rayata aidiva khaM hi yasyA.a\- dyA.asmAn prabodhayatu so.aprathamovanaukAH || 13|| ninye yamAshu shamitAM shamitasvabhaktA.a.a\- dhiH shAnta eva hi harismaraNe hanUmAn | pApidviShAM cha shamane svayamudbhaTaH sva\- tulyaM vyadhAchChamiha guchChayatAtsa puchChaH || 14|| kandarpadarpadalanaM galananditA.ahiM ThaM dadhyuSho.avatu kapeH stimitaH sa puchChaH | bhavyo.abhavattadanu yasya hi vAlahasto rakShodayA.anugatiyantritasUtrashAlI || 15|| tanyAttamAmatimatiM vihitastutInAM vandyasya taddhanumato lalitaM sulUmam | diShTA.ahibandhanamarivrajamAshu yene taHprakShato.api phaNineva babandha vIraH || 16|| skandAbha IshajatayA cha sashaktitAyAM dhaureyatAM kapibale dadhadedhatAM saH | diShTyA tu yasya bhavakUpanimagnajantUn vyAmohitAnupari karShati puchCharajjuH || 17|| yuddhe hi yena karaTIva kareNa vIro.a\- dhaH pAtayan viTapino nahi vighnamApa | pApaM lunAtu malamallakinaH sumalla\- tulyasya lUmamamalaM mama lambitaM tat || 18|| bhu~njIta tatphalamihaiva sa yo yada~njyAj\- jaurtyapradaM parahR^ido nidishannitIva | bhavyo hi yo.ariShu tamaikShayatarddhimApyA.a\- gneH pUrvamAtmani sa pAtu kapIshapuchChaH || 19|| shakto nishAcharamahaHshithilIkR^itau yaH kArye vashIkaraNa Ashu cha shUra eva | mu~nchedvashesthitamariM sukashaiva shobhau\- kaH prAtu shauyamanishaM bahushaH sa puchChaH || 20|| iti puchChavarNanaM samAptam || kaNThottamA~Ngalasitau susitAvivA.ahI raupyAviva svatanujAya hareNa dattau | sIdadbhirevamaribhiH pravitarkitau yau tAvatra shaM vitanutAM kapirAjabAhU || 21|| padmeshanAmakathakAnprati nR^inpradatto\- tiHshrIshadUta uditaM yamadUtamante | pAtyaM prapAtya miShato nu yayordadhe tat\- tuchChasya mudgarayugaM bhaja tadbhajau tau || 22|| hR^ityA.a~Ngato.arisudR^ishAM mR^itabhartR^ikANAM dasyoH pR^ithoH svasahasA sahasA cha hR^ityA | yantreNa yoM.agadamaNerbhujayoshcha tatrA.a\- jAnAnnu dA.arthachayamAshu vibhuH sa pAyAt || 23|| mahyudbhavA.arpitamaNigrahaNakShaNe.anu\- daggrA.a.ananasya sukapernamito bhujo yaH | nyasya svake.ahisamatAM natapANikoSha\- jit. sanmaNIphaNamaNI manute stuve tam || 24|| matvA giriM tR^iNamivoddhR^itavAnkapIsho.a dhya~Nga hi yasya sahasA sa harIshabAhuH | pApairnishAcharachayaistrapayaiva dR^iShTo.a\- tulyaH shuchaM shamayatAmayatA~ncha shobhAm || 25|| khadyotamudgatamavetya rasAlameva ratyA tamAptumita utpatato.ati vAteH | dhva~njaddhR^iNirbhujayugalyadhirohiNI yA sIdannR^iNAM divi gamAyatatA shraye tAm || 26|| nAbhasvatasya cha sadarpakacheShTitaM tad bhindAnamartigaNamujjvalachArushobham | jAgratpalAshapatanaM madhumAdhavIyA\- mbahvIM shriyaM tulayaduchyatu dordvayaM vaH || 27|| vanyeshiturbhujalatA.a~NgulishAkhikA.avyA\- dAsaktapANidalaka~NkaNikAH cha tatra | shraddheyamutpR^ithu darasphuTitaM sumaM tad yaH sArthakaH karadhR^itaH khalu mudgaro.asti || 28|| saShThu smarAmya.api cha tau sukapipraveShTau grIvAsukambumati nAbhijalabhramADhye | velotkaTe hanumato.a~Ngyudadhau cha yau sA.a.a shaH satkaviH sumanute taTabhittibandhau || 29|| ka~njAsanena rachitA riputADanAya TIkyAvimau hanumataH kimu dIrghadaNDau ?| pA stambhako hariradhAduta dhartumaryA\- tunnaM jagannviti matau nama vAtibAhU || 30|| iti bhujavarNanaM samAptam || saktadyuterdyutivibhAtavibhAtakAlot\- thitya.achChakachChavidhR^ito ravimaNDalasya | nIkAshabhAvamayamAnamathA.asamAnaM haryachChabhallapatimantrimukhaM tadavyAt || 31|| nutyo raviH kimudito na tu pUrvasAnu\- matkUTa eSha kimu rAjati pUrNachandraH ?| pratyakShametadaha rA manitaM tu yasyA.a.a\- bhuH. sammudA janakajA.aptijayA.a.antarANi || 32|| UrU pratADayata eva hi tasya vAte rUDhaprasAdamavalokyata AnanAbjam | ratyeti sa.nprathita R^ikShamukhaiH sadA sa ghUtakR^innishATagaNamejayatAM mukhenduH || 33|| tathyaM bhavedajalajo yadi padma udyad\- maH sarvadA.api cha sa tApanamaNDalena | pAdotkareNa na hi jAtva.api tApitaH syAt tulyatvamAtmani tadaiva labheta yena || 34|| ratyA yutaH sukavivatsunibandhadattA.a kShaH kiM katha~nchana haThAttapadaprayoktA | ku~nchan bhruvau virachane kavivaryamAnI labdhuM kavIshvarapadaM prabhavenmanuShyaH ? || 35|| vij~nAya hetuta ito.atulatAM tu tasya nA.amUdR^isho guNagaNaM hanumanmukhasya | shaknomi varNayitumarNavapUrNatA.anu\- kR^ita pArthavaM nu viramAmi namAmi yadvA || 36|| jAtaM yato janakajA.adhigamottaraM chA\- nudhvAni garjitamudUrjitamArjavADhyam | nItvA svakarNapathamavdhitaTe bhaTendrAH sehurna karNayitumarNavapUrNagIrNam || 37|| tuShTA vitarkya shikhino ghanagarjittaM yat kR^itasnAshcha naijalalanAlalanAvilolAH | pAthodhimAptavata Aptavidehajasya tuShTiM hanUmata ivA.a.atanituMvyanR^ityan || 38|| jantuvrajo.api vanajo hR^itabhaktasaktA.a\- ghehaM hi yatsapadi kesarinandanasya | dakShaM nishamya manasA.avahitena chitraM sharmaprakarShamatulaM labhate salIlam || 39|| mukhyasya markaTakule batayAtudhAnAn khANDyaM sunItavata Ashugajasya yachcha | tathyaM vyabudhyata tadA jayatopashabdaM kaH satkavirnahi kapIndramukhaM tadavyAt || 40|| iti mukhavarNanaM samAptam || pAdena yo.arishirasi praharti vidhAya dauHkhyapradAM svacharaNasya cha shoNimAnam | vij~no nyadarshayata raktamiSheNa nUnaM bhInAshakaH kapivaro.astu sa me prasannaH || 41|| ShaTrapabhdirIshvarapadAmbujayoryakaH pra\- Natya sthito.aliriti chAshugajashva nAgaiH | shrImanmR^igAribhiru kesariputra itya.a\- daH sa.npradhArya jagR^ihe svata evamebhiH || 42|| pAtAtsa pAvanirapAvanapApapAtAt\- tunnasvakAniha bhave paridhinvitunnaH | rAgA.a.attarAma iti chAkShajayI nirAgA mokShaprado.apyavihitasvasubhaktamokShaH || 43|| khinnatvamApya ruditena cha yo.astrapatvaM la~NkaukasAmR^itamasAdhayadA~njaneyaH | vandyaH sva aikShata shivodbhavatAM yayA chA.a.a\- puH kShemamAtmasuhR^idaH sa karotu bhadram || 44|| iti shrIhanumad varNanaM samAptam || AdyA.akSharaprakaTitottamarAmarakShA\- stotrIyapadyamaNinA.atya.amunA stavena | rakShA bhavatyubhayatastviti geya ityo.a\- ShTavyastathaiSha paThanIya uchelimo.archyaH || 45|| dAdhIchavaMsha udaye hyudiyAya kAsa\- lyopAhvayashChira ino dvijarAmavakShaH | tasyAtmajeShu kila pa~nchasu pUrvajanmA shrImAdhavo.adharata dhIradhurandharatvam || 46|| ekAtmavR^ittarachane vidadhatpratij~nA shAstrArthasaMlapanamAdhita yaH sabhAsu | shrIgaTTulAlabudhatarkagireshatArA\- nAthAdibhirguNivaraishcha bahuprashastaH || 47|| tatputrayorbhagavatItipadAdilAlo jyeShTho.asti paNDitavaraH pitR^ilabdhavidyaH | tasyA.anujena cha sushiShyavareNa nityA\- nandAbhidhena budhapAdasuki~NkareNa || 48|| eSha stavo.arachi mayotsavavaijayantyAM sampUrNavAsaramahAdhuri vai jayantyAm | lokAn pramodajaladhAvanumajjayantyAM varShetriShaNnavakuge hanumajjayantyAm || 49|| purobhAgitayA hInAH puro bhAgitayA yutAH | utsAhayeyuratrA.a.aryA dayAdR^ikpAtanena mAm || 50|| itishrIyodhapurasthadAdhimatha (dAhimA) kAsalyopAkhya\- dhIradhurINashrImAdhavAtmajA.a.ashukavi paNDita nityAnandashAstrirachitaH shrImArutistavaH samAptaH || shubhaM bhavatAt || ## Encoded and proofread by Shree Devi Kumar shreeshrii at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}